ວັນສຸກ ທີ 22 ພະຈິກ 2019

ມາລະຍາດ 10 ຂໍ້ເທິງເຮືອບິນທີ່ຄວນປະຕິບັດຕາມ

ມາລະຍາດ 10 ຂໍ້ເທິງເຮືອບິນທີ່ຄວນປະຕິບັດຕາມ

1. ປະຕິ​ບັດ​ຕາມ​ຄຳ​ສັ່ງ ແລະ ​ບໍ່​ລົບກວນ​ການ​ປະຕິບັດ​ໜ້າທີ່​ຂອງພະນັກງານເທິງ

ວ່າ​ດ້ວຍ​ເລື່ອງ​ມາລະຍາດ​ເທິງ​ເຮືອບິນ, ຂໍ້​ທຳອິດ​ແນ່ນອນ​ວ່າ​ເຮົາ​ຈະ​ຕ້ອງ​ປະຕິບັດ​ຕາມ​ຄຳ​ສັ່ງ​ຂອງ​ພະນັກງານເທິງເຮືອບິນ​ຢ່າງ​ເຄັ່ງ​ຄັດ ເພື່ອ​ຄວາມປອດໄພຈຶ່ງ​ຄວນ​ຮັດ​ສາຍ​ນິລະໄພ​ຕະຫຼອດ​ການເດີນທາງ ແລະ​ຄວນ​ເບິ່ງ​ການ​ສາ​ທິດ​ການ​ໃຊ້​ອຸປະກອນ​ສຸກ​ເສີນ​ຈາກ​ພະນັກງານນຳ ຫາກ​ເກີດ​ເຫດການ​ສຸກ​ເສີນ. ທັງ​ນີ້ ການ​ຝ່າ​ຝືນ​ຄຳ​ສັ່ງພະນັກງານເທິງເຮືອບິນ ຫຼື ​ເຈດຕະ​ນາ​ລົບກວນ ການ​ປະຕິບັດ​ໜ້າທີ່​ຈະມີໂທດຕາມກົດໝາຍ.

2. ເບິ່ງ​ແຍງ​ລູກ​ຫຼານ​ຂອງ​ຕົວ​ເອງ ບໍ່​ໃຫ້​ລົບກວນ​ຜູ້​ໂດຍ​ສານ​ຄົນ​ອື່ນ

ຫາກ​ການເດີນທາງ​ດ້ວຍ​ເຮືອບິນ​ມີ​ເດັກ​ໄປ​ນຳ ຄວນ​ຈະ​ເບິ່ງ​ແຍງ​ລູກ​ຫຼານ​ຂອງ​ຕົວ​ເອງ​ໃຫ້​ດີ ເພື່ອ​ບໍ່​ໃຫ້​ໄປ​ລົບກວນ​ຜູ້​ໂດຍ​ສານ​ຄົນ​ອື່ນ ຫຼື ຫາກ​ເປັນ​ເດັກ​ນ້ອຍ​ທີ່​ດື້ ແລະ ມັກ​​ຮ້ອງ​ໄຫ້ ເວລາ​ຈອງປີ້​ເຮືອບິນ ຂໍ​ແນະ​ນຳ​ພໍ່​ແມ່​ ຫຼື ຜູ້​ປົກຄອງ​ວ່າ ຄວນ​ເລືອກ​ບ່ອນ​ນັ່ງ​ບໍລິເວນ​ແຖວ​ໜ້າທີ່​ເປັນ Long Leg.

3. ຮູ້​ຈັກ​ຂອບໃຈ​ ແລະ​ ຂໍ​ໂທດ

ຖື​ເປັນ​ມາລະຍາດ​ທາງ​ສັງຄົມ​ທີ່​ທຸກ​ຄົນ​ຈະ​ຕ້ອງ​ມີ​ຢູ່​ແລ້ວ ນັ້ນ​ກໍ​ຄື​ການ​ຮູ້​ຈັກ​ຄຳ​ວ່າ “ຂອບໃຈ” ແລະ “ຂໍ​ໂທດ”. ບໍ່​ພຽງ​ແຕ່​ເທິງ​ເຮືອບິນ​ເທົ່າ​ນັ້ນ ເພາະ​ບໍ່​ວ່າ​ຈະ​ຢູ່​ໃສ 2 ຄຳ​ນີ້ ຄວນ​ຈະ​ເວົ້າ​ໃຫ້​ຕິດ​ປາກ​ໄວ້. ຍົກ​ຕົວ​ຢ່າງ ຫາກ​ເຈົ້າ​ຈະ​ຕ້ອງ​ນັ່ງ​ຂ້າງ​ໆ ຜູ້​ໂດຍ​ສານ​ຄົນ​ອື່ນ ແລະ​ ດ້ວຍ​ພື້ນ​ທີ່​ທີ່​ຈຳ​ກັດ​ກໍ​ອາດຈະ​ມີ​ແດ່ທີ່​ເຜີຫຼັບ​ແລ້ວ​ຫົວ​ໄປ​ອີງ​ຄົນ​ຂ້າງ​ໆ ຫຼື ຖ້າ​ເຈົ້າ​ເປັນ​ຝ່າຍ​ໄດ້​ບ່ອນນັ່ງ​ດ້ານ​ໃນ ແຕ່​ລຸກ​ເຂົ້າ​ຫ້ອງ​ນ້ຳ​ເລື້ອຍໆ ການ​ສະແດງ​ຄວາມ​ເກງ​ໃຈ​ດ້ວຍ​ຄຳ​ວ່າ​ຂໍ​ໂທດ ກໍ​ຄົງ​ບໍ່​ແມ່ນ​ຫຍັງ​ທີ່​ຍາກ​ເກີນ​ໄປ.

4. ຍົກກະເປົາດ້ວຍ​ຕົວ​ເອງ

ເຄີຍ​ມີ​ປະ​ເດັນ​ເລື່ອງ​ຂອງ​ການ​ຍົກກະ​ເປົ໋າ ຂຶ້ນ​ທີ່​ເກັບ​ເທິງ​ເຮືອບິນ​ມາ​ແລ້ວ​ວ່າ ບໍ່​ແມ່ນ​ໜ້າທີ່​ຂອງ​ແອ​​ໂຮສ​ເຕສ​ບໍ? ສະຫຼຸບ​ກໍ​ຄື​ບໍ່​ແມ່ນ​ນະ​ຖືກ​ແລ້ວ ເພາະ​ຫາກ​ແອ​​ໂຮສ​ເຕສຈະ​ຕ້ອງ​ມາຍົ​ກ​ກະ​ເປົ໋າ ໃຫ້​ຜູ້​ໂດຍ​ສານ​ເປັນ​ຮ້ອຍ​ໆຄົນ​ກໍ​ຄົງ​ບໍ່​ໄຫວ. ດັ່ງ​ນັ້ນ​ການ​ຍົກກະເປົາຂຶ້ນ​ເກັບ​ດ້ານ​ເທິງ​ຊ່ອງເກັບເຄື່ອງເໜືອຫົວ ຈຶ່ງ​ເປັນ​ເລື່ອງ​ຂອງ​ຜູ້​ໂດຍ​ສານ​ເອງ. ສ່ວນ​ໃນ​ກໍລະນີ​ທີ່​ອາດຈະ​ເກັບ ​ຫຼື ຢື້ບໍ່​ເຖິງ ກໍ​ສາມາດ​ຂໍ​ຄວາມ​ຊ່ວຍ​ເຫຼືອ​ຈາກ​ຜູ້​ໂດຍ​ສານ​ໃກ້​ຄຽງ​ ຫຼື ພະນັກງານ​ໄດ້.

5. ບໍ່​ເວົ້າຈາ​ສຽງ​ດັງ

ຄວາມຈິງແລ້ວ ​ບໍ່​ວ່າ​ຈະ​ເດີນທາງ​ດ້ວຍ​ລົດ​ໂດຍ​ສານ​ສາທາລະນະ, ລົດ​ໄຟ​ຟ້າ ຫຼື ເຮືອບິນ​ກໍ​ຕາມ ບໍ່​ຄວນ​ຈະ​ເວົ້າ​ຈາ ​ຫຼື ສົ່ງ​ສຽງ​ດັງ​ລົບກວນ​ຜູ້​ອື່ນ​ຢູ່​ແລ້ວ ເພາະ​ເລື່ອງ​ນີ້​ຖື​ເປັນ​ມາລະຍາດ​ທາງ​ສັງຄົມ​ທີ່​ຄວນ​ມີ. ທັງ​ນີ້ ມາລະຍາດ​ເທິງ​ເຮືອບິນ​ອີກ​ຂໍ້ ທີ່​ທຸກ​ຄົນ​ຄວນ​ຈະ​ຈັດການ​ກັບ​ຕົວ​ເອງ​ໃຫ້​ຮຽບຮ້ອຍ​ກ່ອນ​ເດີນທາງ ເພື່ອ​ບໍ່​ໃຫ້​ໄປ​ລົບກວນ​ຜູ້​ໂດຍ​ສານ​ຄົນ​ອື່ນ​ດ້ວຍ​ກໍ​ຄື ເລື່ອງກິ່ນໂຕ, ກິ່ນ​ຕີນ, ສຽງ​ກົນ ແລະ​ ອາການ​ເມົາ​ເຮືອບິນ ເຊິ່ງ​ຖ້າ​ຮູ້​ລ່ວງ​ໜ້າ​ວ່າ​ຕົວ​ເອງ ເປັນ​ຄົົນທີ່​ມີ​ບັນຫາ​ໃນ​ເລື່ອງ​ຂ້າງ​ຕົ້ນ ກໍ​ຄວນ​ແກ້​ໄຂ​ ແລະ​ ຫາ​ຕົວ​ຊ່ວຍ.

6. ຢ່າ​ປັບເບາະອີງລົງ​ຫຼາຍ​ເກີນ​ໄປ ແລະ ​ຢ່າ​ຖີບ​ເບາະ

ມາລະຍາດ​ອີກ​ຂໍ້​ທີ່​ຄວນ​ປະຕິບັດ​ຕາມ​ຢ່າງ​ຍິ່ງ​ກໍ​ຄື ຢ່າ​ປັບ​ເບາະລົງ​ຫຼາຍ​ເກີນ​ໄປ ແລະ​ ຢ່າ​ຖີບ​ເບາະ ຮວມທັງ​ມາລະຍາດ​ໃນ​ການ​ຫຼິ້ນເກມ​ເທິງ​ຈໍ​ດ້ານ​ຫຼັງ​ທີ່​ຕິດ​ກັບ​ພະ​ນັກອີງ​ຂອງ​ຄົນ​ອື່ນ ກໍ​ບໍ່​ຄວນ​ໃຊ້​ຄວາມ​ຮຸນແຮງ​ອີກ​ເຊັ່ນ​ດຽວ​ກັນ ເພາະ​ຈະ​ເປັນ​ການລົບ​ກວນ​ຜູ້​ໂດຍ​ສານ​ທີ່​ນັ່ງ​ຖັດ​ຈາກ​ເຈົ້າ​​ຫຼາຍ ພ້ອມທັງ​ເບິ່ງ​ຂາດ​ມາລະຍາດ​ສຸດ​ໆອີກ​ດ້ວຍ. ທັງ​ນີ້ ໃນ​ກໍລະນີ​ທີ່​ພົບ​ເຫດການ​ດັ່ງ​ກ່າວ ອັນ​ດັບ​ທຳອິດ​ໃຫ້​ເຈົ້າ​ບອກ ​ແລະ ​ຕັກ​ເຕືອນ​ຜູ້​ໂດຍ​ສານ​ຄົນ​ນັ້ນ​ທີ່​ກະທຳ​ໄດ້​ເລີຍ. ສອງ​ຫາກເຂົາເຈົ້າຍັງ​ບໍ່​ຢຸດ​ກໍ​ໃຫ້​ເຈົ້າ​ແຈ້ງ​ພະນັກງານ​ໄດ້​ເລີຍ.

7.ໃຊ້​ຫູ​ຟັງ​ທຸກ​ເທື່ອ ເມື່ອ​ເບິ່ງ​ໜັງ​ ຫຼື ຟັງ​ເພງ

ຫາກ​ຖ້ຽວ​ບິນ​ຂອງ​ເຈົ້າ​ໃຊ້​ເວລາ​ຍາວ​ນານ ເຈົ້າ​ຄວນ​ທີ່​ຈະ​ມີ​ຫູ​ຟັງຖື​ຕິດ​ຕົວ​ຂຶ້ນ​ເຮືອບິນ​ໄປນຳ ຈະ​ໄດ້​ເອົາ​ໄວ້​ໃຊ້​ເບິ່ງ​ໜັງ ​ຫຼື ຟັງ​ເພງ​ຂ້າ​ເວລາ ​ແລະ ​ຈະ​ໄດ້​ບໍ່​ເບື່ອ. ດັ່ງ​ນັ້ນ​ຈຶ່ງ​ຄວນ​ໃຊ້​ຫູ​ຟັງ​ທຸກ​ເທື່ອ ເມື່ອ​ເບິ່ງ​ໜັງ ​ຫຼື ຟັງ​ເພງ ເພື່ອ​ບໍ່​ໃຫ້​ສຽງ​ດັງ​ລົບກວນ​ຜູ້​ໂດຍ​ສານ​ຄົນ​ອື່ນ. ທັງ​ນີ້ ຫາກ​ບໍ່​ມີ​ຫູ​ຟັງ​ເຈົ້າ​ສາມາດ​ຂໍ​ຈາກ​ແອ​​ໂຮສ​ເຕສ​ໄດ້ (ໃນ​ກໍລະນີ​ທີ່​ສາຍ​ການ​ບິນ​ນັ້ນ​ມີ).

8. ຢ່າ​ໃຊ້​ຫ້ອງ​ນ້ຳ​ເປັນ​ເວລາ​ດົນ

ຢ່າງ​ທີ່​ຮູ້​ກັນ​ວ່າ​ຈຳນວນ​ຫ້ອງ​ນ້ຳ​ເທິງ​ເຮືອບິນ ຈະ​ປ່ຽນແປງ​ໄປ​ຕາມ​ສາຍ​ການ​ບິນ ​ແລະ ​ຊັ້ນ​ທີ່​ໂດຍ​ສານ ເຊິ່ງ​ໂດຍ​ປົກກະຕິ​ແລ້ວ​ຈະ​ມີ​ຫ້ອງ​ນ້ຳ​ຢູ່​ທີ່​ປະ​ມານ 1 ຫ້ອງ​ຕໍ່​ຜູ້​ໂດຍ​ສານ 40-50 ຄົນ. ແຕ່​ສຳລັບ​ຊັ້ນ Economy ມັກ​ຈະ​ມີ​ຂະໜາດ​ນ້ອຍ ເພື່ອ​ປະ​ຢັດ​ພື້ນ​ທີ່​ຂອງ​ເຮືອບິນ. ໂດຍ​ສະເລ່ຍ 1 ຫ້ອງ ຈຶ່ງ​ເທົ່າ​ກັບ​ຕໍ່​ຜູ້​ໂດຍ​ສານ​ປະ​ມານ 28-30 ຄົນ. ດັ່ງ​ນັ້ນ​ຢ່າ​ໃຊ້​ຫ້ອງ​ນ້ຳ​ເປັນ​ເວລາ​ດົນ​ປານ​ກັບ​ຢູ່ເຮືອນ ຄວນ​ເຜື່ອ​ໃຫ້​ຄົນ​ອື່ນ​ໄດ້​ໃຊ້​ນຳ ແລະ ຮັກສາ​ຄວາມ​ສະ​ອາດພ້ອມ. ທີ່​ສຳຄັນ​ຄື​ຢ່າ​ຖິ້ມເຈ້ຍອະນາໄມລົງ​ໄປ​ໃນ​ສ້ວມ ເພາະ​ຖ້າ​ຫາກ​ມັນ​ເກີດ​ຕັນ​ຂຶ້ນ​ມາ ຫ້ອງ​ນ້ຳ​ຫ້ອງ​ນັ້ນ​ຈະ​ຕ້ອງ​ຖືກ​ປິດ​ໄປ​ຈົນຈົບ​​ການເດີນທາງ.

9. ຢ່າ​ປ່ຽນ​ບ່ອນນັ່ງເອງ

ການ​ລະ​ບຸ​ບ່ອນ​ນັ່ງ​ເທິງ​ເຮືອບິນ ໃນ​ກໍລະນີ​ທີ່​ເຈົ້າ​ອາດ​ບໍ່​ໄດ້​ຈອງ​ມາ​ດ້ວຍ​ຕົວ​ເອງ ເຈົ້າ​ໜ້າທີ່​ໜ້າ​ຊ່ອງບໍລິການແຈ້ງປີ້ ຈະ​ມີ​ການ​ເບິ່ງ​ຄວາມ​ເໝາະ​ສົມ​ຂອງ​ນ້ຳ​ໜັກ​ຕົວ​ຜູ້​ໂດຍ​ສານ ເພື່ອ​ໃຫ້​ເກີດ​ຄວາມ​ສົມ​ດຸນ​ຮ່ວມ​ກັບ​ນ້ຳ​ໜັກ​ກະເປົານຳ. ດັ່ງ​ນັ້ນ​ການເດີນທາງ​ໂດຍ​ເຮືອບິນ ຈຶ່ງ​ຄວນ​ນັ່ງ​ຕາມ​ບ່ອນນັ່ງ​ທີ່​ລະ​ບຸ​ໄວ້​ເທິງ Boarding Pass ຫຼື ຖ້າ​ຫາກ​ເຈົ້າ​ຢາກ​ຈະ​ນັ່ງ​ບ່ອນ​ໃດບ່ອນ​ໜຶ່ງ​ແທ້ໆ ກໍ​ຄວນ​​ຈອງ​ລ່ວງ​ໜ້າ​ມາ​ແລ້ວ​ໃຫ້​ຮຽບຮ້ອຍ​ນັ້ນ​ເອງ.

10. ຢ່າ​ຟ້າວ​ຮີບ​ລຸກ​ຫາກ​ເຮືອບິນ​ຍັງ​ຈອດ​ບໍ່​ສະໜິດ

ເປັນ​ເລື່ອງ​ທີ່​ຜູ້​ຂຽນ​ເອງ​ກໍ​ພົບ​ມາ​ຫຼາຍ​ເທື່ອ​ຫຼາຍ ກັບ​ການ​ທີ່​ຜູ້​ໂດຍ​ສານ​ຄົນ​ອື່ນ​ຮີບຟ້າວ​ລຸກ ເມື່ອ​ເຮືອບິນ​ຍັງ​ຈອດ​ບໍ່​ສະໜິດ ເຊິ່ງ​ເອົາ​ແທ້ໆມັນ​ເຮັດໃຫ້​ເບິ່ງ​ວຸ້ນວາຍ​ກວ່າ​ເກົ່າ​ອີກ. ແທນ​ທີ່​ຈະ​ເຮັດໃຫ້​ວ່ອງໄວ​ແຕ່ຊໍ້າພັດ​ອາດ​ເຮັດໃຫ້​ເກີດ​ອຸບັດເຫດ​ໄດ້ ເພາະ​ຖ້າ​ຫາກ​ເຮືອບິນ​ເບ​ຣກ ເຈົ້າ​ອາດຈະ​ລົ້ມຫົວ​ຟາດພື້ນ​ຈົນ​ໄດ້​ຮັບບາດ​ເຈັບ​ກໍ​ໄດ້​. ດັ່ງ​ນັ້ນ​ທາງ​ທີ່​ດີ​ຄື ​ຢ່າ​ໄປ​ຮີບ​ຮ້ອນ​ຫຍັງ​ເທົ່າໃດ​ເລີຍ.

Advertisement Replay Ad

ຂໍຂອບໃຈ

ຂໍ້ມູນ : tonkit via sanook!

ພາບ : Pixabay

5 ຜັກຕົບແຕ່ງຈານອາຫານທີ່ຊ່ວຍ “ດັບກິ່ນປາກ” ຮູ້ແລ້ວເທື່ອໜ້າຢ່າເຂ່ຍຖິ້ມ

5 ຜັກຕົບແຕ່ງຈານອາຫານທີ່ຊ່ວຍ “ດັບກິ່ນປາກ” ຮູ້ແລ້ວເທື່ອໜ້າຢ່າເຂ່ຍຖິ້ມ

ແຜ່ນດິນໄຫວ (Earthquakes) ແມ່ນຫຍັງກັນແທ້ ແລະ ເກີດຈາກຫຍັງ? ເຮົາມີຄຳຕອບ

ແຜ່ນດິນໄຫວ (Earthquakes) ແມ່ນຫຍັງກັນແທ້ ແລະ ເກີດຈາກຫຍັງ? ເຮົາມີຄຳຕອບ

ຂໍ້ຄວນປະຕິບັດ-ການຮັບມື ເມື່ອເກີດເຫດແຜ່ນດິນໄຫວ

ຂໍ້ຄວນປະຕິບັດ-ການຮັບມື ເມື່ອເກີດເຫດແຜ່ນດິນໄຫວ

“ຕາດນໍ້າແຮງ” ໜຶ່ງມົນສະເໜ່ທາງທຳມະຊາດທີ່ສວຍງາມ ຂອງເມືອງຮຸນ ແຂວງອຸດົມໄຊ

“ຕາດນໍ້າແຮງ” ໜຶ່ງມົນສະເໜ່ທາງທຳມະຊາດທີ່ສວຍງາມ ຂອງເມືອງຮຸນ ແຂວງອຸດົມໄຊ

ລ້ຽງລູກແນວໃດໃຫ້ “ໂຕສູງ” ເຄັດລັບທີ່ພໍ່ແມ່ຄວນຮູ້

ລ້ຽງລູກແນວໃດໃຫ້ “ໂຕສູງ” ເຄັດລັບທີ່ພໍ່ແມ່ຄວນຮູ້

Salana Boutique Hotel ໂຮງແຮມໃຈກາງນະຄອນຫຼວງວຽງຈັນ ກັບເຫດຜົນດີໆທີ່ດາລາຄົນດັງນິຍົມມາພັກເຊົາ

Salana Boutique Hotel ໂຮງແຮມໃຈກາງນະຄອນຫຼວງວຽງຈັນ ກັບເຫດຜົນດີໆທີ່ດາລາຄົນດັງນິຍົມມາພັກເຊົາ

ຜົນຂ້າງຄຽງຈາກ "ການນອນຕອນຜົມປຽກ"

ຜົນຂ້າງຄຽງຈາກ "ການນອນຕອນຜົມປຽກ"

5 ຂັ້ນຕອນງ່າຍໆ ເພື່ອເຮັດໃຫ້ທ່ານໃຈເຢັນລົງ ແລະ ຫາຍກັງວົນໃຈ

5 ຂັ້ນຕອນງ່າຍໆ ເພື່ອເຮັດໃຫ້ທ່ານໃຈເຢັນລົງ ແລະ ຫາຍກັງວົນໃຈ

ງານນີ້ຕ້ອງບໍ່ພາດ "2019 K-Beauty Product Festival" ສູນລວມເຄື່ອງສຳອາງເກົາຫຼີຄຸນນະພາບດີ ຍີ່ຫໍ້ດັງ

ງານນີ້ຕ້ອງບໍ່ພາດ "2019 K-Beauty Product Festival" ສູນລວມເຄື່ອງສຳອາງເກົາຫຼີຄຸນນະພາບດີ ຍີ່ຫໍ້ດັງ

7 ພາສາກາຍງ່າຍໆ ທີ່ຈະເຮັດໃຫ້ຄົນອື່ນປະທັບໃຈ ແລະ ຈົດຈຳເຮົາໄດ້ຫຼາຍຂຶ້ນ

7 ພາສາກາຍງ່າຍໆ ທີ່ຈະເຮັດໃຫ້ຄົນອື່ນປະທັບໃຈ ແລະ ຈົດຈຳເຮົາໄດ້ຫຼາຍຂຶ້ນ

ເກັບໄວ້ເປັນໄອເດຍ 15 ແບບແຕ່ງໜ້າເຈົ້າສາວ ທີ່ກຳລັງມາແຮງໃນທ້າຍປີ 2019

ເກັບໄວ້ເປັນໄອເດຍ 15 ແບບແຕ່ງໜ້າເຈົ້າສາວ ທີ່ກຳລັງມາແຮງໃນທ້າຍປີ 2019

5 ຂໍ້ຄິດ ເຮັດບຸນໃຫ້ໄດ້ບຸນຢ່າງແທ້ຈິງ ໃນພິທີຕັກບາດ ບຸນນະມັດສະການພະທາດຫຼວງ

5 ຂໍ້ຄິດ ເຮັດບຸນໃຫ້ໄດ້ບຸນຢ່າງແທ້ຈິງ ໃນພິທີຕັກບາດ ບຸນນະມັດສະການພະທາດຫຼວງ

5 ວິທີອອກກຳລັງກາຍເພື່ອລົດນໍ້າໜັກແບບຜິດໆ ທີ່ຫຼາຍຄົນມັກເຮັດໂດຍບໍ່ຮູ້ໂຕ

5 ວິທີອອກກຳລັງກາຍເພື່ອລົດນໍ້າໜັກແບບຜິດໆ ທີ່ຫຼາຍຄົນມັກເຮັດໂດຍບໍ່ຮູ້ໂຕ

ຮູ້ຫຼືບໍ່? ຄົນຍີ່ປຸ່ນມີວັດທະນະທຳການ “ບໍ່ຍ່າງໄປກິນໄປ” ຊ່ວຍຫຼຸດຜ່ອນການຖິ້ມຂີ້ເຫຍື້ອຊະຊາຍ

ຮູ້ຫຼືບໍ່? ຄົນຍີ່ປຸ່ນມີວັດທະນະທຳການ “ບໍ່ຍ່າງໄປກິນໄປ” ຊ່ວຍຫຼຸດຜ່ອນການຖິ້ມຂີ້ເຫຍື້ອຊະຊາຍ

ເລືອດອອກຫຼັງມີເພດສຳພັນ ໃຫ້ກວດດ່ວນ! ເພາະອາດເປັນຍ້ອນ 6 ສາເຫດນີ້

ເລືອດອອກຫຼັງມີເພດສຳພັນ ໃຫ້ກວດດ່ວນ! ເພາະອາດເປັນຍ້ອນ 6 ສາເຫດນີ້

ຄວາມເປັນມາ ແລະ ພື້ນຕຳນານການແຫ່ຜາສາດເຜິ້ງ ໃນບຸນນະມັດສະການພະທາດຫຼວງວຽງຈັນ

ຄວາມເປັນມາ ແລະ ພື້ນຕຳນານການແຫ່ຜາສາດເຜິ້ງ ໃນບຸນນະມັດສະການພະທາດຫຼວງວຽງຈັນ

ປະເທດໃດໃຊ້ "ລົດຂັບເຄື່ອນດ້ວຍພະລັງງານໄຟຟ້າ (EV)" ຫຼາຍທີ່ສຸດໃນໂລກ?

ປະເທດໃດໃຊ້ "ລົດຂັບເຄື່ອນດ້ວຍພະລັງງານໄຟຟ້າ (EV)" ຫຼາຍທີ່ສຸດໃນໂລກ?

"ມົນລະພິດທາງອາກາດ" ອາດສົ່ງຜົນກະທົບຕໍ່ອະໄວຍະວະທຸກສ່ວນ-ທຸກເຊວໃນຮ່າງກາຍ

"ມົນລະພິດທາງອາກາດ" ອາດສົ່ງຜົນກະທົບຕໍ່ອະໄວຍະວະທຸກສ່ວນ-ທຸກເຊວໃນຮ່າງກາຍ

"ສາຍສີດກົ້ນ" ຄວນສີດຈາກໜ້າໄປຫຼັງ ຫຼື ສີດຈາກຫຼັງໄປໜ້າ?

"ສາຍສີດກົ້ນ" ຄວນສີດຈາກໜ້າໄປຫຼັງ ຫຼື ສີດຈາກຫຼັງໄປໜ້າ?

“ຮຽນຮູ້ກົດເກນການຢູ່ຮ່ວມກັນໃນສັງຄົມ” ຫຼັກການສຳຄັນໃນການລ້ຽງລູກຂອງຄົນຍີ່ປຸ່ນ

“ຮຽນຮູ້ກົດເກນການຢູ່ຮ່ວມກັນໃນສັງຄົມ” ຫຼັກການສຳຄັນໃນການລ້ຽງລູກຂອງຄົນຍີ່ປຸ່ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ