ວັນຈັນ ທີ 27 ມັງກອນ 2020

ພ້ອມແລ້ວເຖິງ 90% ສະໜາມກີລາຮອງຮັບ “ຊຽງຂວາງ ເກມ 2020”

ພ້ອມແລ້ວເຖິງ 90% ສະໜາມກີລາຮອງຮັບ “ຊຽງຂວາງ ເກມ 2020”
S! Muan

ສະໜັບສະໜູນເນື້ອຫາ

ນັບມາຮອດປັດຈຸບັນການກະກຽມຄວາມພ້ອມດ້ານຕ່າງໆ ບໍ່ວ່າຈະເປັນໂຮງແຮມ, ເຮືອນພັກ, ບ່ອນພັກຄູຝຶກ ແລະ ນັກກີລາ ລວມເຖິງສະໜາມກີລາປະເພດຕ່າງໆ ແມ່ນມີຄວາມພ້ອມແລ້ວເຖິງ 90% ເພື່ອກຽມຮອງຮັບໃຫ້ແກ່ການຈັດງານມະຫາກຳກີລາແຫ່ງຊາດ ຄັ້ງທີ 11 ຫຼື “ຊຽງຂວາງ ເກມ 2020” ທີ່ແຂວງຊຽງຂວາງ ເປັນເຈົ້າພາບ ລະຫວ່າງວັນທີ 22 ມີນາ ຫາ 1 ເມສາ 2020. ຂະນະທີ່ເຈົ້າພາບ ຈະສົ່ງນັກກີລາຮ່ວມແຂ່ງຂັນຄົບທັງ 28 ປະເພດກີລາ ພ້ອມຕັ້ງເປົ້າຈະພະຍາຍາມສູ້ຊົນໃຫ້ຕິດ 1 ໃນ 5 ອັນດັບທຳອິດຂອງຕາຕະລາງ.

ທ່ານ ບົວລີ ພັນນາວົງ ຫົວໜ້າພະແນກສຶກສາທິການ ແລະ ກີລາແຂວງຊຽງຂວາງ ໄດ້ລາຍງານຕໍ່ກອງປະຊຸມຄົບຄະນະບໍລິຫານງານຄະນະກຳມະການໂອແລມປິກແຫ່ງຊາດລາວ ປະຈຳປີ 2019 ເມື່ອວັນທີ່ 24 ທັນວາ ຜ່ານມາ ທີ່ຫ້ອງປະຊຸມຄະນະກຳມະການກີລາໂອແລມປິກແຫ່ງຊາດລາວ ວ່າ: ສຳລັບການກະກຽມຄວາມພ້ອມຈັດງານມະຫາກຳກີລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ເປັນເຈົ້າພາບ ລະຫວ່າງວັນທີ 22 ມີນາ ຫາ 1 ເມສາ 2020 ນັບມາຮອດປັດຈຸບັນ ດ້ານສະໜາມຈັດການແຂ່ງຂັນແມ່ນມີຄວາມພ້ອມ 90% ໂດຍສະເພາະແມ່ນສະໜາມເປີດ-ປິດ ແມ່ນຍັງເຫຼືອແຕ່ການປູກຫຍ້າເລັກໜ້ອຍ ແລະ ບົວລະບັດເພີ່ມຕື່ມເທົ່ານັ້ນເອງ. ສຳລັບທີ່ພັກນັກກີລາທາງແຂວງເຈົ້າພາບ ກໍໄດ້ກະກຽມບັນດາໂຮງແຮມ, ເຮືອນພັກ, ບ່ອນພັກຄູຝຶກ ແລະ ນັກກີລາແມ່ນມີຄວາມພ້ອມ 100% ພ້ອມຄາດຄະເນວ່າຈະສາມາດ ຮັບຮອງແຂກທັງພາຍໃນ ແລະ ຕ່າງປະເທດໄດ້ 3.030 ຄົນຕໍ່ຄືນ ໃນນີ້ລວມທັງເຮືອນພັກທີ່ຢູ່ບໍລິເວນອ້ອມຂ້າງຂອບເຂດເທດສະບານແຂວງ. ສ່ວນຮ້ານອາຫານ ມີທັງໝົດ 176 ແຫ່ງ ຄາດວ່າຈະສາມາດຮອງຮັບແຂກໄດ້ 9,377 ຄົນຕໍ່ວັນ.

ທ່ານຫົວໜ້າພະແນກ ສກຂ ຊຽງຂວາງ ກ່າວອີກວ່າ: ຕາມການລາຍງານໃນເບື້ອງຕົ້ນສຳລັບພາກສ່ວນຕ່າງໆທີ່ແຈ້ງເຈດຈຳນົງເຂົ້າຮ່ວມງານມະຫາກຳກີລາແຫ່ງຊາດໃນຄັ້ງນີ້ ແມ່ນຄົບເກືອບທຸກແຂວງແລ້ວ ເຫຼືອພຽງແຕ່ແຂວງຈຳປາສັກກໍເທົ່ານັ້ນເອງ ທີ່ຍັງບໍ່ທັນໄດ້ແຈ້ງມາ ແລະ ມີ 3 ກະຊວງ ທີ່ລາຍງານມາ ຊຶ່ງບໍ່ສາມາດເຂົ້າຮ່ວມໄດ້. ສ່ວນທາງດ້ານງົບປະມານ ແມ່ນແບ່ງອອກເປັນ 2 ສ່ວນຄຸ້ມຄອງ ໂດຍສ່ວນທີ 1 ແມ່ນແຂວງຄຸ້ມຄອງ 19 ຕື້ກີບ ແລະ ສ່ວນທີ 2 ກະຊວງສຶກສາທິການ ແລະ ກີລາ (ສສກ) ຄຸ້ມຄອງ 28 ຕື້ກວ່າກີບ. ພ້ອມນັ້ນກໍໄດ້ມີການປະສານສົມທົບກັນລະຫວ່າງແຂວງ ກັບ ກະຊວງ ສສກ. ສຳລັບດອກໄມ້ໄຟມາຮອດປັດຈຸບັນ ຕາມການຊີ້ນຳກໍໄດ້ມີການປະສານກັບ ສປ ຈີນ ແຕ່ທາງ ສປ ຈີນ ບໍ່ທັນມີການຕອບຮັບອາດເຮັດໃຫ້ມີຄວາມຫຼ້າຊ້າໃນການຈັດຊື້; ດ້ານໂລໂກ້ຂອງງານ ທາງຄະນະນຳກະຊວງສຶກສາທິການ ແລະ ກີລາ ໄດ້ມີການຮັບຮູ້ແລ້ວ ໃນປັດຈຸບັນກໍໄດ້ມີການປະສານງານລະຫວ່າງແຂວງເຈົ້າພາບ ກັບກະຊວງ ສສກ; ດ້ານງົບປະມານທີ່ໄດ້ມີການໂຄສະນາໄປແລ້ວນັ້ນ ແມ່ນໄດ້ຮັບການສະໜັບສະໜູນໄປແລ້ວຈຳນວນໜຶ່ງ ແລະ ອີກຈຳນວນໜຶ່ງກໍຍັງບໍ່ທັນໄດ້ມອບ.

ທ່ານ ບົວລີ ພັນນາວົງ ກ່າວຕື່ມອີກວ່າ: ສຳລັບງານມະຫາກໍາກີລາແຫ່ງຊາດ ຄັ້ງນີ້ ເປັນຄັ້ງປະຫວັດສາດຂອງແຂວງຊຽງຂວາງ ສະນັ້ນ, ພວກເຮົາຈະເຮັດໃຫ້ດີທີ່ສຸດ ແລະ ເຜີຍແຜ່ໂຄສະນາໃຫ້ບັນດາສັງຄົມລາວ ແລະ ສັງຄົມໃນໂລກໄດ້ຮັບຮູ້ແຂວງພວກເຮົາຢ່າງໜ້າພາກພູມໃຈ, ໃນນັ້ນ ກໍມີບັນດາແຫຼ່ງທ່ອງທ່ຽວຕ່າງໆ ພ້ອມທັງຈະເປີດ 3 ງານໃຫຍ່ໆ ຄື: ຮອງຮັບທົ່ງໄຫຫີນ ເປັນມໍລະດົກ ໂລກ, ການສະເຫຼີມສະຫຼອງວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 55 ປີ ແລະ ງານມະຫາກໍາກີລາແຫ່ງຊາດ ຄາດວ່າ 3 ງານດັ່ງກ່າວ ຈະສາມາດດຶງດູດນັກທ່ອງທ່ຽວ ແລະ ແຂກທັງພາຍໃນ ແລະ ຕ່າງປະເທດມາທ່ຽວຊົມແຂວງຊຽງຂວາງຢ່າງຫຼວງຫຼາຍ.

ຂະນະທີ່ ທ່ານ ທອງຜິວ ສີປັນຍາ ຮອງຫົວໜ້າພະແນກສຶກສາທິການ ແລະ ກີລາ ແຂວງຊຽງຂວາງ ໃຫ້ສຳພາດກ່ອນໜ້ານີ້ວ່າ: ສໍາລັບແຂວງຊຽງຂວາງ ເຈົ້າພາບ ແມ່ນຈະສົ່ງນັກກີລາຮ່ວມແຂ່ງຂັນ ຈຳນວນ 705 ຄົນ, ຍິງ 274 ຄົນ ຈາກ 28 ປະເພດກີລາ ຄື: ເຕະບານ, ແລ່ນ-ລານ, ບານບ້ວງ, ເທັນນິດ, ດອກປີກໄກ່, ກະຕໍ້, ປິ່ງປ່ອງ, ເທຄວັນໂດ, ມວຍປໍ້າ, ຢູໂດ, ປັນຈັກສີລັດ, ວູຊູ, ໝາກແລ້, ໝາກເສິກ, ເຮືອຊ່ວງ, ໝາກຂ່າງ, ໜ້າເກັກ, ຍິງທະນູ, ລົດຖີບ, ລອຍນໍ້າ, ບານສົ່ງໃນຮົ່ມ, ເປຕັງ, ໂບລິ້ງ, ກັອບ, ຍິງປືນ, ມວຍລາວ, ມວຍສາກົນ ແລະ ສະນຸກເກີ. ພ້ອມຕັ້ງເປົ້າຈະພະຍາຍາມສູ້ຊົນສ້າງຜົນງານໃຫ້ໄດ້ຢ່າງໜ້ອຍ 35 ຫຼຽນຄໍາຂຶ້ນໄປ ຫວັງຕິດອັນດັບ 1 ໃນ 5 ຂອງຕາຕະລາງສະຫຼຸບຫຼຽນ. ໃນນີ້ກີລາປາຍແຫຼມ ຫຼື ກີລາຄວາມຫວັງຂອງແຂວງຊຽງຂວາງ ສ່ວນໃຫຍ່ເປັນກີລາພື້ນເມືອງ ເຊັ່ນ: ໜ້າເກັກ, ໝາກຂ່າງ ແລະ ຍິງທະນູ ເປັນຕົ້ນຕໍ.

(ໜຸ່ມໂສດ)

Advertisement Replay Ad
"ໂຄບີ ໄບຣອັນ" ນັກກີລາບານບ້ວງເອັນບີເອຊື່ດັງ ເສຍຊີວິດໃນເຫດເຮລິຄັອບເຕີຕົກ ດ້ວຍໄວ 41 ປີ

"ໂຄບີ ໄບຣອັນ" ນັກກີລາບານບ້ວງເອັນບີເອຊື່ດັງ ເສຍຊີວິດໃນເຫດເຮລິຄັອບເຕີຕົກ ດ້ວຍໄວ 41 ປີ

ງົດງາມດັ່ງຮູບແຕ້ມ! "ອາຢອງ" ຄູສອນໂຢຄະລະດັບນາງຟ້າ ຈາກແດນກິມຈິ (ຮູບພາບ)

ງົດງາມດັ່ງຮູບແຕ້ມ! "ອາຢອງ" ຄູສອນໂຢຄະລະດັບນາງຟ້າ ຈາກແດນກິມຈິ (ຮູບພາບ)

ກ້າມເປັນກ້າມ! ສ່ອງເຄັດລັບຫຸ່ນດີຂອງ “ຄຣິສເຕຍໂນ ໂຣນັລໂດ” ນັກເຕະລະດັບໂລກ

ກ້າມເປັນກ້າມ! ສ່ອງເຄັດລັບຫຸ່ນດີຂອງ “ຄຣິສເຕຍໂນ ໂຣນັລໂດ” ນັກເຕະລະດັບໂລກ

ຜົນຕອບຮັບດີ! ງານແລ່ນເປັນຄູ່ຄັ້ງທຳອິດຂອງລາວມີຜູ້ສະໝັກເຂົ້າຮ່ວມເກືອບເຕັມແລ້ວ

ຜົນຕອບຮັບດີ! ງານແລ່ນເປັນຄູ່ຄັ້ງທຳອິດຂອງລາວມີຜູ້ສະໝັກເຂົ້າຮ່ວມເກືອບເຕັມແລ້ວ

ເປີດໃຫ້ລົງທະບຽນແລ້ວ ງານແລ່ນເປັນຄູ່ຄັ້ງທຳອິດຂອງລາວ "Vientiane Couple Run 2020"

ເປີດໃຫ້ລົງທະບຽນແລ້ວ ງານແລ່ນເປັນຄູ່ຄັ້ງທຳອິດຂອງລາວ "Vientiane Couple Run 2020"

ພ້ອມແລ້ວເຖິງ 90% ສະໜາມກີລາຮອງຮັບ “ຊຽງຂວາງ ເກມ 2020”

ພ້ອມແລ້ວເຖິງ 90% ສະໜາມກີລາຮອງຮັບ “ຊຽງຂວາງ ເກມ 2020”

“ສິດທິເດດ” ນັກສະນຸກເກີມືໜຶ່ງຂອງລາວໄດ້ສິດເຂົ້າຮ່ວມແຂ່ງຂັນ ແຊ້ມດວນແຊ້ມ ຊະບາ ສະນຸກເກີ ຄັບ 2020

“ສິດທິເດດ” ນັກສະນຸກເກີມືໜຶ່ງຂອງລາວໄດ້ສິດເຂົ້າຮ່ວມແຂ່ງຂັນ ແຊ້ມດວນແຊ້ມ ຊະບາ ສະນຸກເກີ ຄັບ 2020

ພາສ່ອງເຮືອນ “ແມນນີ ປາກຽວ” ນັກກີລາທີ່ຮັ່ງມີທີ່ສຸດໃນອາຊີ

ພາສ່ອງເຮືອນ “ແມນນີ ປາກຽວ” ນັກກີລາທີ່ຮັ່ງມີທີ່ສຸດໃນອາຊີ

ມອບເງິນອັດສີດ ນັກກີລາຄິກບ໋ອກຊິງ ທີ່ຄວ້າຫຼຽນຄຳ-ຫຼຽນທອງ ຊີເກມ ລວມ 150 ລ້ານກີບ

ມອບເງິນອັດສີດ ນັກກີລາຄິກບ໋ອກຊິງ ທີ່ຄວ້າຫຼຽນຄຳ-ຫຼຽນທອງ ຊີເກມ ລວມ 150 ລ້ານກີບ

ຫົວໜ້າຄະນະນັກກີລາເຜີຍ ຍ້ອມມີເວລາເຝິກຊ້ອມໜ້ອຍ ຈຶ່ງບໍ່ບັນລຸເປົ້າໝາຍຫຼຽນຄຳ ຊີເກມ 2019

ຫົວໜ້າຄະນະນັກກີລາເຜີຍ ຍ້ອມມີເວລາເຝິກຊ້ອມໜ້ອຍ ຈຶ່ງບໍ່ບັນລຸເປົ້າໝາຍຫຼຽນຄຳ ຊີເກມ 2019

ຢືນໜຶ່ງ! "ຟລອຍ ເມເວເທີ" ນັ່ງບັນລັງນັກກີລາລວຍທີ່ສຸດແຫ່ງທົດສະວັດ

ຢືນໜຶ່ງ! "ຟລອຍ ເມເວເທີ" ນັ່ງບັນລັງນັກກີລາລວຍທີ່ສຸດແຫ່ງທົດສະວັດ

ທັບນັກກີລາລາວ ສ້າງຜົນງານໂດດເດັນ ຍາດໄດ້ 19 ຫຼຽນ ໃນລາຍການໂວວີນາມຊີງແຊ້ມໂລກ 2019

ທັບນັກກີລາລາວ ສ້າງຜົນງານໂດດເດັນ ຍາດໄດ້ 19 ຫຼຽນ ໃນລາຍການໂວວີນາມຊີງແຊ້ມໂລກ 2019

ຟິລິບປິນ ເຈົ້າພາບປະກາດເລື່ອນ ອາຊຽນ ພາຣາເກມ 2020 ໄປຈັດໃນເດືອນມີນາແທນ

ຟິລິບປິນ ເຈົ້າພາບປະກາດເລື່ອນ ອາຊຽນ ພາຣາເກມ 2020 ໄປຈັດໃນເດືອນມີນາແທນ

ສະຫຼອງແຊ້ມສຸດຍິ່ງໃຫຍ່! ລິເວີພູລ ຄວ້າແຊ້ມສະໂມສອນໂລກໄດ້ເປັນຄັ້ງທຳອິດ (ພາບ)

ສະຫຼອງແຊ້ມສຸດຍິ່ງໃຫຍ່! ລິເວີພູລ ຄວ້າແຊ້ມສະໂມສອນໂລກໄດ້ເປັນຄັ້ງທຳອິດ (ພາບ)

"ສີສົມພອນ" ນັກໂຍນລູກເຫຼັກເຍົາວະຊົນທີມຊາດຄວ້າຫຼຽນຄຳ ເປຕັງຊີງແຊ້ມອາຊີ ທີ່ຫວຽດນາມ

"ສີສົມພອນ" ນັກໂຍນລູກເຫຼັກເຍົາວະຊົນທີມຊາດຄວ້າຫຼຽນຄຳ ເປຕັງຊີງແຊ້ມອາຊີ ທີ່ຫວຽດນາມ

ສຕລ ສະຫຼຸບຜົນງານປະຈຳປີ 2019 ພ້ອມຊີ້ແຈງຜົນງານຊີເກມຄັ້ງທີ 30 ທີ່ຟີລິບປີນ

ສຕລ ສະຫຼຸບຜົນງານປະຈຳປີ 2019 ພ້ອມຊີ້ແຈງຜົນງານຊີເກມຄັ້ງທີ 30 ທີ່ຟີລິບປີນ

ຂ່າວກີລາທີ່ຜູ້ອ່ານ muan.la ອ່ານຫຼາຍສຸດ 10 ອັນດັບ #ທີ່ສຸດແຫ່ງປີ2019

ຂ່າວກີລາທີ່ຜູ້ອ່ານ muan.la ອ່ານຫຼາຍສຸດ 10 ອັນດັບ #ທີ່ສຸດແຫ່ງປີ2019

ຊີເກມ 2019 ປິດສາກລົງແລ້ວ ສປປ ລາວ ຈົບພຽງອັນດັບ 10 ກ່ອນພົບກັນໃໝ່ທີ່ ຫວຽດນາມ ປີ 2021

ຊີເກມ 2019 ປິດສາກລົງແລ້ວ ສປປ ລາວ ຈົບພຽງອັນດັບ 10 ກ່ອນພົບກັນໃໝ່ທີ່ ຫວຽດນາມ ປີ 2021

ຫົວໜ້າຄະນະນັກກີລາລາວ ອັດສີດ 17 ລ້ານກວ່າກີບ ໃຫ້ນັກກີລາຄິກບ໋ອກຊິງ 1 ຫຼຽນຄຳ 3 ຫຼຽນທອງ

ຫົວໜ້າຄະນະນັກກີລາລາວ ອັດສີດ 17 ລ້ານກວ່າກີບ ໃຫ້ນັກກີລາຄິກບ໋ອກຊິງ 1 ຫຼຽນຄຳ 3 ຫຼຽນທອງ

ຫວຽດນາມຄວ້າຫຼຽນຄຳປິດທ້າຍຊີເກມ 2019 ຂະນະທີ່ຟິລິບປິນເປັນເຈົ້າຫຼຽນຄຳ ສ່ວນລາວຈົບທີ່ອັນດັບ 10

ຫວຽດນາມຄວ້າຫຼຽນຄຳປິດທ້າຍຊີເກມ 2019 ຂະນະທີ່ຟິລິບປິນເປັນເຈົ້າຫຼຽນຄຳ ສ່ວນລາວຈົບທີ່ອັນດັບ 10

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ