ວັນພຸດ ທີ 3 ມີນາ 2021

ຫຼັກການໃຊ້ຊີວິດຄູ່ ໃຫ້ໝັ້ນຄົງ ແລະ ຍືນຍາວ ເນື່ອງໃນໂອກາດວັນຄອບຄົວແຫ່ງຊາດ

ຫຼັກການໃຊ້ຊີວິດຄູ່ ໃຫ້ໝັ້ນຄົງ ແລະ ຍືນຍາວ ເນື່ອງໃນໂອກາດວັນຄອບຄົວແຫ່ງຊາດ
S! Muan

ສະໜັບສະໜູນເນື້ອຫາ

ເມື່ອຄົ​ນ​ສອງ​ຄົນ​ຕັດ​ສິນ​ໃຈ​ມາ​ໃຊ້​ຊີວິດ​ຄູ່​ຮ່ວມ​ກັນ ຫຼື ​ຕັດ​ສິນ​ໃຈ​ແຕ່ງດອງກັນ, ຈຸດ​ນີ້​ຖື​ເປັນ​ຈຸດເລີ່ມ​ຕົ້ນ​ຂອງ​ການ​ມີ​ຊີວິດ​ຄອບຄົວ ເຊິ່ງ​ຈຸດ​ໝາຍ​ປາຍ​ທາງ​ຂອງ​ແຕ່​ລະ​ຄອບຄົວ​ຈະ​ເປັນ​ແບບ​ໃດ​ນັ້ນ ຄົງ​ບໍ່​ສາມາດ​ຄາດຄະເນ ​ຫຼື​ ບອກ​ໄດ້​ວ່າ ເຈົ້າ​ສອງ​ຄົນ​ຈະ​ເດີນທາງ​ໄປ​ນຳກັນ​ຈົນ​ເຖິງ​ຈຸດ​ໝາຍ​ປາຍ​ທາງ​ດັ່ງ​ທີ່​ຜູ້​ເຖົ້າ​ຜູ້​ແກ່​ໄດ້​ອວຍ​ພອນ​ໄວ້​ໃນ​ມື້​ສົມ​ລົດວ່າ “ຂໍ​ໃຫ້​ຖື​ໄມ້ເທົ້າ​ຍອດ​ທອງ​ກະ​ບອງ​ຍອດ​ເພັດ” ໄດ້​ ຫຼື​ ບໍ່​. ເພາະ​ການ​ທີ່ຄົ​ນ​ສອງ​ຄົນ​ຕ້ອງ​ມາ​ໃຊ້​ຊີວິດ​ຄູ່​ຮ່ວມ​ກັນ ໃນ​ໄລຍະ​ເຂົ້າ​ໃໝ່​ປາ​ມັນ ສິ່ງໃດເຮົາ​ກໍ​ພໍ​ຈະ​ຍອມ​ໄດ້. ແຕ່​ເມື່ອ​ຊີວິດ​ຄູ່​ເດີນທາງ​ໄປ​ໄດ້ໄລຍະ​ໜຶ່ງ, ຄວາມ​ເປັນຕົວ​ຕົນ ນິໄສ​ທີ່​ແທ້​ຈິງ​ຂອງ​ແຕ່​ລະ​ຄົນ​ກໍ​ຈະ​ສະແດງ​ອອກ​ມາ. ການ​ຈະໃຫ້​ເຮົາ​ມີ​ນິໄສ​ທີ່​ຖືກ​ໃຈ ດີ​ພ້ອມ​ສຳລັບ​ອີກ​ຄົນ​ຄົງ​ເປັນ​ເລື່ອງ​ທີ່​ຍາກ.

ດັ່ງ​ນັ້ນ ສິ່ງ​ທີ່​ສຳຄັນ​ທີ່​ຈະ​ຊ່ວຍ​ໃຫ້​ຄົນ​ສອງ​ຄົົນທີ່​ມາ​ຈາກ​ຕ່າງ​ຄອບຄົວ ຕ່າງ​ການ​ລ້ຽງ​ດູ​ສາມາດ​ມີ​ຊີວິດ​ຄູ່​ທີ່​ມີ​ຄວາມ​ສຸກ​ໄດ້​ຢ່າງ​ຍືນຍາວ​ໄດ້​ນັ້ນ, ຕ້ອງ​ອາໄສ​ຄວາມ​ຮ່ວມ​ມື​ຈາກ​ທັງ​ສອງ​ຝ່າຍ​ທີ່​ຈະ​ຮຽນ​ຮູ້​ ແລະ ​ປັບຕົວ​ເຂົ້າ​ຫາ​ກັນ. ຫຼັກ​ສຳຄັນ​ທີ່​ຈະ​ຊ່ວຍຮັກສາຄວາມ​ສຳພັນ​ຂອງ​ຊີວິດ​ຄູ່​ໃຫ້​ເຂັ້ມແຂງ​ ແລະ ໝັ້ນຄົງ​ຍາວ​ນານ ກໍຄື:

1. ການ​ຍອມ​ຮັບ​ກັນ ​ແລະ ​ກັນ: ເປັນ​ສິ່ງ​ສຳຄັນ​ເບື້ອງ​ຕົ້ນ​ຂອງ​ການ​ໃຊ້​ຊີວິດ​ຄູ່​ຮ່ວມ​ກັນ ເພາະ​ການ​ທີ່ຄົ​ນ​ສອງ​ຄົນ​ຕ້ອງ​ມາ​ໃຊ້​ຊີວິດ​ຮ່ວມ​ກັນ​ຕະຫຼອດ​ຊີວິດ ຕ້ອງ​ເຫັນ​ໜ້າ​ກັນ​ທຸກ​ມື້, ຕ້ອງ​ມີ​ກິດຈະກຳ​ທຸກ​ມື້​ຮ່ວມ​ກັນ, ຕ້ອງ​ປຶກ​ສາ​ຫາ​ລື​ກັນ​ທຸກ​ມື້, ແກ້​ບັນຫາ​ຮ່ວມ​ກັນ​ຢ່າງ​ຫຼີກ​ເວັ້ນ​ບໍ່​ໄດ້, ການ​ຍອມ​ຮັບ​ກັນ​ໃນ​ທຸກ​ແງ່​ມຸມ​ຈະ​ຊ່ວຍ​ໃຫ້​ທັງ​ສອງ​ຢູ່​ນຳກັນ​ໂດຍ​ບໍ່​ຂັດ​ແຍ້ງ​ທາງ​ຄວາມ​ຄິດ ​ແລະ ​ອາລົມ, ບໍ່​ລຳຄານ​ກັນ, ບໍ່​ເບື່ອ​ກັນ, ບໍ່​ດູໝິ່ນ​ກັນ, ບໍ່​ກຽດຊັງ​ກັນ. ລັກສະນະ​ການ​ຍອມ​ຮັບ​ກັນ ​ແລະ​ ກັນ​ໄດ້ ມີ​ເຄື່ອງ​ບົ່ງ​ບອກ​ຕ່າງ​ໆ ເຊັ່ນ: ການ​ເບິ່ງ​ອີກ​ຝ່າຍ​ໃນ​ແງ່​ດີ, ພໍ​ໃຈ​ໃນ​ຄູ່​ຊີວິດ​ທັງ​ຮູບຮ່າງ​ໜ້າ​ຕາ, ສະຕິປັນຍາ, ຄວາມ​ຄິດ​ເຫັນ​ ແລະ ​ຈິດ​ໃຈ ຈະ​ຊ່ວຍ​ເຮັດໃຫ້​ທັງສອງສື່​ສານ​ກັນ​ໄດ້​ຢ່າງ​ດີ. ເຖິງວ່າ​ການ​ຕອບສະໜອງ​ທາງ​ເພດ​ສຳພັນ​ທີ່​ຄູ່ສົມລົດ​ມອບ​ໝາຍ​ໃຫ້ຍອມ​ຮັບ​ໃນຕົວ​ຕົນ​ ຮວມທັງ​ຄ່າ​ນິຍົມ​ຕ່າງ​ໆຂອງ​ອີກ​ຝ່າຍ​ໜຶ່ງ.

2. ຢ່າ​ຄາດ​ຫວັງ​ວ່າ “ຄູ່​ຄອງ​ຂອງ​ເຈົ້າ” ຈະ​ສົມບູນ​ແບບ: ເພາະ​ບໍ່​ມີ​ໃຜ​ທີ່​ຈະ​ສົມບູນ​ແບບ​ໄປ​ທັງ​ໝົດ ແມ່ນແຕ່ຕົວ​ຂອງ​ເຮົາ​ເອງ​ຍັງມີ​ທັງ​ຈຸດ​ທີ່​ດີ​ ແລະ ​ບໍ່​ດີ. ການ​ມາ​ໃຊ້​ຊີວິດ​ຄູ່​ຮ່ວມ​ກັນ​ຈຳ​ເປັນ​ຕ້ອງ​ຮຽນ​ຮູ້ ທີ່​ຈະເພິງພໍໃຈກັບ​ຂໍ້​ດີ​ຂອງ​ກັນ ​ແລະ ​ກັນ, ຍອມ​ຮັບ​ຂໍ້​ເສຍ​ຂອງ​ກັນ ​ແລະ ​ກັນ. ເຮົາ​ບໍ່​ສາມາດ​ຄາດ​ຫວັງ​ວ່າ​ເຮົາ​ຈະ​ເຂົ້າ​ກັນ​ໄດ້​ກັບ​ຄູ່​ຄອງ​ຂອງ​ເຮົາ​ທຸກ​ໆເລື່ອງ ຫຼື ຈະ​ໄປ​ຄາດ​ຫວັງ​ໃຫ້​ເຂົາ​ເຮັດ​ໃນ​ສິ່ງ​ທີ່​ເຮົາ​ຕ້ອງ​ການ, ແຕ່​ຕ້ອງ​ອາໄສ​ວິທີ “ການ​ປັບຕົວ” ເຂົ້າ​ຫາ​ກັນ ດ້ວຍ​ການ​ປ່ຽນ​ແປງ​ພຶດຕິກຳ​ຂອງຕົວ​ເອງ​ ແລະ/ຫຼື​ ປັບຕົວ​ໃຫ້​ຍອມ​ຮັບ​ສິ່ງ​ທີ່​ອີກ​ຝ່າຍ​ເປັນ​ ​ເພື່ອ​ໃຫ້​ຢູ່​ກັບ​ເຂົາ​ຢ່າງ​ບໍ່​ຕ້ອງ​ເປັນ​ທຸກ. ເພາະ​ນິໄສ​ບາງຢ່າງ​ບໍ່​ສາມາດ​ປັບ​ກັນ​ໄດ້ ຈຶ່ງ​ຢ່າ​ຄາດ​ຫວັງ​ໃຫ້​ເບິ່ງ​ສ່ວນ​ທີ່​ດີ​ເຊິ່ງ​ກັນ ​ແລະ ​ກັນ.

3. ຮູ້​ຈັກ​ທີ່​ຈະ​ສື່​ສານ​ກັນ: ໃນ​ທາງ​ຈິດ​ຕະວິທະຍາ​ຖື​ວ່າ​ ເປັນ​ການ​ສື່​ສານ​ເປັນ​ເລື່ອງ​ສຳຄັນ​ອັນ​ໜຶ່ງ​ຂອງ​ຊີວິດ​ຄູ່ ເພາະ​ການ​ສື່​ສານ​ເປັນ​ການ​ໃຊ້​ພາສາ​ເພື່ອ​ໃຫ້​ອີກ​ຝ່າຍ​ເຂົ້າໃຈ​ຄວາມ​ຄິດ, ຄວາມ​ຮູ້ສຶກ ແລະ ​ຄວາມ​ຕ້ອງ​ການ​ຂອງ​ກັນ ​ແລະ​ ກັນ. ແຕ່​ໃນ​ຄວາມ​ເປັນ​ຈິງ​ທີ່​ພົບ​ໃນ​ຊີວິດ​ຄູ່ ຍິ່ງ​ຢູ່​ກັນ​ດົນ​ຄູ່​ຜົວເມຍ​ກໍ​ຍິ່ງ​ຈະ​ສື່​ສານ​ກັນ​ນ້ອຍ​ລົງ ​ແລະ ​ຄິດ​ເອົາ​ເອງ​ວ່າ​ຢູ່​ກັນ​ມາ​ຕັ້ງ​ດົນ​ໜ້າ​ຈະ​ຮູ້​ວ່າ​ອີກ​ຝ່າຍ​ຄິດ ​ແລະ ​ຕ້ອງ​ການ​ຫຍັງ ເຊິ່ງ​ຖ້າ​ເບິ່ງ​ແລ້ວ​ເຂົ້າໃຈ​ຖືກ​ກໍ​ດີ​ໄປ ​ຖ້າ​ແປ​ຄວາມໝາຍ​ຜິດ​ກໍ​ອາດ​ເຮັດໃຫ້​ຄອບຄົວ​ມີ​ບັນຫາ​ໄດ້. ທາງ​ທີ່​ດີ​ຄວນ​ຮຽນ​ຮູ້​ທີ່​ຈະ​ເວົ້າ​ ແລະ​ ສະແດງ​ອອກ​ວ່າ​ເຈົ້າ​ຮູ້ສຶກ​ແນວໃດ ເພື່ອ​ໃຫ້​ອີກ​ຝ່າຍ​ເຂົ້າໃຈ​ວ່າ​ເຈົ້າ​ກຳ​ລັງ​ຮູ້ສຶກ​ແນວໃດ ແລະ ຕ້ອງ​ການ​ຫຍັງ.

4. ການ​ຮູ້​ຈັກ​ຂໍອະໄພ​ຈາກ​ກັນ: ຫາກ​ຄູ່ສົມລົດ​ຍອມ​ຮັບ​ເຊິ່ງ​ກັນ ​ແລະ ​ກັນ​ເທົ່າ​ທີ່​ສາມາດ​ຍອມ​ຮັບ​ກັນ​ໄດ້​ ແລະ​ ພະຍາຍາມ​ປັບຕົວ​ໃຫ້​ຫຼາຍ​ທີ່ສຸດ​ເທົ່າ​ທີ່​ຈະ​ເຮັດ​ໄດ້, ແຕ່​ກໍ​ຍັງມີ​ເລື່ອງ​ທີ່​ຄູ່​ຂອງ​ເຮົາ​ເຮັດ​ໃນ​ສິ່ງ​ທີ່​ກໍ່​ໃຫ້​ເກີດ​ຄວາມ​ເສຍ​ໃຈ​ຂຶ້ນ​ໃນ​ຄວາມ​ສຳພັນ​ລະຫວ່າງ​ກັນ. ທັງສອງຄວນ​ຮູ້​ຈັກ​ໃຫ້​ອະ​ໄພ ບໍ່​ເກັບ​ຄວາມ​ແຄ້ນ​ເຄືອງ​ຂຸ່ນ​ເຄືອງ​ໄວ້​ໃນໃຈ. ສິ່ງ​ນີ້​ຖື​ເປັນ​ສິ່ງ​ທີ່​ດີ​ຫຼາຍ​ໃນ​ຊີວິດ​ສົມ​ລົດ.

5. ການ​ມີ​ເວລາ​ຢູ່​ຮ່ວມ​ກັນ: ຫຼັງ​ແຕ່​ງດອງຄູ່ສົມລົດ​ຄວນ​ມີ​ເວລາ​ໃຫ້​ກັນ ເພື່ອ​ໃຊ້​ເວລາ​ໃນ​ການ​ຢູ່​ຮ່ວມ​ກັນ. ສິ່ງ​ນີ້​ຖື​ເປັນ​ສິ່ງ​ສຳຄັນ​ສຳລັບ​ຊີວິດ​ຄູ່ ເພາະ​ການ​ມີ​ເວລາ​ຢູ່​ຮ່ວມ​ກັນ​ຍອມ​ຮັບ​ເຮັດໃຫ້​ເຈົ້າ​ສາມາດ​ສື່​ສານ​ກັບ​ຄູ່​ໄດ້​ຢ່າງ​ມີ​ປະ​ສິດ​ທິ​ພາບ​ຫຼາຍ​ຂຶ້ນ ໂດຍ​ສະເພາະ​ໃນ​ຍຸກ​ປັດຈຸບັນ​ທີ່​ຕ່າງ​ຄົນ​ຕ່າງ​ຕ້ອງ​ເຮັດວຽກ​ນອກ​ເຮືອນ, ເວລາ​ມີ​ໃຫ້​ກັນ​ອາດຈະ​ບໍ່​ເທົ່າໃດ ແຕ່​ເຈົ້າ​ທັງ​ສອງ​ສາມາດ​ເຮັດໃຫ້​ເວລາ​ທີ່​ມີ​ຢູ່ໃນ​ແຕ່​ລະ​ມື້​ມີ​ຄຸນນະພາບ​ຢ່າງ​ແທ້​ຈິງ ໂດຍ​ການເຮັດ​ກິດຈະກຳ​ທີ່​ພໍ​ໃຈ ​ແລະ ​ມີ​ຄວາມ​ສຸ​ກຮ່ວມ​ກັນ ຕະຫຼອດ​ຈົນ​ເຈົ້າ​ຄວນ​ໃຫ້​ຄວາມ​ສົນ​ໃຈ​ຕໍ່​ສິ່ງ​ທີ່​ເຈົ້າ​ມັກ​ດ້ວຍ​ເຊັ່ນກັນ. ແນວໃດ​ກໍ​ຕາມ​ການ​ມີ​ຊ່ອງ​ວ່າງ​ໃນ​ຄວາມ​ສຳພັນ​ລະຫວ່າງ​ກັນ​ດ້ວຍ​ຄວນ​ເປັນ​ເລື່ອງ​ທຳມະດາ​ ແລະ ​ອາດ​ເປັນ​ສີ​ສັນ​ໃນ​ການ​ໃຊ້​ຊີວິດ​ຄູ່.

6. ເພດ​ສຳພັນ​ໃນ​ຊີວິດ​ຄູ່: ການສ້າງ​ຄວາມ​ສົມ​ດຸນ​ໃນ​ເລື່ອງ​ເພດ​ສຳພັນ ຄວນ​ນຳ​ມາ​ເຊິ່ງ​ຄວາມເພິງພໍໃຈຂອງ​ຄູ່ສົມລົດ ແລະ ​ຖື​ເປັນ​ເລື່ອງ​ສຳຄັນ​ຢ່າງ​ຍິ່ງ​ທີ່​ຈະ​ຊ່ວຍ​ໃຫ້​ຊີວິດ​ຄູ່​ເປັນໄປດ້ວຍດີ ​ແລະ ​ເປັນ​ສຸກ. ຄູ່ສົມລົດ​ຈຳ​ເປັນ​ຕ້ອງ​ຮຽນ​ຮູ້​ຄວາມ​ຕ້ອງ​ການ​ຂອງ​ກັນ ​ແລະ ​ກັນ ຮູ້​ວ່າ​ຄູ່​ຂອງ​ເຮົາ​ມັກ​ ຫຼື​ ບໍ່​ມັກ​ຫຍັງ, ແບບໃດ​ກັນ​ທີ່​ເຮັດໃຫ້​ຄູ່​ຂອງ​ເຮົາ​ມີ​ຄວາມ​ສຸກ ເພື່ອ​ນຳ​ໄປ​ສູ່​ການ​ປັບ​ປຸງ​ຄວາມ​ສຳພັນ​ທາງ​ເພດ​ໃຫ້ເພິງພໍໃຈນຳກັນ​ທັງ​ສອງ​ຝ່າຍ.

7. ຮຽນ​ຮູ້ ​ແລະ ທຳ​ຄວາມ​ເຂົ້າໃຈ​ທຳມະຊາດ​ຄວາມ​ແຕກ​ຕ່າງລະຫວ່າງ​ເພດ​ຊາຍ​ ແລະ ເພດ​ຍິງ: ເພາະ​ຄວາມ​ແຕກ​ຕ່າງ​ລະຫວ່າງ​ເພດ​ສົ່ງ​ຜົນ​ຕໍ່​ຄວາມ​ຄິດ ​ແລະ ​ພຶດຕິກຳ​ຕ່າງ​ກັນ, ທຳມະຊາດ​ຜູ້​ຊາຍ​ຈະ​ມັກ​ໃຊ້​ເຫດຜົນ ບໍ່​ສົນ​ໃຈ​ເລື່ອງ​ຄວາມ​ຮູ້ສຶກ​ມີ​ຄວາມ​ສຸ​ຂຸມ ​ແລະ ​ແຂງ​ແຮງ​ຫຼາຍກວ່າ, ຕ້ອງ​ການ​ຄວາມ​ເປັນ​ສ່ວນຕົວ, ຢ້ານ​ການ​ຂາດ​ອິດສະຫຼະ, ແຕ່​ຕ້ອງ​ການ​ເບິ່ງ​ແຍງ​ເອົາ​ໃຈ​ໃສ່, ຖື​ອຳນາດ, ກຽດ ​ແລະ ​ສັກ​ສີ, ຕ້ອງ​ການ​ເປັນ​ຜູ້​ນຳ, ບໍ່​ມັກ​ເວົ້າ​ເລື່ອງ​ໄຮ້​ສາລະ, ບໍ່​ມັກ​ການ​ຖືກ​ຕຳ​ໜິ ແລະ ການ​ຈົ່ມ. ໃນ​ຂະນະ​ທີ່​ຜູ້ຍິງ​ຈະ​ມີ​ລັກສະນະ​ກົງ​ກັນ​ຂ້າມ ແຕ່​ຫາກ​ເບິ່ງ​ວ່າ​ນີ້​ຄື​ທຳມະຊາດ​ທີ່​ແຕກ​ຕ່າງ​ກັນ ແລະ​ ພ້ອມ​ທີ່​ຈະ​ປັບຕົວ​ໃຫ້​ເຂົ້າ​ກັນ​ໄດ້ ​ແລະ ​ຮູ້​ຈັກ​ໃຊ້​ສ່ວນ​ດີ​ຂອງ​ແຕ່​ລະ​ຝ່າຍ​ທີ່​ທຳມະຊາດ​ສ້າງ​ມາ ເມື່ອ​ນັ້ນ​ຊີວິດ​ຄູ່​ຈະ​ມີ​ຄວາມ​ສຸກ.

8. ຮູ້​ຈັກ​ພາລະ​ໜ້າທີ່​ໃນ​ຄອບຄົວ​ ແລະ ​ຊ່ວຍ​ເຫຼືອ​ກັນ: ຜົວ-ເມຍ​ຈະ​ມີບົດ​ບາດ ​ແລະ ​ໜ້າທີ່​ຂອງ​ຕົນເອງ. ໂດຍ​ທົ່ວ​ໄປ​ທັງ​ສອງຈະ​ມີບົດບາດ​ໜ້າທີ່​ສຳຄັນ​ໃນ​ການ​ເປັນ​ຜົວເມຍ, ການ​ຫາ​ລ້ຽງ​ຊີບ, ເຮັດວຽກ​ເຮືອນ ແລະ​ ລ້ຽງ​ລູກ. ດັ່ງ​ນັ້ນ​ຈຶ່ງ​ຄວນລົມ​ກັນ​ວ່າ ​ແຕ່​ລະ​ຝ່າຍ​ມີບົດບາດ​ໜ້າທີ່​ດັ່ງ​ກ່າວ​ຫຼາຍ​ໜ້ອຍ​ສໍ່າ​ໃດ​ ແລະ ​ແນວໃດ.

9. ການ​ຈັດການ​ກັບ​ຄວາມ​ຂັດ​ແຍ້ງ: ຄວາມ​ຂັດ​ແຍ້ງ​ຖື​ເປັນ​ເລື່ອງ​ປົກກະຕິ​ຂອງ​ການ​ໃຊ້​ຊີວິດ​ຄູ່. ດັ່ງ​ນັ້ນ​ເມື່ອ​ເກີດ​ຄວາມ​ຂັດ​ແຍ້ງ ການ​ເວົ້າຈາຢ່າງ​ກົງ​ໄປ​ກົງ​ມາ​ຈະ​ຊ່ວຍ​ໃຫ້​ສະຖານະການ​ດີ​ຂຶ້ນ ເພາະ​ຈະ​ນຳ​ໄປ​ສູ່​ການ​ຫາ​ແນວ​ທາງ​ແກ້​ໄຂ​ຮ່ວມ​ກັນ. ຈຸດ​ສຳຄັນ​ໃນ​ການ​ເວົ້າຈາ ບໍ່​ຄວນ​ເວົ້າຈາ​ກັນ​ໃນ​ຂະນະ​ທີ່​ອາລົມ​ເຄັ່ງຕຶງ, ເພາະ​ຈະ​ນຳ​ໄປ​ສູ່​ການ​ໂຕ້ຖຽ​ງ​ກັນ​ຫຼາຍກວ່າ. ຄວນລໍຖ້າ​ໃຫ້​ຕ່າງ​ຝ່າຍ​ຕ່າງ​ອາລົມ​ເຢັນ​ ແລ້ວ​ມາ​ເວົ້າຈາ​ປັບ​ຄວາມ​ເຂົ້າໃຈ​ ແລະ​ ຮ່ວມ​ກັນ​ແກ້​ໄຂ​ບັນຫາ​ທີ່ເກີດຂຶ້ນ.

10. ເສີມ​ຄວາມ​ຮັກ​ໃຫ້​ເຕີບໂຕ: ເມື່ອ​ຄູ່ສົມລົດ​ຕ້ອງ​ການ​ໃຊ້​ຊີວິດ​ຄູ່​ຮ່ວມ​ກັນ ທັງ​ສອງ​ຕ່າງ​ກໍ​ຕ້ອງ​ການ​ຄວາມ​ຮັກ, ຄວາມ​ເຂົ້າໃຈ ແລະ ການ​ເບິ່ງ​ແຍງ​ເອົາ​ໃຈ​ໃສ່​ເຊິ່ງ​ກັນ ​ແລະ ​ກັນ. ດັ່ງ​ນັ້ນ​ການ​ສະແດງ​ອອກ​ວ່າ​ຮັກ ແລະ​ ເຫັນ​ຄຸນຄ່າ​ຂອງ​ກັນ ​ແລະ ​ກັນ​ຢ່າງ​ສະໝໍ່າ​ສະເໝີ​ຖື​ເປັນ​ເລື່ອງ​ສຳຄັນ ເພາະ​ຈະ​ເປັນ​ສິ່ງ​ທີ່​ຈະ​ຊ່ວຍ​ໃນ​ການ​ຫຼໍ່​ລ້ຽງ​ຈິດ​ໃຈ​ຂອງ​ທັງ​ສອງ​ຝ່າຍ.

11. ບໍລິຫານ​ຈັດການ​ເລື່ອງ​ການ​ເງິນ: ເພາະ​ບັນຫາ​ເລື່ອງ​ການ​ເງິນ​ມັກ​ເປັນ​ບັນຫາ​ໃຫຍ່​ກັບ​ຄູ່ສົມລົດ​ໃໝ່​ເນື່ອງ​ຈາກ​ກຳ​ລັງ​ຢູ່ໃນຳໄລຍະ​ສ້າງ​ຄອບຄົວ ແລະ ​ມີ​ພາລະ​ທີ່​ຕ້ອງ​ໃຊ້​ຈ່າຍ​ຫຼາຍກວ່າ​ຊີວິດ​ໂສດ. ດັ່ງ​ນັ້ນ ຄູ່ສົມລົດ​ບໍ່​ຄວນ​ປິດ​ບັງ​ກັນ​ໃນ​ເລື່ອງ​ການ​ເງິນ, ຕ້ອງ​ກາ​ນວາງ​ແຜນ​ຮ່ວມ​ກັນ​ກ່ຽວ​ກັນ​ການ​ໃຊ້​ຈ່າຍ​ເພື່ອ​ຄອບຄົວ ໂດຍ​ຄວນ​ປະ​ຢັດ ​ແລະ ​ໃຊ້​ເປັນ​ເລື່ອງ​ຈຳ​ເປັນ. ສ່ວນໜຶ່ງ​ຕ້ອງ​ກັນ​ໄວ້​ເປັນ​ເງິນທ້ອນ​ສຳລັບ​ສະມາຊິກ​ໃນ​ອະນາຄົດ, ບໍ່​ຄວນ​ໃຫ້​ບັນຫາ​ເສດຖະກິດ​ເປັນ​ສາ​ເຫດ​ຂອງ​ບັນຫາ​ອື່ນໆ ທີ່​ຈະ​ສ້າງ​ຄວາມ​ຂັດ​ແຍ້ງ​ໃຫ້​ຊີວິດ​ບໍ່​ມີ​ຄວາມ​ສຸກ.

12. ມີ​ຊີວິດ​ທີ່​ເປັນ​ຂອງ​ຕົນເອງ​ນຳ: ເພາະ​ເຖິງ​ແມ່ນ​ວ່າ​ທັງສອງຈະ​ແຕ່ງດອງກັນ ແຕ່​ຕ່າງ​ຝ່າຍ​ຕ່າງ​ກໍ​ຍັງມີ​ຄວາມ​ເປັນຕົວ​ຂອງຕົວ​ເອງ. ດັ່ງ​ນັ້ນ ຈຶ່ງ​ບໍ່​ຄວນ​ຮັກ ​ຫຼື​ ໃສ່​ໃຈ​ຄົນ​ອ້ອມ​ຂ້າງ​ຈົນ​ລະ​ເລີຍ​ຕົນເອງ​ໄປ​. ໃຫ້ລະນຶກໄວ້​ສະເໝີວ່າ ບໍ່​ມີ​ໃຜ​ຢາກ​ຮັກ​ ຫຼື​ ຜູກ​ພັນ​ກັບ​ຄົົນທີ່​ບໍ່​ຮັກ​ຮອດ​ຕົນເອງ, ບໍ່​ເບິ່ງ​ແຍງ​ຕົນເອງ​ເປັນ​ເລື່ອງ​ສຳຄັນ ເພາະ​ຫາກເຈົ້າ​ຮູ້​ຈັກ​ເບິ່ງ​ແຍງ​ຕົນເອງ ເຈົ້າ​ກໍ​ຈະ​ມີ​ຄວາມ​ພ້ອມ​ທີ່​ຈະ​ເບິ່ງ​ແຍງ​ຄົນ​ຮັກ​ໄດ້​ດີ​ເຊັ່ນ​ກັນ.

Advertisement Replay Ad

ຂໍຂອບໃຈ

ຂໍ້ມູນ : sanook

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

ຈົບມາໃໝ່ໆບໍ່ຮູ້ວ່າຈະເຮັດວຽກຫຍັງດີຈຶ່ງຈະເໝາະກັບຕົວເອງທີ່ສຸດ? ບົດຄວາມນີ້ຊ່ວຍທ່ານໄດ້

10 ທັກສະທີ່ເຈົ້າຕ້ອງມີໃນ Resume (ຊີວະປະຫວັດຫຍໍ້) ຖ້າເຈົ້າຢາກໄດ້ວຽກທີ່ຕ້ອງການ

10 ທັກສະທີ່ເຈົ້າຕ້ອງມີໃນ Resume (ຊີວະປະຫວັດຫຍໍ້) ຖ້າເຈົ້າຢາກໄດ້ວຽກທີ່ຕ້ອງການ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ