ລວມສຸດຍອດ "ນາງງາມຜິວສີ" ງາມລະດັບໂລກແຫ່ງປີ 2019

ໄລຍະ​ທ້າຍ​ປີ ເປັນໄລຍະ​ເວລາ​ແຫ່ງ​ການປະ​ກວດ​ເຟ້ນ​ຫາ "ນາງ​ງາມ" ຂອງ​ແຕ່​ລະ​ເວ​ທີ​ເລີຍ​ກໍ​ວ່າ​ໄດ້ ໃນ​ປີ 2019 ນີ້ ເວົ້າໄດ້ວ່າ​ເປັນ​ປີ​ຄຳທີ່ມາແຮງ​ຂອງ​ແມ່ຍິງ​ຜິວ​ສີ ຍ້ອນ​ໃນ​ປີ​ນີ້ "ສາວ​ຜິວ​ສີ" ກວາດລາງ​ວັນ​ເທິງ​ເວ​ທີ​ນາງ​ງາມ​ລະດັບ​ໂລກ​ຫຼາຍ​ເວ​ທີ. ຈະ​ມີ​ໃຜ ຈາກ​ປະເທດ​ໃດ ງາມ​ສົມ​ມຸງກຸດ​ສໍ່າ​ໃດ ມາ​ສ່ອງ​ພ້ອມ​ກັນ.

ເລີ່ມ​ທີ່ເວ​ທີ​ທີ່​ຫາກໍ່ປະ​ກາດ​ຜົນ​ໄປສົດໆຮ້ອນ​ໆ ສຳລັບໜຶ່ງ​ເວ​ທີ​ໃຫຍ່​ຂອງ​ການປະ​ກວດ​ນາງ​ງາມ​ປະຈຳ​ປີ "Miss World 2019" ທີ່ Toni-Ann Singh ສາວ​ງາມ​ສຽງ​ຊົງ​ພະລັງ​ຈາກ​ປະເທດ Jamaica ຄວ້າມ​ຸງກຸດ​ຟ້າ "Miss World 2019" ຄົົນທີ 69 ໄປ​ຄອງ​ໄດ້​ສຳ​ເລັດ.

ຕໍ່​ທີ່​ເວ​ທີ​ນາງ​ງາມ​ອັນ​ເກົ່າ​ແກ່​ ແລະ ​ຍິ່ງ​ໃຫຍ່ ຢ່າງ "Miss Universe 2019" ທີ່​ຈັດ​ຂຶ້ນ​ເປັນ​ຄັ້ງ​ທີ 68 ອີກ​ໜຶ່ງ​ນາງ​ງາມ​ຜິວ​ສີ ກັບ​ຜົມ​ສັ້ນ​ມີ​ເອກ​ະລັກ​ Zozibini Tunzi ໄວ 26 ປີ ໜຶ່ງ​ໃນ​ຕົວ​ເຕັງ ສາວ​ງາມ​ຈາກ​ປະເທດ SouthAfrica ຄວ້າມຸ​ງກຸດ Mouward ມູນ​ຄ່າເກືອບ 45 ຕື້ກີບໄປຄອງ.

ອີກ​ໜຶ່ງ​ເວ​ທີ​ການປະ​ກວດ​ເຟ້ນ​ຫາ​ນາງ​ງາມ​ເວ​ທີ​ໃຫຍ່ "Miss USA 2019" ການປະ​ກວດ​ຫາ​ສາວ​ງາມ​ຕົວ​ແທນ​ປະເທດ​ສະ​ຫະລັດ​ອາ​ເມ​ຣິ​ກາ ເພື່ອ​ຊີງ​ມົງ​ກຸດ​ນາງ​ງາມ​ຈັກກະວານປີ​ນີ້. Cheslie Kryst ສາວ​ໄວ 28 ປີ  ທ​ະນາຍ ​ແລະ ​ນັກ​ອອກ​ແບບ​ແຟ​ຊັນ​ຈາກ North Carolina ຄວ້າມຸ​ງ​ກຸດ​ໄປ​ຄອງ​ໄດ້​ສຳ​ເລັດ.

Nia Franklin ສາວ​ງາມ​ຜິວ​ສີ​ໄວ 25 ປີ ຜູ້​ເປັນ​ເຈົ້າ​ຂອງ​ຕຳແໜ່ງ "Miss America 2019" ຜູ້​ມາ​ພ້ອມ​ພະລັງ​ສຽງ​ໂອ​ເປຣາ​ສຸດ​ມ່ວນ ແລະ​ ຍັງ​ເປັນ​ນາງ​ງາມ​ຄົນທຳອິດ​ທີ່​ຊະນະ​ການປະ​ກວດ Miss America ໂດຍ​ບໍ່​ຕ້ອງ​ສວມ​ຊຸດ​ລອຍ​ນໍ້າອີກ​ດ້ວຍ.

ປິດ​ທ້າຍ​ທີ່ Kaliegh Garris ສາວ​ນ້ອຍ​ໄວ 19 ປີ ນາງ​ງາມ​ຜິວ​ສີ​ທີ່​ມາ​ພ້ອມ​ຊົງ​ຜົມ​ທຳມະຊາດ​ສຸດ​ໝັ້ນໃຈ​ຊົງ​ແອ​ຟ​ໂຟ ຜູ້​ຄວ້າມຸ​ງ​ກຸດ Miss Teen USA ປັດຈຸບັນ​ກຳ​ລັງ​ສຶກ​ສາ​ຢູ່​ທີ່ Southern Connecticut State University ໃນ​ສາ​ຂາ​ການ​ສື່​ສານ.