ວັນພຸດ ທີ 20 ພະຈິກ 2019

ເປີດແລ້ວ ບຸນນະມັດສະການພະທາດຫຼວງວຽງຈັນ ແລະ ສະຫຼຸບການປະຕິສັງຂອນ ປະຈໍາປີ 2019

ເປີດແລ້ວ ບຸນນະມັດສະການພະທາດຫຼວງວຽງຈັນ ແລະ ສະຫຼຸບການປະຕິສັງຂອນ ປະຈໍາປີ 2019

ເປີດຂຶ້ນແລ້ວ ສຳລັບງານວາງສະແດງສິນຄ້າ ໃນໄລຍະງານວຽງຈັນ ແລະ ການສະຫຼຸບຜົນການປະຕິສັງຂອນ ພິພິທະພັນທາດຫຼວງວຽງຈັນ ຄັ້ງທີ 4 ປະຈໍາປີ 2019 ໄດ້ໄຂຂຶ້ນຢ່າງເປັນທາງການ ໃນຕອນແລງຂອງວັນທີ 5 ພະຈິກ 2019 ຢູ່ເດີ່ນພະທາດຫຼວງວຽງຈັນ ໂດຍມີ ທ່ານ ປອ ບຸນທອງ ຈິດມະນີ ຮອງນາຍົກລັດຖະມົນຕີ, ມີການນໍາພັກ-ລັດ, ທ່ານເອກອັກຄະລັດຖະທູດ, ທູຕານຸທູດ, ຄະນະປະຈໍາພັກນະຄອນຫຼວງ, ຜູ້ຕາງໜ້າອົງການຈັດຕັ້ງສາກົນຕ່າງໆປະຈໍາລາວ, ກໍາລັງປະກອບອາວຸດ, ເຈົ້າເມືອງ, ຫົວໜ້າພະແນກການ, ພະນັກງານອາວຸໂສ, ບັນດາທ່ານແຂກຜູ້ມີກຽດ, ກໍາລັງປ້ອງກັນຊາດ-ປ້ອງກັນຄວາມສະຫງົບ, ບັນດາຫົວໜ່ວຍທຸລະກິດ, ຫ້າງຮ້ານວາງສະແດງຕ່າງໆ ທັງພາຍໃນ ແລະ ຕ່າງປະເທດ ເຂົ້າຮ່ວມເປັນຈໍານວນຫຼວງຫຼາຍ. ງານວາງສະແດງສິນຄ້າ ຈະດໍາເນີນໄປເຖິງວັນທີ 11 ພະຈິກ 2019, ສ່ວນການວາງສະແດງ ແລະ ຂາຍສິນຄ້າ ຢູ່ສູນການຄ້າ ລາວ-ໄອເຕັກ ຈະເລີ່ມແຕ່ວັນທີ 6-17 ພະຈິກ 2019.

ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ ໄດ້ໃຫ້ຮູ້ວ່າ ການເປີດງານວາງສະແດງສິນຄ້າ ໃນໄລຍະງານບຸນນະມັດສະການພະທາດຫຼວງວຽງຈັນ ແລະ ການສະຫຼຸບຜົນການປະຕິສັງຂອນ ພິພິທະພັນທາດຫຼວງວຽງຈັນ ຄັ້ງທີ 4 ປະຈໍາປີ 2019, ເພື່ອຮັກສາ ແລະ ເສີມຂະຫຍາຍມູນເຊື້ອວັດທະນະທໍາອັນດີງາມ ຂອງງານບຸນນະມັດສະການພະທາດຫຼວງວຽງຈັນ ທີ່ເຄີຍສືບທອດກັນມາແຕ່ບູຮານນະການ ໃຫ້ດໍາລົງຄົງຢູ່ຄູ່ຊາດລາວ ໃຫ້ມີບັນຍາກາດເບີກບານມ່ວນຊື່ນ, ຮັກສາໄດ້ຮີດຄອງປະເພນີອັນເປັນປຶກແຜ່ນ, ຍົກສູງຄຸນຄ່າມໍລະດົກມິ່ງເມືອງ ເຊິ່ງເປັນສັນຍາລັກ ຄວາມສາມັກຄີປອງດອງ ຄວາມບຸກບືນຫ້າວຫັນໃນການສ້າງບ້ານແປງເມືອງ ໃຫ້ມີຄວາມຈະເລີນຮຸ່ງເຮືອງຍິ່ງໆຂຶ້ນ, ເພື່ອເປັນການສ້າງໂອກາດ ແລະ ຊຸກຍູ້ສົ່ງເສີມການທ່ອງທ່ຽວ, ສົ່ງເສີມການຄ້າ ໜຶ່ງເມືອງ ໜຶ່ງຜະລິດຕະພັນ, ສິນຄ້າຄອບຄົວຕົວແບບ ທີ່ຈະກ້າວເປັນສິນຄ້າໂອດັອບ ທີ່ໄດ້ຮັບກາໝາຍຮັບຮອງລະດັບຊາດ, ສິນຄ້າຂອງບັນດາວິສາຫະກິດຂະໜາດນ້ອຍ ແລະ ກາງ ໄດ້ມາສະແດງ, ຈໍາໜ່າຍສິນຄ້າພາຍໃນ ແລະ ຕ່າງປະເທດ ເພື່ອໃຫ້ຊາວນະຄອນຫຼວງວຽງຈັນ ແລະ ແຂກຕ່າງປະເທດ ໄດ້ເຫັນ ແລະ ໄດ້ຊົມໃຊ້ສິນຄ້າ ເຊິ່ງເປັນການແລກປ່ຽນບົດຮຽນ ແລະ ປະສົບການຕ່າງໆ ຂອງບັນດາຫົວໜ່ວຍທຸລະກິດ ໄດ້ນໍາເອົາຜົນຜະລິດຂອງຕົນມາແລກປ່ຽນຊື້ຂາຍ ຈົນກາຍເປັນປະເພນີສືບທອດກັນມາຫຼາຍຮ້ອຍປີ, ງານວາງສະແດງສິນຄ້າ ແລະ ບຸນນະມັດສະການພະທາດຫຼວງວຽງຈັນ ປະຈໍາປີ 2019 ໄດ້ກາຍເປັນງານບຸນລະດັບຊາດ ທີ່ມີການວາງສະແດງສິນຄ້າຈາກພາຍໃນ ແລະ ຕ່າງປະເທດ, ທັງພາກລັດ-ເອກະຊົນ ເປັນຈໍານວນຫຼວງຫຼາຍ ໂດຍໄດ້ຈັດຂຶ້ນ 2 ຈຸດ: ຢູ່ເດີ່ນພະທາດຫຼວງວຽງຈັນ ແລະ ສູນການຄ້າລາວ-ໄອເຕັກ, ເຊິ່ງສິນຄ້າມາວາງສະແດງຂາຍປະກອບມີ: ປະເພດຫັດຖະກໍາ, ກະສິກໍາ, ອຸດສະຫະກໍາ, ຜະລິດຕະພັນພາຍໃນ, ການວາງສະແດງສິນຄ້າການທ່ອງທ່ຽວ, ອາຫານ, ເຄື່ອງດື່ມຕ່າງໆ. ນອກຈາກນີ້, ໄດ້ມີການຈັດສວນຈໍາລອງ ຕົ້ນໄມ້, ດອກໄມ້, ການວາງສະແດງຄວາມຄືບໜ້າການກໍ່ສ້າງທາງລົດໄຟຄວາມໄວສູງ, ການສະແດງສິລະປະດົນຕີ ແລະ ການແຂ່ງຂັນຕີມວຍ ທັງນີ້ເພື່ອຮັບປະກັນພາຍໃນງານບຸນ ມີຄວາມປອດໄພ, ຄວາມເປັນລະບຽບຮຽບຮ້ອຍ ແລະ ສະອາດງາມຕາ.

ສ່ວນກິດຈະກຳທາງສາສະໜາໃນ 3 ມື້ສຳຄັນ ເຊັ່ນ: ວັນທີ 9 ພະຈິກ 2019 ເວລາ 16:00 ໂມງ ພິທີສູດປະລິຕະມຸງຄຸນ ທີ່ພະທາດຫຼວງ; ວັນທີ 10 ພະຈິກ 2019 ເວລາ 13:00 ໂມງ ພິທີແຫ່ຜາສາດເຜິ້ງ ແລະ ວັນທີ 11 ພະຈິກ 2019 ເວລາ 7:00 ໂມງ ພິທີໃສ່ບາດຖວາຍສັງຄະທານ, ເວລາ 13:00 ໂມງ ພິທີແຫ່ລູກຄີ ແລະ ແຂ່ງຂັນກີລາພື້ນບ້ານຕີຄີ ແລະ ເວລາ 19:00 ໂມງ ຈະມີພິທີວຽນທຽນ ແລະ ຈູດທູບທຽນ, ບັ້ງໄຟສັກກາລະບູຊາອົງພະທາດ.

ທ່ານຮອງເຈົ້າຄອງ ຍັງໄດ້ລາຍງານສະພາບການປະຕິສັງຂອນພິພິທະພັນພະທາດຫຼວງ ຄັ້ງທີ 4 ວ່າ: ການປະຕິສັງຂອນຄັ້ງຫຼ້າສຸດໄດ້ມີການໂອບຄໍາຈອມພະທາດ 9 ກິໂລ 9 ບາດ 9 ສະລຶງ 9 ຫຸນ, ໂບກຮອຍແຕກອົງພະທາດ ແລະ ຫໍໄຫວ້ ທັງ 4 ເບື້ອງ, ທາສີຄຳອົງພະທາດ ໃຫຍ່ – ທາດນ້ອຍ, ພະທາດທຳມະສິຫາຍໂສກ ແລະ ຫໍກວມ, ບູລະນະຫຼັງຄາກົມມະລຽນຄືນໃໝ່, ສ້ອມແປງຊຸ້ມປະຕູໃຫຍ່ ທັງ 4 ເບື້ອງ, ປັບປຸງພື້ນ, ລະບຽງ, ຮ່ອງລະບາຍນໍ້າອ້ອມຂ້າງ ແລະ ປັບປຸງລະບົບໄຟຟ້າໃນກົມມະລຽນ ແລະ ອ້ອມຂ້າງສະໜາມ. ພ້ອມນັ້ນ, ຍັງໄດ້ສຳເລັດການຫຼໍ່ພະພຸດທະຮູບອົງຄໍາ, ແຕ້ມສີນໍ້າມັນ ແລະ ອື່ນໆ ລວມເປັນຄໍາ 23 ກິໂລ ແລະ ໄດ້ຮັບເງິນ 8 ຕື້ກີບ ມາຈັດຕັ້ງປະຕິບັດ 8 ໜ້າວຽກ ທີ່ມີມູນຄ່າ 12 ຕື້ກີບ.

ໃນໂອກາດດຽວກັນນີ້, ທ່ານ ປອ ບຸນທອງ ຈິດມະນີ ຮອງນາຍົກລັດຖະມົນຕີ ກໍໄດ້ໃຫ້ກຽດລັ່ນຄ້ອງເກົ້າບາດ ແລະ ປ່ອຍປູມເປົ້າ ເພື່ອເປັນສັນຍາລັກ ການເປີດງານວາງສະແດງສິນຄ້າ ໃນງານບຸນນະມັດສະການພະທາດຫຼວງວຽງຈັນ ໄດ້ເປີດຂຶ້ນຢ່າງເປັນທາງການ ແລະ ໄດ້ທ່ຽວຊົມບັນດາຮ້ານວາງສະແດງ ແລະ ຜະລິດຕະພັນສິນຄ້າໂອດັອບຂອງບັນດາເມືອງ, ຄອບຄົວຕົວແບບນໍາອີກ.

Advertisement Replay Ad

ຂໍຂອບໃຈ

ຂໍ້ມູນ : ປ້ອງກັນຄວາມສະຫງົບນະຄອນຫຼວງວຽງຈັນ

ສສຊ ຮັບຮອງເອົາຮ່າງມະຕິກອງປະຊຸມສະພາແຫ່ງຊາດ ກ່ຽວກັບວຽກງານຂອງລັດຖະບານ 3 ສະບັບ

ສສຊ ຮັບຮອງເອົາຮ່າງມະຕິກອງປະຊຸມສະພາແຫ່ງຊາດ ກ່ຽວກັບວຽກງານຂອງລັດຖະບານ 3 ສະບັບ

ລັດຖະມົນຕີ ສສກ ລາຍງານການປະຕິບັດວຽກງານການສຶກສາຂອງລາວ ໃນກອງປະຊຸມໃຫຍ່ UNESCO

ລັດຖະມົນຕີ ສສກ ລາຍງານການປະຕິບັດວຽກງານການສຶກສາຂອງລາວ ໃນກອງປະຊຸມໃຫຍ່ UNESCO

ການຈັດເກັບລາຍຮັບຂອງສູນກາງ ແລະ ທ້ອງຖິ່ນຍັງບໍ່ສອດຄ່ອງ ພົບ ຈັດເກັບບໍ່ລວມສູນ-ມີການເຊື່ອງອຳ

ການຈັດເກັບລາຍຮັບຂອງສູນກາງ ແລະ ທ້ອງຖິ່ນຍັງບໍ່ສອດຄ່ອງ ພົບ ຈັດເກັບບໍ່ລວມສູນ-ມີການເຊື່ອງອຳ

“ບິລ ເກດ” ຜູ້ຮ່ວມກໍ່ຕັ້ງບໍລິສັດໄມໂຄຣຊັອຟ ກັບມາທວງບັນລັງ ບຸກຄົນທີ່ຮັ່ງມີທີ່ສຸດໃນໂລກ

“ບິລ ເກດ” ຜູ້ຮ່ວມກໍ່ຕັ້ງບໍລິສັດໄມໂຄຣຊັອຟ ກັບມາທວງບັນລັງ ບຸກຄົນທີ່ຮັ່ງມີທີ່ສຸດໃນໂລກ

ປຶ້ມປະທານຸກົມພືດເປັນຢາ ຮວມຮວບຮູບພາບ-ຄຳສັບພືດກວ່າ 1,600 ຊະນິດ ໃນ 13 ແຂວງຂອງລາວ

ປຶ້ມປະທານຸກົມພືດເປັນຢາ ຮວມຮວບຮູບພາບ-ຄຳສັບພືດກວ່າ 1,600 ຊະນິດ ໃນ 13 ແຂວງຂອງລາວ

ອີຣານເດືອດ! ລາຄານໍ້າມັນຂຶ້ນ 50% ຜູ້ປະທ້ວງຈັບຕຳຫຼວດເປັນໂຕປະກັນ

ອີຣານເດືອດ! ລາຄານໍ້າມັນຂຶ້ນ 50% ຜູ້ປະທ້ວງຈັບຕຳຫຼວດເປັນໂຕປະກັນ

ນໍ້າທະເລຖ້ວມເວນິສ ອິຕາລີ ຄັ້ງທີ 3 ໃນຮອບອາທິດ ດ້ານນັກທ່ອງທ່ຽວຕ້ອງຂົນເຄື່ອງລຸຍນໍ້າ

ນໍ້າທະເລຖ້ວມເວນິສ ອິຕາລີ ຄັ້ງທີ 3 ໃນຮອບອາທິດ ດ້ານນັກທ່ອງທ່ຽວຕ້ອງຂົນເຄື່ອງລຸຍນໍ້າ

ອັດສະລິຍະ! ເດັກຊາຍຈາກເບລຢຽມຈົບການສຶກສາປະລິນຍາຕີວິສະວະກຳໄຟຟ້າ ດ້ວຍອາຍຸພຽງ 9 ປີ

ອັດສະລິຍະ! ເດັກຊາຍຈາກເບລຢຽມຈົບການສຶກສາປະລິນຍາຕີວິສະວະກຳໄຟຟ້າ ດ້ວຍອາຍຸພຽງ 9 ປີ

ສສຊ ເຂດເລືອກຕັ້ງທີ 13 ແຂວງສະຫວັນນະເຂດ ສະເໜີ ພະນັກງານກວດກາຕ້ອງມີຈັນຍາບັນ

ສສຊ ເຂດເລືອກຕັ້ງທີ 13 ແຂວງສະຫວັນນະເຂດ ສະເໜີ ພະນັກງານກວດກາຕ້ອງມີຈັນຍາບັນ

ແນະນຳ 10 ວິທີ ທີ່ໄວໜຸ່ມ-ນ້ອງນັກຮຽນຄວນຮູ້ ເພື່ອໜີຫ່າງສິ່ງເສບຕິດ

ແນະນຳ 10 ວິທີ ທີ່ໄວໜຸ່ມ-ນ້ອງນັກຮຽນຄວນຮູ້ ເພື່ອໜີຫ່າງສິ່ງເສບຕິດ

"Savan Fun Fest" ງານຍ້ອນຍຸກ ທີ່ຈະພາທຸກຄົນໄປສຳຜັດມົນສະເໜ່ຂອງ "ສະຫວັນນະເຂດ"

"Savan Fun Fest" ງານຍ້ອນຍຸກ ທີ່ຈະພາທຸກຄົນໄປສຳຜັດມົນສະເໜ່ຂອງ "ສະຫວັນນະເຂດ"

ສປປ ລາວ ຮັບເອົາຄົນຫວຽດນາມ ເປັນພົນລະເມືອງເກືອບ 2 ພັນຄົນແລ້ວ

ສປປ ລາວ ຮັບເອົາຄົນຫວຽດນາມ ເປັນພົນລະເມືອງເກືອບ 2 ພັນຄົນແລ້ວ

ລມຕ ການເງິນ ຊີ້ ໜີ້ຕ້ອງຮັບ-ລາຍຈ່າຍລ່ວງໜ້າ ບັນຫາຊຳເຮື້ອມາຫຼາຍປີ ຍັງແກ້ບໍ່ໄດ້

ລມຕ ການເງິນ ຊີ້ ໜີ້ຕ້ອງຮັບ-ລາຍຈ່າຍລ່ວງໜ້າ ບັນຫາຊຳເຮື້ອມາຫຼາຍປີ ຍັງແກ້ບໍ່ໄດ້

ລາຍງານຂອງກະຊວງການເງິນຊີ້ ການຈັດເກັບລາຍຮັບເຂົ້າງົບປະມານປີນີ້ ອາດບໍ່ບັນລຸເປົ້າໝາຍ

ລາຍງານຂອງກະຊວງການເງິນຊີ້ ການຈັດເກັບລາຍຮັບເຂົ້າງົບປະມານປີນີ້ ອາດບໍ່ບັນລຸເປົ້າໝາຍ

ສະມາຊິກສະພາແຫ່ງຊາດ ຢ້ຽມຊົມພື້ນຖານໂຄງລ່າງ ກະຊວງວິທະຍາສາດ ແລະ ເຕັກໂນໂລຊີ

ສະມາຊິກສະພາແຫ່ງຊາດ ຢ້ຽມຊົມພື້ນຖານໂຄງລ່າງ ກະຊວງວິທະຍາສາດ ແລະ ເຕັກໂນໂລຊີ

ລັດຖະບານຈະມີນະໂຍບາຍພິເສດຕໍ່ກັບຜູ້ທຳການຜະລິດ ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ

ລັດຖະບານຈະມີນະໂຍບາຍພິເສດຕໍ່ກັບຜູ້ທຳການຜະລິດ ທີ່ໄດ້ຮັບຜົນກະທົບຈາກໄພພິບັດທາງທຳມະຊາດ

ອຸດສາຫະກຳ-ການຄ້າ ແຈ້ງປັບຂຶ້ນລາຄານໍ້າມັນເຊື້ອໄຟ ທົ່ວປະເທດ

ອຸດສາຫະກຳ-ການຄ້າ ແຈ້ງປັບຂຶ້ນລາຄານໍ້າມັນເຊື້ອໄຟ ທົ່ວປະເທດ

ອິນໂດເນເຊຍເລັງເພີ່ມບົດລົງໂທດ "ນັກທ່ອງທ່ຽວຂີ້ເມົາ-ກໍ່ກວນສັງຄົມ"

ອິນໂດເນເຊຍເລັງເພີ່ມບົດລົງໂທດ "ນັກທ່ອງທ່ຽວຂີ້ເມົາ-ກໍ່ກວນສັງຄົມ"

ສປປ ລາວ ຂຶ້ນບັນຊີບຸກຄົນຕ້ອງຫ້າມເຂົ້າປະເທດກວ່າ 3 ພັນຄົນ

ສປປ ລາວ ຂຶ້ນບັນຊີບຸກຄົນຕ້ອງຫ້າມເຂົ້າປະເທດກວ່າ 3 ພັນຄົນ

ໝານ້ອຍ ໃນສະຫະລັດ ສຸດແປກ! ມີຫາງປົ່ງອອກກາງໜ້າຜາກ ດ້ານຊາວເນັດແຫ່ລະດົມທຶນຊ່ວຍເຫຼືອ

ໝານ້ອຍ ໃນສະຫະລັດ ສຸດແປກ! ມີຫາງປົ່ງອອກກາງໜ້າຜາກ ດ້ານຊາວເນັດແຫ່ລະດົມທຶນຊ່ວຍເຫຼືອ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ