"ເຈນນີ້" ສະຫຼອງວັນເກີດ 24 ປີ ຈັດງານຄອນເຊັບພົມແດງ ເພື່ອນໃນວົງການຮ່ວມອວຍພອນຢ່າງອົບອຸ່ນ

^{ໃຫຍ່ຂຶ້ນອີກ 1 ປີແລ້ວ ສຳລັບນາງງາມສາວດີກຣີ Miss World Laos ຄົນທຳອິດຂອງປະເທດ "ເຈນນີ້ - ຕົ້ນຄຳ ພົນຈັນເຮືອງ" ທີ່ຫຼ້າສຸດສາວງາມຄົນນີ້ໄດ້ຈັດງານລ້ຽງສະຫຼອງວັນເກີດຄົບຮອບ 24 ປີ ຢ່າງອົບອຸ່ນ ແລະ ຕົກແຕ່ງງານໃນຄອນເຊັບພົມແດງ ເຊິ່ງກໍມີບັນດາເພື່ອນໃນວົງການ ແລະ ຄົນດັງຕ່າງໆເຂົ້າຮ່ວມຢ່າງຫຼວງຫຼາຍ.}

ພ້ອມນີ້ ໃນງານນີ້ ເຈນນີ້ ຕົ້ນຄຳ ຍັງໄດ້ໂພສຮູບຖ່າຍຄູ່ກັບແມ່ ພ້ອມກັບຂຽນແຄບັຊັນສຸດປະທັບໃຈເພື່ອບັນທຶກໄລຍະເວລາແຫ່ງຄວາມສຸກໃນວັນສຳຄັນນີ້ເອົາໄວ້ວ່າ "ຜູ້ຍິງຄົນດຽວທີ່ຂ້ອຍສາມາດມອບຊີວິດໃຫ້ໄດ້".

ພ້ອມນີ້ ງານວັນເກີດນີ້ບໍ່ແມ່ນພຽງແຕ່ງານລ້ຽງວັນເກີດທຳມະດາທົ່ວໄປ ແຕ່ຍັງມີໜຸ່ມ ບຸນຍະສິດ ວົງຄຳຕາ ແຟນໜຸ່ມຂອງສາວເຈນນີ້ມາຮ່ວມເປັນສ່ວນໜຶ່ງຂອງງານໃນຄັ້ງນີ້ນຳ.

ເປັນພາບບັນຍາກາດທີ່ທັງອົບອຸ່ນ, ໜ້າຮັກ ແລະ ມ່ວນຊື່ນຫຼາຍແທ້ໆ ສຳລັບງານສະຫຼອງວັນເກີດປີນີ້ຂອງສາວ ເຈນນີ ຕົ້ນຄຳ ເຊິ່ງທີມຂ່າວບັນເທີງ muan.la ກໍຕ້ອງຂໍກ່າວຄຳວ່າ ສຸກສັນວັນເກີດ (ຍ້ອນຫຼັງ) ມອບເປັນຂອງຂວັນໃຫ້ກັບຜູ້ກ່ຽວເຊັ່ນກັນເດີ.