ວັນພະຫັດ ທີ 6 ພຶດສະພາ 2021

"ລີ ພົງສະຫວັນ" ກຽມເປີດກ້ອງຖ່າຍຮູບເງົາຍາວເລື່ອງທຳອິດໃນຊີວິດ ໄດ້ນັກສະແດງດັງຫຼາຍຄົນຮ່ວມທັບ

"ລີ ພົງສະຫວັນ" ກຽມເປີດກ້ອງຖ່າຍຮູບເງົາຍາວເລື່ອງທຳອິດໃນຊີວິດ ໄດ້ນັກສະແດງດັງຫຼາຍຄົນຮ່ວມທັບ
S! Muan

ສະໜັບສະໜູນເນື້ອຫາ

ນັກສ້າງຮູບເງົາທີ່ຫຼາຍຄົນຄຸ້ນໜ້າກັນດີຢ່າງ "ລີ ພົງສະຫວັນ" ເຊິ່ງຜ່ານມາມີຜົນງານຊະນະເລີດການປະກວດຮູບເງົາສັ້ນມາແລ້ວໃນຫຼາຍເທດສະການທັງພາຍໃນ ແລະ ຕ່າງປະເທດ ກຽມເປີດກ້ອງຖ່າຍຮູບເງົາຍາວເລື່ອງທຳອິດໃນຊີວິດຢ່າງເປັນທາງການ ໂດຍໄດ້ນັກສະແດງທີ່ມີສີມື ແລະ ມີຊື່ສຽງຫຼາຍຄົນເຂົ້າຮ່ວມ. ເບື້ອງຕົ້ນເປີດເຜີຍຊື່ຢ່າງບໍ່ເປັນທາງການວ່າ "Signal" ຫຼື "ສັນຍານ ແລະ ສັນຍາ" ໃນພາສາລາວ.

ຮູບເງົາເລື່ອງນີ້ໄດ້ຮັບທຶນສ້າງຈາກໂຄງການ Lao Filmmaker Fund ແລະ ຮ່ວມມືສ້າງກັບບໍລິສັດສ້າງຮູບເງົາຊື່ດັງຂອງລາວຢ່າງ Lao New Wave Cinema ທີ່ມີຜົນງານທີ່ໂດດເດັ່ນຜ່ານມາແລ້ວຫຼາຍເລື່ອງ ເຊັ່ນ: ໄຂ່ຂວັນ ມື້ຮັກໝົດໃຈ, ປາຍທາງ ແລະ ຮັກນີ້ທີ່ວຽງຈັນ ເປັນຕົ້ນ.


ລີ ພົງສະຫວັນ ນັກສ້າງຮູບເງົາສັ້ນຊື່ດັງ

ລີ ໃຫ້ສຳພາດຕໍ່ທີມຂ່າວບັນເທີງ muan.la ວ່າ ນີ້ເປັນຜົນງານຮູບເງົາຍາວເລື່ອງທຳອິດຂອງຕົນເອງ ຫຼັງຈາກທີ່ຜ່ານມາແມ່ນເນັ້ນໃສ່ແຕ່ຮູບເງົາ ແລະ ສາລະຄະດີສັ້ນ ໂດຍໂຄງການຮູບເງົາໃນຄັ້ງນີ້ມີຊື່ເອີ້ນເບື້ອງຕົ້ນວ່າ Signal ເຊິ່ງເປັນຮູບເງົາແນວດຣາມາ, ເລິກລັບ ແລະ ມີຄວາມສະຫຍອງຂວັນ ພ້ອມດ້ວຍ sci-fi ປົນມາໜ້ອຍໜຶ່ງ ຕາມສະຕາຍຂອງ ລີ ເອງ.

ສຳລັບແຜນການສ້າງໃນເບື້ອງຕົ້ນ ທີມສ້າງວາງໄວ້ວ່າຈະເປີດກ້ອງພາຍໃນຕົ້ນເດືອນມີນານີ້ ແລະ ໃນປັດຈຸບັນກໍສຳເລັດການແຄສຕິ້ງນັກສະແດງແລ້ວ ໂດຍໄດ້ນັກສະແດງຫຼັກ 6 ຄົນ ປະກອບມີ: ແຮ່ນນ້າ ໂຣເຊັ່ນບູ້ມ, ຊ້າງ ອິນສີຊຽງໃໝ່, ຕັອດ ລີນ້າ, ເອ້ ອິນທະວົງ, ນົກ ພອນທະມາລີ ແລະ Moto Gixal.

(ຊ້າຍຫາຂວາ) ຕັອດ ລີນ້າ, ແຮ່ນນ້າ ໂຣເຊັ່ນບູ້ມ ແລະ  ຊ້າງ ອິນສີຊຽງໃໝ່

(ຊ້າຍຫາຂວາ) ນົກ ພອນທະມາລີ, ເອ້ ອິນທະວົງ ແລະ Moto Gixal.

Signal ເປັນເລື່ອງ ລາວຂອງ ນໍ້າມົນ (ສະແດງໂດຍ ແຮ່ນນ້າ ໂຣເຊັ່ນບູ້ມ) ທີ່ເຂົ້າມາໃນເມືອງເພື່ອຕາມຫາພໍ່ທີ່ຂາດການຕິດຕໍ່ໄດ້ 2-3 ເດືອນ ແລ້ວມາອາໄສຢູ່ກັບ ອາວໄຫວ (ສະແດງໂດຍ ຊ້າງ ອິນສີຊຽງໃໝ່) ເຊິ່ງເປັນຊ່າງແປງລົດ ແລະ ກໍໄດ້ໄປເຮັດວຽກເປັນແມ່ບ້ານຢູ່ເຮືອນຫຼັງໜຶ່ງທີ່ກວ້າງໃຫຍ່ ທີ່ເຈົ້າຂອງເຮືອນມີລູກສາວທີ່ປ່ວຍນອນຫຼັບໄຫຼບໍ່ໄດ້ສະຕິ ແຕ່ຜູ້ເປັນແມ່ຍັງຄົງຫວັງວ່າລູກສາວຈະຟື້ນຄືນ ແລະ ຜູ້ເປັນແມ່ກໍເຮັດຄືກັບຕົນເອງສາມາດສື່ສານກັບລູກສາວໄດ້. ຂະນະດຽວກັນ ນໍ້າມົນເຊິ່ງກຳລັງຕາມຫາພໍ່ ກໍພົບກັບ ຝັນດີ (ສະແດງໂດຍ ເອ້ ອິນທະວົງ) ແລ້ວລົມກັນຈົນສະໜິດສະໜົມ ແລະ ຮູບເງົາຍັງເລົ່າເລື່ອງລາວຂອງ ອາວໄຫວ ທີ່ວຸ້ນກັບວຽກສ້ອມແປງລົດຂອງຕົນເອງ ແລະ ມີບັນຫາສຸຂະພາບ ແຕ່ກໍເຮັດທຸກວິທີທາງເພື່ອເອົາຊະນະໃຈສາວຍາມທີ່ຕົນເອງຕົກຫຼຸມຮັກ.

"ຕາມແຜນແລ້ວ ເຮົາວາງໄວ້ວ່າຈະເອົາຮູບເງົາເລື່ອງນີ້ໄປສາຍຕາມເທດສະການຮູບເງົາຕ່າງໆຢູ່ຕ່າງປະເທດກ່ອນ ແລະ ຄາດວ່າຈະໄດ້ສາຍຢູ່ລາວ ປະມານທ້າຍປີນີ້," ລີ ກ່າວ.

ທັງນີ້ ລີ ພົງສະຫວັນ ເປັນທີ່ຮູ້ຈັກກັນດີໃນວົງການ ເລີ່ມຈາກການສົ່ງຮູບເງົາສັ້ນເຂົ້າປະກວດໃນເທດສະການຮູບເງົາຂອງລາວຢ່າງ Vientianale ແລະ ກໍສາມາດຄວ້າລາງວັນຊະນະເລີດມາຄອງໄດ້ຕະຫຼອດ. ຂະນະດຽວກັນ ລີ ກໍເລີ່ມເປັນທີ່ຮູ້ຈັກໂດຍສັງຄົມທົ່ວໄປ ຈາກການເຮັດຄລິບສັ້ນແນວສະຫຍອງຂວັນ, ຫັກມຸມ ແລະ ສົນທະນາບັນຫາສັງຄົມຕ່າງໆລົງໃນເຟສບຸກ "ຜູ້ກຳກັບຮັບຈ້າງ / director lee" ເຊິ່ງໃນນັ້ນຮູບເງົາສັ້ນທີ່ເປັນວິດີໂອ viral ມີຄົນເຂົ້າເບິ່ງຫຼາຍເຖິງ 5.4 ລ້ານຄັ້ງ ແລະ ອີກໜຶ່ງຜົນງານທີ່ໂດດເດັ່ນຂອງນັກສ້າງຮູບເງົາຄົນນີ້ ກໍຄື ຮູບເງົາເລື່ອງ "ຕູບ" ໃນປີ 2018.

"ໂດຍສ່ວນຕົວ ໄດ້ຕັ້ງເປົ້າກັບໂຕເອງໄວ້ວ່າ ຈະເຮັດຮູບເງົາຍາວກ່ອນອາຍຸ 30 ປີ," ລີ ກ່າວ.

ລີ ກ່າວເສີມວ່າ ການຜັນໂຕເອງມາເຮັດຮູບເງົາຍາວເປັນສິ່ງທີ່ຂ້ອນຂ້າງທ້າທາຍ ໂດຍສະເພາະໃນເລື່ອງຂອງການຂຽນບົດ ທີ່ຕົນເອງບໍ່ຄຸ້ນເຄີຍມາກ່ອນ ແລະ ຕ້ອງໄດ້ຄິດຫາແນວຄິດທີ່ເປັນຕົ້ນສະບັບຂອງຕົນເອງ.

"ການຜັນໂຕເອງມາເຮັດຮູບເງົາຍາວ ສ່ວນຕົວແລ້ວຄາດຫວັງ ຫຼື ອາດຈະໃຊ້ຄຳວ່າ 'ສົງໄສ' ຫຼາຍກວ່າວ່າ ມັນຈະພາເຮົາໄປໃສ ແລະ ອີກຢ່າງໜຶ່ງກໍຄື ຢາກໃຫ້ຄົນໄດ້ເຫັນໃນສິ່ງທີ່ເຮົາຢາກເລົ່າກໍພໍ ແລະ ກໍຫວັງວ່າ ຈະມີຄົນກຸ່ມໃດກຸ່ມໜຶ່ງມັກ ແລະ ຄິດຄືເຮົາ," ລີ ກ່າວ.

Advertisement Replay Ad
ກ່ອນຈະມາເປັນ "ເຈນນີ້" ເຈົ້າຂອງມຸງກຸດ Miss World Laos ຄົນທຳອິດ ຄືທຸກມື້ນີ້!

ກ່ອນຈະມາເປັນ "ເຈນນີ້" ເຈົ້າຂອງມຸງກຸດ Miss World Laos ຄົນທຳອິດ ຄືທຸກມື້ນີ້!

ຜູ້ກຳກັບ & ດາລາໃນ HSI ສ້າງຮູບເງົາກາຕູນ "Save Ralph" ລົນນະລົງຢຸດທົດລອງສັດເພື່ອເຮັດເຄື່ອງສຳອາງ

ຜູ້ກຳກັບ & ດາລາໃນ HSI ສ້າງຮູບເງົາກາຕູນ "Save Ralph" ລົນນະລົງຢຸດທົດລອງສັດເພື່ອເຮັດເຄື່ອງສຳອາງ

ຊະນະໃຈທຸກຄົນ "ໂດ່ງ ພັດທະນາ" ສິລະປິນຈາກຄ້າຍ Tara ຄວ້າຫຼຽນເງິນ ຈາກການແຂ່ງຂັນກີລາເທຄວັນໂດ

ຊະນະໃຈທຸກຄົນ "ໂດ່ງ ພັດທະນາ" ສິລະປິນຈາກຄ້າຍ Tara ຄວ້າຫຼຽນເງິນ ຈາກການແຂ່ງຂັນກີລາເທຄວັນໂດ

ອິນດີ້ແທ້ບໍ່? ເຜີຍຕົວຕົນ 5 ໜຸ່ມ ວົງ OOPS ຂວັນໃຈໄວລຸ້ນຄົນຟັງເພງ

ອິນດີ້ແທ້ບໍ່? ເຜີຍຕົວຕົນ 5 ໜຸ່ມ ວົງ OOPS ຂວັນໃຈໄວລຸ້ນຄົນຟັງເພງ

ອັບເດດຜົນງານໃໝ່ ນາງແບບສາວສຸດເຊັກຊີ "ຟ້າ ກໍລະພິນ" ລາວຊຸບເປີໂມເດວ 2019

ອັບເດດຜົນງານໃໝ່ ນາງແບບສາວສຸດເຊັກຊີ "ຟ້າ ກໍລະພິນ" ລາວຊຸບເປີໂມເດວ 2019

ງາມສົມມົງ! ພາຮູ້ຈັກ "ຄຣິສຕິນາ ລາສະສິມມາ" ຜູ້ຄອງມຸງກຸດ Miss Universe Laos ຄົນທີ 4

ງາມສົມມົງ! ພາຮູ້ຈັກ "ຄຣິສຕິນາ ລາສະສິມມາ" ຜູ້ຄອງມຸງກຸດ Miss Universe Laos ຄົນທີ 4

ແນວໃດກໍເປັນໄດ້ແຕ່ໝູ່! ປ່ອຍແລ້ວ "ຮູ້ຢູ່" ເພງໃໝ່ຂອງກຸ່ມຮິບຮັອບໄວໜຸ່ມລາວ MAOMUN

ແນວໃດກໍເປັນໄດ້ແຕ່ໝູ່! ປ່ອຍແລ້ວ "ຮູ້ຢູ່" ເພງໃໝ່ຂອງກຸ່ມຮິບຮັອບໄວໜຸ່ມລາວ MAOMUN

ຮູ້ຈັກ ເເຟັ້ງ ຫຼື Gomen ເຈົ້າຂອງຜົນງານເພງອົກຫັກກະຊາກອາລົມ "Regrets ຜິດຫວັງ"

ຮູ້ຈັກ ເເຟັ້ງ ຫຼື Gomen ເຈົ້າຂອງຜົນງານເພງອົກຫັກກະຊາກອາລົມ "Regrets ຜິດຫວັງ"

ດີຕໍ່ໃຈ ຟັງຍາມໃດກໍລະມຸນ! ສົ່ງຕໍ່ເພງຄູ່ "ແຮ່ນນ້າ-ເບີ່ດີ້" ຄູ່ຈິ້ນແຫ່ງປີ 2021

ດີຕໍ່ໃຈ ຟັງຍາມໃດກໍລະມຸນ! ສົ່ງຕໍ່ເພງຄູ່ "ແຮ່ນນ້າ-ເບີ່ດີ້" ຄູ່ຈິ້ນແຫ່ງປີ 2021

ລາວ-ໄທຮ້ອງເພງຮ່ວມກັນ! ຟັງ ຫຼື ຍັງ? "ພະທາດຫຼວງ" ຜົນງານຈາກ 2 ສິລະປິນດັງ ຈິນຕະຫຼາ x ສິລິພອນ

ລາວ-ໄທຮ້ອງເພງຮ່ວມກັນ! ຟັງ ຫຼື ຍັງ? "ພະທາດຫຼວງ" ຜົນງານຈາກ 2 ສິລະປິນດັງ ຈິນຕະຫຼາ x ສິລິພອນ

ເຈັບໄປຕາມໆກັນ! "ຫຼົງໃຈ" ຜົນງານເພງໃໝ່ຈາກ ໂຊໂລ້ ພ້ອມຖ່າຍທອດຄວາມເຈັບໃຫ້ເຖິງຂີດສຸດ

ເຈັບໄປຕາມໆກັນ! "ຫຼົງໃຈ" ຜົນງານເພງໃໝ່ຈາກ ໂຊໂລ້ ພ້ອມຖ່າຍທອດຄວາມເຈັບໃຫ້ເຖິງຂີດສຸດ

ຕ້ອງສ່ອງແລ້ວ! "ປູ ແສງລັດສະໝີ" ດີກຣີສາວຮູບຮ່າງສວຍງາມ ຈາກເວທີນາງສາວລາວ 2020

ຕ້ອງສ່ອງແລ້ວ! "ປູ ແສງລັດສະໝີ" ດີກຣີສາວຮູບຮ່າງສວຍງາມ ຈາກເວທີນາງສາວລາວ 2020

ອັບເດດຄວາມງາມປັດຈຸບັນ "ນີ່ນ່າ" ນາງສາວມິດຕະພາບ 2020 ຂໍບອກງາມທັງກາຍ ແລະ ຈິດໃຈ

ອັບເດດຄວາມງາມປັດຈຸບັນ "ນີ່ນ່າ" ນາງສາວມິດຕະພາບ 2020 ຂໍບອກງາມທັງກາຍ ແລະ ຈິດໃຈ

ຟັງກັນ ຫຼື ຍັງ? "ຮັກຊົ່ວຄາວ" ຜົນງານເພງຮ້ອນແຮງຈາກນັກຮ້ອງດີວ້າ ຕິ່ງ ໄພລາວັນ ແລະ ດາລຸນນີ

ຟັງກັນ ຫຼື ຍັງ? "ຮັກຊົ່ວຄາວ" ຜົນງານເພງຮ້ອນແຮງຈາກນັກຮ້ອງດີວ້າ ຕິ່ງ ໄພລາວັນ ແລະ ດາລຸນນີ

ລາວເຮົາຕ້ອງປັງ! ເຜີຍໂສມໜ້າ ສາວງາມຫຼາຍເຊື້ອຊາດ ໃນເວທີ Miss Grand International 2020

ລາວເຮົາຕ້ອງປັງ! ເຜີຍໂສມໜ້າ ສາວງາມຫຼາຍເຊື້ອຊາດ ໃນເວທີ Miss Grand International 2020

ສົມຄວາມຕັ້ງໃຈ "ຈຽບ ມະນີພອນ" ກ້າວສູ່ວົງການບັນເທີງເຕັມໂຕ ໃນຖານະສິລະປິນ First Modeling

ສົມຄວາມຕັ້ງໃຈ "ຈຽບ ມະນີພອນ" ກ້າວສູ່ວົງການບັນເທີງເຕັມໂຕ ໃນຖານະສິລະປິນ First Modeling

ຟິນເວີ້ "ເດໂມ້-ໜຶ່ງ" ຕ້ອງຂະໜາດນີ້ເລີຍຫວາ? ສາລະພາບຮັກກັນແບບນີ້ ເອົາໃຈແຟນໆໄປເລີຍ!

ຟິນເວີ້ "ເດໂມ້-ໜຶ່ງ" ຕ້ອງຂະໜາດນີ້ເລີຍຫວາ? ສາລະພາບຮັກກັນແບບນີ້ ເອົາໃຈແຟນໆໄປເລີຍ!

ຕົວແທນຄົນລາວສູ່ເວທີລະດັບໂລກ! ຮູ້ຈັກ ໂຕມີວ ເຈົ້າຂອງມຸງກຸດ Miss Grand Laos ຄົນຫຼ້າສຸດ

ຕົວແທນຄົນລາວສູ່ເວທີລະດັບໂລກ! ຮູ້ຈັກ ໂຕມີວ ເຈົ້າຂອງມຸງກຸດ Miss Grand Laos ຄົນຫຼ້າສຸດ

ພິສູດຕົນເອງ! "ບ໋ອບບີ້" ຊະນະການປະກວດ LTC Boy 2020 ພ້ອມສາຍແວວໃນວົງການບັນເທີງ

ພິສູດຕົນເອງ! "ບ໋ອບບີ້" ຊະນະການປະກວດ LTC Boy 2020 ພ້ອມສາຍແວວໃນວົງການບັນເທີງ

ຊີ້ເປົ້າ "ຄູນແພງ" ໄອດໍ້ສາວຂວັນໃຈໄວລຸ້ນ ຜູ້ຮັກການຖ່າຍພາບເປັນຊີວິດຈິດໃຈ

ຊີ້ເປົ້າ "ຄູນແພງ" ໄອດໍ້ສາວຂວັນໃຈໄວລຸ້ນ ຜູ້ຮັກການຖ່າຍພາບເປັນຊີວິດຈິດໃຈ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ