ວັນສຸກ ທີ 18 ຕຸລາ 2019

ລັດຖະມົນຕີກະຊວງສຶກສາທິການ ຊີ້ ​ຕະຫຼອດ​ໄລຍະ 25 ປີ ຄູ​ລາວ ມີ​ການ​ພັດທະນາ​ດີ​ຂຶ້ນ

ລັດຖະມົນຕີກະຊວງສຶກສາທິການ ຊີ້ ​ຕະຫຼອດ​ໄລຍະ 25 ປີ ຄູ​ລາວ ມີ​ການ​ພັດທະນາ​ດີ​ຂຶ້ນ

ຄຸນ​ນະພາ​ບໃນ​ການ​ປະຕິ​ບັດ​ໜ້າ​ທີ່​ຂອງ​ຄູ ຕະຫຼອດ​ໄລຍະ 25 ປີ ຄູລາວ ​ໄດ້ມີ​ການ​ພັດທະນາ​ດີ​ຂຶ້ນ ​ໂດຍ​ສະ​ເພາະ​ແມ່ນ​ຄູ​ຈໍານວນ​ໜຶ່ງ​​ໄດ້​ຮັບ​ຕໍາ​ແໜ່​ງຄູ​ປະສົບ​ປະການ, ຄູ​ຊໍານານ​ງານ ​ແລະ ຄູ​ຊ່ຽວຊານ, ມີອາຈານ, ຜູ້ຊ່ວຍ​ອາຈານ, ຮອງ​ສາດສະດາຈານ ແລະ ສາດສະດາຈານ ​ຈໍານວນ​ຫຼວງ​ຫຼາຍ ຖ້າ​ທຽບ​ໃສ່​ສາກົນ​​ແລ້ວ ກໍ​ມີ​ບຸກຄະລາ​ກອນ​ທີ່​ປະຕິບັດ​ໜ້າ​ທີ່​ການ​ສິດສອນ​ດີ​ສົມຄວນ.

ເມື່ອບໍດົນມານີ້ ທີ່​ສໍ​ານັກ​ງານ​ກະຊວງ​ສຶກສາ​ທິການ ​ແລະ ກີລາ, ທ່ານ ນາງ​ແສງ ​ເດືອນ​ ຫຼ້າ​ຈັນທະ​ບູນ ລັດຖະມົນຕີ ກະຊວງ​ສຶກສາ​ທິການ ​ແລະ ກີລາ ​ໄດ້​ໃຫ້ສຳພາດວ່າ: ​ ​ຄຸນ​ນະພາ​ບໃນ​ການ​ສອນ​ຂອງ​ຄູ ຕະຫຼອດ​ໄລຍະ 25 ປີຜ່ານມາ ແມ່ນ​ໄດ້​ມີ​ການ​ປະ​ເມິີນຄູ, ຊຶ່ງ​ຄູ​ຈໍານວນ​ໜຶ່ງ​ໄດ້​ຮັບ​ຕໍາ​ແໜ່​ງ​ເປັນ​ຄູ​ປະສົບ​ປະການ ປະມານ 400 ທ່ານ, ມີ​ຄູ​ຊໍານານ​ງານ ​ແລະ ຄູ​ຊ່ຽວຊານ ​ໂດຍ​ຄູ​ຈໍານວນ​ນີ້ ​ແມ່ນ​ຢູ່​ໃນ​ລະດັບ​ຂ້ອນ​ຂ້າງ​ມາດຕະຖານ ​ແຕ່​​ຍັງ​ມີ​ຈໍານວນ​ຫຼວງ​ຫຼາຍຍັງ​ບໍ່​ທັນ​ໄດ້​ຮັບ​ຕໍາ​ແໜ່​ງນີ້, ​ແຕ່​ກໍ​ໄດ້​ຊຸກຍູ້​ໃຫ້​ບັນດາ​ຄູ​ໄດ້​ບຸກບືນ​ໃນ​ການ​ຮັບ​ຕໍາ​ແໜ່​ງນີ້. ສ່ວນ​ໃນ​ມະຫາວິທະຍາ​ໄລ, ວິ​ມະຍ​າ​ໄລ, ສະ​ຖາ​ບັນ​ການ​ສຶກສາ​ຊັ້ນ​ສູງ ໄດ້​ມີນາ​ມມະ​ຍົດ​ເປັນອາຈານ, ຜູ້ຊ່ວຍ​ອາຈານ, ຮອງ​ສາດສະດາຈານ, ສາດສະດາຈານ ​ຈໍານວນ​ຫຼວງ​ຫຼາຍ ຖ້າ​ທຽບ​ໃສ່​ສາກົນ​​ແລ້ວ ກໍ​ມີ​ບຸກຄະລາ​ກອນ​ທີ່​ປະຕິບັດ​ໜ້າ​ທີ່​ການ​ສິດສອນ​ດີ​ສົມຄວນ ​ແຕ່​ເມື່ອ​ເວົ້າ​ເຖິງ​ລະດັບ​ການ​ສຶກສາ​ແລ້ວ ພວກ​ເຮົາ​ກໍາລັງ​ກຽມ​​ເພື່ອ​ຈະ​ເອົາ​ຊຸດ​ການ​ປະ​ເມີນການ​ສຶກສາ​ຂອງ​ສາກົນ​ມ​າປະ​ເມີນ​ຈຶ່ງ​ຈະ​ສາມາດ​ທຽບ​ໄດ້​ວ່າ​ຢູ່​ໃນ​ລະດັບ​ໃດ ​ແຕ່​ການ​ປະ​ເມີ​ນພາຍ​ໃນ​ນີ້ ກໍ​ປະ​ເມີນ​ເພື່ອ​ຊ້ອມ​ແຊ​​ມ, ປະ​ເມີນ​ເພື່ອ​ປັບປຸງ​ແຕ່​ລະ​ອັນ, ຜ່ານ​ມາ​ມີ​ກອງ​ປະຊຸມ​ເສດຖະກິດ​​ໂລກ​ເຄີ​ຍປະ​ເມີນ ເຫັນ​ວ່າ​ພວກ​ເຮົາ​ກໍບໍ່​ໄດ້​ຢູ່​ໃນ​ລະດັບ​ສຸດ​ທ້າຍ​ຂອງ​ປະ​ເທດ​ອາ​ຊຽນ, ຊຶ່ງ​ບາງ​ອັນ​ກໍຢູ່​ອັນ​ດັບ​ທີ 7, ບາ​ງອັນ​ກໍ​ຢູ່​ອັນ​ດັບ​ທີ 8 ຖື​ວ່າ​ຢູ່​ໃນລະດັບ​ຂ້ອນ​ຂ້າງ​ດີ​ສົມຄວນ ​ແລະ ​ເຮົາ​ມາ​ສັງ​ເກດ​ເບິ່ງ ນັກຮຽນ​ທີ່​ໄປ​ສອບ​ເສັງ​ນັກຮຽນ​ເກັ່ງ​ຢູ່​ຕ່າງປະ​ເທດ ​ເປັນ​ຕົ້ນ​ແມ່ນ​ວິຊາ​ຄະນິດສາດ, ວິທະຍາສາດ ຫຼື ອັນ​ອື່ນໆ ທີ່​ແຕ່​ກ່ອນ​ບໍ່​ເຄີຍ​ໄດ້​ຮັບ​ລາງວັນ ​ແຕ່​ມາ​ໃນ​ປັດຈຸບັນ​ແມ່ນ​ໄດ້​ລາງວັນ ແລະ ບາງ​ເທື່ອ​ກໍ​ໄດ້​ຫຼຽນ​ຄໍາ, ​ເງິນ, ທອງກັບ​ມາ, ຊຶ່ງ​ສາມາດ​ຕີ​ລາຄາ​ໄດ້​ວ່າ​ຄູ​ນັ້ນ ສອນ​ດີສົມຄວນ. ນອກ​ຈາກນີ້, ​ຍັງ​ມີ​ຄູບາ​ງຈໍານວນ​ທີ່​ຍັງ​ສອນ​ອ່ອນ ກໍ​ຈະ​ໄດ້​ມີ​ການ​ປຸກລະ​ດົມ​ກັນ, ປະ​ເມີນ​ກັນ, ຊຶ່ງ​ກະຊວງ​ໄດ້​ມີ​ການ​ກະກຽມ​ກ່ຽວ​ກັບ​ການ​ປະ​ເມີນ​ຄູ ​ແລະ ປະ​ເມີນ​ການ​ປະຕິບັດ​ໜ້າ​ທີ່​ຂອງ​ຄູ, ຜູ້​ບໍລິຫານ​ການ​ສຶກສາ ​ເພື່ອ​ໃຫ້​ສາມາດ​ຄຸ້ມ​ຄອງ​ຄູ, ຄູ​​ຈະ​ປະຕິບັດ​ໜ້າ​ທີ່​ໄດ້​ເຕັ​ມ​​ເມັດ​ເຕັ​ມໜ່ວຍ.

​ໃນ​ການ​ປະຕິບັດ​ໜ້າ​ທີ່​ຂອງ​ຄູ​ນີ້, ໄດ້​ອອກຈັນ​ຍາ​ບັນ​ຂອງ​ຄູ ​ເພື່ອ​ນໍາ​ໄປ​ຝຶກ​ອົບຮົມ​ໃຫ້ຄູ ​ແລະ ຜູ້​ບໍລິຫານ​ການ​ສຶກສາ​ແຕ່ລະ​ຂັ້ນ ນໍາ​​ເອົາ​ໄປ​ສຶກສາ​​ແນວ​ຄິດ ​ແຕ່​ວ່າ​ຍັງ​ມີ​ປາກົດການ​ຫຍໍ້​ທໍ້​ຢູ່​ບາງ​ບ່ອນ ​​ແລະ ຄິດ​ວ່າ​ຈະ​ຖື​ເອົາ​ໂອກາດ​ວັນ​ສະ​ເຫຼີ​ມສະຫຼອງ​ວັນ​ຄູ ຄົບຮອບ 25 ປີ​ນີ້ ​ເປັນ​ການ​ປຸກລະດົມ​ຈິດ​ໃຈ ຮັກ​ອາຊີບ​​ແພງ​ເດັກ​ຕື່ມ, ຊຶ່ງ​ໃນ​ວັນ​ທີ 4 ຕຸລານີ້, ກະຊວງ​ສຶກສາ​ທິການ ​ແລະ ກີລາ ຈະ​ໄດ້​ຈັດ​ສະ​ເຫຼີ​ມສະຫຼອງ​ລະດັບ​ຊາດ ທີ່ຈະ​ຈັດ​ຂຶ້ນ​ທີ່ມະຫາວິທະຍາ​ໄລ​ແຫ່​ງຊາດ ​ໂດຍ​ໄດ້​ເຊີນ​ຕາງໜ້າ​ຜູ້​ບໍລິຫານ​ການ​ສຶກສາ, ຄູ​ອາຈານ ​ແລະ ຜູ້​ທີ່​ກ່ຽວ​ຂ້ອງ ​ໂດຍ​ສະ​ເພາະ​ແມ່ນ​ຜູ້​ທີ່​ປະກອບສ່ວນ​ເຂົ້າ​ໃນ​ຂະ​ແໜງ​ການ​ສຶກສາ ປະມານ 1,000 ຄົນ. ​ໃນ​ນັ້ນ, ຈະ​ມີ​ການ​ລາຍ​ງານ​ລະນຶກ​ເຖິງຄຸນງາມຄວາ​ມດີ, ຜົນງານ​ຂອງ​ຄູ​ ຕະຫຼອດ 25 ປີຜ່ານ​ມາ ​ແລະ ຈະ​ມີ​ການ​ໂອ້ລົມ​ຂອງ​ທ່ານ ລັດຖະມົນຕີ ຕໍ່​ພິທີ​ໂຮມ​ຊຸມນຸມນັ້ນ, ​ໂດຍຈະ​ມີ​ຄໍາ​ຮຽກ​ຮ້ອງຕ່າງໆ​ເພື່ອ​ໃຫ້​ຄູ ​ແລະ ຜູ້​ບໍລິຫານ​ການ​ສຶກສາ​ປະຕິບັດ​ໜ້າ​ທີ່​ຂອງ​ຕົນ​. ນອກຈາ​ກການສະ​ເຫຼີ​ມສະຫຼອງ​​ໃນ​ລະດັບ​ຊາດ​ແລ້ວ, ​ແຕ່​ລະສະ​ຖາ​ບັນ​ການ​ສຶກສາ​​ໄດ້​ຈັດ​ສະ​ເຫຼີ​ມສະຫຼອງ​ນີ້ ​ເພື່ອ​ຍ້ອງ​ຍໍ​ຄູ​ ​ແລະ ທົບ​ທວນຄືນ​ກ່ຽວ​ກັບ​ການ​ປະຕິ​ບັດ​ໜ້າ​ທີ່​ຂອງ​ຄູ​ນັ້ນ. ​ສ່ວນ​ຢູ່​ເມືອງ ຢູ່​​ແຂວງ ກໍຈະ​ເຊີນ​ອໍາ​ນາດ​ການ​ປົກຄອງ​ມາ​ໂອ້​ລົມກ່ຽວ​ກັບ​ການ​ປະ​ຕິ​ບັດ​ໜ້າ​ທີ່​ຂອງ​ຄູ, ມີ​ການ​ຍ້ອງຍໍ​ຄູ​ດີ​ເດັ່ນ, ມີ​ການ​ສຶກສາ​ແນ​ວຄິດ​ຕໍ່​ຄູໃຫ້​ປະຕິບັດ​ໜ້າ​ທີ່​ດ້ວຍ​ຄວາມ​ຊື່ສັດ​ບໍລິ​ສຸດ ​ແລະ ​ເຮັ​ດ​ໃຫ້ການ​ຮຽນ​ການ​ສອນ​ມີ​ຄຸນ​ນະພາ​ບ​, ​ເຮັດ​ໃຫ້​ນັກຮຽນ​ເປັນ​ຄົນ​ທີ່​ມີ​ຄຸນສົມ​ບັດ​ດີ, ປະພຶດ​ດີ, ຖື​ວ່າ​ເອົາ​ໄລ​ຍະ​ນີ້​ເປັນ​ການ​ປຸກລະດົມ​ໜ້າ​ທີ່​ຂອງ​ຄູ​ທົ່ວ​ປະ​ເທດ​ໃນ​ການ​ປະຕິບັດ​ໜ້າ​ທີ່​ຂອງ​ຄູ.

​​ສໍາລັບຄູທີ່ຢູ່​ຫ່າງ​ໄກ​ສອກຫຼີກ ພວກ​ເຮົາ​ກໍ​ມີ​ນະ​ໂຍບາຍ​ພິ​ເສດ, ​ໄດ້​ມີ​ການ​ຍົກ​ສູງ​ຄຸນ​ນະພາ​ບການ​ສຶກສາ​ຢູ່​ເຂດ​ຫ່າງ​ໄກ​ສອກຫຼີກ, ກະຊວງ​ໄດ້​ສົ່ງ​ພະນັກງານ​ລົງ​ໄປ ​ເພື່ອ​ໄປ​ຝຶກ​ຝົນ​ຕົວ​ພະນັກງານ​ເອງ,​ ​ໄປ​ຊ່ວຍ​ຮາກ​ຖານ​ໃນ​ກຸ່ມ​ໂຮງຮຽນ ໝາຍ​ຄວາມ​ວ່າ​ໂຮງຮຽນທີ່​ເປັນ​ໂຮງຮຽນ​ນ້ອຍ​ຫຼາຍ ກໍ​ໄດ້​ມີ​ການ​ຄວບ​ກັນ​ເປັນ​ກຸ່ມ, ຊຶ່ງ​ໃນ​ກຸ່ມ​ຈະ​ມີ​ການ​ພັດທະນາ​ພື້ນຖານ​ໂຄງ​ລ່າງ​ທີ່​ດີ, ມີ​ການ​ສອນ​ທີ່​ດີ, ມີ​ສິ່ງ​ອໍານວຍ​ຄວາມ​ສະດວກ​ທີ່​ດີ ​ໂດຍ​ຈະ​ສຸ​ມ​ໃສ່ 40 ກຸ່ມ ​ເມືອງ​ທົດ​ລອງ ​ເພື່ອ​ເປັນ​ການ​ຊ່ວຍ​ເຫຼືອ​ຄູ​ທີ່ຢູ່​ເຂດຫ່າງ​ໄກ​ສອກຫຼີກ ​ເພື່ອ​ໃຫ້​ຄູ​ຢູ່​ກຸ່ມ​ໄດ້​ຊ່ວຍ​ຄູ​ໃນ​ໂຮງຮຽນ ທີ່ຢູ່​ຫ່າງ​ໄກ​ສອກຫຼີກ ​ເພື່ອ​ຕິດຕາມ ​ແລະ ​ໃຫ້​ກໍາລັງ​ໃຈ ຫຼື ອົບຮົມ​ການ​ເຮັດ​ວຽກ​ແນ​ວຄິດ, ວຽກ​ວິຊາ​ສະ​ເພາະ.

ສ່ວນ​ນະ​ໂຍບາຍ​ຂອງ​ຄູ​ອາ​ສາ​ສະໝັກ, ປີຜ່ານມາ ຕົວເລກ​ທີ່​ໄດ້ 300 ກວ່າ​ຄົນ​ ສ່ວນ​ຫຼາຍ​ແມ່ນ​ຈະ​ແບ່ງ​ໃຫ້​ຄູ. ​ໃນ​ນັ້ນ, ​ແບ່ງ​ໃຫ້​ມະຫາວິທະຍາ​ໄລ, ວິທະຍາ​ໄລ ​ແຕ່​ຈະ​ແບ່ງ​ລົງ​ໄປ​ແຂວງ, ​ແຂວງ​ແບ່ງ​ໃຫ້​ເມືອງ ​ແລ້ວ​ມີ​ການ​ສອບ​ເສັງ​ເອົາ ​ໂດຍ​ຈະ​ແບ​ງ​ເປັນ​ວ່າ ຖ້າ​ເປັນ​ຄູ​ອາສາ​ສະໝັກ 3 ປີ​ຂຶ້ນ​​ໄປ​ຈະ​ຈັດ​ເປັນ​ນະ​ໂຍບາຍ​ພິ​ເສດ 80%. ສ່ວນ​ຄູ​ໃໝ່​ແມ່ນ 20% ສາມາດ​ສອບ​ເສັງ​ຄັດ​ເລືອກ​​ໂດຍ​ມີ​ເງື່ອນ​ໄຂ ຜົນ​ການ​ຮຽນ​ຕ້ອງ​ດີ​ເດັ່ນ, ຄະ​ແນນ 3,00 ຂຶ້ນ​ໄປ​ຈຶ່ງ​ມີ​ສິດ​ສອບ​ເສັງ ​ເພາະ​ຄູ​ໃໝ່​ກໍມີ​ຄວາມຈໍາ​ເປັນ​ເພາະ​ພວກ​ເຂົາ​​ໄດ້​ຮຽນ​ວິທີ​ສິດ​ສອນອັນ​ໃໝ່ໆ ​ເພື່ອ​ເຜີຍ​ແຜ່​ຊ່ວຍ​ກັນ.

​ໂອກາດ​ດັ່ງກ່າວ, ທ່ານ ນາງ ແສງ​ເດືອນ ຫຼ້າ​ຈັນທະ​ບູນ ​ໄດ້​ສົ່ງ​ພ​ອນ​​ໄຊ​ອັນ​ປະ​ເສີດ​ໄປ​ຫາ​ຄູ, ຜູ້ບໍລິຫານ​ການ​ສຶກສາ​ທົ່ວ​ປະ​ເທດ ທີ່​ປະຕິບັດ​ໜ້າ​ທີ່ຢູ່​ສູນ​ກາງ ​ແລະ ທ້ອງ​ຖິ່ນ ​ໂດຍ​ສະ​ເພາະ​ແມ່ນ​ຝາ​ກຄວາມ​ຄິດ​ຮອດ​ຄິດ​ເຖິງ​ໄປ​ຫາ​ຄູ​ທີ່ຢູ່​ເຂດ​ຫ່າງ​ໄກ​ສອກຫຼີກ ຂໍ​ໃຫ້​ມີ​ສຸຂະ​ພາບ​ເຂັ້ມ​ແຂງ ​ແລະ ອົດທົນ, ຮັກ​ອາຊີບ​ແພງ​​ເດັກ, ສືບ​ຕໍ່​ປະຕິບັດ​ໜ້າ​ທີ່​ເພື່ອ​ປະ​ເທດ​ຊາ​ດຂອງ​ພວກ​ເຮົາ.

ຂ່າວ: ບຸນທະວີ

Advertisement Replay Ad
ຍິງຊາວຫວຽດນາມ ຖືກຫ້າມເຂົ້າປະເທດອອສເຕຣເລຍ ຫຼັງພົບຊີ້ນໝູສົດໃນກະເປົາເດີນທາງ

ຍິງຊາວຫວຽດນາມ ຖືກຫ້າມເຂົ້າປະເທດອອສເຕຣເລຍ ຫຼັງພົບຊີ້ນໝູສົດໃນກະເປົາເດີນທາງ

ໜຸ່ມສີລັງກາ ສ້າງສະຖິຕິໂລກ ໂຍນນໍ້າກ້ອນໃຫຍ່ໃສ່ໜ້າເອິກ ຕໍ່ເນື່ອງ 50 ກ້ອນ

ໜຸ່ມສີລັງກາ ສ້າງສະຖິຕິໂລກ ໂຍນນໍ້າກ້ອນໃຫຍ່ໃສ່ໜ້າເອິກ ຕໍ່ເນື່ອງ 50 ກ້ອນ

80% ຂອງຜູ້ເສຍຊີວິດຈາກອຸບັດເຫດເທິງທ້ອງຖະໜົນ ແມ່ນໄວໜຸ່ມ

80% ຂອງຜູ້ເສຍຊີວິດຈາກອຸບັດເຫດເທິງທ້ອງຖະໜົນ ແມ່ນໄວໜຸ່ມ

ຄາດວ່າຈະມີຜູ້ໄດ້ວຽກ 1,500 ຄົນ ຈາກງານຕະຫຼາດນັດພົບແຮງງານຄັ້ງທີ 3

ຄາດວ່າຈະມີຜູ້ໄດ້ວຽກ 1,500 ຄົນ ຈາກງານຕະຫຼາດນັດພົບແຮງງານຄັ້ງທີ 3

ໂຮງຮຽນປະຖົມແຊລະບຳ ຍັງຕ້ອງການອຸປະກອນການຮຽນ-ສອນ ຫຼັງເສຍຫາຍໜັກຈາກໄພນໍ້າຖ້ວມ

ໂຮງຮຽນປະຖົມແຊລະບຳ ຍັງຕ້ອງການອຸປະກອນການຮຽນ-ສອນ ຫຼັງເສຍຫາຍໜັກຈາກໄພນໍ້າຖ້ວມ

ພົບພະຍາດອະຫິວາໝູອາຟຣິກາ ລະບາດຢູ່ 2 ບ້ານ ໃນແຂວງຫຼວງນໍ້າທາ

ພົບພະຍາດອະຫິວາໝູອາຟຣິກາ ລະບາດຢູ່ 2 ບ້ານ ໃນແຂວງຫຼວງນໍ້າທາ

ນາຊາເຜີຍໂສມ "ຊຸດອະວະກາດຮຸ່ນໃໝ່" ພ້ອມພາມະນຸດເດີນທາງສູ່ດວງຈັນອີກຄັ້ງ

ນາຊາເຜີຍໂສມ "ຊຸດອະວະກາດຮຸ່ນໃໝ່" ພ້ອມພາມະນຸດເດີນທາງສູ່ດວງຈັນອີກຄັ້ງ

ນັກວິທະຍາສາດຄົ້ນພົບ 'ແຜ່ນດິນໄຫວແບບໃໝ່' ທີ່ເກີດຈາກພາຍຸໝຸນເຂດຮ້ອນ

ນັກວິທະຍາສາດຄົ້ນພົບ 'ແຜ່ນດິນໄຫວແບບໃໝ່' ທີ່ເກີດຈາກພາຍຸໝຸນເຂດຮ້ອນ

ລາວ-ໄທ ຮ່ວມມືແກ້ໄຂ ພະຍາດທີ່ເກີດຂຶ້ນຕາມຊາຍແດນ ເມືອງສັງທອງ-ສັງຄົມ

ລາວ-ໄທ ຮ່ວມມືແກ້ໄຂ ພະຍາດທີ່ເກີດຂຶ້ນຕາມຊາຍແດນ ເມືອງສັງທອງ-ສັງຄົມ

ກະຊວງພາຍໃນ ເປີດຂະບວນການຕ້ອນຮັບກອງປະຊຸມໃຫຍ່ 3 ຂັ້ນ

ກະຊວງພາຍໃນ ເປີດຂະບວນການຕ້ອນຮັບກອງປະຊຸມໃຫຍ່ 3 ຂັ້ນ

ສູນພັດທະນາແມ່ຍິງລາວ ວາງສະແດງຜະລິດຕະພັນທີ່ເປັນມິດກັບສິ່ງແວດລ້ອມ ຈາກສີມືແມ່ຍິງພິການ

ສູນພັດທະນາແມ່ຍິງລາວ ວາງສະແດງຜະລິດຕະພັນທີ່ເປັນມິດກັບສິ່ງແວດລ້ອມ ຈາກສີມືແມ່ຍິງພິການ

ປກສ ແຂວງຫົວພັນ ຈັບ 3 ໜຸ່ມ ພ້ອມຂອງກາງ ເຮໂຣອິນ 47 ແທ່ງ

ປກສ ແຂວງຫົວພັນ ຈັບ 3 ໜຸ່ມ ພ້ອມຂອງກາງ ເຮໂຣອິນ 47 ແທ່ງ

ທູດລາວຄົນໃໝ່ ຍື່ນສານຕາຕັ້ງຕໍ່ປະທານປະເທດ ຫວຽດນາມ

ທູດລາວຄົນໃໝ່ ຍື່ນສານຕາຕັ້ງຕໍ່ປະທານປະເທດ ຫວຽດນາມ

ເຜີຍໂສມ “Universal ປັກກິ່ງ” ກັບ 7 ອານາຈັກ ຈາກຮູບເງົາດັງ ກຽມເປີດໃຫ້ບໍລິການປີ 2021

ເຜີຍໂສມ “Universal ປັກກິ່ງ” ກັບ 7 ອານາຈັກ ຈາກຮູບເງົາດັງ ກຽມເປີດໃຫ້ບໍລິການປີ 2021

ເກົາຫຼີໃຕ້ ກຽມຫາລືຮ່າງ “ກົດໝາຍຊອລລີ” ຕໍ່ຕ້ານການສະແດງຄວາມຄິດເຫັນບໍ່ສຸພາບ ເທິງໂລກອອນລາຍ

ເກົາຫຼີໃຕ້ ກຽມຫາລືຮ່າງ “ກົດໝາຍຊອລລີ” ຕໍ່ຕ້ານການສະແດງຄວາມຄິດເຫັນບໍ່ສຸພາບ ເທິງໂລກອອນລາຍ

ອະດີດນາງແບບເຊັກຊີ ປະກາດລົງຊີງໄຊ “ປະທານາທິບໍດີໂຄຣເອເຊຍ” ກັບນະໂຍບາຍປົດລັອກກັນຊາ

ອະດີດນາງແບບເຊັກຊີ ປະກາດລົງຊີງໄຊ “ປະທານາທິບໍດີໂຄຣເອເຊຍ” ກັບນະໂຍບາຍປົດລັອກກັນຊາ

ລາວ-ຈີນ ລົງນາມການຮ່ວມມືແກ້ໄຂບັນຫາການປູກຝິ່ນ

ລາວ-ຈີນ ລົງນາມການຮ່ວມມືແກ້ໄຂບັນຫາການປູກຝິ່ນ

ລັດຖະບານໄທ ສືບຕໍ່ໃຫ້ທຶນແກ່ນັກສຶກສາລາວ ລະດັບປະລິນຍາໂທ-ເອກ 30 ທຶນຕໍ່ປີ

ລັດຖະບານໄທ ສືບຕໍ່ໃຫ້ທຶນແກ່ນັກສຶກສາລາວ ລະດັບປະລິນຍາໂທ-ເອກ 30 ທຶນຕໍ່ປີ

ປະທານປະເທດຫວຽດນາມໝັ້ນໃຈ ເສດຖະກິດປີ 2019 ຂະຫຍາຍໂຕ 6.8 ເປີເຊັນ

ປະທານປະເທດຫວຽດນາມໝັ້ນໃຈ ເສດຖະກິດປີ 2019 ຂະຫຍາຍໂຕ 6.8 ເປີເຊັນ

ລາວ-ຍີ່ປຸ່ນ ສືບຕໍ່ປັບປຸງ ວິທະຍາໄລຄູ 8 ແຫ່ງ ແລະ ສະພາບແວດລ້ອມໂຮງຮຽນມັດທະຍົມ 4 ແຂວງ

ລາວ-ຍີ່ປຸ່ນ ສືບຕໍ່ປັບປຸງ ວິທະຍາໄລຄູ 8 ແຫ່ງ ແລະ ສະພາບແວດລ້ອມໂຮງຮຽນມັດທະຍົມ 4 ແຂວງ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ