ວັນພະຫັດ ທີ 28 ຕຸລາ 2021

ລາວ ໂທລະຄົມ ເປີດທົດລອງນໍາໃຊ້ລະບົບ 5G ເປັນຄັ້ງທຳອິດໃນລາວ

ລາວ ໂທລະຄົມ ເປີດທົດລອງນໍາໃຊ້ລະບົບ 5G ເປັນຄັ້ງທຳອິດໃນລາວ

ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ຈັດພິທີເປີດທົດລອງນໍາໃຊ້ ລະບົບ 5G ເປັນຄັ້ງທໍາອິດໃນ ສປປ ລາວ ເມື່ອວັນທີ 8 ຕຸລາ ຜ່ານມາ ທີ່ບໍລິສັດດັ່ງກ່າວ, ໂດຍມີທ່ານ ສຸພົນ ຈັນທະວີໄຊ ຕາງໜ້າຜູ້ອຳນວຍການໃຫຍ່ ທັງເປັນຮອງຜູ້ອຳນວຍການໃຫຍ່ຂະແໜງເຕັກນິກ ບໍລິສັດ ລາວ ໂທລະຄົມມະນາຄົມ ມະຫາຊົນ ພ້ອມດ້ວຍຄະນະ,  ບັນດາຜູ້ຕາງໜ້າກົມຈາກກະຊວງໄປສະນີ ໂທລະຄົມມະນາຄົມ ແລະ ການສື່ສານ, ­ລູກຄ້າ, ສື່ມວນຊົນ ແລະ ຄະນະຜູ້ບໍລິຫານ-ພະນັກງານ ບໍລິສັດ ລາວ ໂທລະຄົມມະນາຄົມ ມະຫາຊົນເຂົ້າຮ່ວມ.

ໂອກາດນີ້, ທ່ານ ສຸພົນ ຈັນທະວີໄຊ ໄດ້ກ່າວວ່າ: ເພື່ອເປັນການຜັນຂະຫຍາຍແນວທາງຂອງພັກ, ນະໂຍບາຍຂອງລັດກ່ຽວກັບການຫັນບັນດາທຸລະກິດທີ່ມີທ່າແຮງເປັນທັນສະໄໝ ແລະ ສອດຄ່ອງກັບແຜນຍຸດທະສາດ 5 ປີ (2016-2020) ຂອງກະຊວງໄປສະນີ ໂທລະຄົມມະນາຄົມ ແລະ ການສື່ສານ, ໂດຍສະເພາະແມ່ນຍຸດທະສາດ ພັດທະນາອຸດສາຫະກໍາ ໄອຊີທີ ຂອງກະຊວງ ກາຍເປັນເຄື່ອງມືທີ່ສໍາຄັນໃນການຂັບເຄື່ອນການພັດທະນາເສດຖະກິດ-ສັງຄົມໃຫ້ເຂັ້ມແຂງຍືນຍົງ ແລະ ເປັນຈຸດເຊື່ອມໂຍງກັບພາກພື້ນ ແລະ ສາກົນເທື່ອລະກ້າວ. ທັງນີ້, ເພື່ອເຮັດໃຫ້ບັນລຸແນວທາງນະໂຍບາຍ ແລະ ຍຸດທະສາດດັ່ງກ່າວ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ເອົາໃຈໃສ່ພັດທະນາວຽກງານ  ແລະ ທຸລະກິດຂອງຕົນໃຫ້ດີທີ່ສຸດຕະຫຼອດມາ ໂດຍສະເພາະການເປີດທົດລອງນໍາໃຊ້ 5G ໃນມື້ນີ້ ຖືໄດ້ວ່າເປັນອີກບາດກ້າວໜຶ່ງໃນຄວາມພະຍາຍາມຂອງ ລາວ ໂທລະຄົມ ໃນການນຳເອົາເຕັກນິກວິທະຍາສາດ ເຕັກໂນໂລຊີໃໝ່ທີ່ກ້າວໜ້າ ແລະ ທັນສະໄໝໄດ້ມາດຕະຖານທຽບເທົ່າກັບສາກົນ ຕອບສະໜອງຄວາມຕ້ອງການຂອງສັງຄົມ ບໍ່ວ່າຢູ່ໃນຊີວິດປະຈໍາວັນ ກໍຄືການໝູນໃຊ້ເຂົ້າໃນຂົງເຂດເສດຖະກິດ ເພື່ອເຮັດໃຫ້ສັງຄົມລາວກ້າວໄປສູ່ສັງຄົມທີ່ທັນຍຸກທັນສະໄໝໃນຍຸກແຫ່ງ Digital Life ເທື່ອລະກ້າວ, ພ້ອມດຽວກັນກໍເປັນການສົ່ງເສີມການພັດທະນາທຸລະກິດ ໂທລະຄົມມະນາຄົມໃຫ້ທຽບທັນ ແລະ ສາມາດເຊື່ອມໂຍງກັບບັນດາປະເທດໃນຂົງເຂດພາກພື້ນ ແລະ ສາກົນ.

ສຳລັບເຕັກໂນໂລຊີ 5G  ຫຼື ການສື່ສານໃນຍຸກທີ 5 (Fifth Generation) ຖືກພັດທະນາຂຶ້ນໃຫ້ມີປະສິດທິພາບສູງກວ່າ 4G ເພື່ອໃຫ້ສາມາດຕອບສະໜອງຄວາມຕ້ອງການຂອງຜູ້ຊົມໃຊ້ທີ່ປ່ຽນແປງໄປເລື້ອຍໆ, ຄຸນສົມບັດພິເສດຫຼັກໆຂອງເຕັກໂນໂລຊີ 5G ທີ່ວ່ານີ້ ຄື: ຄວາມໄວໃນການຮັບ-ສົ່ງຂໍ້ມູນທີ່ໄວກວ່າ 4G ເຖິງ 20 ເທົ່າ, ຈໍານວນການເຊື່ອມຕໍ່ທີ່ສາມາດຮອງຮັບອຸປະກອນໄດ້ຫຼາຍກວ່າ 4G 10 ເທົ່າ ຫຼື ເທົ່າກັບ 1,000,000 ອຸປະກອນ/sq.km. ດ້ວຍລະບົບ 5G ຈະເປີດໂລກ IOT (Internet of Things) ໄດ້ຢ່າງແທ້ຈິງ ແລະ ຈະເປັນພື້ນຖານເພື່ອຮອງຮັບການພັດທະນາເຕັກໂນໂລຊີ Smart Home, Smart City, Smart Transportation, Smart life, Smart health ແລະ ອື່ນໆ ໂດຍສັ່ງການຜ່ານມືຖືຂອງຄົນເຮົາໄດ້ ຫຼື ອຸປະກອນແຕ່ລະຊະນິດສາມາດສື່ສານກັນເອງໄດ້, ຄວບຄຸມກັນໄດ້  ແລະ ເຮັດວຽກປະສານກັນໄດ້ຢ່າງອັດຕະໂນມັດ,  ເວລາໃນການຕອບສະໜອງ/ໂຕ້ຕອບ ແມ່ນສັ້ນລົງ ເຖິງ 1 ມິນລີວິນາທີ (1 ms). ດ້ວຍຄຸນສົມບັດພິເສດດັ່ງກ່າວ 5G ຈະສາມາດຕອບໂຈດ ໃນສ່ວນຂອງກຸ່ມຄົນທີ່ມັກຫຼິ້ນເກມເຊິ່ງຕ້ອງການຄວາມໄວໃນການໂຕ້ຕອບສູງ ຫຼື ເວົ້າອີກຢ່າງຄືຖ້າ Latency ຍິ່ງຕໍ່າແມ່ນຍິ່ງດີ, ຕອບໂຈດການຂັບຂີ່ແບບບໍ່ມີຄົນຂັບທີ່ມີຄວາມປອດໄພສູງ ແລະ ນໍາໃຊ້ໃນທາງການແພດເຊັ່ນ: ການຜ່າຕັດທາງໄກ ແລະ ອຶ່ນໆ.

ການທົດລອງນໍາໃຊ້ 5G ໃນຄັ້ງນີ້ ຖືເປັນຂີດໝາຍອັນສໍາຄັນຂອງວຽກງານການສື່ສານ ໂທລະຄົມມະນາຄົມຂອງລາວ ເວົ້າລວມ, ເວົ້າສະເພາະກໍຄື ລາວ ໂທລະຄົມ ແລະ ຜູ້ຊົມໃຊ້ໃນລາວ ຈະໄດ້ສໍາພັດປະສົບການໃໝ່ທາງດ້ານການສື່ສານລະດັບໂລກ ແລະ ເຊື່ອໝັ້ນວ່າອີກບໍ່ດົນໃນອານາຄົດອັນໃກ້ໆນີ້ ລາວ ໂທລະຄົມ ຈະໃຫ້ໄດ້ເປີດໃຫ້ບໍລິການ ລະບົບ 5G ຢ່າງເຕັມຮູບແບບ.

(ໜຸ່ມໂສດ)

Advertisement Replay Ad
ລວມພະລັງພິກໂສມໜ້າເສດຖະກິດດິຈິຕອນລາວ! ກະຊວງເຕັກໂນໂລຊີ ແລະ ການສື່ສານລົງນາມ MOU ກັບ LICA

ລວມພະລັງພິກໂສມໜ້າເສດຖະກິດດິຈິຕອນລາວ! ກະຊວງເຕັກໂນໂລຊີ ແລະ ການສື່ສານລົງນາມ MOU ກັບ LICA

ບໍ່ຕ້ອງຕົກໃຈ Facebook,​WhatsApp, Messenger ແລະ Instagram ຫລົ້ມທົ່ວໂລກ

ບໍ່ຕ້ອງຕົກໃຈ Facebook,​WhatsApp, Messenger ແລະ Instagram ຫລົ້ມທົ່ວໂລກ

ເລື່ອງກິນໃຫ້ອຸ່ນໃຈ! ຟູດແພນດ້າ ກາຍເປັນແອັບສົ່ງອາຫານທຳອິດທີ່ໃຫ້ບໍລິການຄົບ 18 ແຂວງທົ່ວລາວ

ເລື່ອງກິນໃຫ້ອຸ່ນໃຈ! ຟູດແພນດ້າ ກາຍເປັນແອັບສົ່ງອາຫານທຳອິດທີ່ໃຫ້ບໍລິການຄົບ 18 ແຂວງທົ່ວລາວ

Codashop ເປີດຕົວຮູບໂສມໃໝ່ທີ່ໂດດເດັ່ນ

Codashop ເປີດຕົວຮູບໂສມໃໝ່ທີ່ໂດດເດັ່ນ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ໂລກ້າ ຮ່ວມມືກັບ ບີວາຍດີ ເປີດໂຕໂຄງການທົດລອງນຳໃຊ້ລົດໄຟຟ້າໃຫ້ບໍລິການແທັກຊີຢູ່ລາວ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ເປີດໂຕໃນລາວແລ້ວ OPPO Reno6 Z 5G ຖືກໃຈສາຍຖ່າຍຮູບ Portrait ພ້ອມດີຊາຍທີ່ເປັນເອກະລັກ

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ແຈກວິທີ ໃຊ້ WhatsApp Web ໃນຄອມພິວເຕີພ້ອມກັນ 4 ເຄື່ອງ ມືຖືແບັດໝົດ ຫຼື ບໍ່ມີເນັດກໍຍັງໃຊ້ໄດ້

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

ໂລກ້າ ຮ່ວມມື ບໍລິສັດ ໂຊກມີໄຊ ຂະຫຍາຍບໍລິການແທັກຊີອອນລາຍ 24 ຊົ່ວໂມງ ຢູ່ປາກເຊ ແຂວງຈຳປາສັກ

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Httpool ສະເຫຼີມສະຫຼອງຄວາມສຳເລັດສຳລັບການດຳເນີນທຸລະກິດໃນລາວຄົບຮອບ 1 ປີ!

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

Facebook ຮ່ວມສະຫຼອງປີໃໝ່ລາວດ້ວຍຟີເຈີໃໝ່ ເພື່ອຊ່ວຍໃຫ້ຄົນລາວເຊື່ອມຕໍ່ກັນໃນເວລາທີ່ຢູ່ຫ່າງໄກກັນ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເປີດໂຕ OPPO A94 ອັດແໜ້ນດ້ວຍປະສິດທິພາບ ທັງການຖ່າຍພາບ & ຄວາມໄວ ໃນລາຄາທີ່ຄຸ້ມຄ່າ

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ເລີໂນໂວ ເປີດໂຕ ThinkBook ລຸ້ນໃໝ່ຫຼ້າສຸດ ຮັບເທຣນ “ເຮັດວຽກໄດ້ຈາກທຸກບ່ອນ” (work-from-anywhere)

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຈະເກີດຫຍັງຂຶ້ນຖ້າອິນເຕີເນັດໃຊ້ບໍ່ໄດ້ຈັກ 1 ມື້?

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ຊາວອາຊີຕາເວັນອາຄະເນ 18% ພາກັນແຊຂ່າວລົງໂຊຊຽວໂດຍບໍ່ໄດ້ກວດສອບກ່ອນວ່າເປັນເລື່ອງແທ້ ຫຼື ປອມ

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ການຮັກສາຄວາມປອດໄພໃນໂລກອອນລາຍໃຫ້ແກ່ໄວໜຸ່ມໃນໄລຍະໂລກລະບາດ: ຜູ້ປົກຄອງສາມາດເຮັດໄດ້ແນວໃດ?

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ຊ້າໝົດອົດເດີ! HUAWEI Nova 7i ຫຼຸດລາຄາພິເສດຕ້ອນຮັບເທດສະການຄຣິສມາສ ແລະ ປີໃໝ່ສາກົນ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

ໂລກໃໝ່ຂອງການຮຽນຮູ້! katalyst-learning.com ໃຫ້ຄົນລາວຝຶກອົບຮົມກ່ຽວກັບ e-commerce ແບບຟຣີໆ

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

10 ອັນດັບ PASSWORD ຍອດນິຍົມ (ທີ່ບໍ່ຄວນຕັ້ງຢ່າງຍິ່ງ)

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຮູ້ຈັກກັບອຸປະກອນສຽງ & ສວມໃສ່ອັດສະລິຍະຈາກ HUAWEI ທີ່ຈະຊ່ວຍໃຫ້ຊີວິດປະຈຳວັນຂອງທ່ານງ່າຍຂຶ້ນ

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ຄວາມໂສດເປັນບັນຫາສຳລັບເຈົ້າ ຫຼື ບໍ່? ຈະດີບໍ່ຖ້າເຮົາມີລະບົບທີ່ສາມາດຊ່ວຍຈັບຄູ່ໃຫ້ກັບຄົນໂສດ?

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ