ວັນອາທິດ ທີ 28 ກຸມພາ 2021

9 ວິທີປຸກໃຈຕົວເອງ ໃຫ້ຢາກອອກກຳລັງກາຍ

9 ວິທີປຸກໃຈຕົວເອງ ໃຫ້ຢາກອອກກຳລັງກາຍ

ສຳລັບ​ໜຸ່ມໆ​ທີ່​ກຳ​ລັງ​ມີ​ບັນຫາ​ກ່ຽວກັບ​ນ້ຳ​ໜັກ​ເກີນ ຢາກ​ມີ​ຫຸ່ນທີ່ດີ ຫຼື ​ຢາກ​ມີສຸຂະພາບ​ທີ່​ດີ ແຂງ​ແຮງ ຫ່າງໄກ​ຈາກ​ໂລກ​ໄພ ແຕ່​ບໍ່​ມີ​ແຮງ​ໃຈ​ໃນ​ການ​ໃສ່ເກີບ​ຜ້າ​ໃບ​ຄູ່​ທີ່ມັກ ​ທີ່​ເລືອກ​ຊື້​ເປັນ​ຢ່າງ​ດີ​ເພື່ອ​ໃສ່​ໄປ​ອອກ​ກຳ​ລັງ​ກາຍ​ແມ່ນບໍ່?

ເຮົາ​ຂໍ​ແນະ​ນຳ 9 ເຄັດລັບ​ກະຕຸ້ນ​ແຮງ​ໃຈ​ໃຫ້​ຢາກ​ອອກ​ກຳ​ລັງ​ກາຍ​ໃນ​ທຸກ​ໆ​ມື້​ໂດຍ​ບໍ່​ຮູ້ສຶກ​ວ່າ "ນີ້ ​ຂ້ອຍ​ຕ້ອງ​ອອກ​ກຳ​ລັງ​ກາຍ​ອີກ​ແລ້ວບໍ?" ຫຼື "ຢາກ​ຫຸ່ນ​ດີ​ເດ ແຕ່​ຂີ້​ຄ້ານ​ອອກ​ກຳ​ລັງ​ກາຍ​ແທ້". ຖ້າ​ເຈົ້າ​ໄດ້​ອ່ານ​ເຄັດລັບ​ເຫຼົ່າ​ນີ້​ແລ້ວ​ເຈົ້າ​ຈະ​ຢາກ​ອອກ​ກຳ​ລັງ​ກາຍ​ທຸກ​ມື້​ໂດຍ​ບໍ່​ມີ​ເບື່ອ​ຢ່າງ​ແນ່ນອນ.

1. ໃຫ້​ການ​ອອກ​ກຳ​ລັງ​ກາຍ​ເປັນ​ສິ່ງ​ທຳອິດຂອງມື້​ທີ່​ຕ້ອງ​ເຮັດ

Dr.Jennifer Farrell ທີ່​ປຶກສາ​ປະຈຳ​ໂຮງຮຽນ ແລະ​ ນັກ​ຈິດ​ວິທະຍາ​ການ​ກີລາ​ທີ່ Shattuck-St ໄດ້​ກ່າວ​ໄວ້​ວ່າ "ໃນ​ຕອນ​ເຊົ້າ​ຂອງ​ມື້ ຂ້ອຍ​ມັກ​ຈະ​ອອກ​ກຳ​ລັງ​ກາຍ​ເປັນ​ສິ່ງ​ທຳອິດ​ເພື່ອ​ທີ່​ວ່າ​ໃນ​ລະຫວ່າງ​ມື້​ຂ້ອຍ​ຈະ​ໄດ້​ບໍ່​ຕ້ອງຫຍຸ້ງ​ກ່ຽວກັບ​ການ​ອອກ​ກຳ​ລັງ​ກາຍ​ອີກ" ທີ່ ໂຮງຮຽນ​ແມ​ຣີ່​ໃນ Faribault, Minnesota ແລະ ​ຖ້າ​ເຈົ້າ​ຈະ​ບອກ​ວ່າ​ເຈົ້າ​ບໍ່​ແມ່ນ​ຄົນ​ຕື່ນ​ເຊົ້າ​ແລ້ວ​ ບໍ່​ຕ້ອງ​ກັງ​ວົນ​ເດີ ພຽງແຕ່​ເຈົ້າ​ກຽມ​ທຸກ​ຢ່າງ​ທີ່​ເຈົ້າ​ຕ້ອງ​ໃຊ້​ໃຫ້​ພ້ອມ​ໃນ​ຕອນ​ກາງ​ຄືນ​ເພື່ອ​ຕອນ​ເຊົ້າ​ຈະ​ໄດ້​ພ້ອມ​ສຳລັບ​ການ​ອອກ​ກຳ​ລັງ​ກາຍ​ທັນ​ທີ.

2. ຢ່າ​ອອກ​ກຳ​ລັງ​ກາຍ​ຄົນ​ດຽວ

ຈົ່ງ​ຈື່​ໄວ້​ວ່າ​ຢ່າ​ອອກ​ກຳ​ລັງ​ກາຍ​ພຽງ​ຄົນ​ດຽວ Dr.Amanda J. Visek ຮອງ​ສາດສະດາຈານປະ​ຈຳ​ສາ​ຂາ​ວິ​ຊາ​ວິທະຍາ​ສາ​ດ​ການ​ອອກ​ກຳ​ລັງ​ກາຍ​ ແລະ ​ໂພຊະ​ນາ​ການ​ທີ່ສະ​ຖາ​ບັນ​ສາທາລະນະສຸກ​ມິລເກນ​ຂອງ​ມະຫາ​ວິທະຍາ​ໄລ​ຈອດ​ວໍ​ຊິງ​ຕັນ ໄດ້​ກ່າວ​ວ່າ ໝາ​ເປັນ​ສິ່ງ​ຈຳ​ເປັນ​ສຳລັບ​ການ​ອອກ​ກຳ​ລັງ​ກາຍ​ນຳກັນ​ ຊຶ່ງ​ຊ່ວຍ​ໃຫ້​ເຈົ້າ​ໃຈ​ຈົດ​ໃຈ​ຈໍ່​ຢູ່​ກັບ​ການ​ແລ່ນ​ຂອງ​ເຈົ້າ​ໄດ້. ແຕ່​ຖ້າ​ເຈົ້າ​ບໍ່​ມີ​ໝາ​ກໍ​ບໍ່​ເປັນ​ຫຍັງ ຊວນໝູ່​ຂອງ​ເຈົ້າ​ມາ​ເປັນ​ຄູ່ໃນ​ຢິມ​ ຫຼື​ ໝູ່​ແລ່ນ​ໄປ​ນຳກັນ​ກໍ​ຍັງ​ໄດ້ ເພາະ​ເຈົ້າ​ຈະ​ມີ​ໂອ​ກາດ​ບ້ຽວອອກກຳລັງກາຍໜ້ອຍ​ລົງ​ຖ້າ​ເຈົ້າ​ຮູ້​ວ່າ​ກຳ​ລັງ​ມີຄົນລໍຖ້າ​ເຈົ້າ​ຢູ່.

3. ກຳນົດ​ວັນ​ເວລາ

Visek ກ່າວ​ວ່າ ເຮົາ​ຄວນ​ໃສ່​ຕາ​ຕະລາງ​ການ​ອອກ​ກຳ​ລັງ​ກາຍ​ລົງ​ໄປ​ໃນ​ກຳນົດການ​ເຊັ່ນ​ດຽວ​ກັບ​ກິດຈະກຳ​ອື່ນ​ໆ ເນື່ອງ​ຈາກ​ວ່າ​ການ​ມີ​​ກຳນົດ​ການ​ອອກ​ກຳ​ລັງ​ກາຍ​ໃນ​ປະຕິ​ທິນ​ຈະ​ເຮັດໃຫ້​ໂອ​ກາດ​ທີ່ຈະບ້ຽວການອອກກຳກລັງກາຍໜ້ອຍ​ລົງ.

4. ບໍ່​ມັກ​ຫຍັງ ກໍຢ່າ​ເຮັດ

"ມັນ​ຈະ​ດີ​ຫຼາຍ​ເລີຍ​ຖ້າ​ເຈົ້າ​ອອກ​ກຳ​ລັງ​ກາຍ​ດ້ວຍ​ຄວາມ​ຢາກ​ທີ່​ຈະ​ເຮັດ​ແທນ​ທີ່​ຈະ​ເຮັດ​ພຽງເພາະ​ສິ່ງ​ທີ່​ຄົນ​ອື່ນ​ບອກ​ວ່າ​ສິ່ງ​ນີ້​ດີ​ສິ່ງ​ນັ້ນ​ດີ ຕ້ອງ​ເຮັດ​ແບບ​ນີ້ເດີຈຶ່ງ​ຈະ​ດີ". ຄຳ​ກ່າວ​ຈາກ (ແປ​ໂດຍ​ຈື່​ໃຈ​ຄວາມ​ສຳຄັນ) Dr.Brandonn S. Harris ຮອງ​ສາດສະດາຈານ ແລະ​ ຜູ້​ອຳ​ນວຍ​ການ​ຂອງ​ວິທະຍາ​ໄລ​ວິທະຍາ​ສາດສຸຂະພາບ​ ແລະ​ ມະນຸດ​ສາດ ໂຮງຮຽນສຸຂະພາບ​ແລະ​ ກາຍະ​ພາບ ມະຫາ​ວິທະຍາ​ໄລ Georgia Southern. ນອກ​ຈາກ​ນີ້​ທ່ານ​ຍັງ​ກ່າວ​ອີກ​ວ່າ "ພຽງເພາະ​ຄົນ​ອື່ນ​ປັ່ນ​ລົດຖີບ​ກັນ​ເປັນກຸ່ມ ຫຼື​ ຫຼິ້ນ CrossFit (ເປັນ​ການ​ລວມ​ເອົາ​ການເຮັດ ຄາ​ດິ​ໂອ ກັບ ການ​ເສີມ​ສ້າງ​ກ້າມ​ຊີ້ນ​ເຂົ້າ​ນຳກັນ) ຊຶ່ງ​ມັນ​ອາດ​ບໍ່​ແມ່ນ​ສຳລັບ​ເຈົ້າ ກໍ​ຄວນ​ຫາ​ການ​ອອກ​ກຳ​ລັງ​ກາຍ​ທີ່​ແມ່ນ ແລະ ເຈົ້າມ່ວນກັບ​ມັນ​ແທ້ໆ​ຈະ​ດີກວ່າ".

5. ຄວບ​ຄຸມ​ພະລັງ​ຄິດ​ບວກ

Stephanie Pearl ນັກ​ຈິດ​ບຳ​ບັດ​ໃນ​ເມືອງ​ນິວ​ຢອກ ແລະ ​ອາຈານ​ໃນ SoulCycle ເຄີຍ​ກ່າວ​ໄວ້​ວ່າ"ຖ້າ​ເຈົ້າ​ກຳ​ລັງ​ພະຍາຍາມ​ທີ່​ຈະ​ພັກ​ຈາກ​ກິດຈະກຳ​ທີ່​ເຮັດ ​ເຈົ້າ​ອາດ​ບອກ​ຕົວ​ເອງ​ວ່າ​ເຈົ້າ​ຄວນ​ອອກ​ໄປ​ແລ່ນ ຫຼື​ ອອກ​ກຳ​ລັງ​ກາຍ​ໄດ້​ໃດ ອາດ​ເປັນ​ຄວາມ​ຄິດ​ທີ່​ເບິ່ງ​ແປກ​ແດ່ຈັກໜ້ອຍ. ແຕ່​ພຽງແຕ່ເຈົ້າ​ບອກ​ຕົວ​ເອງ​ວ່າ​ເຈົ້າ​ຕ້ອງ​ການ​ອອກ​ກຳ​ລັງ​ກາຍ ມັນ​ສາມາດ​ສ້າງ​ຄວາມ​ປ່ຽນ​ແປງ​ຄັ້ງຍິ່ງ​ໃຫຍ່​ໄດ້​ເລີຍ​". ນອກ​ຈາກ​ນີ້​ທ່ານ​ຍັງ​ໃຫ້​ຄຳ​ແນະ​ນຳ​ອີກ​ວ່າ ຖ້າ​ວິທີ​ຄິດ​ດ້ານ​ເທິງ​ບໍ່​ໄດ້​ຜົນ​ລອງ​ຫາ​ເພງມ່ວນ​ໆ ຫຼື​ ເພງ​ທີ່ມັກ​ຈັກ​ເພງ​ມາ​ຟັງ​ລະຫວ່າງ​ເຈົ້າ​ອອກ​ກຳ​ລັງ​ກາຍ​ກໍ​ໄດ້.

6. ຍອມ​ຮັບ​ວ່າ​ບໍ່​ມີ​ຫຍັງ​ສົມບູນ​ແບບ​ສະເໝີ​ໄປ

ຍອມ​ຮັບ​ເທາະ! ບາງ​ມື້​ມັນ​ກໍ​ຍາກ​ຫຼາຍ​ທີ່​ເຈົ້າ​ຈະ​ສາມາດ​ລວມ​ພະລັງ​ທັງ​ໝົດ​ຂອງ​ເຈົ້າ​ເພື່ອ​ອອກ​ກຳ​ລັງ​ກາຍ. ສະ​ນັ້ນ​ເຈົ້າ​ຕ້ອງ​ເຮັດ​ຫຍັງ​ຈັກ​ຢ່າງ ຫຼື​ ຍອມ​ຮັບ​ມັນ​ວ່າ​ເຈົ້າ​ບໍ່​ໄດ້​ຮູ້ສຶກ​ດີ​ສຸດ​ໆ ແລະ ​ຍັງ​ຄົງ​ເມື່ອຍ​ກັບ​ການເຮັດ​ສິ່ງ​ຕ່າງ​ໆ ແລະ ​ອອກ​ກຳ​ລັງ​ກາຍ​ຕໍ່ໄປ​ດ້ວຍ​ການເຮັດ​ກິດຈະກຳ​ເບົາ​ໆ ເຊັ່ນ: ແລ່ນ​ຊ້າ​ໆ​ແທນ​ທີ່​ຈະ​ນອນ​ແຊ່​ຢູ່​ໜ້າ​ໂທລະພາບ.

7. ກຳນົດ​ເວລາ

ຈາກ​ງານ​ວິ​ໄຈລະບຸວ່າ ເຈົ້າ​ຈະ​ເຫັນ​ເຖິງ​ປະໂຫຍດ​ຂອງ​ການ​ອອກ​ກຳ​ລັງ​ກາຍ​ໂດຍ​ແບ່ງ​ເປັນ​ສາມ​ສ່ວນ ສ່ວນ​ລະ 10 ນາ​ທີ. ໃນ 30 ນາ​ທີ​ຕໍ່​ມື້ ເຈົ້າ​ອາດຈະ​ຍ່າງ​ໄວ​ອ້ອມ​ສວນ​ສາທາລະນະ​ຈັກ​ອ້ອມ​ລະ 10 ນາ​ທີ ສາມ​ອ້ອມ​ກໍ​ໄດ້ ຫຼື​ ລອງ​ອອກ​ກຳ​ລັງ​ກາຍ​ເບົາ​ໆ 20 ນາ​ທີ​ໃນ​ຕອນ​ເຊົ້າ ແລະ​ ອອກ​ກຳ​ລັງ​ກາຍ​ແບບ​ໜັກ​ອີກ 10 ນາ​ທີ​ໃນ​ຕອນ​ແລງ. Farrell ໄດ້​ກ່າວ​ວ່າ "ເຮັດ​ເທື່ອ​ລະ​ໜ້ອຍ​ເທື່ອ​ລະໜ້ອຍ ແທນ​ທີ່​ຈະ​ບອກ​ວ່າ​ຂ້ອຍ​ບໍ່​ມີ​ເວລາ​ຫຼາຍ​ເຖິງເຄິ່ງ​ຊົ່ວ​ໂມງເພາະ​ສະ​ນັ້ນ​ຂ້ອຍ​ຈະ​ບໍ່​ເຮັດ​ມັນ" ແຕ່​ພະຍາຍາມ​ທີ່​ຈະ​ຄິດ​ວ່າ "ໄດ້​ອອກ​ກຳ​ລັງ​ກາຍຈັກ 10 ຫຼື 15 ນາ​ທີ​ກໍ​ຍັງ​ດີກວ່າ​ນັ່ງ​ຢູ່​ເສີຍ​ໆ".

8. ກຳນົດ​ເປົ້າ​ໝາຍ​ຂອງ​ເຈົ້າ

ຖ້າ​ມີ​ຄົນ​ມາ​ຖາມເຈົ້າວ່າ​ເປັນຫຍັງ​ຕ້ອງ​ການ​ທີ່​ຈະ​ອອກ​ກຳ​ລັງ​ກາຍ? ຄຳ​ຕອບ​ຂອງ​ເຈົ້າ​ບໍ່​ຄວນ​ທີ່​ຈະ​ເປັນ "ເພາະ​ຂ້ອຍ​ເຊື່ອ​ວ່າ" ຫຼື "ເພາະ​ມັນ​ເປັນ​ສິ່ງ​ທີ່​ຖືກ​ຕ້ອງທີ່​ຈະ​ເຮັດ​ມັນ" ເຈົ້າ​ຄວນ​ມີ​ຄວາມ​ຕ້ອງ​ການ​ແທ້ໆ ແລະ​ຮູ້​ແທ້ໆ​ວ່າ ​ເປັນຫຍັງ​ເຈົ້າ​ຈຶ່ງ​ຕ້ອງ​ການ​ອອກ​ກຳ​ລັງ​ກາຍ, ເຈົ້າ​ຄວນ​ກຳນົດ​ເປົ້າ​ໝາຍ​ທີ່​ຊັດເຈນ​ ແລະ ​ດີກວ່າ​ທີ່​ເປັນ​ຢູ່". ທັງ​ໝົດ​ນີ້​ຄື​ຄຳ​ແນະ​ນຳ​ຈາກ Pearl.

ນອກ​ຈາກ​ນີ້ Farrell ຍັງ​ໄດ້​ແນະ​ນຳ​ວ່າ​ຄວນ​ຂຽນ​ລົງ​ໄປ​ໃນ​ປຶ້ມ​ບັນ​ທຶກ​ ຫຼື​ ເຈ້ຍ​ຈົ​ດບັນທຶກວ່າ ​ເປັນຫຍັງ​ເຈົ້າ​ຈຶ່ງ​ຕ້ອງ​ການ​ອອກ​ກຳ​ລັງ​ກາຍ ​ແລະ ​ເຈົ້າ​ຫວັງ​ຄວາມ​ສຳ​ເລັດ​ຫຍັງ​ຈາກ​ການ​ອອກ​ກຳ​ລັງ​ກາຍ​ນີ້? ເຊັ່ນ ຕ້ອງ​ການ​ຍົກ​ນໍ້າໜັກ​ໃຫ້​ໄດ້​ນ້ຳ​ໜັກ​ຫຼາຍ​ຂຶ້ນ ຫຼື ​ຕ້ອງ​ການຫຼຸດ​ຄວາມ​ສ່ຽງ​ຕໍ່​ການ​ເປັນ​ພະຍາດ​ຫົວ​ໃຈ ເປັນ​ຕົ້ນ.

9. ໃຫ້​ຄວາມ​ສຳຄັນ​ກັບ​ເປົ້າ​ໝາຍ ແລະ​ ເຮັດໃຫ້​ສຳ​ເລັດ

ແນ່ນອນ​ວ່າ​ເຈົ້າ​ຈະ​ຮູ້ສຶກ​ເມື່ອຍ​ເກືອບ​ຕາຍ ເມື່ອ​ໂມງ​ປຸກ​ດັງ​ໃນ​ຕອນ​ເຊົ້າ​ບົ່ງ​ບອກ​ວ່າ​ເຈົ້າ​ຕ້ອງ​ຕື່ນ​ໄປ​ອອກ​ກຳ​ລັງ​ກາຍ. ແຕ່​ຈົ່ງ​ເຕືອນ​ຕົວ​ເອງ​ໄວ້ສະເໝີວ່າ​ ມັນ​ດີແນວໃດ ແລະ​ເຈົ້າ​ຈະ​ຮູ້ສຶກ​ເຖິງ​ພະລັງ​ທີ່​ກັບ​ມາ​ໃນ​ພາຍ​ຫຼັງ​ທີ່​ເຈົ້າ​ໄດ້​ອອກ​ກຳ​ລັງ​ກາຍ - Harris ໄດ້​ກ່າວ​ໄວ້ ແລະ ​ຈົ່ງຈື່​ໄວ້​ວ່າ ​ເມື່ອ​ເຈົ້າ​ໃກ້​ເຖິງ​ເປົ້າ​ໝາຍ​ຮ່າງກາຍ​ເຈົ້າ​ຈະ​ຮູ້ສຶກ​ບໍ່​ສະບາຍ​ເລັກນ້ອຍ ແລະ ​ນັ້ນ​ຄື​ສັນ​ຍານ​ເຕືອນ​ວ່າ​ ຮ່າງກາຍ​ເຈົ້າ​ກຳ​ລັງ​ເຂັ້ມແຂງ​ຂຶ້ນ, ກ້າມ​ຊີ້ນ​ຂອງ​ເຈົ້າ​ກຳ​ລັງ​ຖືກ​ສ້າງ​ຂຶ້ນ​ຈາກ​ການ​ອອກ​ກຳ​ລັງ​ກາຍ​ຂອງ​ເຈົ້າ.

ເມື່ອ​ອ່ານ 9 ວິທີ​ປຸກ​ຄວາມ​ຢາກ​ອອກ​ກຳ​ລັງ​ກາຍ​ໃນ​ຕົວ​ຈົບ​ແລ້ວ ເຮົາ​ກໍ​ອອກ​ໄປ​ແລ່ນ​ກັນ​ເທາະ! ແຕ່​ຢ່າ​ລືມ​ກຳນົດ​ເປົ້າ​ໝາຍ​ຂອງ​ຕົວ​ເຈົ້າ​ເອງ​ນຳເດີ​ວ່າ ​ເຈົ້າ​ຕ້ອງ​ການ​ຫຍັງ​ໃນ​ການ​ອອກ​ກຳ​ລັງ​ກາຍ​ເທື່ອ​ນີ້. ແລ້ວ​ພົບ​ກັນ​ໃໝ່.

Advertisement Replay Ad

ຂໍຂອບໃຈ

ຂໍ້ມູນ : Playboy via sanook

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

10 ທັກສະທີ່ເຈົ້າຕ້ອງມີໃນ Resume (ຊີວະປະຫວັດຫຍໍ້) ຖ້າເຈົ້າຢາກໄດ້ວຽກທີ່ຕ້ອງການ

10 ທັກສະທີ່ເຈົ້າຕ້ອງມີໃນ Resume (ຊີວະປະຫວັດຫຍໍ້) ຖ້າເຈົ້າຢາກໄດ້ວຽກທີ່ຕ້ອງການ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ