ໄວຣັດໂຄໂຣນາ: ອີຣານສັ່ງປິດໂຮງຮຽນ-ສະຖານສຶກສາ ຫຼັງພົບຜູ້ຕິດເຊື້ອໂຄວິດ-19 ເສຍຊີວິດ 6 ຄົນ

ອິີຣານ​ສັ່ງ​ປິດ​ໂຮງຮຽນ ຫຼັງ​ພົບ​ຕິດ​ເຊື້ອ COVID-19 ຈຳນວນ 28 ລາຍ ເສຍຊີວິດ 6 ລາຍ – ຄາດ​ຕົ້ນ​ຕໍ​ມາ​ຈາກ​ແຮງ​ງານ​ຈີນ​ໃນ​ເມືອງ Qom.

ສື່​ຈີນ​ລາຍ​ງານ​ສະຖານະການ​ການແພ່ລະ​ບາດ​ຂອງ​ເຊື້ອ​ໄວ​ຣັດ​ໂຄ​ໂຣ​ນາສາຍພັນໃໝ່ 2019 ຫຼື COVID-19 ທີ່​ຂະນະ​ນີ້​ພົບ​ມີ​ຜູ້​ຕິດ​ເຊື້ອ​ໄປ​ແລ້ວ​ໃນ 28 ປະເທດ ວ່າ ຈາກ​ການແພ່ລະ​ບາດ​ຂອງ​ເຊື້ອ ປະເທດ​ອີ​ຣານ​ມີຍ​ອົດ​ຕິດ​ເຊື້ອ ​ແລະ ​ເພີ່ມ​ຂຶ້ນ​ຢ່າງ​ຕໍ່​ເນື່ອງ.

ຫຼັງ​ຈາກ​ມີ​ການ​ລາຍ​ງານ​ອອກ​ມາ​ເປັນ​ເທື່ອທຳອິດ​ເມື່ອ​ວັນ​ພຸດ​ທີ່​ຜ່ານມາ (19 ກຸມພາ 2020) ໂດຍ​ມີຍ​ອດ​ສະ​ສົມ 28 ລາຍ ແລະ ​ເສຍຊີວິດ​ແລ້ວ 6 ລາຍ ໂດຍ​ຈຸດ​ທີ່​ໜ້າ​ກັງ​ວົນ​ຄື ອີຣານ​ຍັງ​ບໍ່​ຢັ້ງຢືນອອກ​ມາ​ວ່າ ​ຈຸດ​ເຣີ່ມ​ຕົ້ນ​ຂອງ​ການລະບາດ​ມາ​ຈາກ​ໃສ ແລະ ຍັງ​ບໍ່​ມີ​ການ​ລາຍ​ງານ​ຊັດເຈນ​ວ່າ ຄົນເຈັບ ແລະ ​ຜູ້​ເສຍຊີວິດ​ມີ​ປະຫວັດ​ໄປ​ຈີນ ຫຼື ​ບໍ່ ຮູ້​ພຽງ​ແຕ່ວ່າ​ຄົນເຈັບ ແລະ ​ຜູ້​ເສຍຊີວິດ​ສ່ວນ​ໃຫຍ່​ຢູ່​ທີ່​ເມືອງ Qom (ເມືອງ​ກຸມ ຢູ່​ບໍ່​ໄກ​ຈາກ​ນະຄອນຫຼວງ​ເຕ​ຫະ​ຣານ ເມືອງ​ຫຼວງ​ຂອງ​ອີຣານ ປະມານ 120-140 ກິໂລແມັດ) ຫຼື ​ມີ​ປະຫວັດ​ເດີນທາງ​ໄປ Qom - ​ອອກຈາກ Qom ໄປຍັງ​ເມືອງ​ອື່ນ.

ເຮັດໃຫ້​ຕອນ​ນີ້​ທາງ​ການ​ອີຣານ​ສັ່ງ​ປິດ​ໂຮງຮຽນ – ມະຫາ​ວິທະຍາໄລ – ສະຖານ​ສຶກ​ສາ​ໃນ​ເມືອງ Qom ແລະ ​ເມືອງ​ໃກ້​ຄຽງ ຊຶ່ງ​ໜຶ່ງ​ໃນ​ຂໍ້​ສັນ​ນິດ​ຖານ ໄດ້​ແກ່ ແຮງ​ງານ​ຈີນ​ທີ່​ເຂົ້າ​ມາ​ເຮັດວຽກ​ໃນ​ເມືອງ​ດັ່ງກ່າວ.