"ແອັບເປິ້ນ ສີຫາລາດ" ກັບຊຸດຖືພາຫຼາກຫຼາຍແບບ ເຖິງຈະເປັນແມ່ປຸ້ງແຕ່ກໍແຟຊັນຈັດເຕັມໄດ້

ຫາກເວົ້າເຖິງຊຸດແມ່ຍິງຖືພາຂອງຄົນທຳມະດາທົ່ວໄປ ຫຼາຍຄົນມັກຄິດເຖິງແບບລຽບໆ ທຳມະດາໜ້າຮັກ, ສີສັນ ແລະ ດີຊາຍບໍ່ເວີ້ ບໍ່ໂດດເດັ່ນຫຍັງແມ່ນບໍ່? ແຕ່ຖ້າເປັນຊຸດແມ່ມານຂອງວ່າທີ່ແມ່ທີ່ເປັນດາລາແລ້ວ ແນ່ນອນວ່າບໍ່ທຳມະດາຢ່າງແນ່ນອນ ແຖມຍັງມີຫຼາຍແບບທີ່ເຮົາບໍ່ເຄີຍເຫັນ.

ມື້ນີ້ທີມຂ່າວບັນເທີງ muan.la ຈະພາສ່ອງແຟຊັນຂອງແມ່ປຸ້ງຄົນດັງຢ່າງ "ແອັບເປິ້ນ - ສີສະຫງຽນ ສີຫາລາດ" ເຊິ່ງຕອນນີ້ກໍຖືພາທ້ອງແກ່ໃກ້ຈະເກີດລູກໃນໄວໆນີ້ແລ້ວ ໂດຍສາວຄົນນີ້ເປັນພັນລະຍາຂອງໜຸ່ມດາລາດັງຂອງໄທຢ່າງ ຟຸກ - ຈິຣະ ດ່ານບະວອນກຽດ ດັ່ງທີ່ຫຼາຍຄົນຕ່າງກໍຄຸ້ນເຄີຍກັນດີ.

ດ້ວຍລຸກທີ່ໃສໆ ໜ້າຮັກ ແລະ ໜ້າເດັກຫຼາຍ ຊຸດຕ່າງໆທີ່ແມ່ແອັບເປິ້ນໃສ່ຈຶ່ງເບິ່ງຄືວ່າມີຄວາມສົດໃສ ແລະ ໜ້າຮັກ ແຖມເມື່ອເປັນຊຸດທີ່ອອກງານກໍຍັງແຝງຄວາມເຊັກຊີບໍ່ໜ້ອຍກວ່າຕອນທີ່ບໍ່ໄດ້ຖືພາເລີຍ.

ເວົ້າມາແລ້ວກໍໄປເບິ່ງກັນດີກວ່າວ່າມີຊຸດແປບບໃດກັນແດ່.