ວັນພຸດ ທີ 1 ເມສາ 2020

15 ປະໂຫຍກທີ່ຄວນເວົ້າກັບລູກ ເພື່ອຊ່ວຍໃຫ້ລູກຫຼຸດຜ່ອນຄວາມກັງວົນໃຈ

15 ປະໂຫຍກທີ່ຄວນເວົ້າກັບລູກ ເພື່ອຊ່ວຍໃຫ້ລູກຫຼຸດຜ່ອນຄວາມກັງວົນໃຈ

ຄວາມ​ວິ​ຕົກ​ກັງ​ວົນ​ເປັນ​ໜຶ່ງ​ສາ​ເຫດ​ທີ່​ສົ່ງ​ຜົນ​ໃຫ້​ເກີດ​ອາການ​ທາງ​ຈິດ​ທີ່​ພົບ​ເລື້ອຍ​ທີ່ສຸດ. ຍິ່ງ​ໄປ​ກວ່າ​ນັ້ນກໍ​ຄື ​ຈຳນວນ​ເດັກ​ທີ່​ມີ​ຄວາມ​ກັງ​ວົນ​ນັ້ນ​ມີ​ຈຳນວນ​ສູງ​ຂຶ້ນ​ເລື້ອຍ​ໆ, ບາງເທື່ອ​ພໍ່​ແມ່​ກໍ​ໃຊ້​ວິທີ​ແກ້​ບັນຫາ​ແບບ​ຜິດ​ໆ ໂດຍ​ເຂົ້າໃຈ​ໄປ​ວ່າ​ລູກຍັງ​ບໍ່​ໃຫຍ່​ພໍ​ທີ່​ຈະ​ຮູ້ສຶກ​ກັງ​ວົນ.

ຄຳ​ຖາມ​ຄື… ແລ້ວ​ເຈົ້າ​ສາມາດ​ເຮັດ​ແນວໃດ​ໄດ້​ແດ່​ເພື່ອ​ຄາຍ​ຄວາມ​ກັງ​ວົນ​ໃຫ້​ແກ່​ລູກ​?

ການ​ຍ່າງ​ເຂົ້າໄປ​ຕົບ​ຫຼັງ​ຄ່ອຍ​ໆ ແລ້ວ​ເວົ້າ​ວ່າ “ຈັກໜ້ອຍລູກ​ກໍ​ຜ່ານ​ມັນ​ໄປ​ໄດ້” ບໍ່​ສາມາດ​ປ່ຽນ​ແປງ​ສິ່ງ​ທີ່ລູກ​ກຳ​ລັງ​ຄິດ ຫຼື ​ເຮັດໃຫ້​ລູກ​ຮູ້ສຶກ​ສະບາຍ​ໃຈ​ຂຶ້ນ​ໄດ້. ຍັງມີ​ຄຳ​ເວົ້າ​ອີກ​ຫຼາຍ​ຄຳ​ເວົ້າ​ທີ່​ຈະ​ຊ່ວຍ​ໃຫ້​ລູກ​ຂອງ​ເຈົ້າ​ກັງ​ວົນ​ໜ້ອຍ​ລົງ ​ແລະ ໝັ້ນໃຈ​ຫຼາຍ​ທີ່​ຈະ​ແກ້​ບັນຫາ​ຫຼາຍ​ຂຶ້ນ.

ຄຳ​ເວົ້າ 15 ຄຳ​ເຫຼົ່າ​ນີ້​ຄື​ສິ່ງ​ທີ່​ເຈົ້າ​ຄວນ​ໃຊ້​ກັບ​ລູກ​ຂອງ​ເຈົ້າ​ເພື່ອ​ໃຫ້​ລູກ​ຮູ້ສຶກ​ຄາຍ​ກັງ​ວົນ.

1. ”ພໍ່​-​ແມ່​ເຂົ້າໃຈ​ວ່າ​ລູກ​ກຳ​ລັງ​ຢ້ານ”

ຢ່າ​ຢ້ານ​ທີ່​ຈະ​ເວົ້າ​ເຖິງ​ຄວາມ​ຮູ້ສຶກ​ຢ້ານ Dr. Daniel Seigal ກ່າວ​ວ່າ​ ເມື່ອ​ເຈົ້າ​ເວົ້າ​ເຖິງ​ອາລົມ​ໃດ​ອາລົມ​ໜຶ່ງ​ສະໝອງ​ຂອງ​ເຈົ້າ​ກໍ​ຈະ​ເລີ່ມ​ສັ່ງ​ການ ແລ້ວ​ມັນ​ຈະ​ເຮັດໃຫ້​ເຈົ້າ​ຄິດ​ວິທີ​ທີ່​ຈະ​ແກ້​ບັນຫາ​ໄດ້​ດີ​ຂຶ້ນ. ເມື່ອ​ເຈົ້າ​ໄດ້​ບອກ​ລູກ​ແລ້ວ​ວ່າ ​ລູກ​ກຳ​ລັງ​ຮູ້ສຶກ​ຢ້ານ ລູກຈະ​ເລີ່ມ​ເຂົ້າໃຈ​ ແລະ​ ຈະ​ເລົ່າ​ບັນຫາ​ຂອງ​ເຂົາ​ໃຫ້​ເຈົ້າ​ຟັງ. ແລ້ວ​ເຈົ້າ​ທັງ​ສອງ​ກໍ​ຈະ​ຊ່ວຍ​ແກ້​ບັນຫາ​ໄດ້.

2. ”ພໍ່​-​ແມ່​ຮູ້​ວ່າ​ມັນ​ຍາກ”

ຄວາມ​ກັງ​ວົນ​ມັນ​ເປັນ​ເລື່ອງ​ໃຫຍ່ ດັ່ງ​ນັ້ນ​ບອກ​ລູກ​ໄປ​ວ່າ​ ເຈົ້າ​ເຂົ້າໃຈ​ລູກ​ໂດຍ​ສະແດງ​ໃຫ້​ເຫັນ​ວ່າ​ເຈົ້າ​ກໍ​ຮູ້ສຶກ​ຄືກັນກັບ​ເຂົາ ແລ້ວ​ເຂົາ​ຈະ​ເຂົ້າ​ຫາ​ເຈົ້າ​ຫຼາຍ​ຂຶ້ນ ແລະ ​ເປີດ​ໃຈ. ​ສັງເກດ​ເຂົາ​ແລ້ວ​ບອກ​ເຂົາ​ວ່າ ​ສິ່ງ​ທີ່​ເຂົາ​ກຳ​ລັງ​ຮູ້ສຶກ​ກັງ​ວົນ​ມັນ​ບໍ່​ແມ່ນ​ເລື່ອງ​ທີ່​ຜິດ.

3. ”ຢາກ​ກອດ​ກັນ​ບໍ່?”

ການ​ກອດ​ມີ​ຂໍ້​ດີ​ຫຼາຍຢ່າງ. ການ​ໃຊ້​ພາສາ​ກາຍ​ສາມາດ​ກະຕຸ້ນ​ຮ​ໍ​ໂມນ​ແຫ່ງ​ຄວາມ​ສຸກ ພ້ອມ​ທັງຍັງ​ຊ່ວຍ​ຫຼຸດ​ການ​ຜະລິດ​ຄໍ​ຕິ​ຊອນ (ຮໍ​ໂມນ​ແຫ່ງ​ຄວາມເຄັ່ງຕຶງ), ລູກ​ຂອງ​ເຈົ້າ​ຈະ​ຮູ້ສຶກ​ຜ່ອນ​ຄາຍ ​ແລະ ​ສາມາດ​ຄິດ​ທົບ​ທວນ​ສະຖານະການ​ທີ່ເກີດຂຶ້ນ​ໄດ້.

4. ”ຫາຍ​ໃຈ​ເຂົ້າ​ເລິກ​ໆ”

ການ​ສອນ​ໃຫ້​ລູກ​ຂອງ​ເຈົ້າ​ກຳນົດ​ລົມ​ຫາຍ​ໃຈ​ລະຫວ່າງ​ທີ່​ເກີດ​ຄວາມ​ເຄັ່ງຕຶງ​ນັ້ນ​ ເປັນ​ສິ່ງ​ທີ່​ມີ​ປະໂຫຍດ​ທີ່ສຸດ. ແນະ​ນຳ​ວ່າ​ໃຫ້​ລູກ​ເອົາ​ມື​ຊ້າຍ​ວາງ​ໄວ້​ທີ່​ໜ້າ​ທ້ອງ ແລະ​ ມີ​ຂວາ​ວາງ​​ໄວ້​ທີ່​ຫົວ​ໃຈ. ໃຫ້​ລູກ​ຫາຍ​ໃຈ​ເຂົ້າ​ອອກ​ຊ້າ​ໆ ໃຫ້​ສຳ​ຜັດ​ລົມ​ຫາຍ​ໃຈ​ຜ່ານ​ທາງ​ໜ້າ​ທອງ​ ແລະ ​ໜ້າ​ເອິກ. ວິທີ​ນີ້​ຈະ​ຊ່ວຍ​ໃຫ້ລູກ​ລືມ​ຄວາມ​ເຄັ່ງຕຶງ​ ແລະ​ ປ່ຽນ​ທ່າ​ທາງ​ໃນ​ຂະນະ​ທີ່​ກຳ​ລັງ​ເຄັ່ງຕຶງ. ​ວິທີ​ນີ້​ສາມາດ​ນຳ​ໄປ​ໃຊ້​ໃນ​ຫ້ອງ​ຮຽນ ກ່ອນ​ສອບເສັງ ຫຼື​ ເວລາ​ທີ່​ເລີ່ມ​ວິ​ຕົກ​ກັງ​ວົນ​ໄດ້.

5. ”ໄປ​ບ່ອນທີ່​ລູກ​ມັກ​ກັນດີບໍ່?”

ເມື່ອ​ລູກ​ຂອງ​ເຈົ້າ​ກັງ​ວົນ​ໜ້ອຍ​ລົງ​ແລ້ວ ​ໃຫ້​ລອງ​ຖາມ​ລູກ​ວ່າ ​ຢາກ​ໄປ​ໃສ ​ຫຼື ບໍ່ ທີ່​ຈະ​ເຮັດໃຫ້​​ຮູ້ສຶກ​ດີ​ຂຶ້ນ, ສະຫງົບ, ໝັ້ນໃຈ ແລະ​ ມີ​ຄວາມ​ສຸກ. ອາດຈະ​ເປັນ​ທະ​ເລ, ເຮືອ​ນພັກ​ຕາກ​ອາ​ກາດ ຫຼື ​ຫ້ອງ​ນອນ. ພະຍາຍາມ​ໃຫ້​ລູກ​ອະທິບາຍ​ລາຍ​ລະອຽດ​ຂອງ​ສິ່ງ​ທີ່​ມັກ, ລັກສະນະ​ເປັນແນວໃດ, ມີ​ສຽງ​ແບບໃດ, ມີກິ່ນແນວໃດ ແລະ ​ຖ້າເທື່ອ​ໜ້າລູກ​ກັງ​ວົນ​ຂຶ້ນ​ມາ​ອີກ​ກໍ​ພາ​​ໄປ​ໃນບ່ອນທີ່​ລູກ​ມີ​ຄວາມ​ສຸກ​ຕາມ​ທີ່​ໄດ້​ບອກ​ໄປ.

6. ”ຮ້ອງ​ເພງ​ກັນ​ບໍ່?”

ງານ​ວິ​ໄຈ​ພົ​ບວ່າ​ ການ​ຮ້ອງ​ເພງ​ຊ່ວຍຫຼຸດ​ຄວາມ​ເຄັ່ງຕຶງ ​ແລະ ​ເພີ່ມ​ຄວາມ​ສຸກ​ໄດ້. ເຈົ້າ​ອາດຈະ​ເລີ່ມ​ຮ້ອງ​ເພງ​ທີ່​ລູກມັກ​ຂຶ້ນ​ມາຈັກວັກ​ ໃຫ້​ລູກ​ຮ້ອງ​ຕາມ ຫຼື​ ເຕັ້ນ​ໄປ​ນຳ​ກໍ​ໄດ້. ພຽງແຕ່ສ້ຽວ​ນາ​ທີ​ ສານ​ເອນ​ດ​ໍ​ຟິນ​ ກໍ​ຈະ​ຖືກ​ປ່ອຍ​ອອກ​ມາ ລູກ​ຂອງ​ເຈົ້າ​ກໍ​ຈະ​ລືມ​ເລື່ອງ​ເຄັ່ງຕຶງ​ໄປ​ຄາວໜຶ່ງ. ນອກ​ຈາກ​ນັ້ນ​ເຈົ້າ​ກໍ​ຈະ​ໄດ້​ມີໄລຍະ​ເວລາ​ໜ້າ​ຮັກ​ໆ ກັບ​ລູກ​ຂອງ​ເຈົ້າອີກ​ດ້ວຍ.

7. ”ມີ​ຫຍັງ​ຈະ​ບອກ​ເພີ່ມ​ອີກ​ບໍ່?”

ໃຫ້​ລູກ​ຂອງ​ເຈົ້າ​ລະບາຍ​ເລື່ອງ​ເຄັ່ງຕຶງ​ອອກ​ມາ ຖ້າ​ເຈົ້າ​ຈະ​ຖາມ​ເປັນ​ເທື່ອ​ລະ​ຄຳ​ຖາມ​ໃຫ້​ໃຊ້​ຄຳ​ຖາມ​ແບບ​ເປີດ. ເປີດ​ຊ່ອງ​ວ່າງ​ໃຫ້​ລູກ​ໄດ້​ເວົ້າ​ມັນ​ອອກ​ມາ ມັນ​ຈະ​ສະແດງ​ໃຫ້ລູກ​ເຫັນ​ວ່າ​ເຈົ້າ​ສົນ​ໃຈ​ເລື່ອງ​ຂອງ​ເຂົາ​ຫຼາຍສໍ່າໃດ ແລະ ​ເຈົ້າ​ຈະ​ໄດ້​ມີ​ສ່ວນ​ຮ່ວມ​ໃນ​ການ​ຫາ​ເຫດຜົນ​ໄປ​ພ້ອມ​ກັນ ພ້ອມທັງຍັງ​ຊ່ວຍ​ແກ້​ບັນຫາ​ໃຫ້​ລູກ​ໄດ້​ອີກ​ດ້ວຍ.

8. ”ໃຈ​ມັນ​ບອກ​ວ່າແນວໃດ ສະໝອງ​ມັນ​ບອກ​ວ່າແນວໃດ?”

ຄຳ​ຖາມ​ນີ້​ຈະ​ຊ່ວຍ​ກະຕຸ້ນ​ຄວາມ​ຮູ້ສຶກ​ ແລະ ​ຄວາມ​ຄິດ​ຂອງ​ລູກ​ທີ່​ມີ​ຕໍ່​ສະຖານະການ​ນັ້ນ. ໃຈ​ອາດຈະ​ບອກ​ວ່າ ລູກ​ຢ້ານ​ການ​ສອບເສັງ​ບໍ່ຜ່ານ, ແຕ່​ສະໝອງ​ອາດ​ກຳ​ລັງ​ບອກ​ວ່າ​ເຂົາ​ຕັ້ງ​ໃຈ​ຮຽນ​ທີ່ສຸດ​ແລ້ວ. ໃຫ້​ເຈົ້າ​ສອນລູກ​ວ່າ​ມັນ​ອາດຈະ​ເປັນ​ໄປ​ໄດ້​ທັງ​ສອງ​ຢ່າງ ແລະ ​ມັນ​ບໍ່​ແມ່ນ​ເລື່ອງ​ທີ່​ຜິດ. ວິທີ​ນີ້​ຈະ​ຊ່ວຍ​ລູກຈຳແນກລະຫວ່າງ​ຄວາມ​ຢ້ານ​ກັບ​ຄວາມ​ຈິງ​ອອກຈາກ​ກັນ ແລະ​ ຖື​ເປັນ​ການ​ຝຶກ​ເວົ້າ​ຈາ​ກັບ​ຕົວ​ເອງ.

9. ”ຮ້າຍແຮງ​ທີ່ສຸດ​ມັນ​ຈະ​ເກີດ​ຫຍັງ​ຂຶ້ນ?”

ຖາມ​ລູກ​ວ່າ “ຮ້າຍແຮງ​ທີ່ສຸດ​ມັນ​ຈະ​ເກີດ​ຫຍັງ​ຂຶ້ນ?” ຊ່ວຍ​ໃຫ້​ລູກ​ຂອງ​ເຈົ້າ​ຄິດ​ໃນ​ມຸມ​ມອງ​ທີ່​ກວ້າງ​ຂຶ້ນ ແລະ ​ເຮັດໃຫ້​ເຂົາ​ຮູ້ສຶກ​ວ່າ​ ບັນຫາ​ໃຫຍ່​ຂອງ​ເຂົາ​ມັນ​ນ້ອຍ​ລົງ. ຖາມ​ລູກ​ວ່າ​ເລື່ອງ​ນີ້​ມັນຮ້າຍແຮງສໍ່າໃດ, ລູກ​ສາມາດ​ເຮັດ​ຫຍັງ​ກັບ​ເລື່ອງ​ນີ້​ໄດ້​ແດ່? ລູກ​ໄດ້​ຮຽນ​ຮູ້​ຫຍັງ​ຈາກ​ເລື່ອງ​ນີ້​ແດ່? ລູກ​ຂອງ​ເຈົ້າ​ຈະ​ຮູ້​ວ່າ​ຕົນເອງສາມາດ​ເອົາ​ຊະນະ​ຄວາມ​ທ້າ​ທາຍ ​ແລະ​ ເຮັດໃຫ້​ດີ​ທີ່ສຸດ​ໄດ້.

10. ”…(ຕົວ​ລະ​ຄອນ​ທີ່​ລູກ​ມັກ) ຈະ​ເຮັດ​ແນວໃດ​ໃນ​ສະຖານະການ​ແບບ​ນີ້”

ທຸກ​ໆຄົນ​ມັກ​ຈະ​ມີ​ບຸກຄົນຕົວແບບທີ່​ຕົວ​ເອງ​ມັກ ລອງ​ຖາມ​ລູກ​ເບິ່ງ​ວ່າໄອດໍ້​ຂອງ​ລູກ​ຈະ​ຮັບ​ມື​ກັບ​ເລື່ອງ​ນີ້​ແນວໃດ? ຈາກ​ນັ້ນ​​ແນະນຳລູກ​ວ່າ ​​ຈະ​ເຮັດ​ຄືກັບ​ໄອ​ດໍ້​ຂອງເຂົາ​ໄດ້ແນວໃດແດ່.

11. ”ເຮັດໃຫ້​ດີ​ທີ່ສຸດ”

ລູກ​ຂອງ​ເຈົ້າ​ຄົງ​ຢາກ​ໄດ້ຍິນ​ວ່າ​ຄວາມ​ເພ​ອ​ຣ​໌​ເຟັກ​ຕ​໌​ບໍ່​ມີ​ໃນ​ໂລກ​ນີ້ ບອກ​ທ່ານ​ພຽງ​ວ່າ​ຂໍ​ແຄ່​ລູກ​ເຮັດໃຫ້​ດີ​ທີ່ສຸດ​ແລະ​ເປັນ​ຢ່າງ​ທີ່​ເປັນ​ໃຫ້​ດີ​ທີ່ສຸດ​ກໍ​ພໍ

12. ”ແລ້ວ​ລູກ​ຢາກ​ຮູ້ສຶກ​ແບບໃດ​ລະ?”

ມັນ​ເປັນ​ເລື່ອງ​ທີ່​ດີ​ທີ່​ໃຫ້​ລູກ​ຂອງ​ເຈົ້າ​ມີ​ທາງ​ເລືອກ​ວ່າ​ຄວາມຈິງແລ້ວ ​ຢາກ​ຮູ້ສຶກ​ແບບໃດ. ຕົວ​ຢ່າງ​ເຊັ່ນ: ​ຕອນ​ທີ່​ລູກ​ຂອງ​ຂ້ອຍ​ຢ້ານ​ວ່າ​ຈະ​ຕ້ອງ​ໄປສັກ​ຢາ, ລູກ​ມັກ​ຈະ​ເວົ້າ​ຊ້ຳ​ໄປ​ຊ້ຳ​ມາ​ວ່າ​ຕົນເອງ​ຢ້ານ. ຂ້ອຍ​ຈຶ່ງ​ລອງ​ຖາມ​ລູກ​ເບິ່ງ​ວ່າ​ ຄວາມຈິງແລ້ວ ​ລູກ​ຢາກ​ຈະ​ຮູ້ສຶກ​ແບບໃດ? ລູກ​ກໍ​ຕອບ​ອອກ​ມາ​ວ່າ “ກ້າ​ຫານ” ຂ້ອຍ​ເລີຍ​ບອກ​ລູກ​ວ່າ ​ນີ້​ເດ​ລູກ​ກ້າ​ແລ້ວ. ເວົ້າ​ມັນ​ອອກ​ມາ​ວ່າ​ຂ້ອຍ​ກ້າ​ຫານ ແລ້ວ​ມັນ​ຈະ​ໄດ້​ຜົນ.

13. ”ຈັກໜ້ອຍ​ມັນ​ກໍ​ຜ່ານ​ໄປ ຈື່​ເລື່ອງ…(ທີ່​ຜ່ານ​ໄປ​ແລ້ວ) ໄດ້​ບໍ່?”

ມັນ​ເປັນ​ເລື່ອງ​ທຳມະຊາດ​ຂອງ​ເດັກນ້ອຍ​ທີ່​ມັກ​ຈະ​ສັບ​ສົນ​ກັບ​ອາລົມ​ທີ່ເກີດຂຶ້ນ, ແລ້ວ​ຄິດວ່າ​ມັນ​ຄົງ​ຢູ່​ກັບ​ຕົວ​ຕະຫຼອດ​ໄປ. ດັ່ງ​ນັ້ນ​ເຈົ້າ​ຕ້ອງ​ເຮັດໃຫ້​ລູກ​ເຂົ້າໃຈ​ວ່າ ​ມັນ​ຈະ​ຜ່ານ​ໄປ ຄືກັບ​ເລື່ອງ​ກ່ອນ​ໜ້າ​ນີ້​ທີ່​ເຄີຍ​ເກີດ​ຂຶ້ນ.

14. ”ພໍ່​-​ແມ່​ຈະ​ຊ່ວຍ​ລູກແນວໃດ​ໄດ້​ແດ່?”

ເດັກ​ນ້ອຍມັກ​ຈະ​ຮູ້​ຢູ່​ກ່ອນ​ແລ້ວ​ວ່າ ຕົນເອງ​ຕ້ອງ​ການ​ຫຍັງ​ຈາກ​ເຈົ້າ. ດັ່ງ​ນັ້ນ​ເຈົ້າ​ຄວນ​ຈະ​ຖາມລູກ ເມື່ອ​ໃຫ້​ໂອ​ກາດ​ລູກ​ໄດ້​ຄິດ​ເຂົາ​ກໍ​ຈະ​ມາບ​ອກ​ເຈົ້າ. ລູກ​ອາດຈະ​ບອກ​ເຈົ້າວ່າ “ຈັບ​ມື​ລູກແດ່” ຫຼື “ນັ່ງ​ຂ້າງ​ໆລູກແດ່​ຈົນ​ກວ່າ​ຈະ​ໃຈ​ເຢັນ​ລົງ” ແລະ ​ວິທີ​ແກ້​ບັນຫາ​ຈະ​ຕາມ​ມາ.

15. ”ພໍ່​-​ແມ່​ຮັກ​ລູກ​ເດີ”

ການ​ບອກ​ວ່າ​ເຈົ້າ​ຮູ້ສຶກແນວໃດ​ກັບ​ລູກ​ ​ເປັນຄືກັບ​ການ​ປົກ​ປ້ອງ​ລູກ​ດ້ວຍ​ຄວາມ​ອົບ​ອຸ່ນ ເຮັດໃຫ້​ລູກ​ຮູ້ສຶກ​ປອດໄພ. ມັນ​ຈະ​ເຮັດໃຫ້ລູກ​ຫຼຸດຜ່ອນຄວາມ​ກັງ​ວົນ​ ແລະ ​ຮູ້ສຶກ​ບໍ່​ຢ້ານ​ຕໍ່​ຄວາມ​ກັງ​ວົນ​ທີ່​ຈະ​ເຂົ້າ​ມາ ເພາະ​ຄວາມ​ຮັກ​ຂອງ​ເຈົ້າ​ຈະ​ປົກ​ປ້ອງ​ເຂົາ.

Advertisement Replay Ad

ຂໍຂອບໃຈ

ຂໍ້ມູນ : tonkit via sanook

10 ເຄື່ອງໃຊ້ພາຍໃນເຮືອນທີ່ຕ້ອງອະນາໄມທຸກມື້ເພື່ອປ້ອງກັນເຊື້ອພະຍາດ

10 ເຄື່ອງໃຊ້ພາຍໃນເຮືອນທີ່ຕ້ອງອະນາໄມທຸກມື້ເພື່ອປ້ອງກັນເຊື້ອພະຍາດ

7 ວິທີປັບປ່ຽນພຶດຕິກຳທີ່ຈະເຮັດໃຫ້ສາວໆງາມແລະສຸຂະພາບດີສູ້ກັບໂຄວິດ-19

7 ວິທີປັບປ່ຽນພຶດຕິກຳທີ່ຈະເຮັດໃຫ້ສາວໆງາມແລະສຸຂະພາບດີສູ້ກັບໂຄວິດ-19

10 ວິທີຫຼຸດຄວາມສ່ຽງ "ຕິດໂຄວິດ-19" ເມື່ອຈໍາເປັນຕ້ອງໄດ້ອອກຈາກເຮືອນ

10 ວິທີຫຼຸດຄວາມສ່ຽງ "ຕິດໂຄວິດ-19" ເມື່ອຈໍາເປັນຕ້ອງໄດ້ອອກຈາກເຮືອນ

ຈັດໂຕະເຮັດວຽກ Work from Home ໃນໄລຍະ "ໂຄວິດ-19" ລະບາດແນວໃດ ໃຫ້ນັ່ງສະບາຍໄດ້ດົນໆ

ຈັດໂຕະເຮັດວຽກ Work from Home ໃນໄລຍະ "ໂຄວິດ-19" ລະບາດແນວໃດ ໃຫ້ນັ່ງສະບາຍໄດ້ດົນໆ

ນີ້ແມ່ນວິທີຖິ້ມ "ໜ້າກາກອະນາໄມ" ທີ່ໃຊ້ແລ້ວ ຢ່າງຖືກວິທີ

ນີ້ແມ່ນວິທີຖິ້ມ "ໜ້າກາກອະນາໄມ" ທີ່ໃຊ້ແລ້ວ ຢ່າງຖືກວິທີ

ບັນດາແມ່ລູກອ່ອນຄວນໃຫ້ນົມລູກແນວໃດ ໃນໄລຍະທີ່ພະຍາດໂຄວິດ-19 (COVID-19) ແພ່ລະບາດ?

ບັນດາແມ່ລູກອ່ອນຄວນໃຫ້ນົມລູກແນວໃດ ໃນໄລຍະທີ່ພະຍາດໂຄວິດ-19 (COVID-19) ແພ່ລະບາດ?

ມາຮູ້ຈັກກັບສູນບໍລິການຫລັງການຂາຍມາດຕະຖານຂອງ "ນິສສັນ ຕັນຈົງ ມໍເຕີ້ລາວ"

ມາຮູ້ຈັກກັບສູນບໍລິການຫລັງການຂາຍມາດຕະຖານຂອງ "ນິສສັນ ຕັນຈົງ ມໍເຕີ້ລາວ"

ວິທີຮັກສາ ແລະ ຍືດອາຍຸອາຫານໃນຕູ້ເຢັນຢ່າງຖືກວິທີ ສຳລັບຜູ້ເຮັດວຽກຢູ່ເຮືອນ-ເວັ້ນໄລຍະຫ່າງທາງສັງຄົມ

ວິທີຮັກສາ ແລະ ຍືດອາຍຸອາຫານໃນຕູ້ເຢັນຢ່າງຖືກວິທີ ສຳລັບຜູ້ເຮັດວຽກຢູ່ເຮືອນ-ເວັ້ນໄລຍະຫ່າງທາງສັງຄົມ

ມາເບິ່ງກັນ! 7 ວິທີແກ້ເຊັງເມື່ອຕ້ອງຢູ່ເຮືອນ ເພື່ອປ້ອງກັນໂຄວິດ-19

ມາເບິ່ງກັນ! 7 ວິທີແກ້ເຊັງເມື່ອຕ້ອງຢູ່ເຮືອນ ເພື່ອປ້ອງກັນໂຄວິດ-19

ວີທີການອະນາໄມສິ່ງຂອງເຄື່ອງໃຊ້-ສິ່ງແວດລ້ອມຢ່າງລະອຽດ ເພື່ອປ້ອງກັນເຊື້ອໄວຣັດ

ວີທີການອະນາໄມສິ່ງຂອງເຄື່ອງໃຊ້-ສິ່ງແວດລ້ອມຢ່າງລະອຽດ ເພື່ອປ້ອງກັນເຊື້ອໄວຣັດ

ວີທີການອອກກຳລັງກາຍ ແລະ ຮັກສາສຸຂະພາບ ສຳລັບຜູ້ທີ່ຈຳກັດບໍລິເວນຢູ່ບ່ອນພັກເຊົາຂອງໂຕເອງ

ວີທີການອອກກຳລັງກາຍ ແລະ ຮັກສາສຸຂະພາບ ສຳລັບຜູ້ທີ່ຈຳກັດບໍລິເວນຢູ່ບ່ອນພັກເຊົາຂອງໂຕເອງ

ໄວຣັດໂຄໂຣນາ: 'ອະດີດນັກບິນອະວະກາດ' ຂອງ NASA ອອກມາໃຫ້ຄຳແນະນຳໃນການກັກຕົວເອງ

ໄວຣັດໂຄໂຣນາ: 'ອະດີດນັກບິນອະວະກາດ' ຂອງ NASA ອອກມາໃຫ້ຄຳແນະນຳໃນການກັກຕົວເອງ

ນີ້ແມ່ນເຫດຜົນທີ່ 'ການຮັກສາໄລຍະຫ່າງໃນສັງຄົມ' ຊ່ວຍຫຼຸດຜ່ອນການແພ່ກະຈາຍຂອງພະຍາດໄດ້ດີ

ນີ້ແມ່ນເຫດຜົນທີ່ 'ການຮັກສາໄລຍະຫ່າງໃນສັງຄົມ' ຊ່ວຍຫຼຸດຜ່ອນການແພ່ກະຈາຍຂອງພະຍາດໄດ້ດີ

ຮູ້ຈັກ "ໂຄໂຣນາໄວຣັດ" ເຊື້ອຈຸລະໂລກເຊິ່ງກໍ່ໃຫ້ເກີດພະຍາດ "ໂຄວິດ-19"

ຮູ້ຈັກ "ໂຄໂຣນາໄວຣັດ" ເຊື້ອຈຸລະໂລກເຊິ່ງກໍ່ໃຫ້ເກີດພະຍາດ "ໂຄວິດ-19"

ຮຽນຮູ້ຄຳສັບພາສາອັງກິດ ຈາກພະຍາດລະບາດ "ໂຄວິດ-19" ເພື່ອໃຊ້ໃນການຕິດຕາມຂ່າວ

ຮຽນຮູ້ຄຳສັບພາສາອັງກິດ ຈາກພະຍາດລະບາດ "ໂຄວິດ-19" ເພື່ອໃຊ້ໃນການຕິດຕາມຂ່າວ

'Social Distancing' ແມ່ນຫຍັງ? ຕ້ອງຢູ່ຫ່າງກັນສໍ່າໃດຈຶ່ງຈະຫຼຸດຄວາມສ່ຽງໃນການຕິດໄວຣັດ?

'Social Distancing' ແມ່ນຫຍັງ? ຕ້ອງຢູ່ຫ່າງກັນສໍ່າໃດຈຶ່ງຈະຫຼຸດຄວາມສ່ຽງໃນການຕິດໄວຣັດ?

ແພດແນະນຳວິທີການປະຕິບັດ ເພື່ອໃຫ້ລອດຈາກວິກິດການແພ່ລະບາດຂອງພະຍາດໂຄວິດ-19

ແພດແນະນຳວິທີການປະຕິບັດ ເພື່ອໃຫ້ລອດຈາກວິກິດການແພ່ລະບາດຂອງພະຍາດໂຄວິດ-19

ນີ້ແມ່ນ 10 ອັນດັບ ມະຫາເສດຖີທີ່ຮັ່ງມີທີ່ສຸດໃນໂລກ ຕາມການຈັດອັນດັບຂອງວາລະສານ Forbes

ນີ້ແມ່ນ 10 ອັນດັບ ມະຫາເສດຖີທີ່ຮັ່ງມີທີ່ສຸດໃນໂລກ ຕາມການຈັດອັນດັບຂອງວາລະສານ Forbes

ທວນຄືນໃໝ່ ນີ້ແມ່ນວິທີການຮັກສາຕົນເອງໃຫ້ມີສຸຂະພາບດີ ໃນໄລຍະທີ່ພະຍາດໂຄວິດ-19 ລະບາດ

ທວນຄືນໃໝ່ ນີ້ແມ່ນວິທີການຮັກສາຕົນເອງໃຫ້ມີສຸຂະພາບດີ ໃນໄລຍະທີ່ພະຍາດໂຄວິດ-19 ລະບາດ

ນົມແມ່ເກັບໄວ້ໄດ້ດົນເທົ່າໃດ? ລວມເລື່ອງໜ້າຮູ້ກ່ຽວກັບການເກັບຮັກສານ້ຳນົມແມ່

ນົມແມ່ເກັບໄວ້ໄດ້ດົນເທົ່າໃດ? ລວມເລື່ອງໜ້າຮູ້ກ່ຽວກັບການເກັບຮັກສານ້ຳນົມແມ່

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ