ວັນເສົາ ທີ 4 ເມສາ 2020

ໄປສ່ອງບັນດາປະເທດທີ່ຮັບມື ໂຄວິດ-19 ໄດ້ຢ່າງມີປະສິດທິພາບ ພວກເຂົາເຮັດແນວໃດຈຶ່ງຄຸມພະຍາດຢູ່?

ໄປສ່ອງບັນດາປະເທດທີ່ຮັບມື ໂຄວິດ-19 ໄດ້ຢ່າງມີປະສິດທິພາບ ພວກເຂົາເຮັດແນວໃດຈຶ່ງຄຸມພະຍາດຢູ່?
S! Muan

ສະໜັບສະໜູນເນື້ອຫາ

ສະພາບການແພ່ລະບາດຂອງໄວຣັດໂຄໂຣນາ 2019 ຫຼື ພະຍາດ ກຳລັງເຄັ່ງຕຶງໃນທົ່ວໂລກ ມາຮອດປັດຈຸບັນ ມີຜູ້ຕິດເຊື້ອສະສົມແລ້ວຫຼາຍກວ່າ 330,000 ຄົນໃນ 192 ປະເທດ ແລະ ເຂດປົກຄອງ ທົ່ວໂລກ, ມີຜູ້ເສຍຊີວິດສະສົມແລ້ວປະມານ 14,641 ຄົນ. ສ່ວນໃນ ສປປ ລາວ ຍັງບໍ່ທັນມີລາຍງານກໍລະນີຕິດເຊື້ອເທື່ອ ຂະນະທີ່ທາງພາກລັດ ກໍໄດ້ເອົາໃຈໃສ່ປະຕິບັດມາດຕະການຕ່າງໆເພື່ອສະກັດກັ້ນ ແລະ ປ້ອງກັນການແພ່ລະບາດຂອງພະຍາດດັ່ງກ່າວພາຍໃນປະເທດ.

ມື້ນີ້ ເຮົາຈະພາໄປສຳຫຼວດບັນດາປະເທດທີ່ມີການແພ່ລະບາດຂອງພະຍາດນີ້ເກີດຂຶ້ນ ແລະ ສາມາດຮັບມືໄດ້ເປັນຢ່າງດີ ມີປະສິດທິພາບ. ມີປະເທດໃດແດ່ນັ້ນ ໄປເບິ່ງພ້ອມກັນເລີຍ.


ພາບ: Catherine Lai / AFP

ສິງກະໂປ

ປັດ​ໄຈ 4 ປະ​ການ​ທີ່​ເປັນ​ຈຸດ​ແຂງ​ຂອງ​ສິງກະໂປ ຄື: ຄວາມ​ມີ​ສະຖຽນລະພາບ​ຂອງ​ລັດຖະບານ, ເຕັກໂນໂລຊີ​ທີ່​ຕິດ​ຕັ້ງ​ຮ່ວມ​ກັບ​ລະບົບ​ສາ​ລະນູປະ​ໂພກ​ພື້ນ​ຖານ​ມີ​ຄວາມ​ທັນ​ສະໄໝ, ປະເທດ​ມີ​ຂະໜາດ​ນ້ອຍ ເຮັດໃຫ້​ຕິດ​ຕາມ​ຜູ້​ຖືກ​ສົງໄສ​ຕິດ​ເຊື້ອ​ໄດ້​ງ່າຍ​ກວ່າ​ປະເທດ​ຈີນ​ທີ່​ມີ​ຂະໜາດ​ໃຫຍ່​ ແລະ ​ປະຊາກອນ​ຈຳນວນ​ມະຫາ​ສານ. ສ່ວນ​ປັດ​ໄຈ​ສຸດ​ທ້າຍ ຄື ລະບົບ​ເສດຖະກິດ​ທີ່​ໝັ້ນຄົງ ເຮັດໃຫ້​ລັດຖະບານ​ສິງກະໂປ​ສາມາດ​ຈັດຕັ້ງປະຕິບັດ​ມາດຕະການ​ປ້ອງ​ກັນ​ການ​ແພ່ລະບາດ​ທີ່​ສົ່ງ​ຜົນ​ກະທົບ​ຕໍ່​ເສດຖະກິດ​ໄດ້.

ນອກ​ຈາກ​ນັ້ນ ພັກ​ລັດຖະບານ​ສິງກະໂປ​ຢູ່ໃນ​ອຳນາດ​ມາ​ຢ່າງ​ຕໍ່​ເນື່ອງ​ຍາວ​ນານ​ນັບ​ຕັ້ງ​ແຕ່​ປີ 1965 ຈຶ່ງ​ມີ​ຄວາມ​ເປັນ​ເອກະ​ພາບ​ສູງ, ການ​ບໍລິຫານ​ຈັດການ​ດ້ານ​ຕ່າງ​ໆ ເຮັດ​ໄດ້​ຢ່າງ​ຕໍ່​ເນື່ອງ. ສ່ວນ​ລະບົບ​ເຕັກໂນໂລຊີ​ໃນ​ພື້ນ​ທີ່​ສາທາລະນະ ບໍ່​ວ່າ​ຈະ​ເປັນ​ກ້ອງ​ວົງ​ຈົນ​ປິດ​ ຫຼື ຖານ​ຂໍ້​ມູນ​ອອນ໌ລາຍ​ຈາກ​ສາຍ​ການ​ບິນ​ ຫຼື ບໍລິສັດ​ທ່ອງ​ທ່ຽວ​ເອກະ​ຊົນ ຊ່ວຍ​ໃຫ້​ເຈົ້າ​ໜ້າທີ່​ສາມາດ​ຕິດ​ຕາມ​ຕົວ​ຜູ້​ທີ່​ເດີນທາງ​ມາ​ຈາກ​ພື້ນ​ທີ່​ແພ່ລະບາດ​ຂອງ​ເຊື້ອ​ໄວ​ຣັດດັ່ງກ່າວໄດ້​ຢ່າງ​ມີ​ປະ​ສິດ​ທິ​ພາບ.

ປະຊາກອນ​ໃນ​ສິງກະໂປ​ມີ​ຈຳນວນ​ປະ​ມານ 5.7 ລ້ານ​ຄົນ ແລະ​ ພື້ນ​ທີ່​ທົ່ວ​ປະເທດ​ປະມານ 716 ຕາ​​ກິ​ໂລ​ແມັດ ຊຶ່ງ​ຖ້າ​ຫາກ​ປຽບທຽບ​ຂະໜາດ​ ແລະ​ ຈຳນວນ​ປະຊາກອນ, ສິງກະໂປ​ບໍ່​ໄດ້​ໃຫຍ່​ໄປ​ກວ່າ​ຮົງກົງ ເຂດ​ບໍລິຫານ​ພິເສດ​ຂອງ​ຈີນ, ການ​ຈັດການ ​ແລະ​ ຕິດ​ຕາມ​ໃຫ້​ຄຳ​ແນະ​ນຳ​ປະຊາກອນ​ໃນ​ແຕ່​ລະ​ພື້ນ​ທີ່​ຈຶ່ງ​ມີ​ຄວາມ​ກວມເອົາ​ກວ່າ​ປະເທດ​ອື່ນ​ໆ ທີ່​ມີ​ຂະໜາດ​ໃຫຍ່​ກວ່າ.

ທີ່​ສຳຄັນ ສິງກະໂປ​ເປັນ​ປະເທດຮັ່ງມີ​ຕິດ​ອັນ​ດັບ​ຕົ້ນ​ໆຂອງ​ເອ​ເຊຍ ຈຶ່ງ​ສາມາດ​ປະ​ກາດ​ຫ້າມ​ຊາວ​ຈີນ​ທັງ​ຈາກ​ເມືອງ​ອູ່​ຮັ້ນ ​ແລະ ​ເມືອງ​ອື່ນ​ໆ ໃນ​ແຂວງ​ຫູ​ເປີ່ຍ​ຊຶ່ງ​ເປັນ​ຕົ້ນ​ຕໍ​ການ​ແພ່ລະບາດ ບໍ່​ໃຫ້​ເຂົ້າ​ມາ​ໃນ​ສິງກະໂປ​ໄດ້​ຕັ້ງ​ແຕ່​ໄລຍະທຳອິດ ທີ່​ຈີນ​ສັ່ງ​ປິດ​ເມືອງ​ອູ່​ຮັ້ນ ແຕ່​ປະເທດ​ອື່ນ​ໆ ທີ່​ຕ້ອງ​ເພິ່ງ​ພາ​ລາຍ​ໄດ້​ຈາກ​ນັກ​ທ່ອງ​ທ່ຽວ​ຈີນ​ຈຳນວນ​ຫຼາຍ​ຍັງ​ບໍ່​ປະ​ກາດ​ຫ້າມ​ຊາວ​ຈີນ ເພາະ​ຢ້ານ​ວ່າ​ຈະ​ສົ່ງ​ຜົນ​ກະທົບ​ຕໍ່​ເສດຖະກິດ.

ນອກ​ຈາກ​ນີ້ ສິງກະໂປ​ຍັງປະ​ກາດ​ຈັດ​ສັນງົ​ບ​ປະ​ມານ 4,500 ລ້ານໂດລາ໌ (ປະ​ມານ 40,161 ຕື້ກີບ) ເພື່ອ​ຮັບ​ມື​ກັບ​ຜົນ​ກະທົບ​ຈາກ​ໄວ​ຣັດ​ໃນ​ໄລຍະຍາວ ຊຶ່ງ​ຈະ​ເປັນ​ການ​ຂາດ​ດຸນ​ງົບ​ປະ​ມານ. ແຕ່​ລັດຖະບານ​ຢືນຢັນ​ວ່າ​ຈະ​ບໍ່​ກະທົບ​ຕໍ່​ເສດຖະກິດ.


ພາບ: Sam Yeh/AFP

ໄຕ້​ຫວັນ

ປາຍ​ເດືອນມັງກອນ 2020 ໄຕ້​ຫວັນ​ປະ​ກາດ​ປັບໃໝ​ເງິນ​ຊາຍ​ຜູ້​ຕິດ​ເຊື້ອ​ໄວ​ຣັດ​ໂຄ​ວິດ​-19 ໃຫ້​ກັບ​ທາງ​ການ​ເປັນ​ເງິນ 10,000 ໂດລາສະຫະລັດ ຫຼື ປະມານ 89.2 ລ້ານກີບ ໂທດ​ຖານ​ທີ່​ຜູ້ກ່ຽວ​ຈົງ​ໃຈ​ປົກ​ປິດ​ອາການ​ປ່ວຍ​ຂອງ​ຕົວ​ເອງ​ພາຍ​ຫຼັງ​ເດີນທາງກັບ​ຈາກ​ເມືອງ​ອູ່ຮັ້ນ ແຂວງຫູເປີ່ຍ​ຂອງ​ຈີນ ຊຶ່ງ​ເປັນ​ແຫຼ່ງ​ລະບາດ​ຂອງ​ໄວ​ຣັດ. ຂະນະ​ທີ່​ສູນ​ຄວບ​ຄຸມ​ພະຍາດ​ຈັດ​ຕັ້ງ​ສູນ​ບັນ​ຊາ​ການພະຍາດລະບາດ​ເພື່ອ​ອອກ​ມາດຕະການ​ຮັບ​ມື​ໂຄ​ວິດ​-19 ຢ່າງມີການປະສານກັນ ​ແລະ ​ເປັນ​ລະບົບ​ລະຫວ່າງ​ໜ່ວຍ​ງານ​ຕ່າງ​ໆ​ທີ່​ກ່ຽວ​ຂ້ອງ​ໃນ​ວັນທີ 20 ມັງກອນ. 

ໃນ​ວັນທີ 26 ມັງກອນ ຊຶ່ງ​ເປັນ​ໄລຍະ​ເວລາ​ພຽງ 5 ມື້​ເທົ່າ​ນັ້ນ​ຫຼັງ​ພົບ​ຜູ້​ຕິດ​ເຊື້ອ​ລາຍທຳອິດ, ໄຕ້​ຫວັນ​ປັບ​ປຸງມາດຕະການ​ຢ່າງ​ວ່ອງໄວ ສັ່ງ​ຫ້າມ​ບໍ່​ໃຫ້​ຄົົນທີ່​ມາ​ຈາກ​ເມືອງ​ອູ່ຮັ້ນ​ເດີນທາງ​ເຂົ້າ​ປະເທດ ກ່ອນ​ຂະຫຍາຍ​ມາດຕະການ​ຫ້າມ​ບໍ່​ໃຫ້​ທຸກ​ຄົນ​ຈາກ​ຈີນ​ເດີນທາງ​ເຂົ້າ​ມາ ຍົກ​ເວັ້ນ​ປະຊາຊົນ​ຊາວ​ໄຕ້​ຫວັນ​ເອງ​ເທົ່າ​ນັ້ນ.

ໄຕ້​ຫວັນ​ມີ​ການ​ປະ​ກາດ​ໃຊ້​ເຕັກໂນໂລຊີ​ໃນ​ການ​ຈັດການ​ຂໍ້​ມູນ​ຂອງ​ນັກ​ເດີນທາງ ໂດຍ​ໃຫ້​ຜູ້​ທີ່​ເດີນທາງ​ເຂົ້າ​ປະເທດ​ສ​ະແກນ​ຄິວ​ອາ​​ໂຄດ​ເຂົ້າ​ໃຊ້​ແອັບພລິເຄຊັນ​ລາຍ​ງານ​ປະຫວັດ​ການເດີນທາງ​ ແລະ​ ຂໍ້​ມູນ​ກ່ຽວກັບ​ສຸຂະພາບຂອງ​ຕົນ ເພື່ອ​ສົ່ງ​ໄປ​ລວມ​ທີ່​ສູນ​ຄວບ​ຄຸມ​ພະຍາດ. ສຳລັບ​ໃຜ​ກໍ​ຕາມ​ທີ່​ຫາກໍ່​ເດີນທາງກັບ​ຈາກ​ພື້ນ​ທີ່​ສ່ຽງ​ຈຳ​ເປັນ​ຈະ​ຕ້ອງ​ກັກບໍລິເວນຕົວເອງເພື່ອ​ເບິ່ງ​ອາການ​ຢູ່​ເຮືອນເປັນເວລາ 14 ມື້ ເຖິງວ່າ​ຈະ​ບໍ່​ມີ​ການ​ສະແດງ​ອາການ​ໃດ​ໆ​ກໍ​ຕາມ​ ໂດຍ​ຈະ​ມີ​ການ​ກວດ​ສອບ​ຜ່ານ​ແອັບພລິເຄຊັນ​ໃນ​ໂທລະ​ສັບ​ມື​ຖື. ຂະນະ​ທີ່​ພໍ່​ແມ່​ຜູ້​ປົກຄອງ​ກໍ​ຕ້ອງ​ກວດ​ວັດ​ອຸນຫະພູມ​ໃຫ້​ກັບ​ລູກ​ໆ​ກ່ອນ​ສົ່ງ​ຂໍ້​ມູນ​ໃຫ້​ກັບ​ທາງ​ໂຮງຮຽນ ເພື່ອ​ເປັນ​ການ​ກັ່ນຕອງ​ຄົນເຈັບ​ອີກ​ຂັ້ນ​ໜຶ່ງ. 

ນອກ​ຈາກ​ນັ້ນ​ໄຕ້​ຫວັນ​ຍັງໄດ້ປະ​ກາດ​ສັ່ງ​ຫ້າມ​ການ​ສົ່ງ​ອອກ​ໜ້າ​ກາກ​ອະນາໄມ ຈົນ​ສາມາດ​ເພີ່ມ​ການ​ຜະລິດ​ລາຍ​ອາທິດ​ເປັນ 11 ລ້ານ​ອັນ ໂດຍ​ລັດຖະມົນຕີກະຊວງ​ສາທາລະນະສຸກ​ເປີດເຜີຍ​ວ່າ ລັດຖະບານ​ຕັ້ງ​ເປົ້າ​ຈະ​ເພີ່ມ​ການ​ຜະລິດ​ເປັນ 15 ລ້ານ​ອັນ​ໃນ​ອະນາຄົດ​ອັນ​ໃກ້.


ພາບ: AFP

ເກົາ​ຫຼີ​ໃຕ້  

3 ມີນາ ລັດຖະບານ​ເກົາ​ຫຼີ​ໃຕ້​ປະ​ກາດ​ເຮັດ​ສົງຄາມ​ກັບ​ໂຄ​ວິດ​-19 ຢ່າງ​ຈິງ​ຈັງ ມີ​ການ​ສັ່ງ​ທຸ້ມ​ງົບ​ປະ​ມານ​ກວ່າ 209,709 ຕື້ກີບສູ້​ກັບ​ໂຄ​ວິດ​-19. ລັດຖະບານ​ຊີ້​ວ່າ​ການ​ກວດ ​ແລະ ​ຄົ້ນ​ຫາ​ຜູ້​ຕິດ​ເຊື້ອ​ໃນ​ໄລຍະທຳອິດ​​ເປັນ​ສິ່ງ​ສຳຄັນ. ເກົາ​ຫຼີ​ໃຕ້​ໄດ້​ຮຽນ​ຮູ້​ວິທີ​ການ​ຈັດການ​ກັບ​ໄວ​ຣັດ​ທີ່​ແພ່ກະຈາຍ​ໄດ້​ງ່າຍ ວ່ອງໄວ​ ແລະ ​ເປັນ​ວົງ​ກວ້າງ, ດັ່ງ​ນັ້ນ​ການ​ຍົກ​ລະດັບ​ການ​ຄົ້ນ​ຫາ​ຜູ້​ຕິດ​ເຊື້ອ​ຈຶ່ງ​ສຳຄັນ ຊຶ່ງ​ຈະ​ເຮັດໃຫ້​ສາມາດ​ລະບຸ​ຈຳນວນ​ຜູ້​ຕິດ​ເຊື້ອ​ໄດ້​ ແລະ ​ສົ່ງ​ຜົນ​ຕໍ່​ການ​ຄວບ​ຄຸມ​ການ​ແພ່ລະບາດ​ຂອງ​ເຊື້ອ​ໄວ​ຣັດ.

ລັດຖະບານ​ເກົາ​ຫຼີ​ໃຕ້​ໄດ້​ໃຊ້​ຮູບ​ແບບ​ຂອງ​ລະບົບ drive-through ເພື່ອ​ກວດ​ກັ່ນຕອງ​ຜູ້​ຕິດ​ເຊື້ອ ຊຶ່ງ​ລະບົບ​ສາມາດ​ກັ່ນຕອງ​ຜູ້​ຕິດ​ເຊື້ອ​ໄດ້​ມື້​ລະ​ຫຼາຍ​ພັນ​ຄົນ ລວມທັງ​ການ​ໃຫ້​ບໍລິການ​ກວດ​ຫາ​ເຊື້ອ​ໂຄ​ວິດ​-19 ຟ​ຣີ​ກັບ​ປະຊາຊົນ​ທຸກ​ຄົນ ພ້ອມ​ຍັງອອກ​ມາດຕະການ​ຕິດ​ຕາມ​ສະມາຊິກ​ທີ່​ມີ​ຄວາມ​ກ່ຽວ​ຂ້ອງ​ກັບ​ຜູ້​ຕິດ​ເຊື້ອ​ທຸກ​ລາຍ ໂດຍ​ສະເພາະ​ສະມາຊິກ​ລັດ​ທິ​ຊິນ​ຊອນ​ຈິ​ທີ່​ມີ​ຫຼາຍກວ່າ 200,000 ຄົນ​ໃນ​ເມືອງ​ແທ​ກູ​ ແລະ ​ທາງ​ພາກ​ເໜືອ​ຂອງ​ແຂວງ​ຄ​ະຢອງ​ຊັງ.

ວໍ​ຊິງ​ຕັນ​ໂພສກ່າວ​ວ່າ ການ​ທີ່​ປະເທດ​ເກົາ​ຫຼີ​ໃຕ້​ສາມາດ​ຮັບ​ມື​ກັບ​ການ​ລະບາດ​ໄດ້​ຢ່າງ​ເຂັ້ມແຂງ​ນັ້ນ​ເປັນຍ້ອນ​ການ​ເປີດ​ພື້ນ​ທີ່​ໃຫ້​ມີ​ການ​ວິ​ພາກ​​ວິ​ຈານ ​ແລະ ​ສາມາດ​ກວດ​ສອບ​ການ​ເຮັດ​ວຽກງານ​ຂອງ​ລັດຖະບານ​ໄດ້ ໂດຍ​ຄວາມ​ເປັນ​ປະຊາທິປະໄຕ​ກໍ່​ໃຫ້​ເກີດ​ຄວາມ​ສົມ​ດຸນ​ລະຫວ່າງ​ສິດ​​ຂອງ​ປະຊາຊົນ​ກັບ​ຄວາມ​ຮັບ​ຜິດຊອບ​ຂອງ​ລັດຖະບານ​ໃນ​ການ​ເບິ່ງ​ແຍງ​ປະຊາຊົນ​ເພື່ອ​ໃຫ້​ມີ​ຄຸນນະພາບ​ຊີວິດ​ທີ່​ດີ ເນື່ອງ​ຈາກ​ລັດຖະບານ​ປະ​ຊາ​ທິປະໄຕ​ໄດ້​ມອບ​ສັນຍາ​ປະ​ຊາ​ຄົມ​ໃຫ້​ກັບ​ສັງຄົມ​ ແລະ​ ປະຊາຊົນ​ມອບ​ຄວາມ​ຮັບ​ຜິດຊອບ ​ແລະ​ ຄວາມ​ໄວ້​ວາງ​ໃຈ​ໃນ​ການ​ເຮັດ​ວຽກ​ໃຫ້​ກັບ​ລັດຖະບານ​ເຊັ່ນ​ກັນ.

ທັງ​ນີ້​ມາດຕະການ​ຂອງລັດຖະບານ​ເກົາ​ຫຼີ​ໃຕ້​ທີ່​ເນັ້ນ​ເຖິງ​ການ​ໃຫ້​ຂໍ້​ມູນ​ ແລະ​ ລາຍ​ລະອຽດ​ຂອງ​ຜູ້​ຕິດ​ເຊື້ອ​ໂຄ​ວິດ​-19 ຢ່າງ​ໂປ່ງ​ໃສ ທັງ​ການ​ຕິດ​ຕາມ​ຜູ້​ຕິດ​ເຊື້ອ​ດ້ວຍ​ລະບົບ GPS, ການ​ອັບ​ເດດ​ຂອງ​ມູນ​ຂອງ​ຜູ້​ຕິດ​ເຊື້ອ​ແບບທັນໃຈ ​ແລະ ​ສະແດງ​ສະຖານ​ທີ່​ ຫຼື ບໍລິເວນ​ທີ່​ຜູ້​ຕິດ​ເຊື້ອ​ເດີນທາງ​ໄປ ຊຶ່ງ​ເຮັດໃຫ້​ປະຊາຊົນ​ສາມາດ​ກວດ​ສອບ​ ແລະ​ ຫຼີກ​ລ້ຽງ​ບໍລິເວນ​ດັ່ງ​ກ່າວ​ທີ່​ມີ​ຜູ້​ຕິດ​ເຊື້ອ​ໄດ້ ໂດຍ​ການ​ໃຊ້ເຕັກໂນໂລຊີ​ປັນຍາ​ປະດິດ (AI) ແລ ະ​ຖານ​ຂໍ້​ມູນກາງ (Big Data) ເປັນ​ເຄື່ອງ​ມື​ສຳຄັນ​ໃນ​ການ​ຮັບ​ມື​ກັບ​ການ​ແພ່ລະບາດ ຊຶ່ງ​ເຮັດ​ໄດ້​ຢ່າງ​ມີ​ປະ​ສິດ​ທິ​ພາບ​ ແລະ​ ທັນ​ທ່ວງ​ທີ.


ພາບ: AFP

ຈີນ

ດຣ. ແດ​ນຽລ ເຄ​ີ​ເຕ​ສ ຕົວ​ແທນ​ຈາກ WHO ກ່າວ​ວ່າ 'ປະເທດ​ຈີນ​ເປັນ​ຕົວ​ຢ່າງ​ທີ່​ດີ​ໃນ​ການ​ພະຍາຍາມ​ຄວບ​ຄຸມ​ການ​ລະບາດ ໂດຍ​ມີ​ການ​ຮັບ​ມື​ໄດ້​ຢ່າງ​ວ່ອງໄວ​ ແລະ ​ເຮັດໃຫ້​ຈຳນວນ​ຜູ້​ຕິດ​ເຊື້ອ​ລາຍ​ໃໝ່​ຫຼຸດລົງ​ໄດ້​ພາຍ​ໃນ​ໄລຍະ​ເວລາ​ບໍ່​ດົນ'.

ໃນ​ລາຍ​ງານ​ຂອງ WHO ລະບຸ​ວ່າ ຈີນ​ໄດ້​ດຳ​ເນີນ​ຍຸດທະສາດ​ເປັນ 3 ໄລຍະ. ​ໃນ​ໄລຍະທຳອິດ ເພື່ອ​ຄວບ​ຄຸມ​ແຫຼ່ງ​ຕົ້ນ​ກຳ​ເນີດ​ຂອງ​ເຊື້ອ​ ແລະ ​ຕັດ​ວົງ​ຈອນ​ການ​ແພ່ເຊື້ອ​ຕ່າງ​ໆ ທັງ​ການ​ໃຊ້​ມາດຕະການ​ທີ່​ເຂັ້ມ​ງວດ​ຢ່າງ​ການ​ປິດ​ເມືອງ, ການ​ຫ້າມ​ປະຊາຊົນ​ເດີນທາງ​ ຫຼື ເຄື່ອນ​ຍ້າຍ​ຖິ່ນ. ໃນ​ໄລຍະ​ທີ່ສອງ ຈີນ​ດຳ​ເນີນ​ມາດຕະການ​ຫຼຸດຜ່ອນ​ຄວາມ​ຮຸນແຮງ ​ແລະ ​ຄວາມ​ໄວ​ຂອງ​ການ​ລະບາດ ແລະ​ ໃນ​ໄລຍະ​ທີ່ສາມ ເພື່ອ​ການ​ຟື້ນ​ຟູ​ແລະ​ ການ​ກຽມກັບ​ສູ່​ສະພາ​ວະ​ປົກກະຕິ.

ບົດ​ຮຽນ​ຈາກ​ຈີນ​ສຳລັບ​ປະເທດ​ທີ່​ການ​ລະບາດ​ຍັງຢູ່ໃນ​ໄລຍະ​ທີ່​ສອງ​​ນັ້ນ ຄວນ​ຈະ​ຕ້ອງ​ເລີ່ມ​ໃຊ້​ກົນ​ໄກ​ການ​ບໍລິຫານ​ຈັດການ​ສະຖານະການ​ສຸກ​ເສີນ​ໃນ​ລະ​ດັບ​ປະເທດ ໃຫ້​ມີ​ການ​ເຝົ້າລະ​ວັງ ​ແລະ​ ຄົ້ນ​ຫາ​ຜູ້​ຕິດ​ເຊື້ອ​ຢ່າງ​ເຂັ້ມ​ງວດ ພ້ອມ​ທັງ​ການ​ໃຫ້​ຂໍ້​ມູນ​ຄວາມ​ຮູ້​ແກ່​ປະຊາຊົນ, ສອດ​ສ່ອງ​ແລະ​ຄົ້ນ​ຫາ​ພະຍາດ​ໃນ​ກຸ່ມ​ສ່ຽງ​ ແລະ ກຸ່ມອື່ນ​ໆ ລວມທັງ​ການ​ກະກຽມ​ແຜນ​ການ​ ແລະ ​ເຝິກຊ້ອມ​ການ​ປະຕິບັດ​ມາດຕະການ​ຕ່າງ​ໆ ຈົນ​ເຖິງ​ລະ​ດັບ​ສູງ​ສຸດ.

ຜູ້​ແທນ​ຈາກ WHO ກ່າວ​ວ່າ ທີ່​ຜ່ານມາ​ການ​ຈັດຕັ້ງປະຕິບັດ​ມາດຕະການ​ຕ່າງ​ໆ ຢ່າງ​ເຂັ້ມ​ງວດ​ຂອງ​ຈີນ ສາມາດ​ປ່ຽນ​ການ​ລະບາດ​ໄດ້​ຢ່າງ​ມີ​ປະ​ສິດ​ທິ​ພາບ. ຕັ້ງ​ແຕ່​ການ​ປະຕິບັດ​ຕາມ​ມາດຕະຖານ​ການ​ຄວບ​ຄຸມພະຍາດລະບາດ ແລະ ການ​ຄົ້ນ​ຫາ​ຜູ້​ຕິດ​ເຊື້ອ​ໄດ້​ຢ່າງ​ວ່ອງໄວ ເພື່ອ​ຕັດ​ວົງ​ຈອນ​ການ​ແພ່ລະບາດ​ໃຫ້​ໄວ​ທີ່ສຸດ ແລະ​ ການ​ທີ່​ພາກ​ປະຊາຊົນ​ປະຕິບັດ​ຕາມ​ມາດຕະການ​ຕ່າງ​ໆ ຂອງ​ລັດຖະບານ​ຈີນ​ກໍ​ມີ​ສ່ວນ​ຊ່ວຍ​ໃຫ້​ຈີນ​ສາມາດ​ຄວບ​ຄຸມ​ການ​ລະບາດ​ໄດ້​ງ່າຍ​ຂຶ້ນ.

ຈີນ​ຍັງໄດ້​ຮ່ວມ​ມື 'ອາ​ລີ​ເພ​' ສ້າງ​ຄິວ​ອາ​ໂຄ້ດ (QR Code) ​ບອກ​ສ​ະຖາ​ນະ​ການ​ຕິດ​ເຊື້ອ​ໄວ​ຣັດ, ສະ​ຖາ​ນະ​ການ​ອະນຸຍາດ​ເດີນທາງ​ໄປ​ຍັງພື້ນ​ທີ່​ຕ່າງ​ໆຂອງ​ປະຊາຊົນ​ຜ່ານ​ສ​ະມາ​ດ​ໂຟນ ໂດຍ 'ອາ​ລີ​ເພ​​ເຮລ​ໂຄ​ດ' ເລີ່ມ​ໃຫ້​ບໍລິການ​ຄັ້ງທຳອິດ​ທາງ​ຕາເວັນ​ອອກ​ຂອງ​ຫາງ​ໂຈວ ຊຶ່ງ​ເປັນເມືອງ​ເອກ​ຂອງ​ແຂວງ​ເຈີ້​ຈຽງ ແລະ​ ມີ​ການ​ນຳ​ໄປ​ໃຊ້​ແລ້ວ​ກວ່າ 200 ເມືອງ.

​ປະຊາຊົນ​ຈະ​ຕ້ອງ​ລົງ​ທະ​ບຽນ​ກັບ​ແອັບ​ກະ​ເປົາ​ເງິນເອເລັກໂຕຣນິກຂອງ ​ແອັນ ໄຟ​ແນນ​ໂຊ ທີ່​ຊື່​ວ່າ 'ອາ​ລີ​ເພ​' ຈາກ​ນັ້ນ​ຜູ້​ນຳໃຊ້​​ກໍ​ຈະ​ໄດ້​ຄິວ​ອາ​​ໂຄ​ດ​ທີ່​ສະແດງ​ສີ 3 ແບບ ຄື: ຂຽວ, ເຫຼືອງ ແລະ ​ແດງ ໂດຍ​ສີ​ທີ່​ໄດ້ຮັບ​ຈະ​ເປັນ​ການ​ສະແດງ​ສ​ະຖາ​ນະ​ສຸຂະພາບຂອງ​ຜູ້​ນຳໃຊ້​. ​ສີ​ຂຽວ​ໝາຍ​ເຖິງ​ສຸຂະພາບປົກກະຕິ​ ສາມາດ​ອອກ​ໄປ​ເຮັດວຽກ​ໄດ້ ຂະນະ​ທີ່​ຜູ້​ໄດ້ຮັບ​ຄິວ​ອາ​​ໂຄ​ດ​ສີ​ເຫຼືອງ​ແປ​ວ່າ​ໃຫ້​ກັກບໍລິເວນ​ຕົວ​ເອງຢູ່ໃນ​ເຮືອນ 7 ມື້ ແລະ​ຜູ້​ທີ່​ໄດ້ຮັບ​ຄິວອາໂຄ​ດ​ສີ​ແດງ​ຕ້ອງ​ກັກ​ຕົວ​ປະ​ມານ 2 ອາທິດ.


ພາບ: AFP

ຍີ່​ປຸ່ນ

ກະຊວງ​ສາທາລະນະສຸກ, ແຮງ​ງານ ແລະ ​ສະຫ​ວັດ​ດິ​ການ ປະ​ກາດ​ໃຫ້​ປະຊາຊົນ​ສາມາດ​ເຂົ້າ​ຮັບ​ການ​ກວດ​ຫາ​ໄວ​ຣັດ​ໂຄ​ໂຣ​ນາ​ສາຍ​ພັນ​ໃໝ່ ຫຼື ໂຄ​ວິດ​-19 ໄດ້​ຟ​ຣີ ພາຍໃຕ້​ສິດ​​ການ​ເບິ່ງ​ແຍງ​ຂອງ​ປະ​ກັນ​ສຸຂະພາບແຫ່ງ​ຊາດ​ຂອງ​ຍີ່​ປຸ່ນ ໂດຍເລີ່ມ​ຕົ້ນ​ນະໂຍບາຍ​ດັ່ງ​ກ່າວ​ໃນ​ວັນທີ 6 ມີນາ 2020.

ກຸ່ມ​ປະຊາຊົນ​ທີ່​ສາມາດ​ເຂົ້າ​ໃຊ້​ສິດ​ທິ​ໄດ້​ຟ​ຣີ​ຕ້ອງ​ເປັນ​ຄົົນທີ່​ຫາກໍ່​ເດີນທາງກັບ​ມາ​ຈາກ​ຕ່າງ​ປະເທດ, ກຸ່ມ​ຄົນເຈັບ​ທີ່​ເຂົ້າ​ປິ່ນປົວ​ໃນ​ໂຮງໝໍພະຍາດ​ປອດ ແລະ​ ກຸ່ມ​ທີ່​ມີ​ປະຕິ​ສຳພັນ​ໃກ້​ຊິດ​ກັບ​ຜູ້​ຕິດ​ເຊື້ອ.

ກ່ອນ​ໜ້າ​ນີ້ 'ຄົນເຈັບ' ສາມາດ​ເຂົ້າ​ຮັບ​ການ​ກວດ​ຫາ​ເຊື້ອ​ໂຄ​ວິດ​-19 ໄດ້​ໂດຍ​ບໍ່​ມີ​ຄ່າ​ໃຊ້​ຈ່າຍ​ຢູ່​ແລ້ວ ແຕ່​ແພດ​ປະຈຳ​ຕົວ​ຄົນເຈັບ​ຈຳ​ເປັນ​ຈະ​ຕ້ອງ​ໄດ້ຮັບ​ກາ​ນອະ​ນຸ​ມ​ັດຈາກ​ສູນ​ການ​ແພດ​ທ້ອງ​ຖິ່ນ​​ກ່ອນ. ເນື່ອງ​ຈາກ​ຕ້ອງ​ມີ​ການ​ດຶງ​ງົບ​ປະ​ມານ​ຂອງ​ສາທາລະນະ​ມາ​ໃຊ້ ຊຶ່ງ​ເປັນ​ຂັ້ນ​ຕອນ​ທີ່​ຫຍຸ້ງ​ຍາກ ປະກອບ​ກັບ​ສະຖານ​ປິ່ນປົວ​ຫຼາຍ​ແຫ່ງ​ບໍ່​ມີ​ສັກ​ກະຍະ​ພາບ​ພຽງ​ພໍ​ໃນ​ການ​ກວດ ຈຶ່ງ​ເປັນ​ເຫດ​ໃຫ້​ເກີດ​ຄວາມ​ຫຼ້າ​ຊ້າ​ໃນ​ການ​ກວດ​ຫາ​ຜູ້​ຕິດ​ເຊື້ອ ແລະ ​ຫຼາຍຄັ້ງ​ທີ່​ທາງ​ສະຖານ​ປິ່ນປົວ​ ແລະ ​ໂຮງໝໍຈຳ​ເປັນ​ຈະ​ຕ້ອງ​ປ່ອຍ​ຜູ້​ທີ່​ອາດ​ຕິດ​ເຊື້ອ​ໄປ​ໂດຍ​ບໍ່​ໄດ້ຮັບ​ການ​ກວດ.

ຂະນະ​ທີ່ ທ່ານ ​ນາ​ໂອ​ມິ​ຈິ ຊຸ​ຊຸ​ກິ ຜູ້​ວ່າ​ການ​ແຂວງ​ຮັອກ​ໄກ​ໂດ ປະ​ກາດ​ສະຖານະການ​ສຸກ​ເສີນ​ເມື່ອ​ວັນທີ 28 ກຸມພາ, ຫຼັງ​ພົບ​ຈຳນວນ​ຜູ້​ຕິດ​ເຊື້ອ​ໄວ​ຣັດ​ໂຄ​ວິດ​-19 ເພີ່ມ​ຂຶ້ນ​ໃນ​ພື້ນ​ທີ່ ໂດຍ​ຂໍ​ໃຫ້​ປະຊາຊົນ​ຫຼີກ​ລ້ຽງ​ການ​ອອກ​ໄປ​ນອກ​ບເຮືອນຖ້າ​ບໍ່​ຈຳ​ເປັນ ແຕ່​ກໍ​ບໍ່​ໄດ້​ມີ​ມາດຕະການ​ບັງຄັບ​ເຂັ້ມ​ງວດ​ແບບ​ທີ່​ເກີດ​ໃນ​ຫຼາຍ​ພື້ນ​ທີ່​ຂອງ​ຢຸ​ໂຣບ ຊຶ່ງ​ຫຼັງ​ການ​ປະ​ກາດ​ສະຖານະການ​ສຸກ​ເສີນ​ເກືອບ 20 ມື້ ທ່ານ​ລະບຸ​ວ່າ ມີ​ສັນຍາ​ນວ່າ​ການ​ແພ່ຂອງ​ເຊື້ອ​ໄວ​ຣັດ​ຫຼຸດລົງ.

ຮັອກ​ໄກ​ໂດ​ສາມາດ​ຫຼີກ​ລ້ຽງ​ສະຖານະການ​ທີ່​ກັງ​ວົນ​ໃນ​ຕອນທຳອິດ​ວ່າ​ການ​ແພ່ເຊື້ອ​ຈະ​ເກີດ​ຂຶ້ນ​ຢ່າງ​ວ່ອງໄວ​ຈະ​ເຮັດໃຫ້​ລະບົບ​ສາທາລະນະສຸກ​ຫຼົ້ມ ​ແລະ ​ບໍ່​ສາມາດຮັກສາ​ຊີວິດ​ຄົນ​ໄດ້ ຈຶ່ງ​ຂໍ​ປະ​ກາດ​ຍົກ​ເລີກ​ສະຖານະການ​ສຸກ​ເສີນ​ວັນທີ 19 ມີນາ ຕາມ​ທີ່​ກຳນົດ​ເອົາ​ໄວ້ ແຕ່​ກໍ​ຂໍ​ໃຫ້​ປະຊາຊົນ​ຫຼີກ​ລ້ຽງ​ອອກຈາກ​ເຮືອນ​ຫາກ​ຍັງຮູ້ສຶກ​ກັງ​ວົນ​ເລື່ອງ​ການ​ຕິດ​ພະຍາດ ໂດຍ​ທ່ານ ນາ​ໂອ​ມິ​ຈິ ​ຍັງກ່າວ​ອີກ​ວ່າ ​ຕອນ​ນີ້​ຮັອກ​ໄກ​ໂດ​ສາມາດ​ສູ້​ກັບ​ການ​ລະບາດ​ຂອງ​ໄວ​ຣັດ​ໄດ້​ເນື່ອງ​ຈາກ​ໄດ້​ຂະຫຍາຍ​ຂີດ​ຄວາມ​ສາມາດ​ໃນ​ການ​ກວດ​ ແລະ​ ມີ​ຕຽງ​ຮອງ​ຮັບ​ຄົນເຈັບ​ໃນ​ໂຮງ​ໝໍ ນັບ​ຈາກ​ນີ້​ຈະ​ເປັນ​ການເດີນ​ໜ້າ​ໄປ​ສູ່​ຂັ້ນ​ຕອນ​ຂອງ​ການ​ຫຼຸດ​ຄວາມ​ສ່ຽງ​ໃນ​ການ​ແພ່ກະຈາຍ​ຂອງ​ເຊື້ອ ໄປ​ພ້ອມ​ກັບ​ການ​ຮັກສາ​ກິດຈະກຳ​ທາງ​ສັງຄົມ ​ແລະ ​ເສດຖະກິດ.

Advertisement Replay Ad

ຂໍຂອບໃຈ

ຂໍ້ມູນ : Voice TV

ພາບ : AFP

ບໍ່ແກ້ວແຈ້ງປິດທຸກເສັ້ນທາງໃນຕອນກາງຄືນ ຈົນກວ່າໂຄວິດ-19​ ຈະຢຸດເຊົາ ຝ່າຝືນປະຕິບັດຕາມລະບຽບກົດໝາຍ

ບໍ່ແກ້ວແຈ້ງປິດທຸກເສັ້ນທາງໃນຕອນກາງຄືນ ຈົນກວ່າໂຄວິດ-19​ ຈະຢຸດເຊົາ ຝ່າຝືນປະຕິບັດຕາມລະບຽບກົດໝາຍ

ຍອດຕິດເຊື້ອຍັງຄົງທີ່! ຄະນະສະເພາະກິດເຜີຍ ຍອດຜູ້ຕິດເຊື້ອໂຄວິດ-19 ໃນລາວ ຍັງຢູ່ທີ່ 10 ກໍລະນີ

ຍອດຕິດເຊື້ອຍັງຄົງທີ່! ຄະນະສະເພາະກິດເຜີຍ ຍອດຜູ້ຕິດເຊື້ອໂຄວິດ-19 ໃນລາວ ຍັງຢູ່ທີ່ 10 ກໍລະນີ

ຂໍຊົມເຊີຍນໍ້າໃຈພົນລະເມືອງດີ “ຫຼຸດຄ່າເຊົ່າຫ້ອງ” ເພື່ອຊ່ວຍເຫຼືອກັນ ໃນວິກິດໂຄວິດ-19

ຂໍຊົມເຊີຍນໍ້າໃຈພົນລະເມືອງດີ “ຫຼຸດຄ່າເຊົ່າຫ້ອງ” ເພື່ອຊ່ວຍເຫຼືອກັນ ໃນວິກິດໂຄວິດ-19

'ເຊິນເຈິ້ນ' ຫ້າມຊື້-ຂາຍໝາ ແລະ ແມວ ເພື່ອການບໍລິໂພກ ເປັນເມືອງທຳອິດຂອງຈີນ

'ເຊິນເຈິ້ນ' ຫ້າມຊື້-ຂາຍໝາ ແລະ ແມວ ເພື່ອການບໍລິໂພກ ເປັນເມືອງທຳອິດຂອງຈີນ

ສູນຂ່າວຂອງທາງການໂຕ້ ຂ່າວລືພົບຜູ້ຕິດເຊື້ອໂຄວິດ-19 ໃໝ່ 10 ກໍລະນີ ແມ່ນ "ຂ່າວປອມ"

ສູນຂ່າວຂອງທາງການໂຕ້ ຂ່າວລືພົບຜູ້ຕິດເຊື້ອໂຄວິດ-19 ໃໝ່ 10 ກໍລະນີ ແມ່ນ "ຂ່າວປອມ"

ຜູ້ຕິດໂຄວິດ-19 ລາຍທີ 2 ຂອງລາວອອກມາກ່າວຂໍໂທດ ຊີ້ ປິດເຟສບຸກ ຍ້ອນຖືກເອົາຮູບໄປໂພສທາງບໍ່ດີ

ຜູ້ຕິດໂຄວິດ-19 ລາຍທີ 2 ຂອງລາວອອກມາກ່າວຂໍໂທດ ຊີ້ ປິດເຟສບຸກ ຍ້ອນຖືກເອົາຮູບໄປໂພສທາງບໍ່ດີ

ສະຖານສຶກສາເອກະຊົນ ຕ້ອງຈ່າຍເງິນເດືອນຄູ-ອາຈານ ພະນັກງານໃຫ້ເປັນປົກກະຕິ ໄລຍະພັກຮຽນຊົ່ວຄາວ

ສະຖານສຶກສາເອກະຊົນ ຕ້ອງຈ່າຍເງິນເດືອນຄູ-ອາຈານ ພະນັກງານໃຫ້ເປັນປົກກະຕິ ໄລຍະພັກຮຽນຊົ່ວຄາວ

ໂຄວິດ-19: ຍອດຜູ້ຕິດເຊື້ອທົ່ວໂລກຮອດ 1 ລ້ານລາຍແລ້ວ - ປິດເມືອງໃນຫຼາຍກວ່າ 90 ປະເທດ ແລະ ເຂດປົກຄອງ

ໂຄວິດ-19: ຍອດຜູ້ຕິດເຊື້ອທົ່ວໂລກຮອດ 1 ລ້ານລາຍແລ້ວ - ປິດເມືອງໃນຫຼາຍກວ່າ 90 ປະເທດ ແລະ ເຂດປົກຄອງ

ກໍລະນີຕິດໂຄວິດ-19 ລາຍທີ 3 ຂອງລາວ ໂພສເຟສບຸກຂໍໂທດທຸກຄົນ ພ້ອມຮ້ອງຂໍໃຫ້ທຸກຄົນມີສະຕິລະວັງຕົວ

ກໍລະນີຕິດໂຄວິດ-19 ລາຍທີ 3 ຂອງລາວ ໂພສເຟສບຸກຂໍໂທດທຸກຄົນ ພ້ອມຮ້ອງຂໍໃຫ້ທຸກຄົນມີສະຕິລະວັງຕົວ

ສາທາແຂວງຫົວພັນ​ຖະແຫຼງ ມີຜູ້ເດີນທາງເຂົ້າແຂວງທີ່ມາຈາກປະເທດກຸ່ມສ່ຽງທັງໝົດ 434 ຄົນ​ ມີ 6 ກໍລະນີສົງໄສ

ສາທາແຂວງຫົວພັນ​ຖະແຫຼງ ມີຜູ້ເດີນທາງເຂົ້າແຂວງທີ່ມາຈາກປະເທດກຸ່ມສ່ຽງທັງໝົດ 434 ຄົນ​ ມີ 6 ກໍລະນີສົງໄສ

ເຈົ້າແຂວງບໍລິຄຳໄຊລົງຕິດຕາມກວດກາສະພາບການປ້ອງກັນການແພ່ລະບາດ ໂຄວິດ-19

ເຈົ້າແຂວງບໍລິຄຳໄຊລົງຕິດຕາມກວດກາສະພາບການປ້ອງກັນການແພ່ລະບາດ ໂຄວິດ-19

ສປ ຈີນ​ ກວດພົບຜູ້ຕິດເຊື້ອໂຄວິດ-19 ທີ່ບໍ່ສະແດງອາການ 1,367​ ຄົນ​

ສປ ຈີນ​ ກວດພົບຜູ້ຕິດເຊື້ອໂຄວິດ-19 ທີ່ບໍ່ສະແດງອາການ 1,367​ ຄົນ​

ຄະນະນໍາແຂວງໄຊສົມບູນ ໃຫ້ແພດ-ໝໍກຽມພ້ອມຮັບມືກັບທຸກສະຖານະການ ໂດຍສະເພາະໂຄວິດ-19

ຄະນະນໍາແຂວງໄຊສົມບູນ ໃຫ້ແພດ-ໝໍກຽມພ້ອມຮັບມືກັບທຸກສະຖານະການ ໂດຍສະເພາະໂຄວິດ-19

ຄົນຫາປາເຂົ້າໄປຕິດໃນຖ້ຳລອດ​ເປັນເວລາ 7 ມື້ ຍັງຄົ້ນຫາບໍ່ພົບ​ ຊາວບ້ານເຊື່ອອາດມີອາຖັນ

ຄົນຫາປາເຂົ້າໄປຕິດໃນຖ້ຳລອດ​ເປັນເວລາ 7 ມື້ ຍັງຄົ້ນຫາບໍ່ພົບ​ ຊາວບ້ານເຊື່ອອາດມີອາຖັນ

ແພດຊີ້ ຜູ້​ຕິດ­ເຊື້ອໂຄວິດ-19 ຈຳ­ນວນ 7 ຄົນຢູ່ນະຄອນຫຼວງວຽງຈັນ​ ​​ອາ­ການ​ດີ​ຂຶ້ນ​ເປັນ​ລຳ­ດັບ

ແພດຊີ້ ຜູ້​ຕິດ­ເຊື້ອໂຄວິດ-19 ຈຳ­ນວນ 7 ຄົນຢູ່ນະຄອນຫຼວງວຽງຈັນ​ ​​ອາ­ການ​ດີ​ຂຶ້ນ​ເປັນ​ລຳ­ດັບ

ຊົມເຊີຍຄົນດີຂອງສັງຄົມຍັງມີຢູ່ຈິງ ບໍ່ເກັບຄ່າເຊົ່າຫ້ອງ ໃນໄລຍະໂຄວິດ-19!

ຊົມເຊີຍຄົນດີຂອງສັງຄົມຍັງມີຢູ່ຈິງ ບໍ່ເກັບຄ່າເຊົ່າຫ້ອງ ໃນໄລຍະໂຄວິດ-19!

ລາວບໍ່ມີຜູ້ຕິດເຊື້ອໂຄວິດ-19 ເພີ່ມອີກ ຍອດສະສົມຍັງຢູ່ທີ່ 10 ກໍລະນີ

ລາວບໍ່ມີຜູ້ຕິດເຊື້ອໂຄວິດ-19 ເພີ່ມອີກ ຍອດສະສົມຍັງຢູ່ທີ່ 10 ກໍລະນີ

ກະຊວງສຶກສາທິການ ແລະ ກີລາ ຜະລິດສື່ການຮຽນ-ການສອນ ເຜີຍແຜ່ຜ່ານໂທລະພາບ ວິທະຍຸ ສື່ອອນລາຍ

ກະຊວງສຶກສາທິການ ແລະ ກີລາ ຜະລິດສື່ການຮຽນ-ການສອນ ເຜີຍແຜ່ຜ່ານໂທລະພາບ ວິທະຍຸ ສື່ອອນລາຍ

ນະໂຍບາຍ ແລະ ມາດຕະການ ຢ່າງລະອຽດຂອງລັດຖະບານ ເພື່ອຫຼຸດຜ່ອນຜົນກະທົບຂອງໂຄວິດ-19 ຕໍ່ເສດຖະກິດ

ນະໂຍບາຍ ແລະ ມາດຕະການ ຢ່າງລະອຽດຂອງລັດຖະບານ ເພື່ອຫຼຸດຜ່ອນຜົນກະທົບຂອງໂຄວິດ-19 ຕໍ່ເສດຖະກິດ

ຊາວອັງກິດປອມໂຕເປັນພຸ່ມໄມ້ ໃຫ້ລູກແຕ່ງໂຕເປັນຖົງຂີ້ເຫຍື້ອ ລັກອອກເຮືອນໄປຊື້ເຄື່ອງໄລຍະປິດເມືອງ

ຊາວອັງກິດປອມໂຕເປັນພຸ່ມໄມ້ ໃຫ້ລູກແຕ່ງໂຕເປັນຖົງຂີ້ເຫຍື້ອ ລັກອອກເຮືອນໄປຊື້ເຄື່ອງໄລຍະປິດເມືອງ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ