ວັນອັງຄານ ທີ 21 ກັນຍາ 2021

5G ແມ່ນຫຍັງ? ນີ້ແມ່ນສິ່ງທີ່ຄວນຮູ້ກ່ຽວກັບເຕັກໂນໂລຊີໃໝ່ນີ້

5G ແມ່ນຫຍັງ? ນີ້ແມ່ນສິ່ງທີ່ຄວນຮູ້ກ່ຽວກັບເຕັກໂນໂລຊີໃໝ່ນີ້
S! Muan

ສະໜັບສະໜູນເນື້ອຫາ

ແມ່ນຫຍັງ?

ເວົ້າງ່າຍໆກໍຄື, 5G (5ຈີ) ເປັນເຕັກໂນໂລຊີການເຊື່ອມຕໍ່ຜ່ານອຸປະກອນມືຖືແບບໃໝ່ ທີ່ມີຄວາມໄວການສົ່ງຂໍ້ມູນທີ່ສູງຂຶ້ນກວ່າເກົ່າ ແລະ ຈະສົ່ງຜົນດີຕໍ່ກັບລະບົບພື້ນຖານໂຄງລ່າງອື່ນໆທີ່ກຳລັງຫັນເປັນດິຈິຕອນ.

ໃນປັດຈຸບັນເຕັກໂນໂລຊີນີ້ກຳລັງຖືກນຳສະເໜີອອກມາເລື້ອຍໆ ເຊິ່ງບ້ານເຮົາກໍເລີ່ມເປີດທົດລອງນຳໃຊ້ແລ້ວເມື່ອອາທິດທີ່ຜ່ານມາ ໂດຍຜູ້ໃຫ້ບໍລິການມືຖືລາຍໃຫຍ່ຢ່າງ ລາວໂທລະຄົມ.

ນອກຈາກເລື່ອງຂອງຄວາມໄວໃນການສົ່ງຂໍ້ມູນແລ້ວ ໃນດ້ານຂອງເວລາໃນການຕອບສະໜອງ-ໂຕ້ຕອບ (latency) ນັ້ນ ກໍຈະຫຼຸດໜ້ອຍລົງ ເຮັດໃຫ້ປະສົບການໃນການໃຊ້ງານດີຂຶ້ນ. ຖ້າຄິດບໍ່ເຫັນພາບ ໃຫ້ຄິດເຖິງເວລາທີ່ຫຼິ້ນເກມ ແລ້ວເກີດຄວາມໜ່ວງໃນການນຳສົ່ງຂໍ້ມູນ ພາໃຫ້ເຮົາບໍ່ສາມາດບັງຄັບຕົວລະຄອນໄດ້ຢ່າງທັນໃຈ ຈົນເຮັດໃຫ້ຫຼິ້ນເສຍຈົນຫົວຮ້ອນ ນັ້ນເປັນຜົນມາຈາກ latency ທີ່ສູງ ເຊິ່ງໃນ 5G ນີ້ບັນຫາດັ່ງກ່າວຈະຫຼຸດໜ້ອຍລົງ.

ປັດຈຸບັນມີຫຼາຍເຈົ້າທີ່ກຳລັງພັດທະນາເຄືອຂ່າຍ 5G ເຊິ່ງແຕ່ລະປະເທດກໍໃຊ້ລະບົບເຄືອຂ່າຍທີ່ບໍ່ຄືກັນ ຍົກຕົວຢ່າງກໍຄື ຫຼາຍປະເທດໃນເຂດອາຊີ ແລະ ເອີຣົບໃຊ້ລະບົບເຄືອຂ່າຍ 5G ຂອງຫົວເຫວີຍ ໃນຂະນະທີ່ທາງຝຣັ່ງອາເມລິກາໂດຍສະເພາະກໍຄືສະຫະລັດ ແມ່ນໃຊ້ລະບົບທີ່ພັດທະນາໂດຍໂນເກຍ.

ມັນຈະໄວຫຼາຍສໍ່າໃດ?

ຖ້າເວົ້າເຖິງເລື່ອງຂອງຄວາມໄວ ຕາມທີ່ມີການນຳໃຊ້ແລ້ວແມ່ນສາມາດໄວໄດ້ສູງສຸດລະດັບ 1.5 ຈິກະບິດຕໍ່ວິນາທີ. ແນວໃດກໍຕາມ, ຖ້າເວົ້າໃນທາງທິດສະດີທີ່ທາງອຸດສາຫະກຳນີ້ກຳລັງມຸ່ງໜ້າພັດທະນາ ແມ່ນຄາດວ່າຈະສາມາດໄວສູງສຸດທີ່ 10 ຈິກະບິດຕໍ່ວິນາທີ.

ຖ້າຄິດບໍ່ອອກວ່າໄວຫຼາຍປານໃດ ລອງຈິນຕະນາການວ່າ ເຮົາກຳລັງຈະດາວໂຫຼດລະຄອນຊີຣີຄວາມລະອຽດ 4K ໝົດເລື່ອງ ເຊິ່ງມີປະມານ 8 ຕອນ, ເຮົາຈະສາມາດດາວໂຫຼດສຳເລັດພາຍໃນເວລາພຽງ 2-3 ນາທີ ຫຼື ໄວກວ່ານີ້.

ແນວໃດກໍຕາມ ໃນສ່ວນຂອງລະບົບເຄືອຂ່າຍ 5G ທີ່ລາວໂທລະຄົມກຳລັງເລີ່ມທົດລອງຢູ່ລາວນັ້ນ ພວກເຂົາລະບຸວ່າຈະມີຄວາມໄວຫຼາຍກວ່າ 4G ທີ່ນຳໃຊ້ໃນປັດຈຸບັນເຖິງ 20 ເທົ່າ.

ເຮົາຈະໄດ້ຮັບປະໂຫຍດອັນໃດຈາກ 5G?

ນອກຈາກການສົ່ງຂໍ້ມູນທີ່ວ່ອງໄວທາງອຸປະກອນມືຖືແລ້ວ, 5G ຍັງຈະກະທົບດ້ານອື່ນອ້ອມໂຕເຮົາອີກ. ໃນປັດຈຸບັນ ອຸປະກອນຕ່າງໆອ້ອມໂຕເຮົາຕ່າງກໍເຊື່ອມຕໍ່ກັບອິນເຕີເນັດຜ່ານ Wi-Fi ເຊິ່ງການມາເຖິງຂອງ 5G ອາດປ່ຽນແປງການເຊື່ອມຕໍ່ເຫຼົ່ານັ້ນໃຫ້ຫັນມາໃຊ້ 5G ແທນ.

ດ້ວຍການສົ່ງຂໍ້ມູນທີ່ວ່ອງໄວ ອຸປະກອນຕ່າງໆທີ່ສື່ສານກັນຜ່ານອິນເຕີເນັດຈະໄດ້ຮັບການຍົກລະດັບຂຶ້ນໄປອີກ. ເຮົາກຳລັງເວົ້າເຖິງ IoT (Internet of Things) ຫຼື ໂລກທີ່ສິ່ງຕ່າງໆສາມາດສື່ສານກັນໄດ້ດ້ວຍໂຕມັນເອງຜ່ານອິນເຕີເນັດ ເຊັ່ນ: ເຄື່ອງໃຊ້ໄຟຟ້າ, ອຸປະກອນເອເລັກໂຕຣນິກຕ່າງໆ, ລະບົບສັນຍານໄຟຈະລາຈອນ ລວມທັງຍານພາຫະນະແບບໄຮ້ຄົນຂັບ, ລະບົບຄຸ້ມຄອງພື້ນຖານໂຄງລ່າງຂອງພາກລັດ ເຊິ່ງຖືກນຳເອົາມາໃຊ້ເພື່ອພັດທະນາຕົວເມືອງໃນປັດຈຸບັນໃຫ້ກາຍເປັນ "ເມືອງອັດສະລິຍະ" ຫຼື smart city ໃນອະນາຄົດ.

ນີ້ໝາຍຄວາມວ່າ ລະບົບເຄືອຂ່າຍໄຮ້ສາຍນີ້ ຈາກປົກກະຕິທີ່ຈະເຫັນຜົນປະໂຫຍດແຕ່ພຽງກັບອຸປະກອນມືຖື ຈະມີຄວາມສຳຄັນຕໍ່ກັບອຸປະກອນອື່ນໆຫຼາຍຂຶ້ນ.

ລາຄາຄ່ານຳໃຊ້ຈະແພງຂຶ້ນບໍ່? ຜູ້ຊ່ຽວຊານລະບຸວ່າ ຄ່າບໍລິການນຳໃຊ້ຈະບໍ່ແພງຂຶ້ນຈາກ 4G ທີ່ນຳໃຊ້ໃນປັດຈຸບັນຫຼາຍປານໃດ ແຕ່ແນວໃດກໍຕາມແມ່ນຈະຂຶ້ນຕາມຕະຫຼາດ ແລະ ການແຂ່ງຂັນຂອງຜູ້ໃຫ້ບໍລິການຕ່າງໆ. 


ພາບ: Qualcomm

ຕອນນີ້ທົ່ວໂລກເລີ່ມເປີດນຳໃຊ້ 5G ກັນຫຼາຍປະເທດແລ້ວ ເຊິ່ງອີງຕາມຂໍ້ມູນຈາກ computerworld ມີເກືອບ 20 ປະເທດແລ້ວທີ່ເລີ່ມນຳໃຊ້ ແລະ ທົດລອງນຳໃຊ້ເຕັກໂນໂລຊີດັ່ງກ່າວນີ້. ສ່ວນໃນລາວ ອີງຕາມຂໍ້ມູນຈາກລາວໂທລະຄົມ ພວກເຂົາຍັງບໍ່ທັນໃຫ້ກຳນົດເວລາທີ່ຊັດເຈນວ່າຈະເປີດໃຫ້ລູກຄ້າທົ່ວໄປນຳໃຊ້ໄດ້ຕອນໃດ ພຽງແຕ່ລະບຸວ່າໃນອະນາຄົດບໍ່ດົນນີ້ຈະເປີດໃຫ້ບໍລິການຢ່າງເຕັມຮູບແບບ. 

Advertisement Replay Ad

ຂໍຂອບໃຈ

ຂໍ້ມູນ : ABC News

ພາບ : freepik

Codashop ເປີດຕົວຮູບໂສມໃໝ່ທີ່ໂດດເດັ່ນ

Codashop ເປີດຕົວຮູບໂສມໃໝ່ທີ່ໂດດເດັ່ນ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ຫຼຽນມີສອງດ້ານສັນໃດ ສື່ສັງຄົມອອນລາຍກໍມີ "ດ້ານດີ - ດ້ານລົບ" ສັນນັ້ນ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ເປີດໃຫ້ສັ່ງຈອງແລ້ວມື້ນີ້! Huawei Y7a ລາຄາສຸດຄຸ້ມ ພ້ອມຈຸດເດັ່ນທີ່ທ່ານບໍ່ຄວນພາດເປັນເຈົ້າຂອງ

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ປັກ 3 ຂາ ທີ່ມາຂອງຄວາມຫຍຸ້ງຍາກ ຈິງແທ້ປະການໃດ?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ