ວັນຈັນ ທີ 17 ກຸມພາ 2020

ເປີດໃຈ "ແຮ່ນນ້າ ໂລເຊັ້ນບູ້ມ" ນັກສະແດງສາວໄວ 18 ປີ ກັບຊີວິດໃນວົງການບັນເທີງ ແລະ ການຮຽນ

ເປີດໃຈ "ແຮ່ນນ້າ ໂລເຊັ້ນບູ້ມ" ນັກສະແດງສາວໄວ 18 ປີ ກັບຊີວິດໃນວົງການບັນເທີງ ແລະ ການຮຽນ
S! Muan

ສະໜັບສະໜູນເນື້ອຫາ

ປັດຈຸບັນວຽກໃນວົງການບັນເທີງຂອງລາວເຮົາກໍຖືວ່າເປັນອີກສາຍອາຊີບໜຶ່ງທີ່ກຳລັງມາແຮງ ແລະ ມີດາລາໜ້າໃໝ່ເກີດຂຶ້ນເປັນຈຳນວນຫຼາຍ, ໃນນີ້ ກໍມີໄວໜຸ່ມຫຼາຍຄົນທີ່ແຈ້ງເກີດ ແລະ ມີຜົນງານອອກມາໃຫ້ຊາວລາວໄດ້ເບິ່ງເພື່ອຄວາມບັນເທີງບໍ່ໜ້ອຍ ເປັນຕົ້ນກໍແມ່ນສາວນ້ອຍ "ແຮ່ນນ້າ ໂລເຊັ້ນບູ້ມ" (Hannah Rosenbloom) ທີ່ເຂົ້າວົງການມາຕັ້ງແຕ່ນ້ອຍໃນຂະນະທີ່ຍັງຮຽນຢູ່ມັດທະຍົມ ແລະ ມີຜົນງານທີ່ໜ້າຈັບຕາຫຼາຍຢ່າງ.

ຜົນງານຫຼ້າສຸດຂອງ ແຮ່ນນ້າ ແມ່ນ ບົດນຳຂອງ ຊີຣີິ້ ເລື່ອງ "ຮັກວຸ້ນໆ ຄຸນໜູເນ່ເນ່ (Diary Love 2)" ແລະ ທີ່ຜ່ານມາກໍຮ່ວມສະແດງໃນຊີຣີ້ຊື່ດັງ ຮັກນີ້ສີບົວ 2 ອີກດ້ວຍ. ພ້ອມນີ້ກໍຍັງເປັນນາງແບບ ແລະ ມີຄວາມສາມາດໃນການຮ້ອງເພງ ແລະ ເຄີຍຮ່ວມປະກວດຮ້ອງເພງລາຍການດັງລາຍການໜຶ່ງຂອງລາວອີກດ້ວຍ. ປັດຈຸບັນແຮ່ນນ້າເປັນສິລະປິນຢູ່ໃນສັງກັດ ທາຣາ ອາຄາເດມີ.

ດ້ວຍໄວພຽງ 18 ປີ ແລະ ຢູ່ໃນວົງການບັນເທີງມາດົນໃນຂະນະທີ່ກຳລັງຮຽນຢູ່ ມື້ນີ້ຄໍລຳ Teen Idols ຈະພາໄປຮູ້ຈັກກັບ ແຮ່ນນ້າ ໂຣເຊນບລູມ ໃຫ້ຫຼາຍຂຶ້ນ ວ່າສາວຄົນນີ້ມີທີ່ໄປທີ່ມາແນວໃດ ແລະ ຈັດການໂຕເອງແນວໃດ ເມື່ອຕ້ອງຮັບວຽກໃນວົງການໄປພ້ອມໆກັບຮຽນ ແລະ ເຮັດກິດຈະກຳອື່ນໆ.

ເເນະນໍາໂຕແດ່ຈັກເລັກໜ້ອຍ

ຊື່ ແຮ່ນນ້າ ໂລເຊນບລູມ ອາຍຸ 18 ປີ ປັດຈຸບັນຮຽນຢູ່ໂຮງຮຽນວຽງຈັນພັດທະນານານາຊາດ ຕອນນີ້ກຳລັງຈະຂຶ້ນ ມ. 7.

ເຫັນຊື່ກໍຮູ້ເລີຍວ່າເປັນລູກຊອດ ຢາກຮູ້ວ່າ ແຮ່ນນ້າເປັນລູກຊອດປະເທດໃດ?

ເເຮນນ້າເປັນລູກຊອດລາວ-ອາເມລິກາ ພໍ່ເປັນຄົນອາເມລິກາເເຕ່ວ່າພໍ່ກໍຊອດຣັດເຊຍ-ອິຣັກມາອີກ ສ່ວນເເມ່ເປັນຄົນບໍລິຄໍາໄຊ. ເເຮນນ້າກໍເປັນຄົນບໍລິຄໍາໄຊເເຕ່ວ່າ ຄົນມັກຖາມວ່າຢູ່ບ້ານຄືບໍ່ເວົ້າພາສາລາວ ເພາະວ່າເເຮນນ້າເກີດຢູ່ໄທຮຽນຢູ່ໄທມາເເຕ່ນ້ອຍ ແລ້ວເຮົາກໍຊຶມຊັບ ເວລາເວົ້ານໍາເອື້ອຍເຮົາກໍເວົ້າພາສາໄທ ຖ້າເວົ້າພາສາລາວເຮົາກໍເເນມໜ້າກັນລະກາຮູ້ສຶກເເປກໆ ຄືບາງຄອບຄົວຄົນລາວເປັນລູກຊອດຈີນ ຊອດຫວຽດກາຊິເວົ້າຫວຽດນໍາພີ່ນ້ອງ ເເຕ່ວ່າຄັນເວົ້າລາວກໍຊິເບິ່ງເເປກໆ ຄ້າຍໆກັບວ່າເຮົາລຶ້ງມາເເຕ່ນ້ອຍເເລ້ວ ເເຕ່ເວລາເເມ່ເເຮນນ້າເວົ້າກັບເເຮນນ້າລາວກາຊິເວົ້າສໍານຽງບໍລິຄໍາໄຊຂອງລາວນັ້ນລະ. ເເຕ່ວ່າເວົ້ານໍາພໍ່ກໍພາສາອັງກິດໄປເລີຍ.

ເເຮນນ້າໄປຮຽນຢູ່ໄທດົນບໍ່?

ເເຮນນ້າເກີດຢູ່ໄທ ເກີດຢູ່ກຸງເທບເນາະ. ເເຮນນ້າຮຽນຢູ່ໄທຮອດເເຕ່ ປ. 1 ແລ້ວກໍຍ້າຍມາຢູ່ລາວເພາະວ່າ ມີບັນຫາເລື່ອງຄອບຄົວພໍ່ເເມ່ເເຍກກັນ. ເເມ່ໄປຢູ່ບໍລິຄໍາໄຊເຮົາກໍຕ້ອງມາຢູ່ລາວ. ຈົບ ມ. 7 ກໍຕ້ອງໄດ້ກັບໄປໄທຄືນ ເພາະວ່າເອື້ອຍຮຽນຢູ່ຫັ້ນ ເຮົາຕ້ອງໄປຮຽນຢູ່ຫັ້ນຢູ່ເເລ້ວ. ເຮົາຕ້ອງໄປ(ໄທ)ເກືອບທຸກເດືອນເລີຍ ເພາະວ່າມີອັດລາຍການຂອງ Workpiont ກໍເລີຍຕ້ອງກັບໄປຕະຫຼອດ.

ຕອນນີ້ເຮັດຫຍັງຢູ່ທັງເລື່ອງຮຽນ ເເລະ ວຽກໃນວົງການ?

ຕອນນີ້ກໍາລັງຂຶ້ນມ. 7 ເເລະ ກໍາລັງວາງແຜນເລື່ອງມະຫາວິທະຍາໄລ ເພາະວ່າໄດ້ມີການຕິດຕໍ່ທາງມະມາຫາວິທະຍາໄລວ່າ ເຮົາຊິເລືອກຮຽນວິຊາຫຍັງ ເເລະ ເລື່ອງວຽກເເມ່ນຕອນນີ້ໄດ້ໄປ auddition ລາຍການໃໝທີ່ປະເທດໄທຂອງຊ່ອງ Workpoint ຖ້າຕິດຕາມເບິ່ງ.

ມີການເເບ່ງເວລາເເນວໃດເລື່ອງການເຮັດວຽກ ແລະ ການຮຽນ?

ຫຼັກໆເລີຍເເຮນນ້າຊິເນັ້ນເລື່ອງຮຽນ ເພາະວ່າເຮົາຖິ້ມຮຽນບໍ່ໄດ້ ຄັນເລື່ອງວຽກເເມ່ນສ່ວນຫຼາຍຈະເປັນເສົາ-ອາທິດຫຼາຍກວ່າ. ຫຼື ວ່າ ຖ້າເກີດມີວຽກລະຫວ່າງຈັນຫາສຸກ ທາງຕົ້ນສັງກັດຈະກໍຈະເຮັດຟອມຂໍອະນຸຍາດໃຫ້ໂຮງຮຽນມາເຊັນວ່າມື້ນີ້ເຮົາຊິຂາດເດີ້ ເພາະວ່າມັນຈຶ່ງຂາດເເບບມີເຫດຜົນໂຮງຮຽນຈຶ່ງອະນຸມັດ.

ຢູ່ໂຮງຮຽນມັກເຮັດກິດຈະກໍາໃດທີ່ສຸດ?

ເເຮນນ້າຫຼິນດົນຕີ. ເເຮນນ້າເປັນຄົນທີ່ມັກຮ້ອງເພງ ແລ້ວກໍເປັນຄົນທີ່ມັກຫຼິ້ນກີລາ ຫຼິ້ນບານສົ່ງ. ເເຮນນ້າຫຼິ້ນດົນຕີໄດ້ຫຼາຍປະເພດ ເຊັ່ນ: ອູຄູເລເລ້, ລະນາດ ຫຼັກໆກໍ 2 ຢ່າງນີ້. ເເຕ່ວ່າເຄີຍຮຽນກອງ ເເຕ່ວ່າມີຄົນວ່າ ກອງບໍ່ເຂົ້າກັບເຮົາ ເພາະວ່າເຮົາເປັນຄົນຮ່າງນ້ອຍກໍເລີຍເນັ້ນໄປທາງຮ້ອງເພງຫຼາຍກວ່າ.

ຖ້າມີວຽກເຂົ້າມາໄລຍະທີ່ຈະສອບເສັງມີການຮັບມືກັບບັນຫານີ້ເເນວໃດ?

ຖ້າໃຜຈະຈ້າງ ເເຮນນ້າ ໃຫ້ໄປເຮັດວຽກຕ້ອງແຈ້ງກ່ອນລ່ວງໜ້າຢ່າງໜ້ອຍ 1 ອາທິດກ່ອນ ໃຫ້ຮູ້ໃຫ້ກຽມໂຕກ່ອນ ເພາະວ່າຖ້າມາບອກວ່າມື້ອື່ນອອກງານເດີ້ມັນກໍເປັນໄປບໍ່ໄດ້ ເຮົາກໍເລືອກທີ່ຈະບໍ່ຮັບງານ ເເລະ ເລືອກທີ່ຈະໄປເສັງເອົາ ເພາະວ່າສ່ວນຫຼາຍເຂົາເຈົ້າຈະມາຖາມເຮົາກ່ອນເພື່ອໃຫ້ເຮົາຢືນຢັນວ່າມື້ນີ້ວ່າງບໍ່.

ຫຼັງຈາກເຂົ້າວົງການບັນເທີງມີຫຍັງປ່ຽນເເປງເເດ່?

ເເຮນນ້າເຂົ້າວົງການຕັ້ງເເຕ່ອາຍຸຍັງນ້ອຍ. ເເຮນນ້າເລີ່ມເຮັດວຽກຕອນອາຍຸ 14ປີ ເລີ່ມຈາກາານໄປເຂົ້າປະກວດຕ່າງໆ. ຄົນກໍບໍ່ຮູ້ຈັກເຮົາ ເຮັດຫຍັງກໍບໍເປັນ ຮ້ອງເພງກໍບໍເປັນ, ເຕັ້ນກໍບໍ່ເປັນ, ສະເເດງກໍບໍ່ເປັນ ແລະ ຫຼິ້ນດົນຕີ ຫຼື ເດີນເເບບກໍບໍ່ເປັນ, ເເຕ່ພໍເຮົາເລີ່ມກ້າວເຂົ້າວົງການ ເລີ່ມມີຜົນງານເລື້ອຍໆ ຄົນກໍຕິດຕາມເຮົາ ເເລະ ຈາກຄົນປົກກະຕິທໍາມະດາຍ່າງໄປໃສມາໃສກໍບໍ່ມີຄົນທັກ ເເລະ ຫຼັງຈາກເລີ່ມມີ ຜູ້ຕິດຕາມຫຼາຍຂຶ້ນ ຄົນກໍເລີ່ມຕິດຕາມ ເລີ່ມມີເເຟນຄລັບຈາກປະເທດເຮົາ ຕ່າງເເຂວງ ເເລະ ນອກປະເທດ.

ລາຍຮັບທີ່ໄດ້ຈາກວຽກວົງການບັນເທີງສາມາດເອົາມາໃຊ້ຈ່າຍໃນຊີວິດປະຈໍາວັນໂດຍທີ່ບໍ່ຕ້ອງຂໍພໍ່ເເມ່ໄດ້ບໍ່?

ເເຮນນ້າເລີ່ມເປັນຄົນບໍ່ກ້າຂໍເງິນພໍ່ເເມ່ ເເຮນນ້າບໍ່ຂໍເງິນພໍ່ຕັ້ງເເຕ່ອາຍຸ 14 ປີ. ຕັ້ງເເຕ່ຫາເງິນເປັນ ທຸກມື້ນີ້ກໍບໍ່ກ້າຂໍ ເເຕ່ວ່າເພິ່ນຊິໃຫ້ເງິນເຮົາເປັນເດື່ອນ ເອົາໄວ້ກິນເຂົ້າຊື້ເຂົ້່າໜົມຕອນໄປໂຮງຮຽນ ເເຕ່ຖ້າເກີດຂໍເງິນເຮົາຊິບໍ່ຂໍເດັດຂາດ ຄືໂທລະສັບກໍຊື້ເອງ ລົດຈັກກໍຊື້ເອງ ໂທລະສັບທີ່ພໍ່ໃຊ້ເຮົາກໍເປັນຄົນຊື້ໃຫ້ ເພາະວ່າເຮົາຮູ້ສຶກວ່າເພິ່ນກໍອາຍຸຫຼາຍເເລ້ວເຮົາບໍ່ຢາກເປັນພາລະ. ເພາະວ່າຄ່າຮຽນໂຮງຮຽນເເຮນນ້າຂ້ອນຂ້າງທີ່ຈະສູງ ເເລະ ຄິດວ່າອີຫຍັງທີ່ເຮົາພໍຈະເເບ່ງເບົາພາລະໃຫ້ຄອບຄົວໄດ້ກໍເຮັດໆໄປ ໂທລະສັບກໍຊື້ມາ ສອງສາມໜ່ວຍເເລ້ວກໍບໍ່ໄດ້ຂໍເງິນພໍ່ຈັກກີບ.

ຄວາມຝັນ ເເລະ ສິ່ງທີ່ຢາກເຮັດໃນອານາຄົດເເມ່ນຫຍັງ?

ເເຮນນ້າຢາກເປີດຮ້ານຂາຍເຄື່ອງ Gift shop ເເລະ ຮ້ານອາຫານ ຍ້ອນວ່າເເມ່ເເຮນນ້າເປັນຄົນເຮັດອາຫານເເຊບ. ປັດຈຸບັນບໍ່ໄດ້ຢູ່ນໍາເເມ່ ເເຕ່ວ່າໃນອະນາຄົດຖ້າເກີດມີໂອກາດກໍຢາກເປີດຮ້ານໃຫ້ເພິ່ນມາເຮັດອາຫານ ຫຼັກໆກໍຢາກເປັນຄົນໜຶ່ງທີ່ຢູ່ໃນວົງການບັນເທີງ ມັກດ້ານດົນຕີ ເເລະ ມັກດ້ານຮ້ອງເພງ ນັ້ນກໍຄືຄວາມຝັນຫຼັກໆ. 

ມີຫຍັງຢ່າງອື່ນອີກກ່ຽວກັບເເຮນນ້າ ທີ່ຄົນອື່ນຍັງບໍ່ຮູ້?

ເເຮນນ້າເປັນຄົນທີ່ຢູ່ບ້ານຈະເປັນຄົນມິດ ຈະບໍ່ເວົ້ານໍາໃຜເລີຍ. ກໍບໍ່ຮູ້ຄືກັນ ຮູ້ເເຕ່ວ່າຢູ່ບ້ານເເຮນນ້າເປັນຄົນທີ່ມິດຫຼາຍເລີຍ ຄືຄົນເປັນໃບ້ ເເບບບໍ່ເວົ້າຫຍັງມີເເຕ່ ອືມ ອາ ຊີ້ນະ. ເເຕ່ວ່າຢູ່ນອກເເຮນນ້າຈະເປັນຄົນທີ່ເວົ້າຫຼາຍເເຮງ ເເລະເປັນຄົນທີ່ຄ້າຍໆກັບວ່າເຮັດໃຫ້ຄົນຫົວໄດ້. ສ່ວນຫຼາຍ FC ມັກຂໍໃຫ້ເເຮນນ້າ Live ໃຫ້ເເນ່ ເພາະວ່າເວລາເຮົາ live ເຮົາເປັນໂຕຂອງໂຕເອງ ຄົນກໍຈະເບິ່ງເຮົາ ເຂົາເຈົ້າກໍມັກ. ຫຼາຍຄົນອາດຈະບໍ່ຮູ້ວ່າ ຢູ່ບ້ານເເຮນນ້າຈະບໍ່ເວົ້າພາສາລາວເລີຍ, ເເຮນນ້າຈະເວົ້າເເຕ່ອັງກິດ ເເລະ ພາສາໄທສອງພາສານີ້.

ສຸດທ້າຍຢາກໃຫ້ເເຮນນ້າຝາກຜົນງານ

ຝາກທຸກຄົນຕິດຕາມຮັກວຸ້ນໆຄຸນໜູເນ່ເນ້ ຕອນຕໍ່ໄປກໍເປັນຕອນຈົບເເລ້ວ ຢາກໃຫ້ທຸກຄົນເບິ່ງ ເເລະ ເເຮນນ້າກໍຈະມີຜົນງານອື່ນໆມາເລື້ອຍໆ ຢາກຕິດຕາມທີ່ເຟສບຸກເເຮນນ້າກາໄດ້ ຫຼື ວ່າ Instragram ເເຮນນ້າກໍໄດ້ເນາະ. 

Advertisement Replay Ad
How to ແຕ່ງຕາວັນວາເລັນທາຍ! ສີນີ້ງາມທຳມະຊາດ ແລະ ລອດແນ່ນອນ

How to ແຕ່ງຕາວັນວາເລັນທາຍ! ສີນີ້ງາມທຳມະຊາດ ແລະ ລອດແນ່ນອນ

ຂໍ້ດີຂອງການຢູ່ເປັນໂສດ ຂໍບອກເລີຍວ່າ ມັນມີຂໍ້ດີຢູ່ຫຼາຍຢ່າງ

ຂໍ້ດີຂອງການຢູ່ເປັນໂສດ ຂໍບອກເລີຍວ່າ ມັນມີຂໍ້ດີຢູ່ຫຼາຍຢ່າງ

ຂໍ້ຄິດເຕືອນໃຈສຳລັບຄົນອົກຫັກ ເຮັດແນວໃດຈຶ່ງຈະມີຮັກທີ່ດີອີກຄັ້ງ

ຂໍ້ຄິດເຕືອນໃຈສຳລັບຄົນອົກຫັກ ເຮັດແນວໃດຈຶ່ງຈະມີຮັກທີ່ດີອີກຄັ້ງ

ຮູ້ບໍ... ສີດອກກຸຫຼາບມີຄວາມໝາຍຫຍັງແດ່? ແລ້ວແຕກຕ່າງກັນແນວໃດ?

ຮູ້ບໍ... ສີດອກກຸຫຼາບມີຄວາມໝາຍຫຍັງແດ່? ແລ້ວແຕກຕ່າງກັນແນວໃດ?

ໄປເມືອງຮົ່ມ ຢ່າລືມໄປສຳຜັດທຳມະຊາດ "ນ້ຳຕົກຕາດພະແຈແຫຼ້"

ໄປເມືອງຮົ່ມ ຢ່າລືມໄປສຳຜັດທຳມະຊາດ "ນ້ຳຕົກຕາດພະແຈແຫຼ້"

“ພູມແພ້ນໍ້າອະສຸຈິ” ພະຍາດລັບໆຂອງຜູ້ຍິງ ທີ່ມີຢູ່ຈິງ!

“ພູມແພ້ນໍ້າອະສຸຈິ” ພະຍາດລັບໆຂອງຜູ້ຍິງ ທີ່ມີຢູ່ຈິງ!

ລູກບໍ່ສະບາຍຫຼືບໍ່?​ ສັງເກດໃຫ້ດີດ້ວຍ 5 ວິທີ ທີ່ພໍ່ແມ່ຄວນໃສ່ໃຈ

ລູກບໍ່ສະບາຍຫຼືບໍ່?​ ສັງເກດໃຫ້ດີດ້ວຍ 5 ວິທີ ທີ່ພໍ່ແມ່ຄວນໃສ່ໃຈ

ພາວະຕົກເລືອດຫຼັງເກີດລູກ ອັນຕະລາຍທີ່ແມ່ບໍ່ຄວນເບິ່ງຂ້າມ

ພາວະຕົກເລືອດຫຼັງເກີດລູກ ອັນຕະລາຍທີ່ແມ່ບໍ່ຄວນເບິ່ງຂ້າມ

ວິທີຈັດການກັບອາລົມປ່ຽນແປງງ່າຍ ເມື່ອເລີ່ມກ້າວເຂົ້າສູ່ “ໄວທອງ”

ວິທີຈັດການກັບອາລົມປ່ຽນແປງງ່າຍ ເມື່ອເລີ່ມກ້າວເຂົ້າສູ່ “ໄວທອງ”

ການພັດທະນາສະໝອງລູກໃນທ້ອງ ທີ່ແມ່ສາມາດເຮັດໄດ້ດ້ວຍ “ສຽງເພງ”

ການພັດທະນາສະໝອງລູກໃນທ້ອງ ທີ່ແມ່ສາມາດເຮັດໄດ້ດ້ວຍ “ສຽງເພງ”

ນີ້ແມ່ນເຫດຜົນທີ່ເຈົ້າຄວນສັກ "ວັກຊີນປ້ອງກັນໄຂ້ຫວັດໃຫຍ່" ເຖິງວ່າເຈົ້າຈະບໍ່ຢາກສັກກໍຕາມ

ນີ້ແມ່ນເຫດຜົນທີ່ເຈົ້າຄວນສັກ "ວັກຊີນປ້ອງກັນໄຂ້ຫວັດໃຫຍ່" ເຖິງວ່າເຈົ້າຈະບໍ່ຢາກສັກກໍຕາມ

"ການຢ່າຮ້າງ" ບໍ່ໄດ້ແປວ່າຊີວິດບໍ່ປະສົບຄວາມສຳເລັດ

"ການຢ່າຮ້າງ" ບໍ່ໄດ້ແປວ່າຊີວິດບໍ່ປະສົບຄວາມສຳເລັດ

10 ພຶດຕິກຳນີ້ລະ ທີ່ສາມາດສົ່ງຕໍ່ເຊື້ອພະຍາດ ຫຼື ໄວຣັດໄປໃຫ້ຄົນອື່ນໄດ້

10 ພຶດຕິກຳນີ້ລະ ທີ່ສາມາດສົ່ງຕໍ່ເຊື້ອພະຍາດ ຫຼື ໄວຣັດໄປໃຫ້ຄົນອື່ນໄດ້

ເດັກນ້ອຍທີ່ນອນໜ້ອຍ-ນອນບໍ່ພໍ ສົ່ງຜົນໃຫ້ມີ “ພຶດຕິກຳໂມໂຫຮ້າຍ” ແທ້ຫຼືບໍ່?

ເດັກນ້ອຍທີ່ນອນໜ້ອຍ-ນອນບໍ່ພໍ ສົ່ງຜົນໃຫ້ມີ “ພຶດຕິກຳໂມໂຫຮ້າຍ” ແທ້ຫຼືບໍ່?

ກິນໄຂ່ຕົ້ມສາມາດປ້ອງກັນໄວຣັດໂຄໂຣນາໄດ້ ຫຼື ບໍ່? ຄຳຕອບຄື "ບໍ່ເລີຍ"

ກິນໄຂ່ຕົ້ມສາມາດປ້ອງກັນໄວຣັດໂຄໂຣນາໄດ້ ຫຼື ບໍ່? ຄຳຕອບຄື "ບໍ່ເລີຍ"

ແມ່ນແທ້ຫຼືບໍ່ “ໃສ່ໝວກ” ໄປດົນໆ ແລ້ວຈະເຮັດໃຫ້ຫົວລ້ານ?

ແມ່ນແທ້ຫຼືບໍ່ “ໃສ່ໝວກ” ໄປດົນໆ ແລ້ວຈະເຮັດໃຫ້ຫົວລ້ານ?

ຖືພາກໍງາມໄດ້! ກັບ 17 ວິທີເບິ່ງແຍງຕົນເອງໃຫ້ເປັນແມ່ທີ່ງາມ ແລະ ສຸຂະພາບດີ

ຖືພາກໍງາມໄດ້! ກັບ 17 ວິທີເບິ່ງແຍງຕົນເອງໃຫ້ເປັນແມ່ທີ່ງາມ ແລະ ສຸຂະພາບດີ

“ນໍ້າຢາລ້າງອະໄວຍະວະເພດຂອງຜູ້ຍິງ” ຈຳເປັນຫຼາຍໜ້ອຍປານໃດ?

“ນໍ້າຢາລ້າງອະໄວຍະວະເພດຂອງຜູ້ຍິງ” ຈຳເປັນຫຼາຍໜ້ອຍປານໃດ?

ຄວາມເປັນມາຂອງ "ວັນມາຄະບູຊາ" ຂຶ້ນ 15 ຄໍ່າເດືອນ 3 ລາວ ໜຶ່ງໃນວັນສຳຄັນຂອງຊາວພຸດ

ຄວາມເປັນມາຂອງ "ວັນມາຄະບູຊາ" ຂຶ້ນ 15 ຄໍ່າເດືອນ 3 ລາວ ໜຶ່ງໃນວັນສຳຄັນຂອງຊາວພຸດ

ກິນ "ໄຂ່ຕົ້ມ" ຕ້ອງໃຫ້ແນ່ໃຈວ່າສຸກດີ ເພື່ອປ້ອງກັນການເຈັບປ່ວຍຈາກເຊື້ອແບັກທີເຣຍປົນເປື້ອນ

ກິນ "ໄຂ່ຕົ້ມ" ຕ້ອງໃຫ້ແນ່ໃຈວ່າສຸກດີ ເພື່ອປ້ອງກັນການເຈັບປ່ວຍຈາກເຊື້ອແບັກທີເຣຍປົນເປື້ອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ