"ເອລີນ້າ ທະນູລັກ" Top 20 ເວທີ Miss World Laos 2019 ປາກົດໂຕສະແດງເອັມວີເພງ "ຢາກລົບຄວາມຊົງຈຳ"

ຜົນງານເພງໃໝ່ "ຢາກລົບຄວາມຊົງຈຳ" ເຊິ່ງເປັນການຈັບມືກັນຄັ້ງທຳອິດຂອງ 2 ຄ້າຍເພງດັງຂອງລາວ ຢ່າງ ທີເຄ ການບັນເທີງ ແລະ ລາວລ້ານຊ້າງ ໄດ້ນາງງາມສາວຈາກເວທີ Miss World Laos 2019 ມາຮ່ວມສະແດງເອັມວີນຳ.

ເອລີນ້າ ທະນູລັກ ໜຶ່ງໃນຜູ້ເຂົ້າຮອບ TOP 20 ຈາກເວທີ Miss World Laos 2019 ໄດ້ມາຮັບບົດເປັນພັນລະຍາຂອງ ອາຈານ ຜິວພອນ ພົມມີໄຊ ຜູ້ຮ້ອງເພງດັ່ງກ່າວ ເຊິ່ງຮັບບົດຄົນຫຼາຍໃຈ.

ເພງ "ຢາກລົບຄວາມຊົງຈຳ" ເປັນເລື່ອງລາວຂອງຊາຍຄົນໜຶ່ງທີ່ຫຼາຍໃຈ ມີຄອບຄົວຢູ່ແລ້ວ ແຕ່ກໍຍັງມີສາວຄົນໃໝ່ເຂົ້າມາ ເຮັດໃຫ້ຊິວິດຄອບຄົວພັງທະລາຍ ຫຼັງຈາກນັ້ນ ຊາຍຄົນນັ້ນໄດ້ເກີດອຸບັດຕິເຫດຈົນຂາຍ່າງບໍ່ໄດ້ເປັນປົກກະຕິ ແລະ ມີຖານະຢາກຈົນ ສາວໃໝ່ຈີ່່ງໜີຈາກ ຍັງເຫຼືອແຕ່ພຽງພັນລະຍາເກົ່າທີ່ມາຄ່ອຍເປັນກຳລັງໃຈ. ສຸດທ້າຍເມື່ອຊາຍຄົນນັ້ນຄິດໄດ້ຈິ່ງຢາກກັບໄປຫາຄືນ ແຕ່ກໍຊ້າເກີນໄປເພາະພັນລະຍາເກົ່າມີຄົນຮັກໃໝ່ແລ້ວ.

ໃຜທີ່ຢາກເບິ່ງບົດບາດການສະແດງຂອງສາວ ເອລີນ້າ ແບບເຕັມໆ ສາມາດເບິ່ງໄດ້ໃນວິດີໂອລຸ່ມນີ້.