ວັນເສົາ ທີ 30 ພຶດສະພາ 2020

ທົ່ງໄຫຫິນ, ເມືອງບາກັນ ແລະ ພື້ນທີ່ຫຼາຍແຫ່ງຂອງທະວີບເອເຊຍ ໄດ້ຮັບການຮັບຮອງເປັນມໍລະດົກໂລກ

ທົ່ງໄຫຫິນ, ເມືອງບາກັນ ແລະ ພື້ນທີ່ຫຼາຍແຫ່ງຂອງທະວີບເອເຊຍ ໄດ້ຮັບການຮັບຮອງເປັນມໍລະດົກໂລກ
S! Muan

ສະໜັບສະໜູນເນື້ອຫາ

ອົງການສະຫະປະຊາຊາດເພື່ອການສຶກສາ, ວິທະຍາສາດ ແລະ ວັດທະນະທຳ ຫຼື ຢູເນສໂກ (UNESCO) ໄດ້ເພີ່ມແຫຼ່ງມໍລະດົກໂລກແຫ່ງໃໝ່ຫຼາຍແຫ່ງເຂົ້າໃນລາຍຊື່ມໍລະດົກໂລກເມື່ອອາທິດທີ່ຜ່ານມາ ເຊິ່ງໃນນີ້ມີຫຼາຍແຫ່ງທີ່ຢູ່ໃນທະວີບເອເຊຍ.

ຄະນະກຳມະການມໍລະດົກໂລກ ໄດ້ຈັດກອງປະຊຸມຂຶ້ນທີ່ ເມືອງບາກູ ປະເທດອາເຊີໄບຈານ ເພື່ອພິຈາລະນາກ່ຽວກັບລາຍຊື່ສະຖານທີ່ທີ່ແຕ່ລະປະເທດສະເໜີເຂົ້າມາ ກ່ອນທີ່ຈະຮັບຮອງເອົາຢ່າງເປັນທາງການໃນວັນເສົາ ແລະ ວັນອາທິດທີ່ຜ່ານມາ.

ແຫຼ່ງມໍລະດົກໂລກແຫ່ງໃໝ່ຂອງທະວີບເອເຊຍປະກອບມີດັ່ງຕໍ່ໄປນີ້:

ກຸ່ມສຸສານດິນມັນ ປະເທດບາເຣນ (Dilmun Burial Mounds)


ພາບ: https://www.flickr.com/photos/44124264976@N01/450325473

ກຸ່ມກອງດິນສຸສານສະໄໝອາລະຍະທຳດິນມັນ ສ້າງຂຶ້ນລະຫວ່າງປີ 2050 ຫາ 1750 ກ່່ອນ ຄສ ກວມເອົາເນື້ອທີ່ທາງທໍລະນີວິທະຍາກວ່າ 21 ແຫ່ງ ໃນພາກຕາເວັນຕົກຂອງເກາະ. ທັງນີ້ ກອງດິນສຸສານດັ່ງກ່າວ ລວມທັງໝົດມີ 11,774 ກອງ ພ້ອມນີ້ໃນພື້ນທີ່ຈຳນວນ 15 ແຫ່ງ ຍັງປະກອບມີກອງດິນສຸສານຂອງລາຊະວົງສະໄໝກ່ອນ 17 ກອງ ເຊິ່ງສ້າງຂຶ້ນເປັນຮູບຮ່າງອາຄານສູງສອງຊັ້ນ. ກຸ່ມສຸສານດັ່ງກ່າວນີ້ ເປັນຫຼັກຖານທີ່ສຳຄັນຂອງອາລະຍະທຳມິນດັນຕອນຕົ້ນ.

ພື້ນທີ່ບູຮານສະຖານແຫ່ງເມືອງຫຼຽງຈູ່ ປະເທດຈີນ (Archaeological Ruins of Liangzhu City)

ພື້ນທີ່ດັ່ງກ່າວນີ້ຕັ້ງຢູ່ໃນລ້ອງແມ່ນໍ້າແຢງຊີ ທາງຝັ່ງຕາເວັນອອກສ່ຽງໃຕ້ຂອງປະເທດ ເປັນຊາກຂອງສິ່ງກໍ່ສ້າງສະໄໝບູຮານຂອງເມືອງຫຼຽງຈູ່ ສ້າງຂຶ້ນເມື່ອປະມານ 3,300 - 2,300 ປີກ່ອນ ຄສ. ພື້ນທີ່ແຫ່ງນີ້ສະແດງໃຫ້ເຫັນເຖິງລະບົບຄວາມເຊື່ອແບບລວມສູນເຊິ່ງອີງໃສ່ການປູກເຂົ້າໃນຕອນປາຍຍຸກຫິນໃໝ່ຂອງຈີນ. ພື້ນທີ່ນີ້ປະກອບມີ 4 ເຂດ ເຊິ່ງເປັນຕົວຢ່າງໃນການຈັດສັນຕົວເມືອງໃນສະໄໝນັ້ນ.

ເມືອງໄຊປຸຣະ, ລັດຣາຊະສະຖານ ປະເທດອິນເດຍ (Jaipur City, Rajasthan)


ພາບ: https://pixabay.com/photos/city-palace-jaipur-india-3238350/

ເມືອງໜ້າດ່ານແຫ່ງໄຊປຸຣະ ຕັ້ງຢູ່ໃນລັດຣາຊະສະຖານ ພາກຕາເວັນຕົກສ່ຽງເໜືອຂອງອິນເດຍ ສ້າງຕັ້ງຂຶ້ນໃນປີ 1727 ໂດຍພະເຈົ້າຊີວິດ ສະໄຫວ ໄຊ ສິງ ທີ 2 (Sawai Jai Singh II). ໄຊປຸຣະຕ່າງຈາກເມືອງອື່ນໆໃນເຂດດຽວກັນຄື ຕັ້ງຢູ່ເທິງພື້ນທີ່ທົ່ງພຽງ ແທນທີ່ຈະຕັ້ງຢູ່ເທິງໂນນພູ ແລະ ມີການວາງຜັງເມືອງເປັນຕາຂ່າຍຕາມແບບຂອງສະຖາປັດຕະຍະກຳເວດິກ (Vedic architecture). ເມືອງນີ້ຖືກອອກແບບໃຫ້ເປັນສູນກາງຂອງການຄ້າ ແລະ ຍັງຄົງສືບຕໍ່ປະຕິບັດກັນມາຈົນຮອດປັດຈຸບັນນີ້.

ພື້ນທີ່ມໍລະດົກບໍ່ຖ່ານຫິນອອມບິລິນ ແຫ່ງ ຊາວາລູນໂຕ ປະເທດອິນໂດເນເຊຍ (Ombilin Coal Mining Heritage of Sawahlunto)

ພື້ນທີ່ແຫ່ງນີ້ສ້າງເພື່ອຂຸດຄົ້ນ, ແປຮູບ ແລະ ຂົນສົ່ງຖ່ານຫິນທີ່ມີຄຸນນະພາບສູງ ໃນເຂດທີ່ເຂົ້າເຖິງໄດ້ຍາກຂອງແຂວງສຸມາດຕຣາ. ພື້ນທີ່ອຸດສາຫະກຳດັ່ງກ່າວນີ້ ພັດທະນາໂດຍລັດຖະບານຈັກກະພັດຂອງໂຮນລັງໃນໄລຍະປາຍສະຕະວັດທີ 19 ຫາ ຕົ້ນສະຕະວັດທີ 20 ໂດຍໃຊ້ແຮງງານຈາກຄົນທ້ອງຖິ່ນ ແລະ ແຮງງານນັກໂທດ ຈາກພື້ນທີ່ພາຍໃຕ້ການຄວບຄຸມຂອງພວກເຂົາ. ພື້ນທີ່ດັ່ງກ່າວປະກອບມີ ບໍ່ແຮ່ ແລະ ເມືອງຂອງບໍລິສັດ, ສາງເກັບຖ່ານຫິນໃນທ່າເຮືອເອັມມາຮາເວນ ແລະ ລະບົບທາງລົດໄຟເຊື່ອມຕໍ່ບໍ່ແຮ່ກັບທ່າເຮືອຕ່າງໆ. ທັງນີ້ ພື້ນທີ່ມໍລະດົກບໍ່ແຮ່ອອມບິລິນ ສ້າງຂຶ້ນເປັນລະບົບທີ່ມີການເຊື່ອມຕໍ່ກັນ ເຊິ່ງເຮັດໃຫ້ສາມາດຂຸດຄົ້ນແຮ່ທາດ, ແປຮູບ ແລະ ຂົນສົ່ງໄດ້ຢ່າງມີປະສິດທິພາບ.

ກຸ່ມສຸສານ ໂມຊູ-ຟຸຣຸອິຈິ ໂກຟຸນ ແຫ່ງ ຍີ່ປຸ່ນບູຮານ ປະເທດຍີ່ປຸ່ນ (Mozu-Furuichi Kofun Group: Mounded Tombs of Ancient Japan)

ມໍລະດົກໂລກແຫ່ງນີ້ຕັ້ງຢູ່ໃນພູພຽງເໜືອທົ່ງພຽງໂອຊາກາ ກວມເອົາໂກຟຸນ (ສຸສານເກົ່າ ໃນພາສາຍີ່ປຸ່ນ). ກຸ່ມສຸສານຝັງສົບດັ່ງກ່າວນີ້ມີຫຼາຍຂະໜາດແຕກຕ່າງກັນ ແລະ ມີຮູບຮ່າງແຕກຕ່າງກັນເຊັ່ນ: ຮູບຮ່າງແບບຮູກະແຈ, ຫອຍກີ້, ຈະຕຸລັດ ແລະ ວົງມົນ. ສຸສານເຫຼົ່ານີ້ ເປັນຂອງບຸກຄົນຮັ່ງມີໃນສະໄໝກ່ອນ ເຊິ່ງພາຍໃນບັນຈຸວັດຖຸຕ່າງໆເຊັ່ນ: ອາວຸດ, ຊຸດເກາະ ແລະ ເຄື່ອງປະດັບຕ່າງໆ. ພ້ອມນີ້ກໍມີການປະດັບປະດາດ້ວຍດິນໜຽວປັ້ນເປັນຊົງກະບອກ. ໂກຟຸນເຫຼົ່ານີ້ຖືກຄັດເລືອກຈາກທັງໝົດ 160,000 ອັນໃນຍີ່ປຸ່ນ ເຊິ່ງສ້າງຂຶ້ນໃນໄລຍະສະຕະວັດທີ 3-6. ພື້ນທີ່ດັ່ງກ່າວນີ້ສະແດງໃຫ້ເຫັນເຖິງລະບົບຊັ້ນວັນນະ ແລະ ສະທ້ອນໃຫ້ເຫັນເຖິງລະບົບການຝັງສົບເຊິ່ງມີປະສົບການສູງ.

ເມືອງເກົ່າແກ່ ບາກັນ ປະເທດມຽນມາ (Bagan)

ພື້ນທີ່ແຫ່ງນີ້ຕັ້ງຢູ່ໃນລ້ອງແມ່ນໍ້າອິຣະວະດີ ທາງທົ່ວພຽງພາກກາງຂອງມຽນມາ, ບາກັນ ເປັນພື້ນທີ່ສັກສິດ ປະກອບດ້ວຍສິລະປະ ແລະ ສະຖາປັດຕະຍະກຳແບບພຸດທີ່ສຳຄັນຫຼາຍແຫ່ງ. ສ່ວນປະກອບທີ່ສຳຄັນ 8 ຢ່າງຂອງພື້ນທີ່ດັ່ງກ່າວນີ້ປະກອບມີ: ວັດຈຳນວນຫຼາຍ, ເຈດີ, ພະລາຊະວັງ ແລະ ສະຖານທີ່ສະແຫວງບຸນ ລວມທັງຊາກທໍລະນີວິທະຍາ, ຮູບແຕ້ມເທິງຝາ ແລະ ຮູບປັ້ນຕ່າງໆ. ພື້ນທີ່ນີ້ເປັນຫຼັກຖານຂອງຍຸກຮຸ່ງເຮືອງຂອງອາລະຍະທຳບາກັນ ໃນໄລຍະ ສະຕະວັດທີ 11-13 ເຊິ່ງຕອນນັ້ນເປັນເມືອງຫຼວງຂອງອານາຈັກໃນພາກພື້ນນັ້ນ. ພ້ອມນັ້ນຍັງສະແດງໃຫ້ເຫັນເຖິງຄວາມເຊື່ອອັນແຮງກ້າທີ່ມີຕໍ່ສາສະໜາພຸດອີກດ້ວຍ.

ຊໍວອນ, ສະຖາບັນຂົງຈື້ໃໝ່ແຫ່ງເກົາຫຼີ, ປະເທດເກົາຫຼີໃຕ້ (Seowon, Korean Neo-Confucian Academies)

ສະຖານທີ່ແຫ່ງນີ້ ຕັ້ງຢູ່ພາກກາງ ແລະ ພາກໃຕ້ ຂອງສາທາລະນະລັດ ເກົາຫຼີ ຫຼື ເກົາຫຼີໃຕ້ ປະກອບດ້ວຍ ອາຄານຊໍວອນ (seowon) ເຊິ່ງເປັນໂຕແທນແຫ່ງສະຖາບັນຂົງຈື້ໃໝ່ ຂອງລາຊະວົງໂຈຊອນ (ສະຕະວັດທີ 15-19). ໜ້າທີ່ທີ່ສຳຄັນຂອງຊໍວອນ ແມ່ນ ເພື່ອຮຽນຮູ້, ການເຄົາລົບຜູ້ມີຄວາມຮູ້ ແລະ ປະຕິສຳພັນກັບສິ່ງແວດລ້ອມ ເຊິ່ງສະແດງອອກໃຫ້ເຫັນໃນການອອກແບບອາຄານ. ອາຄານສ້າງຂຶ້ນໂດຍເປັນແບບຊຸ້ມສາລາ ມີຈຸດປະສົງເພື່ອໃຫ້ມີຄວາມເຊື່ອມໂຍງກັບພື້ນທີ່. ທັງນີ້ ຊໍວອນ ສະແງດໃຫ້ເຫັນເຖິງຂັ້ນຕອນທາງປະຫວັດສາດເຊິ່ງລັດທິຂົງຈື້ໃໝ່ຈາກຈີນ ໄດ້ຮັບການປັບປຸງໃຫ້ເໝາະສົມກັບວັດທະນະທຳເກົາຫຼີ.

ແຫຼ່ງໄຫຫິນ () ໃນແຂວງຊຽງຂວາງ ປະເທດລາວ

ທົ່ງໄຫຫິນ ຕັ້ງຢູ່ໃນທົ່ງພຽງທາງພາກເໜືອຂອງລາວ ເຊິ່ງຊື່ "ທົ່ງໄຫຫິນ" ໄດ້ມາຈາກໄຫທີ່ເຮັດຈາກກິນເຊິ່ງພົບໃນພື້ນທີ່ດ່ັງກ່າວຫຼາຍກວ່າ 2,100 ໜ່ວຍ ທີ່ໃຊ້ເຂົ້າໃນພິທີຝັງສົບໃນຍຸກຫິນ. ພື້ນທີ່ດັ່ງກ່າວນີ້ ປະກອບດ້ວຍ 15 ເຂດ ເຊິ່ງມີໄຫຫິນຂະໜາດໃຫຍ່, ຝາໄຫ, ຫິນຫຼຸມສົບ, ບໍ່ຫິນ ແລະ ວັດຖຸຝັງສົບ ເຊິ່ງມີອາຍຸລະຫວ່າງ 500 ປີກ່ອນ ຄສ ຫາ ຄສ 500. ໄຫຫິນດັ່ງກ່າວນີ້ເປັນຫຼັດຖານທີ່ສຳຄັນຂອງຍຸກເຫຼັກ ເຊິ່ງຖືກສ້າງຂຶ້ນ ແລະ ສູນຫາຍໄປໃນປະມານປີ ຄສ 500. 

Advertisement Replay Ad
ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ປໍ້ານໍ້າມັນປິດໄວ ຍ້ອນນໍ້າມັນໝົດແທ້ ຫຼື ເປັນ "ການກັກຕຸນສິນຄ້າ"?

ປໍ້ານໍ້າມັນປິດໄວ ຍ້ອນນໍ້າມັນໝົດແທ້ ຫຼື ເປັນ "ການກັກຕຸນສິນຄ້າ"?

ຫຼື ນີ້ຄືຄວາມຫວັງຂອງມວນມະນຸດ? ເປີດລາຍຊື່ຢາທີ່ເຊື່ອວ່າມີສັກກະຍະພາບໃນການປິ່ນປົວ COVID-19 ໄດ້

ຫຼື ນີ້ຄືຄວາມຫວັງຂອງມວນມະນຸດ? ເປີດລາຍຊື່ຢາທີ່ເຊື່ອວ່າມີສັກກະຍະພາບໃນການປິ່ນປົວ COVID-19 ໄດ້

ແຈ້ງປັບຂຶ້ນລາຄານໍ້າມັນໃນທົ່ວປະເທດ ມີຜົນ 28 ພຶດສະພາ 2020 ເປັນຕົ້ນໄປ

ແຈ້ງປັບຂຶ້ນລາຄານໍ້າມັນໃນທົ່ວປະເທດ ມີຜົນ 28 ພຶດສະພາ 2020 ເປັນຕົ້ນໄປ

ຢາ "ໄຮດຣອກຊີຄລໍໂຣຄວິນ" ທີ່ໃຊ້ທົດລອງປິ່ນປົວຄົນເຈັບໂຄວິດ-19 ຖືກສັ່ງໂຈະນຳໃຊ້ໂດຍ WHO

ຢາ "ໄຮດຣອກຊີຄລໍໂຣຄວິນ" ທີ່ໃຊ້ທົດລອງປິ່ນປົວຄົນເຈັບໂຄວິດ-19 ຖືກສັ່ງໂຈະນຳໃຊ້ໂດຍ WHO

ປະຊາຊົນ​ຈຳນວນໜຶ່ງ​ບໍ່​ຍອມຮັບ​ຄ່າ​ຊົດ​ເຊີຍຈາກໂຄງການ​ກໍ່ສ້າງ​ທາງ​ດ່ວນ ໝາຍ​ເລກ 1

ປະຊາຊົນ​ຈຳນວນໜຶ່ງ​ບໍ່​ຍອມຮັບ​ຄ່າ​ຊົດ​ເຊີຍຈາກໂຄງການ​ກໍ່ສ້າງ​ທາງ​ດ່ວນ ໝາຍ​ເລກ 1

ແຮງງານໃນລະບົບປະກັນສັງຄົມເຮ! ລັດເຫັນດີໃຫ້ປະຕິບັດນະໂຍບາຍເງິນອຸດໜູນວ່າງງານແລ້ວ

ແຮງງານໃນລະບົບປະກັນສັງຄົມເຮ! ລັດເຫັນດີໃຫ້ປະຕິບັດນະໂຍບາຍເງິນອຸດໜູນວ່າງງານແລ້ວ

ໂຄວິດ-19: ໂລກຍັງຢູ່ໃນໄລຍະ "ກາງ" ຂອງການລະບາດຮອບທຳອິດ, ອົງການອະນາໄມໂລກກ່າວ

ໂຄວິດ-19: ໂລກຍັງຢູ່ໃນໄລຍະ "ກາງ" ຂອງການລະບາດຮອບທຳອິດ, ອົງການອະນາໄມໂລກກ່າວ

ລາງລົດໄຟລາວ-ຈີນປູລາງຜ່ານອຸມົງທຳອິດ ມຸ່ງໜ້າສູ່ເຂດພາກເໜືອ ກຽມພ້ອມເປີດໃຊ້ທ້າຍປີ 2021

ລາງລົດໄຟລາວ-ຈີນປູລາງຜ່ານອຸມົງທຳອິດ ມຸ່ງໜ້າສູ່ເຂດພາກເໜືອ ກຽມພ້ອມເປີດໃຊ້ທ້າຍປີ 2021

2 ສາເຫດຫຼັກ ທີ່ສົ່ງຜົນໃຫ້ການເກັບລາຍຮັບສ່ວຍສາອາກອນບໍ່ໄປຕາມແຜນການ

2 ສາເຫດຫຼັກ ທີ່ສົ່ງຜົນໃຫ້ການເກັບລາຍຮັບສ່ວຍສາອາກອນບໍ່ໄປຕາມແຜນການ

ກວດກາພາສີສາລະວັນ ຕ້ານການລັກລອບໜີພາສີທຸກຮູບແບບ ປີນີ້ວາງເປົ້າເກັບລາຍຮັບ 67 ຕື້ກວ່າກີບ

ກວດກາພາສີສາລະວັນ ຕ້ານການລັກລອບໜີພາສີທຸກຮູບແບບ ປີນີ້ວາງເປົ້າເກັບລາຍຮັບ 67 ຕື້ກວ່າກີບ

ກຽມໂຕໃຫ້ພ້ອມ ມະຫາວິທະຍາໄລແຫ່ງຊາດ ພ້ອມເປີດການຮຽນການສອນສໍາລັບນັກສຶກສາປີສຸດທ້າຍ 2 ມິຖຸນານີ້

ກຽມໂຕໃຫ້ພ້ອມ ມະຫາວິທະຍາໄລແຫ່ງຊາດ ພ້ອມເປີດການຮຽນການສອນສໍາລັບນັກສຶກສາປີສຸດທ້າຍ 2 ມິຖຸນານີ້

ກວດເບິ່ງເລີຍ ຜົນຫວຍວັນທີ 25 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 25 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ