Miss World 2019 ໄດ້ສະຖານທີ່ຈັດປະກວດແລ້ວ ປ່ຽນຈາກ ໄທ ເປັນ ລອນດອນ ປະເທດອັງກິດ

ຜູ້​ຈັດ​ປະ​ກວດ​ມິສ​ເວີ​ (Miss World) ປະ​ກາດ​ປ່ຽນ​ເຈົ້າ​ພາບ ການ​ຈັດ​ປະ​ກວດມິສເວີ 2019 ຈາກ​ປະເທດ​ໄທ ເປັນ ລອນ​ດອນ ປະເທດອັງກິດ ໃນ​ເດືອນ​ທັນວາ​ນີ້.

​ເມື່ອ​ຕົ້ນ​ປີ ບໍລິສັດ ທີ​ດັບ​ບ​ລິວ​ແພ​ເຈ້ນ​ ຈຳ​ກັດ ຖະແຫຼງ​ຂ່າວ​ເປັນ​ຜູ້​ໄດ້​ລິຂະ​ສິດ​ຈັດການ​ປະ​ກວດ 'ມິສ​ເວີ 2019' ເທື່ອ​ທີ 69 ສ້າງ​ຄວາມ​ຕື່ນ​ເຕັ້ນ​ໃຫ້​ກັບ​ເຫຼົ່າ​ແຟນ​ນາງ​ງາມໄທ ເພາະ​ເປັນ​ເທື່ອທຳອິດ​ຂອງ​ປະເທດ​​ທີ່​ໄດ້​ເປັນ​ເຈົ້າ​ພາບ​ເວ​ທີ​ປະ​ກວດ​ນາງ​ງາມ​ລະ​ດັບ​ນານາ​ຊາດ​ທີ່​ຍິ່ງໃຫຍ່​ຂອງ​ໂລກ ຢ່າງ Miss World.

ແຕ່​ເມື່ອວານ​ນີ້ ເພຈ  Miss World ໄດ້​ຖະແຫຼງ​ກາໃໝ່​ວ່າ ການ​ປະ​ກວດ​ເທື່ອ​ນີ້ ລອນ​ດອນ ປະເທດອັງກິດ ຈະ​ເປັນ​ເຈົ້າ​ພາບ​ຈັດການ​ປະ​ກວດ ແລະ ພ້ອມ​ຕ້ອນ​ຮັບ ສາວ​ງາມ​ກວ່າ 130 ປະເທດ​ທົ່ວ​ໂລກ ໂດຍ​ຂໍ້ຄວາມ​ລະບຸ​ວ່າ:

"ຈູ​ເລຍ ມ​ໍ​ລີ່ ປະ​ທານ ​ແລະ ​ຊີ​ອີ​ໂອ ມິສເວີອໍແກ​ໄນ​ເຊ​ຊັນ ໄດ້​ປະ​ກາດ​ໃນ​ລາຍ​ການ​ສົດ Good Morning Britain ທີ່ ເພຍ​ ມ​ໍ​ແກນ ນັກ​ຂ່າວ​ຄົນ​ດັງ​ເປັນ​ຜູ້​ດຳ​ເນີນ​ລາຍ​ການ ວ່າ ສາວ​ງາມ​ກວ່າ 130 ຄົນ​ຈາກ​ທົ່ວ​ໂລກ ຈະ​ມາ​ເຮັດ​ກິດຈະກຳ​ໃນ​ການ​ປະ​ກວດມິສເວີ ຕະຫຼອດ 3 ອາທິດ ໂດຍ​ສາວ​ງາມ​ຜູ້​ເຂົ້າ​ປະ​ກວດ ຈະ​ມາ​ເຖິງ​ລອນ​ດອນ​ໃນ​ວັນທີ 20 ພະຈິກ ແລະ ຮອບ​ຕັດ​ສິນ​ຈະ​ຈັດ​ຂຶ້ນ​ໃນວັນ​ເສົາ​ທີ 14 ທັນວາ ທີ່ ExCeL London.

ພິທີ​ເປີດ​ຈະ​ຈັດ​ຂຶ້ນ​ໃນ​ນະຄອນຫຼວງລອນ​ດອນ ແລະ ​ມີ​ການ​ປະ​ກວດ Fast track ເພື່ອ​ຜ່ານ​ເຂົ້າີອບ 30 ຄົນ​ອັດ​ຕະໂນ​ມດ ໃນ​ຫຼາກ​ຫຼາຍ​ດ້ານ ທັງ​ຄວາມ​ສາມາດ​ພິເສດດ້ານ​ກີລາ, Head to Head Challenge ແລະ Beauty With A Purpose ຊຶ່ງ​ຈະ​ຈັດ​ໃນສະຖານ​ທີ່​ສຳຄັນ​ທີ່​ໂດດ​ເດັ່ນ​ທີ່ສຸດ​ຂອງ​ນະຄອນຫຼວງລອນ​ດອນ​ທີ່​ມີ​ວັດທະນະທຳ​ ແລະ​ ມໍລະດົກ​ອັນ​ມີ​ຊື່​ສຽງ.

ຈູ​ເລຍ ກ່າວ​ວ່າ “ລອນ​ດອນ​ເປັນ​ເມືອງ​ທີ່​ຍິ່ງໃຫຍ່​ຫຼາຍ​ທີ່ສຸດ​ໃນ​ໂລກ​ທີ່​ຄວນ​ຢ້ຽມ​ຊົມ ແລະ ຍັງ​ເປັນ​ຈຸດ​ເລີ່ມ​ຕົ້ນ​ຂອງ Miss World ໃນ​ປີ 1951 ຊຶ່ງ​ເປັນ​ສ່ວນໜຶ່ງ​ຂອງ​ການ​ສະເຫຼີມ​ສະຫຼອງ ແລະ ​ໃນ​ປີ​ນີ້​ເຮົາ​ຈະ​ສະແດງ​ທີ່​ດີ​ທີ່ສຸດ".

ສ່ວນ​ປະເທດ​ໄທ ເຊິ່ງປະກາດອອກມາກ່ອນໜ້ານີ້ວ່າຈະເປັນເຈົ້າພາບໃນປີນີ້ນັ້ນ ຈະເລື່ອນໄປ​ເປັນ​ເຈົ້າ​ພາບ​ໃນ​ການ​ປະ​ກວດ Miss World ປີ 2020 ເພື່ອ​ສະເຫຼີມ​ສະຫຼອງ​ປີ​ທີ 70 ຂອງ​ເວທີນີ້ ເຊິ່ງ ຈູເລຍກ່າວວ່າ ປະເທດ​ໄທ​ຈະ​ເຮັດວຽກ​ຢ່າງ​ໃກ້​ຊິດ​ໃນ​ລອນ​ດອນ​ກັບ​ກອງປະກວດ​ເພື່ອ​ແບ່ງ​ປັນ​ປະສົບການ​ໃນ​ລອນ​ດອນ ໂດຍ​ລາຍ​ລະອຽດ​ຕ່າງ​ໆ ຈະ​ມີ​ການ​ປະ​ກາດ​ໄວ​ໆ​ນີ້.

ມິສເວີລາວ 2019 ເປີດຮັບສະໝັກແລ້ວ ເນັ້ນ "ງາມຢ່າງມີຄຸນຄ່າ ສູ່ສາຍຕາສຳຜັດໄດ້"

ວັນທີ 30 ມິຖຸນາ ທີ່ຜ່ານມາ ທີ່ນະຄອນຫຼວງວຽງຈັນ ກອງປະກວດມິສເວີລາວ ກໍໄດ້ປະກາດເລີ່ມໂຄງການຢ່າງເປັນທາງການແລ້ວ ໂດຍໄດ້ເປີດຮັບສະໝັກສາວງາມທີ່ມີຄວາມສາມາດ ແລະ ພ້ອມທີ່ຈະໄປຢືນຢູ່ເທິງເວທີສາກົນໃຫ້ເຂົ້າຮ່ວມປະກວດເພື່ອຄັດເລືອກເປັນຕົວແທນຂອງປະທດລາວໄປຊີງມຸງກຸດກັບສາວງາມຈາກຊາດອື່ນໆ.

ສຳລັບໄລຍະຂອງການປະກວດໃນປີນີ້ ຈະແບ່ງອອກເປັນ 5 ໄລຍະຄື: ເລີ່ມເປີດຮັບສະໝັກໃນວັນທີ 30 ມິຖຸນາ 2019, ຄັດເລືອກຜູ້ເຂົ້າຮອບ 20 ຄົນສຸດທ້າຍວັນທີ 20 ສິງຫາ 2019, ຖ່າຍແບບປະຊາສຳພັນ 27 ສິງຫາ 2019, ເກັບໂຕທີ່ໂຮງແຮມ ແລະ ເຮັດກິດຈະກຳຕ່າງໆ ວັນທີ 10 ກັນຍາ 2019 ແລະ ຮອບຕັດສິນເພື່ອເຟ້ນຫາເຈົ້າຂອງມຸງກຸດ Miss World Laos 2019 ໃນວັນທີ 15 ກັນຍາ 2019 ນີ້.

ຮ່ວມສະໝັກ ໂດຍສາມາດຕິດຕາມຂໍ້ມູນເພີ່ມເຕີມ ແລະ ຮູ້ກ່ຽວກັບວິທີການສະໝັກໄດ້ທີ່ ເຟສບຸກ Miss World Laos.

    >> Miss World Laos 2019 ປະກາດເປີດໂຄງການຢ່າງເປັນທາງການແລ້ວ!