ວັນອາທິດ ທີ 27 ກັນຍາ 2020

ສົກຮຽນ 2018-2019 ມີນັກສຶກສາລາວ ​ໄປ​ສຶກສາ​ ທີ່ ສປ ຈີນເພີ່ມຂຶ້ນເປັນ 7,000 ກວ່າຄົນ

ສົກຮຽນ 2018-2019 ມີນັກສຶກສາລາວ ​ໄປ​ສຶກສາ​ ທີ່ ສປ ຈີນເພີ່ມຂຶ້ນເປັນ 7,000 ກວ່າຄົນ

ຫລັງໄຫລເຂົ້າໄປສຶກສາຮໍ່າຮຽນຢູ່ປະເທດຈີນເພີ່ມຂຶ້ນແບບກ້າວກະໂດດ ເຖິງປັດຈຸບັນ ມີຕົວເລກສູງເຖິງ 7,000 ກວ່າຄົນ ເຫດຜົນຍ້ອນຄຸນນະພາບ ແລະ ມາດຕະຖານການສຶກສາສູງກວ່າບາງປະເທດພວມພັດທະນາ ແລະ ເທົ່າທຽມກັບບາງປະເທດພັດທະນາແລ້ວ. ຂະນະທີ່ ນັກສຶກສາລາວຈໍານວນບໍ່ໜ້ອຍເຊື່ອວ່າລະບົບການປົກຄອງ ແລະ ການເມືອງຄ້າຍຄືກັນ. ຍິ່ງກວ່ານັ້ນ ພາຍໃຕ້ຂໍ້ລິເລີ່ມໜຶ່ງແລວໜຶ່ງເສັ້ນທາງໄດ້ກາຍເປັນສິ່ງດຶງດູດເຮັດໃຫ້ເຂົາເຈົ້າຕ້ອງເລືອກສະແຫວງຫາເຂົ້າມາຮຽນ ສປ ຈີນເພີ່ມຂຶ້ນຄືເງົາທຽມຄີງ ເຊິ່ງຈະເປັນໂອກາດໃຫ້ປະສົບຜົນສໍາເລັດໃນອາຊີບຫລາຍກວ່າ. 

ສະຖານເອກອັກຄະລັດຖະທູດແຫ່ງ ສປປ ລາວປະຈໍາ ສປ ຈີນໄດ້ຈັດກອງປະຊຸມໃຫຍ່ຄັ້ງທີ 1 ຂອງຄະນະຊາວໜຸ່ມສະຖານເອກອັກຄະລັດຖະທູດແຫ່ງ ສປປ ລາວປະຈໍາ ສປ ຈີນໃນວັນທີ 15 ມິຖຸນາ 2019 ທີ່ ນະຄອນຫຼວງປັກກິ່ງ ສປ ຈີນໂດຍເປັນປະທານຂອງ ສະຫາຍ ສະເຫລີມໄຊ ທະທົງສັກ ຄະນະພັກ, ຫົວໜ້າຫ້ອງການສະຖານທູດ ສປປ ລາວ ປະຈໍາ ສປ ຈີນ, ພ້ອມ ສະຫາຍ ວົງສິນ ໄຊຍະວົງ ເລຂາຄະນະຊາວໜຸ່ມ, ເລຂາເອກຝ່າຍສຶກສາ ແລະ ວັດທະນະທໍາສະຖານທູດ ສປປ ລາວ ປະຈໍາ ສປ ຈີນ ລວມທັງນັກສຶກສາລາວເຂົ້າຮ່ວມ 124 ຄົນ. ລະຫວ່າງກອງປະຊຸມຄັ້ງນີ້, ຄະນະນໍາກ່ຽວຂ້ອງໄດ້ມີການເລົ່າຄືນມູນເຊື້ອອັນພິລະອາດຫານ ແລະ ຜົນສໍາເລັດອັນສະຫງ່າຂອງຊາວໜຸ່ມແຕ່ລະໄລຍະພາຍໃຕ້ການນໍາພາຂອງພັກອັນສະຫລາດສ່ອງໄສ ພ້ອມເຫັນດີເປັນເອກະພາບຮັບຮອງເອົາສະມາຊິກຊາວໜຸ່ມ 6 ສະຫາຍ, ສະມາຊິກແມ່ຍິງ 15 ສະຫາຍ, ສະມາຊິກກໍາມະບານ 55 ສະຫາຍ. 

ສະຫາຍ ວົງສິນ ໃຊຍະວົງ ເລຂາຄະນະຊາວໜຸ່ມໄດ້ເປີດເຜີຍລະຫວ່າງກອງປະຊຸມຄັ້ງນີ້: ທ່າອ່ຽງນັກສຶກສາລາວເຂົ້າມາຮຽນຢູ່ ສປ ຈີນມີລັກສະນະເພີ່ມຂຶ້ນຢ່າງຕໍ່ເນື່ອງສະເພາະສົກປີ 2018 - 2019 ນີ້ເຫັນວ່າຈໍານວນສຶກສາລາວທີ່ຂຶ້ນກັບຄຸ້ມຄອງຕົວຈິງຂອງສະຖານທູດລາວທີ່ປັກກິ່ງມີປະມານ 7,271 ຄົນ ໃນນັ້ນປະລິນຍາຕີ 3,000 ກວ່າຄົນ, ປະລິນຍາໂທ 900 ກວ່າຄົນ, ປະລິນຍາເອກ 100 ກວ່າຄົນ ແລະ ອື່ນໆ ແນວໃດກໍດີ ຕາມຂອບການຮ່ວມມືສອງຝ່າຍລະຫວ່າງ ສປປ ລາວ ແລະ ສປ ຈີນຍັງລະບຸວ່າຝ່າຍລາວຈະໄດ້ຮັບທຶນການສຶກສາຈາກ ສປ ຈີນປະມານ 350 ທຶນຕໍ່ປີ ນອກຈາກນັ້ນຍັງມີທຶນຊັ້ນສູງ, ຝຶກອົບຮົມວິຊີບໄລຍະສັ້ນ-ຍາວ ແລະ ແລກປ່ຽນການຢ້ຽມຢາມອື່ນໆ. ພິເສດ ທາງລັດຖະບານ ສປ ຈີນຍັງສະໜັບສະໜູນທຶນການສຶກສາດ້ານພັດທະນາເສັ້ນທາງລົດໄຟປະມານ 20 ກວ່າທຶນ ເຊິ່ງເປັນໜຶ່ງໃນວຽກງານສໍາຄັນເພື່ອຍົກລະດັບ ແລະ ປັບປຸງດ້ານວິຊາການໃຫ້ມີຄວາມເຂັ້ມແຂງດ້ານບຸກຄະລາກອນເພື່ອປະກອບສ່ວນເຂົ້າໃນການພັດທະນາເສດຖະກິດ ແລະ ສັງຄົມຮອບດ້ານໂດຍສະເພາະວຽກງານປິ່ນອອ້ມເສັ້ນທາງລົດໄຟ ແລະ ຍັງເປັນການຕອບສະໜອງເຈຕະນາລົມ ແລະ ຄວາມມຸ່ງໝັ້ນຂອງສອງປະເທດ ລາວ - ຈີນ ໃຫ້ມີຄວາມໜັກແໜ້ນຍິ່ງໆພາຍໃຕ້ຂໍ້ລິເລີ່ມໜຶ່ງແລວໜຶ່ງເສັ້ນທາງ. 

ທ່ານ ສອນໄຊ ພົມພິດາ ນັກສຶກສາປະລິນຍາເອກປີທີ 2 ສາຂາເສດຖະສາດແຫ່ງຊາດ ທີ່ ມະຫາວິທະຍາໄລຊານຕົງ ສປ ຈີນໄດ້ໃຫ້ສໍາພາດຕໍ່ນັກຂ່າວສໍານັກຂ່າວສານປະເທດລາວວ່າຕົນກໍາເນີດໃນຄອບຄົວຖານະປານກາງ ແລະ ມີນ້ອງຫລາຍຄົນ ໃນຊີວິດຕົວຈິງໄຝ່ຝັນຢາກໄປຮໍ່າຮຽນໃນຕ່າງປະເທດໂດຍສະເພາະປະເທດທີ່ມີລະບົບການສຶກສາທີ່ມີຄຸນນະພາບສູງ ແລະ ມີລະບົບການເມືອງຄ້າຍຄືກັນກັບປະເທດຕົນເອງເຊັ່ນ: ປະເທດຈີນ ສຸດທ້າຍກໍຕັດສິນໃຈເຂົ້າຮ່ວມສອບເສັງເອົາທຶນມາຮຽນປະເທດຈີນ ຜ່ານການສອບເສັງຄັດເລືອກໃນຈໍານວນຮຽນຫຼາຍຮ້ອຍຄົນຕົນເອງໄດ້ອັນດັບທີ 2. ພາຍຫລັງໄດ້ມາຮຽນຢູ່ມະຫາວິທະຍາໄລຊານຕົງຢູ່ ສປ ຈີນເຫັນວ່າສິ່ງຫຍຸ້ງຍາກ ແລະ ເປັນອຸປະສັກຫລາຍກວ່າໝູ່ແມ່ນການຮຽນພາສາຈີນ ແລະ ການປັບຕົວໃຫ້ເຂົ້າກັບສະພາບແວດລ້ອມຂອງປະເທດຈີນ ແຕ່ສຸດທ້າຍກໍຜ່ານຜ່າໄປໄດ້ດ້ວຍດີ. ລາວຍັງກ່າວວ່າການໄດ້ມາຮຽນຢູ່ຈີນເປັນສິ່ງພູມໃຈ ແລະ ສໍາຄັນທີ່ສຸດໃນຊີວິດ. ຕົນເອງຢືນຢັນວ່າໃນໄລຍະທີ່ສຶກສາຢູ່ທີ່ນີ້ຈະສືບຕໍ່ບຸກບືນ ແລະ ສູ້ຊົນທຸກຄວາມພະຍາຍາມເພື່ອຮຽນຮູ້ເອົາບົດຮຽນອັນລໍ້າຄ່າຂອງ ຈີນໂດຍສະເພາະການພັດທະນາ, ຄວາມທັນສະໄໝ, ແບບແຜນການດໍາລົງຊີວິດຂອງຊາວຈີນທີ່ໄດ້ບົ່ມສອນໃຫ້ມີຄວາມດຸໝັ່ນ-ຫ້າວຫັນໂດຍບໍ່ທໍ້ແທ້ ແລະ ກ້າຮັບເອົາສິ່ງໃໝ່ເພື່ອປັບໃຊ້ໃຫ້ຖືກຍຸກຖືກສະໄໝ ຖ້າຫາກສໍາເລັດຈາກສຶກສາຕາມຄວາມຝັນວ່າຢາກເຂົ້າເຮັດວຽກຢູ່ກະຊວງການຕ່າງປະເທດ. 

ນາງ ຄານສະຫວັນ ສະເຫລີມສັກ ນັກສຶກສາປະລິນຍາໂທ ທີ່ ມະຫາໄລເສດຖະສາດ ແລະ ການຄ້ານະຄອນຫຼວງປັກປິ່ງເປີດເຜີຍຕໍ່ນັກຂ່າວເຊັ່ນກັນວ່າ: ຕົນເອງສອບເສັງໄດ້ທຶນລັດຖະບານ ສປ ຈີນ ເຊິ່ງເປັນສິ່ງວິເສດ ແລະ ດີໃຈຢ່າງລົ້ນເຫລືອຫາທີ່ປຽບບໍ່ໄດ້ໃນຊີວິດໂດຍໄຝ່ຝັນໄວ້ວ່າຖ້າໄດ້ມາຮຽນ ທີ່ ສປ ຈີນຄືການເດີນທາງມາຖືກແລ້ວ ເນື່ອງຈາກວ່າ ສປ ຈີນ ເປັນປະເທດບ້ານໃກ້ເຮືອນຄຽງກັນໂດຍມີຊາຍແດນຕິດຈອດກັນ, ລະບົບການປົກຄອງຄ້າຍຄືກັນ, ການໄປມາຫາສູ່ກັນລະຫວ່າງລາວ - ຈີນກໍມີຄວາມສະດວກສະບາຍ ແລະ ມີຄວາມປອດໄພຫຼາຍທີ່ສຸດ. ໃນໄລຍະມາຮຽນທໍາອິດບໍ່ຊິ້ນເຄີຍກັບສະພາບແວດລ້ອມໃນປະເທດຈີນປານໃດ ເພາະວ່າຈີນເປັນປະເທດກວ້າງໃຫຍ່, ທັນສະໄໝ ແລະ ອື່ນໆ. ແຕ່ໃນທີ່ສຸດປັບໂຕເຂົ້າກັບສະພາບເຫລົ່ານັ້ນໄດ້ແບບງ່າຍດາຍ ເຊິ່ງຈົນກາຍເປັນຄວາມຮູ້ສຶກວ່າປະເທດຈີນປຽບເໝືອນເຮືອນຫຼັງທີສອງຂອງຕົນເອງ. 

ພ້ອມດຽວກັນນີ້, ທ. ບຣຸງຢາງ ນັກສຶກສາລາວ ທີ່ມະຫາວິທະຍາໄລເສດຖະກິດ ແລະ ການຄ້າປັກກິ່ງຍັງໃຫ້ທັດສະນະບາງດ້ານກ່ຽວກັບໂຄງການພັດທະນາເສັ້ນທາງລົດໄຟຄວາມໄວສູງ ລາວ - ຈີນ ວ່າ: ເສັ້ນທາງລົດໄຟ ລາວ - ຈີນ ປຽບສະເໝືອນສາຍເລືອດໃຫຍ່ທີ່ປ່ຽນແປງສະຖານະພາບຂອງ ສປປ ລາວຈາກປະເທດບໍ່ຕິດຈອດກັບທະເລກາຍເປັນປະເທດເຊື່ອມຈອດກັບພາກພື້ນ - ສາກົນ ແລະ ຍັງເປັນປະຕູທາງຜ່ານຂອງບັນດາ 10 ປະເທດສະມາຊິກອາຊຽນທີ່ມີປະຊາກອນ 600 ລ້ານກວ່າຄົນຈະໄດ້ຮັບຜົນປະໂຫຍດຮ່ວມກັນທາງກົງ ແລະ ທາງອ້ອມໃນໄລຍະຍາວ. ແນວໃດກໍດີ ຖ້າເສັ້ນທາງລົດໄຟ ລາວ - ຈີນ ສໍາເລັດຈະເຮັດໃຫ້ສອງປະເທດໄດ້ຜົນປະໂຫຍດບໍ່ໜ້ອຍເຊັ່ນ: ການຂົນສົ່ງ, ສິນຄ້າ, ການທ່ອງທ່ຽວ, ການລົງທຶນ ແລະ ອື່ນໆ. ລາວຍັງກ່າວໃນອະນາຄົດຈະເຮັດໃຫ້ນັກທ່ອງທ່ຽວຫັນປ່ຽນຈາກການນັ່ງເຮືອບິນມາຂີ່ລົດໄຟເພີ່ມຂຶ້ນເພາະມັນສະດວກສະບາຍ, ມີຄວາມສ່ຽງໜ້ອຍ ແລະ ປະຫຍັດຫຼາຍ. 

ເສັ້ນທາງລົດໄຟ ລາວ - ຈີນ ມີຄວາມຍາວປະມານ 400 ກວ່າກິໂລແມັດ ກັບການລົງທຶນເກືອບ 6 ຕື້ໂດລາສະຫະລັດ ໃນນັ້ນລັດຖະບານລາວອອກທຶນ 30 % ແລະ ລັດຖະບານຈີນອອກທຶນ 70 %, ເລີ່ມຈາກຊາຍແດນ ສປ ຈີນ ຜ່ານ ແຂວງຫຼວງນໍ້າທາ ເຖິງ ນະຄອນຫຼວງວຽງຈັນ ແລະ ຄາດວ່າຈະສໍາເລັດສົມບູນ ພາຍໃນ ປີ 2021 ຂະນະທີ່ ປະເທດໄທພວມຈະດໍາເນີນການກໍ່ສ້າງເສັ້ນທາງລົດໄຟໄທເພື່ອເຊື່ອມຕໍ່ລະຫວ່າງ ແຂວງ ໜອງຄາຍ ຂອງໄທ ເຂົ້າມາຫາ ສປປ ລາວ ເຊິ່ງຈະເຊື່ອມຕໍ່ໄປຫາປະເທດມາເລເຊຍ, ສິງກະໂປ ແລະ ເຊື່ອມຕໍ່ ຫາ ສປ ຈີນ, ບັນດາຕາເວັນອອກກາງ, ເອີຣົບ ແລະ ອື່ນໆ.  

(ເກີດຂວັນໃຈ ມາລີຈັນສີ/ປັກກິ່ງ)

Advertisement Replay Ad
ມະຫາເສດຖີ ອາຍຸນ້ອຍທີ່ສຸດຂອງສິງກະໂປ ໜຸ່ມ "Kishin RK" ຊື້ອາພາດເມັນໄດ້ຕັ້ງແຕ່ອາຍຸ 12 ປີ

ມະຫາເສດຖີ ອາຍຸນ້ອຍທີ່ສຸດຂອງສິງກະໂປ ໜຸ່ມ "Kishin RK" ຊື້ອາພາດເມັນໄດ້ຕັ້ງແຕ່ອາຍຸ 12 ປີ

ມາເບິ່ງກັນວ່າ ນ້ຳກ້ອນຂົ້ວໂລກຍັງຈະຢູ່ກັບພວກເຮົາໄດ້ອີກຈັກປີ?

ມາເບິ່ງກັນວ່າ ນ້ຳກ້ອນຂົ້ວໂລກຍັງຈະຢູ່ກັບພວກເຮົາໄດ້ອີກຈັກປີ?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 24 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 24 ກັນຍາ 2020

ພາຮູ້ຈັກລະບົບການເລືອກຕັ້ງຂອງສະຫະລັດອາເມລິກາ ກ່ອນຈະມາເປັນປະທານາທິບໍດີເຂົາເຮັດແນວໃດ?

ພາຮູ້ຈັກລະບົບການເລືອກຕັ້ງຂອງສະຫະລັດອາເມລິກາ ກ່ອນຈະມາເປັນປະທານາທິບໍດີເຂົາເຮັດແນວໃດ?

ຈີນຕັ້ງເປົ້າຫຼຸດການໃຊ້ກາສຄາບອນໃຫ້ເຫຼືອ 0 ໃນອີກ 40 ປີຂ້າງໜ້າ

ຈີນຕັ້ງເປົ້າຫຼຸດການໃຊ້ກາສຄາບອນໃຫ້ເຫຼືອ 0 ໃນອີກ 40 ປີຂ້າງໜ້າ

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 23 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 23 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 21 ກັນຍາ 2020

ກ່ອນໃຫ້ກຳລັງໃຈຄົນທີ່ຄິດຂ້າໂຕຕາຍ ກວດໃຫ້ດີກ່ອນວ່າຄຳເວົ້າທີ່ຈະໃຊ້ອ່ອນໄຫວຕໍ່ພວກເຂົາ ຫຼື ບໍ່

ກ່ອນໃຫ້ກຳລັງໃຈຄົນທີ່ຄິດຂ້າໂຕຕາຍ ກວດໃຫ້ດີກ່ອນວ່າຄຳເວົ້າທີ່ຈະໃຊ້ອ່ອນໄຫວຕໍ່ພວກເຂົາ ຫຼື ບໍ່

ຮູ້ບໍວ່າ ກົດໝາຍຈະມີຜົນສັກສິດໄດ້ ຕ້ອງຜ່ານຂັ້ນຕອນເຫຼົ່ານີ້ກ່ອນ

ຮູ້ບໍວ່າ ກົດໝາຍຈະມີຜົນສັກສິດໄດ້ ຕ້ອງຜ່ານຂັ້ນຕອນເຫຼົ່ານີ້ກ່ອນ

ຍ້ອນອະດີດລະນຶກຄວາມຫວານ ກັບນານາເຂົ້າໜົມຫວານດັ່ງເດີມຂອງ “ລາວ”

ຍ້ອນອະດີດລະນຶກຄວາມຫວານ ກັບນານາເຂົ້າໜົມຫວານດັ່ງເດີມຂອງ “ລາວ”

ຄວນຮູ້! ຈັບ "ປາຝາໄລ" ຫຼື ຄອບຄອງຊິ້ນສ່ວນຂອງມັນ ຜິດກົດໝາຍ ຫຼື ບໍ່?

ຄວນຮູ້! ຈັບ "ປາຝາໄລ" ຫຼື ຄອບຄອງຊິ້ນສ່ວນຂອງມັນ ຜິດກົດໝາຍ ຫຼື ບໍ່?

"ນາຍົກລັດຖະມົນຕີ" ຕຳແໜ່ງນີ້ມີຄວາມເປັນມາຄືແນວໃດ?

"ນາຍົກລັດຖະມົນຕີ" ຕຳແໜ່ງນີ້ມີຄວາມເປັນມາຄືແນວໃດ?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 17 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 17 ກັນຍາ 2020

“ວຽງຈັນບັນດານໃຈ” ຕອນ: ຈາກພະນັກງານອາສາມາເປັນພໍ່ຄ້າສັນຈອນ

“ວຽງຈັນບັນດານໃຈ” ຕອນ: ຈາກພະນັກງານອາສາມາເປັນພໍ່ຄ້າສັນຈອນ

ສາເຫດທີ່ “ລັດຖະທໍາມະນູນ” ເປັນກົດໝາຍສູງສຸດ

ສາເຫດທີ່ “ລັດຖະທໍາມະນູນ” ເປັນກົດໝາຍສູງສຸດ

ຮູ້ຈັກ ທ່ານ "ໂຢຊິຮິເດະ ຊຸກະ" ຈາກລູກຊາວສວນສະຕຣໍເບີຣີ ສູ່ ນາຍົກລັດຖະມົນຕີຄົນໃໝ່ຂອງຍີ່ປຸ່ນ

ຮູ້ຈັກ ທ່ານ "ໂຢຊິຮິເດະ ຊຸກະ" ຈາກລູກຊາວສວນສະຕຣໍເບີຣີ ສູ່ ນາຍົກລັດຖະມົນຕີຄົນໃໝ່ຂອງຍີ່ປຸ່ນ

ວົງການແຣັບສາລະວັນຕ້ອງສັ່ນສະເທືອນ! ໄວລຸ້ນແຣັບເດືອດຮ້ອງເພງລາວໂຊຄວາມເປັນສາລະວັນ

ວົງການແຣັບສາລະວັນຕ້ອງສັ່ນສະເທືອນ! ໄວລຸ້ນແຣັບເດືອດຮ້ອງເພງລາວໂຊຄວາມເປັນສາລະວັນ

ສ່ອງຜົນງານໃນໄລຍະ 4 ປີທີ່ດຳລົງຕຳແໜ່ງປະທານາທິບໍດີຂອງ "ໂດນັລ ທຣຳ" ກ່ອນເລືອກຕັ້ງໃໝ່ 2020

ສ່ອງຜົນງານໃນໄລຍະ 4 ປີທີ່ດຳລົງຕຳແໜ່ງປະທານາທິບໍດີຂອງ "ໂດນັລ ທຣຳ" ກ່ອນເລືອກຕັ້ງໃໝ່ 2020

ກຸ່ມເມກຂອງດາວສຸກອາດຈະມີສິ່ງທີ່ມີຊີວິດອາໄສຢູ່?

ກຸ່ມເມກຂອງດາວສຸກອາດຈະມີສິ່ງທີ່ມີຊີວິດອາໄສຢູ່?

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 14 ກັນຍາ 2020

ຖືກ ຫຼື ບໍ່ຕ້ອງກວດເບິ່ງ! ຜົນຫວຍລາວງວດນີ້ 14 ກັນຍາ 2020

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ