ວັນເສົາ ທີ 6 ມິຖຸນາ 2020

ຮູ້ຈັກ "ໂຄໂຣນາໄວຣັດ" ເຊື້ອຈຸລະໂລກເຊິ່ງກໍ່ໃຫ້ເກີດພະຍາດ "ໂຄວິດ-19"

ຮູ້ຈັກ "ໂຄໂຣນາໄວຣັດ" ເຊື້ອຈຸລະໂລກເຊິ່ງກໍ່ໃຫ້ເກີດພະຍາດ "ໂຄວິດ-19"
S! Muan

ສະໜັບສະໜູນເນື້ອຫາ

ທ່ານຮູ້ບໍ່ວ່າ ໃນໂລກນີ້ມີໂຄໂຣນາໄວຣັດ (coronavirus) ຫຼາຍກວ່າ 200 ຊະນິດ ແລະ ບາງສ່ວນໃນນັ້ນເປັນທີ່ຄຸ້ນເຄີຍ ແລະ ຮູ້ຈັກກັນດີຫຼາຍກວ່າທີ່ທ່ານຄາດຄິດ.

ໃນຈຳນວນໂຄໂຣນາໄວຣັດຫຼາຍກວ່າ 200 ຊະນິດນັ້ນ, ມີ 7 ຊະນິດທີ່ສົ່ງຜົນກະທົບຕໍ່ກັບມະນຸດ ແລະ ມີ 4 ຊະນິດທີ່ເປັນໄວຣັດທີ່ກໍ່ໃຫ້ເກີດພະຍາດທາງລະບົບຫາຍໃຈສະເພາະທ້ອງຖິ່ນ ແລະ ເຮັດໃຫ້ເກີດການຕິດເຊື້ອພະຍາດໄຂ້ຫວັດ 15-30% ໃນແຕ່ລະປີ.

ໃນນັ້ນ ມີ 2 ຊະນິດຄື ໄວຣັດຊາ (SARS) ແລະ ເມີ (MERS) ທີ່ຖືກຈັດໃຫ້ເປັນພະຍາດລະບາດເປັນວົງກວ້າງ ແລະ ພະຍາດຕິດເຊື້ອ 2019 ຫຼື ໂຄວິດ-19 (COVID-19) ເປັນພະຍາດເຊິ່ງເກີດຈາກໂຄໂຣນາໄວຣັດທີ່ຖືກຈັດໃຫ້ເປັນ "ການລະບາດໃຫຍ່" ໃນປັດຈຸບັນ.

ຮູ້ຈັກ ໂຄວິດ-19 (COVID-19)

ມາຮອດປັດຈຸບັນ, ມີກໍລະນີຕິດເຊື້ອໄວຣັດໂຄໂຣນາສາຍພັນໃໝ່ 2019 ແລ້ວເຖິງ 179,399 ກໍລະນີໃນທົ່ວໂລກ ເຮັດໃຫ້ມີຜູ້ເສຍຊີວິດລວມ 7,122 ຄົນ. ຫຼັງຈາກທີ່ຖືກຄົ້ນພົບຄັ້ງທຳອິດໃນເດືອນທັນວາ 2019 ທີ່ ນະຄອນອູ່ຮັ້ນ ແຂວງຫູເປີ່ຍ ສປ ຈີນ, ໄວຣັດດັ່ງກ່າວເລີ່ມກະຈາຍໄປທົ່ວໂລກ ແລະ ສ້າງຄວາມແຕກຕື່ນ. ຕອນນີ້ ທະວີບຂົ້ວໂລກໃຕ້ ເປັນພຽງພື້ນທີ່ດຽວທີ່ຍັງບໍ່ທັນມີກໍລະນີຕິດເຊື້ອເທື່ອ.

ໂຄໂຣນາໄວຣັດທີ່ມີການແພ່ກະຈາຍໃນມະນຸດມີຢູ່ 7 ຊະນິດ. ໃນນັ້ນ 4 ຊະນິດ (NL63, 229E, OC43 and HKU1) ເປັນຕົ້ນເຫດໃຫ້ເກີດການຕິດເຊື້ອພະຍາດໄຂ້ຫວັດ 15-30% ໃນແຕ່ລະປີໃນທົ່ວໂລກ ແລະ ຖືວ່າເປັນພະຍາດລະບາດສະເພາະພື້ນທີ່.

ຂະນະທີ່ອີກ 2 ຊະນິດຖືກຈັດໃຫ້ເປັນ ພະຍາດລະບາດທີ່ແພ່ກະຈາຍເປັນວົງກວ້າງ ປະກອບດ້ວຍ ພະຍາດຊາ (SARS) ເຊິ່ງກະທົບ 26 ປະເທດ ແລະ ມີຜູ້ຕິດເຊື້ອລາຍທຳອິດທີ່ແຂວງກວ່າງຕົງ ສປ ຈີນ ໃນປີ 2002 ແລະ ເມີ (MERS) ໄດ້ຮັບລາຍການຕິດເຊື້ອຄັ້ງທຳອິດໃນປີ 2012 ແລະ ມີການແພ່ລະບາດໃນຕາເວັນອອກກາງ.

ສ່ວນໂຄໂຣນາໄວຣັດຊະນິດທີ 7 ແມ່ນ SARS-COV-2 ຫຼື ໄວຣັດໂຄໂຣນາສາຍພັນໃໝ່ ເຊິ່ງກໍໃຫ້ເກີດພະຍາດ ໂຄວິດ-19 ທີ່ຕົ້ນກຳເນີດຂອງພະຍາດນີ້ຍັງບໍ່ທັນໄດ້ຮັບການຢັ້ງຢືນຢ່າງເປັນທາງການໃນປັດຈຸບັນ.

ໂຄໂຣນາໄວຣັດທັງ 7 ຊະນິດທີ່ສົ່ງຜົນກະທົບຕໍ່ມະນຸດແຕກຕ່າງກັນແນວໃດ?

ທ່ານ ເອີຈີເນຍ ຄໍຣາລ ອາກີລາ ນັກຈຸລະຊີວະວິທະຍາຊາວຄອສຕາຣິກາ ກ່າວວ່າ ຄວາມແຕກຕ່າງຫຼັກແມ່ນ ຄວາມຮຸນແຮງ ແລະ ພະຍາດທີ່ພວກມັນກໍ່. ໄວຣັດທີ່ກໍ່ໃຫ້ເກີດອາການທາງລະບົບຫາຍໃຈ 4 ຊະນິດທຳອິດ ມີຄວາມຮຸນແຮງໃນລະດັບອ່ອນໄປຈົນເຖິງປານກາງ ໃນຂະນະທີ່ SARS ແລະ MERS ສາມາດກໍ່ໃຫ້ເກີດພະຍາດທາງລະບົບຫາຍໃຈທີ່ມີຄວາມຮຸນແຮງສູງ.

ຂໍ້ມູນເຊິ່ງເກັບກຳມາຈົນຮອດປັດຈຸບັນສະແດງໃຫ້ເຫັນວ່າ SARS-COV-2 ມີຄວາມຮຸນແຮງຕັ້ງແຕ່ລະດັບຕໍ່າຫາປານກາງໄປຈົນເຖິງຮຸນແຮງສູງ. ເມື່ອເບິ່ງຈາກລະດັບໂມເລກຸນ, ໂຄໂຣນາໄວຣັດມີການແບ່ງປະເພດໃນການຮຽງໂຕຂອງຢີນ ເຊັ່ນດຽວກັບຕົວຮັບສັນຍານທີ່ພວກມັນນຳໃຊ້.

ໄວຣັດມີປະຕິກິລິຍາຄືແນວໃດ?

ໄວຣັດແມ່ນກ່ອງໂປຣຕີນເຊິ່ງປະກອບດ້ວຍຢີນຢູ່ພາຍໃນ ທີ່ຕ້ອງການເຊວທີ່ມີຊີວິດໃນການສ້າງໄວຣັດໂຕໃໝ່. ເມື່ອມັນເຂົ້າໄປສູ່ເຊວຜ່ານການຮວມໂຕກັບໂຕຮັບ (receptors) ແລະ "ປ່ຽນແປງມັນ" ເພື່ອສ້າງຮ່າງສຳເນົາຂອງໂຕເອງ, ປະຕິບັດໂຕດັ່ງກັບເປັນແມ່ແບບເພື່ອສ້າງໄວຣັດໂຕໃໝ່ໆໃນຮ່າງກາຍຂອງຄົນ.

ໃນກໍລະນີນີ້, SARS-COV-2 ໄດ້ນຳໃຊ້ ACE2 ເປັນໂຕຮັບ ເຊິ່ງສ່ວນໃຫຍ່ພົບໃນລະບົບຫາຍໃຈ. ໄວຣັດດັ່ງກ່າວຈະສົ່ງຜົນຕໍ່ກັບເຊວເປົ້າໝາຍ ແລະ ສ້າງຄວາມເສຍຫາຍຂຶ້ນ. ການໂຕ້ຕອບຂອງພູມຕ້ານທານ ແລະ ການອັກເສບທີ່ເກີດຂຶ້ນ ສາມາດກໍ່ໃຫ້ເກີດພະຍາດອັກເສບປອດ ໃນກໍລະນີທີ່ຮຸນແຮງຫຼາຍ. ຜົນກະທົບຂຶ້ນກັບແຕ່ລະບຸກຄົນ ແລະ ປະຕິກິລິຍາຂອງຮ່າງກາຍແຕ່ລະຄົນ.

ໂຄວິດ-19 ແພ່ກະຈາຍແນວໃດ?

ໃນປັດຈຸບັນ, ພວກເຮົາຮູ້ວ່າ ໄວຣັດດັ່ງກ່າວສາມາດສົ່ງຕໍ່ຜ່ານລະອອງຝອຍທີ່ມີເຊື້ອ. ລະອອງຝອຍຈາກນໍ້າລາຍ ຫຼື ນໍ້າເມືອກເຊິ່ງມີໄວຣັດສາມາດເດີນທາງໄປໄດ້ໄກ 1 ຫາ 3 ແມັດ ຜ່ານທາງການໄອ ຫຼື ຈາມ. ໄວຣັດຈຳເປັນຕ້ອງເຂົ້າສູ່ລະບົບຫາຍໃຈເພື່ອເຮັດໃຫ້ເກີດການຕິດເຊື້ອ ນັ້ນເປັນເຫດຜົນທີ່ຄວາມສ່ຽງໃນການຕິດເຊື້ອສາມາດຫຼຸດລົງໄດ້ ໂດຍການຫຼີກລ່ຽງການສຳຜັດໃກ້ຊິດກັບຄົນທີ່ບໍ່ສະບາຍ. ລ້າງມືໃຫ້ສະອາດ ກໍສາມາດຊ່ວຍຫຼຸດຜ່ອນຄວາມສ່ຽງໃນການຕິດເຊື້ອໄດ້ຫຼາຍ.

ມີລາຍງານວ່າ ອາດສາມາດຕິດເຊື້ອໄດ້ຜ່ານອາຈົມ ແລະ ລະບົບລະບາຍອາກາດແບບໝຸນວຽນ ແລະ ເຄື່ອງປັບອາກາດ. ແນວໃດກໍຕາມ ຍັງບໍ່ທັນມີການສຶກສາຢ່າງເປັນລະບົບເທື່ອ ດັ່ງນັ້ນຈຶ່ງເປັນການຍກາທີ່ຈະເວົ້າໄດ້ວ່າມີຄວາມຖືກຕ້ອງຊັດເຈນ 100%.

ໂຄໂຣນາໄວຣັດສາຍພັນໃໝ່ອັນຕະລາຍຫຼາຍເທົ່າໃດເມື່ອທຽບໃສ່ SARS, MERS ແລະ ໂຄໂຣນາໄວຣັດ 4 ຊະນິດທີ່ກໍ່ໃຫ້ເກີດໄຂ້ຫວັດ?

ພວກເຮົາຍັງບໍ່ສາມາດສະຫຼຸບໄດ້ຢ່າງຊັດເຈນ ເນື່ອງຈາກອັດຕາການເສຍຊີວິດທີ່ແນ່ນອນມີທ່າອ່ຽງທີ່ຈະສູງເກີນຄາດໃນໄລຍະທຳອິດຂອງການລະບາດ, ເນື່ອງຈາກກໍລະນີທີ່ບໍ່ຮຸນແຮງຈຳນວນຫຼາຍໄດ້ຖືກເບິ່ງຂ້າມ. ພ້ອມນັ້ນ ດ້ວຍພະຍາດໂຄວິດ-19 ບາງຄົນກໍບໍ່ມີອາການສະແດງອອກ ໝາຍຄວາມວ່າບໍ່ສາມາດກວດຫາໄວຣັດໄດ້ໃນກໍລະນີນີ້ ສະນັ້ນຈຶ່ງບໍ່ມີການບັນທຶກຂໍ້ມູນ.

ທັງນີ້ ອັດຕາການເສຍຊີວິດຂອງໄຂ້ຫວັດໃຫຍ່ແມ່ນ 0.1% ແຕ່ເນື່ອງຈາກໂຄວິດ-19 ເປັນພະຍາດໃໝ່ ຈຶ່ງຍັງບໍ່ທັນຮູ້ວ່າມີຈັກກໍລະນີທີ່ຈະເສຍຊີວິດ.

ໃນແຕ່ລະປີມີຜູ້ເສຍຊີວິດຈາກພະຍາດໄຂ້ຫວັດໃຫຍ່ 500,000 ຄົນ. ເມື່ອທຽບກັບໂຄໂຣນາໄວຣັດທີ່ກໍໃຫ້ເກີດພະຍາດທາງລະບົບຫາຍໃຈ 4 ຊະນິດ, ອັດຕາການເສຍຊີວິດຂອງ SARS-COV-2 ແມ່ນມີສູງກວ່າ. ສະນັ້ນ ເມື່ອທຽບໃສ່ SARS (9.6%) ແລະ MERS (34.4%), ໂຄວິດ-19 ຍັງມີອັດຕາການເສຍຊີວິດທີ່ຕໍ່າຫຼາຍ ແຕ່ກໍມີການແພ່ກະຈາຍເປັນວົງກວ້າງ ເຮັດໃຫ້ຈຳນວນຜູ້ເສຍຊີວິດລວມຫຼາຍກວ່າ.

ໃນຈຳນວນຜູ້ຕິດເຊື້ອ, ມີຄົນຫຼາຍເທົ່າໃດທີ່ຈະມີການຕິດເຊື້ອຢ່າງຮຸນແຮງກວ່າ?

ອີງຕາມຂໍ້ມູນໃນປັດຈຸບັນ, ອັດຕາສ່ວນຂອງຜູ້ທີ່ຈະຕິດເຊື້ອຢ່າງຮຸນແຮງແມ່ນ 15% ແລະ 5% ແມ່ນເປັນຄົນເຈັບວິກິດ ເຊິ່ງສ້າງຄວາມເຄັ່ງຕຶງໃຫ້ກັບລະບົບປິ່ນປົວຄົນເຈັບຢ່າງສູງ.

ອີກດົນປານໃດຈຶ່ງຈະມີວັກຊີນປ້ອງກັນໂຄໂຣນາໄວຣັດສາຍພັນໃໝ່ໃຫ້ນຳໃຊ້ທົ່ວໄປ? ແລ້ວ SARS ແລະ MERS ເດ ໃຊ້ເວລາດົນປານໃດ?

ຫຼັງຈາກການຫາຍໄປຂອງພະຍາດຊາ (SARS), ການຊ່ວຍເຫຼືອທາງດ້ານການເງິນ ແລະ ໂຄງການສືບສວນທັງໝົດໃນການສ້າງວັກຊີນໄດ້ຮັບການຢຸດຕິ. ວັກຊີນປ້ອງກັນພະຍາດ MERS ກຳລັງຢູ່ໃນຂັ້ນຕອນຂອງການພັດທະນາ ເນື່ອງຈາກອາການຂອງພະຍາດຍັງຄົງສົ່ງຜົນກະທົບກັບຄົນ. ສຳລັບ SARS-COV-2 ຄາດວ່າຈະໃຊ້ເວລາປະມານ 1 ຫາ 2 ປີກ່ອນທີ່ຈະເຂົ້າສູ່ການທົດສອບທາງຄລີນິກ ຫຼັງຈາກທີ່ພັດທະນາໃນຫ້ອງທົດລອງສຳເລັດ ແລະ ຖ້າຫາກໄດ້ຮັບຜົນດີ ກໍຈະມີການຜະລິດເພື່ອນຳໃຊ້ໃນວົງກວ້າງ.

 

ສິ່ງທີ່ອາດເກີດຂຶ້ນແມ່ນ ວັກຊີນທີ່ພັດທະນາຂຶ້ນມານັ້ນ ອາດຈະບໍ່ສາມາດປ້ອງກັນການຕິດເຊື້ອ ແຕ່ອາດຈະສາມາດຫຼຸດຜ່ອນຄວາມຮຸນແຮງ ເຊິ່ງນີ້ເປັນກໍລະນີດຽວກັບວັກຊີນໄຂ້ຫວັດໃຫຍ່ ເຊິ່ງຄວນໄດ້ຮັບ 1 ຄັ້ງຕໍ່ປີ. ແນວໃດກໍຕາມ ຂັ້ນຕອນນີ້ຈະຕ້ອງໄດ້ໃຊ້ເວລາ.

ສະນັ້ນ, ມາດຕະການດ້ານສຸຂານາໄມ ເຊັ່ນ ການລ້າງມື, ການປ້ອງກັນເມື່ອໄອ ແລະ ຈາມ ແລະ ການເວັ້ນໄລຍະຫ່າງກັບສັງຄົມ (social distancing) ຈຶ່ງເປັນວິທີທີ່ດີທີ່ສຸດໃນການປ້ອງກັນການແພ່ລະບາດຂອງໄວຣັດດັ່ງກ່າວ ໃນຕອນນີ້.

ຄົນເຈັບທີ່ປິ່ນປົວດີແລ້ວ ສາມາດຕິດເຊື້ອອີກຄັ້ງໄດ້ ຫຼື ບໍ່?

ເມື່ອເວລາຜ່ານໄປ ແລະ ພູມຕ້ານທານຕາມທຳມະຊາດບໍ່ມີ ຫຼື ບໍ່ເປັນຜົນອີກຕໍ່ໄປ, ພວກເຂົາຈະສາມາດຕິດເຊື້ອໄດ້ອີກ. ໃນກໍລະນີຂອງໂຄໂຣນາໄວຣັດທີ່ເຮັດໃຫ້ເກີດອາການທາງລະບົບຫາຍໃຈ 4 ຊະນິດ, ກໍລະນີຕິດເຊື້ອຊໍ້າ ສາມາດເກີດຂຶ້ນໄດ້ຫຼັງຈາກ 8 ຫາ 12 ເດືອນ. ແຕ່ສຳລັບ SARS-COV-2 ແມ່ນຍັງບໍ່ທັນມີຂໍ້ສະຫຼຸບເທື່ອ ເນື່ອງຈາກຍັງເປັນໄວຣັດທີ່ໃໝ່.

ພ້ອມນີ້, ພວກເຮົາບໍ່ໃຊ້ຄຳວ່າ "ຜູ້ທີ່ເປັນພາຫະນຳພະຍາດ" ຄືກັບກໍລະນີຂອງເຊື້ອເອັດໄອວີ (HIV) ຫຼື ໄວຣັດຕັບອັກເສບບາງຊະນິດ ເນື່ອງຈາກໂຄວິດ-19 ຖືວ່າເປັນໄວຣັດທີ່ເມື່ອຕິດແລ້ວ ລະບົບພູມຕ້ານທານຈະເກີດຂຶ້ນ ແລະ ການຕິດເຊື້ອກໍຈະຖືກກຳຈັດໄປ.

ອຸນຫະພູມໃນລະດູຮ້ອນ ຫຼື ອຸນຫະພູມທີ່ອຸ່ນກວ່າ ສາມາດກຳຈັດໄວຣັດນີ້ໄດ້ ຫຼື ບໍ່?

ສຳລັບໄວຣັດທີ່ສົ່ງຜົນຕໍ່ລະບົບຫາຍໃຈບາງຊະນິດ ອຸນຫະພູມທີ່ອຸ່ນກວ່າຈະສາມາດກຳຈັດພວກມັນໄດ້. ແຕ່ບໍ່ແມ່ນຍ້ອນອຸນຫະພູມພຽງຢ່າງດຽວ, ແຕ່ຍັງກ່ຽວຂ້ອງກັບຄວາມຊຸ່ມຂອງອາກາດ ແລະ ຮູບແບບສັງຄົມຂອງມະນຸດທີ່ມີການປ່ຽນແປງຢູ່ຕະຫຼອດ. ໃນກໍລະນີນີ້, ຍັງໄວເກີນໄປທີ່ຈະກ່າວວ່າ ມັນເປັນແນວນັ້ນແທ້ບໍ່ ເຊິ່ງເຮົາກໍໄດ້ພຽງແຕ່ຫວັງໃຫ້ມັນເປັນແບບນັ້ນ.

Advertisement Replay Ad

ຂໍຂອບໃຈ

ຂໍ້ມູນ : SCMP

ພາບ : AFP

ວິທີປ່ຽນສານລາວເດີມມາເປັນແຄັບຊັ້ນ Facebook ແບບເກ໋ໆ

ວິທີປ່ຽນສານລາວເດີມມາເປັນແຄັບຊັ້ນ Facebook ແບບເກ໋ໆ

ເບື່ອບໍ່ກັບການດື່ມກາເຟແບບເກົ່າໆ? ມາທໍາຄວາມຮູ້ຈັກກັບວິທີການຊົງກາເຟດຳ 3ແບບ 3 ວິທີ 3 ລົດຊາດ

ເບື່ອບໍ່ກັບການດື່ມກາເຟແບບເກົ່າໆ? ມາທໍາຄວາມຮູ້ຈັກກັບວິທີການຊົງກາເຟດຳ 3ແບບ 3 ວິທີ 3 ລົດຊາດ

8 ເຄັດ (ບໍ່) ລັບທີ່ຈະຊ່ວຍໃຫ້ທຸກຄົນເອົາຊະນະຄວາມໃຈຮ້າຍ

8 ເຄັດ (ບໍ່) ລັບທີ່ຈະຊ່ວຍໃຫ້ທຸກຄົນເອົາຊະນະຄວາມໃຈຮ້າຍ

ຂ້ອຍສະກົດຖືກ ຫຼື ຍັງ? ລວມຄຳສັບພາສາລາວທີ່ຫຼາຍຄົນມັກຂຽນຜິດຢູ່ຕະຫຼອດ

ຂ້ອຍສະກົດຖືກ ຫຼື ຍັງ? ລວມຄຳສັບພາສາລາວທີ່ຫຼາຍຄົນມັກຂຽນຜິດຢູ່ຕະຫຼອດ

ຊີວິດຕ້ອງການສີຂຽວ! ລວມສາຍພັນຕົ້ນໄມ້ປະດັບທີ່ປູກໃນເຮືອນໄດ້ ພ້ອມວິທີບົວລະບັດຮັກສາ

ຊີວິດຕ້ອງການສີຂຽວ! ລວມສາຍພັນຕົ້ນໄມ້ປະດັບທີ່ປູກໃນເຮືອນໄດ້ ພ້ອມວິທີບົວລະບັດຮັກສາ

5 ແນວຄວາມຄິດທີ່ເຈົ້າຄວນເຝິກປະຕິບັດ ເພື່ອຮັບມືກັບເຫດການຕ່າງໆໄດ້ດີຂຶ້ນ

5 ແນວຄວາມຄິດທີ່ເຈົ້າຄວນເຝິກປະຕິບັດ ເພື່ອຮັບມືກັບເຫດການຕ່າງໆໄດ້ດີຂຶ້ນ

HOW TO ຮຽນພາສາຕ່າງປະເທດແນວໃດໃຫ້ໄດ້ ແລະ ເຂົ້າໃຈໄວທີ່ສຸດ

HOW TO ຮຽນພາສາຕ່າງປະເທດແນວໃດໃຫ້ໄດ້ ແລະ ເຂົ້າໃຈໄວທີ່ສຸດ

ຢາກເກັ່ງອັງກິດຕ້ອງອ່ານ! ລວມ 8 ເວັບໄຊທີ່ຈະຊ່ວຍໃຫ້ເຮົາເກັ່ງໄວຍາກອນພາສາອັງກິດຍິ່ງຂຶ້ນ

ຢາກເກັ່ງອັງກິດຕ້ອງອ່ານ! ລວມ 8 ເວັບໄຊທີ່ຈະຊ່ວຍໃຫ້ເຮົາເກັ່ງໄວຍາກອນພາສາອັງກິດຍິ່ງຂຶ້ນ

ກົດແຊເລີຍ! ແບບແຕ່ງຕາສຳລັບສາວເອເຊຍ 20 ລຸກໜ້າຮັກ ແຕ່ງງ່າຍໆ ໄດ້ທຸກລຸກ ທຸກໂອກາດ

ກົດແຊເລີຍ! ແບບແຕ່ງຕາສຳລັບສາວເອເຊຍ 20 ລຸກໜ້າຮັກ ແຕ່ງງ່າຍໆ ໄດ້ທຸກລຸກ ທຸກໂອກາດ

"ຂຸນກອງແລງ" ບລູລາກູນແຫ່ງຄຳມ່ວນ ກຽມ 30 ກວ່າກິດຈະກຳ ຕ້ອນຮັບນັກທ່ອງທ່ຽວໃນປີ 2021

"ຂຸນກອງແລງ" ບລູລາກູນແຫ່ງຄຳມ່ວນ ກຽມ 30 ກວ່າກິດຈະກຳ ຕ້ອນຮັບນັກທ່ອງທ່ຽວໃນປີ 2021

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ