ວັນອັງຄານ ທີ 27 ກໍລະກົດ 2021

ທ່ຽວສິງກະໂປ ຢ່າງ Garden ແບບຄົນຮັກທຳມະຊາດ

ທ່ຽວສິງກະໂປ ຢ່າງ Garden ແບບຄົນຮັກທຳມະຊາດ
S! Muan

ສະໜັບສະໜູນເນື້ອຫາ

ທ່ຽວສິງກະໂປ ຢ່າງ Garden ແບບຄົນຮັກທຳມະຊາດ

ກ່ອນທິ່ຈະເດີນທາງໄປທ່ຽວນີ້ ລອງຖາມຕົນເອງເບິ່ງວ່າຖ້າເວົ້າເຖິງສິງກະໂປຈະນຶກເຖິງຫຍັງ ຕອບໄວໆ ຄື ຖະໜົນນໍຊາດ, ຍູນີເວີເຊວ, ບັກກຸດເຕ໋, ເຂົ້າມັນໄກ່... ນຶກອອກເທົ່ານີ້ແຫລະແຕ່ເມືອເດີນທາງຄັ້ງນີ້ກໍ່ເຮັດໃຫ້ເຫັນມູມມອງຫຼາຍຢ່າງຈາກເກາະນ້ອຍໆ ແຫ່ງນີ້ ຈາກທີ່ບໍ່ຄ່ອຍຮູ້ຈັກກາຍເປັນຢາກຮູ້ຈັກໃຫ້ຫຼາຍຂຶ້ນ

ຄວາມຮູ້ສຶກທຳອິດທີ່ເຂົ້າເມືອງສິ່ງກະໂປຄື ເປັນຫຍັງຕົ້ນໄມ້ຫຼາຍແທ້ ໄປຫາຕົ້ນໄມ້ໃຫຍ່ໆ ມາໄວ້ໃນເມືອງໄດ້ຈັ່ງໃດໄດ້ຫຼາຍຂະໜາດນີ້ ກໍ່ຕ້ອງບອກເລີຍວ່າທີ່ນີ້ເຂົາເປັນເກາະອາກາດກໍ່ຈະຊຸ່ມຊື່ນ ມີຝົນຕົກເລື້ອຍ ຈິ່ງມີຕົ້ນໄມ້ໃຫຍ່ໃນເມືອງໄດ້ ແຕ່ສິ່ງທີ່ສຳຄັນຄືເຂົາເຈົ້າບໍ່ຕັດທຳລາຍ ເຮັດໃຫ້ມີຕົ້ນໄມ້ຫຼາຍເຖິງ 2,800 ຕົ້ນ ຕໍ່ ກິໂລຕາແມັດ (ຂໍ້ມູນ Guide Book ທ່ອງທ່ຽວສິ່ງຄະໂປ) ຫຼາຍແມ່ນບໍ່ ຈາກຄວາມຊື່ນຊົມນີ້ກໍ່ຕໍ່ຍອດໃຫ້ເຮົາຕັດສິນໃຈໄປຫາບ່ອນທ່ຽວແບບທຳມະຊາດ

Gardens by the Bay ທີ່ນີ້ຄົນສ່ວນໃຫຍ່ຮູ້ຈັກດີວ່າມີຕົ້ນໄມ້ຕິດໄຟ ແລະ ເຮືອນແກ້ວຂະໜາດໃຫຍ່ຢູ່ໃຈກາງເມືອງບໍ່ຫ່າງຈາກ Merlion ຫຼາຍ ເມື່ອເຮົາໄປເຖິງກໍ່ຈັດການຊື້ປີ້ ຄ່າເຂົ້າເຮືອນແກ້ວລາຄາ 28 ຫຼຽນສິງກະໂປ ຫຼື ປະທານ 700 ບາດ ກ່ອນເຂົ້າໄປເຮືອນແກ້ວກໍ່ຢ່າງມາເບິ່ງຕົ້ນໄມ້ໃຫຍ່ທີ່ເຂົາເອີ້ນວ່າ Supertrees ຈັກໜ່ອຍ ວ່າໜ້າຕາເປັນຈັ່ງໃດ

ດ້ານໜ້າທາງເຂົ້າບໍລິເວນທີ່ຊື້ປີ້ ຢຸດຖ່າຍຮູບຫຼິ້ນກ່ອນ ເພາະມັນຕື່ນເຕັ້ນ

ຢ່າງເຂົ້າມາສ່ວນເດີນຫຍ້າ ມີທັງຄູ່ຮັກ ແລະ ຄອບຄົວພາເດັກນ້ອຍ ມາແລ່ນຫຼິ້ນເຕັມໄປໝົດ

ສະບາຍສະບາຍ

ປະກົດວ່າເປັນໂຄງເຫຼັກທີ່ມີຕົ້ນໄມ້ນານາພັນປະດັບເປັນສວນແນວຕັ້ງຂະໜາດໃຫຍ່ຈຳນວນຫຼາຍຕົ້ນ ແນ່ນອນວ່າບໍ່ໄດ້ສ້າງຄວາມສວຍງາມພຽງຢ່າງດຽວ ປະໂຫຍດອື່ນໆ ຂອງ Supertrees ຄື: ໄວ້ເກັບນ້ຳຝົນ ແລະ ຜະລິດພະລັງງານແສງອາທິດໄດ້ອີກດ້ວຍ ຍັງສາມາດຕໍ່ແຖວຂຶ້ນໄປທ່ຽວຊົມວິວຍ່າງຕາມຂົວໄດ້ອິກ ເຊິ່ງຈະເຫັນວິວເມືອງ ແລະ ອ່າວໄດ້ຢ່າງສວຍງາມ ແຕ່ຊ່ວງແລງໆ ຄົນຫຼາຍຕໍ່ແຖວກັນຍາວວົນຮອບຕົ້ນໄມ້ໄປອີກ ເຮົາເລີຍອົດຂຶ້ນເພາະເຂົາເຈົ້າເປີດຮອດ 6 ໂມງແລງເທົ່ານັ້ນ ຄົນສ່ວນໃຫຍ່ກໍ່ຢ່າງຫຼິ້ນໃນສວນ ນອນຫຼິ້ນຕາມເດີນຫຍ້າ ລົມພັດເຢັນໆ ຊ່ວງປະມານ 8 ໂມງ (ເບິ່ງເວລາອີກເທື່ອໜຶ່ງຕອນຊື້ປີ້) ຕົ້ນໄມ້ເຫຼົ່ານີ້ຈະເຮັດການສະແດງໃຫ້ເຮົາເບິ່ງແບບແສງສີສຽງແບບອະລັງການ. ດຽວເຮົາຄ່ອຍກັບມາໃໝ່ ເລີຍພາກັນຢ່າງໄປທີ່ເຮືອນແກ້ວເສຍກ່ອນ

ທີ່ເຫັນຕົວນ້ອຍໆ ບົນສະພານຍນັ້ນກໍ່ຄື ນັກທ່ອງທ່ຽວທີ່ຢ່າງຫຼິ້ນຊົມວິວດ້ານເທິງ

ຕອນເຂົ້າໄປໃນ Cloud Forest ກໍ່ເລີມມືດແລ້ວ ເລີຍໄດ້ບັນຍາກາດສີສັນອີກແບບ ມີນ້ຳຕົກສູງຖ້າຕ້ອນຮັບເຮົາຢູ່ດ້ານໜ້າ ແລະ ມີພັນໄມ້ຕ່າງໆ ອີກເຕັມໄປໝົດ ເນື່ອງຈາກວ່າທີ່ນີ້ຈຳລອງເປັນປ່າໄມ້ເຮົາຈິ່ງຕ້ອງຂຶ້ນລິບໄປເທິງສຸດເພື່ອຢ່າງຊົມວິວແລ້ວຄ່ອຍໆ ຢ່າງໄປຕາມທາງດ້ານລຸ່ມ ວິວດ້ານເທິງງານຫຼາຍ ແຕ່ຮູ້ສຶກສຽວໆນ້ອຍໜຶ່ງສຳລັບຄົນຢ້ານຄວາມສູງຄືເຮົາ ແຕ່ພໍ ຫຼຽວອອກໄປເຫັນອ່າວ ແລະ ແສງໄຟໃນເມືອງເທົ່ານັ້ນ ຄວາມຢ້ານກໍ່ຫາຍໄປ ກາຍເປັນຄວາມເພີດເພີນເຂົ້າມາແທນ

ນ້ຳຕົກໃຫ່ຍຖ້າຕ້ອນຮັບ ແຫງນເບິ່ງຂຶ້ນໄປດ້ານເທິງທີ່ຢື່ນອອກມານັ້ນແລະ ສ່ວນທີ່ເຮົາຕ້ອງໄປຢ່າງກັນໃນບໍ່ຊ້າ

ມີຕົ້ນໄມ້ສາຍພັນໂຫດທີ່ກິນແມງໄມ້ເປັນອາຫານ ເຮັດຈາກ Lego

ແລ້ວເຮົາກໍ່ຂຶ້ນລິບມາທາງດ້ານເທິງສຸດ ເພື່ອຊົມວິວ ແລະ ຄ່ອຍໆ ຢ່າງລົງລຸ່ມ ຍິ່ງຂຶ້ນສູງກໍ່ຍິ່ງຮູ້ສຶກໜາວບໍ່ຮູ້ເປັນຫຍັງ ພຽງແຕ່ເບິ່ງກໍ່ຂາສັ່ນແລ້ວ

ຢ່າງທົ່ວແລ້ວເຮົາກໍ່ກັບໄປທີ່ Supertree ກັນອີກເທື່ອໜຶ່ງເພື່ອເບິ່ງການສະແດງ

ເມື່ອຮອດເວລາທາງສວນຈະປິດໄຟເພື່ອບັນເລງເພງ ແລະ ຕົ້ນໄມ້ກໍ່ເລີ່ມມີແສງໄຟ ປ່ຽນສີສັບປ່ຽນໄປມາຕາມຈັງຫວະເພງເໝຶອນກັບກຳລັງເຕັ້ນໃຫ້ເຮົາເບິ່ງ ແນະນຳໃຫ້ຈັບຈອງບ່ອນນັ່ງໃນທີ່ຄິດວ່າແຫງນໜ້າເບິ່ງແລ້ວເຫັນທຸກຕົ້ນ

 

 

 

ເມື່ອ Highlight ຈົບກໍ່ກັບບ້ານໄດ້

ອີກທຳມະຊາດໜຶ່ງທີ່ຢາກແນະນຳຄື Singapore Botanic Gardens ທີ່ຢູ່ຫ່າງອອກມາຈາກໃຈກາງເມຶອງພຽງໜ້ອຍດຽວ ເປັນສວນສາທາລະນະທີ່ເປີດໃຫ້ຄົນເຂົ້າຟຣີ ແຕ່ບໍ່ໃຫ້ຂີ່ລົດຖີບ ມີຕົ້ນໄມ້ໃຫຍ່ອ້ອມໂຕໄປໝົດ ພາຍໃນຂ້າງໃນມີການຈັດແບ່ງພາກສ່ວນຂອງຕົ້ນໄມ້ໄວ້

ປະຕູທາງເຂົ້າທີ່ອອກແບບສວຍງາມ ໜ້າຖ່າຍຮູບ

ມີດອກໄມ້ພັນແປກຕາ ແລະ ມີສວນຕົ້ນໄມ້ທະເລຊາຍ ບອນໄຊ ຕົ້ນນ້ອຍ ສາມາດຢ່າງໄດ້ທົ່ວເຖິງກັນໝົດ

ພາກສ່ວນຕົ້ນໄມ້ທະເລຊາຍ

ຕົ້ນກະບອງເພັດທີ່ໜ້າສົງສານທີ່ສຸດໃນສວນ

ພື້ນທີ່ປູກຕົ້ນໄມ້ບອນໄຊ

 

ແລະ ມີເຮືອນໄມ້ Bandstand ເປັນແລນມາກຄື ເຮືອນສີຂາວນ້ອຍຫຼັງນີ້ ທີ່ເມື່ອກ່ອນເຄີຍໃຊ້ເປັນທີ່ຫຼິ້ນເຄື່ອງດົນຕີເມື່ອມີການຈັດງານ ບັນຍາກາດພາຍໃນສະບາຍ ຄົນທີ່ມາສ່ວນໃຫ່ຍບໍ່ແມ່ນນັກທ່ອງທ່ຽວ ເຮົາຈິ່ງມັກເຫັນຄົນມາແລ່ນອອກກຳລັງກາຍ ມີຄົນຈີນແຕ່ງຊຸດຈີນໆ ມາຟ້ອນໄທເກັກ ໃນຂະນະທີອີກຝ່າຍໜຶ່ງມີກຸ່ມແມ່ບ້ານຝຣັ່ງພາລູກໆ ມາພັກຜ່ອນຢ່າງຫຼິ້ນ ແລະ ອອກກຳລັງກາຍ ບາງຄົນຈູງໝາມາແລ່ນນຳ ເບິ່ງເປັນການປະສົມປະສານກັນໄດ້ຢ່າງມີສະເໜ່

ທາງຢ່າງເຂົ້າໄປຍັງ Bandstand 

ທາງອ້າຍຈີນກໍ່ຝຶກຟ້ອນກັນໄປພ້ອມກັບສຽງເພງ

ທາງອ້າຍຟລັ່ງກໍ່ອອກກຳລັງກາຍແບບເອົາເຫື່ອ

ຫຼາຍຄົນພານ້ອງໝາມາຢ່າງຫຼິ້ນນຳ

ອີກສ່ວນໜຶ່ງຂອງສວນນີ້ຄືສວນກ້ວຍໄມ້ ພາຍໃນມີສຸ້ມດອກກ້ວຍໄມ້ນານາພັນ ແລະ ເຮົາບັງເອີນໄປອ່ານເຈະກ້ວຍໄມ້ແຖບບ້ານເຮົາກໍ່ດັງໄກໄປຮອດຕ່າງແດນນຳ

ທາງເຂົ້າສວນກ້ວຍໄມ້ ທິ່ເຮັດໄວ້ສຳລັບຖ່າຍຮູບ ອາຄານດ້ານຫຼັງເປັນທາງເຂົ້າ ແລະ ຮ້ານຂາຍຂອງທີ່ລະນຶກ

ວົງວຽນໂມງ

ພັນນີ້ຊື່ Vanda Suksamran Sunlight

ອອກຈາກສວນກ້ວຍໄມ້ ຈະມີອີກພື້ນທີ່ ເອີ້ນວ່າພາກສ່ວນ Palm Valley ໄວ້ເປັນສະຖານທີ່ຈັດງານຄາຍຄືໂຮງລະຄອນຂະໜາດນ້ອຍແບບກາງແຈ້ງ

ນັ່ງລົດຜ່ານຖະໜົນ New Bridge ສັງເກດເຫັນຕຶກແປກຕາ ປູກຕົ້ນໄມ້ ແລະອອກແບບໃຫ້ມີຄວາມເປັນທຳມະຊາດ ຄືນອກຈາກສວນງາມໆແລ້ວ ທີ່ສິງກະໂປຍັງມີກຸ່ມຄົນທີ່ຮ່ວມມືກັນໂຄສະນາໃຫ້ສ້າງພື້ນທີ່ສີຂຽວຂຶ້ນໃນເມືອງ ເຊັ່ນຕຶກນິ້ເປັນໜຶ່ງໃນການຮ່ວມມືນັ້ນ ParkRoyal ທີ່ນີ້ເປັນໂຮງແຮມຊື່ດັງ ດ້ານໜ້າໂດດເດັ່ນດ້ວຍການເຮັດສວນແບບແນວຕັ້ງ ແລະ ຮຽນແບບທຳມະຊາດເປັນຄືຊັ້ນຫີນເລີຍ ເຮົາພຽງນັ່ງລົດຜ່ານຍັງສະດຸດຕາ ຄິດວ່າຢາກໃຫ້ຕຶກອື່ນໆ ສ້າງທຳມະຊາດໃສ່ແດ່ ບໍ່ແມ່ນມີແຕ່ແກ້ວສະທ້ອນກັນມັນຮ້ອນ

ເບິ່ງໄກໆ ຄືແກັດເຈ້ຍມາວາງເປັນຊັ້ນໆ

ເບິ່ງຕຶກນີ້ແຕກຕ່າງຈາກຕຶກອື່ນໆ ໃນເມືອງຫຼາຍ

2 ບ່ອນສຸດທ້າຍທີ່ຄັ້ງນີ້ເຮົາພາດບໍ່ໄດ້ໄປເນື່ອງຈາກວ່າເວລາບໍ່ອຳນວຍ ແຕ່ຫາຂໍ້ມູນໄດ້ຄັ້ງໜ້າຈະບໍ່ພາດແນ່ນອນ

Marina Barrage ຄືອີກໜຶ່ງໃນການຢ່າງຫຼິ້ນຊົມວິວຂອງອ່າວ ແລະ ແລນມາກ ຕ່າງໆໃນເມືອງ ນີ້ຄືອ່າງເກັບນ້ຳຂະໜາດໃຫ່ຍ ທີ່ດ້ານເທິງປູກເປັນເດີນຫຍ້າໃຫ້ຄົນໄດ້ມາຜັກຜ່ອນຊົມວິວ ແນະນຳວ່າຂຶ້ນໄປຊ່ວງພະອາທິດຕົກຈະເຫັນວິວຂອງອ່າວ ແລະ ເບິ່ງເຂົ້າໄປໃນເມືອງງາມຫຼາຍ ແລະ ພາຍໃນຍັງມີຫ້ອງວາງສະແດງທີຈັດສະແດງກ່ຽວກັບສະພາບແວດລ້ອມ ແລະ ທຳມະຊາດທີ່ນີ້ເຂົ້າຟຣີ ຖ້າໃຜຢາກຫາກິດຈະກຳອອກກຳລັງຈັກນ່ອຍກໍ່ມີເຮືອຄາຍັກໃຫ້ພາຍ ແລະ ມີລ່ອງເຮືອໄປອ່າງເກັບນ້ຳອີກດ້ວຍ ເດີນທາງມາກໍ່ບໍ່ຢາກເພາະຢູ່ບໍ່ໄກຈາກ Gardens by The Bayຈະມາດ້ວຍແທັກຊີ້ ຫຼື ລົດເມກໍ່ໄດ້

ຮູບ Marina Barrage ຈາກ http://www.yoursingapore.com/

ຮູບ Marina Barrage ຈາກ http://www.yoursingapore.com/

ບ່ອນສຸດທ້າຍສຸດແສນຈະທຳມະຊາດ ເພາະເປັນເສັ້ນທາງຊົມປ່າ ແລະ ທຳມະຊາດ The Southern Ridges ເລີ່ມຕົ້ນທີ່ຂົວທາງຢ່າງເຊື່ອມຈາກພູໄປສູ່ພູ Henderson Wave Bridge Wave Bridge ເປັນສະຖານທີ່ໂດດເດັ່ນດ້ວຍງານສະຖາປັດເບິ່ງຄືກັບຄື້ນ ແລະ ມີຄວາມສູງເຖິງ 36 ແມັດເປັນທາງຢ່າງຂ້າມຜ່ານຕົ້ນໄມ້ໃຫຍ່ນ້ອຍ ຍາວເຖິງ 274 ແມັດ ກໍ່ຍາວປະມານທີ່ໄດ້ພັກຜ່ອນຊື່ນຊົມທຳມະຊາດ

ຮູບ Henderson Wave Bridge ຈາກ http://www.yoursingapore.com/

ຮູບ Henderson Wave Bridge ຈາກ http://www.yoursingapore.com/

ແຕ່ພໍໝົດເສັ້ນທາງກໍ່ຈະເຈິກັບທາງເດີນເຂົ້າສູ່ທຳມະຊາດທີ່ເຫັນທັງວິວປ່າ ແລະ ວິວເມືອງ 10 ກິໂລແມັດ. ທີ່ຄົນເມືອງສາມາດຢ່າງຫຼິ້ນ ຫຼື ແລ່ນອອກກຳລັງໄດ້ ໂດຍເສັ້ນທາງນີ້ເຊື່ອມກັບພູ Mount Faber Park, Telok Blangah Hill Park, HortPark ທີ່ເປັນສວນສາທາລະນະແຫ່ງໜຶ່ງທີ່ເປັນທັງແຫຼ່ງທຳມະຊາດ ເດັກໆ ມາທັດສະນະສືກສາໄດ້ ແລະ ຍັງມີຕະຫຼາດຕົ້ນໄມ້ ແລະ ອາຫານ ເບິ່ງເໝາະສົມກັບຄອບຄົວທີ່ຈະມາພັກຜ່ອນ

ຮູບ Hortpark ຈາກ https://www.nparks.gov.sg

ຕໍ່ມາເຖິງ Kent Ridge Park  ແລະ ຈົບແຫຼ່ງເບິ່ງນົກຕາມທຳມະຊາດຂອງສິງກະໂປທີ່ Labrador Nature Reserve

ສະຫຼຸບແລ້ວ  ນອກຈາກສິງກະໂປຈະເປັນເມືອງແສງສີ ຊັອບປິ້ງແບຣນເນມແລ້ວ ຫຼັງຈາກ Trip ນີ້ເຮົາຄົງຈະຈື່ເມືອງນີ້ໄປໄດ້ອີກແບບ ໃນແບບທີ່ມາອີກຕ້ອງເພື່ອເວລາໃຫ້ກັບການທ່ອງທ່ຽວແບບທຳມະຊາດຫຼາຍກ່ວາເກົ່າແລ້ວ

Advertisement Replay Ad

ຂໍຂອບໃຈ

ຂໍ້ມູນ : noonafternoon

ພາບ : Hortpark, Henderson Wave Bridge , Marina Barrage , Google

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

ແນະນຳ Contactless ຜ້າອັດປາກສຸດເທ້ມີສະໄຕລ໌ ປ້ອງກັນເຊື້ອພະຍາດ ແລະ ໃຊ້ຊໍ້າໄດ້ພ້ອມ

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

5 ວິທີໂສດຢ່າງເປັນສຸກ ໂສດຢ່າງເປັນສຸກນັ້ນຈະຕ້ອງເຮັດຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ຢາກເປັນຄົນທີ່ດີຂຶ້ນກວ່າເກົ່າ ຄວນປັບປ່ຽນຫຍັງແດ່?

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

ໄອສ໌ແລນທົດລອງຫຼຸດເວລາເຮັດວຽກເຫຼືອ 4 ມື້ຕໍ່ອາທິດ ພົບ ພະນັກງານມີຄວາມສຸກ & ເຮັດວຽກໄດ້ດີຂຶ້ນ

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

"ມະໂນ" ຫຼື "ເລື່ອງຈິງ" ? ຄິດໄປເອງບໍວ່າເຂົາມັກ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

ເຈົ້າປຽບດັ່ງສັດຊະນິດໃດໃນ Chronotype ອີງຕາມເວລານອນ ແລະ ເວລາເຮັດວຽກຂອງເຈົ້າ?

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

10 Prefixes ທີ່ທຸກຄົນຄວນຮູ້ ເພື່ອຈື່ຈຳຄຳສັບພາສາອັງກິດໄດ້ງ່າຍ ແລະ ຫຼາຍຂຶ້ນ

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

ຈິດຕະວິທະຍາ ວ່າດ້ວຍ "ການເຫັນຕ່າງ" ເຮັດແນວໃດຈຶ່ງຈະຢູ່ຮ່ວມກັນໄດ້?

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

5 ສິ່ງທີ່ບໍ່ຄວນເຮັດຢ່າງເດັດຂາດ ເມື່ອຂັບລົດຕອນຝົນຕົກ

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມເຄັ່ງຄຽດຈາກການວ່າງງານ ເມື່ອພະຍາດລະບາດນຳພາຄວາມເສົ້າເຂົ້າມາ ແລະ ວິທີຮັບມື

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ຄວາມສຳພັນທີ່ມີຄຸນນະພາບ ສຳຄັນກວ່າເງິນຄຳ ຊື່ສຽງ ຫຼື ຕຳແໜ່ງໃຫຍ່ໂຕ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ເຂົ້າໃຈການຍົກເວັ້ນອາກອນລາຍໄດ້ຈາກເງິນເດືອນ ສຳລັບຜູ້ມີລາຍໄດ້ 5 ລ້ານກີບລົງມາ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

ຜູ້ຊ່ຽວຊານຕອບຂໍ້ສົງໄສ ກ່ຽວກັບການໃຫ້ວັກຊີນປ້ອງກັນໂຄວິດ-19 ຢູ່ ລາວ : ທ່ານຢາກຮູ້ ເຮົາມີຄຳຕອບ

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

"ໄຂ້ໃຈ" ເກີດຂຶ້ນໄດ້ແທ້ ການແພດຍຸກກາງຖືເປັນອາການເຈັບປ່ວຍ ແລະ ກໍມີວິທີປິ່ນປົວນຳ!

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

ນັກສຶກສາຈົບໃໝ່ "ບໍ່ມີວຽກເຮັດ" ຍ້ອນທັກສະບໍ່ກົງກັບທີ່ຕະຫຼາດຕ້ອງການ

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

6 ອົງປະກອບຂອງການເປັນ Startup ທີ່ທ່ານຄວນຮູ້ກ່ອນລົງມື

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຢ່າຫາເຮັດເດີ້! 10 ຂໍ້ຜິດພາດ ໃນການຫຼຸດນ້ຳໜັກທີ່ເຈົ້າບໍ່ຄວນເຮັດ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

ຂໍ້ຄວນຮູ້ກ່ຽວກັບການໃຫ້ "ວັກຊີນກັນພະຍາດ" ຢູ່ ສປປ ລາວ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

12 ເລື່ອງງ່າຍໆທີ່ໃຜກໍສາມາດເຮັດໄດ້ ເພື່ອເຮັດໃຫ້ໂຕເອງເບິ່ງເປັນຄົນ "ສະຫຼາດ" ໂດຍບໍ່ຕ້ອງເວົ້າອອກມາ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

5 ເຄື່ອງດື່ມບັນເທົາອາການປວດທ້ອງປະຈຳເດືອນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ