ວັນອັງຄານ ທີ 19 ພະຈິກ 2019

ບ່າວສາວຍີ່ປຸ່ນເວລາໄປຫຼິ້ນນຳກັນ ເຂົາໄປເຮັດຫຍັງກັນແດ່?

ບ່າວສາວຍີ່ປຸ່ນເວລາໄປຫຼິ້ນນຳກັນ ເຂົາໄປເຮັດຫຍັງກັນແດ່?

ເວລາ​ບ່າວສາວ​ຍີ່​ປຸ່ນ​ອອກໄປໃຊ້ເວລາຮ່ວມ​ກັນ ພວກເຂົາ​ເຮັດ​ຫຍັງ​ແດ່ນໍ? ຈະ​ໜ້າຮັກ​ຄື​ໃນ​ຊີ​ຣີ ຫຼື ​ກາ​​ຕູນ​ບໍ່? ມື້​ນີ້​ເຮົາ​ຈະ​ນຳ​ແຜນ​ການອອກເດດ (dating) ​ຂອງ​ໜຸ່ມ​ສາວ​ຊາວ​ຍີ່​ປຸ່ນ​ມາ​ໃຫ້​ອ່ານ​ກັນ​​ວ່າ ພວກເຂົາ​ໃຊ້ເວລາຮ່ວມກັນ​ແນວໃດ ແລະ ​ຄິດ​ແນວໃດ​ກ່ຽວກັບ​ການເຮັດ​ກິດຈະກຳ​ເຫຼົ່າ​ນີ້​ນຳກັນ.

ພື້ນ​ຖານ​ຄົນ​ຍີ່​ປຸ່ນ​ແລ້ວ​ຈະ​ເປັນ​ຄົົນທີ່​ບໍ່​ຄ່ອຍ​ສະແດງ​ອອກ, ຂີ້​ອາຍ ແລະ​ ບໍ່​ຄ່ອຍ​ໂຣ​ແມນ​ຕິກ (ອັນ​ນີ້​ກໍ​ແລ້ວ​ແຕ່​ຄົນ​ໃດ! ຄົົນທີ່​ຫວານ​ ໂຣ​ແມນ​ຕິກ​ຍິ່ງ​ກວ່າ​ໃນ​ກາ​​ຕູນ​ກໍ​ມີ). ດັ່ງ​ນັ້ນ ​ການ​ໄປ​ເດດ​ຂອງ​ຄົນ​ຍີ່​ປຸ່ນ​ຈະ​ລຽບ​ງ່າຍ ແຕ່​ແຝງ​ໄປ​ດ້ວຍ​ສິ່ງ​ທີ່​ເຮັດໃຫ້​ໃຈ​ເຕັ້ນ​ຕຶກ​ຕັກ​ ♥

ໄປອອກເດດ​ແບບ​ເນັ້ນ​ກິນ

ເນື່ອງ​ຈາກ​ປະເທດ​ຍີ່​ປຸ່ນ​ນັ້ນ​ເຕັມ​ໄປ​ດ້ວຍ​ຂອງກິນ​ແຊບໆ​ນານາ​ຊະນິດ ແຖມ​ແຕ່​ລະ​ລະດູ​ເມ​ນູ​ອາຫານ​ກໍ​ແຕກ​ຕ່າງ​ອອກ​ໄປ​ອີກ ຈຶ່ງ​ເຮັດໃຫ້​ໜຸ່ມ​ສາວ​ຊາວ​ຍີ່​ປຸ່ນ​ນິຍົມ​ໄປ​ໃຊ້ເວລາຮ່ວມກັນ​ກັນ​ຕາມ​ຮ້ານ​ອາຫານ, ຮ້ານ​ກາ​ເຟ ຫຼື ​ຮ້ານເຂົ້າໜົມ​ຕ່າງ​ໆ​ເພື່ອ​ກິນ​ອາຫານແຊບໆ ແລະ ​ໄດ້​ເວົ້າ​ຈາ​ແລກ​ປ່ຽນ​ເລື່ອງ​ລາວ​ຂອງ​ກັນ​ ແລະ ​ກັນ.

ບາງ​ຮ້ານ​ທີ່​ຕົກ​ແຕ່ງ​ສວຍ​ງາມ ຊິກ​ໆ​ ເກ໋​ໆ ມີ​ວິວ​ສວຍ​ງາມ ກໍ​ມັກ​ຈະ​ເປັນ​ທີ່​ນິຍົມ​ໃນ​ການ​ອອກ​ເດດ. ຮ້ານ​ທີ່​ຄົນ​ຍີ່​ປຸ່ນ​ສ່ວນ​ໃຫຍ່​ໄປ​ເດດ​ກັນ​ຄື​ ຮ້ານ​ອາຫານ​ອິ​ຕາ​ລີ​ຄ່ະ (ຄົນຍີ່​ປຸ່ນ​ຄິດວ່າ​ມັນ​ເບິ່ງ​ເກ໋​ໂກ້​ກວ່າ​ການ​ໄປ​ກິນ​ຮ້ານ​ອາຫານ​ຍີ່​ປຸ່ນ​ຢ່າງ​ຣາ​ເມງ ​ຫຼື ​ເຂົ້າ​ແກງ​ກະຫຼີ່​. ເພາະ​ອາຫານ​ອິ​ຕາ​ລີ​ໃນ​ຍີ່​ປຸ່ນ​ຖື​ວ່າ​ຫາ​ກິນ​ໄດ້​ທົ່ວ​ໄປ ບວກ​ກັບ​ບໍ່​ຢາກ​ມາ​ສູບ​ເສັ້ນ​ດັ່ງ​ຟຶ້​ດ​ຟ້າ​ດ​ໃຫ້​ອີກ​ຝ່າຍ​ເຫັນ ພ້ອມ​ຍັງບໍ່​ເປື້ອນ​ເສື້ອ​ງ່າຍໆ​ອີກ).

ນອກນັ້ນ ກໍມີ​ພວກ​ຮ້ານ​ກາເຟ​ສວຍ​ງາມ ແຕ່​ຖ້າ​ຫາກ​ນັດ​ກັນ​ຕອນ​ກາງ​ຄືນ ໜຸ່ມ​ສາວ​ໄວ​ເຮັດວຽກ​ກໍ​ອາດຈະ​ນັດ​ເດດ​ກັນ​ທີ່​ຮ້ານ​ອາຫານ ​ແລ້ວ​ໄປ​ຕໍ່​ກັນຮອບ​ສອງ​ທີ່​ຮ້ານ​ອິ​ຊາ​ກາ​ຢະ​ (ຮ້ານ​ເຫຼົ້າ). ຮ້ານ​ເຫຼົ້າ​ແບບ​ຍີ່​ປຸ່ນ​ນັ້ນ​ບໍ່​ແມ່ນ​ຮ້ານ​ເຫຼົ້າ​ແບບ​ບ້ານ​ເຮົາ​ທີ່​ເປີດ​ເພງ​ແລ້ວຍົກ​ໝົດຈອກໃຫ້​ເມົາ​ໃດ ແຕ່​ເປັນ​ຮ້ານ​ທີ່​ທຸກ​ຄົນ​ນັ່ງ​ຊິວ​ (chill) ກິນ​ຂອງແກ້ມ​ ແລະ ​ດື່ມ​ເຄື່ອງດື່ມເພື່ອ​ສັງສັນ​ລົມ​ກັນ​ເສີຍ​ (ບາງ​ຄົົນທີ່​ຄໍ​ອ່ອນ ​ຫຼື​ ບໍ່​ດື່ມ​ກໍ​ສັ່ງ​ເຄື່ອງ​ດື່ມ​ອື່ນ​ທີ່​ບໍ່​ມີ​ທາດເຫຼົ້າ​ເອົາ ໄປ​ເພື່ອລົມ ​ແລະ ​ສຳຜັດ​ບັນ​ຍາ​ກາດ​ເສີຍ​ໆກໍມີ).

ໄປເດດ​ແບບ​ໄປ​ງານຕ່າງໆ

ຂໍ້​ດີ​ຂອງ​ການ​ທີ່​ຢູ່ໃນ​ປະເທດ​ທີ່​ມີ 4 ລະດູ​ຄື​ມີ​ງານຕ່າງໆ​ໃຫ້​ໄປ​ຫຼາກ​ຫຼາຍ. ຍົກ​ຕົວ​ຢ່າງ​ເຊັ່ນ​: ລະດູ​ຮ້ອນ​ກໍ​ຈະ​ມີ​ງານ​ດອກ​ໄມ້​ໄຟ ຊຶ່ງ​ຄົນ​ຍີ່​ປຸ່ນ​ຈະ​ໄປ​ເດດ​ກັນ​ໂດຍ​ໃສ່​ຊຸດ​ຢູ​ກາ​ຕະ (ບໍ່​ຕ້ອງ​ໃສ່​ກໍ​ໄດ້ ແຕ່​ຖ້າ​ໃສ່​ກໍ​ຈະ​ສ້າງ​ຄວາມ​ປະ​ທັບ​ໃຈ​ໄດ້​ຫຼາຍກວ່າ​), ຍ່າງ​ຫາ​ຂອງ​ກິນແຊບໆ ໃນ​ຮ້ານ​ຄ້າ​ໃນ​ງານ ເຊັ່ນ: ​ພວກ​ທາ​ໂກະ​ຢາ​ກິ, ປາ​ໝຶກ​ປິ້ງ, ກ້ວຍ​ຊຸບ​ຊັອກ​ໂກ​ແລັດ ແລ້ວ​ກໍ​ຈະ​ມາ​ຈອງ​ທີ່​ດູດ​ອກ​ໄມ້​ໄຟ​ກັນ ແລະ ​ເນື່ອງ​ຈາກ​ງານ​ນີ້​ຄົນຫຼາຍ​ໆ ເລີຍ​ສາມາດ​ເຮັດໃຫ້​ເກີດ​ບັນ​ຍາ​ກາດ “ຈັບ​ມື​ກັນ​ໄວ້​ຈະ​ໄດ້​ບໍ່​ຫຼົງ” ອີກດ້ວຍ ♥ ຕອນ​ແຫງນ​ໜ້າ​ເບິ່ງດ​ອກ​ໄມ້​ໄຟ​ກໍ​ເມື່ອຍ​ຄໍ ກໍ​ລັກ​​ອີງ​ກັນ​ແດ່ ຫວານ​ແຮງ.

ຕົວ​ຢ່າງ​ງານຕ່າງໆ​ອື່ນ​ໆ​ກໍ​ມີ: ງານ​ຮັນ​ໂລ​ວີນ (ແຕ່ງ​ເປັນ​ຜີ​ແລ້ວ​ອອກ​ໄປ​ເດດ​ກັນ​ໃນ​ເມືອງ), ເຮັດວຽກ​ຈິດ​ອາ​ສາ (ໄດ້​ເຮັດ​ທັງ​ຄວາມ​ດີ​ແຖມ​ຍັງໄດ້​ໃຈ​ຝ່າຍ​ກົງກັນຂ້າມ​ອີກ​ດ້ວຍ).

ໄປເດດ​ແບບ​ໄປ​ສະຖານ​ທີ່​ທ່ອງ​ທ່ຽວ

ຖ້າ​ເປັນ​ໃນ​​ຕອນອາ​ຍຸຍັງໜຸ່ມ​ຢູ່​ກໍ​ມັກ​ຈະ​ນິຍົມ​ໄປ​ທີ່​ສວນ​ສະໜຸກ​ ຢູ່​ຍີ່​ປຸ່ນ​ສວນ​ສະໜຸກ​ຫຼາຍ ທັງ​ດິສ​ນີ​ແລນ​​​, ດິດ​ນີຊີ​ ທັງ​ຈະ​ຢູ​ນິ​ເວີ​ແຊລສະ​ຕູ​ດິ​ໂອ​ເຈ​ແປນ ທີ່ແນມໄປ​ທາງ​ໃດ​ກໍ​ມີ​ຄູ່​ຮັກ​ເຕັມ​ໄປ​ຫ​ມົດ​. ເພາະ​ນອກ​ຈາກ​ຈະ​ເປັນ​ສະຖານ​ທີ່​ທີ່​ໄປ​ກັບ​ຄອບຄົວ ໄປ​ກັບ​ໝູ່ເພື່ອນ ຄົນ​ຍີ່​ປຸ່ນ​ກໍ​ນິຍົມ​ໄປ​ກັບ​ແຟນນຳ ແຕ່​ວ່າ​ໄປ​ທ່ຽວ​ຫຼິ້ນ​ເສີຍ​ໆ​ມັນ​ບໍ່​ມຸ້ງ​ມິ້ງ​ພໍ ກໍ​ເລີຍ​ຕ້ອງ​ແຕ່ງ​ຕົວ​ໃຫ້​ມີ​ທີມ​ຄູ່​ກັນ ທີ່​ນິຍົມ​ຫຼັກ​ໆ​ເລີຍ​ຄື​ໃສ່​ຊຸດ​ນັກ​ຮຽນ​ ມ. ປາຍ ​ພ້ອມ​ໃສ່ແນວ​ຄາດ​ຜົມ​ຕົວ​ກາຕູນ​ຕ່າງ​ໆ​ໄປ​ເດດ​ກັນ​ທີ່​ດິສ​ນີ​ແລນ​.

ສຳລັບ​ຄົົນທີ່​ບໍ່​ໄດ້​ມັກ​ຄວາມ​ຕື່ນຕາຕື່ນ​ໃຈ ​ແລະ ​ການ​ຕໍ່​ຄິວ​ດົນ​ໆ ກໍ​ອາດຈະ​ເລືອກ​ໄປ​ສະຖານ​ທີ່​ທາງ​ປະຫວັດສາດ ເຊັ່ນ: ຜາ​ສາດ​ໂອ​ຊາ​ກ້າ ໄປ​ເດດ​ແບບ​ມີ​ຄວາມ​ຮູ້ (ແລະ ​ມີ​ຄົນໆນັ້ນນຳ ♥) ຫຼື​ ໄປ​ເດດ​ທີ່​ສວນ​ສັດ ພິ​ພິທະ​ພັນ​ສັດ​ນ້ຳ ເບິ່ງ​ການສະແດງປາ​ໂລ​ມາ​ໜ້າ​ຮັກ​ໆ ແຖມ​ບັນ​ຍາ​ກາດ​ຍັງໂຣ​ແມນ​ຕິກ​ອີກດ້ວຍ. ຄວາມ​ໜ້າ​ຮັກ​ຂອງ​ສາວ​ຍີ່​ປຸ່ນ​ບາງ​ຄົນ​ຄື ​ເວລາ​ທີ່​ໄປ​ເດດ​ທີ່​ສະຖານ​ທີ່​ທ່ອງ​ທ່ຽວ​ແບບ​ທີ່​ຕ້ອງ​ຢູ່ໃນ​ນັ້ນ​ໝົດ​ມື້, ສາວ​ໆ (ທີ່​ມັກ​ເຮັດ​ອາຫານ) ຈະ​ເຮັດ​ເຂົ້າ​ກ່ອງ​ໜ້າ​ຮັກ​ໆ​ມາ​ໃຫ້​ແຟນ​ກິນ​. ເພາະ​ໃນ​ສະຖານ​ທີ່​ທ່ອງ​ທ່ຽວ​ຂອງ​ຍີ່​ປຸ່ນ​ນັ້ນ​ມັກ​ຈະ​ມີ​ພື້ນ​ທີ່​ໄວ້​ໃຫ້​​ຄົນ​ໄດ້​ນັ່ງ​ພັກ​ຜ່ອນ ແລະ ​ກິນ​ເຂົ້າ​ໃນ​ທຸກ​ບ່ອນ​ທີ່​ (ສ່ວນ​ໃຫຍ່​ເອົາ​ສາດ​ໄປ ແຕ່​ບາງບ່ອນ​ກໍ​ມີ​ໂຕະ​ໃຫ້​ເລີຍ​).

ໄປເດດ​ແບບ​ໄປ​ຊື້ເຄື່ອງ

ໜຸ່ມ​ໆ​ບາງ​ຄົນ​ອາດສັ່ນ​ຫົວ​ເມື່ອ​ໄດ້ຍິນ​ຄຳ​ວ່າ​ໄປ​ຊື້ເຄື່ອງ ແຕ່​ຢາກ​ຈະ​ບອກ​ວ່າ​ໜຸ່ມ​ໆ​ສາວ​ໆ​ຍີ່​ປຸ່ນ​ບາງ​ຄົນ ເຂົາ​ກໍ​ມັກ​ໄປ​ເດດ​ແບບ​ຊື້ເຄື່ອງ​ໃດ!

ຊື້ເຄື່ອງ​ທີ່​ວ່າ​ອາດຈະ​ບໍ່​ໄດ້​ໝາຍ​ຄວາມ​ວ່າ​ໝົດມື້​ຕ້ອງ​ພາ​ສາວ​ໆ​ໄປ​ຍ່າງຊື້​ເສື້ອ​ຜ້າ​ທຸກ​ຮ້ານ ແລະ ຈະ​ຕ້ອງ​ຈ່າຍ​ເງິນ​ຊື້ ແຕ່​ໝາຍ​ເຖິງ​ການ​ເບິ່ງເຄື່ອງ​ຕ່າງ​ໆ​ນຳກັນ ໂດຍ​ບໍ່​ໄດ້​ເບິ່ງພຽງແຕ່ຂອງ​ຕົວ​ເອງ​ຢ່າງ​ດຽວ. ບໍ່​ຕ້ອງ​ຊື້​ກໍ​ໄດ້ ພຽງແຕ່​ໄປ​ເບິ່ງ​ນຳກັນ​ເສີຍ​ໆ ເພາະ​ຫ້າງ​ຮ້ານ​ຍີ່​ປຸ່ນ​ສ່ວນ​ໃຫຍ່​ມັກ​ຂາຍ​ສິນ​ຄ້າ​ເສື້ອ​ຜ້າ​ຕ່າງ​ໆ​ທັງ​ຂອງ​ເພດ​ຍິງ ​ແລະ ​ເພດ​ຊາຍ. ດັ່ງ​ນັ້ນ​ເວລາ​ລອງ​ເສື້ອ​ຜ້າ​ກໍ​ສາມາດມ່ວນ​ໃນ​ການ​ເລືອກ​ໄປ​ພ້ອມ​ໆ​ກັນ​ໄດ້.

ຫາກ​ໄດ້​ໄປ​ເຂົ້າ​ຮ້ານ​ທີ່​ມີ​ເຄື່ອງຂອງ​ຫຼາກ​ຫຼາຍ​ປະ​ເພດ​ທີ່​ໜ້າ​ສົນ​ໃຈ (ເຊັ່ນ​ຮ້ານ loft ທີ່​ຂາຍ​ຕັ້ງ​ແຕ່​ເຄື່ອງ​ໃຊ້​ໃນ​ເຮືອນ ຈົນ​ເຖິງ​ອຸປະກອນ​ກີລາ​ເລີຍ), ຕອນ​ທີ່​ເລືອກ​ຊື້​ກໍ​ສາມາດ​ຢິບ​ຈັບ​ສິ່ງ​ຂອງ​ເຫຼົ່າ​ນັ້ນ​ມາ​ເປັນ​ຫົວຂໍ້​ການ​ສົນທະນາ​ໃນ​ການ​ລົມ​ກັບ​ຝ່າຍ​ກົງກັນຂ້າມ​ໄດ້ ແຖມ​ຍັງສາມາດ​ຮູ້​ສິ່ງທີ່ມັກຂອງ​ອີກ​ຝ່າຍ​ໄດ້​ນຳ.

ໄປເດດ​ແບບ​ຕາມ​ງານ​ກິດຈະກຳ ແລະ ​ຄວາມ​ສົນ​ໃຈ

ກິດຈະກຳຍາມວ່າງ​ສ່ວນ​ໃຫຍ່​ທີ່​ຄົນ​ຍີ່​ປຸ່ນ​ມີ​ທັງ​ຊາຍ ​ແລະ ​ຍິງ​ໄດ້​ແກ່ ໄປ​ນັ່ງ​ທີ່​ຄາ​ເຟ, ເບິ່ງ​ໜັງ ແລະ ທ່ອງ​ທ່ຽວ ເປັນ​ຕົ້ນ.

ຖ້າ​ຫາກ​ວ່າ​ທັງ​ສອງ​ຄົນ​ມີ​ກິດຈະກຳຍາມວ່າງ​ທີ່​ຄືກັນ ກໍ​ມັກ​ຈະ​ໄປ​ເດດ​ໃນ​ສະຖານ​ທີ່​ທີ່​ຕົນ​ສາມາດ​ເຮັດກິດຈະກຳ​ນຳກັນ​ໄດ້. ຍົກ​ຕົວ​ຢ່າງ​ເຊັ່ນ​ມັກ​ຮ້ອງ​ເພງ ກໍ​ໄປ​ຄາ​ຣາ​ໂອ​ເກະ ມັກ​ວົງ​ດົນຕີ​ຍີ່​ປຸ່ນ​ກໍ​ໄປ​ເບິ່ງ​ຄອນ​ເ​ສີດ ​ຫຼື​ ງານ​ເທດສະ​ການ​ດົນຕີ​ນຳກັນ ແຕ່​ຖ້າ​ຫາກກິດຈະກຳຍາມວ່າງ​ບໍ່​ກົງ​ກັນ ຄົນ​ຍີ່​ປຸ່ນ​ກໍ​ອາດຈະ​ເລືອກ​ໄປ​ສະຖານ​ທີ່ ທີ່​ເປັນ​ກາງ ເຊັ່ນ: ໂຮງ​ຮູບເງົາ, ຮ້ານ​ອາຫານ ​ແລະ ​ຮ້ານເຂົ້າໜົມ​ຕ່າງ​ໆ.

ຮູບແບບການ​ເດດ​ນັ້ນ​ກໍ​ແລ້ວ​ແຕ່​ສ່ວນ​ບຸກ​ຄົນ ​ແລະ ​ນິ​ໄສ​ຂອງ​ແຕ່​ລະ​ຄົນ. ແຕ່​ສ່ວນ​ໃຫຍ່​ແລ້ວ​ຈະ​ບໍ່​ໄດ້​ເດດ​ແບບ​ຫວື​ຫວາ ບໍ່​ໄດ້​ມີ​ການ​ຫອມ​ແກ້ມ​ໃນ​ສະຖານທີ່​ສາທາລະນະ ​ຫຼື​ ສະແດງ​ຄວາມ​ຮັກ​ເທົ່າ​ກັບ​ປະເທດ​ອື່ນ​ໆ (ແຕ່​ຢູ່​ນຳກັນ​ສອງ​ຄົນ​ກໍ​ອີກ​ເລື່ອງ​ໜຶ່ງ​ເດີ) ແຕ່​ການ​ໄປ​ເດດ​ແຕ່​ລະ​ເທື່ອ​ຂອງ​ຄົນ​ຍີ່​ປຸ່ນ​ກໍ​ມີ​ຄວາມ​ມຸ້ງ​ມິ້ງ​ທີ່​ເຮັດໃຫ້​ໃຈ​ເຕັ້ນ​ຢູ່ໃນ​ຕົວ​ດັ່ງ​ເສກ​ເຊັ່ນ​ໃນ​ກາ​​ຕູນ​ຕາ​ຫວານ​ເລີຍ. ຍົກ​ຕົວ​ຢ່າງ​ເຊັ່ນ ອີກ​ຝ່າຍ​ມາ​ຖ້າ​ລ່ວງ​ໜ້າ​ທີ່ສະ​ຖາ​ນີ​ລົດ​ໄຟ​ຕັ້ງ 20 ນາ​ທີ ແຕ່​ພໍ​ເຮົາ​ມາຮອດ ເຮົາ​ກໍ​ຂໍ​ໂທດ​ທີ່​ມາ​ຊ້າ ແຕ່​ອີກ​ຝ່າຍ​ດັນ​ບອກ​ວ່າ​ບໍ່​ເປັນ​ຫຍັງ​ລາວ​ກໍ​ຫາກໍ​ມາ​ຄືກັນ ຫຼື​ ຕອນ​ຈະຈັບໄມ້ຖູ່ ມື​ຊູນ​ກັນ​ແລ້ວ​ອີກ​ຝ່າຍ​ເຂີນ​ຈົນ​ໜ້າ​ແດງ ຫຍັງ​ແບບ​ນີ້ -​..- (ຂໍ​ເນັ້ນ​ອີກ​ຮອບວ່າ ຈະ​ໄດ້ພົບ​ເຫດການ​ແບບ​ນີ້ ​ຫຼື​ ບໍ່​ນັ້ນ​ແລ້ວ​ແຕ່​ຄົນ​. ຄົນ​ຍີ່​ປຸ່ນ​ບໍ່​ໄດ້​ເປັນ​ແບບ​ນີ້​ທັງ​ໝົດ 55555).

ສ່ວນ​ດ້ານ​ການ​ອອກ​ຄ່າ​ໃຊ້​ຈ່າຍ​ນັ້ນ​ກໍ​ແລ້ວ​ແຕ່​ຄົນ​ເຊັ່ນ​ກັນ​. ຫາກ​ເປັນ​ນັກ​ຮຽນ​ນັກ​ສຶກ​ສາ​ກໍ​ອາດຈະ​ຫານເຄິ່ງ​ກັນ ແຕ່​ຖ້າ​ເປັນ​ໄວ​ເຮັດວຽກ​ແລ້ວ​ ຖ້າບໍ່ແມ່ນບໍ່​ຝ່າຍ​ຊາຍ​ຈ່າຍ​ໃຫ້​ທັງ​ໝົດ ກໍ​ຫານ​ເຄິ່ງ​ກັນ ​ແຕ່​ຝ່າຍ​ຊາຍ​ອອກ​ຫຼາຍກວ່າ​ເປັນ​ຕົ້ນ​ (ແລ້ວ​ແຕ່​ຄົນ​ອີກເດີ). ໃຜ​ທີ່​ຢາກ​ອອກ​ເດດ​ແຕ່​ບໍ່​ມີ​ໄອ​ເດຍ ກໍ​ລອງ​ເອົາ​ວິທີ​ການ​ເດ​ດແບບໜຸ່ມສາວຍີ່​ປຸ່ນ​ໄປ​ລອງ​ປັບ​ໃຊ້​ເບິ່ງ​ໄດ້ເດີ.

Advertisement Replay Ad
ລ້ຽງລູກແນວໃດໃຫ້ “ໂຕສູງ” ເຄັດລັບທີ່ພໍ່ແມ່ຄວນຮູ້

ລ້ຽງລູກແນວໃດໃຫ້ “ໂຕສູງ” ເຄັດລັບທີ່ພໍ່ແມ່ຄວນຮູ້

Salana Boutique Hotel ໂຮງແຮມໃຈກາງນະຄອນຫຼວງວຽງຈັນ ກັບເຫດຜົນດີໆທີ່ດາລາຄົນດັງນິຍົມມາພັກເຊົາ

Salana Boutique Hotel ໂຮງແຮມໃຈກາງນະຄອນຫຼວງວຽງຈັນ ກັບເຫດຜົນດີໆທີ່ດາລາຄົນດັງນິຍົມມາພັກເຊົາ

ຜົນຂ້າງຄຽງຈາກ "ການນອນຕອນຜົມປຽກ"

ຜົນຂ້າງຄຽງຈາກ "ການນອນຕອນຜົມປຽກ"

5 ຂັ້ນຕອນງ່າຍໆ ເພື່ອເຮັດໃຫ້ທ່ານໃຈເຢັນລົງ ແລະ ຫາຍກັງວົນໃຈ

5 ຂັ້ນຕອນງ່າຍໆ ເພື່ອເຮັດໃຫ້ທ່ານໃຈເຢັນລົງ ແລະ ຫາຍກັງວົນໃຈ

ງານນີ້ຕ້ອງບໍ່ພາດ "2019 K-Beauty Product Festival" ສູນລວມເຄື່ອງສຳອາງເກົາຫຼີຄຸນນະພາບດີ ຍີ່ຫໍ້ດັງ

ງານນີ້ຕ້ອງບໍ່ພາດ "2019 K-Beauty Product Festival" ສູນລວມເຄື່ອງສຳອາງເກົາຫຼີຄຸນນະພາບດີ ຍີ່ຫໍ້ດັງ

7 ພາສາກາຍງ່າຍໆ ທີ່ຈະເຮັດໃຫ້ຄົນອື່ນປະທັບໃຈ ແລະ ຈົດຈຳເຮົາໄດ້ຫຼາຍຂຶ້ນ

7 ພາສາກາຍງ່າຍໆ ທີ່ຈະເຮັດໃຫ້ຄົນອື່ນປະທັບໃຈ ແລະ ຈົດຈຳເຮົາໄດ້ຫຼາຍຂຶ້ນ

ເກັບໄວ້ເປັນໄອເດຍ 15 ແບບແຕ່ງໜ້າເຈົ້າສາວ ທີ່ກຳລັງມາແຮງໃນທ້າຍປີ 2019

ເກັບໄວ້ເປັນໄອເດຍ 15 ແບບແຕ່ງໜ້າເຈົ້າສາວ ທີ່ກຳລັງມາແຮງໃນທ້າຍປີ 2019

5 ຂໍ້ຄິດ ເຮັດບຸນໃຫ້ໄດ້ບຸນຢ່າງແທ້ຈິງ ໃນພິທີຕັກບາດ ບຸນນະມັດສະການພະທາດຫຼວງ

5 ຂໍ້ຄິດ ເຮັດບຸນໃຫ້ໄດ້ບຸນຢ່າງແທ້ຈິງ ໃນພິທີຕັກບາດ ບຸນນະມັດສະການພະທາດຫຼວງ

5 ວິທີອອກກຳລັງກາຍເພື່ອລົດນໍ້າໜັກແບບຜິດໆ ທີ່ຫຼາຍຄົນມັກເຮັດໂດຍບໍ່ຮູ້ໂຕ

5 ວິທີອອກກຳລັງກາຍເພື່ອລົດນໍ້າໜັກແບບຜິດໆ ທີ່ຫຼາຍຄົນມັກເຮັດໂດຍບໍ່ຮູ້ໂຕ

ຮູ້ຫຼືບໍ່? ຄົນຍີ່ປຸ່ນມີວັດທະນະທຳການ “ບໍ່ຍ່າງໄປກິນໄປ” ຊ່ວຍຫຼຸດຜ່ອນການຖິ້ມຂີ້ເຫຍື້ອຊະຊາຍ

ຮູ້ຫຼືບໍ່? ຄົນຍີ່ປຸ່ນມີວັດທະນະທຳການ “ບໍ່ຍ່າງໄປກິນໄປ” ຊ່ວຍຫຼຸດຜ່ອນການຖິ້ມຂີ້ເຫຍື້ອຊະຊາຍ

ເລືອດອອກຫຼັງມີເພດສຳພັນ ໃຫ້ກວດດ່ວນ! ເພາະອາດເປັນຍ້ອນ 6 ສາເຫດນີ້

ເລືອດອອກຫຼັງມີເພດສຳພັນ ໃຫ້ກວດດ່ວນ! ເພາະອາດເປັນຍ້ອນ 6 ສາເຫດນີ້

ຄວາມເປັນມາ ແລະ ພື້ນຕຳນານການແຫ່ຜາສາດເຜິ້ງ ໃນບຸນນະມັດສະການພະທາດຫຼວງວຽງຈັນ

ຄວາມເປັນມາ ແລະ ພື້ນຕຳນານການແຫ່ຜາສາດເຜິ້ງ ໃນບຸນນະມັດສະການພະທາດຫຼວງວຽງຈັນ

ປະເທດໃດໃຊ້ "ລົດຂັບເຄື່ອນດ້ວຍພະລັງງານໄຟຟ້າ (EV)" ຫຼາຍທີ່ສຸດໃນໂລກ?

ປະເທດໃດໃຊ້ "ລົດຂັບເຄື່ອນດ້ວຍພະລັງງານໄຟຟ້າ (EV)" ຫຼາຍທີ່ສຸດໃນໂລກ?

"ມົນລະພິດທາງອາກາດ" ອາດສົ່ງຜົນກະທົບຕໍ່ອະໄວຍະວະທຸກສ່ວນ-ທຸກເຊວໃນຮ່າງກາຍ

"ມົນລະພິດທາງອາກາດ" ອາດສົ່ງຜົນກະທົບຕໍ່ອະໄວຍະວະທຸກສ່ວນ-ທຸກເຊວໃນຮ່າງກາຍ

"ສາຍສີດກົ້ນ" ຄວນສີດຈາກໜ້າໄປຫຼັງ ຫຼື ສີດຈາກຫຼັງໄປໜ້າ?

"ສາຍສີດກົ້ນ" ຄວນສີດຈາກໜ້າໄປຫຼັງ ຫຼື ສີດຈາກຫຼັງໄປໜ້າ?

“ຮຽນຮູ້ກົດເກນການຢູ່ຮ່ວມກັນໃນສັງຄົມ” ຫຼັກການສຳຄັນໃນການລ້ຽງລູກຂອງຄົນຍີ່ປຸ່ນ

“ຮຽນຮູ້ກົດເກນການຢູ່ຮ່ວມກັນໃນສັງຄົມ” ຫຼັກການສຳຄັນໃນການລ້ຽງລູກຂອງຄົນຍີ່ປຸ່ນ

ຮູ້ຈັກບໍ່? "ກະແຈລັບ" ໃນລົດ ກັບປະໂຫຍດທີ່ທ່ານອາດບໍ່ເຄີຍຮູ້ມາກ່ອນ

ຮູ້ຈັກບໍ່? "ກະແຈລັບ" ໃນລົດ ກັບປະໂຫຍດທີ່ທ່ານອາດບໍ່ເຄີຍຮູ້ມາກ່ອນ

5 ອາຫານຊ່ວຍຍ່ອຍ ຫຼຸດຜ່ອນອາການແໜ້ນທ້ອງ ຫຼັງຈັດໜັກບຸບເຟ້

5 ອາຫານຊ່ວຍຍ່ອຍ ຫຼຸດຜ່ອນອາການແໜ້ນທ້ອງ ຫຼັງຈັດໜັກບຸບເຟ້

5 ເຕັກນິກພິຊິດໃຈແຂກໃນງານແຕ່ງດອງ ເຮັດແນວໃດໃຫ້ແຂກຮູ້ສຶກມີຄວາມສຸກກັບງານຂອງທ່ານ

5 ເຕັກນິກພິຊິດໃຈແຂກໃນງານແຕ່ງດອງ ເຮັດແນວໃດໃຫ້ແຂກຮູ້ສຶກມີຄວາມສຸກກັບງານຂອງທ່ານ

10 ເຕັກນິກ “ລົດໜ້າທ້ອງ” ທີ່ໄດ້ຮັບການພິສູດທາງວິທະຍາສາດແລ້ວວ່າໄດ້ຜົນແທ້

10 ເຕັກນິກ “ລົດໜ້າທ້ອງ” ທີ່ໄດ້ຮັບການພິສູດທາງວິທະຍາສາດແລ້ວວ່າໄດ້ຜົນແທ້

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ