ວັນອັງຄານ ທີ 31 ມີນາ 2020

ກອງປະຊຸມສະພາແຫ່ງຊາດສະໄໝສາມັນເທື່ອທີ 8 ໄດ້ອັດລົງດ້ວຍຜົນສຳເລັດຈົບງາມ

ກອງປະຊຸມສະພາແຫ່ງຊາດສະໄໝສາມັນເທື່ອທີ 8 ໄດ້ອັດລົງດ້ວຍຜົນສຳເລັດຈົບງາມ

ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8 ໄດ້ດຳເນີນມາເປັນເວລາ 20 ວັນເລີ່ມແຕ່ວັນທີ 7 ພະຈິກ 2019 ມາເຖິງວັນທີ 6 ທັນວາ 2019 ໄດ້ອັດລົງດ້ວຍຜົນສຳເລັດຈົບງາມ ໂດຍເປັນປະທານຂອງ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ເປັນກຽດເຂົ້າຮ່ວມຂອງ ທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດ ຜູ້ນຳພັກ-ລັດ ອາດີດການນໍາຂັ້ນສູງ ສະມາຊິກສະພາແຫ່ງຊາດ ແລະ ແຂກທີ່ຖືກເຊີນເຂົ້າຮ່ວມ.

ທ່ານ ນາງ ປານີ ຢາທໍ່ຕູ້ ໄດ້ຂຶ້ນຜ່ານບົດສູດທອນພົດກ່າວອັດກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ 8 ວ່າ:ກອງປະຊຸມຄັ້ງນີ້ໄດ້ພິຈາລະນາຮັບຮອງເອົາກົດໝາຍ ຈໍານວນ 8 ສະບັບ ແລະ ມະຕິ 10 ສະບັບ ດ້ວຍຄະແນນສຽງສ່ວນຫຼາຍ ໄດ້ເປັນພື້ນຖານທາງດ້ານນິຕິກໍາທີ່ສໍາຄັນ ໃຫ້ແກ່ການພັດທະນາເສດຖະກິດ-ສັງຄົມ ການຄໍ້າປະກັນ ການປົກປ້ອງສິດອິດສະຫຼະພາບ ແລະ ສິດປະຊາທິປະໄຕ ຕາມທີ່ໄດ້ກໍານົດໄວ້ໃນລັດຖະທໍາມະນູນ ແລະ ກົດໝາຍ ກໍຄື ການປະຕິບັດພັນທະພື້ນຖານຂອງພົນລະເມືອງຕໍ່ລັດ.

ກອງປະຊຸມໄດ້ພິຈາລະນາ ແລະ ຮັບຮອງເອົາບັນຫາສໍາຄັນຂອງປະເທດຊາດ ເຊັ່ນ: ໄດ້ພິຈາ ລະນາ ແລະ ຮັບຮອງເອົາການສະເໜີແຕ່ງຕັ້ງບຸກຄະລາກອນຂອງຄະນະລັດຖະບານ ຈໍານວນ 2 ຕໍາ ແໜ່ງ ຄື: ລັດຖະມົນຕີກະຊວງແຜນການ ແລະ ການລົງທຶນ ແລະ ລັດຖະມົນຕີກະຊວງຖະແຫຼງຂ່າວ-ວັດທະນະທໍາ ແລະ ການທ່ອງທ່ຽວ ຜູ້ໃໝ່ ໄດ້ພິຈາລະນາ ແລະ ປະກອບຄວາມເຫັນໃສ່ບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຜນງົບປະມານແຫ່ງລັດປະຈໍາປີ 2019 ແລະທິດທາງປະຈໍາປີ 2020 ກອງປະຊຸມຕີລາຄາສູງຕໍ່ຄວາມພະຍາຍາມຂອງລັດຖະບານໃນການຊີ້ນໍາ-ນໍາພາ ບັນດາກະຊວງ ອົງການປົກຄອງທ້ອງຖິ່ນທຸກຂັ້ນ ແລະ ປຸກລະດົມໃຫ້ຜູ້ປະກອບການທັງພາຍໃນ ແລະຕ່າງປະເທດ ກໍຄື ປະຊາຊົນລາວບັນດາເຜົ່າ ພ້ອມກັນຜ່ານຜ່າຄວາມຫຍຸ້ງຍາກ ສິ່ງທ້າທາຍ ແລະ ສູ້ຊົນຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຜນງົບປະມານແຫ່ງລັດ ປີ 2019 ໄດ້ຮັບຜົນສໍາເລັດໃນຫຼາຍດ້ານເຮັດໃຫ້ປະເທດຊາດສືບຕໍ່ມີສະຖຽນລະພາບທາງດ້ານການເມືອງ ສັງຄົມມີຄວາມສະຫງົບ ແລະເປັນລະບຽບຮຽບຮ້ອຍ ເສດຖະກິດມີການຂະຫຍາຍຕົວ ແລະ ຊີວິດການເປັນຢູ່ຂອງປະຊາຊົນ ໄດ້ຮັບການຍົກສູງດີຂຶ້ນເປັນກ້າວໆ ຄຽງຄູ່ກັນນັ້ນ ກອງປະຊຸມ ຍັງໄດ້ປະກອບຄວາມເຫັນຢ່າງກົງໄປກົງມາ ຕໍ່ບັນດາຂໍ້ຄົງຄ້າງ ສິ່ງທ້າທາຍ ແລະ ອຸດຕັນໃນການຄຸ້ມຄອງບໍລິຫານລັດທາງດ້ານເສດຖະກິດ-ສັງຄົມ ພ້ອມທັງສະເໜີຫຼາຍມາດຕະການ ແລະ ວິທີການແກ້ໄຂຕົວຈິງ ເພື່ອສູ້ຊົນຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ປີ 2020 ໃຫ້ບັນລຸຜົນສໍາເລັດຕາມຄາດໝາຍທີ່ວາງໄວ້.

ກອງປະຊຸມ ໄດ້ປະຕິບັດພາລະບົດບາດຕິດຕາມກວດກາ ການຈັດຕັ້ງປະຕິບັດກົດໝາຍ ແລະນິຕິກໍາໃຕ້ກົດໝາຍຂອງລັດຖະບານ ອົງການປົກຄອງທ້ອງຖິ່ນ ແລະບັນດາມະຕິຂອງສະພາແຫ່ງຊາດ ເປັນ ຕົ້ນ: ການຈັດເກັບລາຍຮັບ ການເຊົ່າ ແລະສໍາປະທານທີ່ດິນ ການຄຸ້ມຄອງຄົນ ເຂົ້າ-ອອກເມືອງ ການສ້າງວິຊາຊີບ ການພັດທະນາສີມືແຮງງານ ທີ່ມີຄຸນນະພາບ ແລະການສ້າງວຽກເຮັດງານທໍາຂອງປະຊາ ຊົນ ແລະ ວຽກງານອື່ນໆ ຄຽງຄູ່ກັບຜົນສໍາເລັດທີ່ຍາດມາໄດ້ໃນໄລຍະຜ່ານມາ ກອງປະຊຸມ ຍັງໄດ້ປະື ກອບຄວາມເຫັນຕໍ່ກັບຈຸດອ່ອນ ຂໍ້ຄົງຄ້າງ ສາຍເຫດ ແລະສະເໜີມາດຕະການແກ້ໄຂຕົວຈິງເຊັ່ນ: ຄວາມເຂັ້ມງວດໃນການຈັດຕັ້ງປະຕິບັດກົດໝາຍ ແລະ ນິຕິກໍາໃຕ້ກົດໝາຍ ການປັບປຸງ ແລະ ແກ້ໄຂ ບັນດາຂອດອຸດຕັນ ການຍົກສູງຄວາມຮັບຜິດຊອບໃນການປະຕິບັດໜ້າທີ່ຂອງເຈົ້າໜ້າທີ່ພະນັກງານຂອງຂະແໜງການທີ່ກ່ຽວຂ້ອງ ການເສີມຂະ ຫຍາຍຄວາມເປັນເຈົ້າ ແລະ ການມີສ່ວນຮ່ວມຂອງປະຊາຊົນໃນການປະຕິບັດພັນທະເສຍອາກອນຕໍ່ລັດ ແລະ ອື່ນໆ ນອກຈາກນັ້ນກອງປະຊຸມຍັງໄດ້ດໍາເນີນການຕິດຕາມກວດກາກັບທີ່ໃນກອງປະຊຸມດ້ວຍການຮັບຟັງການລາຍງານ ການຕອບຄໍາຊັກຖາມ ແລະ ການຊີ້ແຈງອະທິບາຍ ເພີ່ມເຕີມຂອງທ່ານນາຍົກລັດຖະມົນຕີ ຮອງນາຍົກ ລັດຖະມົນຕີ ແລະລັດຖະມົນຕີກ່ຽວ ຂ້ອງ ຈໍານວນໜຶ່ງ ຕໍ່ບັນຫາທີ່ພົວພັນເຖິງ ການຜະລິດ ການບໍລິການ ການຈັດເກັບລາຍຮັບເຂົ້າງົບປະມານແຫ່ງລັດ ການພັດທະນາຊົນນະບົດແກ້ໄຂຄວາມທຸກຍາກ ການແກ້ໄຂຜົນກະທົບຈາກໄພພິບັດ ບັນດາປາກົດ ການຫຍໍ້ທໍ້ຢູ່ໃນກົງຈັກລັດ ກໍຄືຢູ່ໃນສັງຄົມ ແລະອື່ນໆ ກອງປະຊຸມ ສະເໜີມາຍັງລັດຖະບານ ຈົ່ງໄດ້ເອົາໃຈໃສ່ປັບປຸງແກ້ໄຂຈຸດອ່ອນຂໍ້ຄົງຄ້າງ ແລະສິ່ງອຸດຕັນທີ່ເປັນບັນຫາຊໍາເຮື້ອໃນກົງຈັກຂອງຕົນ ໃຫ້ມີການຫັນປ່ຽນຢ່າງຕັ້ງໜ້າ ພ້ອມນັ້ນ ກອງປະຊຸມຍັງສະເໜີມາຍັງບັນດາທ່ານລັດຖະມົນຕີກະຊວງ ຈົ່ງໄດ້ຮີບຮ້ອນ ສ້າງແຜນປະຕິບັດງານໃນແຕ່ລະດ້ານ ຂອງອົງການຕົນ ແລະເອົາໃຈໃສ່ຊີ້ນໍາຊຸກຍູ້ການຈັດຕັ້ງປະຕິບັດວຽກງານ ທີ່ນອນໃນຄວາມຮັບຜິດຊອບ ຂອງອົງການຕົນ ແຕ່ສູນກາງ ລົງຮອດທ້ອງຖິ່ນ ໃຫ້ມີຜົນສັກສິດຢ່າງເປັນຮູບປະທໍາ.

ກອງປະຊຸມຍັງໄດ້ຮັບຟັງ ແລະ ປະກອບຄວາມເຫັນ ຕໍ່ວຽກງານຂອງອົງການກວດສອບແຫ່ງລັດ ຜົນການກວດສອບບົດສະຫຼຸບຂາດຕົວການຈັດ ຕັ້ງປະຕິບັດງົບປະມານແຫ່ງລັດປະຈໍາປີ 2018 ແລະຜົນການກວດກາ ຕາມຜົນການກວດສອບ ການຈັດຕັ້ງປະຕິບັດ ໂຄງການລົງທຶນຂອງລັດ ປະຈໍາປີ 2014-2017 ຂອງອົງການກວດກາລັດຖະບານ ກອງປະຊຸມສະແດງຄວາມຍ້ອງຍໍໍຊົມເຊີຍ ຕໍ່ສອງອົງການດັ່ງກ່າວທີ່ມີຄວາມພະຍາຍາມກວດສອບ ແລະ ກວດກາ ແລະສາມາດລາຍງານຜົນຂອງການກວດສອບ ແລະການກວດກາດັ່ງກ່າວ ຕໍ່ກອງປະຊຸມ ພ້ອມທັງສະໜອງຂໍ້ມູນທີ່ສໍາຄັນ ໃຫ້ແກ່ສະມາຊິກສະພາແຫ່ງຊາດ ເພື່ອເປັນບ່ອນອີງໃຫ້ແກ່ການພິຈາລະນາ ແລະຮັບຮອງເອົາແຜນງົບປະມານແຫ່ງລັດ ປະຈໍາປີ 2020 ກອງປະຊຸມສະເໜີມາຍັງລັດຖະບານ ໂດຍສະເພາະແມ່ນລັດຖະມົນຕີ ເຈົ້າແຂວງ ເຈົ້າຄອງນະຄອນ ຈົ່ງໄດ້ເອົາໃຈໃສ່ຊີ້ນໍາ ແລະ ຊຸກຍູ້ ຫົວໜ່ວຍງົບປະມານທີ່ຖືກກວດສອບຢູ່ຂັ້ນສູນກາງ ແລະທ້ອງຖິ່ນ ກໍຄືບັນດາວິສາຫະກິດຂອງລັດ ຈົ່ງໄດ້ເອົາໃຈ ໃສ່ແກ້ໄຂຜົນການກວດສອບ ຕາມກົດໝາຍ ແລະຕາມມະຕິໃນຄັ້ງນີ້ ໃຫ້ເປັນຮູບປະທໍາ ເພື່ອແນໃສ່ສະກັດກັ້ນປາກົດການຫຍໍ້ທໍ້ໃນການລະເມີດວິໄນແຜນການ-ວິໄນການເງິນ ແລະກົດໝາຍ ໃນການຄຸ້ມຄອງລັດ ທາງດ້ານງົບປະມານໃຫ້ລຸດລົງ.

ກອງປະຊຸມຍັງໄດ້ຮັບຟັງການລາຍງານ ການເຄື່ອນໄຫວວຽກງານ ປີ 2019 ແລະທິດທາງປີ 2020 ຂອງອົງການໄອຍະການປະຊາຊົນສູງສຸດ ສານປະຊາຊົນສູງສຸດ ແລະສະພາແຫ່ງຊາດ ຊຶ່ງບົດລາຍງານ ໄດ້ຍົກໃຫ້ເຫັນຜົນສໍາເລັດໃນການເຄື່ອນໄຫວວຽກງານຂອງແຕ່ລະອົງການ ໃນໜຶ່ງປີຜ່ານມາ ແລະວຽກງານຈຸດສຸມໃນປີ 2020 ກອງປະຊຸມ ຕີລາຄາສູງ ຕໍ່ບົດປະກອບຄວາມເຫັນຂອງສູນກາງແນວລາວສ້າງຊາດ ຊຶ່ງຕາງໜ້າອົງການຈັດຕັ້ງມະຫາຊົນ ສະຫະພັນນັກຮົບເກົ່າ ຕໍ່ການເຄື່ອນໄຫວວຽກງານຂອງສະພາແຫ່ງຊາດ ກໍຄືການບໍລິຫານລັດໃນໄລຍະໜຶ່ງປີຜ່ານມາເວົ້າລວມ ພ້ອມທັງສະເໜີຄວາມເຫັນທີ່ມີຄຸນປະໂຫຍດຕໍ່ກອງປະຊຸມ.

ພິເສດ ໃນກອງປະຊຸມຄັ້ງນີ້ ເປັນຄັ້ງທໍາອິດ ທີ່ໄດ້ດໍາເນີນການປະເມີນຜົນ ດ້ວຍການໃຫ້ຄະແນນຕໍ່ການປະຕິບັດໜ້າທີ່ ຂອງບຸກຄະລາກອນທີ່ສະພາແຫ່ງຊາດເລືອກຕັ້ງ ແລະຮັບຮອງເອົາການແຕ່ງຕັ້ງ ຈໍານວນທັງໝົດ 69 ທ່ານ ໃນນັ້ນ ແມ່ຍິງ 14 ທ່ານ ຕາມທີ່ໄດ້ກໍານົດໄວ້ໃນ ມາດຕາ 13 ຂໍ້ 5 ຂອງກົດໝາຍວ່າດ້ວຍສະພາແຫ່ງຊາດ ຜ່ານການປະເມີນຜົນຕົວຈິງໃນຄັ້ງນີ້ ບຸກຄະລາກອນດັ່ງກ່າວ ຍັງໄດ້ຮັບຄວາມໄວ້ວາງໃຈຈາກຕົວແທນຂອງປະຊາຊົນເປັນສ່ວນຫຼາຍ.

ກອງປະຊຸມຮຽກຮ້ອງມາຍັງລັດຖະບານ ອົງການລັດທຸກຂັ້ນຈົ່ງໄດ້ຮີບຮ້ອນ ຈັດຕັ້ງຜັນຂະຫຍາຍບັນດາກົດໝາຍ ມະຕິກອງປະຊຸມສະພາແຫ່ງຊາດໃນຄັ້ງນີ້ ເອົາໃຈໃສ່ໂຄສະນາເຜີຍແຜ່ປຸກລະດົມປະຊາຊົນຍົກສູງສະຕິ ແລະເປັນເຈົ້າການ ປະຕິບັດບັນດາກົດໝາຍ ບັນດາມະຕິຂອງສະພາແຫ່ງຊາດ ພ້ອມທັງ ຄົ້ນຄວ້າ ແລະພິຈາລະນາ ຄວາມຄິດເຫັນຂອງບັນດາທ່ານສະມາຊິກສະພາ ກໍຄືຜູ້ມີສິດເລືອກຕັ້ງ ແລະປະຊາຊົນ ທີ່ໄດ້ສະເໜີມາ ເພື່ອມີວິທີການ ມາດຕະການແກ້ໄຂແທດຕົວຈິງ ແລະ ຖືກຕ້ອງຕາມກົດໝາຍ ພ້ອມດຽວກັນນັ້ນ ກໍໃຫ້ເອົາໃຈໃສ່ ເພີ່ມທະວີກົນໄກການປະສານສົມທົບ ລະຫວ່າງ ບັນດາຂະແໜງການຂັ້ນສູນກາງ ແລະ ທ້ອງຖິ່ນ ເພື່ອຮັບປະກັນຄວາມເປັນເອກະພາບ ໃນການຈັດຕັ້ງປະຕິບັດທິດທາງໜ້າທີ່ວຽກງານ ທີ່ກໍານົດໄວ້ໃນແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດປະຈໍາປີ 2020 ໃຫ້ໄດ້ຮັບຜົນສໍາເລັດຕາມຄາດໝາຍທີ່ວາງໄວ້.

Advertisement Replay Ad
ເລກອອກຫຍັງ? ກວດເບິ່ງເລີຍ ຜົນຫວຍປະຈຳງວດວັນທີ 30 ມີນາ 2020

ເລກອອກຫຍັງ? ກວດເບິ່ງເລີຍ ຜົນຫວຍປະຈຳງວດວັນທີ 30 ມີນາ 2020

ພະນັກງານຂອງສາຍລົມເຢັນປອດເຊື້ອໂຄວິດ-19 ຫຼັງກັກໂຕ 14 ມື້ ເຫດມີນັກທ່ອງທ່ຽວຕິດເຊື້ອເຂົ້າພັກ

ພະນັກງານຂອງສາຍລົມເຢັນປອດເຊື້ອໂຄວິດ-19 ຫຼັງກັກໂຕ 14 ມື້ ເຫດມີນັກທ່ອງທ່ຽວຕິດເຊື້ອເຂົ້າພັກ

ໄທ ເລື່ອນອອກຫວຍງວດທີ 1 ເມສາ ໄປເປັນ 2 ພຶດສະພາ ພ້ອມໂຈະຂາຍງວດ 16 ເມສາ-2 ພຶດສະພາ 2020

ໄທ ເລື່ອນອອກຫວຍງວດທີ 1 ເມສາ ໄປເປັນ 2 ພຶດສະພາ ພ້ອມໂຈະຂາຍງວດ 16 ເມສາ-2 ພຶດສະພາ 2020

ຫ້ອງການອຸດສາຫະກຳ ແລະ ການຄ້າ ເມືອງໄຊ ຊີ້ ລາຄາສິນຄ້າ ຢູ່ຕະຫຼາດເມືອງໄຊ ແຂວງອຸດົມໄຊ ຍັງປົກກະຕິ

ຫ້ອງການອຸດສາຫະກຳ ແລະ ການຄ້າ ເມືອງໄຊ ຊີ້ ລາຄາສິນຄ້າ ຢູ່ຕະຫຼາດເມືອງໄຊ ແຂວງອຸດົມໄຊ ຍັງປົກກະຕິ

ຮູ້ຈັກ "ໂຄຣາຄະເທວີ" ນາງສັງຂານທີ່ບໍ່ໄດ້ປາກົດກາຍໃນປີໃໝ່ລາວນີ້ ເນື່ອງຈາກການລະບາດຂອງພະຍາດຮ້າຍ

ຮູ້ຈັກ "ໂຄຣາຄະເທວີ" ນາງສັງຂານທີ່ບໍ່ໄດ້ປາກົດກາຍໃນປີໃໝ່ລາວນີ້ ເນື່ອງຈາກການລະບາດຂອງພະຍາດຮ້າຍ

ອາການຂອງຄົນເຈັບໂຄວິດ-19 ຢູ່ລາວທັງ 9 ກໍລະນີແມ່ນຊົງຕົວ ຢູ່ໃນຂັ້ນເບົາບາງ

ອາການຂອງຄົນເຈັບໂຄວິດ-19 ຢູ່ລາວທັງ 9 ກໍລະນີແມ່ນຊົງຕົວ ຢູ່ໃນຂັ້ນເບົາບາງ

ພົບຜູ້ຕິດເຊື້ອໂຄວິດ-19 ເພີ່ມ 1 ກໍລະນີ ເປັນເພດຍິງ ຢູ່ນະຄອນຫຼວງວຽງຈັນ ມີປະຫວັດເດີນທາງມາຈາກໄທ

ພົບຜູ້ຕິດເຊື້ອໂຄວິດ-19 ເພີ່ມ 1 ກໍລະນີ ເປັນເພດຍິງ ຢູ່ນະຄອນຫຼວງວຽງຈັນ ມີປະຫວັດເດີນທາງມາຈາກໄທ

ມູນນິທິຮ່ວມໃຈພັດທະນາລາວ ມອບອຸປະກອນການແພດ ຕ້ານ COVID-19

ມູນນິທິຮ່ວມໃຈພັດທະນາລາວ ມອບອຸປະກອນການແພດ ຕ້ານ COVID-19

ແຮງງານລາວທີ່ເດີນທາງມາຈາກປະເທດກຸ່ມສ່ຽງ ແລະ ຖືກກັກໂຕ ໄດ້ຮັບການເບິ່ງແຍງເປັນຢ່າງດີ

ແຮງງານລາວທີ່ເດີນທາງມາຈາກປະເທດກຸ່ມສ່ຽງ ແລະ ຖືກກັກໂຕ ໄດ້ຮັບການເບິ່ງແຍງເປັນຢ່າງດີ

ທາງລົດໄຟລາວ-ຈີນ ເລີ່ມວາງລາງໄລຍະທຳອິດ ຄວາມຍາວ 500 ແມັດ

ທາງລົດໄຟລາວ-ຈີນ ເລີ່ມວາງລາງໄລຍະທຳອິດ ຄວາມຍາວ 500 ແມັດ

ນັກວິໄຈເຜີຍໄວຣັດໂຄວິດ-19 ມີຊີວິດຢູ່ເທິງພື້ນຜິວໄດ້ດົນ 17 ມື້

ນັກວິໄຈເຜີຍໄວຣັດໂຄວິດ-19 ມີຊີວິດຢູ່ເທິງພື້ນຜິວໄດ້ດົນ 17 ມື້

ຜົນຂອງກອງປະຊຸມຂອງກະຊວງ ຮສສ ກ່ຽວກັບຜົນກະທົບຕໍ່ຜູ້ໃຊ້ແຮງງານ-ຜູ້ອອກແຮງງານ ໄລຍະໂຄວິດ-19 ລະບາດ

ຜົນຂອງກອງປະຊຸມຂອງກະຊວງ ຮສສ ກ່ຽວກັບຜົນກະທົບຕໍ່ຜູ້ໃຊ້ແຮງງານ-ຜູ້ອອກແຮງງານ ໄລຍະໂຄວິດ-19 ລະບາດ

ຜູ້ຊ່ຽວຊານຄາດ ໂຄວິດ-19 ໃນອິຕາລີໃກ້ "ຈຸດສູງສຸດ" ໃນໄວໆນີ້

ຜູ້ຊ່ຽວຊານຄາດ ໂຄວິດ-19 ໃນອິຕາລີໃກ້ "ຈຸດສູງສຸດ" ໃນໄວໆນີ້

ຍັງພົບເຫັນ ຮ້ານນວດ-ຮ້ານກິນ-ດື່ມຂອງຄົນຕ່າງປະເທດ ບໍ່ໃຫ້ການຮ່ວມມືຕໍ່ມາດຕະການຕ້ານ COVID-19

ຍັງພົບເຫັນ ຮ້ານນວດ-ຮ້ານກິນ-ດື່ມຂອງຄົນຕ່າງປະເທດ ບໍ່ໃຫ້ການຮ່ວມມືຕໍ່ມາດຕະການຕ້ານ COVID-19

ພາບຫາເບິ່ງຍາກ! ເມື່ອໂຄວິດ-19 ເຮັດໃຫ້ສະຖານທີ່ທ່ອງທ່ຽວຊື່ດັງ ກາຍເປັນສະຖານທີ່ຮ້າງ

ພາບຫາເບິ່ງຍາກ! ເມື່ອໂຄວິດ-19 ເຮັດໃຫ້ສະຖານທີ່ທ່ອງທ່ຽວຊື່ດັງ ກາຍເປັນສະຖານທີ່ຮ້າງ

ເຂົ້າໃຈໃໝ່! ພິທີທີ່ຫຼວງພະບາງ ແມ່ນຄອບເທວະດາຫຼວງ ປູ່ເຍີ-ຍ່າເຍີ ບໍ່ແມ່ນປ່ອຍຜີຟ້າມາກິນຄົນ

ເຂົ້າໃຈໃໝ່! ພິທີທີ່ຫຼວງພະບາງ ແມ່ນຄອບເທວະດາຫຼວງ ປູ່ເຍີ-ຍ່າເຍີ ບໍ່ແມ່ນປ່ອຍຜີຟ້າມາກິນຄົນ

ນີ້ແມ່ນຄຳສັ່ງລະອຽດຂອງນາຍົກ ເພື່ອເພີ່ມທະວີການສະກັດກັ້ນ ແລະ ກຽມພ້ອມຮັບມືຮອບດ້ານ ຕ້ານໂຄວິດ-19

ນີ້ແມ່ນຄຳສັ່ງລະອຽດຂອງນາຍົກ ເພື່ອເພີ່ມທະວີການສະກັດກັ້ນ ແລະ ກຽມພ້ອມຮັບມືຮອບດ້ານ ຕ້ານໂຄວິດ-19

ດ່ວນ! ນາຍົກອອກຄຳສັ່ງເພີ່ມທະວີມາດຕະການສະກັດໂຄວິດ-19 ຫ້າມອອກເຮືອນ ເດີນທາງໄປທ້ອງຖິ່ນອື່ນ ຯລຯ

ດ່ວນ! ນາຍົກອອກຄຳສັ່ງເພີ່ມທະວີມາດຕະການສະກັດໂຄວິດ-19 ຫ້າມອອກເຮືອນ ເດີນທາງໄປທ້ອງຖິ່ນອື່ນ ຯລຯ

ມາຮອດແລ້ວ! ຄະນະແພດ-ຊ່ຽວຊານຈີນ ມາຊ່ວຍຕໍ່ສູ້ຕ້ານໂຄວິດ-19 ຢູ່ລາວ ໄດ້ຮັບການຕ້ອນຮັບຢ່າງສົມກຽດ

ມາຮອດແລ້ວ! ຄະນະແພດ-ຊ່ຽວຊານຈີນ ມາຊ່ວຍຕໍ່ສູ້ຕ້ານໂຄວິດ-19 ຢູ່ລາວ ໄດ້ຮັບການຕ້ອນຮັບຢ່າງສົມກຽດ

ລັດຖະມົນຕີກະຊວງ ປກສ ສັ່ງເພີ່ມທະວີເຝົ້າລະວັງໂຄວິດ-19 ປ້ອງກັນການແພ່ລະບາດໃນກຳລັງ ປກສ

ລັດຖະມົນຕີກະຊວງ ປກສ ສັ່ງເພີ່ມທະວີເຝົ້າລະວັງໂຄວິດ-19 ປ້ອງກັນການແພ່ລະບາດໃນກຳລັງ ປກສ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ