ວັນພຸດ ທີ 13 ພະຈິກ 2019

'ຖືກຂົ່ມຂືນ ຄວນເຮັດແນວໃດ?' ຄວາມທຸກໃຈທີ່ຜູ້ຖືກກະທຳບໍ່ກ້າອ້າປາກກ່າວເຖິງ

'ຖືກຂົ່ມຂືນ ຄວນເຮັດແນວໃດ?' ຄວາມທຸກໃຈທີ່ຜູ້ຖືກກະທຳບໍ່ກ້າອ້າປາກກ່າວເຖິງ
S! Muan

ສະໜັບສະໜູນເນື້ອຫາ

ພໍໄດ້ຍິນຂ່າວກ່ຽວກັບການຂົ່ມຂືນທຳຊຳເລົາ, ຜູ້ທີ່ໄດ້ຍິນກໍຮູ້ສຶກສະເທືອນໃຈຫຼາຍແລ້ວ. ແລ້ວຖ້າເປັນໂຕຜູ້ທີ່ປະສົບເຫດການແຫ່ງຄວາມໂຊກຮ້າຍນັ້ນມາເອງເດ ຈະມີສະພາບຈິດໃຈແນວໃດ? ປັດຈຸບັນນີ້ ການຂົ່ມຂືນເປັນໄພຮ້າຍໃກ້ໂຕຫຼາຍກວ່າທີ່ຄິດ ເພາະເຫດການດັ່ງກ່າວນີ້ສາມາດເກີດຂຶ້ນໄດ້ທຸກທີ່, ທຸກເວລາ, ທຸກເພດ ໂດຍບໍ່ຈຳເປັນຕ້ອງຂຶ້ນຢູ່ກັບເວລາ ຫຼື ຢູ່ໃນສະຖານທີ່ສຸ່ມສ່ຽງໃດໆ.

ແນວໃດກໍຕາມ ບໍ່ມີໃຜທີ່ຢາກໃຫ້ເຫດການດັ່ງກ່າວເກີດຂຶ້ນ ບໍ່ວ່າຈະກັບໃຜກໍຕາມ. ແຕ່ຖ້າວ່າຕ້ອງປະເຊີນກັບຄວາມໂຊກຮ້າຍນັ້ນ ບໍ່ວ່າຈະເປັນໂຕເຈົ້າເອງ ຫຼື ຄົນໃກ້ໂຕ, ການຮູ້ຈັກວິທີຮັບມືຫຼັງຈາກເກີດເຫດການນັ້ນ ນອກຈາກຈະຊ່ວຍໃຫ້ເຮົາສາມາດຈັດການກັບສິ່ງທີ່ເກີດຂຶ້ນໄດ້ຢ່າງມີສະຕິແລ້ວ ເຮົາຍັງອາດຈະເປັນທີ່ປຶກສາໃຫ້ກັບຜູ້ທີ່ຕົກຢູ່ໃນຄວາມບອບຊໍ້າແບບດຽວກັນກັບເຮົາໄດ້ນຳ.

'ຖືກຂົ່ມຂືນ ຄວນເຮັດແນວໃດ?'

ຕັ້ງສະຕິໃຫ້ດີກ່ອນ

ເຫດການແບບນີ້ ສະຕິເປັນສິ່ງທີ່ສຳຄັນ. ບໍ່ຜິດທີ່ເຮົາອາດຈະຮູ້ສຶກສະຕິແຕກ ແຕ່ການລວບລວມສະຕິໃຫ້ໄດ້ ຄວນເປັນສິ່ງທຳອິດທີ່ເຮົາຄວນເຮັດ ເພາະວ່າ ເຮົາຄວນທີ່ຈະຈື່ຈຳເຫດການ, ສະຖານທີ່ ແລະ ໜ້າຕາຂອງຄົນຮ້າຍໃຫ້ໄດ້ ຮວມທັງຈື່ຈຳວ່າຕອນທີ່ເກີດເຫດການ ມີໃຜທີ່ສາມາດເປັນພະຍານໃຫ້ເຮົາໄດ້.

ປ້ອງກັນໂຕເອງໄວ້ກ່ອນ

ຄວນຈະປ້ອງກັນການຖືພາ ໂດຍໃຊ້ຢາຄຸມກຳເນີດສຸກເສີນທັນທີ ຫຼື ພາຍໃນ 120 ຊົ່ວໂມງ. ສາມາດຊື້ຢາຄຸມກຳເນີດສຸກເສີນໄດ້ຕາມຮ້ານຂາຍຢາທົ່ວໄປ. ເລື່ອງນີ້ຄວນໃຫ້ຄວາມສຳຄັນເປັນຢ່າງຍິ່ງ ເພາະຍິ່ງກິນໄວເທົ່າໃດ ກໍຈະເຮັດໃຫ້ການປ້ອງກັນນັ້ນມີປະສິດທິພາບຫຼາຍຂຶ້ນເທົ່ານັ້ນ.

ກວດຮ່າງກາຍຢ່າງເລັ່ງດ່ວນ ເພື່ອດຳເນີນຄະດີ

ເຖິງວ່າຕາມຫຼັກຄວາມເປັນຈິງແລ້ວ ເມື່ອຜ່ານເຫດການທີ່ບໍ່ດີມາ, ຄົນເຮົາກໍຢາກທີ່ຈະຊໍາລະລ້າງຮ່າງກາຍໃຫ້ຮູ້ສຶກສະອາດ ແລະ ກຳຈັດຮ່ອງຮອຍຂອງເຫດການນັ້ນອອກໄປ. ແຕ່ຄວາມຈິງແລ້ວ ບໍ່ຄວນຮີບຟ້າວອາບນໍ້າ ຫຼື ຊຳລະລ້າງຮ່າງກາຍກ່ອນ ແຕ່ຄວນຮີບຟ້າວໄປໃຫ້ແພດກວດຮ່າງກາຍຢ່າງເລັ່ງດ່ວນ ເພື່ອໃຫ້ສາມາດເກັບຫຼັກຖານໄດ້ຢ່າງຊັດເຈນ.

ບອກຜູ້ປົກຄອງ ຫຼື ຄົນທີ່ໄວ້ໃຈໄດ້ ເພື່ອແຈ້ງຄວາມຮຽກຮ້ອງສິດ

ສິ່ງທີ່ເຮັດໃຫ້ເຫຍື່ອຂອງເຫດການນີ້ບໍ່ກ້າອອກມາເວົ້າກໍຄື ຄວາມອັບອາຍ. ແຕ່ໃນຄວາມຈິງແລ້ວ ເຮົາຢາກຈະບອກວ່າ ການທີ່ເຈົ້າເປັນຜູ້ຖືກກະທຳ ບໍ່ໄດ້ໝາຍຄວາມວ່າເຈົ້າເປັນຝ່າຍຜິດ, ການອອກມາຮຽກຮ້ອງສິດຕົວເອງນັ້ນ ເປັນສິ່ງທີ່ຖືກຕ້ອງ ແລະ ອາດເປັນວີລະບຸລຸດ/ວີລະສະຕີສຳລັບຄົນທີ່ພົບເຫດການແບບດຽວກັນ ພ້ອມທັງສ້າງແຮງບັນດານໃຈໃຫ້ຄົນອື່ນລຸກຂຶ້ນມາຕໍ່ສູ້ເພື່ອສິດຂອງຕົນເອງຄືກັນກັບເຮົາກໍໄດ້.

ກວດເລືອດ

ເລື່ອງການກວດເລືອດນັ້ນຖືວ່າເປັນເລື່ອງທີ່ສຳຄັນຫຼາຍ ເພາະບໍ່ແມ່ນວ່າເຮົາຈະໂຊກດີທີ່ຝັ່ງທີ່ມາທຳຮ້າຍຈະໃຊ້ອຸປະກອນປ້ອງກັນ (ເຊັ່ນ: ຖົງຢາງອະນາໄມ), ສະນັ້ນການກວດເລືອດນັ້ນສາມາດກວດໄດ້ພາຍໃນ 3-7 ວັນ ແຕ່ສາມາດກິນຢາ PEP ທີ່ຕ້ານເຊື້ອ HIV ເພື່ອໃຫ້ໄດ້ປະສິດທິພາບສູງສຸດ. ຄົນໄຂ້ທີ່ຕ້ອງສົງໄສວ່າໄດ້ຮັບເຊື້ອຈະຕ້ອງກິນຢາຕ້ານໄວຣັສ (PEP) ໃຫ້ໄວທີ່ສຸດພາຍໃນເວລາ 72 ຊົ່ວໂມງ ແລະ ຕ້ອງ ຈະຕ້ອງກິນຢາຢ່າງຕໍ່ເນື່ອງເປັນເວລາ 28 ວັນ ພາຍໃຕ້ການເບິ່ງແຍງ ແລະ ຄຳແນະນຳຂອງແພດ.

ກົດໝາຍກຳນົດໂທດກ່ຽວກັບການຂົ່ມຂືນທຳຊຳເລົາໄວ້ຄືແນວໃດ?

ອີງຕາມປະມວນກົດໝາຍອາຍາ ສະບັບປີ 2017 ໄດ້ກຳນົດໂທດກ່ຽວກັບການຂົ່ມຂືນທຳຊຳເລົາໄວ້ຄືດັ່ງນີ້:

ມາດຕາ 248 ການຂົ່ມຂືນທຳຊຳເລົາ: ບຸກຄົນໃດຫາກໃຊ້ກຳລັງ, ໃຊ້ອາວຸດນາບຂູ່, ໃຊ້ຢາສະຫຼົບ, ໃຊ້ສິ່ງມຶນເມົາ ຫຼື ໃຊ້ວິທີອື່ນ ທີ່ເຮັດໃຫ້ຜູ້ອື່ນຕົກຢູ່ໃນສະພາບທີ່ບໍ່ສາມາດຊ່ວຍເຫຼືອຕົນເອງໄດ້ ເພື່ອສວຍໂອກາດເພື່ອທຳຊຳເລົາດ້ວຍການຂືນໃຈຜູ້ກ່ຽວ, ຈະຖືກລົງໂທດຕັດອິດສະລະພາບແຕ່ 4 ປີ ຫາ 6 ປີ ແລະ ຈະຖືກປັບໃໝແຕ່ 5 ລ້ານກີບ ຫາ 30 ລ້ານກີບ.

ໃນກໍລະນີທີ່ຜູ້ກະທຳຜິດຫາກຂົ່ມຂືນທຳຊຳເລົາຜູ້ຍິງທີ່ມີອາຍຸແຕ່ 15 ປີ ຫາ ຕໍ່າກວ່າ 18 ປີລົງມາ ທີ່ຢູ່ໃນການຄຸ້ມຄອງດູແລຂອງຕົນເອງ ຫຼື ໃນການປິ່ນປົວຂອງຕົນ ຈະຖືກລົງໂທດຕັດອິດສະລະພາບແຕ່ 6 ປີ ຫາ 10 ປີ ແລະ ຈະຖືກປັບໃໝແຕ່ 7 ລ້ານກີບ ຫາ 50 ລ້ານກີບ.

ໃນກໍລະນີທີ່ຜູ້ກະທຳຜິດຫາກໄດ້ຂົ່ມຂືນທຳຊຳເລົາດ້ວຍວິທີປ່ຽນຜຽນກັນ, ຂົ່ມຂືນທຳຊຳເລົາເດັກທີ່ມີອາຍຸຕໍ່າກວ່າ 15 ປີ, ໄດ້ທຳຮ້າຍຮ່າງກາຍຜູ້ຍິງໃນເວລາຂົ່ມຂືນ ຫຼື ເຮັດໃຫ້ຜູ້ຍິງພິການຕະຫຼອດຊີວິດ ຫຼື ເສຍຊີວິດ ຈະຖືກລົງໂທດຕັດອິດສະລະພາບແຕ່ 10 ປີ ຫາ 20 ປີ ຫຼື ຕັດອິດສະລະພາບຕະຫຼອດຊີວິດ ແລະ ຈະຖືກປັບໃໝແຕ່ 10 ລ້ານກີບ ຫາ 70 ລ້ານກີບ.

ພ້ອມນີ້ ຄວາມພະຍາຍາມກໍ່ການກະທຳຜິດກໍຈະຖືກລົງໂທດເຊັ່ນກັນ.

Advertisement Replay Ad
ງານນີ້ຕ້ອງບໍ່ພາດ "2019 K-Beauty Product Festival" ສູນລວມເຄື່ອງສຳອາງເກົາຫຼີຄຸນນະພາບດີ ຍີ່ຫໍ້ດັງ

ງານນີ້ຕ້ອງບໍ່ພາດ "2019 K-Beauty Product Festival" ສູນລວມເຄື່ອງສຳອາງເກົາຫຼີຄຸນນະພາບດີ ຍີ່ຫໍ້ດັງ

7 ພາສາກາຍງ່າຍໆ ທີ່ຈະເຮັດໃຫ້ຄົນອື່ນປະທັບໃຈ ແລະ ຈົດຈຳເຮົາໄດ້ຫຼາຍຂຶ້ນ

7 ພາສາກາຍງ່າຍໆ ທີ່ຈະເຮັດໃຫ້ຄົນອື່ນປະທັບໃຈ ແລະ ຈົດຈຳເຮົາໄດ້ຫຼາຍຂຶ້ນ

ເກັບໄວ້ເປັນໄອເດຍ 15 ແບບແຕ່ງໜ້າເຈົ້າສາວ ທີ່ກຳລັງມາແຮງໃນທ້າຍປີ 2019

ເກັບໄວ້ເປັນໄອເດຍ 15 ແບບແຕ່ງໜ້າເຈົ້າສາວ ທີ່ກຳລັງມາແຮງໃນທ້າຍປີ 2019

5 ຂໍ້ຄິດ ເຮັດບຸນໃຫ້ໄດ້ບຸນຢ່າງແທ້ຈິງ ໃນພິທີຕັກບາດ ບຸນນະມັດສະການພະທາດຫຼວງ

5 ຂໍ້ຄິດ ເຮັດບຸນໃຫ້ໄດ້ບຸນຢ່າງແທ້ຈິງ ໃນພິທີຕັກບາດ ບຸນນະມັດສະການພະທາດຫຼວງ

5 ວິທີອອກກຳລັງກາຍເພື່ອລົດນໍ້າໜັກແບບຜິດໆ ທີ່ຫຼາຍຄົນມັກເຮັດໂດຍບໍ່ຮູ້ໂຕ

5 ວິທີອອກກຳລັງກາຍເພື່ອລົດນໍ້າໜັກແບບຜິດໆ ທີ່ຫຼາຍຄົນມັກເຮັດໂດຍບໍ່ຮູ້ໂຕ

ຮູ້ຫຼືບໍ່? ຄົນຍີ່ປຸ່ນມີວັດທະນະທຳການ “ບໍ່ຍ່າງໄປກິນໄປ” ຊ່ວຍຫຼຸດຜ່ອນການຖິ້ມຂີ້ເຫຍື້ອຊະຊາຍ

ຮູ້ຫຼືບໍ່? ຄົນຍີ່ປຸ່ນມີວັດທະນະທຳການ “ບໍ່ຍ່າງໄປກິນໄປ” ຊ່ວຍຫຼຸດຜ່ອນການຖິ້ມຂີ້ເຫຍື້ອຊະຊາຍ

ເລືອດອອກຫຼັງມີເພດສຳພັນ ໃຫ້ກວດດ່ວນ! ເພາະອາດເປັນຍ້ອນ 6 ສາເຫດນີ້

ເລືອດອອກຫຼັງມີເພດສຳພັນ ໃຫ້ກວດດ່ວນ! ເພາະອາດເປັນຍ້ອນ 6 ສາເຫດນີ້

ຄວາມເປັນມາ ແລະ ພື້ນຕຳນານການແຫ່ຜາສາດເຜິ້ງ ໃນບຸນນະມັດສະການພະທາດຫຼວງວຽງຈັນ

ຄວາມເປັນມາ ແລະ ພື້ນຕຳນານການແຫ່ຜາສາດເຜິ້ງ ໃນບຸນນະມັດສະການພະທາດຫຼວງວຽງຈັນ

ປະເທດໃດໃຊ້ "ລົດຂັບເຄື່ອນດ້ວຍພະລັງງານໄຟຟ້າ (EV)" ຫຼາຍທີ່ສຸດໃນໂລກ?

ປະເທດໃດໃຊ້ "ລົດຂັບເຄື່ອນດ້ວຍພະລັງງານໄຟຟ້າ (EV)" ຫຼາຍທີ່ສຸດໃນໂລກ?

"ມົນລະພິດທາງອາກາດ" ອາດສົ່ງຜົນກະທົບຕໍ່ອະໄວຍະວະທຸກສ່ວນ-ທຸກເຊວໃນຮ່າງກາຍ

"ມົນລະພິດທາງອາກາດ" ອາດສົ່ງຜົນກະທົບຕໍ່ອະໄວຍະວະທຸກສ່ວນ-ທຸກເຊວໃນຮ່າງກາຍ

"ສາຍສີດກົ້ນ" ຄວນສີດຈາກໜ້າໄປຫຼັງ ຫຼື ສີດຈາກຫຼັງໄປໜ້າ?

"ສາຍສີດກົ້ນ" ຄວນສີດຈາກໜ້າໄປຫຼັງ ຫຼື ສີດຈາກຫຼັງໄປໜ້າ?

“ຮຽນຮູ້ກົດເກນການຢູ່ຮ່ວມກັນໃນສັງຄົມ” ຫຼັກການສຳຄັນໃນການລ້ຽງລູກຂອງຄົນຍີ່ປຸ່ນ

“ຮຽນຮູ້ກົດເກນການຢູ່ຮ່ວມກັນໃນສັງຄົມ” ຫຼັກການສຳຄັນໃນການລ້ຽງລູກຂອງຄົນຍີ່ປຸ່ນ

ຮູ້ຈັກບໍ່? "ກະແຈລັບ" ໃນລົດ ກັບປະໂຫຍດທີ່ທ່ານອາດບໍ່ເຄີຍຮູ້ມາກ່ອນ

ຮູ້ຈັກບໍ່? "ກະແຈລັບ" ໃນລົດ ກັບປະໂຫຍດທີ່ທ່ານອາດບໍ່ເຄີຍຮູ້ມາກ່ອນ

5 ອາຫານຊ່ວຍຍ່ອຍ ຫຼຸດຜ່ອນອາການແໜ້ນທ້ອງ ຫຼັງຈັດໜັກບຸບເຟ້

5 ອາຫານຊ່ວຍຍ່ອຍ ຫຼຸດຜ່ອນອາການແໜ້ນທ້ອງ ຫຼັງຈັດໜັກບຸບເຟ້

5 ເຕັກນິກພິຊິດໃຈແຂກໃນງານແຕ່ງດອງ ເຮັດແນວໃດໃຫ້ແຂກຮູ້ສຶກມີຄວາມສຸກກັບງານຂອງທ່ານ

5 ເຕັກນິກພິຊິດໃຈແຂກໃນງານແຕ່ງດອງ ເຮັດແນວໃດໃຫ້ແຂກຮູ້ສຶກມີຄວາມສຸກກັບງານຂອງທ່ານ

10 ເຕັກນິກ “ລົດໜ້າທ້ອງ” ທີ່ໄດ້ຮັບການພິສູດທາງວິທະຍາສາດແລ້ວວ່າໄດ້ຜົນແທ້

10 ເຕັກນິກ “ລົດໜ້າທ້ອງ” ທີ່ໄດ້ຮັບການພິສູດທາງວິທະຍາສາດແລ້ວວ່າໄດ້ຜົນແທ້

ທະເລໝອກ 7 ແຫ່ງໃນເມືອງລາວ ໜ້າໜາວນີ້ຕ້ອງໄປເບິ່ງຈັກຄັ້ງໃນຊີວິດ

ທະເລໝອກ 7 ແຫ່ງໃນເມືອງລາວ ໜ້າໜາວນີ້ຕ້ອງໄປເບິ່ງຈັກຄັ້ງໃນຊີວິດ

Nissan TERRA SUV ຕອບໂຈດທຸກຄວາມທ້າທາຍ ມາຫາຄຳຕອບກັນວ່າເປັນຫຍັງຈຶ່ງໄດ້ຮັບຄວາມນິຍົມຫຼາຍໃນປະຈຸບັນ

Nissan TERRA SUV ຕອບໂຈດທຸກຄວາມທ້າທາຍ ມາຫາຄຳຕອບກັນວ່າເປັນຫຍັງຈຶ່ງໄດ້ຮັບຄວາມນິຍົມຫຼາຍໃນປະຈຸບັນ

ຮ່າງກາຍຕ້ອງການຄວາມສູງ! ກຽມເປີດ 'ພູຜາມ່ານ' ໃຫ້ນັກທ່ອງທ່ຽວໂຫນ-ປີນ-ໄຕ່ Skywalk ເໜືອປ່າຫິນ

ຮ່າງກາຍຕ້ອງການຄວາມສູງ! ກຽມເປີດ 'ພູຜາມ່ານ' ໃຫ້ນັກທ່ອງທ່ຽວໂຫນ-ປີນ-ໄຕ່ Skywalk ເໜືອປ່າຫິນ

ແຕ້ມຄິ້ວງ່າຍໆໄດ້ໃນ 4 ຂັ້ນຕອນ ເໝາະກັບມືໃໝ່ຫັດແຕ້ມ

ແຕ້ມຄິ້ວງ່າຍໆໄດ້ໃນ 4 ຂັ້ນຕອນ ເໝາະກັບມືໃໝ່ຫັດແຕ້ມ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ