ວັນເສົາ ທີ 18 ກັນຍາ 2021

ເປີດໃຈທຸກປະເດັນກັບ "ເມ ວິຈິດຕາ" ກ່ອນຂຶ້ນເວທີ Miss Universe 2019 ທີ່ສະຫະລັດອາເມລິກາ

ເປີດໃຈທຸກປະເດັນກັບ "ເມ ວິຈິດຕາ" ກ່ອນຂຶ້ນເວທີ Miss Universe 2019 ທີ່ສະຫະລັດອາເມລິກາ
S! Muan

ສະໜັບສະໜູນເນື້ອຫາ

ວັນພຸດນີ້ (27 ພະຈິກ 2019) ນາງງາມລາວເຈົ້າຂອງມຸງກຸດ ມິສຢູນິເວີສລາວ 2019 (Miss Universe Laos 2019) ກໍຈະບິນຂ້າມຟ້າສູ່ ແອັດແລນຕ້າ ສະຫະລັດອາເມລິກາ ເພື່ອຮ່ວມປະກວດ Miss Universe 2019 ເຊິ່ງປີນີ້ເປັນປີທີ 3 ແລ້ວທີ່ລາວສົ່ງຕົວແທນເຂົ້າຮ່ວມແຂ່ງຂັນ ແລະ ກະແສກໍຖືວ່າມາແຮງພໍສົມຄວນສຳລັບແຮງສະໜັບສະໜຸນຂອງແຟນນາງງາມທີ່ມີມາຢ່າງບໍ່ຂາດສາຍ.

muan.la ຈຶ່ງໄດ້ຕິດຕໍ່ຂໍສຳພາດແບບພິເສດ ເປີດໃຈ ສາວ "ເມ - ວິຈິດຕາ ພອນວິໄລ" ສາວງາມໄວ 23 ປີ ຕົວແທນປະເທດລາວ ເຖິງການກຽມຄວາມພ້ອມທັງດ້ານຕ່າງໆ ແລະ ເລື່ອງອື່ນໆທີ່ກ່ຽວຂ້ອງ ເພື່ອຮ່ວມປະກວດໃນເວທີໃຫຍ່ທີ່ທົ່ວໂລກຈັບຕາ ເຊີ່ງຮອບຕັດສິນຈະມີຂຶ້ນໃນວັນທີ 9 ທັນວາ 2019 ນີ້ ຕາມເວລາປະເທດລາວ.

ຕອນນີ້ກຽມໂຕແນວໃດແດ່?

ເມ: 2 ເດືອນຜ່ານມາ ເມ ກຽມໂຕຫຼາຍຢ່າງ ບໍ່ວ່າຈະເປັນເລື່ອງຂອງທັດສະນະຄະຕິ, ການໃຫ້ສຳພາດນັກຂ່າວກໍຄືສື່ຕ່າງໆ ວ່າຕ້ອງຕອບຄຳຖາມແນວໃດໃນແຕ່ລະສະຖານະການ ເຊັ່ນ ເມື່ອພົບຄຳຖາມທີ່ຂ້ອນຂ້າງອ່ອນໄຫວ ຈະເຮັດແນວໃດຈຶ່ງຈະຕອບເຂົາໄດ້. ພ້ອມນັ້ນ ກໍໄດ້ຊ້ອມການຍ່າງ, ພາບພົດຕ່າງໆ ເປັນຕົ້ນແມ່ນ ການວາງໂຕ ເຊັ່ນ: ການກິນ ແລະ ອື່ນໆ ເພື່ອໃຫ້ເວລາທີ່ຊ່າງພາບເຂົາຖ່າຍຮູບເຮົາ ຈຶ່ງອອກມາງາມ ເພາະປົກກະຕິແລ້ວ ເມເປັນຄົນທີ່ຂ້ອນຂ້າງສະບາຍໆ ເຮັດໃຫ້ການກຽມໂຕໃນເລື່ອງນີ້ເປັນສິ່ງທີ່ຂ້ອນຂ້າງທ້າທາຍສຳລັບເມ.


ພາບ: Miss Universe Laos

ຄິດວ່າຂັ້ນຕອນໃດໃນການປະກວດ ມິສຢູນິເວີສ 2019 ທີ່ຈະເຮັດໃຫ້ເມຮູ້ສຶກທ້າທາຍທີ່ສຸດ?

ເມ: ເມ ຄິດວ່າໜ້າຈະເປັນໄລຍະເກັບໂຕທີ່ຂ້ອນຂ້າງສັ້ນ ເພາະປີນີ້ມີເວລາເກັບໂຕພຽງແຕ່ປະມານ 9 ມື້ເທົ່ານັ້ນ ເຊິ່ງຕ່າງຈາກປີກ່ອນທີ່ຍາວກວ່າ. ສະນັ້ນ ເມຕ້ອງໄດ້ດຶງເອົາຄວາມສາມາດທຸກຢ່າງທີ່ມີອອກມາໃນໄລຍະເກັບໂຕ ເພື່ອໃຫ້ຄົນອື່ນໄດ້ເຫັນເຮົາ ວ່າເຮົາກໍເປັນຄົນໜຶ່ງທີ່ມີບົດບາດໃນກອງປະກວດ ເຊິ່ງໂຕນີ້ກໍຖືວ່າເປັນຫຍັງທີ່ທ້າທາຍຫຼາຍສຳລັບເມ.

ຄືທີ່ຮູ້ກັນວ່າກອງເຊຍລາວຄາດຫວັງກັບເມຫຼາຍ, ເມເຫັນມີຄວາມຄິດ ແລະ ເຫັນພາບຕົນເອງໃສ່ມຸງກຸດ ມິສຢູນິເວີສ 2019 ຢູ່ບໍ່?

ເມ: ມີໃດ. ເພາະວ່າເມກໍມີຄວາມຄິດຕັ້ງແຕ່ຕອນຍັງນ້ອຍວ່າຢາກເປັນນາງງາມ ມີມຸງກຸດຢູ່ເທິງຫົວ ແລະ ກໍຝຶກຝົນຕົນເອງ ເຮັດໃນສິ່ງທີ່ຢາກເຮັດມາຕະຫຼອດ. ກໍຫວັງວ່າຈະມີມື້ນັ້ນ ແລະ ເມກໍຈະເຮັດໃຫ້ເຕັມທີ່ໃນການປະກວດຄັ້ງນີ້.


ພາບ: Miss Universe Laos

ກ່ອນໜ້ານີ້ເຫັນເມໃນການແຂ່ງຂັນ Lao Super Model 2016, ຫຼັງຈາກນັ້ນເມເຮັດຫຍັງແດ່ ກ່ອນທີ່ຈະມາລົງປະກວດ Miss Universe Laos 2019?

ເມ: ຫຼັງການແຂ່ງຂັນ Lao Super Model 2016 ເມກໍຮັບວຽກ part time ມາໂດຍຕະຫຼອດ. ສ່ວນ 70% ແມ່ນລົງໃສ່ການຮຽນ ເພາະການຮຽນແມ່ນສຳຄັນທີ່ສຸດ. ຫຼັງຈາກທີ່ເມຮຽນຈົບ ກໍໄດ້ໄປຮຽນຕໍ່ ເພື່ອເຮັດຕາມຄວາມຕັ້ງໃຈຂອງຕົນເອງຄືເປັນນັກອອກແບບພາຍໃນ. ແຕ່ວ່າ ເມ ກໍບໍ່ໄດ້ຖິ້ມຄວາມຝັນຂອງຕົນເອງທີ່ຢາກເປັນນາງງາມ ແລະ ໃນໄລຍະທີ່ກະກຽມ portfolio ເພື່ອຍື່ນຮຽນຕໍ່ລະດັບປະນຍາໂທທີ່ອັງກິດ ເມມີເວລາ 7 ເດືອນ ປະກອບກັບມີການປະກວດ Miss Universe Laos ແດ່ ເຊິ່ງເມກໍຄວ້າໂອກາດນີ້ໄວ້ ບອກກັບຕົນເອງວ່າເປັນຫຍັງເຮົາບໍ່ລອງເຮັດເບິ່ງ? ເພາະທຳອິດຄິດວ່າຮຽນຈົບຈຶ່ງຈະມາ ແຕ່ມາຄິດເບິ່ງແລ້ວຮອດຕອນນັ້ນເຮົາກໍອາດອາຍຸຫຼາຍແລ້ວ ບວກກັບຢາກເຮັດວຽກຢູ່ອັງກິດເລີຍແດ່ ກໍເລີຍຕ້ອງເຮັດຕອນນີ້ ຕອນທີ່ມີໂອກາດເຂົ້າມາ, ຕອນທີ່ຍັງມີແຮງ ເພາະ passion (ຄວາມຫຼົງໃຫຼ) ໃນຕອນນີ້ແມ່ນມັນລົ້ນແຮງ.

ຕັ້ງແຕ່ຈົບການປະກວດມາ, ມຸງກຸດ Miss Universe Laos ມັນສຳຄັນກັບເມແນວໃດ?

ເມ: ຖ້າຖາມວ່າມຸງກຸດມັນສຳຄັນກັບເມແນວໃດ? ມັນສຳຄັນຫຼາຍ. ເມ ບອກກັບຕົນເອງໄວ້ວ່າ ເມື່ອເຮົາມາຢູ່ຈຸດນີ້ແລ້ວ ເຮົາຈະເຮັດຫຍັງໃຫ້ກັບປະເທດໄດ້. ເມ ຢາກໃຫ້ຄົນອື່ນເຫັນມິສຢູນິເວີສໃນແບບທີ່ເປັນແບບຢ່າງໃຫ້ກັບຮຸ່ນນ້ອງ ໃຫ້ກັບສັງຄົມ. ຫຼັງຈາກທີ່ຈົບການປະກວດແລ້ວ ເມຢາກເຮັດໂຄງການຊ່ວຍເຫຼືອສັງຄົມ ຢາກຕີໂຈດຂອງມິສຢູນິເວີສໃນແບບທີ່ແຕກຕ່າງອອກໄປ ບໍ່ຢາກໃຫ້ຄົນເຫັນພຽງແຕ່ວ່າ ມິສຢູນິເວີສມີແຕ່ຄວາມງາມພຽງຢ່າງດຽວ ຢາກໃຫ້ຄົນຈື່ວ່າເມເຮັດຫຍັງທີ່ແຕກຕ່າງ ແລະ ເປັນປະໂຫຍດແກ່ຄົນອື່ນ. ເມ ຢາກໃຫ້ຄົນອື່ນຈື່ເມໃນແບບນັ້ນ.


ພາບ: Miss Universe Laos

ໄດ້ຍິນມາວ່າກຳລັງກຽມໂຕໄປສຶກສາຕໍ່ຢູ່ທີ່ອັງກິດ ເລົ່າສູ່ຟັງແດ່ວ່າເປັນແນວໃດແລ້ວ ແລະ ຈະໄປຮຽນຫຍັງ?

ເມ: ສຳລັບອັນນີ້ ປີກ່ອນແມ່ນເມໄດ້ໄປຮຽນກຽມພາສາຢູ່ທີ່ອັງກິດ ແລະ ຫຼັງຈາກນັ້ນກໍໄດ້ເຮັດ portfolio ເພື່ອປະກອບຍື່ນສະໝັກເຂົ້າສຶກສາຕໍ່ລະດັບປະລິນຍາໂທ ດ້ານການອອກແບບພາຍໃນ.

ມຸງກຸດໃຫຍ່ເຮັດໃຫ້ເມຮູ້ສຶກກົດດັນຫຼາຍຂຶ້ນບໍ່? ເວລາເຫັນຄອມເມັ້ນຂອງແຟນນາງງາມທີ່ຢາກໃຫ້ເຮົາເຮັດແບບນັ້ນແບບນີ້ ເຮົາຄິດແນວໃດ?

ເມ: ມັນກໍມີຄວາມກົດດັນບໍ່ໜ້ອຍ ມັນກໍຍັງມີຢູ່ ແຕ່ກໍບໍ່ຫຼາຍຈົນເກີນໄປ. ເມຄິດວ່າຄວາມກົດດັນມາມາຈາກໂຕເຮົາເອງຫຼາຍກວ່າ ເຊິ່ງອັນນີ້ເຮົາກໍພະຍາຍາມທີ່ຈະບໍ່ກົດດັນໂຕເອງ ເພາະເຮົາຮູ້ວ່າມັນຈະບໍ່ດີກັບເຮົາເອງ. ສ່ວນເລື່ອງຂອງຄອມເມັ້ນຈາກທາງແຟນນາງງາມ ເມຈະຄິດວ່າ ທຸກຄົນຕ່າງກໍມີຄວາມຄິດທີ່ແຕກຕ່າງກັນ. ເຮົາບໍ່ສາມາດເຮັດໃຫ້ທຸກຄົນພໍໃຈ ແລະ ຄິດໃນແບບທີ່ເຮົາຕ້ອງການໃຫ້ເຂົາຄິດໄດ້ໝົດທຸກຄົນ. ສະນັ້ນ ເຮົາຈຶ່ງພະຍາຍາມໃຫ້ເຂົາເຫັນໃນສິ່ງທີ່ເຮົາເປັນ, ປັບຂໍ້ດ້ອຍຂອງຕົນເອງທີ່ເຂົາຕິຕຽນມາ, ມີຄວາມໝັ້ນໃຈ ແລະ ມີຈຸດຢືນຂອງຕົນເອງ.


ພາບ: Miss Universe Laos

ການເວົ້າພາສາອັງກິດໃຫ້ຈັບໃຈເປັນອີກໜຶ່ງຢ່າງທີ່ Miss Universe ໃນປີທີ່ຜ່ານໆມາຈຳເປັນຕ້ອງມີ, ຕໍ່ກັບການເວົ້າພາສາອັງກິດນີ້ ເມໄດ້ມີການກະກຽມແນວໃດແດ່?

ເມ: ປົກກະຕິ ເມ ໃຊ້ພາສາອັງກິດເປັນປະຈຳຢູ່ແລ້ວ ບໍ່ວ່າຈະເປັນການຕິດຕໍ່ສື່ສານກັບໝູ່ທີ່ເປັນຄົນຕ່າງປະເທດ ໂດຍສະເພາະແມ່ນໃນການເວົ້າ. ອີກຢ່າງໜຶ່ງກໍຄື ເມ ຕ້ອງໄດ້ຝຶກການເວົ້າໃຫ້ເປັນທາງການຫຼາຍຂຶ້ນ ຄືທີ່ເຮົາເຫັນຄຳເວົ້າທີ່ເຂົາໃຊ້ຈະມ່ວນ ເພາະເປັນຄຳສັບທີ່ສະເພາະ ແລະ ເປັນທາງການ. ແຕ່ ເມ ພັດເປັນຄົນທີ່ຕິດການໃຊ້ຄຳສັບແບບທີ່ໄວໜຸ່ມທົ່ວໄປໃຊ້ ຍັງເປັນເດັກນ້ອຍ ເຊິ່ງກໍຕ້ອງໄດ້ປັບກັນໄປ.

ຄືທີ່ເຮົາຮູ້ນັ້ນລະ ຫົວໃຈຫຼັກຂອງການເວົ້າບໍ່ວ່າຈະເປັນພາສາລາວ, ອັງກິດ ຫຼື ພາສາໃດໆກໍຕາມ ແມ່ນການເວົ້າອອກມາຈາກໃຈ ເພາະເມື່ອໃດທີ່ເຮົາເວົ້າໂດຍທີ່ບໍ່ໄດ້ຈິງໃຈ ຫຼື fake ຄົນອື່ນຈະເບິ່ງອອກທັນທີ. ສະນັ້ນເຮົາຕ້ອງເວົ້າອອກມາຈາກໃຈແທ້ໆ.

ຊຸດປະຈຳຊາດທີ່ຈະນຳເອົາໄປປະກວດຕອນນີ້ເປັນແນວໃດແລ້ວ?

ເມ: ປະທັບໃຈແຮງ. ຄາດຫວັງຫຼາຍວ່າເຮົາຈະໄດ້ລາງວັນເປັນປີທີ 2 ຕິດຕໍ່ກັນ. ເມ ເຊີໄພຣສ໌ຫຼາຍ ເພາະຊຸດໃນປີນີ້ມັນບົ່ງບອກເຖິງຄວາມເປັນລາວ ແບບທີ່ປະສົມປະສານຄວາມເປັນລາວແບບເກົ່າ ແຕ່ກໍຍັງມີຄວາມທັນສະໄໝເຂົ້າກັບຍຸກໃໝ່. ຖ້າເບິ່ງນຳກັນ.


ພາບ: IG: vichittapvl

ນອກຈາກຊຸດປະຈຳຊາດແລ້ວ, ສິ່ງໃດທີ່ ເມ ຄິດວ່າຈະສາມາດນຳເອົາໄປສະເໜີໃນເວທີ Miss Universe ໄດ້ອີກ?

ເມ: ວັດທະນະທຳ ແລະ ແຫຼ່ງທ່ອງທ່ຽວ. ຄົນຕ່າງປະເທດຈະຮູ້ຈັກລາວກໍຍ້ອນວັດທະນະທຳຂອງເຮົາ ມັນເປັນສິ່ງທີ່ມະຫັດສະຈັນຫຼາຍ. ຄືເຮົາຮູ້ນັ້ນລະ ລາວເຮົາໃຊ້ວັດທະນະທຳເພື່ອສະແດງໃຫ້ຄົນອື່ນຮັບຮູ້ວ່າເຮົາເປັນລາວ. ໃນສ່ວນຂອງແຫຼ່ງທ່ອງທ່ຽວ ເມ ກໍຢາກນຳສະເໜີໃຫ້ເຂົາຮູ້ຈັກການທ່ອງທ່ຽວຂອງລາວ ໂດຍສະເພາະແຫຼ່ງທ່ອງທ່ຽວທີ່ເປັນທຳມະຊາດແທ້ໆ ບໍ່ແມ່ນສິ່ງທີ່ມະນຸດປຸງແຕ່ງຂຶ້ນມາ ເພື່ອໃຫ້ເຂົາເຫັນເຖິງຄວາມອຸດົມສົມບູນຂອງປະເທດເຮົາ ເຊິ່ງມີແຫຼ່ງທ່ອງທ່ຽວທີ່ເປັນທຳມະຊາດຫຼາຍແຮງ ແລະ ເຮົາສາມາດເຮັດໃຫ້ເຂົາເຂົ້າມາທ່ຽວບ້ານເຮົາໃຫ້ຫຼາຍຂຶ້ນໄດ້.

ຕັ້ງແຕ່ມື້ທຳອິດຈົນມາຮອດມື້ນີ້ທີ່ຄອງຕຳແໜ່ງ ບົດຮຽນໃດທີ່ເມຢາກສົ່ງຕໍ່ໃຫ້ກັບນາງງາມຮຸ່ນນ້ອງໃນປີຕໍ່ໆໄປຫຼາຍທີ່ສຸດ?

ເມ: ເມຄິດວ່າໜ້າຈະເປັນການທີ່ເຮົາຈະມາຮອດຈຸດທີ່ເຮົາຢືນຢູ່ນີ້ ແຕ່ກ່ອນແມ່ນເຮົາມັກຄິດຫາແຕ່ໂຕເອງ, ແຕ່ຫຼັງຈາກທີ່ເຮົາໄດ້ມຸງກຸດມາຄອງ ເຮົາຄວນຄິດຫາຄົນໝົດປະເທດໃຫ້ຫຼາຍຂຶ້ນ ເພາະຕຳແໜ່ງທີ່ເຮົາໄດ້ມັນມີຄຳວ່າລາວຕິດມານຳ. ເວລາທີ່ເຮົາເຮັດຫຍັງກໍຕາມ ບໍ່ວ່າຈະເປັນສິ່ງທີ່ຖືກ ຫຼື ຜິດ ຢ່າລືມວ່າຕອນນີ້ເຈົ້າແບກຄຳວ່າ "ລາວ" ເອົາໄວ້, ຖ້າເຮົາເຮັດຜິດ ເວລາຄົນເຂົາເວົ້າເຖິງເຮົາ ມັນບໍ່ໄດ້ໝາຍເຖິງເຮົາພຽງຄົນດຽວ ແຕ່ມັນໝາຍເຖິງຄົນໝົດປະເທດ. ສະນັ້ນ ໃຫ້ຄິດເຖິງຄົນອື່ນໃຫ້ຫຼາຍໆ. ເວລາທີ່ທໍ້ໃຈ ຫຼື ໝົດກຳລັງໃຈ ໃຫ້ແນມເບິ່ງສາຍສະພາຍຂອງເຈົ້າ ແລ້ວເຈົ້າຈະຮູ້ວ່າເຈົ້າກຳລັງເຮັດເພື່ອໃຜ.


ພາບ: Miss Universe Laos

ແລ້ວໃຈ ເມ ເດ, ຕອນນີ້ເປັນແນວໃດແລ້ວ?

ເມ: ໂອເຄແຮງຕອນນີ້. ຍິ່ງໃກ້ຮອດມື້ແລ້ວຍິ່ງຮູ້ສຶກທ້າທາຍ. ຕອນນີ້ passion ຂອງເມມັນລົ້ນ. ບໍ່ໄດ້ຄິດວ່າມັນກົດດັນຫຍັງ ແລະ ຄິດວ່າການໃຫ້ກຳລັງໃຈຕົນເອງ ແລະ ກຳລັງໃຈຈາກຄົນອ້ອມຂ້າງເປັນສິ່ງທີ່ສຳຄັນຫຼາຍ.

ອ້ອນແຟນນາງງາມທີ່ເຂົາກຳລັງເຊຍເມໃນຕອນນີ້ແດ່ ມີຫຍັງຢາກບອກພວກເຂົາບໍ່?

ເມ: ຕ້ອງຂອບໃຈແຟນນາງງາມທັງພາຍໃນ ແລະ ຕ່າງປະເທດທີ່ເປັນກຳລັງໃຈໃຫ້ຕະຫຼອດມາ. ເມຢາກບອກວ່າ ແຟນຄລັບຂອງເມໜ້າຮັກຫຼາຍ ເວລາທີ່ເຂົາເຈົ້າແຊັດມາຫາໃຫ້ກຳລັງໃຈເຮົາ ເຂົາມັກບອກເຮົາບໍ່ໃຫ້ກົດດັນ ຢ້ານເຮົາກົດດັນ ເພາະເຂົາເຈົ້າຮູ້ວ່າຄວາມກົດດັນເປັນສິ່ງທີ່ບໍ່ດີ. ຮູ້ສຶກພູມໃຈ ແລະ ຮັກແຟນຄລັບແຮງ. ຢາກໃຫ້ເຊຍເມຕໍ່ໆໄປ ຄ້າຍຄືກັບວ່າທຸກຄົນກຳລັງສວມມຸງກຸດ ແລະ ໃສ່ສາຍສະພາຍໄປພ້ອມໆກັບເມ.

Advertisement Replay Ad
ສຽງເພງນຳພາເຮົາມາພົບກັນ ຮູ້ຈັກ ບຸ່ຍ ຕວນ ຫງັອກ ບ່າວຫວຽດນາມຜູ້ຮ້ອງເພງ 'ຜູ້ສາວວຽງຈັນ'

ສຽງເພງນຳພາເຮົາມາພົບກັນ ຮູ້ຈັກ ບຸ່ຍ ຕວນ ຫງັອກ ບ່າວຫວຽດນາມຜູ້ຮ້ອງເພງ 'ຜູ້ສາວວຽງຈັນ'

ຟັງ ຫຼື ຍັງ? "ອໍານາດເງິນຕາ" ເພງໃໝ່ ຈາກແບ້ງ ຮັນນີ

ຟັງ ຫຼື ຍັງ? "ອໍານາດເງິນຕາ" ເພງໃໝ່ ຈາກແບ້ງ ຮັນນີ

ສົ່ງຕໍ່ຄວາມຮູ້ສຶກເສຍໃຈໂດຍບໍ່ມີວັນສິ້ນສຸດຜ່ານ ເພງ "ມີແຕ່ເຈັບ" ຈາກ ນົກ The WOW

ສົ່ງຕໍ່ຄວາມຮູ້ສຶກເສຍໃຈໂດຍບໍ່ມີວັນສິ້ນສຸດຜ່ານ ເພງ "ມີແຕ່ເຈັບ" ຈາກ ນົກ The WOW

ພົບກັບຄ້າຍເພງນ້ອງໃໝ່ NEW WAVE MUSIC ເສີບທັບທຸກລົດຊາດຂອງສຽງດົນຕີ

ພົບກັບຄ້າຍເພງນ້ອງໃໝ່ NEW WAVE MUSIC ເສີບທັບທຸກລົດຊາດຂອງສຽງດົນຕີ

ຟັງ ຫຼື ຍັງ? "ຝັນລະເມີ" ເພງລາວ ທໍານອງດີ ຈາກນັກຮ້ອງໜຸ່ມ ກະຕ່າຍ ຕີ່ງນ່ອຍໆ

ຟັງ ຫຼື ຍັງ? "ຝັນລະເມີ" ເພງລາວ ທໍານອງດີ ຈາກນັກຮ້ອງໜຸ່ມ ກະຕ່າຍ ຕີ່ງນ່ອຍໆ

ເຈັບໃຫ້ສຸດຢຸດທີ່ເພງ "ຊີວິດຫຼັງຄວາມຕາຍ" ພ້ອມຈະຈົມອາລົມໄປກັບເພງນີ້ແລ້ວ ຫຼື ຍັງ?

ເຈັບໃຫ້ສຸດຢຸດທີ່ເພງ "ຊີວິດຫຼັງຄວາມຕາຍ" ພ້ອມຈະຈົມອາລົມໄປກັບເພງນີ້ແລ້ວ ຫຼື ຍັງ?

ຈາກນັກກີລາ ສູ່ຊາຍງາມບໍ່ແມ່ນເລື່ອງງ່າຍ! "ໂດ່ໂດ້" ມ້າມືດ ພຽງ 3 ອາທິດ ຟິດຫຸ່ນແບບຈັດເຕັມ

ຈາກນັກກີລາ ສູ່ຊາຍງາມບໍ່ແມ່ນເລື່ອງງ່າຍ! "ໂດ່ໂດ້" ມ້າມືດ ພຽງ 3 ອາທິດ ຟິດຫຸ່ນແບບຈັດເຕັມ

ດາລາແຝດສາວຜູ້ຊົງອິດທິພົນໃນໃຈຊາວເນັດ! ຮູ້ຈັກ 2 ສາວ ມາຍ-ມີ້ນ ໃຫ້ຫຼາຍຂຶ້ນ

ດາລາແຝດສາວຜູ້ຊົງອິດທິພົນໃນໃຈຊາວເນັດ! ຮູ້ຈັກ 2 ສາວ ມາຍ-ມີ້ນ ໃຫ້ຫຼາຍຂຶ້ນ

ລວມທັບນັກສະແດງນ້ອງໃໝ່! ມີໃຜແດ່ທີ່ໄດ້ຮັບບົດຫຼັກ ໃນຊີຣີໄວລຸ້ນລາວ My Melody?

ລວມທັບນັກສະແດງນ້ອງໃໝ່! ມີໃຜແດ່ທີ່ໄດ້ຮັບບົດຫຼັກ ໃນຊີຣີໄວລຸ້ນລາວ My Melody?

ຟັງກັນ ຫຼື ຍັງ? "ແຂນເປັນຟໍ" ເພງຮັກຫວານໆ ຈາກນັກຮ້ອງໜຸ່ມໆຫຼວງພະບາງ

ຟັງກັນ ຫຼື ຍັງ? "ແຂນເປັນຟໍ" ເພງຮັກຫວານໆ ຈາກນັກຮ້ອງໜຸ່ມໆຫຼວງພະບາງ

ບໍ່ທໍາມະດາ! ເນັດໄອດໍ້ ປາບູ່ ກ້າວສູ່ວົງການ ເປັນນາງເອກ ແລະ ຜູ້ກຳກັບເອງ ໃນຊີຣີແດນປິດສະໜາ

ບໍ່ທໍາມະດາ! ເນັດໄອດໍ້ ປາບູ່ ກ້າວສູ່ວົງການ ເປັນນາງເອກ ແລະ ຜູ້ກຳກັບເອງ ໃນຊີຣີແດນປິດສະໜາ

ສ່ອງ ຜົນງານ ບອສ Black Modeling ດາວດວງໃໝ່ ທີ່ບໍ່ເຄີຍຢຸດພັດທະນາຕົນເອງ

ສ່ອງ ຜົນງານ ບອສ Black Modeling ດາວດວງໃໝ່ ທີ່ບໍ່ເຄີຍຢຸດພັດທະນາຕົນເອງ

"ຜິດຫວັງ" ເພງລາວອົກຫັກກະຊາກອາລົມ ຈາກນັກຮ້ອງໜຸ່ມ Gomen

"ຜິດຫວັງ" ເພງລາວອົກຫັກກະຊາກອາລົມ ຈາກນັກຮ້ອງໜຸ່ມ Gomen

ຈາກເນັດໄອດໍ້ ສູ່ສິລະປິນຄຸນນະພາບ! ສ່ອງ "ຕຸກຕາ" ນາງເອກ MV ເພງຫຼົງສາວຊຽງຂວາງ

ຈາກເນັດໄອດໍ້ ສູ່ສິລະປິນຄຸນນະພາບ! ສ່ອງ "ຕຸກຕາ" ນາງເອກ MV ເພງຫຼົງສາວຊຽງຂວາງ

ເຊຍຈົນວິນາທີສຸດທ້າຍ! "ອາສຸນ" ໜຸ່ມຜົ້ງສາລີ ໝາຍເລກ 01 ຈາກນັກທຸລະກິດ ສູ່ເວທີປະກວດຊາຍງາມ

ເຊຍຈົນວິນາທີສຸດທ້າຍ! "ອາສຸນ" ໜຸ່ມຜົ້ງສາລີ ໝາຍເລກ 01 ຈາກນັກທຸລະກິດ ສູ່ເວທີປະກວດຊາຍງາມ

ເຜີຍສາເຫດ "ເບຍ ດາໃນ" ຖອນໂຕກະທັນຫັນ ຈາກໂປຣເຈັກໃຫຍ່ 7Days 7Boys ເພື່ອສິ່ງນີ້!

ເຜີຍສາເຫດ "ເບຍ ດາໃນ" ຖອນໂຕກະທັນຫັນ ຈາກໂປຣເຈັກໃຫຍ່ 7Days 7Boys ເພື່ອສິ່ງນີ້!

ພ້ອມເດີນຕາມຝັນ! ເຊຍເລີຍ ບ່າວກົດໝາຍ "ໂບ່ລິ້ງ" ຜູ້ຫຼົງຮັກສຽງດົນຕີເປັນຊີວິດຈິດໃຈ

ພ້ອມເດີນຕາມຝັນ! ເຊຍເລີຍ ບ່າວກົດໝາຍ "ໂບ່ລິ້ງ" ຜູ້ຫຼົງຮັກສຽງດົນຕີເປັນຊີວິດຈິດໃຈ

ຂ້ອຍບໍ່ເກັ່ງ ເພາະບໍ່ມີພອນສະຫວັນແມ່ນແທ້ບໍ? ສໍາພາດ "ໂຢ" ຄູຜູ້ສ້າງຄົນ ເຈົ້າຂອງປຶ້ມສູດເຄມີ

ຂ້ອຍບໍ່ເກັ່ງ ເພາະບໍ່ມີພອນສະຫວັນແມ່ນແທ້ບໍ? ສໍາພາດ "ໂຢ" ຄູຜູ້ສ້າງຄົນ ເຈົ້າຂອງປຶ້ມສູດເຄມີ

ບໍ່ທໍາມະດາ! "ຈີ່ມມີ້" ໂຊບົດຟ້ອນສິນໄຊຍິງຊອນ ຜູ້ພິຊິດໃຈກໍາມະການ ໝາຍເລກ ​20

ບໍ່ທໍາມະດາ! "ຈີ່ມມີ້" ໂຊບົດຟ້ອນສິນໄຊຍິງຊອນ ຜູ້ພິຊິດໃຈກໍາມະການ ໝາຍເລກ ​20

"ເພງຂອງເຮົາ" ຟັງແລ້ວອົບອຸ່ນໄປທັງຫົວໃຈ ຜົນງານເພງຄວາມໝາຍດີໆ ຈາກ ຕານຸ ວັນນະສິນ

"ເພງຂອງເຮົາ" ຟັງແລ້ວອົບອຸ່ນໄປທັງຫົວໃຈ ຜົນງານເພງຄວາມໝາຍດີໆ ຈາກ ຕານຸ ວັນນະສິນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ