ວັນອັງຄານ ທີ 17 ກັນຍາ 2019

ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ຖະແຫຼງກ່ຽວກັບເຫດນໍ້າຖ້ວມຢູ່ 6 ແຂວງ

ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ຖະແຫຼງກ່ຽວກັບເຫດນໍ້າຖ້ວມຢູ່ 6 ແຂວງ
S! Muan

ສະໜັບສະໜູນເນື້ອຫາ

ບົດຖະແຫຼງຂ່າວຂອງ ທ່ານ ຄໍາແພງ ໄຊສົມແພງ, ລັດຖະມົນຕີ ກະຊວງ ແຮງງານ ແລະ ສະຫວັດດີການສັງຄົມ ປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດທີ່ ຫ້ອງປະຊຸມ ກະຊວງ ຮສສ, ນະຄອນວຽງຈັນ, ວັນທີ 10 ກັນຍາ 2019.

"ຄືບັນດາທ່ານ ບັນດາສະຫາຍໄດ້ຮັບຊາບນໍາກັນ ຕໍ່ກັບຜົນກະທົບຈາກອິດທິພົນຂອງລົມພະຍຸໜຸນເຂດຮ້ອນໂພດູ ແລະ ລົມພະຍຸດີເປຣຊັນ ທີ່ພັດຜ່ານເຂົ້າມາ ສປປ ລາວ ໃນຊ່ວງທ້າຍເດືອນສິງຫາ ຫາຕົ້ນເດືອນກັນຍາ 2019 ເຮັດໃຫ້ມີຝົນຕົກໜັກ ແລະ ເກີດນໍ້າຖ້ວມ ຢູ່ 6 ແຂວງ ຄື: ແຂວງຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ແຂວງອັດຕະປື, ສົ່ງຜົນກະທົບໂດຍກົງຕໍ່ປະຊາຊົນ ໃນ 47 ເມືອງ, 1,643 ບ້ານ, 150,415 ຄອບຄົວ, 458,017 ຄົນ ຖືກກະທົບ, ເສຍຊີວິດ 13 ຄົນ (ແຂວງສະຫວັນນະເຂດ 3 ຄົນ, ສາລະວັນ 2 ຄົນ, ອັດຕະປື 4 ຄົນ ແລະ ຈໍາປາສັກ 4 ຄົນ), ສູນຫາຍ 1 ຄົນ ຢູ່ ແຂວງຈໍາປາສັກ, ປະຊາຊົນຍົກຍ້າຍ 14,328 ກວ່າຄອບຄົວ, 102,416 ກວ່າຄົນ, ເປັນຍິງ 15,205 ຄົນ; ສົ່ງຜົນກະທົບ ແລະ ເສຍຫາຍ ຕໍ່ຂະແໜງການສັງຄົມ, ເສດຖະກິດ, ສິ່ງແວດລ້ອມ ແລະ ໂຄງລ່າງພື້ນຖານທີ່ສໍາຄັນ ເປັນຕົ້ນ ທີ່ຢູ່ອາໄສ ແລະ ບ້ານເຮືອນຂອງປະຊາຊົນ, ເສັ້ນທາງ, ຂົວ, ຫ້ອງການຂອງລັດ, ໂຮງຮຽນ, ໂຮງໝໍ, ສຸກສາລາ, ແຫຼ່ງນໍ້າກິນ ນໍ້າໃຊ້, ພື້ນທີ່ການຜະລິດ,​ ສັນລ້ຽງ, ຊົນລະປະທານ, ອື່ນໆ. ຄວາມຕ້ອງການຮີບດ່ວນ ລວມມີ: ເຕັ້ນພັກຊົ່ວຄາວ, ເຄື່ອງອຸປະໂພກ-ບໍລິໂພກ ເປັນຕົ້ນ ອາຫານ, ນໍ້າດື່ມ, ເຄື່ອງໃຊ້ຄົວເຮືອນ, ເຄື່ອງນອນ, ເຮືອພ້ອມຄົນຂັບ ແລະ ງົບປະມານຮັບໃຊ້, ອື່ນໆ.

ຕໍ່ກັບສະພາບຜົນກະທົບ ແລະ ຄວາມເສຍຫາຍທີ່ເກີດຂຶ້ນນຈາກເຫດການໄພນໍ້າຖ້ວມໃນຄັ້ງນີ້, ອໍານາດການປົກຄອງ ແລະ ຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນທ້ອງຖິ່ນ ໄດ້ປະຕິບັດໃຫ້ການຊ່ວຍເຫຼືອສຸກເສີນທັນທີ ໂດຍໄດ້ນໍາໃຊ້ກໍາລັງແຮງຂອງພະນັກງານ, ທະຫານ, ຕໍາຫຼວດ, ແລະ ປະຊາຊົນພາຍໃນບ້ານ ປະຕິບັດການຍົກຍ້າຍ ທັງຄົນ ແລະ ຊັບສິນ ໄປບ່ອນທີ່ປອດໄພ, ຈັດສັນສະຖານທີ່ພັກເຊົາຊົ່ວຄາວ ແລະ ສະໜອງບັນເທົາທຸກສຸກເສີນຂັ້ນພື້ນຖານ ດ້ານເຄື່ອງອຸປະໂພກ-ບໍລິໂພກ ເປັນຕົ້ນ ອາຫານ, ນໍ້າດື່ມ, ເຄື່ອງໃຊ້ຄົວເຮືອນ, ຢາປົວພະຍາດ, ອື່ນໆ.

ເພື່ອຮັບປະກັນໃຫ້ແກ່ການປະຕິບັດຊ່ວຍເຫຼືອແກ້ໄຂສຸກເສີນໃຫ້ທັນການ ແລະ ມີປະສິດທິພາບ ປະສິດທິຜົນ, ໃນວັນທີ 5 ກັນຍາ 2019, ລັດຖະບານໄດ້ຈັດກອງປະຊຸມສຸກເສີນຂຶ້ນ ໂດຍການເປັນປະທານ ຂອງ ທ່ານ ນາຍົກລັດຖະມົນຕີ ແລະ ມີບັນດາຄະນະນໍາຈາກບັນດາກະຊວງໃນຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດເຂົ້າຮ່ວມ, ຊຶ່ງໄດ້ຊີ້ນໍາໃຫ້ບັນດາຂະແໜງການທີ່ກ່ຽວຂ້ອງ ຮີບຮ້ອນລົງໄປຊ່ວຍເຫຼືອຕາມພາລະບົດບາດໜ້າທີ່ຂອງຕົນ. ພ້ອມກັນນີ້ ຄະນະພັກ ຄະນະນໍາ ຂັ້ນສູນກາງ ນໍາໂດຍ ທ່ານ ນາຍົກ, ຮອງນາຍົກລັດຖະມົນຕີ ພ້ອມດ້ວຍຄະນະ ກໍ່ໄດ້ລົງໄປພື້ນທີ່ພາກສະໜາມຢູ່ບັນດາແຂວງທີ່ຖືກກະທົບ ເພື່ອຕິດຕາມ, ຊຸກຍູ້ການແກ້ໄຂສຸກເສີນ ແລະ ໃຫ້ກໍາລັງໃຈ, ຄວາມອົບອຸ່ນແກ່ປະຊາຊົນຜູ້ທີ່ໄດ້ຮັບຜົນກະທົບ ແລະ ພະນັກງານ, ນາຍ ແລະ ພົນທະຫານ, ຕໍາຫຼວດ ແລະ ພາກສ່ວນຕ່າງໆ ທີ່ປະຕິບັດໜ້າທີ່ກູ້ໄພ ແລະ ແກ້ໄຂສຸກເສີນ.

ສະເພາະການປະຕິບັດໃຫ້ການຊ່ວຍເຫຼືອ ຂອງ ຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ, ກະຊວງແຮງງານ ແລະ ສະຫວັດດີການສັງຄົມ ໃນນາມ ປະທານຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ ໂດຍໄດ້ຮັບການມອບໝາຍຂອງຂັ້ນເທິງ ກໍ່ໄດ້ປະສານງານຢ່າງໃກ້ຊິດກັບບັນດາແຂວງທີ່ຖືກກະທົບຈາກໄພພິບັດ ພ້ອມທັງໄດ້ປະຕິບັດໃຫ້ການຊ່ວຍເຫຼືອບັນເທົາທຸກສຸກເສີນ ເປັນຕົ້ນ ໄດ້ສົມທົບກັບກອງທັບ ນໍາໃຊ້ລົດ ແລະ ຍົນ ເພື່ອຈັດສົ່ງພາຫະນະ, ອຸປະກອນ ແລະ ເຄື່ອງຊ່ວຍເຫຼືອບັນເທົາທຸກສຸກເສີນ ໄປຊ່ວຍເຫຼືອປະຊາຊົນທີ່ຖືກກະທົບຢູ່ບັນດາແຂວງ ເຊັ່ນ: ເຮືອກູ້ໄພ ຈໍານວນ 39 ລໍາ ເພື່ອນໍາໃຊ້ເຂົ້າໃນການກູ້ໄພ ແລະ ຍົກຍ້າຍປະຊາຊົນ ພ້ອມທັງສັບສິນຂອງເຂົາເຈົ້າ; ເຕັ້ນນອນຄອບຄົວ 120 ຊຸດ; ນໍ້າດື່ມ 3 ພັນກວ່າແພັກ; ເຄື່ອງໃຊ້ຄົວເຮືອນ 300 ກວ່າຊຸດ; ໄດ້ນໍາໃຊ້ເງິນທີ່ລັດຖະບານຈັດສັນໃຫ້ຈໍານວນ 5 ຕື້ກີບ ນໍາໄປຊ່ວຍເຫຼືອ ແລະ ມອບໃຫ້ບັນດາແຂວງທີ່ຖືກກະທົບຈາກໄພພິບັດນໍ້າຖ້ວມໃນຄັ້ງນີ້ ລວມທັງ ໄດ້ມອບເງິນໃນບ້ວງກອງທຶນແຮນໍ້າມັນສຸກເສີນ ໃຫ້ແຂວງລະ 50 ລ້ານກີບ ເພື່ອນໍາໃຊ້ເຂົ້າໃນການບໍລິຫານ ຂົນສົ່ງເຄື່ອງຊ່ວຍເຫຼືອບັນເທົາທຸກໄປໃຫ້ຜູ້ປະສົບໄພພິບັດ.

ພ້ອມກັນນີ້,​ ໂດຍໄດ້ຮັບການມອບໝາຍຈາກລັດຖະບານ, ກະຊວງແຮງງານ ແລະ ສະຫວັດດີການສັງຄົມ ກໍ່ໄດ້ອອກແຈ້ງການລະດົມບໍລິຈາກນໍາສັງຄົມຜ່ານສື່ມວນຊົນ ຊຶ່ງໄດ້ເລີ່ມປະຕິບັດແຕ່ວັນທີ 7 ກັນຍາ 2019 ເປັນຕົ້ນມາ. ມາຮອດປະຈຸບັນ ກໍ່ໄດ້ມີຫຼາຍພາກສ່ວນທີ່ເຂົ້າມາໃຫ້ການຊ່ວຍເຫຼືອ ທັງເປັນເງິນ ແລະ ເຄື່ອງອຸປະໂພກ-ບໍລິໂພກ, ປະຈຸບັນ ໄດ້ຂົນສົ່ງເຄື່ອງອຸປະໂພກ-ບໍລິໂພກ ທີ່ໄດ້ຮັບບໍລິຈາກ ເປັນຕົ້ນ ເຂົ້າກິນ, ນໍ້າດື່ມ, ເຄື່ອງນຸ່ງຫົ່ມ, ເຄື່ອງນອນ, ເຄື່ອງ ໃຊ້ຄົວເຮືອນ, ອື່ນໆ ມູນຄ່າ 1 ຕື້ກີບ ນໍາໄປຊ່ວຍເຫຼືອຜູ້ປະສົບໄພພິບັດ ໃນບັນດາແຂວງຢູ່ພາກໄຕ້ແລ້ວ.

ໃນວັນທີ 11 ກັນຍາ 2019 ນີ້, ໂດຍການປະສານສົມທົບຂອງກະຊວງ ຮສສ, ກໍ່ຈະມີເຄື່ອງຊ່ວຍເຫຼືອບັນເທົາທຸກສຸກເສີນ ຈາກສູນປະສານງານຊ່ວຍເຫຼືອດ້ານມະນຸດສະທໍາອາຊຽນ ຫຼື ສູນອາຮາ ຈະຂົນສົ່ງເຄື່ອງມາດ້ວຍຍົນ ລົງສະໜາມບິນສາກົນປາກເຊ ເພື່ອນໍາເອົາເຄື່ອງຊ່ວຍເຫຼືອດັ່ງກ່າວ ຊ່ວຍເຫຼືອຜູ້ປະສົບໄພພິບັດ ຢູ່ບັນດາແຂວງທີ່ຖືກກະທົບຈາກໄພນໍ້າຖ້ວມ.

ປັດຈຸບັນ ຍັງມີເຄື່ອງອຸປະໂພກ-ບໍລິໂພກ ຈໍານວນໜຶ່ງ ຢູ່ສາງກະຊວງ ຮສສ ແລະ ກໍາລັງປະສານກັບກອງທັບ ເພື່ອນໍາສົ່ງເຄື່ອງດັ່ງກ່າວໄປເພື່ອຊ່ວຍເຫຼືອຜູ້ປະສົບໄພພິບັດ ເປັນຕົ້ນ ເຄື່ອງໃຊ້ຄົວເຮືອນ, ເຄື່ອງນຸ່ງຫົ່ມ, ເຄື່ອງນອນ, ເຄື່ອງໃຊ້ສ່ວນຕົວ, ເຕັ້ນນອນຄອບຄົວ, ອື່ນໆ.

ນອກຈາກນີ້, ກະຊວງ ຮສສ ຍັງໄດ້ຈັດຕັ້ງສູນປະສານງານສຸກເສີນຂື້ນ ຢູ່ກົມສັງຄົມສົງເຄາະ ກະຊວງ ຮສສ ພ້ອມທັງໄດ້ອອກແຈ້ງການເຖິງບັນດາແຂວງ ເພື່ອຈັດຕັ້ງສູນປະສານງານຊ່ວຍເຫຼືອສຸກເສີນຢູ່ຂັ້ນແຂວງ ແລະ ເມືອງ ເພື່ອປະຕິບັດໃຫ້ການຊ່ວຍເຫຼືອສຸກເສີນ. ທັງນີ້ ກໍ່ເພື່ອຮັບປະກັນໃຫ້ໄດ້ທາງດ້ານປະສິດທິພາບ ແລະ ປະສິດທິຜົນ ໃນການປະສານງານລວມສູນ ການຊ່ວຍເຫຼືອທັງໄລຍະສຸກເສີນ ແລະ ຟື້ນຟູຄືນຫຼັງໄພພິບັດ.

ສ່ວນບັນດາຂະແໜງການອື່ນໆ ໃນຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ ໂດຍໄດ້ຮັບການລາຍງານຂອງກອງເລຂາ ຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ ກໍ່ໄດ້ມີແຜນ ແລະ ດໍາເດີນໃຫ້ການຊ່ວຍເຫຼືອຢູ່ບັນດາແຂວງທີ່ຖືກກະທົບຈາກໄພພິບັດນໍ້າຖ້ວມ ເປັນຕົ້ນ ກະຊວງປ້ອງກັນປະເທດ ໄດ້ນໍາໃຊ້ກໍາລັງຫຼວງ ແລະ ກໍາລັງທ້ອງຖິ່ນ ພ້ອມທັງ ພາຫະນະຂົນສົ່ງ, ເຮືອກູ້ໄພ, ຍົນ ເຂົ້າຊ່ວຍເຫຼືອ; ກະຊວງປ້ອງກັນຄວາມສະຫງົບ ກໍ່ໄດ້ນໍາໃຊ້ທັງກໍາລັງ ແລະ ພາຫະນະ ຢູ່ສູນກາງ ແລະ ແຂວງ ເຂົ້າໄປຊ່ວຍເຫຼືອປ້ອງກັນເວນຍາມ, ການຮັກສາຄວາມສະຫງົບ ແລະ ຄວາມປອດໄພ ສິ່ງຂອງປະຊາຊົນ ລວມທັງ ການຊ່ວຍນໍາໃຊ້ລົດດັບເພີງເຂົ້າໄປລໍາລຽງນໍ້າໃຊ້ໃຫ້ປະຊາຊົນ ແລະ ຊ່ວຍອະນາໄມ; ກະຊວງ ສາທາລະນະສຸກ ກໍ່ໄດ້ຈັດສົ່ງກໍາລັງ ທີມງານແພດ ພ້ອມຢາປົວພະຍາດ ລົງໄປຊ່ວຍເຫຼືອ ແລະ ປະຈໍາຢູ່ບັນດາແຂວງທີ່ຖືກກະທົບ; ກະຊວງ ໂຍທາທິການ ແລະ ຂົນສົ່ງ ກໍ່ໄດ້ນໍາໄຊ້ກໍາລັງແຮງຂອງຕົນ ເຂົ້າໃນການສ້ອມແປງບັນດາເສັ້ນທາງ ແລະ ຂົວທີ່ຖືກເສຍຫາຍ ແລະ ຕັດຂາດ ໃຫ້ສາມາດນໍາໃຊ້ ເດີນທາງໄປມາໄດ້; ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ ກໍ່ໄດ້ຕິດຕາມສະພາບພະຍາກອນອາກາດ ແລະ ລະດັບນໍ້າ ຂື້ນລົງຢູ່ສາຍແມ່ນໍ້າຂອງ ແລະ ສາຂາຂອງແມ່ນໍ້າຂອງ ພ້ອມທັງໄດ້ອອກແຈ້ງຂ່າວເຕືອນໄພ ເປັນແຕ່ລະໄລຍະ ໃນແຕ່ລະວັນ; ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ກໍ່ໄດ້ປະສານ ແລະ ສົ່ງທີມງານຂ່າວ ລົງໄປຕິດຕາມສະພາບ ແລະ ເຮັດການລາຍງານຂ່າວ ໃນແຕ່ລະໄລຍະ ຂອງ ແຕ່ລະວັນ ລວມທັງ ການຕິດຕາມຄະນະພັກ ຄະນະນໍາ ທີ່ລົງໄປເຄື່ອນໄຫວຕິດຕາມ ແລະ ຊຸກຍູ້ໃຫ້ກໍາລັງໃຈ ຢູ່ບັນດາແຂວງທີ່ຖືກກະທົບຈາກໄພພິບັດ; ອົງການຊາວໜຸ່ມ ແລະ ແມ່ຍິງ ກໍ່ໄດ້ຈັດສົ່ງກໍາລັງ ແລະ ທີມງານ ທັງຢູ່ ສູນກາງ ແລະ ທ້ອງຖິ່ນ ເຂົ້າໄປຊ່ວຍເຫຼືອ; ຂະແໜງການອື່ນໆ ກໍ່ໄດ້ລົງໄປຊຸກຍູ້ ປະຕິບັດໃຫ້ການຊ່ວຍເຫຼືອຕາມບົດບາດ ແລະ ໜ້າທີ່ຂອງຕົນ ຢ່າງຕັ້ງໜ້າ ແລະ ມີຄວາມຮັບຜິດຊອບ.

ມາດຕະການຈັດຕັ້ງປະຕິບັດໃນຕໍ່ໜ້າ: ສືບຕໍ່ການຕິດຕາມພະຍາກອນ ແລະ ແຈ້ງຂ່າວເຕືອນໄພລ່ວງໜ້າໃຫ້ທັນເວລາ ນໍາໃຊ້ເຄື່ອງມືທີ່ມີຢູ່; ສືບຕໍ່ປະສານ ປະຕິບັດໃຫ້ການຊ່ວຍເຫຼືອສຸກເສີນ ແລະ ຟື້ນຟູຮີບດ່ວນ ລວມທັງ ການສົ່ງທີມປະເມີນສຸກເສີນ ເພື່ອເຮັດການປະເມີນຄວາມເສຍຫາຍ ແລະ ຄວາມຕ້ອງການ ເພື່ອສ້າງແຜນຊ່ວຍເຫຼືອ ແລະ ຟື້ນຟູຄືນຫຼັງໄພພິບັດ; ເລັ່ງສືບຕໍ່ ສ້ອມແປງສິ່ງອໍານວຍຄວາມສະດວກ ແລະ ສະຖານທີ່ບໍລິການ ເປັນຕົ້ນ​ ເສັ້ນທາງ, ຂົວ, ໄຟຟ້າ, ນໍາປະປາ, ແຫຼ່ງນໍ້າກິນ ນໍ້າໃຊ້, ໂຮງຮຽນ, ໂຮງໝໍ, ສຸກສາລາ, ອື່ນໆ; ຮັບປະກັນໃຫ້ຜູ້ປະສົບໄພພິບັດ ທີ່ອາໃສຢູ່ສູນພັກເຊົາ ໄດ້ເຂົ້າເຖິງປັດໄຈ ອາຫານ, ນໍ້າດື່ມ, ການຢູ່ກິນທີ່ປອດໄພ, ສຸຂະອານາໄມ, ສຸຂະພາບ, ອື່ນໆ; ສືບຕໍ່ນໍາໃຊ້ກໍາລັງແຮງ ຂອງ ກອງທັບ, ຕໍາຫຼວດ, ຊ່າວໜຸ່ມ, ແມ່ຍິງ, ກາແດງ, ອາສາສະໝັກ, ອື່ນໆ ເພື່ອປະຕິບັດໃຫ້ການຊ່ວຍເຫຼືອສຸກເສີນ ແລະ ຟື້ນຟູຫຼັງໄພພິບັດ; ການຂໍນໍາໃຊ້ເຂົ້າສານໃນຂອບໂຄງການ ອາຊຽນບວກສາມ, ລວມທັງ ເຂົ້າໃນຄັງສະສົມ ຂອງກະຊວງການເງິນ ສະເໜີໃຫ້ປະສານກັນລະອຽດ ລວມທັງ ການມອບໂອນໂຄງການຄັງແຮເຂົ້າ ລະຫວ່າງ ກະຊວງ ການເງິນ ໃຫ້ ກະຊວງ ຮສສ.

Advertisement Replay Ad

ຂໍຂອບໃຈ

ຂໍ້ມູນ : ກະຊວງແຮງງານ ແລະ ສະຫວັດດີການສັງຄົມ

ຈຳປາສັກ ໄດ້ຮັບທຶນຊ່ວຍເຫຼືອຈາກ ຫວຽດນາມ ມູນຄ່າ 3 ຕື້ກວ່າກີບ ນຳໃຊ້ເຂົ້າໃນການກໍ່ສ້າງໂຮງຮຽນ

ຈຳປາສັກ ໄດ້ຮັບທຶນຊ່ວຍເຫຼືອຈາກ ຫວຽດນາມ ມູນຄ່າ 3 ຕື້ກວ່າກີບ ນຳໃຊ້ເຂົ້າໃນການກໍ່ສ້າງໂຮງຮຽນ

ປະທານສະພາແຫ່ງຊາດ ຢ້ຽມຢາມຜູ້ປະສົບໄພນໍ້າຖ້ວມຢູ່ສະຫວັນນະເຂດ ພ້ອມມອບເງິນຊ່ວຍເຫຼືອ

ປະທານສະພາແຫ່ງຊາດ ຢ້ຽມຢາມຜູ້ປະສົບໄພນໍ້າຖ້ວມຢູ່ສະຫວັນນະເຂດ ພ້ອມມອບເງິນຊ່ວຍເຫຼືອ

ຈຳນວນຜູ້ໂດຍສານຜ່ານສະໜາມບິນສາກົນຮົງກົງ ຫຼຸດລົງເປັນຈຳນວນຫຼາຍ ທ່າມກາງການປະທ້ວງລັດຖະບານ

ຈຳນວນຜູ້ໂດຍສານຜ່ານສະໜາມບິນສາກົນຮົງກົງ ຫຼຸດລົງເປັນຈຳນວນຫຼາຍ ທ່າມກາງການປະທ້ວງລັດຖະບານ

ເຜີຍ 13 ແນວທາງຂອງລັດຖະບານ ເພື່ອແກ້ໄຂບັນຫາໄພພິບັດຫຼັງນໍ້າຫຼຸດລົງ

ເຜີຍ 13 ແນວທາງຂອງລັດຖະບານ ເພື່ອແກ້ໄຂບັນຫາໄພພິບັດຫຼັງນໍ້າຫຼຸດລົງ

6 ເດືອນຕົ້ນປີ ເຊກອງສົ່ງອອກມັນຕົ້ນ ລວມມູນຄ່າ 9 ຕື້ກວ່າກີບ

6 ເດືອນຕົ້ນປີ ເຊກອງສົ່ງອອກມັນຕົ້ນ ລວມມູນຄ່າ 9 ຕື້ກວ່າກີບ

"ປີ້ງໄກ່" ອາຫານລາວຈານໃໝ່ຂອງທ່ານທູດຍີ່ປຸ່ນປະຈຳລາວ

"ປີ້ງໄກ່" ອາຫານລາວຈານໃໝ່ຂອງທ່ານທູດຍີ່ປຸ່ນປະຈຳລາວ

ລາວຕິດອັນດັບ 8 ຂອງໂລກ ປະເທດທີ່ມີເນື້ອທີ່ປ່າປົກຫຸ້ມຫຼາຍທີ່ສຸດ

ລາວຕິດອັນດັບ 8 ຂອງໂລກ ປະເທດທີ່ມີເນື້ອທີ່ປ່າປົກຫຸ້ມຫຼາຍທີ່ສຸດ

ສະຫຼົດໃຈ! ໜຸ່ມລາວນັ່ງຖ້າພໍ່ແມ່ເຮັດວຽກໃນສວນຢາງຢູ່ປະເທດໄທ ຖືກຊ້າງປ່າຢຽບເສຍຊີວິດ

ສະຫຼົດໃຈ! ໜຸ່ມລາວນັ່ງຖ້າພໍ່ແມ່ເຮັດວຽກໃນສວນຢາງຢູ່ປະເທດໄທ ຖືກຊ້າງປ່າຢຽບເສຍຊີວິດ

ເມືອງໄຊ ລົງກວດກາ ແລະ ທຳລາຍໝູທີ່ຕິດເຊື້ອພະຍາດອະຫິວາໝູອາຟຣິກາ ເພື່ອບໍ່ໃຫ້ພະຍາດແຜ່ລາມ

ເມືອງໄຊ ລົງກວດກາ ແລະ ທຳລາຍໝູທີ່ຕິດເຊື້ອພະຍາດອະຫິວາໝູອາຟຣິກາ ເພື່ອບໍ່ໃຫ້ພະຍາດແຜ່ລາມ

ສະຫະລັດອາເມລິກາ ໃຫ້ການຊ່ວຍເຫຼືອຜູ້ປະສົບໄພນ້ຳຖ້ວມຢູ່ພາກໃຕ້ຂອງລາວກວ່າ 800 ລ້ານກີບ

ສະຫະລັດອາເມລິກາ ໃຫ້ການຊ່ວຍເຫຼືອຜູ້ປະສົບໄພນ້ຳຖ້ວມຢູ່ພາກໃຕ້ຂອງລາວກວ່າ 800 ລ້ານກີບ

ລາຊິນີແຫ່ງມາເລເຊຍ ບໍ່ພໍໃຈທີ່ຕຳຫຼວດຈັບປະຊາຊົນຜູ້ວິຈານຕົນ ພ້ອມບອກ “ທີ່ນີ້ເປັນປະເທດເສລີ”

ລາຊິນີແຫ່ງມາເລເຊຍ ບໍ່ພໍໃຈທີ່ຕຳຫຼວດຈັບປະຊາຊົນຜູ້ວິຈານຕົນ ພ້ອມບອກ “ທີ່ນີ້ເປັນປະເທດເສລີ”

10 ອັນດັບ ປະເທດທີ່ລະບົບສຸຂະພາບດີທີ່ສຸດໃນໂລກ ປະຈຳປີ 2019

10 ອັນດັບ ປະເທດທີ່ລະບົບສຸຂະພາບດີທີ່ສຸດໃນໂລກ ປະຈຳປີ 2019

ລະບົບໄຟຟ້າແຂວງຄຳມ່ວນ ເສຍຫາຍກວ່າ 300 ລ້ານກີບ ຈາກພາຍຸໂພດູນ

ລະບົບໄຟຟ້າແຂວງຄຳມ່ວນ ເສຍຫາຍກວ່າ 300 ລ້ານກີບ ຈາກພາຍຸໂພດູນ

ສາລະວັນ ກຽມລົງມືກໍ່ສ້າງສະຖານີຂົນສົ່ງໂດຍສານຫຼັງໃໝ່

ສາລະວັນ ກຽມລົງມືກໍ່ສ້າງສະຖານີຂົນສົ່ງໂດຍສານຫຼັງໃໝ່

ລັດຖະບານອັງກິດ ຈະໃຫ້ນັກສຶກສາຕ່າງປະເທດຢູ່ຫາວຽກເຮັດໃນປະເທດໄດ້ 2 ປີຫຼັງຮຽນຈົບ

ລັດຖະບານອັງກິດ ຈະໃຫ້ນັກສຶກສາຕ່າງປະເທດຢູ່ຫາວຽກເຮັດໃນປະເທດໄດ້ 2 ປີຫຼັງຮຽນຈົບ

ສະຫະພາບເອີຣົບ ຊ່ວຍເຫຼືອພັດທະນາການສຶກສາຂອງ ສປປ ລາວກວ່າ 67 ຕື້ກີບ

ສະຫະພາບເອີຣົບ ຊ່ວຍເຫຼືອພັດທະນາການສຶກສາຂອງ ສປປ ລາວກວ່າ 67 ຕື້ກີບ

ໂຖສ້ວມຄຳ ມູນຄ່າຫຼາຍກວ່າ 10 ຕື້ກີບ ຖືກລັກອອກຈາກວັງເບລນນິມ ໃນອັງກິດ

ໂຖສ້ວມຄຳ ມູນຄ່າຫຼາຍກວ່າ 10 ຕື້ກີບ ຖືກລັກອອກຈາກວັງເບລນນິມ ໃນອັງກິດ

ລາວ-ລຸກຊໍາ​ບວກ ຖື​ເອົາ​ການ​ສຶກສາ​ເປັນເສົາ​ຫຼັກ​ໃນ​ການ​ພັດທະນາ​​ກົດໝາຍ​

ລາວ-ລຸກຊໍາ​ບວກ ຖື​ເອົາ​ການ​ສຶກສາ​ເປັນເສົາ​ຫຼັກ​ໃນ​ການ​ພັດທະນາ​​ກົດໝາຍ​

ກຽມພັດທະນາພື້ນທີ່ບໍລິເວນສະໜາມກີລາແຫ່ງຊາດ ເປັນວິທະຍາໄລເຕັກນິກການລົດໄຟ

ກຽມພັດທະນາພື້ນທີ່ບໍລິເວນສະໜາມກີລາແຫ່ງຊາດ ເປັນວິທະຍາໄລເຕັກນິກການລົດໄຟ

ນັກວິໄຈພົບ ໂຄງກະດູກ "ຄູ່ຮັກແຫ່ງໂມເດນາ" ຖືກຝັງໂດຍຈັບມືກັນ ຄວາມຈິງແມ່ນເປັນເພດຊາຍທັງສອງ

ນັກວິໄຈພົບ ໂຄງກະດູກ "ຄູ່ຮັກແຫ່ງໂມເດນາ" ຖືກຝັງໂດຍຈັບມືກັນ ຄວາມຈິງແມ່ນເປັນເພດຊາຍທັງສອງ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ