ວັນອາທິດ ທີ 15 ກັນຍາ 2019

4 ພໍ່ມົດແຫ່ງໂລກເຕັກໂນໂລຊີ ກັບພຶດຕິກຳສຸດແປກ ທີ່ເຈົ້າອາດຈະຍັງບໍ່ເຄີຍຮູ້ມາກ່ອນ

4 ພໍ່ມົດແຫ່ງໂລກເຕັກໂນໂລຊີ ກັບພຶດຕິກຳສຸດແປກ ທີ່ເຈົ້າອາດຈະຍັງບໍ່ເຄີຍຮູ້ມາກ່ອນ

ສ່ວນ​ໃຫຍ່​ແລ້ວ​ຫາກ​ເວົ້າ​ເຖິງ Silicon Valley ເຈົ້າ​ຈະ​ເຫັນ​ພາບ​ພໍ່ມ​ົດ​ແຫ່ງໂລກເຕັກໂນໂລຊີທີ່​ລ້ຳ​ສະໄໝ​ ແລະ ຜູ້ຊ່ຽວຊານດ້ານ​ການ​ຂຽນ​ໂຄ້​ດ (code) ນັ່ງ​ຈົດ​ຈໍ່​ຢູ່​ກັບ​ຄອມພິວເຕີແລັບ​ທັອບ ​ແລະ​ ພື້ນ​ທີ່​ເຮັດວຽກ, ຄິ້ວສົນ​ກັນ ​ແລະ​ ສາຍ​ຕາ​ຈ້ອງ​ຢູ່​ທີ່​ບັນຫາ​ແຫ່ງ​ອະນາຄົດ. ຈິນ​ຕະ​ນາ​ການ​ອາດ​ບໍ່​ໄດ້​ຢູ່​ໄກ​ຈາກ​ຄວາມ​ເປັນ​ຈິງ​ຫຼາຍ​ປານໃດ ແຕ່​ມັນ​ກຳ​ລັງ​ແນມ​ຂ້າມ​ຂໍ້​ເທັດ​ຈິງ​ທີ່​ວ່າ ​ຜົນ​ຜະລິດ​ທີ່​ໄດ້​ນັ້ນ​ສຳຄັນ​ຕໍ່​ຄວາມ​ສຳ​ເລັດ​ເຊັ່ນ​ກັນ. Silicon Valley ຈຶ່ງ​ກາຍ​ເປັນ​ເຮືອນຂອງ​ຄ່ານິຍົມການ​ຄວບ​ຄຸມ​ເລື່ອງ​ອາຫານ ​ແລະ ​ການ​ມີ​ສຸຂະພາບ​ທີ່​ດີ ທີ່​ເປັນ​ຮູ້​ຈັກ​ກັນ​ໃນ​ແງ່​ຂອງ​ການ​ສົ່ງ​ເສີມ, ພັດທະນາ​ ແລະ ຍົກ​ລະດັບ​ຊີວິດ​ໃຫ້​ດີ​ຍິ່ງ​ຂຶ້ນ.

ດ້ວຍ​ອີ​ໂກ້ລະດັບ​ຊູ​ເປ​ີ​ຮີ​ໂຣ່, ບຸກຄົນທີ່​ສ້າງ​ຊື່​ສຽງ​ໃຫ້​ກັບ​ຕົວ​ເອງ​ໃນ Silicon Valley ນັ້ນ​ເປັນ​ທີ່​ຮູ້​ຈັກ​ກັນ​ວ່າ​ເປັນ​ສ່ວນໜຶ່ງ​ຂອງ​ຄ່ານິຍົມທີ່​ໜ້າຕະຫຼົກ ​ແລະ ​ແປກ​ອອກ​ໄປ ເຊິ່ງ​ເຊື່ອງຊ້ອນ​ຢູ່​ພາຍໃຕ້​ໜ້າ​ກາກ​ຂອງ​ຄຳ​ວ່າ "ສຸຂະພາບ" ເຊິ່ງມີທັງຄົນທີ່​ສີດ​ເລືອດ​ທີ່​ມີ​ສ່ວນ​ປະສົມ​ຂອງ​ຫຍັງ​ກໍ​ບໍ່​ຮູ້​ເຂົ້າ​ຮ່າງກາຍ​ຕົວ​ເອງ ແລະ ​ອີກຄົນທີ່​ຕ້ອງ​ການ​ຄວາມ​ຊ່ວຍ​ເຫຼືອ​ຈາກ​ວິທະຍາ​ສາດ​ທີ່​ໃຊ້​ວິທີ "Biohack" ເພື່ອສະໜອງຄວາມ​ຕ້ອງ​ການ​ຂອງ​ອາຫານ​ທີ່​ພວກເຂົາ​ຕ້ອງ​ການ. ທັງ​ໝົດ​ທັງ​ມວນ​ນີ້​ດຳ​ເນີນ​ການ​ເພື່ອ​ເສາະ​ສະແຫວງຫາ​ຜົນ​ຜະລິດ ​ແລະ ​ຄວາມ​ອ່ອນ​ເຍົາ​ ມີ​ຊີວິດ​ຊີ​ວາ​ທີ່​ຫຼາຍ​ຂຶ້ນ ເພາະ​ເມື່ອ​ກິດຈະວັດ​ໃນ​ການ​ເຮັດ​ວຽກ​​ເຮັດໃຫ້​ເຫຼືອ​ເວລາ​ນອນ​ພຽງແຕ່ສີ່​ຊົ່ວ​ໂມງ​ຕໍ່​ມື້​ ແລະ ​ກໍຍັງ​ບໍ່​ມີ​ເວລາ​ຫຼາຍ​ພໍ​ທີ່​ຈະ​ປ່ອຍ​ຜົນ​ງານ​ລະດັບໂບ​ແດງ​ອອກ​ມາ, ພວກເຂົາກໍ​ຈະ​ເຮັດ​ທຸກວິທີ​ທາງ​ເພື່ອ​ພັດທະນາ​ສະໝອງ ​ແລະ ໜ້າທີ່​ໃນ​ຮ່າງກາຍ.

ພຶດຕິກຳ​ດັ່ງກ່າວ​ແພ່ຫຼາຍ​ໄປຍັງ​ເຫຼົ່າ​ຄົນ​ເກັ່ງ​ຂອງ​ເຮົາ​ໃນ​ຫຼາຍ​ໆບ່ອນ. ຄວາມ​ກັງ​ວົນ​ເຫຼົ່າ​ນັ້ນ​ຖືກ​ຍົກ​ຂຶ້ນ​ມາ​ດ້ວຍປະ​ເດັນ​ທີ່​ວ່າ ຄວາມຈິງແລ້ວ ​ພວກເຂົາ​ມີ​ສະພາ​ວະ​ຂອງ Wellness (ເປັນ​ສະພາ​ວະ​ທີ່​ສະແດງ​ເຖິງ​ຄວາມ​ສົມບູນ​ຂອງ​ການ​ເຊື່ອມ​ໂຍງ​ລະຫວ່າງ​ຮ່າງກາຍ, ຄວາມ​ຄິດ, ອາລົມ, ສັງຄົມ ແລະ​ຈິດໃຈ ດີ​ສໍ່າໃດ. ​ໃນ​ປັດຈຸບັນນີ້ ເບິ່ງ​ຄື​ວ່າ​ຄ່ານິຍົມຂອງ Wellness ຈະ​ອະນຸຍາດ​ໃຫ້​ຄວາມ​ຜິດ​ປົກກະຕິ​ດ້ານ​ກາ​ນບໍລິໂພກ​ແລະ​ ດ້ານ​ອາຍຸ​ນັ້ນ​ຢູ່​ພາຍໃຕ້​ຄຳ​ວ່າ "Fitspo". ແຕ່​ໃນ​ກໍລະນີ​ຂອງ​ ແຈັກ ດໍຊີ (Jack Dorsey) ຫຼື ສະຕີບ ຈັອບ (Steve Jobs) ຮ່າງກາຍ​ຂອງ​ພວກເຂົາ​ຕ້ອງ​ການ​ການ​ເຮັດ​ວຽກ​ຫຼາຍກວ່າ​ອາຫານພຽງແຕ່ 5 ມື້​ຕໍ່​ອາທິດ ​ຫຼື​ ຫົວກາລົດ​ຈານ​ດຽວ.

ເປັນ​ທີ່​ຮູ້​ກັນ​ວ່າ​ ເບນ​ຈາ​ມິນ ແຟຣງ​ຄລິນ (Benjamin Franklin) ມັກ​ຈະ​ອອກ​ມາ​ນັ່ງເປືອຍ​ກາຍ​​ຢູ່ປ່ອງຢ້ຽມ​ໃນ​ທຸກ​ໆເຊົ້າ ເຊິ່ງ​ເປັນ​ສິ່ງ​ທີ່ລາວເອີ້ນວ່າ​ການ​ອາບ​ອາ​ກາດ ​ຫຼື Air Baths ທີ່​ຈະ​ຊ່ວຍ​ຊຳລະ​ລ້າງ​ຮ່າງກາຍ​ ແລະ​ ປ້ອງ​ກັນ​ການ​ເຈັບ​ປ່ວຍ. ແຕ່​ບໍ່​ມີ​ຫຍັງ​ຈະ​ທຽບ​ໄດ້​ກັບ​ຕອນ​ນີ້​ເລີຍ ເມື່ອ​ລອງ​ເບິ່ງ​ພຶດຕິກຳ​ທີ່​ແປກ​ໆ ທີ່​ອອກ​ມາ​ຈາກ​ກຸ່ມ Silicon Valley ເຮົາ​ຕ້ອງ​ຖາມ​ຄຳ​ຖາມ​ເລີຍ​ວ່າ ເສັ້ນ​ແບ່ງ​ລະຫວ່າງ​ການ​ຄົ້ນ​ຫາ​ເຄັດ​ລັບ​ເພື່ອ​ສຸຂະພາບ​ ກັບ​ການທຳຮ້າຍ​ຮ່າງກາຍ​ໃຜ​ຈັກ​ຄົນ​ຢູ່ບ່ອນ​ໃດ?

ປີ​ເຕີ ທີລ (Peter Thiel) ຜູ້​ຮ່ວມ​ກໍ່​ຕັ້ງ PayPal

ພະລັງ​ທີ່​ຖືກ​ຂັບ​ເຄື່ອນ ​ແລະ ​ກະຕຸ້ນ​ຢ່າງ​ໜ້າ​ເຫຼືອ​ເຊື່ອ ຈົນ​ເຮົາ​ເຂົ້າໃຈ​ວ່າ​ມີ​ບໍ່​ພໍເທົ່າໃດ​ເລື່ອງ​ເທົ່າ​ນັ້ນ​ທີ່​ ປີ​ເຕີ ທີລ ​ເຮັດ​ບໍ່​ໄດ້. ນອກ​ເໜືອ​ຈາກ​ການ​ເປັນ​ຜູ້​ຮ່ວມ​ກໍ່​ຕັ້ງ PayPal ແລ້ວ, ລາວຍັງ​ເປັນ​ຜູ້​ຖື​ຮຸ້ນລາຍ​ໃຫຍ່​ຂອງ Facebook ອີກດ້ວຍ ແລະ ​ເຖິງ​ຂະໜາດ​ເຮັດໃຫ້​ບໍລິສັດ​ສິ່ງ​ພິມລາຍ​ໃຫຍ່​ທາງ​ອິນ​ເຕີ​ເນັດ​ລົ້ມ​ລະ​ລາຍ​ໄດ້​ພຽງ​ເພາະ​ພວກ​ນັ້ນ​ຫຍາບ​ຄາຍ​ກັບ​ຕົນເອງ​ເທົ່າ​ນັ້ນ.

ເບິ່ງ​ຄືວ່າ​ ທີລ ​ຈະ​ເຊື່ອ​ວ່າ ເສ​ລີ​ພາບ ​ແລະ ປະ​ຊາ​ທິປະໄຕ​ໄປ​ນຳກັນ​ບໍ່​ໄດ້ ເພາະ​ເຫດ​ນັ້ນ ລາວ​ຈຶ່ງ​ເລີ່ມລົງທຶນ​ເງິນ​ຈຳນວນ​ມະຫາ​ສານ​ເພື່ອ​ສ້າງ​ເກາະ​ລອຍ​ໄດ້​ຂຶ້ນ​ມາ ເພື່ອ​ທີ່​ພວກເຂົາ​ຈະ​ໄດ້​ປົກຄອງ​ໃນ​ລະບອບ​ກົດ​ຂີ່​ໄດ້ ແລະ ​ເພື່ອ​ທີ່​ຈະໃຫ້​ເລື່ອງ​ນີ້ປະ​ສົບ​ຄວາມ​ສຳ​ເລັດ. ທີລ​ລົງ​ເງິນ​ກວ່າ 500,000 ໂດລາສະຫະລັດ​ເພື່ອ​ກໍ່​ຕັ້ງ​ສະຖາບັນ Seasteading Institute ເຖິງ​ຂະໜາດ​ຊວນ​ລັດຖະບານ​ ເຟຣນພໍລີນີເຊຍ (French Polynesia) ​ໃຫ້​ພວກເຂົາ​ສ້າງ​ເມືອງ​ລອຍ​ນ້ຳ​ຂອງ​ຕົວ​ເອງ.

ນອກ​ຈາກ​ເປົ້າ​ໝາຍ​ນີ້ ທີລ ​ເປັນ​ທີ່​ຮູ້​ຈັກ​ກັນ​ດີ​ວ່າ​ເປັນ​ອີກ​ຄົນ​ໜຶ່ງ​ທີ່​ເສາະ​ຫາ​ຄວາມ​ອ່ອນ​ເຍົາ​ທີ່ເປັນ​ນິ​ລັນ. ລາວ​ວາງ​ແຜນ​ວ່າ​ຈະ​ມີ​ຊີວິດ​ຢູ່​ເຖິງ​ອາຍຸປະ​ມານ 120 ປີ ແລະ​ເປີດ​ກວ້າງ​ໃນ​ການ​ທີ່​ຈະ​ເອົາ​ຫຍັງ​ກໍ​ຕາມ​ທີ່​ຈຳ​ເປັນ​ເຂົ້າ​ຮ່າງກາຍ​ເພື່ອ​ໃຫ້​ໄດ້​ຕາມ​ທີ່​ຫວັງ​ໄວ້. ໃນ​ປັດຈຸບັນນີ້​ ລາວ​ກຳ​ລັງ​ທົດລອງ​ກັບ Growth Hormone ຂອງ​ມະນຸດ​ໂດສ​ (dose) ນ້ອຍ​ໆ ເຊິ່ງ​ເປັນ​ສິ່ງ​ທີ່​ເຮັດໃຫ້​ເກີດ​ບັນຫາ​ຮຸນແຮງ​ກັບ​ ແລນ ອາ​ມ​ສະຕຣອງ (Lance Armstrong). ນອກ​ຈາກ​ນີ້​ ລາວຍັງ​ເຂົ້າ​ຮ່ວມ​ໃນ​ໂຄງ​ການ Parabiosis ເຊິ່ງ​ເປັນ​ຂະ​ບວນ​ການ​ທີ່​ກ່ຽວກັບ​ການ​ສີດ​ເລືອດ​ຂອງ​ึຄົນທີ່​ອາຍຸ​ນ້ອຍ​ກວ່າ​ຫຼາຍ ​ເຂົ້າໄປ​ໃນ​ຮ່າງກາຍ​ຂອງ​ຕົວ​ເອງ.

ແຈັກ ດໍຊີ CEO ຂອງ Twitter

ເມື່ອ CNBC ຕີ​ພິມ​ຜົນງານ “Personal Wellbeing Habits" ຂອງ​ນັກ​ທຸລະກິດ​ໄວ 42 ປີ ເຊິ່ງ​ມີ​ການຍົກເອົາ​ຄວາມ​ກັງ​ວົນ​ເຖິງ​ສຸຂະພາບ​ຂອງ​ດໍຊີ ​ໂດຍ​ສະເພາະ​ໃນ​ເລື່ອງ​ຂອງ​ກາ​ນບໍລິໂພກ​ອາຫານ​ທີ່​ແປກ​ປະຫຼາດ. ດໍຊີ​ກິນ​ອາຫານ​ຄາບ​ດຽວ​ລະຫວ່າງ​ເວລາ 06:30 ໂມງ ເຖິງ 21:30 ໂມງ ແລະ ​ຈາກ​ນັ້ນ​ກໍອົດ​ອາຫານ​ໄປ​ຈົນ​ເຖິງ​ທ້າຍ​ອາທິດ ໂດຍ​ຫຼາຍ​ອາຫານ​ໃນ​ໜຶ່ງ​ມື້​ມັກ​ຈະ​ປະກອບ​ດ້ວຍ​ປາ, ໄກ່, ສະ​ເຕັກ​ ພ້ອມ​ກັບ​ສ​ະຫຼັດ ​ຫຼື Spinach ເຮັດໃຫ້​ຄາບ​ອາຫານ Low Carb ຄື​ກັບ​ມື້​ທີ່​ຕ້ອງ​ອົດ​ອາຫານ​ໄປ​ເລີຍ.

ໃນ​ບົດ​ສຳພາດ​ຂອງ​ລາວກັບ CNBC ດໍຊີ ກ່າວ​ວ່າ​ການກິນ​ອາຫານ​ໜຶ່ງ​ຄາບ​ຕໍ່​ມື້​ເຮັດໃຫ້​ລາວ "ຮູ້ສຶກ​ໄດ້​ຫຼາຍກວ່າ ແລະ ​ໂຟ​ກັດ​ໄດ້​ຫຼາຍກວ່າ. ເຈົ້າ​ຈະ​ມີ​ຈຸດ​ໂຟ​ກັດ​ໃນ​ໃຈ​ຈາກ​ແຮງ​ຂັບ​ເຄື່ອນ​ນີ້".

ເຊິ່ງ​ນັ້ນ​ອາດຈະ​ກ່ຽວກັບ​ການ​ທີ່​ດໍຊີ​ຍ່າງ 5 ໄມ​ ​ຈາກ​ເຮືອນ​ໄປຫ້ອງການໃນ 1 ຊົ່ວ​ໂມງ 15 ນາ​ທີ "ອາດເບິ່ງຄືວ່າ ຂ້ອຍ​ກຳ​ລັງ​ແລ່ນຊ້າໆ ​ຫຼາຍກວ່າ​ຍ່າງ" ລາວກ່າວ​ກັບ CNBC

ຄວາມ​ແປກ​ບໍ່​ໄດ້​ຢຸດ​ຢູ່ພຽງແຕ່​ເລື່ອງ​ນີ້. ໂຊກຮ້າຍທີ່​ເມື່ອ​ຢູ່​ທີ່ບ່ອນ​ເຮັດວຽກ, ດໍຊີ​ເຮັດວຽກ​ເທິງ​ໂຕະ​ທີ່​ຢູ່​ໃກ້​ຫຼອດ​ອິນ​ຟ​ຣາ​ເຣດ​ເຊິ່ງ​ເຊື່ອ​ວ່າ​ຈະ​ຊ່ວຍ​ສົ່ງ​ເສີມ​ການ​ຈະເລີນ​ເຕີບໂຕ​ໃໝ່​ຂອງ​ເຊ​ວ ແລະ ​ໄປໄກ​ເຖິງ​ຂະໜາດ​ທີ່​ວ່າ​ຊ່ວຍ​ປ້ອງ​ກັນ​ພະຍາດ​ ແລະ ​ອາການ​ບາດ​ເຈັບ​ໄດ້​ອີກດ້ວຍ.

ສະຕີບ ຈັອບ ເຈົ້າ​ຂອງ Apple

ຈາກ​ຊີວະປະຫວັດ​ຂອງ ​ສະຕີບ ຈັອບ ​ທີ່​ຂຽນ​ໂດຍ ​ວອລ​ເຕີ ໄອ​ແຊັກ​ສັນ (Walter Isaacson) ຜູ້​ກໍ່​ຕັ້ງ Apple ຈະ​ກິນ​ອາຫານພຽງແຕ່ປະ​ເພດ​ດຽວ​ເທົ່າ​ນັ້ນ ຢ່າງ​ເຊັ່ນ​: ຫົວກາລົດ ​ຫຼື​ ແອັບ​ເປີ້ນ ຫຼາຍ​ອາທິດ​ຕິດ​ໆ ກັນ. ຈັອບ​ກິນຫົວກາລົດ​ຫຼາຍ​ຈົນ​ມີລາຍ​ງານ​ວ່າ​ຕົວ​ລາວ​ເລີ່ມເປັນ​ສີ​ສົ້ມ​ໜ້ອຍໜຶ່ງ.

ເຮົາ​ເຊື່ອ​ວ່າ​ຈັອບ​ມັກ​ອ່ານປຶ້ມ Diet for a Small Planet ແລະ​ ສິ່ງ​ທີ່ລາວ​ໄດ້​ອ່ານ​ກະທົບ​ໃຈ​ເຂົ້າ​ຢ່າງ​ເລິກ​ເຊິ່ງ ເຮົາ​ໄດ້​ເຫັນລາວ​ສາ​ບານ​ວ່າ​ຈະ​ບໍ່​ແຕະ​ຊີ້ນ​ອີກ. ຢ່າງ​ທີ່​ໄອ​ແຊັກ​ສັນ​ໄດ້​ສະແດງ​ໄວ້​ໃນ​ປຶ້ມ, ຈັອບ​ມີ​ນິ​ໄສ​ແລະ​ ທ່າອ່ຽງທີ່​ຈະ​ມີ​ພຶດຕິກຳ​ກາ​ນບໍລິໂພກ​ທີ່ສຸດ​ໂຕ່ງ ເຊິ່ງ​ລວມທັງ​ການ​ລະບາຍ​ທ້ອງ, ອົດ​ອາຫານ ຫຼື​ ກິນ​ອາຫານ​ແບບ​ດຽວ​ກັນ​ໃນ​ໄລຍະ​ເວລາ​ໜຶ່ງ.

ຈັອບ​ ເຊື່ອ​ວ່າ​ຂໍ້​ຈຳ​ກັດ​ດ້ານ​ກາ​ນບໍລິໂພກວີ​ແກນ​ຂອງລາວ ໝາຍ​ຄວາມ​ວ່າ​ຮ່າງກາຍ​ຂອງລາວ​ຈະ​ບໍ່​ມີກິ່ນ​ໂຕ ​ແລະ ​ເຮັດໃຫ້ລາວ​ອາບ​ນ້ຳພຽງແຕ່​ອາທິດ​ລະ​ໜຶ່ງ​ເທື່ອ​ໄດ້.

(Mark Zuckerberg) CEO ຂອງ Facebook

ມາກ ຊັກເຄີເບີກ ​ຖືກ​ວິ​ພາກ​ວິ​ຈານປະ​ເດັນ​ເສື່ອມເສຍກ່ຽວກັບ Cambridge Analytica ແຕ່​ເມື່ອ​ເປັນ​ເລື່ອງ​ຂອງ​ການສ້າງ​ແຮງ​ບັນ​ດານ​ໃຈ​ໃຫ້​ກັບ​ພະນັກງານ ລາວ​ມີກົນລະຍຸດແປກ​ໆ ເຊື່ອງຊ້ອນ​ຢູ່​ໜ້ອຍໜຶ່ງ. ສຳລັບ​ການ​ຮັບ​ສະໝັກ​ພະນັກງານ Facebook ທີ່​ມີ​ສັກກະຍະ​ພາບ ຊັກເຄີເບີກ ​ສົ່ງ​ອີ​ເມວ​ເຖິງ​ຜູ້​ສະໝັກ​ ແລະ ​ບອກ​ວ່າ​ບໍລິສັດ​ຕ້ອງ​ການ​ຕົວ​ພວກເຂົາ. ຫຼັງ​ຈາກ​ທີ່​ພວກເຂົາ​ມາ​ເຖິງ​ສຳ​ນັກ​ງານ​ໃຫຍ່​ຂອງ Facebook ແລ້ວ ພວກເຂົາ​ກໍ​ຖືກ​ພາ​ໄປ​ທີ່​ຫ້ອງ​ສ່ວນ​ຕົວ​ ແລະ ​ຖືກ​ບັງຄັບ​ໃຫ້​ເຊັນ​ສັນຍາ​ການ​ບໍ່​ເປີດ​ເຜີຍ​ຂໍ້​ມູນ​ຫຼາຍ​ສະບັບ ແລະ​ຫຼັງ​ຈາກ​ນັ້ນ​ຊັກເຄີເບີກ​ກໍ​ຫາຍ​ໄປ.

ລາວ​ປາກົດ​ຕົວ​ຂຶ້ນ​ພາຍ​ຫຼັງ​ ແລະ ​ພາ​ຜູ້​ສະໝັກ​ທີ່​ມີ​ສັກກະຍະພາບ​ຍ່າງ​ເຂົ້າໄປ​ໃນ​ປ່າ​ທີ່​ຢູ່​ອ້ອມຮອບ Palo Alto ເມື່ອລາວ​ເລົ່າ​ເຖິງ​ປະຫວັດ​ຂອງ ເຕັກ​ໂນ​ໂລ​ຊີ ແລະ ​ນະ​ວັດຕະ​ກຳ ກ່ອນທີ່ຈະ​ເນັ້ນ​ຢ້ຳ​ຢ່າງ​ຈິງ​ຈັງ​ວ່າລາວ​ຕ້ອງ​ການ​ພອນ​ສະຫວັນ​ຂອງ​ພວກເຂົາ​ໃນ​ບໍລິສັດຫຼາຍພຽງ​ໃດ. ໃນ​ການ​ສຳພາດ​ກັບ​ວາລະສານ Cracked ໜຶ່ງ​ໃນ​ຜູ້​ສະໝັກ​ອະທິບາຍ​ວ່າ​ມັນ "ຄື​ຝັນ" ແລະ ​ບອກ​ວ່າ "ຄື​ກຳ​ລັງພົບກັນເພື່ອສົນທະນາແບບຄູ່ຮັກ​ຢູ່" ເລີຍ.

Advertisement Replay Ad

ຂໍຂອບໃຈ

ຂໍ້ມູນ : GQ via sanook!

Apple ເປີດໂຕສະມາດໂຟນໃໝ່ຕາມຄາດ: iPhone 11, iPhone 11 Pro ແລະ iPhone 11 Pro Max

Apple ເປີດໂຕສະມາດໂຟນໃໝ່ຕາມຄາດ: iPhone 11, iPhone 11 Pro ແລະ iPhone 11 Pro Max

ເປັນຄັ້ງທຳອິດ! Apple ກຽມຖ່າຍທອດສົດ "ງານເປີດໂຕ iPhone 11" ນອກແພຼັດຟອມ ລົງໃນ YouTube

ເປັນຄັ້ງທຳອິດ! Apple ກຽມຖ່າຍທອດສົດ "ງານເປີດໂຕ iPhone 11" ນອກແພຼັດຟອມ ລົງໃນ YouTube

ເປີດໃຫ້ຈອງແລ້ວ ແລະ ນີ້ແມ່ນ 6 ເຫດຜົນທີ່ທ່ານຕ້ອງເລືອກ HUAWEI nova 5T

ເປີດໃຫ້ຈອງແລ້ວ ແລະ ນີ້ແມ່ນ 6 ເຫດຜົນທີ່ທ່ານຕ້ອງເລືອກ HUAWEI nova 5T

ສະຫະລັດອາເມລິກາຈະເປີດໂຕ "ກອງບັນຊາການອະວະກາດ" ໃນວັນພະຫັດນີ້

ສະຫະລັດອາເມລິກາຈະເປີດໂຕ "ກອງບັນຊາການອະວະກາດ" ໃນວັນພະຫັດນີ້

ນັກວິໄຈພົບແອັບ Facebook ສະແກນຂໍ້ມູນໃນເຄື່ອງ Android ກ່ອນສົ່ງກັບໄປຍັງເຊີບເວີຂອງຕົວເອງ

ນັກວິໄຈພົບແອັບ Facebook ສະແກນຂໍ້ມູນໃນເຄື່ອງ Android ກ່ອນສົ່ງກັບໄປຍັງເຊີບເວີຂອງຕົວເອງ

ໃຜທີ່ໃຊ້ແອັບສະແກນເອກະສານ CamScanner ເວີຊັນຟຣີໃຫ້ລຶບດ່ວນ ຖ້າບໍ່ຢາກຖືກລັກຂໍ້ມູນ

ໃຜທີ່ໃຊ້ແອັບສະແກນເອກະສານ CamScanner ເວີຊັນຟຣີໃຫ້ລຶບດ່ວນ ຖ້າບໍ່ຢາກຖືກລັກຂໍ້ມູນ

ບົດສະຫຼຸບ TI9 ການແຂ່ງຂັນສຸດຍິ່ງໃຫຍ່ OG ຄວ້າແຊ້ມຕໍ່ອີກສະໄໝ ຫອບເງິນກັບບ້ານກວ່າ 135 ຕື້ກີບ

ບົດສະຫຼຸບ TI9 ການແຂ່ງຂັນສຸດຍິ່ງໃຫຍ່ OG ຄວ້າແຊ້ມຕໍ່ອີກສະໄໝ ຫອບເງິນກັບບ້ານກວ່າ 135 ຕື້ກີບ

ສາລະວັນ ຫາລືກ່ຽວກັບວິທີການໂຄສະນາ ນຳໃຊ້ສື່ອອນລາຍໃຫ້ແກ່ນັກຮຽນນັກສຶກສາ

ສາລະວັນ ຫາລືກ່ຽວກັບວິທີການໂຄສະນາ ນຳໃຊ້ສື່ອອນລາຍໃຫ້ແກ່ນັກຮຽນນັກສຶກສາ

ວິເຄາະ iPhone 11 ຕ້ອງມີຫຍັງເພີ່ມ ຈຶ່ງຈະຄັກ ແລະ ໜ້າຊື້ເພີ່ມຂຶ້ນ?

ວິເຄາະ iPhone 11 ຕ້ອງມີຫຍັງເພີ່ມ ຈຶ່ງຈະຄັກ ແລະ ໜ້າຊື້ເພີ່ມຂຶ້ນ?

ຊາວເນັດຮືຮາ! 4 ຈົວ ຊະນະເລີດການແຂ່ງຂັນ ROV ໃນງານສັບປະດາວິຊາການຢູ່ໄທ

ຊາວເນັດຮືຮາ! 4 ຈົວ ຊະນະເລີດການແຂ່ງຂັນ ROV ໃນງານສັບປະດາວິຊາການຢູ່ໄທ

ລັດຖະບານຈີນ ກຽມປ່ອຍສະກຸນເງິນດິຈິຕອນຂອງຕົນເອງ ເຜີຍໃກ້ສຳເລັດສົມບູນແລ້ວ

ລັດຖະບານຈີນ ກຽມປ່ອຍສະກຸນເງິນດິຈິຕອນຂອງຕົນເອງ ເຜີຍໃກ້ສຳເລັດສົມບູນແລ້ວ

HUAWEI ເປີດໂຕລະບົບປະຕິບັດການໃໝ່ HarmonyOS ໃຊ້ໄດ້ກັບທຸກອຸປະກອນ ທັງສະມາດໂຟນ-ອຸປະກອນ IoT

HUAWEI ເປີດໂຕລະບົບປະຕິບັດການໃໝ່ HarmonyOS ໃຊ້ໄດ້ກັບທຸກອຸປະກອນ ທັງສະມາດໂຟນ-ອຸປະກອນ IoT

ໝົດຍຸກຖືເອກະສານຫຼາຍໃບ! ຈີນອະນຸມັດ "ທະບຽນສົມລົດດິຈິຕອນ" ໃຊ້ເປັນຫຼັກຖານທາງກົດໝາຍໄດ້ແທ້

ໝົດຍຸກຖືເອກະສານຫຼາຍໃບ! ຈີນອະນຸມັດ "ທະບຽນສົມລົດດິຈິຕອນ" ໃຊ້ເປັນຫຼັກຖານທາງກົດໝາຍໄດ້ແທ້

ແອັບຫາຄູ່ Tinder ແລະ ເກມ Pokémon GO ກາຍເປັນຊ່ອງທາງໃນການເຜີຍແຜ່ຂ່າວສານການປະທ້ວງໃນຮົງກົງ

ແອັບຫາຄູ່ Tinder ແລະ ເກມ Pokémon GO ກາຍເປັນຊ່ອງທາງໃນການເຜີຍແຜ່ຂ່າວສານການປະທ້ວງໃນຮົງກົງ

FaceApp ອາດຈະໄດ້ຮູບຂອງເຮົາໄປ ແຕ່ Facebook ແລະ Google ໄດ້ຈາກເຮົາໄປຫຼາຍກວ່ານັ້ນ

FaceApp ອາດຈະໄດ້ຮູບຂອງເຮົາໄປ ແຕ່ Facebook ແລະ Google ໄດ້ຈາກເຮົາໄປຫຼາຍກວ່ານັ້ນ

ອິນເດຍປະກາດເປີດໂຄງການ "ໄຮເປີລູບ" ການຂົນສົ່ງມວນຊົນແຫ່ງໂລກອະນາຄົດຢ່າງເປັນທາງການ

ອິນເດຍປະກາດເປີດໂຄງການ "ໄຮເປີລູບ" ການຂົນສົ່ງມວນຊົນແຫ່ງໂລກອະນາຄົດຢ່າງເປັນທາງການ

ເຟສບຸກຊຸກຍູ້ການວິໄຈ ໃຫ້ AI ອ່ານຄວາມຄິດມະນຸດໄດ້

ເຟສບຸກຊຸກຍູ້ການວິໄຈ ໃຫ້ AI ອ່ານຄວາມຄິດມະນຸດໄດ້

Huawei ປະກາດຜົນປະກອບການໄລຍະເຄິ່ງປີທຳອິດຂອງປີ 2019 ເພີ່ມຂຶ້ນສູງເຖິງ 23.2% ເມື່ອທຽບກັບປີກ່ອນ

Huawei ປະກາດຜົນປະກອບການໄລຍະເຄິ່ງປີທຳອິດຂອງປີ 2019 ເພີ່ມຂຶ້ນສູງເຖິງ 23.2% ເມື່ອທຽບກັບປີກ່ອນ

ຍີ່ປຸ່ນເຜີຍໂສມ 5 ຫຸ່ນຍົນໂອລິມປິກ ນັບຖອຍຫຼັງ 1 ປີກ່ອນເປີດງານ

ຍີ່ປຸ່ນເຜີຍໂສມ 5 ຫຸ່ນຍົນໂອລິມປິກ ນັບຖອຍຫຼັງ 1 ປີກ່ອນເປີດງານ

ຢືນຢັນແລ້ວ! Facebook ຖືກປັບໃໝ 5 ຕື້ໂດລາ ຈາກກໍລະນີຂໍ້ມູນຜູ້ໃຊ້ຫຼຸດເມື່ອປີກ່ອນ

ຢືນຢັນແລ້ວ! Facebook ຖືກປັບໃໝ 5 ຕື້ໂດລາ ຈາກກໍລະນີຂໍ້ມູນຜູ້ໃຊ້ຫຼຸດເມື່ອປີກ່ອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ