ວັນສຸກ ທີ 29 ພຶດສະພາ 2020

ຫາກໄດ້ຮັບ 'ເຊື້ອໂຄວິດ-19' ຈະສົ່ງຜົນຕໍ່ຮ່າງກາຍຂອງເຮົາແນວໃດແດ່?

ຫາກໄດ້ຮັບ 'ເຊື້ອໂຄວິດ-19' ຈະສົ່ງຜົນຕໍ່ຮ່າງກາຍຂອງເຮົາແນວໃດແດ່?
S! Muan

ສະໜັບສະໜູນເນື້ອຫາ

ລາຍ​ງານ​ທາງ​ການ​ແພດ​ລະ​ບຸ ເຊື້ອ​ໂຄ​ວິດ​-19 ຈະ​ສົ່ງ​ຜົນ​ຕໍ່​ປອດ​ໂດຍ​ກົງ​ ແລະ​ ເຮັດໃຫ້​ລະບົບ​ອະໄວຍະວະ​ພາຍ​ໃນ​ຊຸດໂຊມ ຊຶ່ງ​ເປັນ​ສາ​ເຫດ​ຂອງ​ການ​ເສຍຊີວິດ​ຂອງ​ຜູ້​ໄດ້ຮັບ​ເຊື້ອ, ໃຊ້​ໜ້າ​ກາກ​ອະນາໄມ​ບໍ່​ຖືກ​ວິທີ ບໍ່​ຊ່ວຍ​ປ້ອງ​ກັນ.

ວາລະສານ​ການ​ແພດ The New England ເຜີຍແຜ່​ບົດລາຍ​ງານ​ຂອງ​ແພດ​ຜູ້ປິ່ນປົວ​ຜູ້​ຕິດ​ເຊື້ອ​ໂຄ​ວິດ​-19 ລາຍ​ທຳອິດ​ຂອງສະຫະລັດ ຊຶ່ງ​ຜູ້​ຕິດ​ເຊື້ອ​ລາຍ​ນີ້​ຖືກ​ກວດ​ພົ​ບວ່າ ​ຕິດ​ເຊື້ອ​ຫຼັງ​ເດີນທາງກັບ​ຈາກ​ອູ່​ຮັ້ນ​ເມື່ອ​ເດືອນ​ມັງກອນ ໂດຍ​ໃນ​ລາຍ​ງານ​ລະບຸ​ເຖິງ​ອາການ ​ແລະ ​ວິທີ​ການປິ່ນປົວ​ຂອງ​ພະຍາດ​ໂຄ​ວິດ​-19 ໄວ້​ດັ່ງ​ນີ້:

ເມື່ອ​ວັນທີ 19 ມັງກອນ ຊາຍ​ຄົນ​ນີ້​ມາ​ຫາ​ແພດ​ດ້ວຍ​ອາການ​ໄຂ້​ພຽງ 37.2 ອົງ​ສາ​ເຊລ​ຊຽສ, ມີ​ອາການ​ໄອ ໂດຍ​ຫຼັງ​ຈາກ​ກວດ​ຮອບ​ທຳອິດ​ບໍ່​ພົບ​ເຊື້ອ​ໄວ​ຣັດ​ໂຄ​ໂຣ​ນາ​ສາຍ​ພັນ​ໃໝ່ ແລະ ​ບໍ່​ພົບ​ຄວາມ​ຜິດ​ປົກກະຕິ​ຂອງ​ປອດ, ແພດ​ຈຶ່ງ​ໃຫ້​ຜູ້​ຕິດ​ເຊື້ອກັບ​ໄປ​ສັງເກດ​ອາການ​ຕົວ​ເອງຢູ່ເຮືອນ ເນື່ອງ​ຈາກ​ອາດຈະ​ເປັນພຽງ​ອາການ​ຂອງ​ໄຂ້​ຫວັດ​ໃຫຍ່​ທີ່​ກຳ​ລັງ​ລະ​ບາດ​ໃນສະຫະລັດໃນໄລຍະ​ນັ້ນ. ຈົນກະທັ້ງ​ຜົນ​ກວດ​ຈາກ​ສຳ​ນັກ​ງານ​ປ້ອງ​ກັນ ​ແລະ ​ຄວບ​ຄຸມ​ພະຍາດ​ແຫ່ງ​ຊາ​ດສະ​ຫະລັດ (CDC) ລະບຸ​ວ່າ ຊາຍ​ຄົນ​ດັ່ງກ່າວ​ມີ​ເຊື້ອ​ໂຄ​ວິດ​-19.

ທັງ​ນີ້ ຕະຫຼອດ​ການປິ່ນປົວ​ພົ​ບວ່າ​ ຊາຍ​ຄົນ​ນີ້​ມີ​ອາການ​ໄອ​ແຫ້ງ ແລະ ​ເມື່ອ​ເຂົ້າ​ມື້ທີ 2 ຂອງ​ການປິ່ນປົວ (21 ມັງກອນ) ກໍ​ມີ​ອາການປວດ​ຮາກ ແຕ່​ບໍ່​ມີ​ການ​ຫາຍ​ໃຈ​ຕິດ​ຂັດ ຫຼື ເຈັບ​ໜ້າ​ເອິກ​ແຕ່​ຢ່າງ​ໃດ ແຕ່ພົ​ບວ່າ​ ຄົນເຈັບ​ມີ​ເຍື່ອ​ເມືອກ​ແຫ້ງ.

ຂະນະ​ທີ່​ຜົນ​ຈາກ​ຫ້ອງວິເຄາະ​ໃນ​ມື້ທີ 3 ແລະ 5 ພ​ົບວ່າ ​ຄົນເຈັບ​ມີ​ພາ​ວະ​ເມັດ​ເລືອດ​ຂາວ​ ແລະ​ ພາ​ວະ​ເກັດ​ເລືອດ​ຕ່ຳ​ຢ່າງ​ອ່ອນ ແລະ ​ຄ່າ​ການ​ເຮັດ​ວຽກງານ​ຂອງ​ຕັບ​ມີ​ການ​ປ່ຽນ​ແປງ. ຂະນະ​ທີ່​ຟີມ x-ray ປອດ​ໃນ​ມື້ທີ 5 ພົ​ບວ່າ ​ຄົນເຈັບ​ເລີ່ມ​ມີ​ອາການ​ອັກເສບປອດ​ ແລະ ​ພົ​ບວ່າ​ຄ່າ​ຄວາມ​ອີ່ມ​ຕົວ​ຂອງ​ອັອກ​ຊິ​ເຈນ​ໃນ​ປອດ​ຢູ່ໃນ​ລະ​ດັບ​ຕ່ຳ​ກວ່າ 90 ເປີເຊັນ ເມື່ອ​ຫາຍ​ໃຈ​ເອງ.

ໃນ​ມື້ທີ 6 ຂອງ​ການປິ່ນປົວ, ແພດ​ໄດ້​ໃຫ້​ອັອກ​ຊິ​ເຈນ​ເພື່ອ​ຊ່ວຍ​ໃນ​ການ​ຫາຍ​ໃຈ ແລະ ​ຟີມ x-ray ປາກົດ​ໃຫ້​ເຫັນ​ຮ່ອງ​ຮອຍ​ຂອງ​ພະຍາດ​ອັກເສບປອດ​ທີ່​ເຫັນໄດ້ໃນ​ທົ່ວ​ປອດ, ແພດ​ຈຶ່ງ​ເລີ່ມປິ່ນປົວ​ດ້ວຍ​ການ​ໃຫ້​ຢາ​ຕາມ​ອາການ​ຕ່າງ​ໆ ລວມທັງຢາ​ຕ້ານ​ໄວ​ຣັດ. ຈົນ​ເຖິງ​ຕອນແລງ​ຂອງມື້ທີ 7 ພົ​ບວ່າ ​ຄົນເຈັບ​ຍັງ​ບໍ່​ມີ​ອາການ​ຊຶມເຊື້ອ​ໃດ​ໆ. ຈົນກະທັ້ງມື້ທີ 8 (29 ມັງກອນ) ອາການ​ຂອງ​ຄົນເຈັບ​ຄ່ອຍ​ໆ ດີ​ຂຶ້ນ ເລີ່ມ​ຫາຍ​ໃຈ​ໄດ້​ເອງ, ຄ່າ​ຄວາມ​ອິ່ມ​ຕົວ​ຂອງ​ອັອກ​ຊິ​ເຈນ​ໃນ​ປອດກັບ​ມາ​ຢູ່ 94-96 ເປີ​ເຊັນ​, ຮ່ອງ​ຮອຍ​ຂອງ​ພະຍາດອັກເສບ​ປອດ ​ໃນ​ປອດສ່ວນ​ລຸ່ມ​ກໍ​ບໍ່​ປາກົດ​ໃຫ້​ເຫັນ ເຫຼືອ​ແຕ່​ພຽງ​ອາການ​ໄອ​ແຫ້ງ ​ແລະ ​ມີ​ນ້ຳ​ມູກ​ເທົ່າ​ນັ້ນ.

ຈາກ​ລາຍ​ງານ​ຂ້າງ​ຕົ້ນ​ເຫັນ​ໄດ້​ຊັດເຈນວ່າ ເຊື້ອ​ໄວ​ຣັດ​ໂຄ​ວິດ​-19 ນັ້ນ​ມຸ້ງ​ທຳລາຍ​ປອດ​ເປັນ​ສຳຄັນ, ຂະນະ​ທີ່​ປອດ​ເປັນ​ອະໄວຍະວະ​ສຳຄັນ​ໃນ​ການ​ຮັບ​ອັອກ​ຊິ​ເຈນ​ເຂົ້າ​ສູ່​ຮ່າງກາຍ​ເພື່ອ​ໄປ​ຫຼໍ່​ລ້ຽງ​ອະໄວຍະວະ​ຕ່າງ​ໆ.

ສື່​ຈີນ​ລາຍ​ງານ​ວ່າ ເຊື້ອ​ໄວ​ຣັດ​ດັ່ງກ່າວຈະ​ລົງ​ໄປ​ທຳລາຍ​ເຊວຂອງ​ເຍື່ອ​ຫຸ້ມ​ປອດ​ ຊຶ່ງ​ເຮັດໃຫ້​ເກີດ​ອາການອັກເສບປອດ ຊຶ່ງ​ໂດຍ​ປົກກະຕິ​ແລ້ວ​ ເຍື່ອ​ຫຸ້ມ​ປອດ​ ຫຼື ​ຖົງ​ລົມ​ໃນ​ປອດ​ຂອງ​ຮ່າງກາຍ​ມະນຸດ ​ຈະ​ມີ​ລັກສະນະ​ທີ່​ແຫ້ງ ແລະ ​ຫາກ​ຖືກ​ທຳລາຍ​ອາດຈະ​ມີ​ຂອງ​ແຫຼວ​ເຂົ້າໄປ​ຢູ່​ພາຍ​ໃນ ຊຶ່ງ​ຈະ​ສົ່ງ​ຜົນ​ຕໍ່​ລະບົບ​ຫາຍ​ໃຈ​ຂອງ​ຮ່າງກາຍ​ໃນ​ເວລາ​ຕໍ່​ມາ.

ທັງ​ນີ້ ຂອງ​ແຫຼວ​ທີ່​ເຂົ້າໄປ​ຢູ່ໃນ​ເຍື່ອ​ຫຸ້ມ​ປອດ​ຈະ​ມີ​ຜົນ​ຕໍ່​ການ​ສົ່ງ​ອັອກ​ຊິ​ເຈນ​ໄປ​ລ້ຽງ​ສ່ວນ​ຕ່າງ​ໆ ຂອງ​ຮ່າງກາຍ ຊຶ່ງ​ຈະ​ສົ່ງ​ຜົນ​ໃຫ້​ອະໄວຍະວະ​ພາຍ​ໃນ​ຮ່າງກາຍ​ສ່ວນ​ອື່ນ​ໆຊຸດໂຊມຕາມ​ມາ ໂດຍ​ສະເພາະ​ຕັບ ​ແລະ ໝາກໄຂ່ຫຼັງ ຊຶ່ງ​ຫາກ​ຂາດ​ເລືອດ​ຈະ​ເຮັດໃຫ້​ລະບົບ​ອະໄວຍະວະ​ພາຍ​ໃນຊຸດໂຊມ​ໄດ້.

ດຣ. ວິນ​ລ້ຽມ ຊວາ​ຟ​ເນ​ີຜູ້​ຊ່ຽວ​ຊານ​ດ້ານ​ພະຍາດ​ຕິດ​ເຊື້ອ​ຈາກ​ມະຫາ​ວິທະຍາໄລ Vanderbilt ກ່າວ​ກັບ​ນິວ​ຢອກ​ທາມ ​ວ່າ 'ມີ​ຕົວ​ບົ່ງ​ຊີ້​ທາງ​ຊີວະ​ເຄ​ມີ​ລະບຸ​ວ່າ ລະບົບ​ອະໄວຍະວະ​ພາຍ​ໃນ​ຮ່າງກາຍ​ໄດ້ຮັບ​ຜົນ​ກະທົບ ເມື່ອ​ເຊື້ອ​ໄວ​ຣັດ​ໂຄ​ວິດ​-19 ເຂົ້າ​ສູ່​ຮ່າງກາຍ ທັງ​ປອດ, ຫົວ​ໃຈ, ຕັບ, ໝາກໄຂ່ຫຼັງ ແລະ​ ລະບົບ​ໝຸນ​ວຽນ​ເລືອດ​ຕ່າງ​ໄດ້ຮັບ​ຜົນ​ກະທົບ​ຈາກ​ເຊື້ອ​ໄວ​ຣັດ​ດັ່ງກ່າວ. ແຕ່​ທັງ​ນີ້ ຍັງ​ບໍ່​ມີ​ຫຼັກ​ຖານ​ປາກ​ົດວ່າ ເຊື້ອ​ໄວ​ຣັດ​ນັ້ນ​ໄດ້​ແພ່ກະ​ຈາຍ​ໄປຍັງ​ອະໄວຍະວະ​ອື່ນ​ໆ ນອກ​ຈາກ​ປອດ ຫຼື ​ບໍ່'.

ໃຜ​ຄື​ກຸ່ມສ່ຽງ?

ກຸ່ມສ່ຽງ​ທີ່​ໄດ້ຮັບ​ເຊື້ອ​ໂຄ​ວິດ​-19 ທີ່​ອາດ​ນຳ​ໄປ​ສູ່​ການ​ເສຍຊີວິດ​ໄດ້​ນັ້ນ ຄື: ກຸ່ມຜູ້​ອາຍຸສູງ ແລະ ​ຜູ້​ທີ່​ມີ​ບັນຫາ​ທາງ​ດ້ານ​ສຸຂະພາບ​ຕ່າງ​ໆ ໂດຍ​ເຊື້ອ​ໂຄ​ວິດ​-19 ອາດຈະ​ເປັນ​ຕົວ​ເລັ່ງ​ທີ່​ກໍ່​ໃຫ້​ເກີດ​ຄວາມ​ເສຍ​ຫາຍ​ກັບ​ລະບົບ​ອະໄວຍະວະ​ຕ່າງ​ໆ. ຫາກ​ພູ​ມຕ້ານທານ​ໃນ​ຮ່າງກາຍ​ບໍ່​ແຂງ​ແຮງ ຫຼື ຜູ້​ທີ່​ໄດ້ຮັບ​ເຊື້ອ​ມີ​ຮ່າງກາຍ​ອ່ອນແອ.

ລາຍ​ງານ​ຂອງ​ອົ​ງ​ການ​ອະນາໄມ​ໂລກ (WHO) ລະບຸ​ວ່າ ຄົນເຈັບ​ໂຄ​ວິດ​-19 ກວ່າ 82 ເປີ​ເຊັນ​ ມີ​ອາການ​ຂອງ​ພະຍາດ​ບໍ່​ຮຸນແຮງ ຊຶ່ງ​ສາມາດປິ່ນປົວ​ເຊົາ​ໄດ້. ຂະນະ​ທີ່​ຜູ້​ທີ່​ເສຍຊີວິດ​ສ່ວນ​ໃຫຍ່​ນັ້ນ​ເສຍຊີວິດ​ເນື່ອງ​ຈາກ​ລະບົບ​ອະໄວຍະວະ​ພາຍ​ໃນ​ຊຸດໂຊມ.

ທາງ​ດ້ານ​ສູນ​ເພື່ອ​ການ​ຄວບ​ຄຸມ ​ແລະ ​ປ້ອງ​ກັນ​ພະຍາດ​ຂອງ​ຈີນ​ຕີ​ພິມ​ບົດວິໄຈ​ລົງ​ໃນ​ວາລະ​ສານ​ດ້ານ​ລະ​ບາດ​ວິທະຍາ​ຂອງ​ຈີນ ກ່ຽວກັບ​ຂໍ້​ມູນ​ການສຶກສາ​ຜູ້​ຕິດ​ພະຍາດ​ໂຄ​ວິດ​-19 ຈຳນວນ 44,672 ຄົນ​ທົ່ວ​ປະເທດ​ຈີນ​ຈົນ​ເຖິງ​ວັນທີ 11 ກຸມ ພົ​ບວ່າ 80.9% ຂອງ​ຜູ້​ຕິດ​ເຊື້ອ​ມີ​ອາການ​ບໍ່​ຮຸນແຮງ, 13.8% ມີ​ອາການ​ຮຸນແຮງ ແລະ​ ມີ​ພຽງ 4.7% ທີ່​ເຂົ້າ​ຂັ້ນ​ວິກິດ. 

ບົດວິ​ໄຈນີ້​ລະບຸ​ວ່າ ເຖິງວ່າອັດຕາ​ການ​ເສຍຊີວິດ​ຈະ​ຕ່ຳ ແຕ່​ຄົນ​ເຖົ້າແກ່ທີ່​ອາຍຸ​ເກີນ 80 ປີ​ມີ​ຄວາມ​ສ່ຽງ​ສູງ​ທີ່ສຸດ​ໃນ​ການ​ຕິດ​ໂຄ​ວິດ​-19 ແລະ ​ມີ​ອາການ​ຮຸນແຮງ​ຈົນ​ເສຍຊີວິດ​ຢູ່​ທີ່​ 14.8%. ສ່ວນ​ເດັກ​ເກີດໃໝ່​​ຈົນຮອດ 9 ປີ​ບໍ່​ມີ​ໃຜ​ເສຍຊີວິດ​ເລີຍ ເຖິງວ່າຈະ​ມີ​ເດັກເກີດໃໝ່​ຕິດ​ເຊື້ອ​ເຖິງ 2 ລາຍ.

ການ​ແພ່ລະ​ບາດ​ຂອງ​ເຊື້ອ​ບໍ່ຄືກັບ​ພະຍາດຊາ (SARS)​

ລາຍ​ງານ​ຂອງ​ອ​ົງການ​ອະນາໄມ​ແພນ​ອາ​ເມ​ຣິ​ກາ (PAHO) ເມື່ອ​ວັນທີ 14 ກຸມພາ 2020 ລະບຸ​ວ່າ ການ​ແພ່ກະ​ຈາຍ​ຂອງ​ເຊື້ອ​ໄວ​ຣັດ​ໂຄ​ໂຣ​ນາ​ສາຍ​ພັນ​ໃໝ່​ທີ່​ເປັນ​ຕົ້ນ​ຕໍ​ພະຍາດ​ໂຄ​ວິດ​-19 ນັ້ນ​ເກີດ​ຂຶ້ນ​ໄດ້​ຈາກ​ການ​ຕິດ​ຕໍ່​ ຫຼື ສຳ​ຜັດ​ກັບ​ເຊື້ອ​ໂດຍ​ກົງ​ຈາກ​ການ​ຕິດ​ເຊື້ອ​ແບບ​ຝອຍ​ລະ​ອອງ (droplet) ແລະ ລະ​ອອງ​ລອຍ​ໃນ​ອາ​ກາດ (airborne).

ຂະນະ​ທີ່​ລາຍ​ງານ​ສະບັບ​ຫຼ້າ​ສຸດ​ຂອງ​ຄະນະ​ກຳ​ມາ​ທິ​ການ​ສາທາລະນະສຸກ​ຂອງ​ຈີນ​ ແລະ ໜ່ວຍ​ງານ​ແພດ​ແຜນ​ຈີນ​ກໍ​ລະບຸ​ວ່າ ເຊື້ອ​ໄວ​ຣັດ​ໂຄ​ໂຣ​ນາ​ສາຍ​ພັນ​ໃໝ່​ສາມາດ​ຜ່ານ​ລະ​ອອງ​ລອຍໃນ​ອາ​ກາດ​ໄດ້ ເຖິງວ່າ​ການ​ແພ່ກະ​ຈາຍ​ສ່ວນ​ໃຫຍ່​ເກີດ​ຈາກ​ຕິດ​ເຊື້ອ​ແບບ​ຝອຍ​ລະ​ອອງ​ຜ່ານ​ການ​ຫາຍ​ໃຈ ​ແລະ​ ການ​ໃກ້​ຊິດ​ກັນ​ເປັນ​ຫຼັກ.

ເຮົາ​ຈະ​ປ້ອງ​ກັນ​ເຊື້ອ​ໄວ​ຣັດ​ໄດ້ແນວໃດ?

ຟອບສ໌ (Forbes) ​ລາຍ​ງານ ອ້າງອີງ​ເຖິງ​ນັກ​ວິທະຍາ​ສາດສະຫະລັດກ່າວ​ວ່າ ການ​ໃສ່​ໜ້າ​ກາກ​ອະນາໄມ​ນັ້ນ​ບໍ່​ອາດຈະ​ສາມາດ​ປ້ອງ​ກັນ​ໄວ​ຣັດ​ໄດ້ ຫາກ​ໜ້າ​ກາກອະນາໄມ​ນັ້ນ​ບໍ່​ແມ່ນ​ໜ້າ​ກາກ​ອະນາໄມ​ແບບ N95 ຫຼື ໜ້າ​ກາກ​ແບບ​ປ້ອງ​ກັນ​ກາ​ສ​ພິດ (Respirator).

ດຣ. ອິ​ລີ ພີ​ເຣນ​ເຊ​ວິສ ສາ​ດສະດ​າ​ຈານ​ດ້ານ​ການ​ແພດ​ ແລະ ​ລະ​ບາດ​ວິທະຍາ​ຈາກ​ມະຫາ​ວິທະຍາ​ໄລ​ໄອ​ໂອ​ວາ​ຂອງສະຫະລັດ ກ່າວ​ວ່າ ຜູ້​ທີ່​ມີ​ສຸຂະພາບ​ດີ​ບໍ່​ຈຳ​ເປັນ​ຕ້ອງ​ໃສ່​ໜ້າ​ກາກ​ອະນາໄມ ຊຶ່ງ​ບໍ່​ມີ​ຫຼັກ​ຖານ​ຢັ້ງຢືນ​ວ່າ ໜ້າ​ກາກ​ອະນາໄມ​ຈະ​ສາມາດ​ປ້ອງ​ກັນ​ເຊື້ອ​ໄວ​ຣັດ​ໄດ້ ແລະ ​ພວກເຂົາ​ໃສ່​ໜ້າ​ກາກ​ອະນາໄມ​ບໍ່​ຖືກ​ວິທີ ແລະ ​ການ​ໃສ່​ໜ້າ​ກາກ​ອະນາໄມ​ຍັງ​ສາມາດ​ເພີ່ມ​ຄວາມ​ສ່ຽງ​ໃນ​ການ​ຕິດ​ເຊື້ອ​ໄວ​ຣັດ​ໄດ້ ເນື່ອງ​ຈາກ​ອາດ​ມີ​ການ​ສຳ​ຜັດ​ໜ້າ​ເລື້ອຍ​ກວ່າ​ການ​ບໍ່​ໃສ່​ໜ້າ​ກາກ.

ດຣ. ພີ​ເຣນ​ເຊ​ວິສ ຍັງ​ກ່າວອີກ​ວ່າ ໜ້າ​ກາກ​ອະນາໄມ​ນັ້ນ​ຖືກ​ອອກ​ແບບ​ມາ​ເພື່ອ​ປ້ອງ​ກັນ​ຝອຍ​ລະ​ອອງ​ຂອງ​ນ້ຳ​ລາຍ ຫຼື ນໍ້າເມືອກ​ສຳລັບ​ຄົນເຈັບ​ເທົ່າ​ນັ້ນ ເພື່ອ​ບໍ່​ໃຫ້​ເກີດ​ການ​ແພ່ກະ​ຈາຍ​ຂອງ​ເຊື້ອ​ພະຍາດ​ທີ່​ອອກ​ມາ​ທາງ​ຝອຍ​ລະ​ອອງ​ຕ່າງ​ໆ. 

ດັ່ງ​ນັ້ນ​ໜ້າ​ກາກ​ອະນາໄມ​ຈຶ່ງ​ມີ​ຄວາມ​ຈຳ​ເປັນ​ສຳລັບ​ຜູ້​ທີ່​ມີ​ອາການ​ເຈັບເປັນ​ເພື່ອ​ປົກ​ປ້ອງ​ສະມາຊິກ​ໃນ​ຄອບຄົວ​ ຫຼື ​ຄົນ​ອ້ອມ​ຂ້າງ​ບໍ່​ໃຫ້​ໄດ້ຮັບ​ເຊື້ອ​ພະຍາດ.

ທັງ​ນີ້ ດຣ. ພີ​ເຣນ​ເຊ​ວິ​ສ ຍັງກ່າວ​ວ່າ ໜ້າ​ກາກ​ທີ່​ຈະ​ສາມາດ​ປ້ອງ​ກັນ​ເຊື້ອ​ໄວ​ຣັດ​ໄດ້​ນັ້ນ ຕ້ອງ​ເປັນ​ໜ້າ​ກາກ​ແບບ Respirator ຫຼື ໜ້າ​ກາກ​ແບບ​ປ້ອງ​ກັນ​ກາ​ສ​ພິດ​ໄດ້ ຊຶ່ງ​ໜ້າ​ກາກ​ດັ່ງກ່າວ​ມັກ​ໃຊ້​ໃນ​ການ​ຜ່າ​ຕັດ ແລະ​ ຕ້ອງ​ເປັນ​ການ​ໃຊ້​ແບບ​ເທື່ອ​ດຽວ​ຖິ້ມ​ເທົ່າ​ນັ້ນ ຫຼື​ ມີ​ການ​ປ່ຽນ​ໄສ້​ຕອງ​ທີ່​ໄດ້​ມາດຕະຖານ ແລະ​ ຕ້ອງ​ເປັນ​ຜູ້​ທີ່​ຖືກ​ຝຶກ​ມາ​ເພື່ອ​ໃຫ້​ນຳໃຊ້​​ໄດ້ ບໍ່​ດັ່ງ​ນັ້ນ​ການ​ໃຊ້​ໜ້າ​ກາກ​ແບບ​ນີ້​ກໍ​ອາດ​ສົ່ງ​ຜົນ​ລົບ​ຕໍ່​ຜູ້​ສວມ​ໃສ່​ໄດ້​ເຊັ່ນ​ດຽວ​ກັນ.

ຢ່າງໃດ​ກໍ​ຕາມ ສິ່ງ​ທີ່​ເຮົາ​ສາມາດ​ເຮັດ​ເພື່ອ​ປ້ອງ​ກັນ​ໄວ​ຣັດ​ໄດ້​ນັ້ນ ດຣ. ພີ​ເຣນ​ເຊ​ວິສ ກ່າວ​ວ່າ ການ​ລ້າງ​ມື​ດ້ວຍ​ນ້ຳ​ສ​ະບູເລື້ອຍ​ໆ ກໍ​ອາດຈະ​ພຽງ​ພໍ, ລວມທັງ​ການ​ບໍ່​ເອົາ​ມື​ຈັບ​ໃບ​ໜ້າ ໂດຍ​ສະເພາະ​ບໍລິເວນ​ປາກ ​ແລະ ​ດັງ ແລະ ​ຫາກ​ພົ​ບວ່າ​ມີ​ອາການ​ບໍ່​ສະບາຍ​ກໍ​ບໍ່​ຄວນ​ອອກຈາກ​ເຮືອນ ໃຫ້​ກັກ​ຕົວ​ເອງ​ຢູ່ໃນ​ພື້ນ​ທີ່​ຈຳ​ກັດ ເພື່ອ​ຫຼຸດ​ການ​ແພ່ກະ​ຈາຍ​ຂອງ​ເຊື້ອ​ພະຍາດ.

Advertisement Replay Ad

ຂໍຂອບໃຈ

ຂໍ້ມູນ : Voice TV , The New England

ພາບ : AFP

ກົດແຊເລີຍ! ແບບແຕ່ງຕາສຳລັບສາວເອເຊຍ 20 ລຸກໜ້າຮັກ ແຕ່ງງ່າຍໆ ໄດ້ທຸກລຸກ ທຸກໂອກາດ

ກົດແຊເລີຍ! ແບບແຕ່ງຕາສຳລັບສາວເອເຊຍ 20 ລຸກໜ້າຮັກ ແຕ່ງງ່າຍໆ ໄດ້ທຸກລຸກ ທຸກໂອກາດ

"ຂຸນກອງແລງ" ບລູລາກູນແຫ່ງຄຳມ່ວນ ກຽມ 30 ກວ່າກິດຈະກຳ ຕ້ອນຮັບນັກທ່ອງທ່ຽວໃນປີ 2021

"ຂຸນກອງແລງ" ບລູລາກູນແຫ່ງຄຳມ່ວນ ກຽມ 30 ກວ່າກິດຈະກຳ ຕ້ອນຮັບນັກທ່ອງທ່ຽວໃນປີ 2021

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ຢາກໃຫ້ພໍ່ແມ່ໄດ້ອ່ານ! 5 ຜົນຮ້າຍຈາກການຕີລູກ ທີ່ທ່ານບໍ່ຄວນເບິ່ງຂ້າມ

ຢາກໃຫ້ພໍ່ແມ່ໄດ້ອ່ານ! 5 ຜົນຮ້າຍຈາກການຕີລູກ ທີ່ທ່ານບໍ່ຄວນເບິ່ງຂ້າມ

ຟັງທາງນີ້! ເປັນໂສດໃນໄວ 30 ປີບໍ່ແມ່ນເລື່ອງແປກ ເພາະຄົນຮຸ່ນໃໝ່ທົ່ວໂລກກຳລັງຢູ່ໃນກະແສ Waithood

ຟັງທາງນີ້! ເປັນໂສດໃນໄວ 30 ປີບໍ່ແມ່ນເລື່ອງແປກ ເພາະຄົນຮຸ່ນໃໝ່ທົ່ວໂລກກຳລັງຢູ່ໃນກະແສ Waithood

ຮູ້ໄວ້ກໍດີ! ວິທີຈັດລະບຽບເຮືອນເພື່ອປ້ອງກັນເຫດໄຟໄໝ້ ໃນໄລຍະອາກາດຮ້ອນອົບເອົ້າ

ຮູ້ໄວ້ກໍດີ! ວິທີຈັດລະບຽບເຮືອນເພື່ອປ້ອງກັນເຫດໄຟໄໝ້ ໃນໄລຍະອາກາດຮ້ອນອົບເອົ້າ

ແມ່ລູກອ່ອນທີ່ຕິດເຊື້ອໂຄວິດ-19 ສາມາດໃຫ້ນົມລູກໄດ້ຢ່າງປອດໄພ ຫຼື ບໍ່?

ແມ່ລູກອ່ອນທີ່ຕິດເຊື້ອໂຄວິດ-19 ສາມາດໃຫ້ນົມລູກໄດ້ຢ່າງປອດໄພ ຫຼື ບໍ່?

ພົ້ນວິກິດໂຄວິດ-19 ທ່ຽວໃສດີ? ແນະນຳ 10 ສະຖານທີ່ທ່ອງທ່ຽວໃນລາວເອກະລັກໜຶ່ງດຽວໃນໂລກ

ພົ້ນວິກິດໂຄວິດ-19 ທ່ຽວໃສດີ? ແນະນຳ 10 ສະຖານທີ່ທ່ອງທ່ຽວໃນລາວເອກະລັກໜຶ່ງດຽວໃນໂລກ

ຮ້ອນຕັບແຕກ! ແນະນຳ 7 ວິທີ ຄາຍຮ້ອນລະຫວ່າງວັນ ສຳລັບໃຜທີ່ບໍ່ມີແອ ຄວນອ່ານ

ຮ້ອນຕັບແຕກ! ແນະນຳ 7 ວິທີ ຄາຍຮ້ອນລະຫວ່າງວັນ ສຳລັບໃຜທີ່ບໍ່ມີແອ ຄວນອ່ານ

ເຮັດແນວໃດດີແມ່? 3 ວິທີຮັບມື ເມື່ອແຟນເກົ່າເລີ່ມຄົບຫາກັບໝູ່ຂອງເຈົ້າ

ເຮັດແນວໃດດີແມ່? 3 ວິທີຮັບມື ເມື່ອແຟນເກົ່າເລີ່ມຄົບຫາກັບໝູ່ຂອງເຈົ້າ

ຂໍ້ກົດໝາຍທີ່ຄວນຮູ້ ກ່ຽວກັບ "ການກັນ ແລະ ຄວບຄຸມພະຍາດຕິດຕໍ່"

ຂໍ້ກົດໝາຍທີ່ຄວນຮູ້ ກ່ຽວກັບ "ການກັນ ແລະ ຄວບຄຸມພະຍາດຕິດຕໍ່"

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ