ວັນເສົາ ທີ 24 ກໍລະກົດ 2021

10 ທັກສະຊີວິດທີ່ຄວນສອນລູກຂອງເຈົ້າ ກ່ອນອາຍຸຮອດ 10 ປີ

10 ທັກສະຊີວິດທີ່ຄວນສອນລູກຂອງເຈົ້າ ກ່ອນອາຍຸຮອດ 10 ປີ

ລູກ​ຂອງ​ເຈົ້າ​ມີ​ຄວາມ​ສາມາດ​ຫຼາຍກວ່າ​ທີ່​ເຈົ້າ​ຮູ້ ແຕ່​ເດັກ​ກ່ອນໄວ​ເລີ່ມ​ຮຽນ​ຂອງ​ເຈົ້າ​ກໍ​ສາມາດ​ເລີ່ມ​ຮຽນ​ຮູ້​ບົດ​ຮຽນ​ຊີວິດ​ທີ່​ຈຳ​ເປັນ​ເຫຼົ່າ​ນີ້​ໄດ້.

ດ້ວຍ​ສິ່ງ​ຕ່າງ​ໆ​ຫຼວງ​ຫຼາຍ​ສຳລັບ​ເດັກ​ໆ​ທີ່​ຈະ​ຮຽນ​ຮູ້ໃນ​ໂລກ​ໄຮ​ເທັກ ມັນ​ງ່າຍ​ຫຼາຍ​ທີ່​ພວກ​ເຂົາ​ຈະ​ພາດ​ທັກ​ສະ​ຊີວິດ​ທີ່​ເປັນ​ປະໂຫຍດ ບໍ່​ວ່າ​ຈະ​ເປັນ​ການ​ຊັກ​ລ້າງ, ອ່ານ​ແຜນ​ທີ່ ຫຼື ການ​ຂຽນ​ຈົດໝາຍ. ການສຶກສາຫຼ້າ​ສຸດ​ໂດຍ​ບໍລິສັດ​ຮັກສາ​ຄວາມ​ປອດ​ໄພ​ອອນ​ລາຍ AVG Technologies ພົ​ບວ່າ ​ໃນ​ຂະນະ​ທີ່ 58 ເປີເຊັນຂອ​ງເດັກ​ນ້ອຍອາຍຸ 3-5 ປີ​ໃນ​ສະ​ຫະລັດ​ອາ​ເມ​ລິ​ກາ​ສາມາດ​ຫາ​ເສັ້ນ​ທາງ​ໂດຍ​ສະ​ມາ​ດ​ໂຟນ. ໜ້ອຍ​ກວ່າ​ໜຶ່ງ​ໃນ​ຫົກ (15%) ທີ່​ສາມາດ​ເຮັດ​ອາຫານ​ເຊົ້າ​ຂອງ​ໂຕ​ເອງ.

ທິມ ເອລ​ເມີ ຜູ້​ກໍ່​ຕັ້ງ Growing Leaders ເປັນ​ອົງ​ກອນ​ບໍ່​ສະແຫວ​ງ​ຫາ​ຜົນ​ກຳ​ໄລ ໃນ​ເມືອງ​ນໍ​ຄ​ຣອສ ລັດ​ຈໍ​ເຈຍ. ທິມ​ເປັນ​ຜູ້​ເຮັດວຽກ​ກັບ​ໂຮງຮຽນ​ ແລະ ກຸ່ມ​ພົນລະເມືອງ​ທີ່​ສະໜັບ​ສະໜຸນ​ຄຸນນະພາບ​ຄວາມ​ເປັນ​ຜູ້​ນຳ​ໃນ​ເດັກ ໄດ້​ກ່າວ​ວ່າ “ຜູ້​ປົກຄອງ​ຫຼາຍ​ຄົນ​ເຮັດ​ທຸກ​ຢ່າງ​ໃຫ້​ລູກ​ແທນ​ທີ່​ຈະ​ປ່ອຍ​ໃຫ້​ພວກເຂົາ​ຫາ​ວິທີ​ເບິ່ງ​ແຍງ” ເຮົາ​ຈຶ່ງ​ຄວນ​ເລີ່ມ​ສອນ​ທັກ​ສະ​ຊີວິດ​ໃຫ້​ກັບ​ລູກ​ຕັ້ງ​ແຕ່​ຍັງ​ນ້ອຍ ແລະ​ ເລີ່ມ​ໃຫ້​ລູກ​ຂອງ​ເຈົ້າ​ສາມາດເພິ່ງ​ພາ​ຕົນເອງ​ໄດ້​ໃນ​ອະນາຄົດ. ໄປ​ເບິ່ງ​ກັນເລີຍ​ວ່າ ທັກ​ສະ 7 ຢ່າງ​ທີ່​ຄວນ​ສອນ​ເດັກ​ໆ​ມີ​ຫຍັງ​ແດ່!

ການ​ຊັກ​ເຄື່ອງ

ໄວໜຸ່ມ​ຈຳນວນ​ຫຼາຍ​ມຸ່ງ​ສູ່​ຮົ້ວ​ມະຫາ​ວິທະຍາ​ໄລ​ໂດຍ​ບໍ່​ຮູ້​ຈັກ​ວິທີ​ການ​ຊັກ​ ຫຼື ອະນາໄມ​ເສື້ອ​ຜ້າ​ຂອງຕົວ​ເອງ. ຢ່າ​ປ່ອຍ​ໃຫ້​ລູກ​ເຈົ້າ​ເປັນ​ໜຶ່ງ​ໃນ​ນັ້ນ ເຈົ້າ​ສາມາດ​ເລີ່ມ​ສອນ​ລູກ​ເຈົ້າ​ໄດ້​ຕັ້ງ​ແຕ່​ອາຍຸ​ປະ​ມານ 6 ປີ. ຖ້າ​ເຈົ້າ​ມີ​ເຄື່ອງ​ຊັກ​ຜ້າ​ຝາເທິງ ໃຫ້​ລູກ​ມາ​ນັ່ງ​ເທິງ​ຕັ່ງ​ນັ່ງ​ໃຫ້​ໃກ້​ໆ ຮຽນ​ຮູ້​ຂະ​ບວນ​ການ​ຕ່າງ​ໆ, ວິທີ​ການ​ວັດແທກ ​ແລະ ​ເຕີມ​ຜົງ​ສະບູຝຸ່ນ. ເລືອກ​ການຕັ້ງ​ຄ່າ ແລະ ​ເລີ່ມ​ຕົ້ນ​ການ​ເຮັດ​ວຽກງານ​ຂອງ​ເຄື່ອງ​ຊັກ​ຜ້າ. ເອມ​ມີ່ ມາສ​ຄອສ ນາງ​ໄດ້​ລົງ​ເລື່ອງ​ລາວ​ທີ່​ເວັບ​ໄຊ​ TechMama.com ນາງ​ໄດ້​ສອນ​ລູກ​ຂອງ​ນາງ 3 ຄົນ ( ຕອນ​ນີ້​ອາຍຸ 9, 10 ແລະ 12) ນາງ​ໄດ້​ຕັ້ງຊື່​ໜ້າ​ຮັກ​ໃຫ້​ກັບ​ວຽກ​ເຫຼົ່າ​ນີ້ວ່າ: Wash Warrior, Super - Fly Dry Guy, Put’Em Away Triple Play ມາສ​ຄອສ​ພົບ​ກັບ​ຄວາມ​ຫຍຸ້ງ​ຫຼວງ​ຫຼາຍ ແຕ່​ນາງ​ບໍ່​ໄດ້​ເນັ້ນ​ທີ່​ຄວາມ​ສົມບູນ​ແບບ​ຂອງ​ງານ ນາງ​ຕ້ອງ​ການ​ໃຫ້​ລູກ​ໆ​ຂອງ​ນາງ​ໄດ້​ລອງ​ເຮັດ​ມັນ​ໃຫ້​ສຳ​ເລັດ.

ການ​ປຸກ​ຕົ້ນ​ກ້າ

ເດັກ​ກ່ອນໄວ​ຮຽນ​ຈຳນວນ​ຫຼາຍ​ຮຽນ​ຮູ້​ທີ່​ຈະ​ປູກແກ່ນ​ພືດ​ໃນ​ຊັ້ນ​ຮຽນ ແຕ່​ບໍ່​ໄດ້​ຮຽນ​ຮູ້​ວິທີ​ການ​ຍ້າຍ​ຕົ້ນ​ກ້າ​ເຂົ້າ​ສວນ. ວິດນີ​ ໂຄ​ເຮນ ນັກ​ຂຽນ​ປຶ້ມ​ເລື່ອງ “The Book of Gardening Project for Kids” ໄດ້​ແບ່ງ​ປັນ​ຄວາມ​ຮູ້​ພື້ນ​ຖານ​ເອົາ​ໄວ້​ດັ່ງ​ນີ້:

  • ໃຫ້​ລູກ​ຂອງ​ເຈົ້າ​ຂູດ​ຂຸມ​ທີ່​ມີ​ຂະໜາດ​ໃຫຍ່​ກວ່າ​ພາ​ຊະນະ​ທີ່​ບັນ​ຈຸ​ໄວ້​ເລັກນ້ອຍ.
  • ເມື່ອ​ເຈົ້າ​ນຳ​ພືດ​ອອກຈາກ​ກະ​ຖາງ​ດິນ​ຈີ່​ແລ້ວ​ ວາງ​ລົງ​ໃນຂຸມ ແລະ​ ໃຫ້​ນາງ​ຝັງ​ດິນ​ຢ່າງ​ປາ​ນີດ​ອ້ອມຮອບ​. ມັນ ​ແລະ ​ຕົບ​ມັນ​ເບົາ​ໆ​ໃຫ້​ແປ.
  • ປ່ອຍ​ໃຫ້​ລູກ​ຂອງ​ເຈົ້າຫົດ​ນ້ຳ​ໃຫ້​ໄຫຼ​ເບົາ​ໆ ຈາກ​ກະ​ປອງຫົດ​ນ້ຳ​ດ້ວຍ​ຫົວ​ສີດ​ແບບເປັນຮູ.

ເມື່ອ​ອາຍຸ 6 ຫຼື 7 ປີ ລູກ​ຂອງ​ເຈົ້າ​ສາມາດ​ເອົາ​ຕົ້ນ​ອ່ອນ​ອອກ​ເອງ​ໄດ້ ໃຫ້​ເຈົ້າແຍກ​ນິ້ວ​ອອກຈາກ​ກັນ​ເພື່ອ​ໃຫ້​ລຳ​ຕົ້ນ​ຂອງ​ພືດ​ຢູ່​ລະຫວ່າງ​ກັນ. ຈາກ​ນັ້ນ​ບີບ​ດ້ານ​ນອກ​ຂອງ​ພາ​ຊະນະ​ທີ່​ບັນ​ຈຸ​ຈົນກະທັ້ງ​ພືດ​ອອກ​ມາ ຖ້າ​ຮາກ​ມັນ​ພັນ​ກັນ​ແໜ້ນ ໃຫ້​ເຄົ້າຄາຍ​ມັນ​ອອກ​ເທື່ອ​ລະ​ນ້ອຍ​ກ່ອນ​ປຸກ.

ການ​ຫໍ່​ຂອງ​ຂວັນ

ລູກ​ຂອງ​ເຈົ້າ​ມັກ​ໃຫ້​ຂອງ​ຂວັນ​ຢູ່​ແລ້ວ ການ​ຫໍ່​ຂອງ​ຂວັນ​ເຮັດໃຫ້​ພວກເຂົາ​ມ່ວນຊື່ນ​ຫຼາຍ​ຂຶ້ນ. ເດັກ​ກ່ອນໄວ​ຮຽນ​ສາມາດ​ຊ່ວຍ​ຕັດ​ເຈ້ຍ, ຕິດ​ສະກັອດ ຂະນະ​ທີ່​ເດັກ​ຊັ້ນ​ອ​ະນຸ​ບານ​ສາມາດ​ເຮັດ​ຕາມ​ຂັ້ນ​ຕອນ​ອື່ນ​ໆ​ດ້ວຍ​ຄວາມ​ຊ່ວຍ​ເຫຼືອ​ຂອງ​ເຈົ້າ ເຊັ່ນ: ເອົາປ້າຍລາ​​ຄາ​ອອກ ແລະ ​ຫາກ​່ອງ​ທີ່​ມີ​ຂະໜາດ​ເໝາະ​ສົມ ແລະ ​ຫໍ່​ດ້ວຍ​ເຈ້ຍຫໍ່ຂອງ​ຂວັນ​ໃຫ້​ພໍ​ດີ​ກ່ອນ​ຕັດ​ອອກ.

ການ​ຕອກ​ຕະ​ປູ

  • ໃຫ້​ລູກ​ຂອງ​ເຈົ້າ​ໃຊ້​ຄ້ອນ​ຂະໜາດ 7 ຫຼື 9 ອອນ​ຊ​໌ ຈາກ​ຮ້ານ​ຄ້າ​ຂາຍ​ໂມ​ເດວ​ ປັບ​ປຸງ​ບ້ານ​ຂອງ​ເດັກ​ທີ່​ມີ​ນ້ຳ​ໜັກ​ເບົາ​ພຽງ 4 ອອນ​ຊ​໌.
  • ໃຊ້​ໄມ້​ເນື້ອ​ອ່ອນ (ເຊັ່ນ: ໄມ້ແປກ, ໄມ້​ປັອບ​ປ້າ, ໄມ້​ຊີ​ດາ​) ເຈົ້າ​ສາ​ມາດ​ຖື​ມັນ​ໄວ້​ກັບ​ທີ່, ໜີບ​ ຫຼື ໃຊ້ຄີມຈັບ ​ຫຼື ວາງ​ໄວ້​ເທິງ​ພື້ນ.
  • ເລືອກ​ຕະ​ປູ​ທີ່​ມີ​ຫົວ​ກວ້າງ, ໃນ​ຕອນ​ທຳອິດ​ເຈົ້າ​ຈະ​ຕ້ອງ “ເລີ່ມ “ແຕ່​ລະ​ອັນ​ເພື່ອ​ພວກເຂົາ.
  • ເມື່ອ​ລູກ​ຂອງ​ເຈົ້າ​ພ້ອມ​ທີ່​ຈະ​ເຮັດ​ມັນ​ດ້ວຍ​ຕົນເອງ ເຈົ້າ​ສາມາດ​ຕອກ​ຕະ​ປູ​ຜ່ານ​ເຈ້ຍ​ແຂງ​ອັນ​ນ້ອຍ​ໆ ເພື່ອ​ໃຫ້​ມັນ​ຢູ່ໃນ​ຕຳແໜ່ງ​ທີ່​ລາວຕອກ​ຄ້ອນ​ລົງ​ໄປ​ໃນ​ນັ້ນ​ໄມ້​ໄດ້ ໃຫ້​ແນ່​ໃຈ​ວ່າ​ລູກ​ເຈົ້າ​ຈັບ​ຂອບ​ເຈ້ຍ​ແຂງ​ແທນ​ທີ່​ຕະ​ປູ (ເພື່ອ​ປ້ອງ​ກັນ​ນິ້ວ​ຂອງພວກເຂົາ).
  • ເມື່ອ​ພວກເຂົາ​ເຂົ້າໃຈ​ວິທີ​ການ​ດັ່ງ​ກ່າວ​ແລ້ວ ໃຫ້​ພວກເຂົາ​ລອງ​ຖື​ຕະ​ປູ ກຽມ​ພ້ອມ​ກັບ​ນິ້ວ​ໂປ້ມື​ທີ່​ເຈັບ ແຕ່​ອີກ​ບໍ່​ດົນພວກເຂົາ​ຈະ​ໄດ້​ຮຽນ​ຮູ້​ວິທີ​ເຮັດ​.

ການ​ຂຽນ​ຈົດໝາຍ

ສາມາດ​ສອນ​ໃຫ້​ລູກ​ຂຽນ​​ຈົດໝາຍ​ເຖິງ​ສະມາຊິກ​ຄອບຄົວ (ແຕ້ມ​ຮູບ​ໃສ່​ລົງ​ໃນ​ຈົດໝາຍ) ຕິດ​ສ​ະແຕມ​ ແລະ ປ່ອນ​ລົງ​ໃນ​ຕູ້​ຈົດໝາຍ. ສອນ​ເດັກ​ໃຫຍ່​ເຖິງ​ວິທີ​ການ​ຂຽນ​ທີ່ຢູ່ໜ້າ​ຊອງ​ຈົດໝາຍ ແລະ ​ການ​ແບ່ງ​ຈົດໝາຍ​ອອກ​ເປັນ 5 ສ່ວນ​ໄດ້​ແກ່ ວັນທີ, ການ​ທັກ​ທາຍ (ເຖິງ), ເນື້ອໃນ, ການ​ປິດ​ທ້າຍ​ຈົດໝາຍ (ດ້ວຍ​ຄວາມ​ຮັກ), ແລະ​ ລາຍ​ເຊັນ​. ນອກ​ຈາກ​ນີ້​ເຈົ້າ​ສາມາດ​ຊ່ວຍ​ລູກ​ຂອງ​ເຈົ້າ​ເຮັດ​ກາ​ດ​ເທດສະ​ການ ແລະ ​ຄົ້ນ​ຫາ​ເພື່ອນ​ທາງ​ຈົດໝາຍ ຜ່ານ​ທາງ​ເວັບ​ໄຊ ເຊັ່ນ: Amazing kids ແລະ International Pen Friends ເປັນ​ຕົ້ນ.

ການ​ກຽມ​ອາຫານ​ງ່າຍໆ

ຄຣິສ​ຕິ​ນາ ດິ​ມັອກ ແມ່​ລູກ​ສີ່​ ແລະ​ ນັກ​ຂຽນ​ປຶ້ມ Young Chefs ແນະ​ນຳ​ວ່າ “ໃຫ້​ເຊີນ​ຊວນ​ລູກ​ຂອງ​ເຈົ້າ​ມາ​ຊ່ວຍ​ເຮັດ​ອາຫານ ມອບ​ໝາຍ​ວຽກໃຫ້​ພວກເຂົາ​ເຮັດ. ເຈົ້າ​ຕ້ອງ​ໃຈ​ເຢັນ​ເມື່ອ​ພວກເຂົາ​ເຮັດ​ເ​ເປ້ງເຮ່ຍ ​ແລະ ​ເປືອກ​ໄຂ່ຟົ້ງ”. ໂຢ​ເ​ກິ​ດ​ກັບໝາກໄມ້​ເປັນ​ອາຫານ​ເຊົ້າ​ທີ່​ເປັນ​ຕົ້ນ​ແບບ​ການເຮັດ DIY ທີ່​ດີ. ເດັກ​ກ່ອນໄວ​ຮຽນ​ສາ​ມາດ​ຕັກ​ໂຢ​ເ​ກິດ​ລົງ​ໃນ​ຖ້ວຍ​ ແລະ ​ໃສ່ໝາກໄມ້​ທີ່​ຈັດ​ກຽມ​ໄວ້​ແລ້ວ. ສຳລັບ​ເດັກ 5 ປີ​ຂຶ້ນ​ໄປ​ໃນ​ການເຮັດ​ແຊນວິດ​ ແລະ ​ສະ​ມູດ​ຕີ້ (ເບິ່ງ​ແຍງ​ເຄື່ອງ​ປັ່ນ​ຢ່າງ​ໃກ້​ຊິດ). ປະ​ມານ 7 ຫຼື 8 ປີ​ ລູກ​ຂອງ​ເຈົ້າ​ສາມາດ​ລອງ​ປິ້ງ​ເຂົ້າຈີ່ແຜ່ນ, ເຮັດເຂົ້າໜົມ​ຈາກ​ເຕົາ​ອົບ ເຊັ່ນ: ພິ​ດ​ຊາ, ມ​ັບ​ຟິນ​ແບບ​ອັງ​ກິດ.

ຫຼື ເຮັດ​ສະ​ຫຼັດ​ງ່າຍໆ ໂດຍ​ການ​ຈີກ​ຜັກ​ກາດ, ເທ​ເຂົ້າຈີ່ແຜ່ນ​ທີ່​ປາດເປັນ​ຕ່ອນ​ທີ່​ນຳ​ໄປຈືນ ແລະ ​ອົບ​ອີກ​ເທື່ອ ແລະ​ ເມື່ອ​ເດັກ​ອາຍຸ​ໄດ້ 10 ປີ​ສາມາດ​ສອນ​ຊອຍໝາກເລັ່ນ​, ໝາກແຕງ​, ແຄ​ຣັອດ ແຕ່​ຕ້ອງ​ລະ​ວັງ​ດ້ານ​ຄວາມ​ປອດໄພ​ເປັນ​ພິເສດ.

ການ​ນຳ​ທາງ

ຫາກ​ເຈົ້າ​ເຄີຍ​ຫຼົງ​ທາງ​ຈາກ​ການ​ບອກ​ທິດ​ທາງ​ດ້ວຍ​ສຽງ​ແບບ​ລ້ຽວ​ຕໍ່​ລ້ຽວ​ຂອງ GPS ເຈົ້າ​ຈະ​ຮູ້​ວ່າ​ເປັນຫຍັງ​ຄວາມ​ສາມາດ​ໃນ​ການ​ອ່ານ​ແຜນ​ທີ່​ຈຶ່ງ​ເປັນ​ສິ່ງ​ຈຳ​ເປັນ (ເຖິງວ່າ​ຈະ​ເປັນ​ເທິງ​ໂທລະສັບ​ກໍ​ຕາມ). ກິດຈະກຳ​ເຫຼົ່າ​ນີ້​ຈະ​ສ້າງ​ທັກ​ສະ​ການ​ນຳ​ທາງ​ຂອງ​ລູກ​ເຈົ້າ.

  • ການ​ລ່າ​ສົມບັດ: ແຜນ​ທີ່​ອາດຈະ​ເບິ່ງ​ໜ້າ​ເບື່ອ ແຕ່​ຖ້າ​ເຈົ້າ​ປ່ຽນ​ໃຫ້​ລູກ​ເຈົ້າ​ມາ​ຫາ​ສົມບັດ​ແທນ ຫຼື ຫາ​ໂຈນ ເຊື່ອງ​ເຄື່ອງ​ຫຼິ້ນ​ໃນ​ສະໜາມ​ຫຍ້າ, ການແຕ້ມ​ຮູບ​ຢ່າງ​ງ່າຍໆ​ເພື່ອ​ເຮັດ​ເຄື່ອງ​ໝາຍ​ໃນ​ຕຳແໜ່ງ​ຕ່າງ​ໆ ສະແດງ​ໃຫ້​ລູກ​ອາຍຸ 3 ຫຼື 4 ປີ ເຫັນ​ວ່າ​ວັດ​ຖຸເທິງ​ແຜນ​ທີ່​ສອດ​ຄ່ອງ​ກັບ​ວັດ​ຖຸ​ທີ່​ຢູ່​ກົງ​ໜ້າ​ນາງ​ແນວໃດ.
  • ໃຫ້​ລູກ​ໆ​ເປັນ​ຄົນ​ນຳ​ທາງ ບໍ່​ວ່າ​ຈະ​ເປັນ​ການ​ໄປ​ທ່ຽວ​ສວນ​ສັດ, ພິ​ພິທະ​ພັນ ແລະ ​ສວນ​ສະໜຸກ ສະຖານ​ທີ່​ທີ່​ມີ​ແຜນ​ທີ່​ທີ່​ມີ​ສີ​ສັນ ​ແລະ ​ອ່ານ​ງ່າຍ ຫຼິ້ນ​ເກມ​ກັນ​ໂດຍ​ການ​ໃຫ້​ລູກ​ໆ​ພາ​ເຈົ້າ​ໄປ​ຈາກ​ຈຸດ A ໄປ​ເຖິງ ຈຸດ B.
  • ຮຽນ​ຮູ້​ການ​ໃຊ້ GPS ລ່າ​ສົມບັດ: ເດັກ 5 ປີ​ຂຶ້ນ​ໄປ ມັກ​ຈະ​ຮັກ​ການ​ຫຼິ້ນ​ເກມ​ຕາມ​ລ່າ​ຫາ​ຂຸມ​ຊັບ​ກາງ​ແຈ້ງ ເຊິ່ງ​ຕ້ອງ​ໃຊ້ GPS ໃນ​ການ​ຕິດ​ຕາມ ເພື່ອ​ຄົ້ນ​ຫາ​ພາ​ຊະນະ​ທີ່​ເຕັມ​ໄປ​ດ້ວຍ​ເຄື່ອງ​ປະ​ດັບ​ເລັກໆນ້ອຍ​ໆ, ຮຽນ​ຮູ້​ເພີ່ມເຕີມ​ຈາກ​ເວັບ​ໄຊ​ geocaching.com.

ການ​ຮັກສາ​ບາດແຜ

ສອນ​ລູກ​ຂອງ​ເຈົ້າ​ຕັ້ງ​ແຕ່​ອາຍຸ​ຍັງ​ນ້ອຍ​ບໍ່​ໃຫ້​ຕົກ​ໃຈ​ເມື່ອ​​ເຫັນ​ເລືອດ (ແລະ ໂຕ​ເຈົ້າ​ເອງ​ຢ່າ​ສະແດງ​ທ່າ​ທາງ​ຫຼາຍ​ເກີນ​ໄປ) ໃຫ້​ແຜ່ນ​ເກມ​ແກ່​ພວກເຂົາ ເພື່ອ​ຫັນ​ເຫ​ຄວາມ​ສົນ​ໃຈ​ຈາກ​ຄວາມ​ເຈັບ​ປວດ ແລະ ​ໃຫ້​ທ່ານ​ສາມາດ​ເບິ່ງ​ແຍງ​ຕົນເອງ​ໄດ້​ເມື່ອ​ເຈົ້າ​ບໍ່​ໄດ້​ຢູ່​ໃກ້​ໆ, ສອນ​ໃຫ້​ພວກເຂົາ​ຫ້າມ​ເລືອດ, ລ້າງ​ບາດແຜ​ກັບ​ນ້ຳ​ສະ​ອາດ, ການ​ໃຊ້​ຢາ ​ແລະ​ ພັນ​ດ້ວຍ​ຜ້າ​ພັນ​ບາດ.

ການອະນາໄມ​ຫ້ອງ​ນ້ຳ

ໃຊ້​ເສດ​ຜ້າ ​ຫຼື ຟອງ​ນ້ຳ​ເຊັດ​ຮອຍ​ຢາ​ສີ​ຟັນ​ອອກຈາກ​ອ່າງ​ລ້າງ​ໜ້າ. ໜ້າທີ່​ອະນາໄມ​ຫ້ອງ​ນ້ຳ​ຕ້ອງ​ການ​ທັກ​ສະ​ທີ່​ຫຼາຍກວ່າ ເດັກໄວ​ຮຽນ​ຮູ້ ສາມາດ​ອະນາໄມ​ຝາ​ບ່ອນ​ນັ່ງຊັກໂຄກ ແລະ​ຖານ​ຊັກ​ໂຄກ​ດ້ວຍ​ການ​ເຊັດ​ອະນາໄມ. ຫຼັງ​ຈາກ​ນັ້ນ​ກວດ​ສອບ​ໃຫ້​ແນ່​ໃຈ​ວ່າ ພວກເຂົາ​ລ້າງ​ມື​ໃຫ້​ສະ​ອາດ. ເດັກ​ໃຫຍ່​ສາມາດ​ຮຽນ​ຮູ້​ການອະນາໄມ​ດ້ວຍ​ນ້ຳ​ຢາ​ອະນາໄມ​ປອດ​ສານ​ພິດ ຮວດ​ດ້ານ​ຂ້າງ​ດ້ວຍ​ເບກ​ກິ້ງ​ໂຊ​ດາ ແລະ​ ປ່ອຍ​ຖິ້ມ​ໄວ້ 2-3 ນາ​ທີ ເທ​ນ້ຳ​ສົ້ມ​ສາຍ​ຊູ​ແລ້ວ​ຂັດ​ດ້ວຍ​ແປງ​ລ້າງ​ຫ້ອງ​ນ້ຳ.

ການຊື້ເຄື່ອງ​ຢ່າງ​​ສະຫຼາດ

ການ​ສອນ​ເດັກ​ໆ​ໃຫ້ເປັນ​ຜູ້​ບໍລິ​ໂພກ​ທີ່​​ສະຫຼາດ​ຈະ​ຕ້ອງ​ຝຶກ​ຝົນ. ນີ້​ເປັນ 3 ຂັ້ນ​ຕອນ​ງ່າຍໆ:

  • ອະທິບາຍ​ໄປ​ດ້ວຍ​ຂະນະ​ທີ່​ຊື້ເຄື່ອງ: ການ​ເວົ້າ​ເຖິງ​ເລື່ອງ​ລາ​ຄາ ​ແລະ ​ທາງ​ເລືອກ​ຕ່າງ​ໆ ເຊັ່ນ “​ແມ່​ຈະ​ໄປ​ເຕີມ​ນ້ຳ​ມັນ​ລົດ​ທີ່ສະ​ຖາ​ນີ​ອື່ນ​ເພາະ​ລາ​ຄາ​ນ້ຳ​ມັນ​ຖືກ​ກວ່າ 200 ກີບຕໍ່ລິດ” ຫຼື ເວົ້າ​ເຖິງ​ໂສ້ງ​ໂຢ​ຄະຍີ່​ຫໍ້ Lululemon ຫຼື ສິ່ງ​ອື່ນ​ໆ​ທີ່​ມີລາ​ຄາ​ແພງ​ຈົນ​ເກີນ​ໄປ ເຮັດໃຫ້​ສິ້ນ​ເປືອງ ບໍ່​ໄດ້​ຢູ່ໃນ​ງົບ​ປະ​ມານ​ທີ່​ຊື້​ໄດ້ ​ຫຼື ຄວນ​ຊື້ ເປັນ​ຕົ້ນ.
  • ປ່ອຍ​ໃຫ້​ລູກ​ເຈົ້າ​ຈ່າຍ​ເອງ​ເປັນ​ບາງຄັ້ງ: ໃຫ້​ເງິນ​ສົມ​ທົບ​ແກ່​ພວກເຂົາ ແລະ ​ໃຫ້​ພວກເຂົາເບິ່ງ​ແຍງ​ການ​ຊື້​ຂອງ​ບາງ​ສິ່ງ​ບາງຢ່າງ​ດ້ວຍ​ຕົນເອງ. ຜົວ​ຂອງ​ຂ້ອຍ​ ແລະ​ ຂ້ອຍ​ບໍ່​ຊື້​ເຂົ້າໜົມ​ຫວານ​ໃດ​ໆ ເປັນ​ຄືກັບ​ການ​ສອນ​ລູກ​ໃຫ້​ກາຍ​ເປັນ​ນັກ​ຊື້ເຄື່ອງ​ທີ່​​ສະຫຼາດ ຮູ້​ຈັກ​ປຽບທຽບ​ລາ​ຄາ, ເກັບ​ອອມ ​ແລະ ​ເລືອກ​ຊື້​ໃນ​ສິ່ງ​ທີ່​ເໝາະ​ສົມ​ທີ່ສຸດ.
  • ການ​ຫຼິ້ນ​ເກມ​ທີ່​ຮ້ານ​ຂາຍ​ເຄື່ອງຍ່ອຍ: ທີ່​ຊູ​ເປີ​ມາ​​ເກັດ ທ້າ​ທາຍ​ລູກ​ຂອງ​ເຈົ້າ​ໃຫ້​ຫາ​ຍີ່ຫໍ້​ເຈ້ຍອະນາໄມ ​ແລະ ​ຊອດ​ໝາກເລັ່ນ​ທີ່​ລາ​ຄາ​ຖືກ​ທີ່ສຸດ.
Advertisement Replay Ad

ຂໍຂອບໃຈ

ຂໍ້ມູນ : Yhub via sanook

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ