ວັນສຸກ ທີ 13 ທັນວາ 2019

ລວມ 5 ວິທີເຮັດວຽກໃຫ້ເກີດປະສິດທິພາບສູງສຸດຈາກ 5 ບຸກຄົນລະດັບໂລກ

ລວມ 5 ວິທີເຮັດວຽກໃຫ້ເກີດປະສິດທິພາບສູງສຸດຈາກ 5 ບຸກຄົນລະດັບໂລກ
S! Muan

ສະໜັບສະໜູນເນື້ອຫາ

ເຄີຍ​ບໍ່ ເວລາ​ເຮັດວຽກ​ໃນ​ແຕ່​ລະ​ມື້​ມັກ​ຈະ​ເຕັມ​ໄປ​ດ້ວຍ​ຄວາມ​ຫຍຸ້ງ​ຍາກ ແຖມ​ຕາຕະລາງ​ວຽກ​ແໜ້ນ​ຕະຫຼອດ​ເວລາ ແຕ່​ໃນ​ຄວາມ​ເປັນ​ຈິງ​ແລ້ວ​ຄົົນທີ່​ປະ​ສົບ​ຄວາມ​ສຳ​ເລັດ​ໃນ​ຊີວິດ ພວກເຂົາ​ມີ​ການຈັດລະບຽບ​ຊີວິດ​ເພື່ອ​ໃຫ້​ການ​ເຮັດ​ວຽກເປັນ​ໄປ​ຕາມ​ເປົ້າ​ທີ່​ກຳນົດ​ໄວ້.

ເຮົາ​ໄປ​ເບິ່ງ​ກັນ​ວ່າ 5 ວິທີ​ການ​ເຮັດ​ວຽກທີ່​ຊ່ວຍ​ໃຫ້​ເກີດ​ປະ​ສິດ​ທິ​ພາບ​ສູງ​ສຸດ ແລະ ​ຜ່ານ​ການ​ຮັບຮອງ​ຈາກ 5 ບຸກ​ຄົນ​ໃນ​ລະ​ດັບ​ໂລກ​ມີ​ຫຍັງ​ກັນ​ແດ່?

1. ແກ້​ບັນຫາ​ດ້ວຍ​ຫຼັກ first principles thinking

first principles ຄື​ການ​ຫາ​ຄວາມ​ຈິງ​ຢ່າງ​ເປັນ​ລະບົບ ຜ່ານ​ການ​ຄິດ​ເພື່ອ​ຍ້ອນກັບ​ໄປ​ຫາ​ຮາກ​ຖານ​ທີ່​ເປັນ​ແກ່ນ​ຂອງ​ບັນຫາ​ທີ່​ເຮົາ​ກຳ​ລັງ​ປະເຊີນ​ຢູ່ ເຊິ່ງ​ເປັນ​ວິທີ​ທີ່​ຜູ້​ສ້າງ​ນ​ະວັດຕະ​ກຳ​ຈາກ​ອ​ະດີດ​ຈົນ​ເຖິງ​ປັດຈຸບັນ ຕັ້ງ​ແຕ່ Aristotle, Thomas Edison ຫຼື Nikola Tesla ໃຊ້​ກັນ​ມາ​ໂດຍ​ຕະຫຼອດ. ແນ່ນອນ​ວ່າ ຮວມທັງອັດສະລິຍະ​ແຫ່ງ​ຍຸກ​ຢ່າງ Elon Musk ນຳ. ໃນ​ບົດ​ສຳພາດ ກັບ Kevin Rose foundatiion.kr ນັ້ນ, Musk ອະທິບາຍ​ຫຼັກ​ການ​ນີ້​ໃນ​ແບບ​ຂອງ​ໂຕ​ເອງ​ວ່າ.

ຂ້າພະເຈົ້າວ່າ​ການ​ຫາ​ເຫດ​ ແລະ ​ຜົນ​ຈາກ​ຫຼັກ​ການ first principles ຈຳ​ເປັນ​ກວ່າ​ການ​ຫາ​ເຫດ ​ແລະ ​ຜົນ​ຈາກ​ການ​ປຽບທຽບ (analogy)”.

ເພາະ​ປົກກະຕິ ເຮົາ​ມັກ​ໃຊ້​ຫຼັກ​ເຫດຜົນ​ຜ່ານ​ການ​ປຽບທຽບ​ຈາກ​ສິ່ງ​ທີ່ເກີດຂື້ນ​ແລ້ວ ຫຼື​ ສິ່ງ​ທີ່​ຄົນ​ອື່ນ​ກຳ​ລັງ​ເຮັດ ແຕ່ first principles ທຸກ​ຢ່າງ​ຈະ​ຖືກ​ສະ​ກັດ​ຖິ້ມ​ຈົນ​ເຫຼືອ​ພຽງແຕ່ຮາກ​ຖານ​ຂອງ​ຄວາມ​ຈິງ ຈາກ​ນັ້ນ ຈຶ່ງ​ຄ່ອຍ​ໆ​ສ້າງ​ເຫດຜົນ​ຂຶ້ນ​ຈາກ​ຮາກ​ຖານ​ນັ້ນ

Musk ອະທິບາຍ​ຕໍ່ວ່າ​ ການ​ຄິດ​ແບບ​ນີ້​ເປັນ​ເລື່ອງ​ຍາກ ​ແລະ ​ຕ້ອງ​ໃຊ້​ພະລັງ​ຢ່າງ​ຫຼາຍ ແຕ່​ຫາກ​ເຮັດ​ໄດ້ ມັນ​ກໍ​ຈະ​ນຳ​ໄປ​ສູ່​ສິ່ງ​ໃໝ່​ໆ ຄື​ທີ່​ທ່ານ​ຄິດ​ສ້າງ​ຈະຫຼວດ​ໃຫ້​ກັບ SpaceX ຂຶ້ນ​ມາ​ເອງ ຫຼັງ​ຖືກ​ໜ່ວຍ​ງານ​ໃນ​ຣັດ​ເຊຍ​ປະຕິເສດ​ຈະ​ຂາຍ​ຈະຫຼວດ​ໃຫ້.

Musk ຍ້ອນກັບ​ໄປຍັງ​ຈຸດ​ຕັ້ງ​ຕົ້ນວ່າ​ ການ​ຈະ​ສ້າງ​ຈ​ະຫຼວດ​ຂຶ້ນ​ມາ ມີ​ອົງ​ປະ​ກອບ​ຫຍັງ​ດ້ວຍ ແລະ ​ຄ່ອຍ​ໆ​ຕໍ່ຍ​ອດ​ໄປ ໂດຍ​ບໍ່​ຄິດ​ເຖິງ​ຈະຫຼວດ​ຮຸ່​ນກ່ອນ​ໆ​ທີ່​ມີ​ການ​ໃຊ້​ງານ​ກັນ.

ຜົນ​ລັບ​​ຄື SpaceX ໃຊ້​ຕົ້ນ​ທຶນ​ໃນ​ການສ້າງ​ຈ​ະຫຼວດ​ພຽງ​ 2% ຂອງ​ຈ​ະຫຼວດ​ທີ່​ມີ​ການສ້າງ​ກັນ​ກ່ອນ​ໜ້າ​ເທົ່າ​ນັ້ນ.

ໃນ​ການ​ເວົ້າ​ລົມກັບ Chris Anderson ຈາກ TED ນັ້ນ Musk ຍັງ​ແບ່ງ​ຂະ​ບວນ​ການ​ຄິດ​ແບບ​ນີ້​ອອກ​ເປັນ 3 ຂັ້ນ​ຕອນ​ງ່າຍໆ​ຄື:

  • ຂັ້ນ​ທຳອິດ ລະ​ບຸ ​ແລະ ​ກຳນົດ​ສ​ົມມຸດຖານ​ປັດຈຸບັນ.
  • ຂັ້ນ​ສອງ ຄ່ອຍ​ໆ​ສະ​ກັດ​ມັນ​ອອກ​ຈົນກະທັ້ງ​ເຫຼືອ​ແຕ່​ຮາກ​ຖານ.
  • ຂັ້ນ​ສາມ ຫາ​ຄຳ​ຕອບ​ໃໝ່​ຈາກ​ຮາກ​ຖານ​ນັ້ນ.

2. ລົງ​ມື​ປະຕິບັດ​ດ້ວຍ Ivy Lee Method

Ivy Lee ພໍ່​ແຫ່ງ​ການ​ປະ​ຊາ​ສຳພັນ​ສະໄໝ​ໃໝ່ ທີ່​ນິຍົມ​ການ​ປະ​ຊາ​ສຳພັນ ວ່າ​ບໍ່​ແມ່ນ​ພຽງແຕ່ “ຂຽນ” ແຕ່​ຕ້ອງ​ເພີ່ມ​ການ​ວິ​ເຄາະ-ວິໄຈ ໃນ​ສະພາບການ​ຕ່າງ​ໆ​ປະກອບ​ນຳ ເພື່ອ​ໃຫ້ “ສານ” ເກີດ​ຜົນ​ຕາມ​ແຜນ ​ຫຼື ກົນລະຍຸດທີ່​ວາງ​ໄວ້.

ຂະນະ​ທີ່ Ivy Lee Method ກໍ​ເປັນກົນລະຍຸດເພື່ອ​ໃຫ້​ສາມາດ​ເຮັດວຽກ​ໄດ້​ຢ່າງ​ມີ​ປະ​ສິດ​ທິ​ພາບ ເຊິ່ງ​ເປັນ​ທີ່ຍ​ອມ​ຮັບ​ມາ​ດົນ​ກວ່າ​ໜຶ່ງ​ສະຕະວັດ ດ້ວຍ​ການ​ໃສ່​ໃຈ​ໃນ​ສິ່ງ​ສຳຄັນ​ທີ່ສຸດ​ເປັນ​ອັນ​ດັບ​ທຳອິດ​ໃນ​ແຕ່​ລະ​ມື້.

“ຂ້າພະເຈົ້າ​ຂໍ​ໃຫ້​ທຸກ​ທ່ານ​ເລີ່ມ​ຕົ້ນ​ທີ່​ໝາຍ​ເລກ​ໜຶ່ງ ແລະ ​ຢ່າ​​​ຄິດ​ເຖິງ​ໝາຍ​ເລກ​ສອງ ຈົນ​ກວ່າ​ຈະ​ບັນ​ລຸ​ເປົ້າ​ໝາຍ​ໝາຍ​ເລກ​ໜຶ່ງ​ແລ້ວ”.

Lee ໃຊ້​ວິທີ​ນີ້​ພິກ​ຟື້ນ​ກິດຈະການ​ຂອງ Bethlehem Steel Corporation ກະ​ທັ້ງ​ເຕີບໂຕ​ມາ​ເປັນ​ຜູ້​ຜະລິດ​ເຫຼັກ​ກ້າ​ອັນ​ດັບ​ສອງ​ຂອງ​ສະ​ຫະລັດ​ໃນ​ເວລາ​ຕໍ່​ມາ.

ແລະ ​ນີ້​ຄື​ຫົກ​ຂັ້ນ​ຕອນ​ພື້ນ​ຖານ ໃນ​ການ​ປະຕິບັດ​ຕາມ Ivy Lee Method.

  • ຂັ້ນທີ 1 ກຳນົດ​ວິ​ໄສ​ທັດ​, ເປົ້າ​ໝາຍ ແລະ ​ວັດ​ຖຸ​ປະສົງ​ຂອງ​ທ່ານ ຈະ​ເປັນ​ເລື່ອງ​ຊີວິດ ການເຮັດ​ທຸລະກິດ, ສຸຂະພາບ ແລະ ອື່ນໆ ໃຫ້​ຊັດເຈນ.
  • ຂັ້ນທີ 2 ທຸກ​ແລງ (ຫຼື​ ຫຼັງ​ສຳເລັດ​ພາລະ​ກິດ​ໃນ​ແຕ່​ລະ​ມື້) ໃຫ້​ຈົດລາຍການ​ສິ່ງ​ສຳຄັນ​ທີ່​ຕ້ອງ​ເຮັດ​ໃນ​ມື້ຕໍ່ໄປ ເພື່ອ​ການ​ບັນ​ລຸ​ວິ​ໄສທັດ, ເປົ້າ​ໝາຍ ແລະ ​ວັດ​ຖຸ​ປະສົງ ຈຳນວນ​ຫົກ​ຂໍ້.
  • ຂັ້ນທີ 3 ຈັດ​ອັນ​ດັບ ແລະ ຮຽງ​ລຳ​ດັບ​ຄວາມ​ສຳຄັນ​ຂອງລາຍການ​ສິ່ງ​ທີ່​ຕ້ອງ​ເຮັດ​ທັງ​ຫົກ​ຂໍ້​ນັ້ນ.
  • ຂັ້ນທີ 4 ທຸກ​ເຊົ້າ ໃຫ້​ເລີ່ມ​ຕົ້ນ​ມື້ນັ້ນ​ດ້ວຍ​ການເຮັດ​ສິ່ງ​ສຳຄັນ​ທີ່ສຸດ​ໃນ​ລາຍການນັ້ນ “ຈົນ​ສຳເລັດ”.
  • ຂັ້ນທີ 5 ຈາກ​ນັ້ນ ຄ່ອຍໆ​ເຮັດ​ສິ່ງ​ທີ່​ສຳຄັນ​ຮອງ​ລົງ​ມາ ຕາມ​ລຳ​ດັບ “ໂດຍ​ບໍ່​ມີ​ການ​ຂ້າມ​ຂັ້ນ” ຫາກ​ຈົບ​ມື້​ຍັງ​ບໍ່​ຄົບ​ທັງ​ຫົກ​ຂໍ້ ໃຫ້​ໂຍກ​ຂໍ້​ທີ່​ເຫຼືອ​ໄປ​ໃສ່​ໄວ້​ໃນ​ລາຍການຂອງ​ມື້ຕໍ່ໄປ.
  • ຂັ້ນທີ 6 ປະຕິບັດ​ຕາມ​ຫຼັກ​ການ​ນີ້​ທຸກ​ມື້.

3. ປັບ​ຕາຕະລາງວຽກ​ຕາມ “ພະລັງ​ຂອງ​ທ່ານ”

Dr. Loehr ຄື​ນັກ​ຈິດຕະ​ວິທະຍາ​ລະ​ດັບ​ໂລກ ຜູ້​ມາ​ພ້ອມ​ກັບ​ແນວ​ຄິດ​ລະບົບ​ຝຶກ​ຝົນ​ໃຫ້​ທ່ານ​ຮູ້​ຈັກ​ບໍລິຫານ​ຈັດການ “ພະລັງ​ງານ” ໃນ​ຕົວ​ເຈົ້າ. ນອກ​ຈາກ​ປຶ້ມ​ລະ​ດັບຂາຍດີ ຢ່າງ The Power of Full Engagement ແລະ​ ເຫຼັ້ມອື່ນ​ໆ​ແລ້ວ

Dr. Loehr ຍັງ​ເປັນ​ນັກ​ຂຽນ ​ແລະ​ ນັກ​ເວົ້າ​ຮັບ​ເຊີນ​ໃຫ້​ກັບ​ສື່​ຊັ້ນ​ນຳ​ຫຼວງ​ຫຼາຍ ຮວມທັງບົດ​ບາດ​ຜູ້​ກໍ່​ຕັ້ງ​ສ​ະຖາ​ບັນ​ຝຶກ​ສອນ Johnson & Johnson Human Performance Institute ອີກດ້ວຍ.

“ພະລັງ​ງານ​ຕ່າງ​ຫາກ​ທີ່​ເປັນ​ຂຸມ​ຊັບ​ພື້ນ​ຖານ​ຂອງ​ການ​ເຮັດ​ວຽກງານ​ຢ່າງ​ມີ​ປະ​ສິດ​ທິ​ພາບ – ບໍ່​ແມ່ນ​ເວລາ”, ຄື​ສິ່ງ​ທີ່ Dr. Loehr ກ່າວ​ໄວ້ ເຊິ່ງ​ຂັດ​ຕໍ່​ແນວ​ຄິດ​ເດີມ​ໆ​ຂອງ​ຜູ້​ຄົນ​ຈຳນວນ​ຫຼາຍ​ທີ່​ເຊື່ອ​ວ່າ ເວລາ​ຄື​ເລື່ອງ​ສຳຄັນ​ທີ່ສຸດ.

Dr. Loehr ເຊື່ອ​ວ່າ​ໃນ​ແຕ່​ລະ​ມື້​ຈະ​ມີໄລຍະ​ເວລາ​ທີ່​ເຮົາ​ມີ​ພະລັງ​ງານ​ຫຼາຍ​ພໍ​ຈະ​ເຮັດວຽກ​ໄດ້​ຢ່າງ​ມີ​ປະ​ສິດ​ທິ​ພາບ​ກວ່າ​ຄົນ​ອື່ນ​ໆ ແລະ ​ຫຼັກ​ການ​ເພື່ອ​ເຮັດວຽກ​ໃຫ້​ນ້ອຍ​ແຕ່​ມີ​ປະ​ສິດ​ທິ​ພາບ ຄື​ການ​ກຳນົດ​ຕາ​ລາງ​ເວລາ​ຕ່າງ​ໆ ຕາມ​ລະ​ດັບ​ພະລັງ​ງານ​ຂອງ​ເຈົ້າ ບໍ່​ແມ່ນ​ເວລາ​ຕາມ​ເຂັມ​ໂມງ. ຄຳ​ແນະ​ນຳ​ຈາກ Dr. Loehr ຄື​ໃນ 3 ມື້​ຈາກ​ນີ້ ໃຫ້​ລອງ​ບັນ​ທຶກ​ສັ້ນ​ໆ​ວ່າ​ໄລຍະ​ເວລາ​ໃດ​ຂອງ​ມື້ ຄື​ໄລຍະ​ທີ່​ທ່ານ​ມີ​ພະລັງ​ງານ​ເຕັມ​ປ່ຽມ ແລະ ​ຊ່ວງ​ໃດ​ທີ່ທ່ານ​ອ່ອນ​ລ້າ​ທີ່ສຸດ.

ຈາກ​ນັ້ນ​ໃຫ້​ເລີ່ມ​ກຳນົດ​ຕາ​ຕະລາງ​ເວລາ​ໃໝ່ ໂດຍ​ວາງ​ວຽກສຳຄັນ ​ຫຼື​ ວຽກ​ທີ່​ຕ້ອງ​ໃຊ້​ຄວາມ​ຄິດ​ສ້າງສັນ​ໄວ້​ໃນໄລຍະ​ທີ່​ທ່ານ​ມີ​ພະລັງ​ງານ​ເຕັມ​ປ່ຽມ. ສ່ວນ​ວຽກ​ທີ່​ມີ​ຄວາມ​ສຳຄັນ​ນ້ອຍ ຫຼື​ ບໍ່​ຕ້ອງ​ໃຊ້​ຄວາມ​ຄິດ​ຫຼາຍ ໃຫ້​ໃສ່​ໄວ້​ໄລຍະ​ທີ່​ທ່ານ​ເລີ່ມ​ອ່ອນ​ແຮງ​ແທນ.

4. ຈັດການ​ເວລາ​ແບບ Time Blocking

Time Blocking Method ຄື​ວິທີ​ການ​ກຳນົດ​ສິ່ງ​ທີ່​ຈະ​ເຮັດວຽກ​ໃນ​ແຕ່​ລະ​ມື້​ລ່ວງ​ໜ້າ​ແບບ​ລັອກ​ໄວ້​ເລີຍ​ວ່າ​ຈະ​ເຮັດ​ຫຍັງ​ແນວໃດ ໃຊ້​ເວລາ​ດົນ​ສໍ່າໃດ ເປັນ​ວິທີ​ທີ່​ໃຊ້​ກັນ​ຢ່າງ​ແຜ່ຫຼາຍ​ໃນກຸ່ມ​ນັກ​ທຸລະກິດ​ ແລະ ​ຜູ້​ປະກອບ​ການ​ຊັ້ນ​ນຳ ຕັ້ງ​ແຕ່ Elon Musk, Bill Gates ຮວມທັງ Cal Newport ຜູ້​ຂຽນ​ປຶ້ມ Deep Work : Rules for focussed success in a distracted world. ຫາກຈື່​ກັນ​ໄດ້​ວ່າ​ຕາຕະ​ລາງ​ເວລາ​ໃນ​ໜຶ່ງ​ມື້​ຂອງ Elon Musk ຈະ​ເຫັນ​ວ່າ Musk ໃຊ້​ເວລາ​ກັບ​ການ​ກິນ​ອາຫານ​ຄາບ​ທ່ຽງພຽງແຕ່ 5 ນາ​ທີ ນັ້ນ​ເພາະລາວ​ເປັນ​ຄົນ​ກຳນົດ​ເອງ ບໍ່​ແມ່ນ​ຖືກ​ເລັ່ງ​ຈົນ​ຕ້ອງ​ຟ້າວກິນ​ໃຫ້​ໝົດ. ລາວຍັງ​ໃຊ້​ວິທີ​ນີ້​ກຳນົດ​ໄລຍະ​ເວລາ​ໃນ​ການເຮັດ​ຢ່າງ​ອື່ນອີກ​ດ້ວຍ ເຊັ່ນ: ​ອ່ານ​ອີ​ເມວ ຫຼື​ ປະ​ຊຸມ ນັ້ນ​ເຮັດໃຫ້ ທັງ 24 ຊົ່ວ​ໂມງ​ຂອງ​ລາວ ບໍ່​ມີໄລຍະ​ໃດ​ທີ່ “ສູນ​ເປົ່າ”.

Newport ເປັນ​ອີກ​ຄົົນທີ່ສະໜັບສະ​ໜຸນ​ເລື່ອງ​ການ​ໃຊ້​ວິທີ​ນີ້​ແບ່ງ​ສັນ​ເວລາ ເພາະ​ເຊື່ອ​ວ່າ​ປະ​ສິດ​ທິ​ພາບ​ຂອງ​ງານ​ເກີດ​ຈາກ​ປະ​ສິດ​ທິ​ພາບ​ຂອງ​ການ​ຈັດ​ຕາ​ລາງ​ເວລາ ຄົົນທີ່​ເບິ່ງຄື​ຊີວິດ​ຫຍຸ້ງ ເພາະ​ຈັດການ​ເວລາ​ບໍ່​ເປັນ ແລະ ​ມັກ​ໄປ​ໃຫ້​ຄວາມ​ສຳຄັນ​ກັບວຽກຍ່ອຍ​ຈົນ​ເກີນ​ໄປ.

ສຳລັບ 3 ຂັ້ນ​ຕອນ​ພື້ນ​ຖານ​ໃນ​ການ​ຈັດ​ຕາຕະລາງ​ແບບ Time Blocking ຄື:

  • ຕີ​ເສັ້ນ​ແບ່ງ​ເຈ້ຍ​ທີ່​ຈະ​ໃຊ້​ກຳນົດ​ຕາຕະລາ​ເວລາ​ອອກ​ເປັນ​ສອງ​ສ່ວນ ຝັ່ງ​ຊ້າຍ​ໃຫ້​ຕີ​ເສັ້ນ​ເປັນ​ບ​ລັອກ​ວ່າ​ຈະ​ແບ່ງ​ອອກ​ເປັນ​ທຸກ​ໜຶ່ງ​ຊົ່ວ​ໂມງ ຫຼື ​ທຸກ 5 ນາ​ທີ​ຕາມ​ຕ້ອງ​ການ ປະ​ມາ​ນວ່າ​ທ່ານຕ້ອງ​ໃຊ້​ເວລາ​ເທົ່າໃດໃນ​ການ​ເຮັດ​ວຽກນັ້ນ​ໃຫ້​ສຳເລັດ.
  • ຈາກ​ນັ້ນ​ຂຽນ​ວຽກ​ທີ່​ຕ້ອງ​ເຮັດ​ລົງ​ໃນ​ຝັ່ງ​ຊ້າຍ​ຂອງ​ຕາຕະລາງຕາມ​ລຳ​ດັບ.
  • ສ່ວນ​ຝັ່ງ​ຂວາ​ນັ້ນ​ເປັນ​ຊ່ອງ​ສຳລັບ​ຈົດບັນທຶກ ຫຼື​ ຂຽນ​ຂໍ້ຄວາມ​ກຳນົດ​ໃດ​ໆ​ທີ່​ກ່ຽວ​ຂ້ອງ​ກັບວຽກ ເພີ່ມໄລຍະ​ເວລາ​ພິເສດ ທີ່​ເອີ້ນວ່າ buffer time ລົງ​ໄປ​ຂັ້ນ​ໃນ​ຕາຕະລາງ​ເຫຼົ່າ​ນັ້ນ ເພື່ອ​ໃຫ້​ທ່ານສາມາດ​ປັບ​ປ່ຽນ ຫຼື​ ກຽມ​ພ້ອມ​ສຳລັບ​ກິດຈະກຳ​ອື່ນ​ໆ​ທີ່​ແຊກ​ເຂົ້າ​ມາ.

ປັດຈຸບັນ ໃນ​ສະ​ມາດ​ໂຟນ ​ແລະ ​ແລັບ​ທັອບ ກໍ​ມີ​ແອັບ​ສຳລັບ​ຊ່ວຍ​ບໍລິຫານ​ເວລາ​ແບບ Time Blocking ໃຫ້​ເລືອກ​ໃຊ້​ຫຼວງ​ຫຼາຍ ເຊັ່ນ: Toggl, PomoDone, Week Plan ຫຼື Plan.

5. “ຢຸດ​ເມື່ອ​ຕ້ອງ​ຢຸດ”

ການ​ຢຸດ​ ຫຼື​ ລະ​ຈາກ​ເປົ້າ​ໝາຍ ເປັນ​ອີກ​ວິທີ​ໃນ​ການ​ເຮັດ​ວຽກງານ​ຢ່າງ​ມີ​ປະ​ສິດ​ທິ​ພາບ, ຜູ້ຊ່ຽວຊານ​ດ້ານ​ການຕະຫຼາດ Seth Godin ເຊື່ອ​ວ່າ ​ຜູ້​ຊະນະ​ຕົວ​ຈິງ​ໃນ​ສະໜາມ​ແຂ່ງ​ຂັນ​ນັ້ນ ຕ້ອງ​ຮູ້​ນຳວ່າ​ຈະ​ວາງ​ມື​ຈາກ​ເລື່ອງ​ໃດ ຢ່າງ​ຖືກ​ບ່ອນ ​ແລະ ​ຖືກ​ເວລາ ສະເພາະ​ຢ່າງຍິ່ງ​ເມື່ອ​ເຫັນ​ແລ້ວ​ວ່າ​ຝືນ​ເຮັດ​ຕໍ່ໄປ​ກໍ​ບໍ່​ເກີດ​ປະໂຫຍດ ຫຼື​ ບໍ່​ຄຸ້ມ​ຄ່າ ເພື່ອ​ນຳ​ເວລາ, ພະລັງ​ງານ ແລະ​ ຊັບພະ​ຍາກ​ອນ ທີ່​ມີ​ໄປ​ໃຊ້​ກັບ​ເປົ້າ​ໝາຍ​ທີ່​ໃຫ້​ຜົນ​ຕອບ​ແທນ​ຫຼາຍກວ່າ.

ຫຼັກ​ການ​ໃນ​ການ​ສັງເກດ​ວ່າ​ເມື່ອ​ໃດທີ່​ຄວນ​ຢຸດ ເມື່ອ​ໃດທີ່​ຄວນ​ເດີນໜ້າ​ຕໍ່ ກໍ​ຄື​ໃຫ້​ລໍ​ຖ້າ​ໝັ່ນ​ສັງເກດ​ເຖິງ​ສິ່ງ​ທີ່​ເຮັດ ​ແລະ ​ເປົ້າ​ໝາຍ​ຂອງທ່ານ ຫາກ​ຮູ້ສຶກ​ວ່າ​ເມື່ອ​ເວລາ​ຜ່ານ​ໄປ ຄວາມ​ຄຸ້ມ​ຄ່າ​ຈາກ​ການ​ບັນ​ລຸ​ວຽກ​ນັ້ນ​ເລີ່ມ​ຫຼຸດລົງ ຈົນ​ບໍ່​ເໝາະ​ທີ່​ຈະ​ຝືນ​ຕໍ່​ແລ້ວ ກໍ​ຄວນ​ທີ່​ຈະ​ພິຈາລະນາ cut loss.

Advertisement Replay Ad

ຂໍຂອບໃຈ

ຂໍ້ມູນ : Ahead Asia via sanook!

ເຕືອນສາຍແຂງ "ດື່ມເຫຼົ້າຫຼຸດຄວາມໜາວບໍ່ແມ່ນເລື່ອງຈິງ" ອາດເຮັດໃຫ້ເສຍຊີວິດໄດ້

ເຕືອນສາຍແຂງ "ດື່ມເຫຼົ້າຫຼຸດຄວາມໜາວບໍ່ແມ່ນເລື່ອງຈິງ" ອາດເຮັດໃຫ້ເສຍຊີວິດໄດ້

"ພະຍາດໃນຊ່ອງຄອດ" ອັນຕະລາຍທີ່ຜູ້ຍິງຄວນລະວັງ

"ພະຍາດໃນຊ່ອງຄອດ" ອັນຕະລາຍທີ່ຜູ້ຍິງຄວນລະວັງ

ລວມ 7 ວິທີແຕ່ງໜ້າແບບຜິດໆ ແຕ່ງແລ້ວບໍ່ລອດ ແຖມເຮັດໃຫ້ໜ້າແກ່ກ່ອນໄວ

ລວມ 7 ວິທີແຕ່ງໜ້າແບບຜິດໆ ແຕ່ງແລ້ວບໍ່ລອດ ແຖມເຮັດໃຫ້ໜ້າແກ່ກ່ອນໄວ

ຮູ້ຈັກ "ແມ່ທ້ອງ" ໃນອາຫານ 5 ຊະນິດ ທີ່ແຝງໂຕຢູ່ໃນອາຫານຈານແຊບຂອງທ່ານ

ຮູ້ຈັກ "ແມ່ທ້ອງ" ໃນອາຫານ 5 ຊະນິດ ທີ່ແຝງໂຕຢູ່ໃນອາຫານຈານແຊບຂອງທ່ານ

ແມ່ນແທ້ຫຼືບໍ່ ທີ່ຜູ້ຍິງເກັ່ງ “ຫາແຟນຍາກ”?

ແມ່ນແທ້ຫຼືບໍ່ ທີ່ຜູ້ຍິງເກັ່ງ “ຫາແຟນຍາກ”?

ເຫື່ອອອກຫຼາຍ ກິ່ນໂຕແຮງ ເຮັດແນວໃດດີ? 7 ວິທີນີ້ຊ່ວຍທ່ານໄດ້

ເຫື່ອອອກຫຼາຍ ກິ່ນໂຕແຮງ ເຮັດແນວໃດດີ? 7 ວິທີນີ້ຊ່ວຍທ່ານໄດ້

10 ຂອງຂວັນປີໃໝ່ທີ່ຜູ້ຍິງຢາກໄດ້ທີ່ສຸດ (ໜຸ່ມໆຮູ້ຄວນໄວ້ ແລ້ວຟ້າວໄປຈັດຫາມາໄວ້ດ່ວນ!)

10 ຂອງຂວັນປີໃໝ່ທີ່ຜູ້ຍິງຢາກໄດ້ທີ່ສຸດ (ໜຸ່ມໆຮູ້ຄວນໄວ້ ແລ້ວຟ້າວໄປຈັດຫາມາໄວ້ດ່ວນ!)

ລວມໄອເດຍເລັບສີ "Earth Tone" ທາງ່າຍ ລາຍໃດກໍງາມ

ລວມໄອເດຍເລັບສີ "Earth Tone" ທາງ່າຍ ລາຍໃດກໍງາມ

“ຫົວນົມບອດ” ບັນຫາກວນໃຈແມ່ລູກອ່ອນ ແກ້ໄດ້ບໍ່ແມ່ນເລື່ອງຍາກ

“ຫົວນົມບອດ” ບັນຫາກວນໃຈແມ່ລູກອ່ອນ ແກ້ໄດ້ບໍ່ແມ່ນເລື່ອງຍາກ

ຄົນບໍ່ຮູ້ໜັງສືມີໂອກາດເກີດ "ພາວະສະໝອງເສື່ອມ" ຫຼາຍກວ່າຄົນທົ່ວໄປ 2-3 ເທົ່າ

ຄົນບໍ່ຮູ້ໜັງສືມີໂອກາດເກີດ "ພາວະສະໝອງເສື່ອມ" ຫຼາຍກວ່າຄົນທົ່ວໄປ 2-3 ເທົ່າ

ຢ່າເບິ່ງຂ້າມ ອາການ “ແພ້ຕຸ້ມຫູ” ພ້ອມວິທີປົວໃຫ້ເຊົາໄວ

ຢ່າເບິ່ງຂ້າມ ອາການ “ແພ້ຕຸ້ມຫູ” ພ້ອມວິທີປົວໃຫ້ເຊົາໄວ

ຊວນມາເຮັດ “ນໍ້າໝາກນາວກ້ອນແຊ່ແຂງ” ເກັບໄວ້ໄດ້ດົນ ປຸງໄດ້ທຸກເມນູຄາວ ຫວານ ເຄື່ອງດື່ມ

ຊວນມາເຮັດ “ນໍ້າໝາກນາວກ້ອນແຊ່ແຂງ” ເກັບໄວ້ໄດ້ດົນ ປຸງໄດ້ທຸກເມນູຄາວ ຫວານ ເຄື່ອງດື່ມ

ເລື່ອງເລັກນ້ອຍ ທີ່ຜູ້ຍິງບໍ່ເຄີຍບອກໃຫ້ພວກເຈົ້າຮູ້

ເລື່ອງເລັກນ້ອຍ ທີ່ຜູ້ຍິງບໍ່ເຄີຍບອກໃຫ້ພວກເຈົ້າຮູ້

10 ເຕັກນິກຈັດເຮືອນແບບ "ມາຣິເອະ ຄົນໂດະ" ທີ່ຈະປ່ຽນຊີວິດຂອງເຈົ້າໃນ 1 ນາທີ

10 ເຕັກນິກຈັດເຮືອນແບບ "ມາຣິເອະ ຄົນໂດະ" ທີ່ຈະປ່ຽນຊີວິດຂອງເຈົ້າໃນ 1 ນາທີ

“ຈ່ອຍແຕ່ມີໜ້າທອງ” ອອກກຳລັງກາຍແນວໃດດີ?

“ຈ່ອຍແຕ່ມີໜ້າທອງ” ອອກກຳລັງກາຍແນວໃດດີ?

ທັດສະນະຄະຕິທີ່ບໍ່ດີຕໍ່ຕົວເອງ ເຮັດໃຫ້ເກີດຜົນເສຍຫຍັງແດ່ຕໍ່ຊີວິດ?

ທັດສະນະຄະຕິທີ່ບໍ່ດີຕໍ່ຕົວເອງ ເຮັດໃຫ້ເກີດຜົນເສຍຫຍັງແດ່ຕໍ່ຊີວິດ?

ນັກທ່ອງທ່ຽວທີ່ມາທ່ຽວລາວ ມີສິດ ແລະ ພັນທະແນວໃດຕາມກົດໝາຍ?

ນັກທ່ອງທ່ຽວທີ່ມາທ່ຽວລາວ ມີສິດ ແລະ ພັນທະແນວໃດຕາມກົດໝາຍ?

ລະວັງ ເຜົາຂີ້ເຫຍື້ອປະເພດ "ໂຟມ-ປຼາສະຕິກ" ອັນຕະລາຍຕໍ່ສຸຂະພາບ ສ່ຽງພະຍາດຫົວໃຈ-ລະບົບຫາຍໃຈ

ລະວັງ ເຜົາຂີ້ເຫຍື້ອປະເພດ "ໂຟມ-ປຼາສະຕິກ" ອັນຕະລາຍຕໍ່ສຸຂະພາບ ສ່ຽງພະຍາດຫົວໃຈ-ລະບົບຫາຍໃຈ

ລວມ 25 ໄອເດຍ “ເລັບໂທນສີເທົາ” ເບິ່ງແນວໃດກໍແພງ

ລວມ 25 ໄອເດຍ “ເລັບໂທນສີເທົາ” ເບິ່ງແນວໃດກໍແພງ

10 ທັກສະຊີວິດທີ່ຄວນສອນລູກຂອງເຈົ້າ ກ່ອນອາຍຸຮອດ 10 ປີ

10 ທັກສະຊີວິດທີ່ຄວນສອນລູກຂອງເຈົ້າ ກ່ອນອາຍຸຮອດ 10 ປີ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ