ວັນອາທິດ ທີ 18 ເມສາ 2021

ຖະແຫຼງລາຍລະອຽດ ການຈັບກຸມຜູ້ກໍ່ເຫດຄາດຕະກຳພະນັກງານອົງການໄອຍະການ ແຂວງຄຳມ່ວນ

ຖະແຫຼງລາຍລະອຽດ ການຈັບກຸມຜູ້ກໍ່ເຫດຄາດຕະກຳພະນັກງານອົງການໄອຍະການ ແຂວງຄຳມ່ວນ

ໃນຕອນເຊົ້າຂອງວັນທີ 19 ສິງຫາ 2019 ທ່ານ ພັນເອກ ວັນໄຊ ລີໄຊຍະລາດ ຮອງຫົວໜ້າກອງບັນຊາການ ປກສ ແຂວງສະຫວັນນະເຂດ ໄດ້ຖະແຫຼງຂ່າວກ່ຽວກັບການຈັບກຸມຄົນຮ້າຍທີ່ໃຊ້ອາວຸດສົງຄາມຄາດຕະກຳພະນັກງານອົງການໄອຍະການປະຊາຊົນເຂດ 1 ແຂວງຄຳມ່ວນ ໃນຄັ້ງວັນທີ 14 ສິງຫາ 2019 ທີ່ຜ່ານມາ. ເຂົ້າຮ່ວມໃນການຖະແຫຼງຂ່າວຄັ້ງນີ້ມີ ທ່ານ ພັນໂທ ຄຳສີ ທູນທະວົງສັກ ຫົວໜ້າຫ້ອງຕຳຫຼວດ ປກສ ແຂວງສະຫວັນນະເຂດ ແລະ ທ່ານ ພັນໂທ ສຸລິພົນ ສົມບັດຖາວອນ ຫົວໜ້າຫ້ອງຕຳຫຼວດ ປກສ ແຂວງຄຳມ່ວນ ເຊິ່ງລາຍລະອຽດ ທ່ານ ພັນເອກ ວັນໄຊ ລີໄຊຍະລາດ ຮອງຫົວໜ້າກອງບັນຊາການ ປກສ ແຂວງສະຫວັນນະເຂດ ໄດ້ຖະແຫຼງການວ່າ ເຫດເກີດໃນເວລາ 08:05 ໂມງ ຂອງວັນທີ 14 ສິງຫາ 2019 ໂດຍຂໍ້ມູນໄດ້ຮູ້ວ່າ ມີຄົນຮ້າຍໃຊ້ອາວຸດສົງຄາມຍິງທະຫຼົ່ມໃສ່ລົດຟໍຈູນເນີ ສີຂາວ (ບໍ່ຕິດແຜ່ນປ້າຍທະບຽນ) ຢູ່ຂອບເຂດບ້ານທ່າງາມ ເມືອງທ່າເເຂກ ແຂວງຄຳມ່ວນ.

ຄົນຮ້າຍໄດ້ນໍາໃຊ້ພາຫະນະລົດຟໍຈູນເນີ ສີຂາວ ບໍ່ຕິດປ້າຍທະບຽນ ມາຈອດລໍຖ້າຢູ່ແລ້ວທີ່ສົ້ນຂົວບ້ານທ່າງາມ ເມືອງທ່າແຂກ ແຂວງຄຳມ່ວນ, ພໍລົດຄັນທີ່ຜູ້ຖືກເຄາະຮ້າຍມາຮອດບໍລິເວນສົ້ນຂົວ (ເຊິ່ງເປັນເບື້ອງດຽວກັນກັບລົດຄົນຮ້າຍ ແຕ່ທິດກົງກັນຂ້າມ) ເພື່ອມຸ່ງໜ້າໄປຕົວເມືອງທ່າແຂກ ກໍໄດ້ມີຊາຍຄົນໜຶ່ງລົງຈາກລົດແລ້ວໄດ້ໃຊ້ປືນ AK ຍິງຖະຫຼົ່ມຫຼາຍນັດ ເປັນເຫດເຮັດໃຫ້ຜູ້ຖືກເຄາະຮ້າຍເສຍຊີວິດຄາທີ່ (ຄາລົດ) ດ້ວຍການຖືກລູກກະສຸນປືນຫຼາຍນັດ.

ຈາກນັ້ນ, ເຈົ້າໜ້າທີ່ ປກສ ແຂວງຄໍາມ່ວນ ກໍຮີບຮ້ອນຈັດຕັ້ງກໍາລັງລົງກວດກາສະຖານທີ່ເກີດເຫດ ເພື່ອຊັນນະສູດຕາມຫຼັກການວິຊາສະເພາະ, ສ່ວນຕົວຄົນຮ້າຍລົງມືກໍ່ເຫດ ແມ່ນໄດ້ຂຶ້ນລົດຄັນດັ່ງກ່າວຫຼົບໜີໄປ ມຸ່ງໜ້າມາທາງແຂວງສະຫວັນນະເຂດ.

ຈາກນັ້ນ, ເວລາປະມານ 08:30 ໂມງ ຂອງວັນດຽວກັນ, ທາງເຈົ້າໜ້າທີ່ ປກສ ແຂວງສະຫວັນນະເຂດ ກໍໄດ້ຮັບການປະສານງານຈາກເຈົ້າໜ້າທີ່ ປກສ ແຂວງຄໍາມ່ວນ ກ່ຽວກັບເຫດການດັ່ງກ່າວ ແລະ ເສັ້ນທາງຫຼົບໜີຂອງຄົນຮ້າຍ ພ້ອມທັງຈຸດພິເສດຂອງພາຫະນະ ເພື່ອໃຫ້ຊາບຂ່າວ.

ຕໍ່ມາທາງກອງບັນຊາການ ປກສ ແຂວງສະຫວັນນະເຂດ ຈຶ່ງໄດ້ຊີ້ນຳກຳລັງເລົ່າຮົບວິຊາສະເພາະໃຫ້ຮີບດ່ວນ ຈັດຕັ້ງກຳລັງດັກສະກັດຕາມທິດທາງ ແລະ ຈຸດຕ່າງໆທີ່ຄາດຄະເນວ່າຄົນຮ້າຍຈະຫຼົບໜີ ເພື່ອຕິດຕາມ ແລະ ຈັບກຸມ ໂດຍສະເພາະຈຸດປະສານງານກວດກາຂອບເຂດໂນນສັນ ເມືອງໄຊບູລີ ແລະ ບ້ານນາຊາຍ ເມືອງອຸທຸມພອນ ແຂວງສະຫວັນນະເຂດ ກໍໄດ້ກະກຽມດັກສະກັດ.

ຕໍ່ມາເວລາປະມານ 08:50 ໂມງ ຈຶ່ງໄດ້ພົບເຫັນລົດຄົນຮ້າຍແລ່ນມຸ່ງໜ້າມາດ້ວຍຄວາມໄວ. ເມື່ອເຫັນເຫດການເປັນເຊັ່ນນັ້ນທາງເຈົ້າໜ້າທີ່ຈຶ່ງໄດ້ສັນຍານເຕືອນເພື່ອຂໍກວດກາໃນລັກສະນະທົ່ວໄປ ແຕ່ລົດຄົນຮ້າຍກໍບໍ່ຍອມຈອດ ແລ້ວໄດ້ແລ່ນຜ່ານຈຸດກວດກາມຸ່ງໜ້າເຂົ້າໄປທາງ ເມືອງອຸທຸມພອນ ຕາມເສັ້ນທາງ ເລກທີ 13 ໃຕ້.

ເມື່ອລົດຄັນດັ່ງກ່າວແລ່ນຜ່ານຈຸດກວດກາຂອງເຈົ້າໜ້າທີ່ຈຶ່ງໄດ້ຈັດກຳລັງໄລ່ຕິດຕາມ ແລະ ໃນທີ່ສຸດຄົນຮ້າຍກໍເອົາໂຕຫຼົບໜີອອກຈາກເສັ້ນທາງ ເລກທີ 13 ໃຕ້ ແລ່ນໄປຕາມເສັ້ນທາງຮ່ອມນ້ອຍທາງຜ່ານບ້ານນາຊາຍ ເມືອງອຸທຸມພອນ ແລ້ວໄດ້ໄປປະລົດ ແລະ ອາວຸດ ປະເພດປືນ AK ຈຳນວນ 01 ກະບອກ (ພ້ອມລູກກະສຸນ) ທີ່ນຳໃຊ້ເຂົ້າໃນການກໍ່ເຫດໄປຊຸກເຊື່ອງໄວ້ຢູ່ຂອບເຂດບ້ານໄຊອຸດົມ ເມືອງອຸທຸມພອນ. ຈາກນັ້ນ, ຄົນຮ້າຍຈຳນວນດັ່ງກ່າວກໍໄດ້ແຍກຕົວກັນເພື່ອເອົາຕົວຫຼົບໜີ ໂດຍມີອາວຸດປືນສັ້ນຕິດຕົວ 01 ກະບອກ.

ຕໍ່ໜ້າສະພາບເຫດການດັ່ງກ່າວ ເຫັນວ່າ: ເປັນເຫດການຍິງກັນຄັ້ງນີ້ ໂຫດຮ້າຍປ່າເຖື່ອນ. ຈາກນັ້ນ, ການນຳຂອງກະຊວງປ້ອງກັນຄວາມສະຫງົບສຸກ, ການນຳຂອງແຂວງສະຫວັນນະເຂດ ແລະ ແຂວງຄໍາມ່ວນ ກໍໄດ້ເອົາໃຈໃສ່ຊີ້ນຳຢ່າງໃກ້ຊິດ ໂດຍມອບໃຫ້ວິຊາສະເພາະກ່ຽວຂ້ອງທັງ 02 ແຂວງ ຈັດຕັ້ງກຳລັງຮ່ວມກັນ ໂດຍມີຫຼາຍພາກສ່ວນທີ່ກ່ຽວຂ້ອງເຂົ້າຮ່ວມຕ້ອງໄດ້ດຳເນີນຢ່າງວ່ອງໄວ ເພື່ອນຳຈັບກຸມຄົນຮ້າຍມາລົງໂທດຕໍ່ໜ້າກົດໝາຍໃຫ້ໄດ້ໃນເວລາອັນໄວທີ່ສຸດ.

ຕະຫຼອດໄລຍະເວລາ 03 ວັນ 02 ຄືນ ທີ່ມີການໄລ່ຕິດຕາມ ແລະ ຊອກຄົ້ນຫາເປົ້າໝາຍ ຈຶ່ງສາມາດຊາບຊື່ຄົນຮ້າຍທີ່ລົງມືກໍ່ເຫດຄັ້ງນີ້ຄື: ທ້າວ ເຄື່ອນເພັດ ອາຍຸ 39 ປີ, ອາຊີບກຳມະກອນ, ບ້ານຢູ່ປັດຈຸບັນ ບ້ານຫົວຫາດ ເມືອງໄຊພູທອງ ແຂວງສະຫວັນນະເຂດ (ເຊິ່ງເປັນຜູ້ຂັບຂີ່ລົດຟໍຈູນເນີ) ແລະ ທ້າວ ຄໍາບົດ ຫຼື ຕ໋ອງ ຫຼື ພູໃສ ຫຼື ແປ໋ມ ອາຍຸ 41 ປີ, ບ້ານຢູ່ປັດຈຸບັນ ຊຽງຫວາງທ່າ ເມືອງໜອງບົກ ແຂວງຄໍາມ່ວນ (ເຊິ່ງເປັນຜູ້ລົງມືກໍ່ເຫດໃຊ້ປືນ AK ຍິງ).

ຈາກນັ້ນ, ຕົກມາຮອດວັນທີ 16 ສິງຫາ 2019 ເຈົ້າໜ້າທີ່ພວກເຮົາຈຶ່ງໄດ້ເຂົ້າປິດລ້ອມ ແລະ ລົງມືຈັບກຸມຄົນຮ້າຍທັງ 02 ຄົນໄດ້, ພ້ອມທັງຂອງກາງ ອາວຸດປືນ 02 ກະບອກ (ປືນ AK 01 ກະບອກ ພ້ອມລູກ 116 ລູກ ແລະ ປືນສັ້ນ 01 ກະບອກ ພ້ອມລູກ 19 ລູກ) ຢູ່ທີ່ເຮືອນເຊົ່າ (ຄົນຮ້າຍເຊົ່າ), ຂອບເຂດບ້ານນາແກ ນະຄອນໄກສອນ ພົມວິຫານ ແຂວງສະຫວັນນະເຂດ.

ການຈັບກຸມຄົນຮ້າຍໃນຄັ້ງນີ້ເຫັນວ່າມີຄວາມຫຍຸ້ງຍາກສັບສົນ, ຍ້ອນຄົນຮ້າຍມີອາວຸດ ແລະ ຍັງມີການຕໍ່ສູ້ກັບເຈົ້າໜ້າທີ່ຂອງພວກເຮົາໃນເວລາທຳການຈັບກຸມ, ຈົນມາຮອດເວລາ 15 ໂມງຂອງວັນທີ 16 ສິງຫາ 2019 ກົງກັບວັນສຸກ ຈຶ່ງສຳເລັດ ໂດຍໃຊ້ເວລາເກືອບ 06 ຊົ່ວໂມງ.

ຜ່ານການສືບສວນຜູ້ຖືກຫາທັງ 02 ຄົນໃນເບື້ອງຕົ້ນ ໄດ້ຍອມຮັບສາລະພາບວ່າ: ໄດ້ລົງມືກໍ່ເຫດຄາດຕະກຳໃນຄັ້ງນີ້ຢ່າງແທ້ຈິງ, ສ່ວນສາເຫດ ແລະ ແຮງຈູງໃຈທີ່ພາໃຫ້ກໍ່ເຫດໃນຄັ້ງນີແມ່ນ: ເກີດມາຈາກຂໍ້ຂັດແຍ່ງເລື່ອງສ່ວນຕົວ.

ສ່ວນການດໍາເນີນຄະດີດັ່ງກ່າວ, ທາງກອງບັນຊາການ ປກສ ແຂວງສະຫວັນນະເຂດ ໄດ້ມອບຜູ້ຖືກຫາ ແລະ ເຄື່ອງຂອງກາງໃຫ້ ກອງບັນຊາການ ປກສ ແຂວງຄໍາມ່ວນ ເປັນຜູ້ສືບຕໍ່ດໍາເນີນຄະດີຕາມຂັ້ນຕອນຂອງກົດໝາຍຕໍ່ໄປ.

(ແສງອາລຸນ)

Advertisement Replay Ad
ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 8 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ອອກແລ້ວເດີ້! ຜົນຫວຍລາວງວດວັນທີ 5 ເມສາ 2021

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ສຳນັກງານສົ່ງເສີມການຄ້າໃນຕ່າງປະເທດ ໜຸນ SME ເຈລະຈາຈັບຄູ່ຜູ້ຈຳໜ່າຍໃນລາວ ສ້າງເຄືອຂ່າຍຂະຫຍາຍການຄ້າ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ແອສຕຣາເຊເນກາ ຢືນຢັນ ບໍ່ພົບຫຼັກຖານຄວາມສ່ຽງພາວະເລືອດກ້າມຈາກການໃຊ້ວັກຊີນ

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 29 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 25 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 22 ມີນາ 2021

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຈະເກີດຫຍັງຂຶ້ນແດ່? ມີຫຍັງແດ່ທີ່ເຮົາຄວນຕ້ອງຮູ້?

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ຫຼາຍຊາດໃຫຍ່ໃນເອີຣົບໂຈະການໃຫ້ວັກຊີນ "ແອສຕຣາເຊເນກາ" ຫຼັງພົບພາວະເລືອດກ້າມໃນຜູ້ຮັບວັກຊີນ

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 15 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 9 ມີນາ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

[LIVE UPDATE] ສະຫຼຸບຜົນຂອງການເລືອກຕັ້ງສະມາຊິກສະພາແຫ່ງຊາດ & ສະພາປະຊາຊົນຂັ້ນແຂວງ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 4 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ອອກແລ້ວເດີ້! ຜົນຫວຍລາວງວດວັນທີ 1 ມີນາ 2021

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ເລື່ອງໜ້າຮູ້ກ່ຽວກັບ "ປາຂ່າ" ໂລມານໍ້າຈືດແຫ່ງແມ່ນໍ້າຂອງ ສາຍພັນທີ່ຖືກຄຸກຄາມຢ່າງໜັກ

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 22 ກຸມພາ 2021

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ໃນມື້ທີ່ໂຄວິດກີດກັ້ນໄທ ແລະ ລາວ ຄົນໄທຈຶ່ງຜຸດໄອເດຍ "ຫຼວງພະບາງຈຳລອງ" ຢູ່ໃຈກາງບາງກອກ

ອອກແລ້ວເດີ້! ຜົນຫວຍລາວງວດວັນທີ 18 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 18 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 15 ກຸມພາ 2021

ອອກແລ້ວເດີ້! ຜົນຫວຍລາວງວດວັນທີ 15 ກຸມພາ 2021

ຜົນຫວຍວັນທີ 4 ກຸມພາ 2021 ເລກ 6 5 4 3 2 1 ໂຕ ແລະ ຫວຍຕຳລາຝັນ 3/40

ຜົນຫວຍວັນທີ 4 ກຸມພາ 2021 ເລກ 6 5 4 3 2 1 ໂຕ ແລະ ຫວຍຕຳລາຝັນ 3/40

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ