ວັນພຸດ ທີ 26 ກຸມພາ 2020

ໄວຣັດໂຄໂຣນາ: ນີ້ແມ່ນລາຍຊື່ສາຍການບິນ ປະເທດ ແລະ ດິນແດນ ທີ່ຈຳກັດການເດີນທາງໄປສູ່-ມາຈາກ ສປ ຈີນ

ໄວຣັດໂຄໂຣນາ: ນີ້ແມ່ນລາຍຊື່ສາຍການບິນ ປະເທດ ແລະ ດິນແດນ ທີ່ຈຳກັດການເດີນທາງໄປສູ່-ມາຈາກ ສປ ຈີນ
S! Muan

ສະໜັບສະໜູນເນື້ອຫາ

  • ຫຼາຍກວ່າ 50 ສາຍການບິນໄດ້ໂຈະຖ້ຽວບິນໄປສູ່ ແລະ ຈາກຈີນແຜ່ນດິນໃຫຍ່ ເນື່ອງຈາກການແພ່ລະບາດຂອງ.
  • ບັນດາປະເທດເຊັ່ນ: ສິງກະໂປ, ອອສເຕຣເລຍ ແລະ ສະຫະລັດ ໄດ້ຫ້າມຄົນຕ່າງປະເທດທີ່ເດີນທາງມາຈາກຈີນ ຫຼື ມີປະຫວັດເດີນທາງໄປຈີນໃນ 14 ມື້ກ່ອນໜ້າ ເຂົ້າປະເທດ.

ການແພ່ລະບາດຂອງໄວຣັດໂຄໂຣນາສາຍພັນໃໝ່ ເຊິ່ງມີສູນກາງຢູ່ທີ່ນະຄອນອູ່ຮັ້ນ ແຂວງຫູເປີ່ຍ ສປ ຈີນ ໄດ້ເຮັດໃຫ້ມີການຈຳກັດການເດີນທາງໄປທີ່ຈີນເກີດຂຶ້ນ. ໃນອາທິດນີ້ຈະມີການຍົກເລີກຖ້ຽວບິນຫຼາຍກວ່າ 25,000 ຖ້ຽວຈາກຈີນ ອີງຕາມການລາຍງານຂອງສື່ຈີນ SCMP.

ຕໍ່ໄປນີ້ແມ່ນລາຍຊື່ຂອງສາຍການບິນ, ປະເທດ ແລະ ຂົງເຂດທີ່ມີການຈຳກັດການເດີນທາງໄປສູ່ ແລະ ອອກຈາກ ສປ ຈີນ ອີງຕາມຂໍ້ມູນຮອດວັນທີ 6 ກຸມພາ 2020.

 ເຂດບໍລິຫານພິເສດຮົງກົງ ແລະ ມາເກົ້າ

  • ສາຍການບິນ Cathay Pacific ວາງແຜນທີ່ຈະຫຼຸດຈຳນວນຖ້ຽວບິນທົ່ວໂລກປະມານ 30 ເປີເຊັນໃນ 2 ເດືອນຕໍ່ໜ້າ, ລວມທັງປະມານ 90% ຂອງຖ້ຽວບິນທີ່ເດີນທາງສູ່ຈີນແຜ່ນດິນໃຫຍ່D
  • Cathay Dragon ໄດ້ຍົກເລີກຖ້ຽວບິນໄປສູ່ ແລະ ຈາກຈີນແຜ່ນດິນໃຫຍ່ແລ້ວ 50% ຫຼື ຫຼາຍກວ່າ.
  • ປັກກິ່ງ ຢຸດອອກໃບອະນຸຍາດໃຫ້ຊາວຈີນແຜ່ນດິນໃຫຍ່ ທີ່ເດີນທາງສ່ວນຕົວ ຫຼື ເປັນກຸ່ມທົວ ໄປທີ່ຮົງກົງ.
  • ດ່ານຊາຍແດນທີ່ເຊື່ອມຕໍ່ກັບແຜ່ນດິນໃຫຍ່ກໍອາດຈະຖືກປິດ ຍົກເວັ້ນ ຂົວຮົງກົງ-ຈູໄຮ່-ມາເກົ້າ, ທ່າເຮືອເຊິນເຈິ້ນ ແລະ ສະໜາມບິນສາກົນ. ພ້ອມນີ້ ຮົງກົງກໍຈະກັກກັນຜູ້ທີ່ເດີນທາງມາຈາກຈີນແຜ່ນດິນໃຫຍ່ເປັນເວລາ 14 ມື້ເພື່ອຕິດຕາມອາການ.
  • ຜູ້ເດີນທາງຈາກຫູເປີ່ຍ ສູນກາງການລະບາດຂອງໄວຣັດ ແລະ ຜູ້ທີ່ເດີນທາງໄປທີ່ຫູເປີ່ຍມາກ່ອນຈະຖືກຫ້າມບໍ່ໃຫ້ເຂົ້າປະເທດ.
  • ມາເກົ້າ ໄດ້ຫ້າມບໍ່ໃຫ້ຄົນອູ່ຮັ້ນ ແລະ ຄົນຫູເປີ່ຍເຂົ້າດິນແດນ ຖ້າຫາກບໍ່ມີໃບຢັ້ງຢືນທາງການແພດວ່າບໍ່ໄດ້ຕິດເຊື້ອໄວຣັດ. ພ້ອມນີ້ ກໍຕ້ອງໄດ້ຂຽນແບບຟອມເພື່ອແຈ້ງກ່ຽວກັບສຸຂະພາບ.

 ເກາະໄຕ້ຫວັນຂອງຈີນ

  • ສາຍການບິນ Mandarin Airlines ໄດ້ຍົກເລີກຖ້ຽວບິນຈາກໄຕ້ຫວັນມາຍັງຈີນແຜ່ນດິນໃຫຍ່ຈົນຮອດທ້າຍເດືອນກຸມພານີ້.
  • ສາຍການບິນ China Airlines ໄດ້ຍົກເລີກຖ້ຽວບິນຈາກໄຕ້ຫວັນໄປຫາອູ່ຮັ້ນ.
  • ທາງການໄຕ້ຫວັນຈະປະຕິເສດບໍ່ໃຫ້ຄົນຕ່າງປະເທດທີ່ເດີນທາງໄປທີ່ຈີນແຜ່ນດິນໃຫຍ່ມາກ່ອນໃນໄລຍະ 14 ມື້ຜ່ານມາ ເຂົ້າປະເທດ ເລີ່ມຕັ້ງແຕ່ວັນສຸກນີ້ເປັນຕົ້ນໄປ. ຂະນະທີ່ຄົນຮົງກົງ ແລະ ມາເກົ້າ ຕ້ອງຖືກກັກກັນໃນເຮືອນ ຫຼື ໂຮງແຮມ ເປັນເວລາ 14 ມື້ ຫຼັງຈາກທີ່ເດີນທາງຮອດເກາະໄຕ້ຫວັນແລ້ວ.

ສປປ ລາວ

  • ສາຍການບິນລາວ (Lao Airlines) ແຈ້ງຍົກເລີກຖ້ຽວບິນ 3 ເສັ້ນທາງຄື: ວຽງຈັນ-ຊາງໂຈວ ເລີ່ມແຕ່ວັນທີ 8 ກຸມພາເປັນຕົ້ນໄປ, ວຽງຈັນ-ຫາງໂຈວ ເລີ່ມແຕ່ວັນທີ 5 ກຸມພາເປັນຕົ້ນໄປ ແລະ ວຽງຈັນ-ຊຽງໄຮ້ ເລີ່ມແຕ່ວັນທີ 29 ມັງກອນເປັນຕົ້ນໄປ ຈົນກວ່າຈະມີແຈ້ງການປ່ຽນແປງ.
  • ກົມກົງສຸນ ກະຊວງການຕ່າງປະເທດ ແຈ້ງການໃຫ້ບັນດາໜ່ວຍບໍລິການອອກວີຊາກັບດ່ານ ຢູ່ດ່ານໃນແຂວງທີ່ມີຊາຍແດນຕິດກັບຈີນ ໂຈະການອອກວີຊາກັບດ່ານໃຫ້ກັບນັກທ່ອງທ່ຽວເດີນທາງມາຈາກຈີນ ຈົນກວ່າຈະມີແຈ້ງການປ່ຽນແປງ.

ສິງກະໂປ

  • ສາຍການບິນ Sinagpore Airlines ແລະ SilkAir ຈະຫຼຸດຈຳນວນຖ້ຽວບິນໄປທີ່ຈີນແຜ່ນດິນໃຫຍ່ໃນວັນທີ 3 ກຸມພາ ຫາ 1 ມີນາ ນີ້.
  • ສາຍການບິນ Scoot ຈະຍົກເລີກຖ້ຽວບິນລະຫວ່າງສິງກະໂປ ແລະ ຈີນທັງໝົດຕັ້ງແຕ່ວັນທີ 8 ກຸມພາ ເປັນຕົ້ນໄປ.
  • ທາງການສິງກະໂປຈະຫ້າມຜູ້ທີ່ເດີນທາງໄປຈີນແຜ່ນດິນໃຫຍ່ໃນ 14 ມື້ຜ່ານມາ ເຂົ້າປະເທດ, ໂຈະອອກມີຊາໃຫ້ຄົນສັນຊາດຈີນ ລວມທັງວີຊາທີ່ໄດ້ອອກໃຫ້ແລ້ວ.

ອິນໂດເນເຊຍ

  • ອິນໂດເນຍເຊຍໂຈະຊົ່ວຄາວ ບັນດາຖ້ຽວບິນລະຫວ່າງຈີນ ແລະ ອິນໂດເນເຊຍ ຕັ້ງແຕ່ວັນທີ 3 ກຸມພາ ເປັນຕົ້ນໄປ ແລະ ຈະບໍ່ອະນຸຍາດໃຫ້ຜູ້ທີ່ເດີນທາງໄປຈິີນມາກ່ອນໃນອາທິດຜ່ານມາ ເຂົ້າປະເທດ ຫຼື ເດີນທາງຜ່ານ.
  • 5 ສາຍການບິນພາຍໃນຂອງອິນໂດນເຊຍປະກອບດ້ວຍ: Garuda Indonesia, Citilink Indonesia, Lion Mentari Airlines, Sriwijaya Air ແລະ Batik Air Indonesia ລວມທັງສາຍການບິນຕ່າງປະເທດທີ່ເດີນທາງຈາກຈີນມາທີ່ອິນໂດເນເຊຍ ລວມທັງທີ່ມາ transit. ຖ້ຽວບິນໄປສູ່ ແລະ ມາຈາກຮົງກົງ ຈະໄດ້ຮັບອະນຸຍາດພາຍໃຕ້ການກວດກາຢ່າງໃກ້ຊິດຂອງສາຍການບິນ Garuda Indonesia ແລະ ເຈົ້າໜ້າທີ່ທ້ອງຖິ່ນ.
  • ທາງການອິນໂດເນເຊຍໄດ້ໂຈະຟຣີວີຊາ ແລະ ວີຊາກັບດ່ານ ສຳລັບຄົນສັນຊາດຈີນ ທີ່ອາໄສຢູ່ໃນຈີນແຜ່ນດິນໃຫຍ່ ແລະ ຮຽກຮ້ອງໃຫ້ຄົນອິນໂດເນເຊຍຢຸດເດີນທາງໄປຈີນຊົ່ວຄາວ.

ຟິລິບປິນ

  • Philippines Airlines ຫຼຸດຖ້ຽວບິນໄປຈີນລົງ 50% ຈົນຮອດວັນທີ 1 ເມສານີ້.
  • Cebu Pacific Air ຍົກເລີກຖ້ຽວບິນລະຫວ່າງຟິລິບປິນ ແລະ ປັກກິ່ງ, ຊຽງໄຮ້, ເຊຍເໝິນ, ກວາງໂຈວ ແລະ ເຊິນເຈິ້ນ ທັງໝົດ ຕັ້ງແຕ່ວັນທີ 2 ກຸມພາ ຫາ 29 ມີນາ.
  • AirAsia ຍົກເລີກຖ້ຽວບິນທັງໝົດທີ່ເດີນທາງໄປອູ່ຮັ້ນ ແລະ ບາງຖ້ຽວບິນທີ່ເດີນທາງໄປຈີນ.
  • ທາງການຟິລິບປິນຂະຫຍາຍການຈຳກັດການເດີນທາງ ຈາກທີ່ຈຳກັດພຽງຄົນຫູເປີ່ຍ ເປັນຈຳກັດຄົນຈີນທັງໝົດ ລວມທັງຮົງກົງ ແລະ ມາເກົ້າ ພ້ອມທັງຫ້າມຄົນຟິລິບປິນບໍ່ໃຫ້ເດີນທາງໄປພື້ນທີ່ເຫຼົ່ານີ້.

ໄທ

  • Thai Lion Air ຍົກເລີກຖ້ຽວບິນທັງໝົດທີ່ເດີນທາງໄປຈີນຈົນຮອດວັນທີ 29 ກຸມພາ.
  • Thai Airways ຫຼຸດຈຳນວນຖ້ຽວບິນໄປຈີນລົງ.
  • ທາງການໄທກຳນົດໃຫ້ນັກທ່ອງທ່ຽວຈີນທັງໝົດຕ້ອງແຈ້ງໃບຢັ້ງຢືນທາງການແພດວ່າສຸຂະພາບດີ ແລະ ບໍ່ໄດ້ຕິດເຊື້ອໄວຣັດດັ່ງກ່າວ.

ເກົາຫຼີໃຕ້

  • Korean Air ຢຸດໃຫ້ບໍລິການຖ້ຽວບິນໄປອູ່ຮັ້ນຈົນຮອດວັນທີ 22 ກຸມພາ ແລະ ຈະຫຼຸດຖ້ຽວບິນໄປພື້ນທີ່ອື່ນໆຂອງຈີນ.
  • Air Seoul ຍົກເລີກຖ້ຽວບິນລະຫວ່າງອິນຊອນ ແລະ ຈາງເຈຍຈີ ແລະ ລິນອີ້ ໂດຍບໍ່ມີກຳນົດ.
  • ທາງການເກົາຫຼີໃຕ້ ຈຳກັດບໍ່ໃຫ້ຄົນຕ່າງປະເທດທີ່ເດີນທາງໄປແຂວງຫູເປີ່ຍຂອງຈີນ ເດີນທາງເຂົ້າປະເທດຫຼັງຈາກວັນທີ 21 ມັງກອນຜ່ານມາ. ພ້ອມນີ້ກໍໂຈະການຍົກເວັ້ນວີຊາສຳລັບຊາວຈີນ ທີ່ເດີນທາງໄປເກາະເຈຈູ. ພ້ອມນີ້ ກໍໂຈະການເດີນທາງທ່ອງທ່ຽວໄປຈີນ.

ຍີ່ປຸ່ນ

  • ທາງການຍີ່ປຸ່ນຫ້າມຄົນຕ່າງປະເທດທີ່ເດີນທາງໄປແຂວງຫູເປີ່ຍໃນໄລຍະ 14 ມື້ຜ່ານມາເຂົ້າປະເທດ. ພ້ອມນີ້ກໍກຳລັງພິຈາລະນາຂະຫຍາຍການຈຳກັດການເຂົ້າປະເທດສຳລັບຜູ້ທີ່ເດີນທາງໄປພື້ນທີ່ອື່ນໆຂອງຈີນມາກ່ອນ.
  • ຮຽກຮ້ອງໃຫ້ປະຊາຊົນງົດເດີນທາງໄປຈີນ ແລະ ຫ້າມບໍ່ໃຫ້ຜູ້ທີ່ມີອາການຂອງພະຍາດອັກເສບປອດຈາກໄວຣັດໂຄໂຣນາເຂົ້າປະເທດ.
  • Jetstar Japan ຍົກເລີກຖ້ຽວບິນ ໂຕກຽວ-ຊຽງໄຮ້ ລະຫວ່າງວັນທີ 5 ກຸມພາ - 28 ມີນາ.
  • Japan Airlines ຫຼຸດຜ່ອນຖ້ຽວບິນໄປຈີນ ຈາກ 98 ຖ້ຽວ ເຫຼືອພຽງ 43 ຖ້ຽວຕໍ່ມື້ ລະຫວ່າງວັນທີ 17 ກຸມພາ ຫາ 28 ມີນາ ແລະ ບາງຖ້ຽວບິນກ່ອນວັນທີ 16 ກຸມພາ ອາດໄດ້ຮັບຜົນກະທົບ.
  • All Nippon Airways ຍົກເລີກຖ້ຽວບິນລະຫວ່າງ ໂຕກຽວ (ນາຣິຕະ) ຫາ ປັກກິ່ງ ແລະ ອູ່ຮັ້ນ ຈົນຮອດທ້າຍເດືອນມີນາ. ເສັ້ນທາງ ຮາເນະດະ ແລະ ປັກກິ່ງ ຈຳນວນ 14 ຖ້ຽວຕໍ່ອາທິດຈະຫຼຸດເຫຼືອ 7 ຖ້ຽວຕໍ່ອາທິດໃນໄລຍະດຽວກັນ.

ຫວຽດນາມ

  •  VietJet ແລະ Vietnam Airlines ຍົກເລີກຖ້ຽວບິນໄປຈີນທັງໝົດ ແຕ່ບາງສາຍການບິນຍັງໃຫ້ບໍລິການໄປຍັງ ຮົງກົງ ແລະ ໄຕ້ຫວັນ ຢູ່.
  • ອົງການບໍລິຫານການບິນຍົກເລີກການອະນຸຍາດຖ້ຽວບິນ ແລະ ໂຈະການອອກໃບອະນຸຍາດຖ້ຽວບິນໃໝ່ ໃຫ້ກັບສາຍການບິນທີ່ໃຫ້ບໍລິການລະຫວ່າງຫວຽດນາມ ແລະ ຈີນ.
  • ທາງການສັ່ງໃຫ້ບັນດາບໍລິສັດຢຸດຮັບຜູ້ອອກແຮງງານສັນຊາດຈີນ ທີ່ກັບໄປຈີນ ຫຼັງຈາກພັກກຸດຈີນທີ່ຜ່ານມາ ລວມທັງຜູ້ອອກແຮງງານທີ່ເດີນທາງໄປພື້ນທີ່ ສປ ຈີນ ທີ່ມີການລະບາດຂອງໄວຣັດ.

ອອສເຕຣເລຍ

  • Virgin Australia ຍົກເລີກຖ້ຽວບິນລະຫວ່າງອອສເຕຣເລຍ ແລະ ຮົງກົງທັງໝົດ.
  • Qantas Airways ຈະຍົກເລີກຖ້ຽວບິນໄປຈີນແຜ່ນດິນໃຫຍ່ ຕັ້ງແຕ່ວັນທີ 9 ກຸມພາ ເປັນຕົ້ນໄປ. ສ່ວນເສັ້ນທາງອອສເຕຣເລຍ ຫາຮົງກົງ ຈະບໍ່ໄດ້ຮັບຜົນກະທົບ.
  • ທາງການຈຳກັດບໍ່ໃຫ້ຄົນທີ່ເດີນທາງຈາກຈີນແຜ່ນດິນໃຫຍ່ເຂົ້າປະເທດ ຍົກເວັ້ນຄົນສັນຊາດອອສເຕຣເລຍ, ສະມາຊິກຄອບຄົວ ແລະ ຈຸບິນ. ພ້ອມນີ້ກໍເຕືອນບໍ່ໃຫ້ປະຊາຊົນເດີນທາງໄປຈີນແຜ່ນດິນໃຫຍ່.

ນິວຊີແລນ

  • Air New Zealand ຈະຫຼຸດຈຳນວນຖ້ຽວບິນລະຫວ່າງ ອັອກແລນ-ຊຽງໄຮ້ ຈາກມື້ລະ 1 ຖ້ຽວ ເຫຼືອພຽງ 4 ຖ້ຽວຕໍ່ອາທິດ ເລີ່ມວັນທີ 18 ກຸມພາ ຫາ 31 ມີນາ.
  • China Southern ຍົກເລີກ 1 ຖ້ຽວບິນຈາກອັອກແລນ ຈົນກວ່າຈະມີການແຈ້ງການເພີ່ມເຕີມ ແລະ ຈະຍົກເລີກ Christchurch ຕັ້ງແຕ່ວັນທີ 11 ກຸມພາ ຫາ 28 ມີນາ. ຂະນະທີ່ຖ້ຽວບິນອັອກແລນຈະເຫຼືອພຽງ 4 ຄັ້ງຕໍ່ອາທິດ ເລີ່ມແຕ່ວັນທີ 11 ກຸມພາ ຫາ 28 ມີນາ.
  • China Eastern Airlines 
  • ຈະຍົກເລີກຖ້ຽວບິນຊຽງໄຮ້-ອັອກແລນ ເຊິ່ງມີມື້ລະໜຶ່ງຖ້ຽວ ເລີ່ມແຕ່ວັນທີ 11 ກຸມພາ - 28 ມີນາ ແລະ ຍົກເລີກຖ້ຽວບິນສຸດທ້າຍຂອງລະດູທ່ອງທ່ຽວ ຕັ້ງແຕ່ວັນທີ 11-15 ກຸຸມພາທັງໝົດ.
  • Hainan Airlines ຍົກເລີກເສັ້ນທາງ ອັອກແລນ-ສົງຊິງ ໃນວັນທີ 4 ກຸມພາ ແລະ ບໍ່ມີຖ້ຽວບິນລະຫວ່າງ 2 ເມືອງນີ້ອີກເລີຍໃນເວັບໄຊຂອງສາຍການບິນ.
  • ທາງການຈຳກັດບໍ່ໃຫ້ຄົນຕ່າງປະເທດທີ່ເດີນທາງຈາກຈີນເຂົ້າປະເທດ ມີຜົນຕັ້ງແຕ່ວັນທີ 3 ເປັນຕົ້ນໄປ. ພ້ອມນີ້ ກໍຫ້າມບໍ່ໃຫ້ປະຊາຊົນເດີນທາງໄປຈີນອີກດ້ວຍ.

ອິນເດຍ

  • Air India ຍົກເລີກຖ້ຽວບິນ ເດລີ-ຮົງກົງ ເລີ່ມຕັ້ງແຕ່ວັນທີ 8 ກຸມພາ ຫຼັງຈາກທີ່ຍົກເລີກເສັ້ນທາງໄປຊຽງໄຮ້ແລ້ວ.
  • IndiGo ຍົກເລີກຖ້ຽວບິນທັງໝົດລະຫວ່າງອິນເດຍ ແລະ ຈີນ.
  • ທາງການຮັດແໜ້ນມາດຕະການເຝົ້າລະວັງ ໂດຍຍົກເລີກວີຊາທີ່ອອກໃຫ້ຄົນຈີນ ແລະ ຄົນຕ່າງປະເທດທີ່ເດີນທາງໄປຈີນມາກ່ອນແລ້ວທັງໝົດ.
  • ນິວເດລີ ບໍ່ອະນຸຍາດໃຫ້ຜູ້ທີ່ອາໄສຢູ່ໃນຈີນທີ່ຂໍວີຊາທາງອອນລາຍເຂົ້າປະເທດ.

ບັງຄະລາເທດ

  • ທາງການຍົກໂຈະອອກວີຊາກັບດ່ານໃຫ້ຜູ້ທີ່ເດີນທາງມາຈາກຈີນຊົ່ວຄາວ.
  • ຊາວຈີນອາດຕ້ອງໄດ້ຂຽນຟອມແຈ້ງກ່ຽວກັບສຸຂະພາບ ເມື່ອຂໍວີຊາເຂົ້າບັງຄະລາເທດ.

ປາກີສະຖານ

  • ທາງການສັ່ງຍົກເລີກຖ້ຽວບິນທັງໝົດທີ່ເດີນທາງໄປຈີນ ແຕ່ໄດ້ກັບມາໃຫ້ບໍລິການອີກຄັ້ງເມື່ອວັນທີ 2 ກຸມພາຜ່ານມາ.
  • ເລື່ອນການເປີດດ່ານທາງພາກເໜືອທີ່ຕິດກັບຊາຍແດນຈີນ ພ້ອມທັງບໍ່ອະນຸຍາດໃຫ້ຄົນຕ່າງປະເທດເດີນທາງຜ່ານດ່ານ.

ມັລດິບ

  • ທາງການຫ້າມບໍ່ໃຫ້ຄົນຕ່າງປະເທດທີ່ເດີນທາງຈາກຈີນເຂົ້າປະເທດ ເມື່ອວັນຈັນຜ່ານມາ.
  • ຖ້ຽວບິນກົງລະຫວ່າງຈີນ ແລະ ມັລດິບຖືກຍົກເລີກທັງໝົດ.

ເນປານ

  • ທາງການປິດດ່ານ Rasuwagadhi ເຊິ່ງຕິດກັບຊາຍແດນຈີນ ເປັນເວລາ 15 ມື້ ເລີ່ມຕັ້ງແຕ່ວັນທີ 29 ມັງກອນ.

ມຽນມາ

  • ທາງການໂຈະອອກວີຊາກັບດ່ານໃຫ້ນັກທ່ອງທ່ຽວຈີນທັງໝົດ.

ເກົາຫຼີເໜືອ

  • ທາງການໂຈະສັ່ງປິດດ່ານຊາຍແດນທັງໝົດ ບໍ່ໃຫ້ຊາວຈີນເຂົ້າປະເທດຕັ້ງແຕ່ວັນທີ 22 ມັງກອນຜ່ານມາ. ພ້ອມທັງຫ້າມບໍ່ໃຫ້ນັກທ່ອງທ່ຽວເຂົ້າປະເທດ, ຫຼຸດຈຳນວນຖ້ຽວບິນ ແລະ ກວດກາດ່ານກວດຄົນເຂົ້າເມືອງຢ່າງເຂັ້ມງວດ.

ມອງໂກເລຍ

  • ທາງການໄດ້ປິດດ່ານຊາຍແດນທີ່ຕິດກັບຈີນຈົນຮອດວັນທີ 2 ມີນາ.

ປາປົວນິກິນີ

  • ທາງການໄດ້ປິດດ່ານທາງອາກາດ ແລະ ທະເລ ເມື່ອວັນທີ 29 ມັງກອນເປັນຕົ້ນມາ ບໍ່ໃຫ້ນັກທ່ອງທ່ຽວຈາກເອເຊຍເຂົ້າປະເທດ. ພ້ອມນັ້ນກໍໄດ້ປິດດ່ານຊາຍແດນທີ່ຕິດກັບອິນໂດເນເຊຍ ຢູ່ທີ່ West Papua.

ເຕີກເມນິສະຖານ

  • Turkmenistan Airlines ຍົກເລີກຖ້ຽວບິນລະຫວ່າງປັກກິ່ງ ແລະ ເຕີກເມນິສະຖານທັງໝົດ.

ສະຫະລັດອາເມຣິກາ ແລະ ແຄນາດາ

  • Delta Air Lines ແລະ American Airlines ຍົກເລີກຖ້ຽວບິນທັງໝົດທີ່ເດີນທາງໄປຈີນຈົນຮອດທ້າຍເດືອນມີນາ.
  • American Airlines ຍົກເລີກຖ້ຽວບິນລະຫວ່າງຮົງກົງ ແລະ ລອສແອນເຈລິສ ແລະ ດາລັສ ຈົນຮອດວັນທີ 20 ກຸມພາ.
  • United Airlines ຈະຍົກເລີກຖ້ຽວບິນ ປັກກິ່ງ, ຊຽງໄຮ້, ເສິງຕູ ແລະ ຮົງກົງ ຈົນຮອດວັນທີ 28 ກຸມພາ ແລະ ມີແຜນຈະເປີດໃຫ້ບໍລິການອີກຄັ້ງໃນວັນທີ 28 ມີນາ.
  • Air Canada ຍົກເລີກຖ້ຽວບິນ ປັກກິ່ງ ແລະ ຊຽງໄຮ້ ຄາດວ່າຈະດຳເນີນໄປຈົນຮອດວັນທີ 29 ກຸມພາ ນີ້.
  • ທາງການສະຫະລັດ ຈຳກັດບໍ່ໃຫ້ຄົນຕ່າງປະເທດທີ່ເດີນທາງໄປຈີນ ແລະ ມີສັນຍານຂອງການຕິດເຊື້ອເຂົ້າປະເທດຊົ່ວຄາວ ຍົກເວັ້ນຄົນສັນຊາດສະຫະລັດ ແລະ ຍາດພີ່ນ້ອງ. ຖ້ຽວບິນຈາກຈີນ ຈະຖືກປ່ຽນເສັ້ນທາງໄປລົງທີ່ສະໜາມບິນ 7 ແຫ່ງເທົ່ານັ້ນ.
  • ກະຊວງການຕ່າງປະເທດສະຫະລັດອອກແຈ້ງການຫ້າມປະຊາຊົນເດີນທາງໄປຈີນ. ທາງການແຄນາດາແນະນຳປະຊາຊົນບໍ່ໃຫ້ເດີນທາງໄປຈີນ ຖ້າບໍ່ຈຳເປັນ.

ອັງກິດ ແລະ ຢຸໂຣບ

  • ສາຍການບິນ Finnair ຂອງຟິນແລນ ຍົກເລີກຖ້ຽວບິນທັງໝົດທີ່ເດີນທາງໄປຈີນລະຫວ່າງວັນທີ 6-29 ກຸມພາ ແລະ ໄປກວາງໂຈວລະຫວ່າງວັນທີ 5 ກຸມພາ ຫາ 29 ມີນາ.
  • Air France ຍົກເລີກຖ້ຽວບິນໄປຈີນຈົນຮອດວັນທີ 9 ກຸມພາ. ທາງການຝຣັ່ງເຕືອນປະຊາຊົນບໍ່ໃຫ້ເດີນທາງໄປຈີນ.
  • Lufthansa ຍົກເລີກຖ້ຽວບິນໄປຈີນຈົນຮອດວັນທີ 9 ກຸມພາ ລວມທັງຖ້ຽວບິນຂອງບໍລິສັດລູກຢ່າງ Swiss ແລະ Austrian Airlines ແຕ່ໃນຖະແຫຼງການເມື່ອວັນຈັນຜ່ານມາ ສາຍການບິນກ່າວວ່າໄດ້ຍົກເລີກຖ້ຽວບິນ ປັກກິ່ງ ແລະ ຊຽງໄຮ້ ຈົນຮອດວັນທີ 28 ກຸມພາ ແລະ ຈະບໍ່ໃຫ້ບໍລິການເສັ້ນທາງ ນານກິງ, ເຊິນຢາງ ແລະ ຊິງເຕົ່າ ຈົນຮອດວັນທີ 28 ມີນາ. ສ່ວນເສັ້ນທາງຮົງກົງແມ່ນໃຫ້ບໍລິການປົກກະຕິ.
  • ອິຕາລີຍົກເລີກຖ້ຽວບິນທັງໝົດຈາກ ຈີນ, ຮົງກົງ, ມາເກົ້າ ແລະ ໄຕ້ຫວັນ ຈົນຮອດວັນທີ 28 ເມສາ.
  • KLM ຍົກເລີກຖ້ຽວບິນໄປບາງເມືອງຂອງຈີນ ແລະ ຫຼຸດຈຳນວນຖ້ຽວບິນຕໍ່ອາທິດທີ່ເດີນທາງໄປຊຽງໄຮ້ລົງ.
  • Iberia Airways ຂອງສະເປນຍົກເລີກຖ້ຽວບິນໄປຊຽງໄຮ້ຈົນໝົດເດືອນກຸມພາ.
  • LOT ຂອງສະເປນຍົກຍົກຖ້ຽວບິນໄປປັກກິ່ງຊົ່ວຄາງ ຈົນຮອດວັນທີ 9 ກຸມພາ.
  • SAS ຂອງປະເທດເຂດນໍດິກ ຍົກເລີກຖ້ຽວບິນທັງໝົດ ຂອງເສັ້ນທາງຊຽງໄຮ້ ແລະ ປັກກິ່ງລະຫວ່າງວັນທີ 31 ມັງກອນ ຈົນຮອດ 9 ກຸມພາ.
  • British Airways ຍົກເລີກເສັ້ນທາງປັກກິ່ງ ແລະ ຊຽງໄຮ້. Virgin Atlantic ຍົກເລີກຖ້ຽວບິນໄປຊຽງໄຮ້ 14 ມື້ ນັບຕັ້ງແຕ່ວັນທີ 1 ກຸມພາເປັນຕົ້ນມາ.
  • ສາຍການບິນຣັດເຊຍທັງໝົດ ຍົກເວັ້ນ Aeroflot ຈະຢຸດເດີນທາງໄປຈີນ.
  • ສະໜາມບິນສາກົນ Moscow Sheremetyevo ກ່າວວ່າ Ikar ສາຍການບິນລາຄາປະຢັດຈະຍັງບິນລະຫວ່າງມອສໂຄ ແລະ ຈີນ ແລະ China Southern Airlines, Hainan Airlines, Air China, China Eastern ຂອງຈີນ ຍັງຈະໃຫ້ບໍລິການລະຫວ່າງຈີນ ແລະ ມອສໂຄຕໍ່ໄປ.
  • ທາງການຣັດເຊຍໂຈະການຍົກເວັ້ນວີຊາໃຫ້ກັບນັກທ່ອງທ່ຽວທີ່ເດີນທາງໄປຈີນ ແລະ ຫ້າມບໍ່ໃຫ້ຊາວຈີນເດີນທາງເຂົ້າຣັດເຊຍຊົ່ວຄາວ ຈາກດ່ານຊາຍແດນມອງໂກເລຍ. ພ້ອມນີ້ກໍໂຈະອອກເອກະສານອະນຸຍາດເຮດວຽກໃຫ້ຄົນຈີນ.

ຕາເວັນອອກກາງ

  • Emirates ແລະ Etihad Airways ສາຍການບິນຊື່ດັງໃນເຂດອ່າວເປີເຊຍ ຍົກເລີກຖ້ຽວບິນທັງໝົດທີ່ເດີນທາງໄປເມືອງຕ່າງໆຂອງຈີນ ຍົກເວັ້ນປັກກິ່ງ ເລີ່ມຕັ້ງແຕ່ວັນທີ 5 ກຸມພາເປັນຕົ້ນໄປ.
  • Egypt Air ຍົກເລີກຖ້ຽວບິນໄປຈີນແຜ່ນດິນໃຫຍ່ທັງໝົດແບບບໍ່ມີກຳນົດ.
  • El Al Israel Airlines ຍົກເລີກຖ້ຽວບິນໄປປັກກິ່ງຈົນຮອດວັນທີ 25 ມີນານີ້. ອິສຣາເອລ ຈະບໍ່ໃຫ້ຄົນຕ່າງປະເທດທີ່ເດີນທາງຈາກຈີນເຂົ້າປະເທດ.
  • ອົງການການບິນຂອງໂອມານ ຍົກເລີກຖ້ຽວບິນທັງໝົດລະຫວ່າງລັດສຸລະຕ່ານໂອມານ ແລະ ຈີນ.
  • Qatar Airways ຍົກເລີກຖ້ຽວບິນໄປຈີນ ເລີ່ມແຕ່ວັນທີ 3 ກຸມພາ ຈົນກວ່າຈະມີແຈ້ງການເພີ່ມເຕີມ.
  • Turkish Airlines ຍົກເລີກຖ້ຽວບິນໄປປັກກິ່ງ, ກວາງໂຈວ, ຊຽງໄຮ້ ແລະ ຊີອານ ຈົນຮອດວັນທີ 9 ກຸມພາ.
  • ກະຊວງພາຍໃນຂອງອີຣັກ ປະກາດຫ້າມນັກທ່ອງທ່ຽວຈາກຈີນເດີນທາງເຂົ້າປະເທດ.

ອາຟຣິກາ

  • Kenya Airways ຍົກເລີກຖ້ຽວບິນ ໄປສູ່ ແລະ ມາຈາກກວາງໂຈວ ຈົນກວ່າຈະມີແຈ້ງການປ່ຽນແປງ.
  • Royal Air Maroc ຍົກເລີກຖ້ຽວບິນກົງໄປຈີນ ຈົນຮອດວັນທີ 29 ກຸມພາ.
  • RwandAir ຍົກເລີກຖ້ຽວບິນໄປສູ່ ແລະ ມາຈາກຈີນ ແລະ ຈະທົບທວນຄືນການຍົກເລີກດັ່ງກ່າວພາຍໃນເດືອນນີ້.
  • Air Tanzania ເລື່ອນຖ້ຽວບິນຂອງເດືອນກຸມພາທີ່ເດີນທາງໄປ ສປ ຈີນ ອອກໄປແບບບໍ່ມີກຳນົດ.
  • Ethiopian Airlines ປະຕິເສດເມື່ອວັນທີ 30 ມັງກອນ ທີ່ຜ່ານມາວ່າ ຕົນເອງໄດ້ຍົກເລີກຖ້ຽວບິນໄປຈີນທັງໝົດ.
Advertisement Replay Ad

ຂໍຂອບໃຈ

ຂໍ້ມູນ : SCMP

ພາບ : AFP

ເຕົາເຜົາຂີ້ເຫຍື້ອອັນຕະລາຍ ສາມາດກຳຈັດຂີ້ເຫຍື້ອໄດ້ຫຼາຍກວ່າ 100 ກິໂລກຣາມຕໍ່ຊົ່ວໂມງ

ເຕົາເຜົາຂີ້ເຫຍື້ອອັນຕະລາຍ ສາມາດກຳຈັດຂີ້ເຫຍື້ອໄດ້ຫຼາຍກວ່າ 100 ກິໂລກຣາມຕໍ່ຊົ່ວໂມງ

ກິດຈະກຳຊ້າງຄຳຮູ້ ສ້າງສີສັນໃຫ້ງານບຸນຊ້າງ 2020 ທີ່ໄຊຍະບູລີ ໄດ້ຢ່າງຄຶກຄື້ນ

ກິດຈະກຳຊ້າງຄຳຮູ້ ສ້າງສີສັນໃຫ້ງານບຸນຊ້າງ 2020 ທີ່ໄຊຍະບູລີ ໄດ້ຢ່າງຄຶກຄື້ນ

ມີທ່າອ່ຽງດີຂຶ້ນ! 24 ຂົງເຂດລະດັບແຂວງຂອງຈີນ ບໍ່ພົບຜູ້ຕິດເຊື້ອໂຄວິດ-19 ລາຍໃໝ່

ມີທ່າອ່ຽງດີຂຶ້ນ! 24 ຂົງເຂດລະດັບແຂວງຂອງຈີນ ບໍ່ພົບຜູ້ຕິດເຊື້ອໂຄວິດ-19 ລາຍໃໝ່

ເກີດຫຍັງຂຶ້ນແດ່ ຫຼັງເກົາຫຼີໃຕ້ພົບຜູ້ຕິດເຊື້ອໂຄວິດ-19 ເພີ່ມຂຶ້ນຢ່າງຕໍ່ເນື່ອງ?

ເກີດຫຍັງຂຶ້ນແດ່ ຫຼັງເກົາຫຼີໃຕ້ພົບຜູ້ຕິດເຊື້ອໂຄວິດ-19 ເພີ່ມຂຶ້ນຢ່າງຕໍ່ເນື່ອງ?

ທະນາຄານແຫ່ງ ສປປ ລາວ ຈະຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ

ທະນາຄານແຫ່ງ ສປປ ລາວ ຈະຫັນການເງິນເຖື່ອນ ເຂົ້າສູ່ລະບົບລັດຄຸ້ມຄອງ

"ຮອນດ້າ" ກຽມປິດໂຮງງານຜະລິດລົດຢູ່ຟິລິບປິນ ເລີ່ມແຕ່ເດືອນມີນານີ້ເປັນຕົ້ນໄປ

"ຮອນດ້າ" ກຽມປິດໂຮງງານຜະລິດລົດຢູ່ຟິລິບປິນ ເລີ່ມແຕ່ເດືອນມີນານີ້ເປັນຕົ້ນໄປ

ຄົ້ນພົບກະໂຫຼກຫົວ “ມະນຸດບູຮານ” ຢູ່ທົ່ງໄຫຫິນແຂວງຊຽງຂວາງ ຄາດມີອາຍຸ 2,000 ກວ່າປີ

ຄົ້ນພົບກະໂຫຼກຫົວ “ມະນຸດບູຮານ” ຢູ່ທົ່ງໄຫຫິນແຂວງຊຽງຂວາງ ຄາດມີອາຍຸ 2,000 ກວ່າປີ

"ມະຫາເທ ໂມຮຳໝັດ" ນາຍົກລັດຖະມົນຕີມາເລເຊຍ ລາອອກຈາກຕຳແໜ່ງຢ່າງກະທັນຫັນ

"ມະຫາເທ ໂມຮຳໝັດ" ນາຍົກລັດຖະມົນຕີມາເລເຊຍ ລາອອກຈາກຕຳແໜ່ງຢ່າງກະທັນຫັນ

ສູນການຄ້າຊັ່ງຈ່ຽງໂຕ້ "ບໍ່ມີຜູ້ຕິດເຊື້ອໄວຣັດໂຄໂຣນາ" ຊີ້ ຂໍ້ມູນທີ່ເຜີຍແຜ່ກັນແມ່ນຂ່າວປອມ

ສູນການຄ້າຊັ່ງຈ່ຽງໂຕ້ "ບໍ່ມີຜູ້ຕິດເຊື້ອໄວຣັດໂຄໂຣນາ" ຊີ້ ຂໍ້ມູນທີ່ເຜີຍແຜ່ກັນແມ່ນຂ່າວປອມ

ຜົນຫວຍງວດປະຈຳວັນທີ 24 ກຸມພາ 2020 ເລກ 1, 2, 3, 4, 5 ໂຕ ແລະ ຫວຍຕຳລາຝັນ 3/40

ຜົນຫວຍງວດປະຈຳວັນທີ 24 ກຸມພາ 2020 ເລກ 1, 2, 3, 4, 5 ໂຕ ແລະ ຫວຍຕຳລາຝັນ 3/40

ປີ 2019 ແຂວງເຊກອງ ມີການລົງທຶນເຂົ້າໃນການ ພັດທະນາພື້ນຖານໂຄງລ່າງທັງໝົດ 579.27 ຕື້ກີບ

ປີ 2019 ແຂວງເຊກອງ ມີການລົງທຶນເຂົ້າໃນການ ພັດທະນາພື້ນຖານໂຄງລ່າງທັງໝົດ 579.27 ຕື້ກີບ

ປີ 2019 ຜ່ານມາ ມີສະມາຊິກພັກຖືກປະຕິບັດວິໄນ 745 ຄົນ ຍ້ອນສໍ້ລາດບັງຫຼວງ

ປີ 2019 ຜ່ານມາ ມີສະມາຊິກພັກຖືກປະຕິບັດວິໄນ 745 ຄົນ ຍ້ອນສໍ້ລາດບັງຫຼວງ

ປີ 2020-2030 ສປປ ລາວ ມີແຜນສົ່ງອອກພະລັງງານໄຟຟ້າໄປຕ່າງປະເທດໃຫ້ໄດ້ 9,000 ເມກາວັດ

ປີ 2020-2030 ສປປ ລາວ ມີແຜນສົ່ງອອກພະລັງງານໄຟຟ້າໄປຕ່າງປະເທດໃຫ້ໄດ້ 9,000 ເມກາວັດ

“ໝູ່ເກາະເຄແມນ” ຕິດອັນດັບໜຶ່ງ ແຫຼ່ງເຊື່ອງເງິນຂອງມະຫາເສດຖີໂລກ - ສະຫະລັດ ແລະສະວິດນຳມາຕິດໆ

“ໝູ່ເກາະເຄແມນ” ຕິດອັນດັບໜຶ່ງ ແຫຼ່ງເຊື່ອງເງິນຂອງມະຫາເສດຖີໂລກ - ສະຫະລັດ ແລະສະວິດນຳມາຕິດໆ

ທຳຄວາມຮູ້ຈັກ "1MDB" ຄະດີສໍ້ໂກງລະດັບໂລກ ທີ່ກຳລັງເປັນຂ່າວໃນຕອນນີ້

ທຳຄວາມຮູ້ຈັກ "1MDB" ຄະດີສໍ້ໂກງລະດັບໂລກ ທີ່ກຳລັງເປັນຂ່າວໃນຕອນນີ້

ສຸດເສົ້າ! ແພດໜຸ່ມໄວ 29 ປີ ຕິດເຊື້ອໂຄວິດ-19 ເສຍຊີວິດຫຼັງເລື່ອນງານດອງ ລົງສູ້ເສິກໄວຣັດຢູ່ອູ່ຮັ້ນ

ສຸດເສົ້າ! ແພດໜຸ່ມໄວ 29 ປີ ຕິດເຊື້ອໂຄວິດ-19 ເສຍຊີວິດຫຼັງເລື່ອນງານດອງ ລົງສູ້ເສິກໄວຣັດຢູ່ອູ່ຮັ້ນ

ນາຊາທຽບຮູບກ່ອນ-ຫຼັງ ນໍ້າແຂງຂົ້ວໂລກໃຕ້ເປື່ອຍເປັນວົງກວ້າງ ຍ້ອນອາກາດຮ້ອນຂຶ້ນ

ນາຊາທຽບຮູບກ່ອນ-ຫຼັງ ນໍ້າແຂງຂົ້ວໂລກໃຕ້ເປື່ອຍເປັນວົງກວ້າງ ຍ້ອນອາກາດຮ້ອນຂຶ້ນ

ໄວຣັດໂຄໂຣນາ: ອີຣານສັ່ງປິດໂຮງຮຽນ-ສະຖານສຶກສາ ຫຼັງພົບຜູ້ຕິດເຊື້ອໂຄວິດ-19 ເສຍຊີວິດ 6 ຄົນ

ໄວຣັດໂຄໂຣນາ: ອີຣານສັ່ງປິດໂຮງຮຽນ-ສະຖານສຶກສາ ຫຼັງພົບຜູ້ຕິດເຊື້ອໂຄວິດ-19 ເສຍຊີວິດ 6 ຄົນ

ກະຊວງສາທາລະນະສຸກໄດ້ຕິດຕັ້ງເຄື່ອງວັດແທກອຸນຫະພູມ ເພື່ອຄັດກອງຄົນເຈັບພະຍາດໂຄວິດ-19 ຢູ່ຫຼາຍຈຸດ

ກະຊວງສາທາລະນະສຸກໄດ້ຕິດຕັ້ງເຄື່ອງວັດແທກອຸນຫະພູມ ເພື່ອຄັດກອງຄົນເຈັບພະຍາດໂຄວິດ-19 ຢູ່ຫຼາຍຈຸດ

ໄວຣັດໂຄໂຣນາ: ເກົາຫຼີໃຕ້ຢືນຢັນຜູ້ຕິດເຊື້ອເພີ່ມ 142 ຄົນ ຍອດລວມແຕະ 346 ຄົນ

ໄວຣັດໂຄໂຣນາ: ເກົາຫຼີໃຕ້ຢືນຢັນຜູ້ຕິດເຊື້ອເພີ່ມ 142 ຄົນ ຍອດລວມແຕະ 346 ຄົນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ