ວັນພຸດ ທີ 12 ພຶດສະພາ 2021

ອົງການທ່ອງທ່ຽວໂລກປະເມີນໂຄວິດຈະເຮັດໃຫ້ພາກທ່ອງທ່ຽວກະທົບໜັກ ພ້ອມກະທົບຕໍ່ລາວຫຼາຍດ້ານເຊັ່ນກັນ

ອົງການທ່ອງທ່ຽວໂລກປະເມີນໂຄວິດຈະເຮັດໃຫ້ພາກທ່ອງທ່ຽວກະທົບໜັກ ພ້ອມກະທົບຕໍ່ລາວຫຼາຍດ້ານເຊັ່ນກັນ

ອຸດສາຫະກໍາທ່ອງທ່ຽວທົ່ວໂລກໄດ້ຮັບຜົນກະທົບໜັກ ພາຍຫລັງການລະບາດພະຍາດອັກເສບປອດໂຄວິດ-2019 ຂະນະທີ່ ສປປ ລາວກໍໄດ້ຮັບຜົນກະທົບເຊັ່ນກັນ, ກ່ອນໜ້ານັ້ນ ສປປ ລາວຕັ້ງເປົ້າໄວ້ວ່າຈະສູ້ຊົນດຶງດູດນັກທ່ອງທ່ຽວຈາກຊາດອາຊຽນ, ສປ ຈີນ, ສ.ເກົາຫລີ, ຍີ່ປຸ່ນ, ເອີຣົບ, ອາເມລິກາ ແລະ ອື່ນໆໃຫ້ບັນລຸປະມານ 5 ລ້ານຄົນເຂົ້າມາຢ້ຽມຢາມລາວສໍາລັບປີ 2020.

ເບິ່ງກັບຄືນ ແລະ ສັງລວມຂໍ້ມູນຂອງຂະແໜງພົບ ວ່າ: ອຸດສາຫະກໍາທ່ອງທ່ຽວແມ່ນຂະແໜງການບຸລິມະສິດສໍາຄັນຂອງລັດຖະບານ ທັງເປັນເສົາຄໍ້າເສດຖະກິດແຫ່ງຊາດອີກດ້ວຍ ອີງຕາມຂໍ້ມູນຈາກຂະແໜງການກ່ຽວຂ້ອງໄດ້ລະບຸວ່າ: ນັກທ່ອງທ່ຽວໄດ້ເຂົ້າມາ ສປປ ລາວລະຫວ່າງປີ 2017-2019 ໄດ້ເພີ່ມຂຶ້ນມີໄລຍະສໍາຄັນ ແລະ ໜ້າສົນໃຈ ໃນນັ້ນປີ 2017 ມີນັກທ່ອງທ່ຽວເຂົ້າມາ ສປປ ລາວ 3 ລ້ານກວ່າຄົນ, ປີ 2018 ປະມານ 4 ລ້ານຄົນ ແລະ ປີ 2019 ມີປະມານ 4 ລ້ານກວ່າຄົນ ກັບການສ້າງລາຍໄດ້ເຂົ້າປະເທດສະເລ່ຍບໍ່ຕໍ່າກວ່າ 700 ລ້ານໂດລາສະຫະລັດ ໃນນັ້ນ ລັດຖະບານລາວ-ຈີນໄດ້ຈັບມືຖືແຂນກັນກະຕຸ້ນທຸລະກິດທ່ອງທ່ຽວ ຫລື ເອີ້ນວ່າເປີດປີທ່ອງທ່ຽວລາວ-ຈີນ 2019 ຂຶ້ນ ເຊິ່ງເຫັນວ່າມີນັກທ່ອງທ່ຽວຈີນເຂົ້າມາທ່ອງທ່ຽວເກືອບເຖິງ 9 ແສນຄົນ ແລະ ຕໍ່ມາປີ 2020 ທັງສອງຝ່າຍຍັງສືບຕໍ່ໂຄສະນາ ແລະ ສົ່ງເສີມການທ່ອງທ່ຽວຫລາຍຮູບແບບຜ່ານວຽກງານຂໍ້ລິເລີ່ມໜຶ່ງແລວໜຶ່ງເສັ້ນທາງໂດຍວາງຄາດໝາຍໄວ້ວ່າປີນີ້ຈະໃຫ້ບັນລຸຕົວເລກນັກທ່ອງທ່ຽວເຂົ້າມາ ສປປ ລາວ 5 ລ້ານຄົນໃນ ນັກທ່ອງທ່ຽວຈີນໃຫ້ໄດ້ 1 ລ້ານກວ່າຄົນ ແຕ່ຜົນສຸດທ້າຍສະພາບການທີ່ຄາດຫວັງເອົາໄວ້ບໍ່ໄດ້ເປັນໄປຕາມແຜນ ເມື່ອເກີດມີການລະບາດພະຍາປອດອັກເສບໂຄວິດ ເຊິ່ງໄດ້ແຜ່ລາມໄປ 100 ກວ່າປະເທດ ແລະ ເຮັດໃຫ້ມີຜູ້ຕິດເຊື້ອ 117,000 ກວ່າຄົນ, ມີຜູ້ເສຍຊີວິດ 4,200 ກວ່າຄົນ ແລະ ປິ່ນປົວຫາຍດີ 64,000 ກວ່າຄົນ ໃນທົ່ວໂລກ ໃນນັ້ນປະເທດທີ່ມີຜູ້ຕິດເຊື້ອສະສົມຕາມລໍາດັບຄື: ຈີນມີຜູ້ຕິດເຊື້ອ 80,000 ກວ່າຄົນ, ເສຍຊີວິດ 3,000 ກວ່າຄົນ; ອີຕາລີມີຜູ້ຕິດເຊື້ອ 10,000 ກວ່າຄົນ, ເສຍຊີວິດ 630 ກວ່າຄົນ ແລະ ປະເທດອື່ນໆ. ທັງໝົດເລົ່ານັ້ນພວມສັ່ນຄອນບໍ່ພຽງແຕ່ອຸດສາຫະກໍາທ່ອງທ່ຽວເທົ່ານັ້ນ ຫາກຍັງເຮັດໃຫ້ເສດຖະກິດໂລກມີການທົດຖອຍ ແລະ ຂະຫຍາຍຕົວຕໍ່າລົງ ເຊິ່ງພວມຈະສົ່ງຜົນກະທົບໃຫ້ແກ່ແຜນພັດທະນາເສດຖະກິດ-ສັງຄົມ ແລະ ແກ້ໄຂຄວາມທຸກຍາກຂອງລັດຖະບານແຕ່ລະປະເທດໃນໂລກ ຈາກເດີມປະຊາຄົມໂລກໄດ້ມີການເດີນທາງໄປມາ ແລະ ຢ້ຽມຢາມໃນປະເທດຕ່າງໆເພື່ອແລກປ່ຽນອະລິຍະທໍາ, ທ່ຽວຊົມແຫລ່ງທ່ອງທ່ຽວຕ່າງໆ ແລະ ການຮັດແໜ້ນສາຍພົວກັນລະຫວ່າງກັນ ແລະ ກັນ ອັນຈະເອື້ອຍອໍານວຍໃຫ້ປະຊາຊົນມີລາຍໄດ້ໝັ້ນຄົງ, ມີວຽກເຮັດງານທໍາ, ການພັດທະນາພື້ນຖານໂຄງລ່າງ, ຂະຫຍາຍທຸລະກິດຕາມກົນໄກຕະຫລາດ ແລະ ຫັນປ່ຽນອຸດສາຫະກໍາທັນສະໄໝຢ່າງຕໍ່ເນື່ອງ ແຕ່ກົງກັນຂ້າມລະບົບແຮງຂັບເຄື່ອນຂອງເສດຖະກິດທັງໝົດນັ້ນໄດ້ຢຸດສະງັກເພາະມະນຸດບໍ່ໄດ້ເຄື່ອນໄຫວເຮັດໃຫ້ໂຮງຈັກໂຮງງານ, ໂຮງແຮມ, ຮ້ານອາຫານ, ການຄົມມະນາຄົມ ແລະ ການແລກປ່ຽນຊື້ຂາຍລະຫວ່າງປະເທດຖືກປິດຕາຍແບບອັດຕະໂນມັດ.

ຫລ້າສຸດ ຕົ້ນເດືອນມີນານີ້, ລັດຖະບານພ້ອມບັນດານັກທຸລະກິດຈາກພາກສ່ວນຕ່າງໆຫລາຍກວ່າ 200 ຄົນໄດ້ພາກັນຈັດກອງປະຊຸມລະດົມຄວາມຄິດເຫັນ ແລະ ປຶກສາຫາລືເພື່ອຊອກທາງອອກໂດຍຍົກປະເດັນໄວ້ວ່າແຜນໃນຕໍ່ໜ້າຄວນປັບປ່ຽນວິທີຄິດໃໝ່ຄື “ລາວທ່ອງທ່ຽວລາວ” ເຊິ່ງແມ່ນອີກທາງເລືອກໜຶ່ງຊ່ວຍຫລຸດຜ່ອນບັນຫາໄດ້ຊໍາໃດຊໍາໜຶ່ງເພື່ອແກ້ໄຂສະເພາະໜ້າ ນອກຈາກນັ້ນຍັງເປັນການຮັກສາຖານພະນັກງານ ແລະ ແຫລ່ງລາຍໄດ້ຈູນເຈືອໄປໃນໄລຍະສັ້ນຊາມຊາສະພາບກັບເຂົ້າສູ່ປົກກະຕິ. ກອງປະຊຸມລະດົມຄວາມຄິດເຫັນຄັ້ງນີ້ປະກອບມີ ພາກທຸລະກິດໃນຂະແຫນງ ອຸດສາຫະກຳທ່ອງທ່ຽວ(ໂຮງແຮມ ຮ້ານອາຫານ ສາຍການບິນ ສະຖານທີ່ທ່ອງທ່ຽວ, ບໍລິສັ ບໍລິການລົດເມ ລົດເຊົ່າ ແລະ ບໍລິສັດບໍລິການການທ່ອງທ່ຽວ ໄດ້ປະເມີນຜົນກະທົບໃນສະຖານະການການລະບາດຂອງ COVID-19 ຫາທາງອອກຮ່ວມກັນວ່າຈະຊ່ວຍກັນແບບໃດລະວ່າງພາກທຸລະກິດນຳກັນ ແລະຂໍ້ສະເຫນີຕ່າງໆຫາພາກລັດເພື່ອຂໍຄວາມຊ່ວຍເຫລືອໂດຍໂຈະ ຫລື ຫລຸດຜ່ອນຍ່ອນຍານການຊໍາລະພັນທະຕ່າງໆອອກໄປ ລວມທັງພັນທະທາງທະນາຄານ, ຄ່າຊໍາລະໄຟຟ້າທີ່ແພງເກີນໄປໂດຍສະເພາະໄລ່ອັດຕາທຸລະກິດ (ເປັນມາດົນແລ້ວໂຕນີ້) ເພື່ອໃຫ້ມີເງິນສົດມາປະຄອງບໍລິສັດ ໃຫ້ຜ່ານພົ້ນໄລຍະຫຍຸ້ງຍາກນີ້ໄປໃຫ້ໄດ້ກ່ອນ ແລະ ບໍ່ຢາກໃຫ້ກ້າວໄປເຖິງປິດກິດຈະການ.

ລັດວິສາຫະກິດການບິນລາວໄດ້ອອກມາເປີດເຜີຍວ່າຕົນເອງໄດ້ຮັບຜົນກະທົບໂດຍກົງ ຈໍານວນຜູ້ໂດຍສານທີ່ໃຊ້ບໍລິການເຮືອບິນສ່ວນຫຼາຍແມ່ນນັກທ່ອງທ່ຽວໄດ້ຫຼຸດລົງຢ່າງຕໍ່ເນື່ອງ ລັດວິສາຫະກິດການບິນລາວຈຶ່ງມີແຜນໃຫ້ພະນັກງານພັກຜ່ອນປະມານ 30% ຂອງພະນັກງານທັງໝົດ.
ທ່ານ ພົນຈັດຕະວາ ບຸນມາ ຈັນທະວົງສາ ຜູ້ອໍານວຍການໃຫຍ່ລັດວິສາຫະກິດການບິນລາວ ໃຫ້ສໍາພາດເມື່ອບໍ່ດົນມານີ້ ວ່າ: ທຸກສາຍການບິນແມ່ນໄດ້ພົບບັນຫາເນື່ອງຈາກການແຜ່ລະບາດຂອງພະຍາດ COVID-19 ເຮັດໃຫ້ຈໍານວນນັກທ່ອງທ່ຽວ ກໍຄືຜູ້ເດີນທາງຫຼຸດລົງຫຼາຍ ໂດຍສະເພາະສາຍການບິນລາວປັດຈຸບັນລາຍຮັບຈາກການຂາຍປີ້ເຮືອບິນຫຼຸດລົງເກືອບ 50% ເຮັດໃຫ້ມີຄວາມຫຍຸ້ງຍາກດ້ານລາຍຈ່າຍ ເປັນເຫດຕ້ອງໃຫ້ປະຕິບັດມາດຕະການລາຍຈ່າຍ ເຊິ່ງເບື້ອງຕົ້ນໄດ້ລະດົມໜ່ວຍງານທີ່ບໍ່ໄດ້ເຮັດໜ້າທີ່ໂດຍກົງກັບຄວາມປອດໄພການບິນ ແລະ ພະນັກງານຈໍານວນໜຶ່ງທີ່ອະນຸຍາດໃຫ້ພັກ ເຊັ່ນ: ຈຸບິນທີ່ເຫຼືອຢູ່ເສັ້ນບິນຫຼາຍເສັ້ນບິນບໍ່ໄດ້ ພະນັກງານບໍລິຫານບໍ່ໄດ້ເຮັດໜ້າທີ່ໂດຍກົງກັບການຜະລິດ ການບໍລິການຈະໄດ້ຮັບການພັກຜ່ອນໂດຍບໍ່ເອົາເງິນເດືອນ ເຊິ່ງພະນັກງານມີຄວາມຕື່ນຕົວ ແລະ ຍິນດີທີ່ຈະພັກຈົນກວ່າສະພາບຈະດີຂຶ້ນ ໂດຍການພັກຜ່ອນຂອງພະນັກງານຄັ້ງນີ້ ກວມເອົາ 30% ຂອງຈໍານວນພະນັກງານທັງໝົດ 1,000 ກວ່າຄົນ ເພື່ອຮັບປະກັນບໍ່ໃຫ້ມີຜົນກະທົບຕໍ່ການບໍລິການ ແລະ ຄວາມປອດໄພຂອງການບິນ.

ເພື່ອສະກັດກັ້ນ ແລະ ປ້ອງກັນການແຜ່ລະບາດຂອງພະຍາດ COVID-19 ເຂົ້າມາປະເທດເຮົາ ລັດວິສາຫະກິດສາຍການບິນລາວໄດ້ຢຸດເສັ້ນທາງບິນໄປປະເທດທີ່ມີຄວາມສ່ຽງ ເປັນຕົ້ນ ສປ ຈີນ ໄດ້ຢຸດໃຫ້ການບໍລິການແຕ່ຕົ້ນເດືອນກຸມພາເປັນຕົ້ນມາ ເລີ່ມແຕ່ວັນທີ 1 ມີນາ ໄດ້ເປີດໃຫ້ການບໍລິການບາງເສັ້ນບິນເນື່ອງຈາກວ່າຫຼາຍສາຍການບິນຂອງ ສປ ຈີນ ໄດ້ເປີດບິນເຂົ້າມາ ໂດຍສະເພາະ ຄຸນໝິງ 3 ຖ້ຽວຕໍ່ອາທິດ ສະເພາະເສັ້ນບິນໄປ ສ ເກົາຫຼີ ແມ່ນໄດ້ຢຸດແຕ່ວັນທີ 29 ກຸມພາ ເປັນຕົ້ນມາ ແລະ ເມື່ອສະພາບການດີຂຶ້ນ ກໍຈະເປີດຖ້ຽວບິນອີກຄັ້ງ ສໍາລັບການຮັບມືກັບການແຜ່ລະບາດພະຍາດນີ້ ແມ່ນປະຕິບັດຕາມຄໍາແນະນໍາຂອງກະຊວງສາທາ ໂດຍຈຸບິນໃນເວລາປະຕິບັດໜ້າທີ່ຕ້ອງໃສ່ໜ້າກາກ ຖົງມືປ້ອງກັນບໍ່ໃຫ້ຕິດເຊື້ອ ທຸກຖ້ຽວບິນຫຼັງຈາກທີ່ບິນກັບມາແລ້ວ ກ່ອນທີ່ຈະບິນຕໍ່ໄດ້ມີການນໍາໃຊ້ສານເຄມີບໍ່ມີຜົນກະທົບຕໍ່ຮ່າງກາຍທີ່ໄດ້ຮັບການຢັ້ງຢືນໃຫ້ນໍາໃຊ້ກັບເຮືອບິນ ເພືີ່ອອະເຊື້ອແລ້ວຈຶ່ງເອົາໄປບິນຕໍ່ເສັ້ນບິນຖ້ຽວຕໍ່ໄປ ແລະ ມາດຕະການອື່ນໆ ເຊັ່ນ: ຜູ້ໂດຍສານທີ່ເຂົ້າມາຕ້ອງກວດອຸນຫະພູມກ່ອນ ເພື່ອສະກັດກັ້ນການແຜ່ລະບາດຂອງພະຍາດ COVID-19.
ແນວໃດກໍຕາມ ອົງການທ່ອງທ່ຽວໂລກ (UNWTO)ໄດ້ລາຍງານຜົນກະທົບຈາກການແຜ່ລະບາດພະຍາອັກເສບປອດຕໍ່ພາກອຸດສາຫະກໍາທ່ອງທ່ຽວວ່າ: ການເຕີບໂຕຂະແໜງການທ່ອງທ່ຽວຈະຫລຸດລົງໃນລະດັບ 3%-4% ກັບການສູນເສຍລາຍໄດ້ປະມານ 30-50 ຕື້ໂດລາສະຫະລັດໃນທົ່ວໂລກສໍາລັບປີ 2020 ໃນນັ້ນຂົງເຂດອາຊີປາຊິຟິກຄາດວ່າຈະໄດ້ຮັບຜົນກະທົບປະມານ 9%-12%. ນອກຈາກນັ້ນອົງການດັ່ງກ່າວຍັງຊີ້ໃຫ້ເຫັນໄລຍະປີ 2001-2003 ທີ່ມີການເກີດພະຍາດຊາເຮັດໃຫ້ເສດຖະກິດໂລກໄດ້ຮັບຜົນກະທົບປະມານ 675 ລ້ານໂດລາສະຫະລັດ; ປີ 2009 ວິກິດເສດຖະກິດກັບສະພາບສົງຄາມໃນຕາເວັນອອກາງເຮັດໃຫ້ເສດຖະກິດໄດ້ຮັບຜົນກະທົບ 892 ລ້ານໂດລາສະຫະລັດ.

Advertisement Replay Ad

ຂໍຂອບໃຈ

ຂໍ້ມູນ : ເກີດຂວັນໃຈ ມາລີຈັນສີ

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ