ວັນຈັນ ທີ 25 ພຶດສະພາ 2020

ສາລະໜ້າຮູ້ ປະຫວັດຄວາມເປັນມາ ແລະ ຄວາມສຳຄັນຂອງ "ວັນເຂົ້າພັນສາ"

ສາລະໜ້າຮູ້ ປະຫວັດຄວາມເປັນມາ ແລະ ຄວາມສຳຄັນຂອງ "ວັນເຂົ້າພັນສາ"

 ໝາຍ​ເຖິງ ວັນທີ​່ພະ​ພິກຂຸໃນ​ພະພຸດທະສາສະໜາ​ອະທິຖານ​ຢູ່​ປະຈຳ​ທີ່ ບໍ່​ຈາລິກ​ໄປ​ຄ້າງ​ແຮມ​ຕາມ​ສະຖານ​ທີ່​ຕ່າງ​ໆ ເວັ້ນ​ແຕ່​ມີ​ກິດ​ຈຳ​ເປັນ ເປັນ​ໄລຍະ​ເວລາ 3 ເດືອນ​ໃນ​ລະດູ​ຝົນ ຄື​ຕັ້ງ​ແຮມ 1 ຄ່ຳ ເດືອນ 8 ເຖິງ​ມື້​ຂຶ້ນ 15 ຄ່ຳ​ເດືອນ 11 ເຊິ່ງ​ວັນເຂົ້າພັນສາ​ປີ ພສ 2562 ນີ້ ກົງ​ກັບ​ວັນທີ 16 ກໍລະກົດ 2019.

ໄລຍະ​ອະທິຖານ​ຈິດ “ເຮັດ​ດີ ລະ​ຊົ່ວ”

ໂດຍ​ທົ່ວ​ໄປ​ການ​ຈຳພັນ​ສາ ຫຼື ການ​ອະທິຖານ​ຢູ່​ປະຈຳ​ທີ່​ເປັນ​ເວລາ 3 ເດືອນ ຈະ​ມີ 2 ໄລຍະ ຄື:

1.“ປຸລິມະພັນສາ” ຫຼື “ເຂົ້າ​ພັນ​ສາ​ທຳອິດ” ນັບ​ຕັ້ງ​ແຕ່​ມື້​ແຮມ 1 ຄ່ຳ​ເດືອນ 8 ເຖິງ​ມື້​ຂຶ້ນ 15 ຄ່ຳ​ເດືອນ 11 (ມື້​ອອກ​ພັນ​ສາ) ແຕ່​ຖ້າ​ປີ​ໃດ​ມີ​ອະທິກະມາດ ຄື​ມີ​ເດືອນ 8 ສອງ​ຫົນ ກໍ​ຈະ​ເລື່ອນ​ໄປ​ເລີ່ມ​ຈຳ​ພັນ​ສາ​ໃນ​ມື້​ແຮມ 1 ຄ່ຳ​ເດືອນ 8 ຫຼັງ.

2​. “ປັດ​ສິມມະ​ພັນ​ສາ” ຫຼື “ເຂົ້າ​ພັນ​ສາ​ຫຼັງ” ຈະ​ເລີ່ມ​ຕັ້ງ​ແຕ່​ມື້​ແຮມ 1 ຄ່ຳ​ເດືອນ 9 ເຖິງ​ມື້​ຂຶ້ນ 15 ຄ່ຳ ເດືອນ 12.

ໃນ​ປະເທດ​ລາວ ພະ​ພິກຂຸສ່ວນ​ໃຫຍ່​ຈະ​ຈຳ​ພັນ​ສາ​ໃນ​ໄລຍະ​ປຸລິມະພັນສາ ​ຫຼື​ ພັນ​ສາທຳອິດຫຼາຍກວ່າ​ປັດສິມມະພັນສາ ​ຫຼື​ ພັນ​ສາ​ຫຼັງ ຍົກ​ເວັ້ນ​ພະ​ພິກຂຸທີ່​ອາ​ພາດ (ປ່ວຍ) ຫຼື​ ມີ​ກິດ​ຈຳ​ເປັນ​ຈຶ່ງ​ຈະ​ອະທິຖານ​ຈຳ​ພັນ​ສາ​ໃນ​ໄລຍະ​ປັດສິມມະພັນສາ. ສ່ວນ​ການ​ທີ່​ມີ​ເດືອນ​ແປດ​ສອງ​ຫົນ ຫຼື​ ປີ​ອະທິກະມາດ ກໍ​ເພາະ​ເປັນ​ການ​ນັບ​ທາງ​ຈັນທະລະຄະຕິ (ມື້​ຂຶ້ນ ມື້​ແຮມ) ເຊິ່ງ​ແຕ່​ລະ​ປີ​ຈະ​ມີ​ຈຳນວນ​ມື້​ນ້ອຍ​ກວ່າ​ການ​ນັບ​ທາງ​ສຸລິຍະຄະ​ຕິ (ການ​ນັບ​ມື້​ຕາມ​ແບບ​ປັດຈຸບັນ) ເຮັດໃຫ້​ຕ້ອງ​ເພີ່ມ​ເດືອນ​ໃນ​ບາງ​ປີ​ເພື່ອ​ຊົດ​ເຊີຍ​ຈຳນວນ​ວັນທີ​ຫາຍ​ໄປ ບໍ່​ໃຫ້​ປີ​ທາງ​ຈັນທະລະຄະຕິ​ ແລະ ສຸລິຍະຄະຕິ​​ເຄື່ອນ​ຫຼາຍ​.


ພາບ: https://pixabay.com/photos/blur-buddhism-ceremony-folded-hands-1845861/

ປະຫວັດ​ວັນເຂົ້າພັນສາ

ວັນເຂົ້າພັນສາ ເມື່ອ​ຄັ້ງທີ່​ພະພຸດທະເຈົ້າປະ​ທັບ​ຢູ່​ທີ່​ວັດເວລຸວັນ ເມືອງ​ຣາຊະຄຣຶ ພໍ​ເຖິງ​ລະດູ​ຝົນ​ພະ​ພິກຂຸສ່ວນ​ໃຫຍ່​ກໍ​ຢູ່​ປະຈຳ​ທີ່​ເຊັ່ນ​ດຽວ​ກັບ​ນັກ​ບວດ​ນອກພຸດທະສາສະໜາ​ທີ່​ມັກ​ຖື​ເປັນ​ປະເພນີ​ປະຕິບັດ​ຢູ່​ຈຳ​ພັນ​ສາ​ມາ​ຕັ້ງ​ແຕ່​ກ່ອນພຸດທະການ ປາກົດວ່າ​ມີ​ພະ​ພິກຂຸກຸ່ມ​ສັບພັກຄີພາ​ບໍລິວານ​ຈຳນວນ 1,5​00 ຮູບ ​ທ່ຽວ​ຈາລິກ​ໄປ​ຕາມ​ສະຖານທີ່​ຕ່າງ​ໆ ເນື່ອງ​ຈາກ​ຕອນ​ຕົ້ນພຸດທະການ​ຍັງ​ບໍ່​ມີ​ພຸດ​ທາ​ນຸ​ຍາດ​ໃຫ້​ພິກຂຸຢູ່​ຈຳ​ພັນ​ສາ ເຮັດໃຫ້​ຊາວ​ບ້ານ​ພາ​ກັນ​ຕິ​ຕຽນ​ເຖິງ​ການ​ຈາລິກ​ຂອງ​ທ່ານ​ເພາະ​ໄປ​ຢຽບ​ເຂົ້າ​ກ້າ​ໃນ​ນາ​ເສຍ​ຫາຍ ເມື່ອ​ຮູ້​ໄປ​ເຖິງ​ພະພຸດທະເຈົ້າ ຈຶ່ງ​ຮັບ​ສັ່ງ​ໃຫ້ປະ​ຊຸມ​ສົງ ກ່າວ​ຖາມ​ຈົນ​ໄດ້​ຄວາມ​ຈິງ ແລ້ວ​​ບັນຍັດ​ໃຫ້​ພະ​ພິກຂຸຢູ່​ຈຳ​ພັນ​ສາ ເປັນ​ເວລາ 3 ເດືອນ​ໃນ​ລະດູ​ຝົນ.

ຢ່າງໃດ​ກໍ​ດີ ໃນ​ກໍລະນີ​ທີ່​ມີ​ກິດ​ຈຳ​ເປັນ ພະພຸດທະເຈົ້າ​ກໍ​ໄດ້ປະທານອະນຸຍາດ​ໃຫ້​ພະ​ພິກຂຸໄປ​ຄ້າງ​ຄືນ​ຢູ່ບ່ອນອື່ນ​ໄດ້​ຄັ້ງ​ລະ​ບໍ່​ເກີນ 7 ມື້ ໂດຍ​ບໍ່​ຖື​ວ່າ​ອາບັດ ເອີ້ນວ່າ​ເປັນ​ເຫດ​ພິເສດ​ ຫຼື “ສັດ​ຕາ​ຫະ​ກໍລະ​ນີຍະ​ກິດ” ເຊິ່ງ​ມີ​ຢູ່ 4 ປະການ​ຄື:

1.ເພື່ອນ​ສະຫະທຳມິກ (ຜູ້​ມີ​ທຳ​ຮ່ວມ​ກັນ) ທັງ 5 ຄື: ພິກຂຸ, ພິກຂຸນີ, ສິກ​ຂາ​ມາ​ນາ (ນາງ​ຜູ້​ກຳ​ລັງ​ສຶກ​ສາ /ສາມະ​ເນ​ລີ ​ຜູ້​ມີອາຍຸ 18​ ປີ ​ແລະ ​ອີກ 2 ປີ​ຈະ​ຄົບ​ບວດ​ເປັນ​ພິກຂຸນີ), ສາມະເນນ, ສາມະເນລີ ຫຼື​ ບິດາ​ມານດາ​ ປ່ວຍ​ໄປ​ເພື່ອພະຍາບານ​ໄດ້;

2​.ໄປ​ເພື່ອ​ຢັບ​ຢັ້ງ​ເພື່ອນ​ສະຫະທຳມິກ​ທີ່​ຢາກ​ສິກ ບໍ່​ໃຫ້​ສິກ​ໄດ້;

3​.ໄປ​ເພື່ອ​ກິດ​ຂອງ​ສົງ ເຊັ່ນ: ຫາ​ອຸປະກອນ​ສ້ອມແປງ​ກຸ​ຕິ ວິ​ຫານ​ທີ່ເປ່ເພຊຸດ​ໂຊມ​ໄດ້;

4​.ໄປ​ເພື່ອ​ສະຫຼອງ​ສັດທາ​ທາຍົກ​ທີ່​ທ່ານ​ສົ່ງ​ຕົວ​ແທນ​ມາ​ນິມົນໄປ​ຮ່ວມ​ບຳ​ເພັນ​ບຸນໄດ້.


ພາບ: https://pixabay.com/photos/buddah-gold-statue-buddhism-238930/

ນອກ​ຈາກ​ນັ້ນ ວັນເຂົ້າພັນສາ ຍັງ​ຍົກ​ເວັ້ນ​ສຳລັບ​ພະ​ພິກຂຸທີ່ປະ​ສົບ​ເຫດ​ດັ່ງ​ຕໍ່ໄປ​ນີ້ ແມ່ນ​ຈະ​ເປັນ​ລະຫວ່າງ​ພັນ​ສາ​ກໍ​ສາມາດ​ຫຼີກ​ໄປ​ທີ່​ອື່ນ​ໄດ້​ໂດຍ​ບໍ່​ອາບັດ ແຕ່​ໄຮ້ພັນ​ສາ ຄື ຖືກ​ສັດ​ຮ້າຍ​ລົບກວນ​ ຫຼື​ ບຽດ​ບຽນ ຖືກ​ງູ​ລົບກວນ ​ຫຼື ​ຂົບ​ກັດ, ຖືກ​ໂຈນ​ບຽດ​ບຽນ​ ຫຼື​ ປຸ້ນ, ທຸບ​ຕີ, ຖືກຜີ​ສາດ​ລົບກວນ, ເຂົ້າ​ສິງ ​ຫຼື​ ຂ້າ, ຊາວ​ບ້ານ​ທີ່​ໃຫ້​ຄວາມ​ອຸປະຖຳ​ບໍ່​ສາມາດ​ອຸປະຖຳ​ໄດ້​ຕໍ່ໄປ​ເພາະ​ຍ້າຍ​ຖິ່ນ, ຖານ​ໄປ​ທີ່​ອື່ນ ຫຼື​ ເສ​ນາສະ​ນະ​ຂອງ​ພິກຂຸຖືກ​ໄຟ​ໄໝ້​ນ້ຳ​ຖ້ວມ ຫຼື​ ມີ​ຜູ້​ຈະ​ພະຍາຍາມທຳ​ຮ້າຍ, ພະ​ພິກຂຸສາມາດ​ຫຼີກ​ໄປ​ຢູ່​ບ່ອນ​ອື່ນ​ລະຫວ່າງ​ພັນ​ສາ​ໄດ້.

ວັນເຂົ້າພັນສານ​ອກ​ຈາກ​ຈະ​ເປັນ​ໄລຍະ​ທີ່​ພະ​ພິກຂຸຢູ່​ປະຈຳ​ທີ່​ດັ່ງກ່າວ​ແລ້ວ ຍັງ​ກໍ່​ໃຫ້​ເກີດ​ປະເພນີ​ສຳຄັນ​ຂຶ້ນ​ອີກ 2 ປະເພນີ​ຄື: ປະເພນີ​ຖະຫວາຍ​ຜ້າ​ອາບ​ນ້ຳ​ຝົນ ແລະ​ ປະເພນີ​ແຫ່​ທຽນ​ພັນ​ສາ. ປະເພນີ​ຖະຫວາຍ​ຜ້າ​ອາບ​ນ້ຳ​ຝົນ ເກີດ​ຂຶ້ນ​ໂດຍ​ມີ​ເລື່ອງ​ເລົ່າ​ວ່າ ໃນ​ສະໄໝພຸດທະການ ຄັ້ງ​ໜຶ່ງ​ນາງ​ວິ​ສາ​ຂາ ມະຫາ​ອຸ​ບາ​ສິ​ກາ​ຕ້ອງ​ການ​ຈະ​ນິມົນພະພິກຂຸໄປ​ສັນ​ພັດ​ຕາ​ຫານ​ຢູ່ບ້ານ.

ຈຶ່ງ​ໃຫ້​ຊາວ​ຮັບ​ໃຊ້​ໄປ​ພະ​ວິ​ຫານ​ເຊຕະວັນເພື່ອ​ນິມົນພະ ປາກົດວ່າ​ນາງ​ໄປ​ເຫັນ​ພະ​ພິກຂຸເປືອຍ​ກາຍ​ອາບ​ນ້ຳ​ຝົນ​ຢູ່ ກໍ​ກັບ​ມາລາຍ​ງານ​ດ້ວຍ​ຄວາມ​ເຂົ້າໃຈ​ຜິດ​ວ່າ​ບໍ່​ພົບ​ພະສົງ ເຫັນ​ແຕ່​ພວກ​ຊີ​ເປືອຍ. ນາງ​ວິ​ສາ​ຂາ​ກໍ​ຮູ້​ດ້ວຍ​ປັນຍາ​ວ່າ​ຄົງ​ເປັນ​ພະ​ອາບ​ນ້ຳ​ຝົນ​ຢູ່. ດັ່ງ​ນັ້ນ ນາງ​ຈຶ່ງ​ໄດ້​ທູນ​ຂໍ​ພອນ​ຈາກ​ພະພຸດທະເຈົ້າ ຂໍ​ຖະຫວາຍ​ຜ້າ​ອາບ​ນ້ຳ​ຝົນ​ແດ່​ພະ​ພິກຂຸ ແລະ ​ພິກຂຸນີ​ເປັນ​ປະຈຳ​ແຕ່​ນັ້ນ​ມາ ຈຶ່ງ​ເກີດ​ເປັນ​ປະເພນີ​ທີ່​ຊາວ​ພຸດ​​ປະຕິບັດ​ສືບ​ຕໍ່​ມາ​ຈົນ​ທຸກ​ມື້​ນີ້ ແລະ ກ່າວ​ກັນ​ວ່າ ຜູ້​ທີ່​ຖະຫວາຍ​ຜ້າ​ອາບ​ນ້ຳ​ຝົນ​ຈະ​ໄດ້ຮັບ​ອານິສົງເໝືອນ​ການ​ຖະຫວາຍ​ຜ້າ​ອື່ນ​ໆ​ຕາມໄນ​ທີ່​ພະພຸດທະເຈົ້າ​ກ່າວ​ໄວ້ ຄື ເຮັດ​ໃຫ້ເປັນ​ຜູ້​ມີ​ຜິວ​ພັນ​ຜ່ອງ​ໃສ, ສວຍ​ງາມ, ບໍ່​ມີ​ໂລກ​ໄພ​ໄຂ້​ເຈັບ, ມີ​ຄວາມ​ສະ​ອາດ​ຜ່ອງ​ໃສ​ທັງ​ກາຍ ​ແລະ ​ໃຈ.

ສ່ວນ​ປະເພນີ​ແຫ່​ທຽນ​ພັນ​ສາ ເກີດ​ຈາກ​ຄວາມ​ຈຳ​ເປັນ​ທີ່​ວ່າ​ສະໄໝ​ກ່ອນ​ຍັງ​ບໍ່​ມີ​ໄຟ​ຟ້າ​ໃຊ້​ຄືກັບໃນ​ປັດຈຸບັນ. ດັ່ງ​ນັ້ນ ເມື່ອ​ພະ​ພິກຂຸຢູ່​ລວມ​ກັນຫຼາຍ​ໆ​ເພື່ອ​ປະຕິບັດ​ກິດຈະວັດ ເຊັ່ນ: ການ​ສູດ​ມົນຕ​ອນ​ເຊົ້າ​ມືດ ​ແລະ ​ໃກ້​ຄ່ຳ, ການສຶກສາ​ພະ​ປະ​ຣິ​ຍັດ​ທຳ, ການ​ບູຊາ​ພະ​ລັດຕະ​ນະໄຕ ແລະ ອື່ນໆ ຈຳ​ເປັນ​ຕ້ອງ​ໃຊ້​ແສງ​ສະຫວ່າງ​ຈາກ​ທຽນ. ດັ່ງ​ນັ້ນ ຊາວ​ບ້ານ​ຈຶ່ງ​ໄດ້​ຮ່ວມ​ກັນ​ນຳ​ທຽນ​ມາ​ຖະຫວາຍ ເຊິ່ງ​ໄລຍະ​ຕົ້ນ​ກໍ​ຄົງ​ຈະ​ຖະຫວາຍ​ເປັນ​ທຽນ​ນ້ອຍ​ໆ​ທຳມະດາ ​ຕໍ່​ມາ​ກໍ​ໄດ້​ມີ​ການ​ມັດ​ທຽນ​ນ້ອຍ​ໆ​ມາ​ລວມ​ກັນ​ເປັນ​ຕົ້ນ ຄ້າຍ​ຕົ້ນ​ກ້ວຍ ​ຫຼື​ ລຳ​ໄມ້​ໄຜ່ ແລ້ວ​ຕິດ​ກັບ​ຖານ ທີ່​ເອີ້ນກັນ​ວ່າ ຕົ້ນ​ທຽນ ຫຼື ຕົ້ນ​ທຽນ​ພັນ​ສາ ແລະ​ກໍ​ວິວັດທະນາ​ການ​ມາ​ເລື້ອຍ​ໆ​ຈົນ​ເປັນ​ທຽນ​ພັນ​ສາ​ຢ່າງ​ທີ່​ເຮົາ​ເຫັນ​ກັນ​ຢູ່ໃນ​ປັດຈຸບັນ.


ພາບ: https://pixabay.com/photos/bas-relief-buddha-panels-religious-4275326/

ກ່າວ​ກັນ​ວ່າ ທຽນ​ພັນ​ສາ ເລີ່ມ​ມາ​ຈາກ​ຜູ້​ທີ່​ນັບ​ຖື​ສາສະໜາພາມ-​ຮິນດູ ເຊິ່ງ​ນັບ​ຖື​ງົວ ທີ່​ເປັນ​ພາຫະນະ​ຂອງ​ພະ​ອິ​ສວນ. ເມື່ອ​ງົວ​ຕາຍ ກໍ​ຈະ​ເອົາ​ໄຂ​ຈາກ​ງົວ​ມາ​ເຮັດ​ເປັນ​ນ້ຳ​ມັນ​ເພື່ອ​ຈຸດ​ບູຊາ​ພະ​ເປັນ​ເຈົ້າ​ທີ່​ຕົນ​ເຄົາລົບ ແຕ່​ຊາວ​ພຸ​ດ​ຈະ​ເຮັດ​ທຽນ​ເພື່ອ​ບູຊາ​ພະ​ລັດຕະນະໄຕ ໂດຍ​ເອົາ​ມາ​ຈາກ​ຮັງ​ເຜິ້ງ​ຮ້າງ ຕົ້ມ​ເອົາ​ຂີ້​ເຜິ້ງ​ມາ​ຟັ່ນ​ເປັນ​ທຽນ​ນ້ອຍ​ໆ​ເພື່ອ​ຈຸດ​ບູຊາ​ພະ ແລະ ​ໄດ້​ຢຶດ​ເປັນ​ປະເພນີ​ທີ່​ຈະ​ນຳ​ທຽນ​ໄປ​ຖະຫວາຍ​ພະ​ພິກຂຸໃນ​ໄລຍະ​ເຂົ້າພັນ​ສາ ເພື່ອ​ປາດຖະໜາ​ໃຫ້​ຕົນເອງ​ມີ​ສະຕິປັນຍາ​ສະຫຼຽວ​ສະຫຼາດ​ດຸດ​ດັ່ງ​ແສງ​ສະຫວ່າງ​ຂອງ​ດວງ​ທຽນ.

ອີກຢ່າງ​ໜຶ່ງ ການ​ທີ່​ພະ​ພິກຂຸຈຳນວນຫຼາຍ​ຢູ່​ຈຳ​ພັນ​ສາ​ເຖິງ 3 ເດືອນ​ນີ້ ນັບ​ເປັນ​ໂອ​ກາດ​ເໝາະ​ທີ່​ຈະ​ໄດ້​ສຶກ​ສາ​ຮໍ່າ​ຮຽນ​ພະ​ທຳ​ວິໄນ ແລະ ​ປະພຶດ​ປະຕິບັດ​ທຳ​ກັບ​ພະ​ເຖລະ​ທີ່​ເປັນ​ອຸ​ປ​ັ​ດຊາອາຈານ​ຢ່າງ​ເຕັມ​ທີ່. ໃນ​ຂະນະ​ດຽວ​ກັນ​ກໍ​ເປັນ​ໂອ​ກາດ​ໃຫ້​ພຸ​ດທະ​ສາສະ​ນິກະ​ຊົນ​ໄດ້​ໄປ​ບຳ​ເພັນ​ກຸ​ສົນ ເຊັ່ນ: ເຮັດ​ບຸນ​ຕັກ​ບາດ, ຮັກສາ​ສິນ, ສູດ​ມ​ົນ​, ຟັງ​ທຳ, ຈະເລີນ​ພາວ​ະນາ ຕະຫຼອດ​ຈົນ​ໄປ​ສຶກ​ສາ​ຫາ​ຄວາມ​ຮູ້​ກັບ​ພະ​ພິກຂຸ ເຊິ່ງ​ຕໍ່​ມາ​ໄດ້​ເກີດ​ເປັນ​ປະເພນີ​ນິຍົມ​ທີ່​ຈະໃຫ້​ລູກ​ຫຼານ​ໄປ​ບວດ​ຮຽນ​ໃນ​ໄລຍະ​ເຂົ້າ​ພັນ​ສາ ເພື່ອ​ໃຫ້​ໄດ້​ສຶກ​ສາ​ພະ​ທຳ​ຄຳ​ສອນ​ຂອງ​ພະ​ພຸດ​ທະອົງ​ ແລະ ​ໄດ້​ຝຶກ​ຝົນ​ຕົນເອງ.

ສຳລັບ​ປັດຈຸບັນ ໄດ້​ມີ​ພຸດທະສາສະນິກະຊົນ​ຈຳນວນ​ບໍ່​ນ້ອຍ​ທີ່​ຖື​ເອົາ​ວັນເຂົ້າພັນສາ​ເປັນ​ມື້​ສຳ​ຫຼວດ​ພຶດຕິກຳ​ຂອງ​ຕົນ​ທີ່​ຜ່ານມາ ແລະ​ ຕັ້ງ​ຈິດ​ອະທິຖານ​ທີ່​ຈະ​ຫຼຸດ, ລະ, ເຊົາ ເຮັດ​ສິ່ງ​ທີ່​ບໍ່​ດີ​ຕ່າງ​ໆ ເຊັ່ນ: ເຊົາ​ດື່ມເຫຼົ້າ, ອົດສູບຢາ, ການ​ເວົ້າ​ຈາ​ຫຍາບ​ຄາຍ ແລະ ອື່ນໆ ໃນ​ໄລຍະ​ເທສະ​ການ​ເຂົ້າ​ພັນ​ສາ 3 ເດືອນ ໂດຍ​ໃຊ້​ມື້​ນີ້​ເປັນ​ມື້​ເລີ່ມ​ຕົ້ນ​ໃນ​ການ​ກະທຳ​ດີ ເຊິ່ງ​ກໍ​ນັບ​ວ່າ​ເປັນ​ໄລຍະ​ເວລາ​ທີ່​ຍາວ​ນານ​ພຽງ​ພໍ​ສຳລັບ​ຄວາມ​ຕັ້ງ​ໃຈ​ສ້າງ​ເສີມ​ຄຸນ​ລັກສະນະ​ທີ່​ພຶງ​ປະສົງ​ໃຫ້​ເກີດ​ຂຶ້ນ ເຊິ່ງ​ມີ​ອານິສົງເຮັດໃຫ້​ຕົນເອງ, ຄອບຄົວ ​ແລະ ​ສັງຄົມ​ເກີດ​ຄວາມ​ສຸກ ສະຫງົບ​ຮົ່ມ​ເຢັນ.

ເຈົ້າເດ ໄດ້​ຕັ້ງ​ຈິດ​ອະທິຖານ​ທີ່​ຈະ​ເລີ່ມ​ເຮັດ​ຄວາມ​ດີ ໃນ​ມື້​ທີ່ສຳຄັນນີ້​ແລ້ວ​ ຫຼື​ ຍັງ?

Advertisement Replay Ad

ຂໍຂອບໃຈ

ຂໍ້ມູນ : sanook! , Pixabay

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ເປີດເພງ-ຮ້ອງເພງສຽງດັງເນືອງນັນລົບກວນໂສດປະສາດ ນອນບໍ່ໄດ້ ໃຜຊ່ວຍໄດ້ແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ພາກັນຮູ້ແລ້ວບໍ່? 10 ອັນດັບສັດທີ່ມີອາຍຸສັ້ນທີ່ສຸດໃນໂລກມີສັດໃດແດ່?

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

ເຮັດແນວໃດຈຶ່ງປະສົບຄວາມສຳເລັດ? ນີ້ແມ່ນ 5 ເຄັດລັບທີ່ຄວນຮຽນຮູ້ຈາກ Taylor Swift ຖ້າຢາກເກັ່ງການຕະຫຼາດ

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

"ຢາສູບໄຟຟ້າ" ບໍ່ເປັນອັນຕະລາຍ ຫຼື ນັ້ນເປັນພຽງເລ່ກົນຮູບແບບໃໝ່ຂອງບໍລິສັດຢາສູບ?

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

ຍຸງລາຍຫຼົບໄປ! ປະຕິບັດຫຼັກການ "5ປ" ສະກັດພະຍາດໄຂ້ຍຸງລາຍຕັ້ງແຕ່ຫົວທີ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

10 ສຳນວນອັງກິດທີ່ເຈົ້າຄວນໃຊ້ ເພື່ອເພີ່ມສະເໜ່ໃຫ້ຕົວເອງ

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ຢຸດແຊພາບຜູ້ເສຍຊີວິດ ເພາະເປັນການກະທຳທີ່ບໍ່ໃຫ້ກຽດ ແລະ ຜິດກົດໝາຍ ໃຫ້ຄິດເຖິງ "ໃຈເຂົາໃຈເຮົາ"

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ໃສ່ "ຜ້າອັດປາກ-ດັງ" ອອກກຳລັງກາຍ ສ່ຽງອັອກຊີເຈນບໍ່ພຽງພໍ ປອດ-ຫົວໃຈເຮັດວຽກໜັກ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ຄົນລ້ຽງແມວຄວນລະວັງ! ງານວິໄຈເຜີຍໂຄວິດ-19 ສາມາດແພ່ໃນກຸ່ມແມວໄດ້ໄວ ແຕ່ບໍ່ສະແດງອາການ

ຢາກໃຫ້ພໍ່ແມ່ໄດ້ອ່ານ! 5 ຜົນຮ້າຍຈາກການຕີລູກ ທີ່ທ່ານບໍ່ຄວນເບິ່ງຂ້າມ

ຢາກໃຫ້ພໍ່ແມ່ໄດ້ອ່ານ! 5 ຜົນຮ້າຍຈາກການຕີລູກ ທີ່ທ່ານບໍ່ຄວນເບິ່ງຂ້າມ

ຟັງທາງນີ້! ເປັນໂສດໃນໄວ 30 ປີບໍ່ແມ່ນເລື່ອງແປກ ເພາະຄົນຮຸ່ນໃໝ່ທົ່ວໂລກກຳລັງຢູ່ໃນກະແສ Waithood

ຟັງທາງນີ້! ເປັນໂສດໃນໄວ 30 ປີບໍ່ແມ່ນເລື່ອງແປກ ເພາະຄົນຮຸ່ນໃໝ່ທົ່ວໂລກກຳລັງຢູ່ໃນກະແສ Waithood

ຮູ້ໄວ້ກໍດີ! ວິທີຈັດລະບຽບເຮືອນເພື່ອປ້ອງກັນເຫດໄຟໄໝ້ ໃນໄລຍະອາກາດຮ້ອນອົບເອົ້າ

ຮູ້ໄວ້ກໍດີ! ວິທີຈັດລະບຽບເຮືອນເພື່ອປ້ອງກັນເຫດໄຟໄໝ້ ໃນໄລຍະອາກາດຮ້ອນອົບເອົ້າ

ແມ່ລູກອ່ອນທີ່ຕິດເຊື້ອໂຄວິດ-19 ສາມາດໃຫ້ນົມລູກໄດ້ຢ່າງປອດໄພ ຫຼື ບໍ່?

ແມ່ລູກອ່ອນທີ່ຕິດເຊື້ອໂຄວິດ-19 ສາມາດໃຫ້ນົມລູກໄດ້ຢ່າງປອດໄພ ຫຼື ບໍ່?

ພົ້ນວິກິດໂຄວິດ-19 ທ່ຽວໃສດີ? ແນະນຳ 10 ສະຖານທີ່ທ່ອງທ່ຽວໃນລາວເອກະລັກໜຶ່ງດຽວໃນໂລກ

ພົ້ນວິກິດໂຄວິດ-19 ທ່ຽວໃສດີ? ແນະນຳ 10 ສະຖານທີ່ທ່ອງທ່ຽວໃນລາວເອກະລັກໜຶ່ງດຽວໃນໂລກ

ຮ້ອນຕັບແຕກ! ແນະນຳ 7 ວິທີ ຄາຍຮ້ອນລະຫວ່າງວັນ ສຳລັບໃຜທີ່ບໍ່ມີແອ ຄວນອ່ານ

ຮ້ອນຕັບແຕກ! ແນະນຳ 7 ວິທີ ຄາຍຮ້ອນລະຫວ່າງວັນ ສຳລັບໃຜທີ່ບໍ່ມີແອ ຄວນອ່ານ

ເຮັດແນວໃດດີແມ່? 3 ວິທີຮັບມື ເມື່ອແຟນເກົ່າເລີ່ມຄົບຫາກັບໝູ່ຂອງເຈົ້າ

ເຮັດແນວໃດດີແມ່? 3 ວິທີຮັບມື ເມື່ອແຟນເກົ່າເລີ່ມຄົບຫາກັບໝູ່ຂອງເຈົ້າ

ຂໍ້ກົດໝາຍທີ່ຄວນຮູ້ ກ່ຽວກັບ "ການກັນ ແລະ ຄວບຄຸມພະຍາດຕິດຕໍ່"

ຂໍ້ກົດໝາຍທີ່ຄວນຮູ້ ກ່ຽວກັບ "ການກັນ ແລະ ຄວບຄຸມພະຍາດຕິດຕໍ່"

ຕິດພະຍາດໂຄວິດ-19 ແລ້ວມີອາການປ່ວຍ ຫຼື ບໍ່ນັ້ນ ອາດຂຶ້ນກັບພັນທຸກຳຂອງແຕ່ລະຄົນ

ຕິດພະຍາດໂຄວິດ-19 ແລ້ວມີອາການປ່ວຍ ຫຼື ບໍ່ນັ້ນ ອາດຂຶ້ນກັບພັນທຸກຳຂອງແຕ່ລະຄົນ

ທ່ານຮູ້ແລ້ວຫຼືຍັງ? 6 ອາຊີບສ່ຽງ ທີ່ອາດຈະຕິດ ໂຄວິດ-19 ຫຼາຍກວ່າອາຊີບອື່ນ​ (ປ້ອງກັນດີກວ່າແກ້)

ທ່ານຮູ້ແລ້ວຫຼືຍັງ? 6 ອາຊີບສ່ຽງ ທີ່ອາດຈະຕິດ ໂຄວິດ-19 ຫຼາຍກວ່າອາຊີບອື່ນ​ (ປ້ອງກັນດີກວ່າແກ້)

ຢາກປະສົບຜົນສຳເລັດຕ້ອງອ່ານ! ແນະນຳ 7 ວິທີ ທີ່ຄົນສຳເລັດສ່ວນຫຼາຍເຮັດຕ່າງຈາກຄົນອື່ນ

ຢາກປະສົບຜົນສຳເລັດຕ້ອງອ່ານ! ແນະນຳ 7 ວິທີ ທີ່ຄົນສຳເລັດສ່ວນຫຼາຍເຮັດຕ່າງຈາກຄົນອື່ນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ