ວັນເສົາ ທີ 6 ມິຖຸນາ 2020

"ອາລີບາບາ ກຣຸບ" ບໍ່ສະດຸດ ເຖິງວ່າ "ແຈັກ ໝ່າ" ກຽມອຳລາຕຳແໜ່ງບໍລິຫານ

"ອາລີບາບາ ກຣຸບ" ບໍ່ສະດຸດ ເຖິງວ່າ "ແຈັກ ໝ່າ" ກຽມອຳລາຕຳແໜ່ງບໍລິຫານ
S! Muan

ສະໜັບສະໜູນເນື້ອຫາ

10 ກັນຍາ 2019 ເປັນ​ວັນເກີດ​ຄົບ​ຮອບ 55 ປີ​ຂອງ '' ມະຫາ​ເສດຖີ​ຜູ້​ຮ່ວມ​ກໍ່​ຕັ້ງກຸ່ມ​ອາ​ລີ​ບາ​ບາ ທຸລະກິດ​ອີ​ຄອມ​ເມີສລາຍ​ໃຫຍ່​ຂອງ​ຈີນ ແລະ ​ຈະ​ເປັນ​ວັນທີ່ທ່ານ​ສະຫຼະ​ຕຳແໜ່ງ​ປະ​ທານ​ບໍລິຫານ​ໃຫ້​ແກ່ 'ແດ​ນຽລ ຈາງ' ຮອງ​ປະ​ທານ ແລະ ​ຜັນໂຕ​ໄປ​ເຮັດວຽກ​ການ​ກຸ​ສົນ​ຕາມ​ຮອຍ 'ບິລ ເກດ'.

ແຈັກ ໝ່າ ປະ​ກາດ​ໄວ້​ລ່ວງ​ໜ້າ​ຕັ້ງ​ແຕ່​ປີ​ກ່ອນ​ວ່າ ທ່ານ​ຈະ​ກ້າວ​ລົງ​ຈາກ​ຕຳແໜ່ງ​ປະ​ທານ​ບໍລິຫານກຸ່ມ​ອາ​ລີ​ບາ​ບາ​ໃນ​ວັນເກີດ​ປີ​ນີ້ ແຕ່​ຈະ​ຍັງ​ດຳ​ລົງ​ຕຳແໜ່ງ​ທີ່​ປຶກ​ສາ​ໃຫ້​ກັບ​ຄະນະ​ກຳມະການ​ບໍລິຫານ​ຕໍ່ໄປ. ພ້ອມ​ລະ​ບຸອີກ​ວ່າ ​ຈະ​ນຳ​ຊັບ​ສິນ​ປະ​ມານ 41,000 ລ້ານໂດລາໄປ​ໃຊ້​ໃນ​ໂຄງ​ການ​ສົ່ງ​ເສີມ​ດ້ານ​ການສຶກສາ ເພື່ອ​ຕາມ​ຮອຍ 'ບິລ ເກດ' ມະຫາ​ເສດຖີ​ຜູ້​ກໍ່​ຕັ້ງ​ໄມ​ໂຄຣ​ຊອ​ຟ​ ຊຶ່ງ​ຜັນໂຕ​ໄປ​ເຮັດວຽກ​ການ​ກຸ​ສົນ ແລະ ​ເປັນ​ຜູ້​ທີ່​ໝ່າ​ ນິຍົມຊົມຊອບມາ​ຕະຫຼອດ.

ນິກ​ເຄ​ອິ ເອ​ຊຽນ ຣີ​ວິວ ສື່​ສາຍ​ເສດຖະກິດ​ຂອງ​ຍີ່​ປຸ່ນ ລາຍ​ງານ​ວ່າ ຕາມ​ປົກກະຕິ​ແລ້ວ ຂ່າວ​ຄາວ​ການ​ປ່ຽນໂຕ​ຜູ້​ບໍລິຫານ​ລະດັບສູງ​ຂອງ​ບໍລິສັດ​ໃຫຍ່​ໆ ມັກ​ສົ່ງ​ຜົນ​ກະທົບ​ຮຸນແຮງ​ໃນ​ຕະຫຼາດ​ຫຼັກ​ຊັບ ແຕ່​ກໍລະນີ​ຂອງ​ອາ​ລີ​ບາ​ບາ​ບໍ່​ປະ​ສົບ​ກັບ​ບັນຫາ​ນີ້ ເພາະ​ຫຸ້ນ​ຂອງ​ກຸ່ມ​ບໍລິສັດ​ອາ​ລີ​ບາ​ບາ​ໃນສະຫະລັດ ຕົກລົງ​ພຽງ 0.24 ຈຸດ​ເມື່ອ​ວັນທີ 5 ກັນຍາຊຶ່ງ​ມີ​ຂ່າວ​ອອກ​ມາ​ຮອບທຳອິດ ຫຼັງ​ຈາກ​ນັ້ນ​ກໍ​ກັບ​ມາ​ຢູ່ໃນ​ພາ​ວະ​ປົກກະຕິ. 

ນອກ​ຈາກ​ນີ້ ກ່ອນ​ທີ່​ໝ່າ​ຈະ​ກ້າວ​ລົງ​ຈາກ​ຕຳແໜ່ງ​ພຽງ​ບໍ່ເທົ່າໃດ​ມື້ ອາ​ລີ​ບາ​ບາ ກຣຸບ ໂຮນ​ດິງ ຫາກໍ່​ລົງ​ນາມ​ໃນ​ສັນຍາ​ຊື້​ຫຸ້ນ​ມູນ​ຄ່າ ປະມານ 2,000 ລ້ານໂດລາຂ​ອງ 'ໂຄ​ອາ​ລ່າ​ດອດ​ຄອມ' (koala.com) ບໍລິສັດ​ຜູ້​ໃຫ້​ບໍລິການ​ດ້ານ​ອີ​ຄອມ​ເ​ມີສໃນ​ກຸ່ມ 'ເນັດ​ອີສ' (NetEase) ຊຶ່ງ​ເຕີບໂຕ​ຈາກ​ທຸລະກິດ​ເກມ​ຄອມພິວເຕີ ແລະ​ ແຕກສາຍ​ໄປ​ຍັງ​ທຸລະກິດ​ອີ​ຄອມ​ເມີສ​ຄ້າຍ່ອຍ ​ທີ່​ເປັນລາຍ​ໃຫຍ່​ອີກ​ແຫ່ງ​ໜຶ່ງ​ຂອງ​ຈີນ ໂດຍ​ການ​ເຂົ້າ​ຖື​ຄອງ​ຫຸ້ນ​ຂອງ​ໂຄ​ອາ​ລ່າ​ຈະ​ເຮັດໃຫ້​ອາ​ລີ​ບາ​ບາ​ມີ​ຄວາມ​ເຂັ້ມແຂງ​ດ້ານ​ທຸລະກິດ​ເພີ່ມ​ຍິ່ງ​ຂຶ້ນ ຖິ້ມ​ຫ່າງ​ຈາກ​ບໍລິສັດ​ຄູ່​ແຂ່ງ​ຢ່າງ​ເຈ​ດີ​.ຄອມ.

ຂະນະ​ດຽວ​ກັນ ສຳ​ນັກ​ຂ່າວ​ເອ​ເອ​ຟ​ພີ​ຄາດ​ວ່າ​ການ​ປ່ຽນ​ຜ່ານ​ຕຳແໜ່ງ​ປະ​ທານ​ບໍລິຫານ​ຂອງ​ອາ​ລີ​ບາ​ບາ​ຈະ​ດຳ​ເນີນ​ໄປ​ຢ່າງ​ສະດວກດີ ແລະ ​ເປີດ​ທາງ​ໃຫ້​ໝ່າ​ໄດ້​ກັບ​ໄປ​ເຮັດວຽກ​ທີ່​ຕົນເອງ​ຮັກ ນັ້ນ​ກໍ​ຄື​ວຽກສົ່ງ​ເສີມ​ການສຶກສາ​ ແລະ ​ການ​ພັດທະນາ​ຄວາມ​ຮູ້ ເນື່ອງ​ຈາກ​ໝ່າ​ເຄີຍ​ເປັນ​ຄູສອນພາສາ​ອັງ​ກິດ​ມາ​ກ່ອນທີ່ຈະ​ຜັນໂຕ​ເປັນ​ນັກ​ທຸລະກິດ​ຜູ້​ກໍ່​ຕັ້ງ​ອາ​ລີ​ບາ​ບາ. 

ສ່ວນ 'ເຈ​ຟ​ຟ​ຣີ​ ທາວ​ສັນ' ຜູ້​ຊ່ຽວ​ຊານ​ດ້ານ​ເສດຖະ​ສາດ ​ແລະ​ ການ​ລົງ​ທຶນ​ປະຈຳ​ມະຫາ​ວິທະຍາໄລ​ປັກ​ກິ່ງ​ຂອງ​ຈີນ ບອກ​ກັບ​ສຳ​ນັກ​ຂ່າວ​ເອ​ເອ​ຟ​ພີ​ວ່າ ໝ່າ​ປະ​ສົບ​ຄວາມ​ສຳ​ເລັດ​ດ້ານ​ການ​ບໍລິຫານ​ ແລະ ​ປ່ຽນ​ຜ່ານ​ອົງ​ກອນ​ດີກ​ວ່າ ສະ​ຕີ​ຟ ຈັອບ​ ຜູ້​ຮ່ວມ​ກໍ່​ຕັ້ງ​ແອັບ​ເປິນ, ເຈີຣີ ຢາງ ຜູ້​ຮ່ວມ​ກໍ່​ຕັ້ງ​ຢາ​ຮູ ຫຼື ກະທັ້ງ 'ບິລ ເກດ' ຕອນ​ທີ່​ປະ​ກາດ​ອຳ​ລາ​ຕຳແໜ່ງ​ໃນ​ໄມ​ໂຄຣ​ຊອ​ຟ ເພາະ​ທັງ​ສາມ​ຄົນ​ເຮັດໃຫ້​ອົງ​ກອນ​ຢຶດ​ຕິດ ​ແລະ ເພິ່ງ​ພາກັບ​ຜູ້​ນຳ​ອົງ​ກອນ​ຫຼາຍ​ຈົນ​ເກີນ​ໄປ.

ທາວ​ສັນ​ລະ​ບຸ​ວ່າ ໝ່າ​ມີ​ຈຸດ​ແຂງ​ທີ່​ການ​ສົ່ງ​ເສີມ​ບັນ​ຍາ​ກາດ​ສ້າງສັນ​ ແລະ ​ການ​ຄິດ​ຄົ້ນ​ນະ​ວັດຕະ​ກຳ​ພາຍ​ໃນ​ອົງກອນ​ຢູ່​ສະເໝີ ແລະ​ ທ່ານ​ຍັງ​ທຳລາຍ​ພາ​ບລັກ​ເຄ່ງ​ຂຶມ​ຈິງ​ຈັງ​ທີ່​ເຄີຍ​ເປັນ​ພາບຈື່​ຈຳ​ຂອງ​ຂອງ​ຊີ​ອີ​ໂອ​ບໍລິສັດ​ໃຫຍ່​ໆ ໃນ​ຈີນ​ກ່ອນ​ໜ້າ​ນີ້​ດ້ວຍ​ການ​ແຕ່ງ​ເປັນ 'ໄມ​ເຄິນ ແຈັກ​ສັນ' ຂຶ້ນ​ໄປ​ຮ້ອງ​ເພງ​ເທິງ​ເວ​ທີ​ໃນ​ງານ​ປະ​ຊຸມ​ໃຫຍ່​ຂອງ​ບໍລິສັດ​ເມື່ອ 2 ປີກ່ອນອີກດ້ວຍ.

ທັງ​ນີ້ ໝ່າ​ກໍ່​ຕັ້ງ​ອາ​ລີ​ບາ​ບາ​ເມື່ອ​ປີ 1999 ດ້ວຍ​ເງິນ​ລົງ​ທຶນ​ທີ່​ກູ້​ຢືມ​ມາ​ຈາກ​ໝູ່ເພື່ອນ 60,000 ໂດລາ ຈົນກະທັ້ງ 'ອາ​ລີ​ບາ​ບາ ກຣຸບ' ກາຍ​ເປັນ​ກຸ່ມ​ບໍລິສັດ​ທີ່​ມີລາຍ​ໄດ້​ຫຼາຍກວ່າ 750 ລ້ານໂດລາຕໍ່​ມື້​ໃນ​ປັດຈຸບັນ ທັງ​ຍັງ​ໄດ້ຮັບ​ການ​ຍ້ອງຍໍ​ວ່າ ​ເປັນ​ທຸລະກິດ​ທີ່​ສົ່ງ​ເສີມ​ກາ​ນບໍລິໂພກ​ພາຍ​ໃນ​ປະເທດ ສອດ​ຄ່ອງ​ກັບ​ນະໂຍບາຍ​ຂອງ​ລັດຖະບານ​ຈີນ​ຊຸດ​ນີ້​ທີ່​ຕ້ອງ​ການ​ໃຫ້​ທຸລະກິດ​ໃນ​ປະເທດ​ເພິ່ງ​ພາໂຕ​ເອງ​ໄດ້​ໂດຍ​ບໍ່​ຕ້ອງ​ຂຶ້ນ​ຢູ່​ກັບ​ການ​ນຳ​ເຂົ້າ​ ຫຼື ສົ່ງ​ອອກ. 

ເມື່ອ​ປີ​ກ່ອນ ໝ່າ​ປະ​ກາດ​ເອົາ​ໄວ້​ຢ່າງ​ຊັດເຈນ​ວ່າ​ທ່ານ​ຈະ​ວາງ​ມື​ຈາກ​ຕຳແໜ່ງ​ນີ້ ພ້ອມ​ທັງ​ເປີດ​ທາງ​ໃຫ້ 'ແດ​ນຽລ ຈາງ' ຮອງ​ປະ​ທານ​ຄົນ​ປັດຈຸບັນຄ່ອຍ​ໆເຂົ້າ​ມາ​ແທນ​ທີ່ ແລະ​ຮັບ​ຕຳແໜ່ງ​ປະ​ທານ​ບໍລິຫານ​ທັນ​ທີ​ທີ່​ໝ່າ​ອຳ​ລາ​ຕຳແໜ່ງ​ຢ່າງ​ເປັນ​ທາງ​ການ. ​ສ່ວນ 'ໂຈ​ເຊ​ຟ ໄຊ່' ຜູ້​ຮ່ວມ​ກໍ່​ຕັ້ງ​ອາ​ລີ​ບາ​ບາ​ອີກລາຍ ຈະ​ເຂົ້າ​ຮັບ​ຕຳແໜ່ງ​ຮອງ​ປະ​ທານ​ແທນ​ຈາງ.

ຢ່າງໃດ​ກໍ​ຕາມ ທຸລະກິດ​ອີ​ຄອມ​ເມີສ​ໃນ​ກຸ່ມ​ອາ​ລີ​ບາ​ບາ ກຣຸບ ຖືກ​ວິ​ພາກ​​ວິ​ຈານ​ວ່າ ​ເປັນໂຕ​ກະຕຸ້ນ​ໃຫ້​ປາກົດ​ກາ​ນ​ວັດ​ຖຸ​ນິຍົມ​ ແລະ ​ບໍລິ​ໂພກ​ນິຍົມ ທັງ​ຍັງ​ເປັນໂຕ​ການເຮັດໃຫ້​ເກີດ​ບັນຫາ​ຂີ້ເຫຍື້ອ​ທົ່ວ​ປະເທດ​ຈີນ ເນື່ອງ​ຈາກ​ປະຊາຊົນ​ຈຳນວນ​ຫຼາຍ​ມຸ່ງ​ຊື້​ຫາ​ສິນ​ຄ້າ​ອຸປະໂພກ-ບໍລິ​ໂພກຈຳນວນ​ຫຼາຍ​ທີ່​ຈັດ​ໂປຣ​ໂມ​ຊັນ​ສົ່ງ​ເສີມ​ການ​ຂາຍ​ທາງ​ສື່​ອອນ​ລາຍຢູ່​ຕະຫຼອດ​ເວລາ ແລະ​ ກາ​ນບໍລິ​ໂພກ​ສິນ​ຄ້າ​ເຫຼົ່າ​ນີ້​ເຮັດໃຫ້​ຕ້ອງ​ມີ​ການ​ບັນ​ຈຸ​ຫີບ​ຫໍ່​ ແລະ ​ການ​ແຂ່ງ​ຂັນ​ດ້ານ​ການ​ຂົນ​ສົ່ງ ຊຶ່ງ​ເຖິງວ່າ​ຈະ​ເປັນ​ການ​ກະຕຸ້ນ​ເສດຖະກິດ ແຕ່​ກໍ​ກາຍ​ເປັນ​ຕົ້ນ​ທຶນ​ທີ່​ລັດຖະບານ ​ແລະ ​ສັງຄົມ​ຈີນ​ຕ້ອງ​ແບກ​ຮັບ​ພາລະ​ໃນ​ການ​ບໍລິຫານ​ຈັດການ​ຜົນ​ກະທົບ​ທີ່​ຕິດ​ຕາມ​ມາ​ໃນ​ອະນາຄົດ.

Advertisement Replay Ad

ຂໍຂອບໃຈ

ຂໍ້ມູນ : Voice TV , AFP , CNA , Nikkei Asian Review

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

"ທ່ານໝໍນຸ້ຍ" ທຸ້ມເທກາຍ ແລະ ໃຈ ໃນການປະຕິບັດໜ້າທີ່ ສູ້ກັບໂຄວິດ-19

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

ສົມຫວັງ ໄຊສັກດີ ມືລະນາດວົງຕິ່ງນ່ອຍໆ ຄິດໄກກວ່າການຫຼິ້ນດົນຕີລາວເດີມ!

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

"ຂ້ອຍເຄີຍຖືກເຂົາເວົ້າໃຫ້ວ່າຂີ້ລ້າຍ" ເລື່ອງລາວການຖືກຂົ່ມເຫງ ບັນຫາທີ່ຝັງຮາກເລິກໃນສັງຄົມລາວ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ບາງຂໍ້ກົດໝາຍທີ່ຄູ່ຜົວເມຍຄວນຮູ້ ກ່ອນທີ່ຈະຕັດສິນໃຈໄປມີເລັກມີນ້ອຍ

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ຄວນຢຸດໄດ້ແລ້ວ ຄອມເມັ້ນ "ສົນໃຈເດີ" ຖ້າຢາກໄດ້ວຽກ ຢ່າເຮັດ!

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ລົດໜັກພາຂົວຫັກ: ຂົວນໍ້າພະນາຍ ບ້ານເກິນຫັກ ກະທົບການສັນຈອນ

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ຢາກເດີນທາງເຂົ້າ-ອອກລາວຕ້ອງເຮັດແນວໃດ? ນີ້ແມ່ນທຸກຢ່າງທີ່ເຈົ້າຕ້ອງຮູ້ໄວ້

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ທຸກຢ່າງທີ່ຜູ້ອອກແຮງງານຕ້ອງຮູ້ ກ່ຽວກັບມາດຕະການດ້ານແຮງງານໃນໄລຍະ ແລະ ຫຼັງການລະບາດຂອງໂຄວິດ-19

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ນີ້ແມ່ນກົນໂກງຂອງແມ່ຫວຍອອນລາຍ ໃຊ້ຕົວະຕົ້ມເອົາເງິນຂອງລູກຫວຍຫຼາຍກວ່າ 1,500 ລ້ານກີບ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ສະຫຼຸບເຫດການ ຊາຍຜິວດຳຢູ່ສະຫະລັດເສຍຊີວິດຫຼັງຖືກຕຳຫຼວດຈັບກຸມ ຈົນກາຍເປັນກະແສໄປທົ່ວໂລກ

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ໂຄວິດ-19 ມີຜົນກະທົບແນວໃດ ຕໍ່ການປ່ຽນແປງດິນຟ້າອາກາດ?

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ