ວັນສຸກ ທີ 29 ພຶດສະພາ 2020

ປະຫວັດ “ບຸນກອງປື່ງ” ເອກະລັກສະເພາະຊາວເມືອງທົ່ງມີໄຊ ໄຊຍະບູລີ ທີ່ສືບຕໍ່ກັນມາຫຼາຍເຊັ່ນຄົນ

ປະຫວັດ “ບຸນກອງປື່ງ” ເອກະລັກສະເພາະຊາວເມືອງທົ່ງມີໄຊ ໄຊຍະບູລີ ທີ່ສືບຕໍ່ກັນມາຫຼາຍເຊັ່ນຄົນ

ບຸນກອງປື່ງ ຢູ່ເມືອງທົ່ງມີໄຊ ແຂວງໄຊຍະບູລີ ເຊິ່ງເປັນເອກະລັກສະເພາະຂອງຊາວເມືອງທົ່ງມີໄຊ ທີ່ໄດ້ສືບຕໍ່ປະຕິບັດກັນມາຫຼາຍເຊັ່ນຄົນ, ໃນປີນີ້ ຈະຈັດຂຶ້ນໃນວັນທີ 6 ຕຸລາ 2019 ໂດຍຈະມີກິດຈະກຳຕ່າງໆຫຼາກຫຼາຍ ແລະ ຈະໄດ້ມີການປະກວດເອ້ກອງງາມ, ແຂ່ງຂັນກອງດັງ. ນອກຈາກນີ້ຍັງຈະໄດ້ມີການຄົບງັນມ່ວນຊື່ນ ແລະ ທຳບຸນຕັກບາດຕາມຮີດຄອງປະເພນີອັນດີງາມຂອງລາວເຮົາ, ສໍາລັບປີນີ້ແມ່ນບ້ານແດດຈະໄດ້ຮັບກຽດເປັນເຈົ້າພາບໃນການຈັດການແຂ່ງຂັນ.

ຕາມຕຳນານກ່າວຂານກັນມາວ່າ: ນັບຕັ້ງແຕ່ສະໄໝບູຮານເຊິ່ງຫ່າງຈາກປັດຈຸບັນປະມານພັນກວ່າປີ ເວລານັ້ນເມືອງທົ່ງມີໄຊເປັນໝູ່ບ້ານນ້ອຍໆ ຕັ້ງຢູ່ກະແຈກກະຈາຍຕາມດອນໄຮ່ ດອນນາ; ໄລຍະບ້ານຕໍ່ບ້ານຂັ້ນກັນດ້ວຍປ່າໄມ່ອັນຕຶບໜາເຊິ່ງເຕັມໄປດ້ວຍສັດປ່ານາໆຊະນິດຈຶ່ງເຮັດໃຫ້ການໄປມາຫາສູ່ກັນໄດ້ຮັບຄວາມຫຍຸ້ງຍາກລໍາບາກ, ປະຊາຊົນທຳມາຫາກິນແບບທຳມະຊາດໂດຍອາໄສການເຂົ້າປ່າລ່າເນື້ອມາເປັນອາຫານ, ເອົາໜັງ ແລະ ຊິ້ນສ່ວນຕ່າງໆຂອງສັດທີ່ມີຄ່າໄປແລກປ່ຽນເອົາວັດຖຸສິ່ງຂອງ, ເຂົ້າປາອາຫານມາຊົມໃຊ້ໃນຊີວິດປະຈຳວັນ. ບາງຄັ້ງການເຂົ້າປ່າລ່າເນື້ອຂອງປະຊາຊົນໄປໃນດົງໄພອັນກວ້າງໃຫຍ່ຕຶບໜາ ໄດ້ເຮັດໃຫ້ເຂົາເຈົ້າຫຼົງປ່າບໍ່ຮູ້ທາງກັບຄືນສູ່ບ້ານເຮືອນເປັນເວລາຫຼາຍວັນຫຼາຍຄືນເປັນເຫດໃຫ້ເກີດຄວາມຫິວໂຫຍ ເນື່ອງຈາກບໍ່ໄດ້ກິນເຂົ້າຈົນເຖິງຂັ້ນເສຍຊີວິດກໍ່ມີ. ສະພາບການເປັນຄືແນວນີ້ມັກເກີດຂຶ້ນຢູ່ເປັນປະຈຳ ຍ້ອນແນວນີ້ຊາວເມືອງຈຶ່ງຕັ້ງຊື່ເມືອງນີ້ວ່າ: ”ເມືອງຫຼົງ”. ເມື່ອເຫັນສະພາບເປັນຄືແນວນັ້ນ ບຸກຄົນທີ່ຮຽກວ່າ: ໝື່ນແສນ, ເພຍ(ຜູ້ມີອິດທິພົນຫຼືມີອຳນາດ)ເຊິ່ງປັດຈຸບັນເອີ້ນວ່າ: ເຈົ້າກົກ, ເຈົ້າເຫຼົ່າໄດ້ເຕົ້າໂຮມຄວາມສາມັກຄີ, ປຶກສາຫາລືນຳພຣະສົງ-ສໍາມະເນນ ແລະ ປະຊາຊົນເພື່ອພ້ອມກັນສ້າງກອງຂຶ້ນດ້ວຍວິທີການຊອກຫາເອົາໄມ້ຊໍ້, ໄມ້ສະພຸງມາເຈາະມາສິ່ວເປັນໂກນແລ້ວຫຸ້ມດ້ວຍໜັງສັດເຊັ່ນ: ໜັງກວາງ, ໜັງຟານທີ່ມີບໍ່ອຶດໃນເວລານັ້ນ; ເຮັດພ້ອມກັນເປັນສອງສາມໜ່ວຍໃຫຍ່ນ້ອຍຫຼຸດລື່ນກັນ. ເມື່ອສ້າງສຳເລັດແລ້ວກໍ່ນຳເອົາໄມ້ຄ້ອນທີ່ຮຳດ້ວຍຜ້າແພເຮັດເປັນປົມແໜ້ນໆມາຕີກະທົບໃສ່ໜ້າກອງໜ່ວຍນ້ອຍມີສຽງດັງຕຸ໊ບໆ!! ສ່ວນໜ່ວຍໃຫຍ່ມີສຽງດັງຕຶງໆ!! ເອີ້ນວ່າ: ກອງຫຼວງ. ພ້ອມດຽວກັນນັ້ນເຈົ້າກົກ, ເຈົ້າເຫຼົ່າໄດ້ມີການຕົກລົງເປັນເອກະພາບນຳພຣະສົງ-ສໍາມະເນນ ແລະ ຊາວບ້ານວ່າ: ພວກເຮົາສ້າງກອງນີ້ຂຶ້ນມາເພື່ອຈຸດປະສົງ:

  1. ເມື່ອມີເຫດການໃດໜຶ່ງເກີດຂຶ້ນເຊັ່ນ: ໄຟໃໝ້, ນໍ້າຖ້ວມ ຫຼື ປາກົດການທາງທຳມະຊາດຕ່າງໆພວກເຮົາຕີກອງນີ້ຂຶ້ນ ເພື່ອເຕົ້າໂຮມຊາວບ້ານເຂົ້າມາຊ່ວຍກັນແກ້ໄຂ.
  2. ເມື່ອມີຄົນຫຼົງປ່າຫຼົງທາງຫຼາຍວັນຫຼາຍຄືນບໍ່ຮູ້ທາງກັບພວກເຮົາຕ້ອງຕີກອງນີ້ຂຶ້ນ ເພື່ອເປັນການສົ່ງສັນຍານໃຫ້ຜູ້ທີ່ຫຼົງປ່າຫຼົງທາງນັ້ນໄດ້ຮູ້ວ່າ ທິດທາງນັ້ນແມ່ນບ້ານຂອງຄົນ. ການຕີກອງນັ້ນແມ່ນໃຫ້ຕີເປັນໄລຍະ, ເປັນເວລາ ແລະ ໃຫ້ຕີເປັນຈັງຫວະຄັກແນ່ ເຊັ່ນ: ຕີກ່ອນທ່ຽງ ເອີ້ນວ່າຕີຮຽກຈັງຫັນສັນເພນຂອງພຣະສົງ; ຕີຕອນໃກ້ຈະຄໍ່າແມ່ນຕີຮຽກເລີກວຽກເລີກງານເອີ້ນວ່າ: ຕີກອງແລງ, ຕີຍາມກາງຄືນຂ້ອນຊິແຈ້ງ ແມ່ນຕີຮຽກໃຫ້ຕື່ນ ເອີ້ນວ່າ ຕີກອງເດິກ. ແຕ່ນັ້ນມາຊາວບ້ານກໍ່ໄດ້ນໍາໃຊ້ກອງເພື່ອຕີເປັນສັນຍານໃນເວລາຕ່າງໆຢ່າງເປັນປົກກະຕິ ແລະ ໄດ້ພາກັນສ້າງຂຶ້ນທຸກໆບ້ານທຸກໆວັດທີ່ມີພຣະສົງ-ສໍາມະເນນ ແລະ ຊາວບ້ານອາໄສຢູ່ທົ່ວເມືອງຫຼົງນີ້. ມາຮອດປີ 1893 ໃນລາດຊະການຂອງພຣະເຈົ້າຫິນທຣະເທບນິພາພອນ (ພຣະເຈົ້າອຸ່ນຄຳ) ເຈົ້າຊີວິດແຫ່ງລາຊະອານາຈັກຫຼວງພະບາງລ້ານຊ້າງໄດ້ຍິນຍອມມອບອານາຈັກຂອງຕົນໃຫ້ຝຣັ່ງປົກຄອງ.

ເມື່ອເວົ້າເຖິງປະຊາຊົນເວລານັ້ນຍັງດຳລົງຊີວິດແບບທຳມະຊາດ, ມີລັກສະນະເປັນກຸ່ມເປັນກ້ອນ, ກະແຈກກະຈາຍພໍໃຜພໍລາວເຊິ່ງຂາດຄວາມສາມັກຄີເປັນປຶກແຜ່ນ; ປະຊາຊົນເກືອບຮ້ອຍເປີເຊັນບໍ່ຮູ້ໜັງສື ຍ້ອນວ່າໄລຍະນັ້ນການສຶກສາບໍ່ໄດ້ຮັບການຂະຫຍາຍຕົວ ມີພຽງວັດເທົ່ານັ້ນທີສິດສອນໜັງສື ເພາະສະນັ້ນຜູ້ທີ່ຈະຮຽນຮູ້ກໍ່ຕ້ອງໄດ້ໄປບວດເປັນພຣະສົງ-ສໍາມະເນນຢູ່ວັດ ບວກໃສ່ເວລານັ້ນປະເທດຊາດຂອງພວກເຮົາຊໍ້າພັກຖືກຈັກກະພັດຝຣັ່ງເຂົ້າມາຍຶດຄອງຮຸກຮານ ພວກເຂົາເຂັນຂ້າປະຊາຊົນລາວຢ່າງໂຫດຮ້າຍປ່າເຖື່ອນ. ມາຮອດປີ 1901 ປະຊາຊົນບັນດາເຜົ່າແຕ່ເໜືອຮອດໃຕ້ໄດ້ເກີດມີຄວາມຄຽດແຄ້ນຕໍ່ສັດຕູ ຈຶ່ງໄດ້ພາກັນລຸກຮືຂຶ້ນຕໍ່ສູ້ຕ້ານກັບຈັກກະພັດຝຣັ່ງດ້ວຍການບັງຄັບໃຫ້ຝຣັ່ງຕ້ອງອອກຈາກແຜ່ນດິນລາວ.

ເມື່ອເປັນແນວນັ້ນພວກຝຣັ່ງຈຶ່ງໄດ້ຫັນນະໂຍບາຍລົງທຶນຊຸບລ້ຽງກໍ່ສ້າງເອົາລູກແຫຼ້ງຕີນມືໄປເປັນທະຫານຮັບໃຊ້ພວກເຂົາ ອັນເຮັດໃຫ້ຊາວໜຸ່ມຈຳນວນຫຼວງຫຼາຍຜ່າຍໜີໄປບວດເພື່ອສຶກສາຮໍ່າຮຽນ ແລະ ປະຕິບັດທຳຢູ່ວັດ. ແນ່ນອນເມື່ອມີພຣະສົງ-ສໍາມະເນນຫຼາຍຂຶ້ນກໍເຮັດໃຫ້ແຕ່ລະວັດອັ່ງອໍກັນ; ມີບາງວັດພຣະ-ເນນບາງອົງທີ່ບວດເຂົ້າມາໃໝ່ຍັງບໍ່ທັນຮູ້ຈັກທຳມະວິໄນທີ່ເປັນຄຳສອນຂອງພຣະພຸດທະເຈົ້າ ກໍມີການປະຕິບັດກັນໄປໃນທາງທີ່ບໍ່ຖືກຕ້ອງ ແລະ ອີກສ່ວນໜຶ່ງ ອອກຕົນຍາດໂຍມກໍຍັງບໍ່ທັນໄດ້ຮູ້ໄດ້ເຂົ້າໃຈກ່ຽວກັບຮີດຄອງປະເພນີອັນຖືກຕ້ອງ. ເວລານັ້ນພຣະອາຈານອົງໜຶ່ງຊື່ວ່າ: ພຣະລາຊາປະຈຳຢູ່ວັດບ້ານທາດ, ພຣະອາຈານອົງນີ້ເປັນຜູ້ທີ່ມີຄວາມຮູ້ ແລະ ເປັນທີ່ເຄົາລົບນັບຖືຂອງຄົນທົ່ວໄປຈຶ່ງໄດ້ເຕົ້າໂຮມບັນດາພຣະສົງ-ສໍາມະເນນໃຫ້ມີການສຶກສາຮໍ່າຮຽນພາສາປາລີ-ສັນສະກິດຢູ່ວັດຂອງຕົນໃຫ້ເປັນປົກກະຕິ ເພິ່ນຈິ່ງນຳພາພຣະສົງ ແລະ ອອກຕົນຍາດໂຍມໄປຊອກເອົາໄມ້ຊໍ້, ໄມ້ດູ່ລຳໃຫຍ່, ງາມໆມາສືບຕໍ່ສ້າງກອງທີ່ມີຂະໜາດກວ້າງປະມານ 50 ຊັງຕີແມັດ ແລະ ຍາວ 1 ແມັດໃຫ້ໄດ້ປະມານ 2-3 ໜ່ວຍດ້ວຍວິທີໃຊ້ຂວານ, ສິ່ວ, ເຈາະໃຫ້ເປັນໂກນກ້ຽງງາມແລ້ວຫຸ້ມດ້ວຍໜັງສັດເຊັ່ນ: ໜັງກວາງ, ໜັງຟານຄືເກົ່າ ຫຼັງຈາກນັ້ນເອົາເຂົ້າໜຶ້ງມາຄົນມາໜຶກກັບນໍ້າໃຫ້ພໍດີ ແລ້ວໃຊ້ສາກມືຕຳກັບຄົກເພື່ອໃຫ້ມັນໜຽວເອີ້ນວ່າ: ເຂົ້າຈ່າ, ມາຕິດ ມາທາກັບໜ້າກອງແຕ່ລະເບື້ອງບໍ່ເທົ່າກັນ. ສົ້ນນ້ອຍເອີ້ນວ່າ ໜ້ານ້ອຍ, ສົ້ນໃຫຍ່ເອີ້ນວ່າ: ໜ້າຫຼວງ. ຈາກນັ້ນໃຊ້ຜ້າຮຳມີໃຫ້ແໜ້ນແລ້ວຕີກະທົບໃສ່ໜ້າກອງຈະມີສຽງດັງປື່ງໆ!! ຍ້ອນແນວນີ້ຈິ່ງຮຽກວ່າ: ກອງປຶ່ງ.

ເມື່ອມີການຕີກອງປື່ງນີ້ຂຶ້ນຍາມໃດບັນດາຜູ້ຄົນຈະຫຼັ່ງໄຫຼກັນເຂົ້າມາຟັງທັນທີທັນໃດໂລດ. ຕໍ່ມາ, ພາຍຫຼັງເລີກຈາກການຮໍ່າຮຽນຂອງພຣະສົງ ຫຼື ວັນໃດທີ່ເປັນວັນສິນ ເພິ່ນກໍ່ຈະຈັດໃຫ້ມີການຕີແຂ່ງຂັນກອງປື່ງ 2-3 ຄັ້ງພ້ອມທັງຫາຈັ່ງຫວະຕີປະສານສຽງຂຶ້ນໆລົງເປັນຮູດ, ເປັນຍົກ. ບັນດາຜູ້ຄົນທີ່ໄດ້ຟັງແລ້ວຕ່າງກໍ່ເວົ້າເປັນສຽງດຽວກັນວ່າ ມ່ວນຫຼາຍ, ອອນຊອນຫຼາຍ... ນັບແຕ່ນັ້ນມາກອງປຶ່ງກໍ່ໄດ້ສ້າງແປງ ແລະ ຜັນຂະຫຍາຍອອກໄປເກືອບທຸກໆບ້ານທີ່ມີວັດໃນທົ່ວເມືອງຫຼົງພ້ອມທັງກຳນົດເປັນກົດກະຕິກາອັນໜຶ່ງ ແລະທັງເປັນສັນຍານໃຫ້ຮູ້ວ່າຍາມໃດທີ່ບໍ່ໄດ້ຍິນສຽງກອງປຶ່ງຍາມນັ້ນແມ່ນອອກພັນສາແລ້ວເພາະກອງປຶ່ງແມ່ນນິຍົມຕີໃນໄລຍະເຂົ້າພັນສາເທົ່ານັ້ນ. ມາຮອດວັນທີ 24 ມີຖຸນາ 1996 ເມືອງທົ່ງມີໄຊ ໄດ້ຮັບການສ້າງຕັ້ງຂຶ້ນຢ່າງເປັນທາງການພາຍໃຕ້ການນຳພາຂອງພັກ ເພື່ອປະຕິບັດຕາມແນວທາງປົກປ້ອງ ແລະ ຄຸ້ມຄອງສາສະໜາ ຕິດພັນກັບການອະນຸລັກຮັກສາວັດຖຸບູຮານ, ປູຊະນິຍະສະຖານ ແລະ ມູນເຊື້ອວັດທະນະທຳອັນເກົ່າແກ່ທີ່ດີງາມຂອງຊາດກໍ່ຄືຂອງທ້ອງຖິ່ນ. ການແຂ່ງຂັນກອງປຶງໄດ້ຮັບການຟື້ນຟູ ແລະ ຈັດຕັ້ງຜັນຂະຫຍາຍໃຫ້ກາຍເປັນກີລາພື້ນບ້ານພື້ນເມືອງຂອງເມືອງທົ່ງມີໄຊມາຮອດປັດຈຸບັນ ໂດຍອີງໃສ່ສະພາບ ແລະ ຈຸດພິເສດທາງພູມສັນຖານແລ້ວເມືອງທົ່ງມີໄຊເປັນດິນແດນເຄິ່ງທົ່ງພຽງ, ເຄິ່ງພູດອຍ, ບໍ່ມີແມ່ນໍ້າໃຫຍ່ ເຊິ່ງເປັນເຫດໃຫ້ບໍ່ມີເງື່ອນໄຂພຽງພໍຕໍ່ການຈັດການແຂ່ງຂັນຊ່ວງເຮືອປະຈໍາປີຄືກັບຫຼາຍເມືອງຢູ່ພາຍໃນແຂວງ.

ສະນັ້ນຈິ່ງໄດ້ຈັດໃຫ້ມີການແຂ່ງຂັນກອງປື່ງປະຈໍາປີຂຶ້ນ ໃນຊ່ວງໄລຍະໃກ້ຈະອອກພັນສາຂອງທຸກໆປີ ເພື່ອເຕົ້າໂຮມຄວາມສາມັກຄີຂອງປະຊາຊົນບັນດາເຜົ່າໃຫ້ມີຄວາມໜັກແໜ້ນເຂັ້ມແຂງ ຊ່ວຍກັນອະນຸລັກຮັກສາວັດວາສາສະໜາໃຫ້ຍືນຍົງຄົງຕົວ ເປັນມິ່ງຂວັນຂອງບ້ານເມືອງ ແລະ ຂອງຊາວເມືອງທົ່ງມີໄຊຕະຫຼອດໄປ. ການເກັບກໍາຮວບຮວມ ແລະ ຂຽນປະຫວັດຂອງກອງປື່ງນີ້ຂຶ້ນແມ່ນເພື່ອເຮັດໃຫ້ຄົນຮຸ່ນຫຼັງໄດ້ຮັບຮູ້ ແລະ ເຂົ້າໃຈ ປະຫວັດຄວາມເປັນມາຂອງກອງປື່ງ ພ້ອມທັງສືບຕໍ່ອານຸລັກຮັກສາຮີດຄອງປະເພນີອັນດີງາມນີ້ໄວ້ຈົນຕາບຊົ່ວລູກຫຼານຕະຫຼອດໄປ. ແນ່ນອນວ່າ ຄະນະຜູ້ເກັບກໍາ ຮວບຮວມ ແລະ ຂຽນຍັງມີຄວາມຂາດຕົກບົກຜ່ອງ ເຊິ່ງເປັນສິ່ງທີ່ປາສະຈາກບໍ່ໄດ້, ບໍ່ວ່າຈະເປັນທາງດ້ານເນື້ອໃນ, ສັບພາສາ ແລະ ອື່ນໆທີ່ປະກອບຢູ່ໃນການຂຽນຄັ້ງນີ້ ພວກຂ້າພະເຈົ້າຂໍຄວາມກະລຸນາຈາກທ່ານຜູ້ອ່ານ ແລະ ຜູ້ທີ່ຮູ້ທັງຫຼາຍຈົ່ງໄດ້ຊ່ວຍປັບປຸງແກ້ໄຂໃຫ້ສົມບູນຂຶ້ນຕື່ມ. ພວກຂ້າພະເຈົ້າຍິນດີຮັບເອົາທຸກຄໍາສະເໜີ ແລະ ຄໍາຕໍານິຕິຊົມເພື່ອຈະໄດ້ນໍາມາພິຈາລະນາແກ້ໄຂໃນໂອກາດຕໍ່ໄປ.

(ໄກ່ແຈ້)

Advertisement Replay Ad

ຂໍຂອບໃຈ

ຂໍ້ມູນ : ທົ່ງມີໄຊ ວັນໃໝ່, ຫ້ອງການຖະແຫຼງຂ່າວວັດທະນະທໍາ ແລະ ທ່ອງທ່ຽວ ເມືອງທົ່ງມີໄຊ

ກົດແຊເລີຍ! ແບບແຕ່ງຕາສຳລັບສາວເອເຊຍ 20 ລຸກໜ້າຮັກ ແຕ່ງງ່າຍໆ ໄດ້ທຸກລຸກ ທຸກໂອກາດ

ກົດແຊເລີຍ! ແບບແຕ່ງຕາສຳລັບສາວເອເຊຍ 20 ລຸກໜ້າຮັກ ແຕ່ງງ່າຍໆ ໄດ້ທຸກລຸກ ທຸກໂອກາດ

"ຂຸນກອງແລງ" ບລູລາກູນແຫ່ງຄຳມ່ວນ ກຽມ 30 ກວ່າກິດຈະກຳ ຕ້ອນຮັບນັກທ່ອງທ່ຽວໃນປີ 2021

"ຂຸນກອງແລງ" ບລູລາກູນແຫ່ງຄຳມ່ວນ ກຽມ 30 ກວ່າກິດຈະກຳ ຕ້ອນຮັບນັກທ່ອງທ່ຽວໃນປີ 2021

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?

ເກືອບເຄິ່ງປີຫຼັງການແພ່ລະບາດຂອງໂຄວິດ-19 ເຮົາຮູ້ຫຍັງແດ່ກ່ຽວກັບພະຍາດນີ້?

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ຢາກໃຫ້ພໍ່ແມ່ໄດ້ອ່ານ! 5 ຜົນຮ້າຍຈາກການຕີລູກ ທີ່ທ່ານບໍ່ຄວນເບິ່ງຂ້າມ

ຢາກໃຫ້ພໍ່ແມ່ໄດ້ອ່ານ! 5 ຜົນຮ້າຍຈາກການຕີລູກ ທີ່ທ່ານບໍ່ຄວນເບິ່ງຂ້າມ

ຟັງທາງນີ້! ເປັນໂສດໃນໄວ 30 ປີບໍ່ແມ່ນເລື່ອງແປກ ເພາະຄົນຮຸ່ນໃໝ່ທົ່ວໂລກກຳລັງຢູ່ໃນກະແສ Waithood

ຟັງທາງນີ້! ເປັນໂສດໃນໄວ 30 ປີບໍ່ແມ່ນເລື່ອງແປກ ເພາະຄົນຮຸ່ນໃໝ່ທົ່ວໂລກກຳລັງຢູ່ໃນກະແສ Waithood

ຮູ້ໄວ້ກໍດີ! ວິທີຈັດລະບຽບເຮືອນເພື່ອປ້ອງກັນເຫດໄຟໄໝ້ ໃນໄລຍະອາກາດຮ້ອນອົບເອົ້າ

ຮູ້ໄວ້ກໍດີ! ວິທີຈັດລະບຽບເຮືອນເພື່ອປ້ອງກັນເຫດໄຟໄໝ້ ໃນໄລຍະອາກາດຮ້ອນອົບເອົ້າ

ແມ່ລູກອ່ອນທີ່ຕິດເຊື້ອໂຄວິດ-19 ສາມາດໃຫ້ນົມລູກໄດ້ຢ່າງປອດໄພ ຫຼື ບໍ່?

ແມ່ລູກອ່ອນທີ່ຕິດເຊື້ອໂຄວິດ-19 ສາມາດໃຫ້ນົມລູກໄດ້ຢ່າງປອດໄພ ຫຼື ບໍ່?

ພົ້ນວິກິດໂຄວິດ-19 ທ່ຽວໃສດີ? ແນະນຳ 10 ສະຖານທີ່ທ່ອງທ່ຽວໃນລາວເອກະລັກໜຶ່ງດຽວໃນໂລກ

ພົ້ນວິກິດໂຄວິດ-19 ທ່ຽວໃສດີ? ແນະນຳ 10 ສະຖານທີ່ທ່ອງທ່ຽວໃນລາວເອກະລັກໜຶ່ງດຽວໃນໂລກ

ຮ້ອນຕັບແຕກ! ແນະນຳ 7 ວິທີ ຄາຍຮ້ອນລະຫວ່າງວັນ ສຳລັບໃຜທີ່ບໍ່ມີແອ ຄວນອ່ານ

ຮ້ອນຕັບແຕກ! ແນະນຳ 7 ວິທີ ຄາຍຮ້ອນລະຫວ່າງວັນ ສຳລັບໃຜທີ່ບໍ່ມີແອ ຄວນອ່ານ

ເຮັດແນວໃດດີແມ່? 3 ວິທີຮັບມື ເມື່ອແຟນເກົ່າເລີ່ມຄົບຫາກັບໝູ່ຂອງເຈົ້າ

ເຮັດແນວໃດດີແມ່? 3 ວິທີຮັບມື ເມື່ອແຟນເກົ່າເລີ່ມຄົບຫາກັບໝູ່ຂອງເຈົ້າ

ຂໍ້ກົດໝາຍທີ່ຄວນຮູ້ ກ່ຽວກັບ "ການກັນ ແລະ ຄວບຄຸມພະຍາດຕິດຕໍ່"

ຂໍ້ກົດໝາຍທີ່ຄວນຮູ້ ກ່ຽວກັບ "ການກັນ ແລະ ຄວບຄຸມພະຍາດຕິດຕໍ່"

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ