ວັນອາທິດ ທີ 16 ພຶດສະພາ 2021

CEO ໜຸ່ມຊາວອາເມລິກາ ຫຼຸດເງິນເດືອນຂອງຕົນເອງລົງ ເພື່ອເພີ່ມເງິນເດືອນໃຫ້ພະນັກງານໝົດບໍລິສັດ

CEO ໜຸ່ມຊາວອາເມລິກາ ຫຼຸດເງິນເດືອນຂອງຕົນເອງລົງ ເພື່ອເພີ່ມເງິນເດືອນໃຫ້ພະນັກງານໝົດບໍລິສັດ
S! Muan

ສະໜັບສະໜູນເນື້ອຫາ

CEO ບໍລິສັດບັດ​ເຄຣ​ດິດ​ສັນ​ຊາດ​ອາເມລິກາ ທົດລອງ​ຫຼຸດ​ລາຍ​ໄດ້​ຂອງໂຕ​ເອງ​ລົງ ເພື່ອ​ນຳ​ໄປ​ປັບ​ຖານ​ເງິນ​ເດືອນ​ຂັ້ນ​ຕ່ຳ​ໃຫ້​ກັບ​ພະນັກງານ 120 ຄົນ ລວມ​ເປັນ​ຄົນ​ລະ 622 ລ້ານກີບ​ຕໍ່​ປີ. ຜ່ານ​ໄປ 5 ປີ ໄດ້​ຜົນລັບທີ່​ດີ​ເກີດ​ຄາດ.

ບົດ​ຄວາມ​ຈາກ BBC ຊຶ່ງ​ຂຽນ​ໂດຍ ສະເຕຟານີ ເຮກາທີ ບອກ​ເລົ່າເລື່ອງ​ລາວ​ຂອງ​ມະຫາ​ເສດ​ຖີ​ໜຸ່ມ​ຊື່ ແດນ ໄພຣຊ໌ CEO ແລະ​ ຜູ້​ກໍ່​ຕັ້ງ​ບໍລິສັດ Gravity Payments ບໍລິສັດ​ຜູ້​ໃຫ້​ບໍລິການ​ທາງ​ການ​ເງິນ​ປະ​ມວນ​ຜົນບັດ​ເຄຣ​ດິດ ຊຶ່ງ​ມີ​ສຳ​ນັກ​ງານ​ໃຫຍ່​ຢູ່ໃນ​ເມືອງ​ຊີ​ແອດ​ເທີນ ລັດ​ວໍ​ຊິງ​ຕັນ​ ຂອງ​ສະຫະລັດ.

ໄພຣຊ໌​ ເລົ່າ​ວ່າ ຕົນເອງສ້າງ​ຕັ້ງ​ບໍລິສັດ​ນີ້​ຂຶ້ນ​ຕັ້ງ​ແຕ່​ອາ​ຍຸຍັງບໍ່​ຮອດ 20 ປີ. ເມື່ອ​ເວລາ​ຜ່ານ​ໄປ​ກໍ​ປະ​ສົບ​ຄວາມ​ສຳ​ເລັດ​ຂຶ້ນ​ເລື້ອຍ​ໆ ຈົນ​ມີ​ລູກ​ຄ້າຫຼາຍກວ່າ 2,000 ຄົນ ແລະ ​ໃນ​ໄວ​ພຽງ 31 ປີ​ ລາວ​ກໍ​ກາຍ​ເປັນ​ມະຫາ​ເສດ​ຖີ​ທີ່​ສ້າງໂຕ​ຂຶ້ນ​ມາ​ດ້ວຍ​ລຳ​ແຄ່ງ​ຂອງໂຕ​ເອງ ແລະ ​ບໍລິສັດ Gravity Payments ກໍ​ມີ​ມູນ​ຄ່າ​ຫຼາຍ​ລ້ານ​ໂດລາສະຫະລັດໃນ​ປັດຈຸບັນ.

ໃນ​ປີ 2015, ເຖິງວ່າ ​ໄພ​ຣ​ຊ​ ໌​ຈະ​ມີ​ລາຍ​ໄດ້​ຕໍ່​ປີຫຼາຍ​ເຖິງ 1.1 ລ້ານໂດລາ ຫຼື ປະມານ 9.7 ຕື້ກີບ, ລາວຊໍ້າພັດ​ພົ​ບວ່າໂຕ​ເອງ​ບໍ່​ມີ​ຄວາມ​ສຸກ​ເລີຍ​ເມື່ອ​ຄິດ​ເຖິງ​ສະຖານະການ​ທີ່ພະນັກງານ​ໃນ​ບໍລິສັດ 120 ຄົນ​ຂອງ​ຕົນເອງ​ຕ້ອງ​ປະເຊີນ​ຢູ່ ຊຶ່ງ​ລາວ​ຮູ້ສຶກ​ວ່າ ​ຕ້ອງ​ລຸກ​ຂຶ້ນ​ມາ​ປ່ຽນ​ແປງ​​ບາງຢ່າງ​ເພື່ອ​ຄຸນນະພາບ​ຊີວິດ​ທີ່​ດີກວ່າ​ຂອງ​ພະນັກງານ​ທຸກ​ຄົນ.

ໄພ​ຣ​ຊ໌ ​ເລົ່າ​ໃຫ້ ສະເຕຟານີ ເຮກາທີ ຜູ້​ສື່​ຂ່າວ BBC ຟັງ​ຕໍ່ ໂດຍ​ຍົກ​ກໍລະນີ​ທີ່​ເຮັດໃຫ້​ລາວ​ເບິ່ງ​ໂລກ​ປ່ຽນ​ໄປ​ວ່າ ມື້​ໜຶ່ງ​ລະຫວ່າງ​ທີ່​ລາວ​ກຳ​ລັງ​ປີນ​ພູ​ແຄສເຄດ​ໃນ​ນະຄອນ​ຊີ​ແອດ​ເທີນ​ກັບ​ໝູ່​ສະໜິດ​ທີ່​ເຄີຍ​ເຮັດວຽກ​ຮັບ​ໃຊ້​ຊາດ​ໃນ​ກອງທັບ​ສະຫະລັດ ຢ່າງ 'ວາ​ແລ​ຣີ' ຢູ່, ນາງ​ກ່າວ​ວ່າ ​ນາງ​ກຳ​ລັງ​ຕົກ​ຢູ່ໃນ​ສະຖານະ​ການ​ລຳ​ບາກ​ເນື່ອງ​ຈາກ​ເງິນ​ເດືອນ​ທີ່​ໄດ້ຮັບ​ນັ້ນ​ບໍ່​ພຽງ​ພໍ​ຕໍ່​ລາຍ​ຈ່າຍ​ໃນ​ແຕ່​ລະ​ເດືອນ ແລະ ​ຄ່າ​ເຊົ່າ​ເຮືອນ​ລາຍ​ເດືອນ​ກໍ​ຫາກໍ່​ຈະ​ປັບ​ເພີ່ມ​ອີກ 200 ໂດລາ.

ຄຳ​ບອກ​ເລົ່າ​ນັ້ນ ​ເຮັດໃຫ້​ ໄພຣຊ໌ ປະ​ຫຼາດ​ໃຈຫຼາຍ ເພາະ​ວາ​ແລ​ຣີ​ຄື​ຄົົນທີ່ດຸໝັ່ນເຮັດວຽກ​ຢ່າງຫຼາຍ. ນາງ​ເຮັດວຽກ​ເຖິງ 2 ອາ​ຊີບ​ໃນ​ເວລາ​ດຽວ​ກັນ ນັບ​ລວມ​ແລ້ວ​ນາງ​ເຮັດວຽກຫຼາຍ​ເຖິງ 50 ຊົ່ວ​ໂມງ​ຕໍ່​ອາທິດ, ສ້າງ​ລາຍ​ໄດ້​ປີ​ລະ​ປະ​ມານ 40,000 ໂດລາ ຫຼື ປະມານ 356 ລ້ານກີບ ແຕ່​ລາຍ​ໄດ້​ເທົ່າ​ນີ້​ບໍ່​ສາມາດ​ຊື້ເຮືອນ​ດີ​ໆຈັກ​ຫຼັງ​ໃນ​ຊີ​ແອດ​ເທີນ​ຢູ່​ໄດ້.

ສິ່ງ​ທີ່ເກີດຂຶ້ນກັບ​ໝູ່​ຂອງໂຕ​ເອງ​ເຮັດໃຫ້ ​ໄພຣຊ໌ ຮັບຮູ້​ວ່າ ພະນັກງານ​ຈຳນວນຫຼາຍ​ຕ້ອງ​ອົດ​ຢາກ ເຖິງວ່າ​ຈະເຮັດວຽກ​ໜັກ. ຫຼາຍ​ຄົນ​ຖືກ​ປົດ ຂະນະ​ທີ່​ຫຼາຍ​ຄົນ​ກໍ​ຖືກ​ເອົາ​ປຽບ ເພື່ອ​ທີ່​ວ່າ ກຸ່ມ​ຄົນ​ລວຍ​ພຽງ​ບໍ່​ເທົ່າໃດ​ເປີເຊັນຂອງ​ປະເທດ​ຈະ​ສາມາດ​ໃຊ້​ຊີວິດ​ຢູ່​ຢ່າງ​ສຸກ​ສະບາຍ​ໃນເຮືອນຫຼູຫຼາລາ​ຄາ​ຫຼາຍ​ຕື້ກີບໃຈ​ກາງ​ນິວ​ຢອກ​ໄດ້.

ຂໍ້​ມູນ​ທາງ​ສະ​ຖິ​ຕິ​ຊີ້​ວ່າ ກ່ອນ​ປີ 1995 ຄົນ​ທຸກຍາກ​ທີ່ສຸດ​ເຄິ່ງ​ປະເທດ​ໃນ​ສະຫະລັດ ໄດ້ຮັບ​ສ່ວນ​ແບ່ງ​ທາງ​ຄວາມຮັ່ງມີ​ຂອງ​ປະເທດຫຼາຍກວ່າ 'ກຸ່ມ 1 ເປີເຊັນ' ຊຶ່ງ​ໝາຍ​ເຖິງ​ກຸ່ມ​ຄົົນທີ່ລວຍ​ທີ່ສຸດ​ໃນ​ປະເທດ. ແຕ່​ຫຼັງ​ຈາກ​ປີ​ນັ້ນ​ເປັນ​ຕົ້ນ​ມາ ກຸ່ມ '1 ເປີເຊັນ' ໄດ້ຮັບ​ສ່ວນ​ແບ່ງ​ທາງ​ຄວາມຮັ່ງມີ​ຂອງ​ປະເທດຫຼາຍກວ່າ​ກຸ່ມ​ຄົນ​ທຸກຍາກ​ທີ່ສຸດເຄິ່ງ​ປະເທດ. ນອກ​ຈາກ​ນັ້ນ ໃນ​ປີ 1965 ບັນດາ CEO ໃນ​ສະຫະລັດ​ຕ່າງ​ມີລາຍໄດ້ຫຼາຍ​ກວ່າພະນັກງານ​ທົ່ວ​ໄປ​ປະມານ 20 ເທົ່າ. ແຕ່​ໃນ​ປີ 2015 ພົ​ບວ່າ​ພວກເຂົາມີລາຍໄດ້​ສູງ​ກວ່າພະນັກງານທົ່ວ​ໄປຫຼາຍ​ເຖິງ 300 ເທົ່າ.

ບົດວິໄຈປ່ຽນ​ຊີວິດ

ນອກ​ຈາກ​ຄວາມຫຼຸດໂຕນທັງ​ໝົດ​ທີ່ເກີດຂຶ້ນ ແລະ ​ປະສົບການ​ກົງ​ຂອງ​ໝູ່ສະໜິດ, ໄພຣຊ໌ ໄດ້​ຮຽນ​ຮູ້​ຫຼັກ​ການ​​ຈາກ​ບົດວິໄຈ​ດ້ານເສດຖະສາດ​ຂອງ 'ແດ​ນຽລ ຄາ​​ເນ​ມານ' ແລະ 'ອັນ​ກັສ ເດ​ທັລ' ນັກເສດຖະສາດ​ເຈົ້າ​ຂອງ​ລາງ​ວັນ​ໂນ​ເບວ ຜູ້​ສ້າງສັນ​ບົດວິໄຈ​ກ່ຽວກັບ "ຊາວ​ອາເມລິກາ​ຈຳ​ເປັນ​ຕ້ອງ​ໃຊ້​ເງິນ​ເທົ່າ​ໃດ​ຈຶ່ງ​ຈະ​ມີ​ຄວາມ​ສຸກ?". ຫຼັງ​ຈາກ​ໄດ້​ອ່ານ​ບົດວິໄຈ​ນີ້​ຢ່າງ​ລະອຽດ ໄພຣຊ໌ ເລີ່ມ​ເຮັດ​ຕາມ​ທັນ​ທີ ໂດຍ​ການ​ຄິດໄລ່​ຈາກ​ສູດ​ທີ່​ບົດວິໄຈ​ລະ​ບຸ​ຈົນ​ສຸດ​ທ້າຍ​ແລ້ວ​ ລາງຫາ​ຂໍ້​ສະຫຼຸບ​ອອກ​ມາ​ໄດ້​ວ່າ ​ຄ່າ​ແຮງ​ຂັ້ນ​ຕ່ຳ​ທີ່ພະນັກງານ​ຂອງລາວ​ຕ້ອງ​ການ​ຄື 70,000 ໂດລາ ຫຼື ປະມານ 622 ລ້ານກີບຕໍ່ປີ ຈຶ່ງ​ຈະ​ສາມາດ​ມີ​ຄວາມ​ສຸກ​ກັບ​ຊີວິດ​ໄດ້.

ຢ່າງໃດ​ກໍ​ຕາມ, ການ​ຈະ​ເຮັດໃຫ້​ສິ່ງ​ນັ້ນ​ເກີດ​ຂຶ້ນ​ໄດ້​ບໍ່​ພຽງ​ແຕ່​ລາວ​ຈະ​ຕ້ອງ​ຍອມ​ຫຼຸດ​ລາຍ​ໄດ້​ຂອງໂຕ​ເອງ​ລົງ​ປີ​ລະ 1 ລ້ານໂດລາ​ເທົ່າ​ນັ້ນ, ແຕ່​ ໄພຣຊ໌ ​ຍັງຕ້ອງ​ນຳ​ເຮືອນ​ທັງ​ສອງ​ຫຼັງ​ຂອງໂຕ​ເອງ​ເຂົ້າ​ຊວດຈຳ ແລະ ປ່ອຍ​ເຊົ່າ​ໃນ Airbnb, ຍອມ​ເສຍ​ຮຸ້ນ ລວມທັງ​ເງິນ​ທ້ອນ​ຂອງໂຕ​ເອງ​ອີກດ້ວຍ ແລະ ​ປ່ຽນ​ໄປ​ຂັບ​ລົດ​ທຳມະດາ​ໆ ຈຶ່ງ​ຈະ​ສາມາດ​ເພີ່ມ​ຖານ​ເງິນ​ເດືອນ​ຂອງ​ພະນັກງານ​ທັງ 120 ຄົນ​ໄດ້​ຕາມ​ແຜນ. ຫຼັງ​ຈາກ​ນັ້ນ ລາວ​ໄດ້​ເອີ້ນ​ພະນັກງານ​ທຸກ​ຄົນປະຊຸມ ພ້ອມ​ບອກ​ຂ່າວ​ດີ. ໄພຣຊ໌ ​ຄາດ​ວ່າ​ຕົນເອງ​ຈະ​ຕ້ອງ​ເຫັນ​ສີ​ໜ້າ​ດີ​ໃຈ​ຫຼາຍ​ຈາກ​ພະນັກງານ​ຢ່າງແນ່ນອນ, ແຕ່​ໃນ​ຄວາມ​ເປັນ​ຈິງ​ແລ້ວ​ ທຸກ​ຄົນ​ຕ່າງ​ສະແດງ​ຄວາມ​ຕົກ​ໃຈ ​ແລະ ​ຕົກ​ຕະ​ລຶງ​ໃນ​ການ​ຕັດ​ສິນ​ໃຈ​ຂອງ​ຫົວໜ້າ.

ຫຼັງ​ການປ່ຽນ​ແປງຄັ້ງ​ໃຫຍ່​ຄັ້ງນັ້ນ, ບໍລິສັດ Gravity ໄດ້​ປ່ຽນແປງ​ຈາກ​ໜ້າ​ມື​ເປັນ​ຫຼັງ​ມື. 5 ປີ​ຫຼັງ​ການ​ປະ​ກາດ​ຂຶ້ນ​ຄ່າ​ແຮງ ຈຳນວນ​ພະນັກງານ​ໃນ​ບໍລິສັດ​ເພີ່ມ​ຂຶ້ນ​ເຖິງ​ເທົ່າໂຕ ແລະ​ ມູນ​ຄ່າ​ການເຮັດ​ທຸລະກຳທາງ​ການ​ເງິນ​ຜ່ານ Gravity ເພີ່ມ​ຈາກ 3,800 ລ້ານໂດລາ ເປັນ 10,200 ລ້ານໂດລາ.

ສິ່ງ​ທີ່​ລາວ​ພາກ​ພູູມໃຈຫຼາຍ​ທີ່ສຸດ ຊໍ້າພັດ​ເປັນ​ຄວາມ​ສຸກ​ທີ່ພະນັກງານ​ໃນ​ບໍລິສັດ​ໄດ້ຮັບ ເຫັນ​ໄດ້​ຈາກ​ການ​ຕັດ​ສິນ​ໃຈ​ມີ​ລູກ​ທີ່​ເພີ່ມ​ຂຶ້ນຫຼາຍ ຊຶ່ງ​ກ່ອນ​ການ​ປັບ​ຖານ​ເງິນ​ເດືອນ​ຂອງ​ທຸກ​ຄົນ​ເປັນ 70,000 ໂດລາ ມີ​ເດັກ​ເກີດ​ໃໝ່​ຈາກ​ພະນັກງານ​ໃນ​ບໍລິສັດ​ບໍ່​ຮອດ 2 ຄົນ ເພາະ​ທຸກ​ຄົນ​ຍັງບໍ່​ມີ​ສັກ​ກະຍະ​ພາບຫຼາຍ​ພໍ​ທີ່​ຈະ​ມີລູກ. ແຕ່​ຜ່ານ​ໄປ​ພຽງ 4 ປີ​ເຄິ່ງ ຕອ​ນນີ້​ມີ​ເດັກ​ເກີດ​ໃໝ່ຫຼາຍ​ເຖິງ 40 ຄົນເລີຍ.

ນອກ​ຈາກ​ນັ້ນ ພະນັກງານຫຼາຍກວ່າ 10 ເປີເຊັນຂ​ອງ​ບໍລິສັດ​ ສາມາດ​ທີ່​ຈະ​ຊື້ເຮືອນ​ເປັນ​ຂອງໂຕ​ເອງ​ໄດ້​ໃນ​ເມືອງ​ທີ່​ມີ​ຄ່າ​ເຊົ່າ​ແພງ​ຕິດ​ອັນ​ດັບ​ຕົ້ນ​ໆຂອງ​ປະເທດ​ຢ່າງ​ຊີ​ແອດ​ເທີນ ຈາກ​ເດີມ​ທີ່​ອັດຕາສ່ວນ​ຂອງ​ພະນັກງານ​ທີ່​ສາມາດ​ຊື້​ເຮືອນ​ໄດ້​ມີ​ບໍ່​ເຖິງ 1 ເປີເຊັນ​ເທົ່າ​ນັ້ນ. ເທົ່າ​ນັ້ນ​ຍັງບໍ່​ພໍ ພະນັກງານ​ໃນ​ບໍລິສັດ​ຍັງສະໝັກ​ໃຈ​ເກັບ​ເງິນ​ທຶນ​ສຳ​ຮອງ​ລ້ຽງ​ຊີບ​ກັບ​ບໍລິສັດ​ເພີ່ມ​ຂຶ້ນ​ເປັນ​ເທົ່າໂຕ ແລະ ​ພະນັກງານ 70 ເປີເຊັນຂອງ​ບໍລິສັດ ​ສາມາດ​ປົດ​ໜີ້​ໄດ້​ຮຽບຮ້ອຍ​ແລ້ວ.

ຄວາມ​ສຳ​ເລັດ​ທີ່​ບໍ່​ໄດ້​ເກີດ​ຂຶ້ນ​ງ່າຍໆ

ຄວາມ​ສຳ​ເລັດ​ນີ້​ເຮັດໃຫ້​ ໄພຣຊ໌ ​ໄດ້ຮັບ​ຄວາມ​ສົນ​ໃຈ​ຈາກ​ສື່​ ແລະ​ ປະຊາຊົນເປັນຈຳນວນຫຼາຍ. ທ່ານ​ໄດ້ຮັບ​ຈົດໝາຍ​​ຊົມເຊີຍ ​ແລະ ​ໃຫ້​ກຳ​ລັງ​ໃຈ​ແບບ​ນັບ​ບໍ່​ຖ້ວນ ເຖິງ​ຂັ້ນ​ທີ່​ເຄີຍ​ຂຶ້ນ​ປົກ​ວາລະ​ສານຊື່ດັງພ້ອມ​ໄດ້ຮັບ​ສົມຍານາມ "America's Best Boss". ແຕ່​ທຸກ​ການ​ປ່ຽນແປງ​ມີ​ອຸປະສັກ​ສະເໝີ, ໃນ​ໄລຍະທຳອິດຫຼັງ​ຈາກ​ທີ່​ມີ​ການ​ລາຍ​ງານ​ຂ່າວ​ເລື່ອງ​ການ​ປັບ​ຂຶ້ນ​ຄ່າ​ແຮງ​ພະນັກງານ​ຂອງ​ບໍລິສັດ Gravity ອອກ​ໄປ​ສູ່​ສາທາລະນະ, ລູກ​ຄ້າ​ຂອງ​ລາວ​ເອງ​ບາງ​ຄົນ​ກ່າວ​ຫາ​ວ່າ​ນີ້​ຄື​ແຜນ​ການ​ທາງ​ການ​ເມືອງ.

ຍິ່ງ​ໄປ​ກວ່າ​ນັ້ນ, ໄລຍະ​ເວລາ​ດັ່ງ​ກ່າວ​ເປັນໄລຍະ​ເວລາ​ທີ່​ຫຼາຍ​ພາກ​ສ່ວນ​ໃນ​ນະຄອນ​ຊີ​ແອດ​ເທີນ​ພະຍາຍາມ​ຖົກ​ຖຽງ​ກັນ​ເຖິງ​ນະໂຍບາຍ​ການ​ປັບ​ຂຶ້ນ​ຄ່າ​ແຮງ​ຂັ້ນ​ຕ່ຳ​ຂອງ​ລັດວໍ​ຊິງ​ຕັນ​ໃຫ້ເປັນ 15 ໂດລາ​ຕໍ່​ຊົ່ວ​ໂມງ, ຊຶ່ງ​ເປັນ​ສິ່ງ​ທີ່​ທຸລະກິດ​ຂະໜາດ​ນ້ອຍ​ຕ່າງ​ພາ​ກັນ​ອອກ​ມາ​ຕໍ່​ຕ້ານ ເພາະ​ນັ້ນ​ຈະ​ເຮັດໃຫ້​ພວກ​ເຂົາໄດ້ຮັບ​ຜົນ​ກະທົບ​ຢ່າງ​ໜັກ​ຈົນ​ອາດ​ເຖິງ​ຂັ້ນ​ຂາດ​ທຶນ​ຈົນ​ຕ້ອງ​ປິດ​ກິດຈະການ ແລະ​ ໜຶ່ງ​ໃນ​ຜູ້​ທີ່​ອອກ​ມາ​ຕໍ່ວ່າ​ສິ່ງ​ທີ່ ​ໄພຣຊ໌ ​ເຮັດ​ ແລະ ເອີ້ນລາວ​ວ່າ​ເປັນ 'ກອມມູນິດ' ກໍ​ຄື ຣັສ ລິມ​ໂບ ນັກ​ຈັດ​ລາຍ​ການ​ວິທະຍຸຜູ້​ຊຶ່ງ​ເປັນ​ບຸກ​ຄົນ​ທີ່ ​ໄພຣຊ໌ ​​ມັກ​ຫຼາຍ​ຕັ້ງ​ແຕ່​ໄວ​ເດັກ.

ລິມ​ໂບ ກ່າວ​ວ່າ ລາວ​ຫວັງ​ໃຫ້​ກໍລະນີ​ການ​ປັບ​ຖານ​ເງິນ​ເດືອນ​ພະນັກງານ​ບໍລິສັດ Gravity ຈະ​ຖືກ​ບັນ​ຈຸ​ຢູ່ໃນ​ຫຼັກ​ສູດ MBA ເພື່ອ​ອະທິບາຍ​ວ່າ​ເປັນຫຍັງ​ນະໂຍບາຍ​ສັງຄົມ​ນິຍົມ​ແບບ​ນີ້​ບໍ່​ມີ​ທາງ​ສຳ​ເລັດ. ເພາະແນວໃດກໍຕາມ ​ສິ່ງ​ທີ່ ​ໄພຣຊ໌ ​ເຮັດ​ກໍ​ຕ້ອງຫຼົມແຫຼວ​ຢ່າງແນ່ນອນ. ຂະນະ​ທີ່ພະນັກງານ​ລະ​ດັບ​ສູງ​ຂອງ​ບໍລິສັດ Gravity ເອງ 2 ຄົນ​ກໍ​ຂໍ​ລາ​ອອກ​ໃນ​ໄລຍະຕົ້ນ​ເຊັ່ນ​ກັນ ເພາະ​ພວກ​ເຂົາ​ຮັບ​ບໍ່​ໄດ້​ທີ່​ເງິນ​ເດືອນ​ຂອງ​ພະນັກງານ​ໃໝ່​​ເພີ່ມ​ຂຶ້ນແບບກ້າວກະໂດດ 2 ເທົ່າ​ທັນ​ທີ​ໃນ​ຊົ່ວ​ຂ້າມ​ຄືນ ຊຶ່ງ​ທ່ານ​ທັງ​ສອງ​ຄົນ​ຄິດວ່າ​ ນະໂຍບາຍ​ນີ້​ຈະ​ເຮັດໃຫ້​ຄົນ​ໝົດ​ບໍລິສັດ​ຂີ້​ຄ້ານຫຼາຍ​ຂຶ້ນ​ ແລະ ​ບໍ່​ມີ​ທາງ​ແຂ່ງ​ຂັນ​ກັບ​ບໍລິສັດ​ອື່ນ​ໄດ້.

ແຕ່ ​ໄພຣຊ໌​ ໄດ້​ພິສູດ​ແລ້ວ​ວ່າ​ ສິ່ງ​ທີ່​ລາວ​ຖືກ​ກ່າວ​ຫາ​ນັ້ນ​ບໍ່​ເປັນ​ຄວາມ​ຈິງ.

ຂໍຂອບໃຈ

ຂໍ້ມູນ : Voice TV , BBC , The Guardian , SBS

ພາບ : Gravity Payments/AFP

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 26 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ປະຫວັດການເຄື່ອນໄຫວຂອງ 65 ກໍລະນີຕິດເຊື້ອໂຄວິດ-19 ຢັ້ງຢືນໃໝ່ ປະຈຳວັນທີ 23 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 22 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ