ວັນເສົາ ທີ 29 ກຸມພາ 2020

Top 5 ມະຫາວິທະຍາໄລທີ່ດີທີ່ສຸດໃນໂລກ ປະຈຳປີ 2020

Top 5 ມະຫາວິທະຍາໄລທີ່ດີທີ່ສຸດໃນໂລກ ປະຈຳປີ 2020

ສຳລັບ​ໝູ່ເພື່ອນ​​ຄົນ​ໃດ​ທີ່​ຫາກໍ່​ຈົບ​ຈາກລະດັບ​ມັດທະຍົມ ​ແລະ ​ກຳ​ລັງ​ຊອກຫາມ​ະຫາ​ວິທະຍາໄລ ທີ່​ເຂົ້າ​ກັບຕົວເອງ ຫຼື ​ທີ່​ຕົນເອງ​​ມັກ ຮວມ​ທັງ​ໝູ່ເພື່ອນ​​ທີ່​ຮຽນ​ໃນລະດັບປະລິນຍາຕີ​ແລ້ວ​ກຳ​ລັງ​ຈະ​ຮຽນ​ຕໍ່​ໃນ​ສາ​ຂາ​ວິ​ຊາ​ສະເພາະລະດັບປະລິນຍາໂທ ​ແລະ ​ເອກ. ຖ້າ​ຫາກໝູ່​ເພື່ອນ​ຍັງ​ບໍ່​ຮູ້​ວ່າ​ຈະ​ເລືອກ​ບ່ອນ​ໃດ ຫຼື ​ມະຫາ​ວິທະຍາໄລ​ໃດ​ດີ, ພວກເຮົາມີ 5 ມະຫາ​ວິທະຍາໄລ​ທີ່​ດີ​ທີ່ສຸດ​ໃນ​ໂລກ ປະຈຳປີ 2020 ເຊິ່ງ​ເປັນ​ການ​ຈັດ​ອັນດັບ​ຫຼ້າ​ສຸດ​ໂດຍ Times Higher Education World ມາ​ຝາກ​ກັນ.

ຈາກ​ການ​ຈັດ​ອັນ​ດັບ ໄດ້​ພິຈາລະນາ​ໂດຍ​ໃຊ້ 13 ຕົວ​ຊີ້​ວັດ​ຫຼັກ ພາຍໃຕ້ 5 ຫົວຂໍ້​ໃຫຍ່ ຄື:

  • ​ວິໄຈ
  • ການ​ສອນ
  • ງານ​ວິໄຈ​ທີ່​ໄດ້ຮັບ​ການ​ຍອມ​ຮັບ
  • ລາຍ​ໄດ້​ທາງ​ທຸລະກິດ
  • ພາບລັກ​​ໃນລະດັບ​ນານາ​ຊາດ

1. ມະຫາ​ວິທະຍາໄລອັອກຊ໌ຟອດ (University of Oxford)

ເປັນ​ມະຫາ​ວິທະຍາໄລ​ທີ່​ມີ​ຊື່​ສຽງ ແລະ ​ເປັນ​ທີ່​ຮູ້​ຈັກ​ໃນ​ສະຫະລາຊະອານາຈັກ (ປະເທດອັງກິດ) ເຊິ່ງ​ໄດ້ຮັບ​ການ​ຈັດ​ລຳ​ດັບ​ເປັນ​ອັນ​ດັບ 1 ຂອງ​ມະຫາ​ວິທະຍາໄລ​ທີ່​ດີ​ທີ່ສຸດ 4 ປີ​ຊ້ອນ. ນອກ​ຈາກ​ນີ້​ຍັງ​ເປັນ​ມະຫາ​ວິທະຍາໄລ​ທີ່​ເກົ່າ​ແກ່​ທີ່ສຸດ​ໃນ​ປະເທດອັງກິດ ເປັນ​ໜຶ່ງ​ໃນ​ມະຫາ​ວິທະຍາໄລ​ທີ່​ມີ​ຊື່​ສຽງລະດັບ​ໂລກ ແລະ​ ມີ​ນັກ​ສຶກ​ສາ​ໃນລະດັບປະລິນຍາຕີ ໂທ ແລະ​ ເອກ​ຮວມ​ກັນ​ຫຼາຍກວ່າ 20,000 ຄົນ ໂດຍ​ມີ​ຊາວ​ຕ່າງ​ຊາດ​ທີ່​ເປັນ​ອາຈານ ​ແລະ​ ນັກ​ສຶກ​ສາ​ຕ່າງ​ຊາດ​ອີກ​ກວ່າ 40 ເປີເຊັນ​. ໃນ​ສ່ວນ​ຂອງ​ການ​ສອບເສັງ​ເຂົ້າ​ທີ່ມະ​ຫາ​ວິທະຍາໄລ​ນີ້ ​ຂຶ້ນ​ຊື່​ວ່າ​ເປັນ​ການ​ແຂ່ງ​ຂັນ​ທີ່​ດຸ​ເດືອດ​ຫຼາຍ. ນອກ​ຈາກ​ນີ້ມະຫາວິທະຍາໄລ​ຍັງມີ​ເຈົ້າໜ້າທີ່​ທີ່​ໃຫ້​ບໍລິການ​​ຊ່ວຍ​ເຫຼືອ​ນັກ​ສຶກ​ສາ ທີ່​ມາ​ຈາກ​ປະເທດ​ ແລະ ສັນ​ຊາດ​ທີ່​ຕ່າງ​ກັນ​ກວ່າ 100 ປະເທດ.

2. ສະຖາບັນ​ເຕັກໂນໂລຊີແຄລິຟໍເນຍ ຫຼື ແຄລ​ເທັກ (California Institute of Technology : CalTech)

ທຳອິດ, ສະຖາບັນ​ນີ້​ໃຊ້​ຊື່​ວ່າ Throop University ໃນ​ປີ ຄ​.ສ​. 1891 ແລະ​ ປ່ຽນ​ຊື່​ມາ​ເປັນ​ຊື່​ທີ່​ໃຊ້​ໃນ​ປັດຈຸບັນ​ໃນ​ປີ ຄ​.ສ​. 1920. ໜຶ່ງ​ໃນ​ສິ່ງ​ທີ່​ໂດດ​ເດັ່ນ​ຫຼາຍ​ທີ່ສຸດ​ຂອງ​ມະຫາ​ວິທະຍາໄລ​ແຄລ​ເທັກ ກໍ​ຄື​ການ​ເປັນ​ມະຫາ​ວິທະຍາໄລ​ຂະໜາດ​ນ້ອຍ ເຊິ່ງ​ມີ​ນັກ​ສຶກ​ສາລະດັບປະລິນຍາຕີ 1,000 ຄົນ ແລະ​ ນັກ​ສຶກ​ສາ​ໃນລະດັບປະລິນຍາໂທ​ ແລະ ​ເອກ 1,250 ຄົນ. ​ໃນ​ປີ​ນີ້ (ຄ​.ສ​. 2019) ມີ​ຜູ້​ສະໝັກ​ເຂົ້າ​ຮຽນ​ທັງ​ໝົດ 6,506 ຄົນ ເຊິ່ງ​ຈາກ​ການ​ສຳ​ຫຼວດ 99 ເປີເຊັນຂອງ​ຈຳນວນ​ຜູ້​ສະໝັກ​ທັງ​ໝົດ​ ໝົດ​ປີ​ຈະ​ຮັບ​ພຽງແຕ່ 10 ເປີເຊັນຂອງ​ຜູ້​ສະໝັກ​ຈາກລະດັບ​ມັດທະຍົມ​ປາຍ. ນອກ​ຈາກ​ນີ້​ສຳລັບ​ນັກ​ສຶກ​ສາ​ຂອງ​ມະຫາ​ວິທະຍາໄລ ຈະ​ຍັງ​ໄດ້ຮັບ​ການ​ສະໜັບ​ສະໜຸນ​ການ​ຮຽນ​ແບບ​ສ​ະຫ​ະວິທະຍາ​ການ (ສຶກ​ສາ​ຫຼາຍກວ່າ 1 ສາ​ຂາ​ວິ​ຊາ). ໃນ​ດ້ານ​ການເຮັດ​ວິໄຈ​ກ່ຽວກັບ​ພື້ນ​ຖານ​ທາງ​ດ້ານ​ວິທະຍາ​ສາດ ແລະ ​ບັນຫາ​ທາງ​ດ້ານເຕັກໂນໂລຊີ ແລະ​ ສະໜັບ​ສະໜູນ​ເງິນທຶນການສຶກສາ ເຊິ່ງ​ສະເລ່ຍ​ຢູ່​ທີ່ທຶນລະ 38,983 ໂດລາສະຫະລັດ ຮວມ​ທັງ​ການ​ມີ​ເຈົ້າໜ້າທີ່​ເບິ່ງ​ແຍງ​ເລື່ອງ​ການ​ຮຽນ​ຂອງ​ນັກ​ສຶກ​ສາ (student-to-staff) ທີ່​ວ່ອງໄວ ​ແລະ​ ກວມເອົານັກ​ສຶກ​ສາ​ທຸກ​ຄົນ.

ນອກ​ຈາກ​ນີ້ມະຫາວິທະຍາໄລ​ແຄລ​ເທັກ​ຍັງມີ​ເລື່ອງ​ທີ່​ໜ້າ​ປະ​ທັບ​ໃຈ​ອີກ​ນັ້ນ​ກໍ​ຄື ມາສ​ຄັອດ (mascot) ​ຂອງ​ມະຫາ​ວິທະຍາໄລ​ເປັນໂຕບີ​ເວີ (Beaver) ເຊິ່ງ​ເປັນ​ສັນຍາລັກ​ສະແດງ​ເຖິງ​ຄວາມ​ຊ່ຽວ​ຊານ​ທາງ​ດ້ານ​ວິ​ສະວະ​ກຳ ແລະ ​ປະເພນີ Cookie break ທີ່​ຈະ​ຈັດ​ຂຶ້ນ​ໃນ​ວັນພະຫັດ ໂດຍ​ອາຈານ​ຟິ​ສິກ​ ​ແລະ ​ນັກ​ຮຽນທົ່ວ​ມະຫາ​ວິທະຍາໄລ​ຍັງ​ເປັນ​ຜູ້​ຈັດ​ຈຳ​ໜ່າຍ​ນ້ຳ​ມັນ​ໝາກ​ກອກ​ອີກ​ດ້ວຍ.

3. ມະຫາ​ວິທະຍາໄລ​ເຄມບຣິດ (University of Cambridge)

ເປັນ​ມະຫາ​ວິທະຍາໄລ​ທີ່​ມີ​ອາຍຸເກົ່າ​ແກ່ ແລະ ​ມີ​ຊື່​ສຽງ​ທາງ​ປະຫວັດສາດ​ທີ່​ຍາວ​ນານ ເປັນ​ສະຖາບັນ​ທີ່​ຢູ່​ພາຍໃຕ້​ລະບົບ​ມະຫາໄລ​ທີ່​ມີ​ການ​ປົກຄອງ​ຕົນເອງ ຄືກັນ​ກັບ​ມະຫາ​ວິທະຍາໄລອັອກຊຼ໌ຟອດ (University of Oxford) ເຊິ່ງ​ນັກ​ສຶກ​ສາມະຫາວິທະຍາໄລ​ເກືອບ 18,000 ຄົນ ອາໄສ​ຢູ່​ກັບ​ມະຫາ​ວິທະຍາໄລ ຫຼື​ ຫໍ​ພັກ​ນັກ​ສຶກ​ສາ ທັງ​ໆ​ທີ່​ນັກ​ສຶກ​ສາ​ມີ​ທາງ​ເລືອກ​ທີ່​ຈະ​ຢູ່​ນອກ​ສະຖານ​ທີ່​ໄດ້. ​ມະຫາໄລ​ໄດ້​ແບ່ງ​ອອກ​ເປັນ 31 ວິທະຍາ​ເຂດ​ ແລະ ​ມີ 150 ສາ​ຂາ​ວິ​ຊາ. ນອກ​ຈາກ​ນີ້​ຍັງມີ​ນັກ​ການ​ເມືອງ​ທີ່​ມີ​ຊື່​ສຽງ, ບຸກ​ຄົນ​ສຳຄັນ​ທາງ​ປະຫວັດສາດ ແລະ​ ນັກ​ວິທະຍາ​ສາດ​ທີ່​ໂດ່ງ​ດັງ​ທີ່​ຮຽນ​ທີ່ມະ​ຫາວິທະຍາໄລ​ແຫ່ງ​ນີ້ ເຊັ່ນ: Isaac Newton ຮວມທັງ John Harvard ເຊິ່ງ​ເປັນ​ໜຶ່ງ​ໃນ​ຜູ້​ກໍ່​ຕັ້ງ​ມະຫາ​ວິທະຍາໄລ​ແຫ່ງ​ນີ້. ນອກ​ຈາກ​ນີ້ມະຫາວິທະຍາໄລ​ຍັງມີ​ທຳນຽມ​ໃນ​ການ​ຮັບ​ນັກ​ສຶກ​ສາ​ທີ່​ເປັນ​ເອກະ​ລັກ ຖ້າ​ຫາກ​ໃຜ​ຢາກ​ຮູ້​ວ່າ​ເປັນ​ແນວໃດ​ ຮີບ​ຂຽນ​ໃບ​ສະໝັກ​ກັນ​ເລີຍ.

4. ມະຫາ​ວິທະຍາໄລສະແຕນຟອດ (Stanford University)

ມະຫາ​ວິທະຍາໄລ​ທີ່​ກໍ່​ຕັ້ງ​ໂດຍກຸ່ມຄົນ​ຜູ້​ທີ່​ຕ້ອງ​ການ​ຈັດ​ຕັ້ງ​ມະຫາ​ວິທະຍາໄລ​ຮ່ວມ​ກັບ​ນັກ​ລົງທຶນ ເພື່ອ​ທີ່​ຕ້ອງ​ຮັບ​ຜິດຊອບ​ບາງ​ສ່ວນ​ໃນ​ການ​ພັດທະນາ​ພື້ນ​ທີ່​ອ້ອມຮອບ Silicon Valley ໂດຍ​ເຫຼົ່າ​ນັກ​ສຶກ​ສາ​ທີ່​ຈົບ​ຈາກ​ມະຫາ​ວິທະຍາໄລ​ນີ້​ຫຼາຍ​ຄົນ​ມັກ​ໄດ້ຮັບ​ລາງ​ວັນ​ທີ່​ມີ​ຊື່​ສຽງລະດັບ​ໂລກ ເຊັ່ນ: ການ​ໄດ້ຮັບ​ລາງ​ວັນ Nobel ທັງ​ໝົດ 17 ເທື່ອ. ​ພື້ນ​ທີ່​ຕັ້ງ​ຂອງ​ມະຫາໄລ​ນັ້ນ ປະກອບ​ໄປ​ດ້ວຍ​ຕຶກ 700 ກວ່າ​ແຫ່ງ, ພິ​ພິທະ​ພັນ​, ສວນ​ອຸທະ​ຍານ ແລະ ​ພື້ນ​ທີ່​ໃຊ້ສອຍທົ່ວໄປ. ນອກ​ຈາກ​ນີ້​ງານ​ວິໄຈ​ຂອງ​ມະຫາ​ວິທະຍາໄລສະແຕນຟອດ ມີງ​ົບ​ປະ​ມານ​ໃຫ້​ເຖິງ 1.22 ພັນ​ລ້ານ​ໂດລາສະຫະລັດ ແລະ ​ຫຼາຍກວ່າ 5,000 ໂຄງ​ການ ທີ່​ໄດ້ຮັບ​ການ​ສະໜັບ​ສະໜຸນ​ຈາກ​ແຫຼ່ງ​ກອງທຶນພາຍນອກ.

5. ສະຖາບັນ​ເຕັກໂນໂລຊີແມັດຊາຊູເຊັດ (Massachusetts Institute of Technology)

ເປັນ​ສະຖາບັນ​ທີ່​ກໍ່​ຕັ້ງ​ເມື່ອ​ກາງ​ສະຕະ​ວັດ​ທີ 19 ແລະ ​ເປັນ​ມະຫາ​ວິທະຍາໄລ​ທີ່​ສະໜັບ​ສະໜຸນ​ໃນ​ດ້ານ​ຂອງ​ການ​ຊ່ວຍ​ເຫຼືອ​ດ້ານ​ການ​ເງິນ​ໃຫ້​ກັບ​ນັກ​ສຶກ​ສາ​ຂອງ​ມະຫາ​ວິທະຍາໄລ. ​ພື້ນ​ທີ່​ຕັ້ງ​ມະຫາ​ວິທະຍາໄລ​ກໍ​ມີ​ສິ່ງ​ອຳ​ນວຍ​ຄວາມສະດວກ​ໃຫ້​ກັບ​ນັກ​ສຶກ​ສາ ເຊັ່ນ: ມີ​ສະຖານ​ທີ່​ພັກ​ຂອງ​ນັກ​ສຶກ​ສາ, ສວນ​ອຸທະ​ຍານ​ ແລະ ​ພື້ນ​ທີ່​ຈັດ​ສະແດງ​ງານ​ສິລະ​ປະ ແລະ ​ຍັງ​ເປັນ​ມະຫາ​ວິທະຍາໄລ​ທຳອິດ​ທີ່​ສອນ​ວິ​ຊາ​ກ່ຽວກັບ​ງານ​ສ​ະຖາ​ປັດຕະຍະ​ກຳ​ໃນ​ສະ​ຫະລັດ​ອາ​ເມ​ລະິກາ ຮວມ​ທັງ​ມີ​ນັກ​ສຶກ​ສາ​ຍິງ​ຄົນທຳອິດ ຊື່ Ellen Swallow Richards (ນັກ​ເຄ​ມີ​ຍິງ​ຄົນທຳອິດ​ຂອງ​ອາ​ເມ​ຣິ​ກາ ​ແລະ ​ຜູ້​ກໍ່​ຕັ້ງ​ສາ​ຂາ​ວິ​ຊາຄະຫະ​ກຳ​ສາດ) ທີ່​ໄດ້ຮັບ​ການ​ຍອມ​ຮັບ​ໃຫ້​ເຂົ້າ​ຮຽນ​ໃນ​ສາ​ຂາ​ເຄ​ມີ ເມື່ອ​ປີ ຄ​.ສ​.1871. ພ້ອມນີ້ກໍ​ຍັງ​ເປັນ​ມະຫາໄລ​ທຳອິດ​ທີ່​ມີ​ນັກ​ສຶກ​ສາ​ຕ່າງ​ປະເທດ (ປະເທດ​ແຄ​ນາ​ດາ) ຈົບ​ການສຶກສາ​ໃນລະດັບ​ປະລິນຍາບັນດິດ. ນອກ​ຈາກ​ນີ້​ໃນ​ປັດຈຸບັນ​ຜູ້​ທີ່​ສຳ​ເລັດ​ການສຶກສາ​ຂອງ​ມະຫາ​ວິທະຍາໄລ​ກໍ​ໄດ້​ເຮັດວຽກ​ກັບ​ບໍລິສັດ​ຊັ້ນ​ນຳ ເຊັ່ນ: Google, Amazon ແລະ Apple ເປັນ​ຕົ້ນ ເຊິ່ງ​ຈາກ​ການ​ທີ່​ເປັນ​ມະຫາວິທະຍາໄລ​ທີ່​ມີ​ຊື່​ສຽງ​ຈຶ່ງ​ເຮັດໃຫ້​ອັດຕາ​ການ​ແຂ່ງ​ຂັນ​ສູງ​ຫຼາຍ​. ໃນ​ປີ ຄ​.ສ​.2019 ມີ​ຜູ້​ທີ່​ໄດ້ຮັບ​ການ​ຄັດ​ເລືອກ​ເຂົ້າ​ຮຽນ​ຕໍ່​ໃນ​ມະຫາວິທະຍາໄລ​ແຫ່ງ​ນີ້​ພຽງ​ແຕ່ 8 ເປີເຊັນຂອງ​ຜູ້​ສະໝັກ​ທັງ​ໝົດ.

ນີ້​ກໍ​ເປັນພຽງ Top 5 ມະຫາ​ວິທະຍາໄລ​ທີ່​ດີ​ທີ່ສຸດ​ໃນ​ໂລກ ປີ ຄ​.ສ​. 2020 ທີ່​ໄດ້​ນຳ​ມາ​ເລົ່າ​ໃຫ້​ໝູ່​ໄດ້​ຮູ້​ກັນ ແຕ່​ເຮົາ​ຍັງມີ​ລາຍ​ຊື່​ຂອງ​ມະຫາ​ວິທະຍາໄລ​ທີ່​ຕິດ​ອັນ​ດັບ 200 ມະຫາ​ວິທະຍາໄລ​ທີ່​ດີ​ທີ່ສຸດ​ໃນ​ໂລກ ສາມາດ​ເບິ່ງ​ເພີ່ມເຕີມ​ໄດ້​ທີ່: https://www.timeshighereducation.com/student/best-universities/best-universities-world

 

Advertisement Replay Ad

ຂໍຂອບໃຈ

ຂໍ້ມູນ : Y-hub via sanook

ພາບ : freepik

"ນໍ້າຕົກຕາດແຊພະ" ແຂວງອັດຕະປື ສະຖານທີ່ທໍາມະຊາດທີ່ກໍາລັງເລັ່ງປັບປຸງ

"ນໍ້າຕົກຕາດແຊພະ" ແຂວງອັດຕະປື ສະຖານທີ່ທໍາມະຊາດທີ່ກໍາລັງເລັ່ງປັບປຸງ

ໄປຊຽງຂວາງຢ່າພາດໄປທ່ຽວ “ຕາດຄາ” ຕາດທີ່ມີຄວາມສູງ ແລະ ຄວາມສວຍງາມທີ່ສຸດຂອງແຂວງ

ໄປຊຽງຂວາງຢ່າພາດໄປທ່ຽວ “ຕາດຄາ” ຕາດທີ່ມີຄວາມສູງ ແລະ ຄວາມສວຍງາມທີ່ສຸດຂອງແຂວງ

ນິສສັນ ນາວາຣ່າ (Nissan Navara) ກັບນະວັດຕະກຳດີໆ ທີ່ທ່ານຄວນຮູ້

ນິສສັນ ນາວາຣ່າ (Nissan Navara) ກັບນະວັດຕະກຳດີໆ ທີ່ທ່ານຄວນຮູ້

ເຊີນພໍ່ແມ່ເຂົ້າຮ່ວມຝຶກອົບຮົມຟຣີ "ເຄັດລັບການສ້າງທັກສະສະໝອງ & ການລ້ຽງລູກເຊີງບວກ" 29 ກຸມພານີ້

ເຊີນພໍ່ແມ່ເຂົ້າຮ່ວມຝຶກອົບຮົມຟຣີ "ເຄັດລັບການສ້າງທັກສະສະໝອງ & ການລ້ຽງລູກເຊີງບວກ" 29 ກຸມພານີ້

ຮູ້ຈັກ ບລັອກເກີ ຄູ່ຫູ-ຄູ່ໃຈ ຜູ້ຢູ່ເບື້ອງຫຼັງ The Journey Road ທີ່ເຮັດໃຫ້ເຮົາຮູ້ບ່ອນທ່ອງທ່ຽວຫຼາຍແຫ່ງ

ຮູ້ຈັກ ບລັອກເກີ ຄູ່ຫູ-ຄູ່ໃຈ ຜູ້ຢູ່ເບື້ອງຫຼັງ The Journey Road ທີ່ເຮັດໃຫ້ເຮົາຮູ້ບ່ອນທ່ອງທ່ຽວຫຼາຍແຫ່ງ

ຮູ້ຈັກເຊື້ອ “HPV” ໂຕການຮ້າຍທີ່ກໍ່ໃຫ້ເກີດ “ມະເຮັງປາກມົດລູກ”

ຮູ້ຈັກເຊື້ອ “HPV” ໂຕການຮ້າຍທີ່ກໍ່ໃຫ້ເກີດ “ມະເຮັງປາກມົດລູກ”

4 ວິທີ “ຄຸມກຳເນີດແບບຜິດໆ” ທີ່ປ້ອງກັນການ “ຖືພາ” ບໍ່ໄດ້

4 ວິທີ “ຄຸມກຳເນີດແບບຜິດໆ” ທີ່ປ້ອງກັນການ “ຖືພາ” ບໍ່ໄດ້

ໄຂຂໍ້ສົງໄສ “ເຄື່ອງເປົ່າມື” ໃນຫ້ອງນໍ້າ ສາມາດຂ້າໄວຣັດໂຄວິດ-19 ໄດ້ຫຼືບໍ່

ໄຂຂໍ້ສົງໄສ “ເຄື່ອງເປົ່າມື” ໃນຫ້ອງນໍ້າ ສາມາດຂ້າໄວຣັດໂຄວິດ-19 ໄດ້ຫຼືບໍ່

ບັນຍາກາດ ຕະຫຼາດຍ້ອນຍຸກ ໃນງານການກຸສົນຕໍານານຊາວໜຸ່ມດອກໄມ້ແດງ 22-29 ກຸມພາ 2020 ນີ້

ບັນຍາກາດ ຕະຫຼາດຍ້ອນຍຸກ ໃນງານການກຸສົນຕໍານານຊາວໜຸ່ມດອກໄມ້ແດງ 22-29 ກຸມພາ 2020 ນີ້

“ເຈັບທ້ອງ ຫຼັງມີເພດສຳພັນ” ເປັນສັນຍານບອກອັນຕະລາຍຫຼືບໍ່?

“ເຈັບທ້ອງ ຫຼັງມີເພດສຳພັນ” ເປັນສັນຍານບອກອັນຕະລາຍຫຼືບໍ່?

ໝາກໄມ້ທີ່ຊ່ວຍຫຼຸດນ້ຳໜັກ ແລະ ຊ່ວຍໃຫ້ຜິວໃສສຸຂະພາບດີ

ໝາກໄມ້ທີ່ຊ່ວຍຫຼຸດນ້ຳໜັກ ແລະ ຊ່ວຍໃຫ້ຜິວໃສສຸຂະພາບດີ

ລວມໄອເດຍໃສ່ຊຸດກະໂປ່ງສຳລັບແມ່ຖືພາ ແລະ ສາວອວບ ໃຫ້ເບິ່ງຈ່ອຍລົງ-ຫຸ່ນດີ

ລວມໄອເດຍໃສ່ຊຸດກະໂປ່ງສຳລັບແມ່ຖືພາ ແລະ ສາວອວບ ໃຫ້ເບິ່ງຈ່ອຍລົງ-ຫຸ່ນດີ

ໄອເດຍມັດຜົມແບບງ່າຍໆ ເໝາະກັບວັນທີ່ຢາກສະບາຍໆ

ໄອເດຍມັດຜົມແບບງ່າຍໆ ເໝາະກັບວັນທີ່ຢາກສະບາຍໆ

ຈຸດຊົມວິວ The Rock Viewpoint ພູຜາມ່ານ ບ່ອນທ່ຽວທີ່ໜ້າໄປເຊັກອິນ ໃນປີ 2020

ຈຸດຊົມວິວ The Rock Viewpoint ພູຜາມ່ານ ບ່ອນທ່ຽວທີ່ໜ້າໄປເຊັກອິນ ໃນປີ 2020

ຜົນວິໄຈພົບ ການດົມກິ່ນກາຍຂອງ “ຄົນຮັກ” ຊ່ວຍໃຫ້ຫຼັບສະບາຍ ແລະ ຫຼັບດີຍິ່ງຂຶ້ນ

ຜົນວິໄຈພົບ ການດົມກິ່ນກາຍຂອງ “ຄົນຮັກ” ຊ່ວຍໃຫ້ຫຼັບສະບາຍ ແລະ ຫຼັບດີຍິ່ງຂຶ້ນ

ຮູ້ຫຼືຍັງ? ຜົນກະທົບຂອງການ “ສູບຢາ” ທີ່ມີຫຼາຍກວ່າການທຳຮ້າຍປອດ

ຮູ້ຫຼືຍັງ? ຜົນກະທົບຂອງການ “ສູບຢາ” ທີ່ມີຫຼາຍກວ່າການທຳຮ້າຍປອດ

ບັນຍາກາດ ແຫ່ຊ້າງເຜືອກເຂົ້າເມືອງ ໃນງານບຸນຊ້າງ ແຂວງໄຊຍະບູລີ

ບັນຍາກາດ ແຫ່ຊ້າງເຜືອກເຂົ້າເມືອງ ໃນງານບຸນຊ້າງ ແຂວງໄຊຍະບູລີ

ເປັນ “ປະຈຳເດືອນ” 2 ຄັ້ງຕໍ່ເດືອນ ຜິດປົກກະຕິຫຼືບໍ່?

ເປັນ “ປະຈຳເດືອນ” 2 ຄັ້ງຕໍ່ເດືອນ ຜິດປົກກະຕິຫຼືບໍ່?

ທ່ຽວຖ້ຳພະເຈົ້າສິງຄຳ ແຂວງອຸດົມໄຊ ສັກກາລະບູຊາພະເຈົ້າສິ່ງສັກສິດ

ທ່ຽວຖ້ຳພະເຈົ້າສິງຄຳ ແຂວງອຸດົມໄຊ ສັກກາລະບູຊາພະເຈົ້າສິ່ງສັກສິດ

ລວມໄອເດຍ ຊົງຜົມສັ້ນ-ພຽງບ່າ ສຳລັບສາວໆ ຕັດແລ້ວຊ່ວຍໃຫ້ໜ້າເດັກລົງ

ລວມໄອເດຍ ຊົງຜົມສັ້ນ-ພຽງບ່າ ສຳລັບສາວໆ ຕັດແລ້ວຊ່ວຍໃຫ້ໜ້າເດັກລົງ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ