ຢືນຢັນ! ເທບພະເຈົ້າຖັັງເບຍ "Thor 4" ກັບມາແນ່ນອນ ພ້ອມຜູ້ກຳກັບຄົນເກົ່າ

Avengers: Endgame ເບິ່ງ​ຄື​ຈະຍັງ​ບໍ່​ແມ່ນ​ຈຸດ​ຈົບ​ຂອງ​ເທບ​ພະເຈົ້າ​ຖັງ​ເບຍ​ ເອີ້ຍ! ເທບ​ພະເຈົ້າ​ສາຍ​ຟ້າ​ຢ່າງ Thor ເມື່ອ​ສື່​ຕ່າງ​ປະເທດ​ຢືນຢັນ​ແລ້ວ​ວ່າ​ເຮົາ​ຈະ​ໄດ້​ເຫັນ​ເທບ​ພະເຈົ້າ​ສາຍ​ຟ້າ​ກັບ​ມາ​ສ້າງ​ຄວາມ​ປະ​ທັບ​ໃຈ​ອີກ​ເທື່ອ​ໃນ Thor 4!

The Hollywood Reporter ລາຍ​ງານ​ວ່າ Taika Waititi ຈະ​ກັບ​ມາ​ຂຽນ​ບົດ​ ແລະ ​ກຳ​ກັບ Thor 4 ອີກ​ເທື່ອ ຫຼັງ​ຈາກ​ພາບຫຼ້າ​ສຸດ​ຄື Thor: Rganarok ແລະ ​ຜົນ​ຂອງ​ການ​ກັບ​ມາ​ກຳ​ກັບ Thor 4 ເຮັດໃຫ້​ໂຄງ​ການ​ຮູບເງົາ Akira ຕ້ອງ​ຖືກໂຈະໄວ້​ກ່ອນ.

ຈາກ Avengers: Endgame, Thor ເລືອກ​ເດີນທາງ​ໄປ​ກັບ​ກຸ່ມ Guardian of The Galaxy. ສ່ວນ​ໝູ​ບ້ານ​ຂອງ​ຊາວ​ແອສກາ​ດ​ຖືກ​ຕັ້ງ​ຂຶ້ນ​ມາ​ໃໝ່ ໂດຍ​ມີ​ກະສັດ Valkyrie ນັ້ນ​ເອງ​.

ຢ່າງໃດ​ກໍ​ຕາມ ຢັງ​ບໍ່​ມີ​ກຳນົດ​ການ​ອອກ​ມາ​ຢ່າງ​ຊັດເຈນ ແລະ​ ຍັງ​ບໍ່​ຢືນຢັນ​ວ່າ Thor 4 ຈະ​ສາຍ​ກ່ອນ ຫຼື ​ຫຼັງ Guardian of The Galaxy 3 ກັນ​ແທ້.