ວັນອັງຄານ ທີ 18 ພຶດສະພາ 2021

ລວມ 7 ວິທີແຕ່ງໜ້າແບບຜິດໆ ແຕ່ງແລ້ວບໍ່ລອດ ແຖມເຮັດໃຫ້ໜ້າແກ່ກ່ອນໄວ

ລວມ 7 ວິທີແຕ່ງໜ້າແບບຜິດໆ ແຕ່ງແລ້ວບໍ່ລອດ ແຖມເຮັດໃຫ້ໜ້າແກ່ກ່ອນໄວ

ຜູ້ຍິງ ກັບ ເຄື່ອງສຳອາງ ເປັນຂອງຄູ່ກັນ, ມື້ໃດທີ່ບໍ່ໄດ້ ບາງຄົນກໍຈະຮູ້ສຶກບໍ່ຢາກອອກຈາກບ້ານເລີຍກໍມີແມ່ນບໍ່ ເພາະການແຕ່ງໜ້ານັ້ນຈະຊ່ວຍເສີມຄວາມງາມ ແລະ ເຮັດໃຫ້ເຮົາຮູ້ສຶກໝັ້ນໃຈຍິ່ງຂຶ້ນ ແຕ່ກົງກັນຂ້າມຖ້າສາວໆຫາກແຕ່ງໜ້າຜິດວິທີ ຫຼື ແຕ່ງແບບທີ່ບໍ່ເຂົ້າກັບໂຕເອງ ຮັບຮອງວ່າຊີວິດປ່ຽນແນ່ນອນ ເພາະແທນທີ່ຈະອອກມາງາມ ກາຍເປັນວ່າໜ້າເຮົາອາດຈະເບິ່ງແກ່ກ່ອນອາຍຸກໍເປັນໄດ້.

ຖ້າສາວໆຢາກຈະລອງມາເຊັກເບິ່ງວ່າວິທີແຕ່ງໜ້າທີ່ຕົນເອງເຮັດຢູ່ທຸກມື້ນີ້ມັນຜິດຫຼືບໍ່ ລອງມາເບິ່ງນຳກັນເລີຍ.

1. ຮອງພື້ນໜາ ແລະ ຜິວແມັທເກີນໄປ

ເຊື່ອໂລດວ່າຖ້າເລືອກຮອງພື້ນຜິດ ກໍເທົ່າກັບວ່າເຮົາພາດຕັ້ງແຕ່ເລີ່ມຕົ້ນແຕ່ງໜ້າແລ້ວ ໂດຍສະເພາະສາວໆທີ່ມັກລົງຮອງພື້ນໜາເກີນ ເພາະຄິດວ່າການໂບກຮອງພື້ນລົງໄປຫຼາຍໆຈະຊ່ວຍປົກປິດພວກຮອຍສິວ, ຈຸດດ່າງດຳ ແລະ ຮ່ອງຮອຍຕ່າງໆເທິງຜິວໜ້າໄດ້ແບບນຽນໆຂັ້ນສຸດ ແຕ່ຄວາມຈິງແລ້ວການລົງຮອງພື້ນໜາໆ ນອກຈາກຈະເຮັດໃຫ້ຜິວໜ້າໜາ, ເບິ່ງບໍ່ເປັນທຳມະຊາດແລ້ວ ຍັງເຮັດໃຫ້ໜ້າເຮົາແກ່ກ່ອນໄວອີກດ້ວຍ.

ນອກຈາກນັ້ນ, ຖ້າຮອງພື້ນທີ່ເຮົາໃຊ້ຫາກເຮັດໃຫ້ຜິວໜ້າແມັທ (Matte) ເກີນໄປຈົນເຮັດໃຫ້ຜິວແຫ້ງ ກໍຈະຍິ່ງເຫັນຮອຍເທິງໃບໜ້າຢ່າງຊັດເຈນ, ຜິວແຫ້ງຄືຂາດນໍ້າ ແລະ ກາຍເປັນສາວຜິວຫ່ຽວຂຶ້ນມາແບບບໍ່ຮູ້ໂຕ. ທາງທີ່ດີເຮົາຂໍແນະນຳໃຫ້ປ່ຽນມາເລືອກໃຊ້ຮອງພື້ນທີ່ມີສ່ວນປະສົມຂອງ ມອຍສ໌ເຈີໄຣເຊີ ທີ່ຊ່ວຍໃຫ້ຄວາມຊຸ່ມຊື່ນ ແລະ ໄດ້ຜິວແບບຊຸ່ມນໍ້າ ຫຼື ລອງໃຊ້ວິທີລົງຮອງພື້ນບາງໆ ແບບເຜີຍຜິວໜ້າແທ້ຈະດີກວ່າ.

2. ເລືອກສີຄອນຊິລເລີຜິດ

ຖ້າສາວໆຄົນໃດທີ່ກຳລັງພົບກັບບັນຫາສິວ, ຮອຍສິວ, ຮອຍດຳແດງ ຫຼື ຮອຍຄໍ້າບໍລິເວນໃຕ້ຕາທີ່ກວນໃຈຢູ່ຕອນນີ້ ໄອເທັມເດັດທີ່ຈະຂາດບໍ່ໄດ້ເລີຍຄືຈະແມ່ນ “ຄອນຊິລເລີ” ນັ້ນເອງ ເພາະເປັນໂຕຊ່ວຍທີ່ດີທີ່ຈະຊ່ວຍປົກປິດຮອຍຕ່າງໆ, ໃຫ້ຜິວນຽນໃສຂຶ້ນກວ່າເກົ່າໄດ້ ແຕ່ຖ້າເລືອກສີຜິດເທົ່ານັ້ນແຫຼະຈະເຮັດໃຫ້ໜ້າເຮົາແກ່ຂຶ້ນໄດ້ຄືກັນ.

ຫຼາຍຄົນມັກຈະມີຄວາມເຊື່ອແບບຜິດໆທີ່ວ່າ ຖ້າຢາກລຶບຮອຍໃຕ້ຕາໃຫ້ຫາຍໄປ ຈະຕ້ອງເລືອກໃຊ້ຄອນຊິລເລີທີ່ສີແຈ້ງໆໄວ້ກ່ອນແມ່ນບໍ່? ແຕ່ຂໍບອກເລີຍວ່າການໃຊ້ຄອນຊິລເລີສີທີ່ແຈ້ງເກີນໄປ ກໍຈະຍິ່ງເຮັດໃຫ້ເຫັນຮອຍ ແລະ ເນັ້ນໃຫ້ສ່ວນທີ່ຕ້ອງການປົກປິດນັ້ນ ເດັ່ນຂຶ້ນກວ່າເກົ່າອີກ ເຊິ່ງວິທີໃນການເລືອກສີຄອນຊິລເລີທີ່ເໝາະສົມກັບບໍລິເວນໃຕ້ຕານັ້ນ ຄວນເລືອກສີທີ່ໃກ້ຄຽງກັບສີຜິວຫຼາຍທີ່ສຸດ ແລ້ວຄ່ອຍໆທາລົງໄປແບບບາງໆ ກໍຈະຊ່ວຍໃຫ້ຜິວນຽນຂຶ້ນໄດ້ງ່າຍໆແລ້ວ.

3. ແຕ່ງໜ້າຈັດເຕັມ ແຕ່ພາດບ່ອນຄິ້ວໂລ້ນ

ເຖິງວ່າການແຕ່ງໜ້າເຮົາຈະງາມເລີດຂະໜາດໃດ ແຕ່ຖ້າປ່ອຍໃຫ້ຄິ້ວເປັນໂລ້ນໆ ກໍຄືເບິ່ງຄືແກ່ໄປເລີຍ ເພາະສາວໆເຄີຍສັງເກດບໍ່ວ່າຄົນທີ່ອາຍຸແກ່ແລ້ວສ່ວນຫຼາຍຄິ້ວຈະບາງລົງຈົນເຫັນໄດ້ຊັດເຈນ. ແຕ່ຖ້າຢາກງາມແບບໃສໆມີຄວາມເປັນທຳມະຊາດ ກໍໃຫ້ແຕ້ມຄິ້ວບາງໆຕາມໂຄງຄິ້ວເດີມຂອງຕົນເອງ ຈະຊ່ວຍໃຫ້ໜ້າເດັກລົງໄດ້.

4. ຄອນທົວ/ໄຮໄລ້ ຜິດວິທີ ຍິ່ງເນັ້ນໃຫ້ເຫັນຮອຍຊັດເຈນຂຶ້ນ

ໃຜທີ່ຢາກຈະແຕ່ງໃຫ້ໜ້າເປັນຮູບໂຕວີ (V-Shape) ຫຼື ເນັ້ນສັດສ່ວນເທິງໃບໜ້າໃຫ້ແຫຼມຂຶ້ນກວ່າເກົ່າແບບບໍ່ຕ້ອງອາໄສມີດໝໍນັ້ນ ກໍຄືຈະຕ້ອງເພິ່ງພາພະລັງແຫ່ງການແຕ່ງໜ້າດ້ວຍການໃຊ້ “ຄອນທົວ” ມາເສດດິງຂອບໜ້າ ແລະ ໃຊ້ “ໄຮໄລ້” ມາປັດເພື່ອເພີ່ມຄວາມແຈ້ງໃຫ້ໜ້າ.

ແຕ່ສຳລັບໃຜທີ່ເປັນມືໃໝ່ເລີ່ມເຝິກແຕ່ງໜ້າ ຫຼື ຍັງບໍ່ລຶ້ງເຄີຍໃນການໃຊ້ຄອນທົວ ຫຼື ໄຮໄລ້ນັ້ນ ກໍຕ້ອງລະວັງກັນໃຫ້ດີເລີຍ ເພາະຖ້າປັດໜັກມືໂພດອາດຈະເຮັດໃຫ້ຂອບໜ້າແຈ້ງຈົນເກີນໄປ, ຜິວໜ້າໝອງ ເບິ່ງເປັນໂຊມໆ ບໍ່ສົດໃສ ຫຼື ເວົ້າອີກຢ່າງໜຶ່ງຄືຍິ່ງເສດດິງໜ້າກໍຍິ່ງເບິ່ງຄືແກ່. ສະນັ້ນ, ສຳລັບມືໃໝ່ເຮົາຈຶ່ງແນະນຳໃຫ້ໃຊ້ຜະລິດຕະພັນພວກນີ້ໃນຮູບແບບເນື້ອຄຣີມຈະດີກວ່າ ເພາະຈະໃຫ້ຄວາມຮູ້ສຶກທີ່ເປັນທຳມະຊາດກວ່າ.

5. ແຕ່ງຕາສີເຂັ້ມ ແຕ້ມອາຍລາຍເນີເສັ້ນໜາເກີນ

ທາງເຮົາເຂົ້າໃຈວ່າຫຼາຍຄົນຄົງຈະມັກແຕ່ງກັນແບບສຸດຂີດ ທັງສີເປືອກຕາ ທັງອາຍລາຍເນີ ແຕ່ເມື່ອແຕ່ງໄປແຕ່ງມາກໍຮູ້ສຶກວ່າຈະມັນມືຈົນເບົ້າຕາເຂັ້ມເກີນໄປ, ອາຍລາຍເນີກໍເສັ້ນໜາໂພດ. ເຖິງແມ່ນວ່າການແຕ່ງຕາສີເຂັ້ມຈະຊ່ວຍໃຫ້ໜ້າເຮົາຄົມເຂັ້ມຂຶ້ນ ແຕ່ກໍອາດຈະເຮັດໃຫ້ເຮົາເບິ່ງແກ່ກ່ອນອາຍຸໄດ້ເຊັ່ນກັນ.

ແຕ່ເຖິງຢ່າງໃດກໍຕາມ ຈະປ່ອຍໃຫ້ຕາໂລ້ນໆໄວ້ຊື່ໆແບບບໍ່ແຕ່ງເລີຍກໍບໍ່ໄດ້ ເພາະຈະເຮັດໃຫ້ສາວໆບາງຄົນເບິ່ງຄືຕາລອຍໆ. ສະນັ້ນແລ້ວ ລອງປ່ຽນມາແຕ່ງຕາແບບບາງໆ ດ້ວຍອາຍແຊໂດສີສົມໃສ ເຊັ່ນ ສີບົວ, ສີນໍ້າຕານ, ສີສົ້ມ ແລະ ອື່ນໆ. ນອກນັ້ນ ຖ້າຢາກຈະເພີ່ມຄວາມຄົມໃຫ້ກັບດວງຕາ ກໍແນະນຳໃຫ້ໃຊ້ອາຍລາຍເນີສີນໍ້າຕານແທນສີດຳ ແລ້ວຂີດເສັ້ນບາງລົງໃຫ້ຕິດກັບໂຄນຂົນຕາໃຫ້ຫຼາຍທີ່ສຸດ ບໍ່ຕ້ອງໃຫ້ຫາງລາກຍາວອອກມາຫຼາຍເກີນໄປ ຮັບຮອງວ່າເທົ່ານີ້ກໍສົດໃສຂຶ້ນມາໄດ້ແລ້ວ.

6. ປັດແກ້ມເປັນວົງມົນ ສີແກ້ມເດັ່ນກວ່າສ່ວນອື່ນເກີນໄປ

ອີກໜຶ່ງຂັ້ນຕອນໃນການແຕ່ງໜ້າກໍຄືງານແກ້ມ, ສາວໆຢ່າຟ້າຄິດກັນໄປກ່ອນວ່າການປັດແກ້ມນັ້ນພຽງແຕ່ປັດໆຕົບໆໄປເທິງແກ້ມແບບມົ້ວໆ ໃຫ້ພໍມີສີສັນກໍພໍ ເພາະຖ້າໃຜທີ່ມັກປັດແກ້ມເປັນວົງມົນ ແລະ ຍັງມັກປັດແກ້ມມືໜັກຈົນສີແກ້ມເດັ່ນກວ່າສ່ວນອື່ນໆ ນອກຈາກຈະເຮັດໃຫ້ແກ້ມແດງເປັນກົ້ນລີງແລ້ວ ຍັງຖືເປັນຂໍ້ຜິດພາດສຳຄັນທີ່ຈະໄປເນັ້ນໃຫ້ຮອຍເທິງໃບໜ້າເດັ່ນຊັດຂຶ້ນມາອີກດ້ວຍ.

ທາງທີ່ດີຄວນເລືອກໃຊ້ສີປັດແກ້ມທີ່ເປັນສີບົວອ່ອນໆ ຫຼື ສີສົ້ມສີພີຊ ມາປັດເພື່ອເພີ່ມສີສັນໃຫ້ພວງແກ້ມ ແຕ່ຖ້າບໍ່ຮູ້ວ່າຮູບໜ້າຂອງຕົນເອງຄວນປັດແກ້ມແບບໃດຈຶ່ງຈະເຂົ້າກັນກັບໃບໜ້າທີ່ສຸດ ກໍໃຫ້ໃຊ້ວິທີປັດແກ້ມສຸດຄລາສິກດ້ວຍການປັດສີແກ້ມແບບຄ່ອຍໆ ລົງໄປທີ່ບໍລິເວນໂໜກແກ້ມ ກໍຈະໄດ້ແກ້ມບົວໆແບບຜິວສຸຂະພາບດີຢ່າງງ່າຍໆເລີຍ.

7. ທາປາກບາງໆ ແຖມມັກໃຊ້ລິບສະຕິກສີເຂັ້ມ

ປິດທ້າຍກັນດ້ວຍວິທີການແຕ່ງໜ້າແບບຜິດໆ ທີ່ເຮັດໃຫ້ໜ້າເຖົ້າກວ່າອາຍຸຂໍ້ສຸດທ້າຍ ເປັນວິທີການທາລິບສະຕິກ ເຊິ່ງເຮົາຈະເນັ້ນເລີຍວ່າສີປາກຖືເປັນອີກຈຸດໜຶ່ງທີ່ສຳຄັນທີ່ສຸດທີ່ສາມາດຊີ້ຊະຕາໄດ້ເລີຍວ່າ ເມັກອັບທີ່ເຮົາແຕ່ງມາມື້ນີ້ນັ້ນຈະເກີດຫຼືຈະດັບກັນແທ້.

ຖ້າສາວໆຮູ້ໂຕວ່າມັກທາປາກແບບບາງໆ ທັງຍັງມັກໃຊ້ລິບສະຕິກໂທນສີເຂັ້ມໆ ເຊັ່ນ ສີແດງ, ສີອິດ, ສີຕັບໝູ ແລະ ອື່ນໆ ກຽມຖືກເວົ້າໃຫ້ວ່າແຕ່ງໜ້າຄືແມ່ປ້າໄດ້ເລີຍ ເພາະລິບສະຕິກສີແບບນີ້ຈະເຮັດໃຫ້ເຮົາເບິ່ງເປັນຜູ້ໃຫຍ່ຂຶ້ນ. 

ເມື່ອຮູ້ແບບນີ້ແລ້ວກໍຕ້ອງຮີບປ່ຽນມາໃຊ້ລິບສະຕິກໂທນສີສົດໃສ ເຊັ່ນ ສີບົວ, ສີສົ້ມ, ສີພິຊ, ສີແດງອົມບົວ ແລະ ອື່ນໆ ແລ້ວຖ້າຢາກຈະອິນເທຣນແບບໜ້າຮັກໆ ກໍຢ່າລືມໃຊ້ເຕັກນິກການທາລິບແບບ Ombre ໄລ່ສີເຂັ້ມໆບໍລິເວນສົບດ້ານໃນ ແລ້ວຄ່ອຍໆປັດອອກໃຫ້ສີຈາງລົງທາງດ້ານນອກ ພຽງເທົ່ານີ້ກໍຈະໄດ້ສີປາກງາມໆແລ້ວ.

Advertisement Replay Ad

ຂໍຂອບໃຈ

ຂໍ້ມູນ : SistaCafe

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ທັກແຊັດເຂົາໄປກ່ອນຕ້ອງເຮັດແນວໃດ? ລວມເຄັດລັບທັກໄປແນວໃດບໍ່ໃຫ້ນົກ

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ຕ້ອງອ່ານ 10 ຄວາມລັບແຫ່ງອາຫານ! ໄຂມັນບໍ່ດີຕໍ່ສຸຂະພາບແທ້ບໍ່?

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ມີຄູ່ຊີວິດທີ່ດີມີໄຊໄປເກີນເຄິ່ງ! ຄວາມລັບຂອງຄວາມສຳເລັດທີ່ກ່ຽວພັນກັບຄູ່ຊີວິດທີ່ເຈົ້າເລືອກ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ແຈກຄູ່ມື ວິທີການ "ເຊົາໂສດ" ໃຫ້ທັນ ກ່ອນວັນແຫ່ງຄວາມຮັກຈະມາ

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຈົ້າຕ້ອງການເງິນເດືອນເທົ່າໃດ? ຄໍາຖາມງ່າຍໆທີ່ຕອບບໍ່ງ່າຍ ເຄັດລັບກ່ອນຕອບຄຳຖາມສຳພາດວຽກ!

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ເຄັດລັບການຕັ້ງຄຳປະຕິຍານປີໃໝ່ ເຮັດແບບນີ້ ຈະຊ່ວຍໃຫ້ເຈົ້າເຮັດມັນໄດ້ສຳເລັດ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ຣີວິວລິບສະຕິກຕີມງານແຕ່ງ ງານນີ້ເປັນແຂກງານໜ້າອາດເປັນເຈົ້າສາວ

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

ພັກຜ່ອນຕາກອາກາດ ທ່າມກາງທຳມະຊາດສີຂຽວກວ້າງໃຫຍ່ ແລະ ສວນກາເຟ ທີ່ Mystic Mountain Coffee

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

Soft Skills ແລະ Hard Skills ແມ່ນຫຍັງ? ຍ້ອນຫຍັງຈຶ່ງເປັນໂຕຕັດສິນວ່າຈະໄດ້ວຽກ ຫຼື ບໍ່?

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ເສຍໃຈແຕ່ຕ້ອງໄດ້ຄວາມຮູ້ພ້ອມ! ລວມຄຳສັບພາສາອັງກິດທີ່ກ່ຽວກັບ "ການຮ້ອງໄຫ້"

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ການໝັ້ນໝາຍ: ຮີດຄອງປະເພນີທີ່ມີຄຸນປະໂຫຍດ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ວິທີດູແລຮັກສານ້ອງສາວໃຫ້ມີສຸຂະພາບດີ ເຮັດແບບນີ້ນ້ອງຈະແຮັບປີ້ແນ່ນອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ