ວັນຈັນ ທີ 20 ກັນຍາ 2021

ອາຈານ-ນັກສຶກສາ ມຊ ກວ່າ 400 ຄົນ ຮ່ວມປູກຕົ້ນໄມ້ຄືນຄວາມຂຽວງາມສູ່ທຳມະຊາດ

ອາຈານ-ນັກສຶກສາ ມຊ ກວ່າ 400 ຄົນ ຮ່ວມປູກຕົ້ນໄມ້ຄືນຄວາມຂຽວງາມສູ່ທຳມະຊາດ

ຄະນະ​ນຳ​ ກະຊວງ​ສຶກສາ​ທິການ ​ແລະ ກີລາ (ສສກ), ຄະນະອະທິການ​ບໍ​ດີ, ຄະນະບໍດີ​ຈາກ 13 ຄະນະ ອ້ອມ​ຂ້າງ​ມະຫາວິທະຍາ​ໄລ​ແຫ່​ງຊາດ (ມຊ) ຕະຫຼອດ​ຮອດ​ພະນັກງານ ຄູ​ອາຈານ, ນັກ​ສຶກສາ, ອຳນາດ​ການ​ປົກຄອງ​ເມືອງ - ບ້ານ ​ແລະ ກຳລັງ​ປ້ອງກັນ​ຄວາມ​ສະຫງົບ​ພາຍ​ໃນ​ເມືອງ​ສັງ​ທອງ ຈຳນວນ 418 ຄົນ ​ເຂົ້າ​ຮ່ວມ​ກິດ​ຂະ​ກຳ​ປູກ​ຕົ້ນ​ໄມ້​ຫຼາຍ​ສະ​ນິດ​ຄືນຄວາມ​ຂຽວສົດ​ງົດງາມ​ສູ່​ທຳ​ມະ​ຊາດ ​ເພື່ອ​ສ້າງ​ຂະ​ບວນການ​ສະ​ເຫຼີ​ມສະຫຼອງ​ວັນ​ເດັກນ້ອຍ​ສາກົນ ​ແລະ ປູກ​ຕົ້ນ​ໄມ້​ແຫ່ງ​ຊາດ (ວັນ​ທີ 1 ມິຖຸນາ 2019).

ພິທີ​ເຕົ້າ​ໂຮມ​ປູກ​ຕົ້ນ​ໄມ້ຄັ້ງ​ນີ້, ​ໄດ້​ມີ​ຂຶ້ນ​ເມື່ອຕອນ​ເຊົ້າ​ຂອງວັນ​ທີ 31 ພຶດສະພາ ຜ່ານ​ມາ ທີ່​ເຂດ​ປ່າ​ຝຶກ​ຫັດ ​ແລະ ຕົວ​ແບບຂອງ​ຄະນະ​ວິທະຍາສາດ​ປ່າ​ໄມ້ ມຊ ທີ່​ບ້ານ​ນາ​ປໍ ​ເມືອງ​ສັງ​ທອງ ນະຄອນຫຼວງວຽງຈັນ, ​ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ນາງ ​ແສງ​ເດືອນ ຫຼ້າ​ຈັນທະ​ບູນ ລັດຖະມົນຕີ ກະຊວງ​ສຶກສາ​ທິການ ​ແລະ ກີລາ, ທ່ານ ສຈ.ປອ ສົມ​ສີ ຍໍ​ພັນ​​ໄຊ ຮັກສາການອະທິການ​ບໍດີ ມະຫາວິທະຍາ​ໄລ​ແຫ່ງ​ຊາດ ​ແລະ ທ່ານ ດາວ​ເພັດ ອາ​ລຸນ ​ເຈົ້າ​ເມືອງ​ສັງ​ທອງ ພ້ອມດ້ວຍຄະນະອະທິການ​ບໍ​ດີ, ຄະນະບໍດີ​ຈາກ 13 ຄະນະ ອ້ອມ​ຂ້າງ​ມະຫາວິທະຍາ​ໄລ​ແຫ່​ງຊາດ (ມຊ) ຕະຫຼອດ​ຮອດ​ພະນັກງານ ຄູ​ອາຈານ, ນັກ​ສຶກສາ, ອຳນາດ​ການ​ປົກຄອງ​ເມືອງ - ບ້ານ ​ແລະ ກຳລັງ​ປ້ອງກັນ​ຄວາມ​ສະຫງົບ​ພາຍ​ໃນ​ເມືອງ​ສັງ​ທອງ ຈຳນວນ 418 ຄົນ.

​ໂອກາດ​ດັ່ງກ່າວ, ທ່ານ ນາງ ຮສ.ປອ ລັດສະໝີ ບຸບຜາ ຄະນະບໍດີ ​ຄະນະ​ວິທະຍາສາດ​ປ່າ​ໄມ້ ລາຍ​ງານ​ໃຫ້​ຮູ້​ວ່າ: ປ່າ​ຝຶກ​ຫັດ ​ແລະ ຕົວ​ແບບແຫ່ງ​ນີ້ ຕັ້ງ​ຢູ່​ເຂດ​ພື້ນ​ທີ່​ຂອງ​ເມືອງ​ສັງ​ທອງ, ​ຊຶ່ງຕັ້ງ​ຢູ່​ຫ່າງ​ຈາກນະຄອນຫຼວງ​ວຽງ​ຈັນ ​ໄປ​ທາງ​ທິດຕາ​ເວັນ​ຕົກ​ສ່ຽງ​​ເໜືອ​ ປະມານ 80 ກິ​ໂລ​ແມັດ ມີ​ເຂດ​ແດນ​ທາງ​ດ້ານ​ທິດຕາ​ເວັນ​ຕົກຕິດ​ກັບ​ສາຍ​ນໍ້າ​ສັງ, ດ້ານ​ທິດຕາ​ເວັນ​ອອກ​ຕິດ​ກັບ​ສາຍ​ນໍ້າ​ຕອນ ​ແລະ ອ້ອມ​ຮອບ​ດ້ວຍ 6 ບ້ານ ຄື: ບ້ານ​ຫ້ວຍ​ຕົມ, ບ້ານ​ນາສາ, ບ້ານ​ໜອງ​ບົວ, ບ້ານ​ກ້ວຍ, ບ້ານ​ໄຮ​ໃຕ້, ບ້ານ​ສາວ​ນາງ ​ແລະ ມີ​ໜຶ່ງ​ບ້ານ ຄື: ບ້ານ​ນາ​ປໍ ທີ່​ຕັ້ງ​ຢູ່​ໃນ​ພື້ນ​ທີ່​ເຂດ​ຈຸດ​ສຸມ ມີ​ເນື້ອ​ທີ່​ດິນ​ທັງ​ໝົດ 800 ​ເຮັກຕາ ມີ​ຈຸດ​ປະສົງ​ຫຼັກ​ແນ​ໃສ່​ເພື່ອ​ຈັດ​ສັນ​ໃຫ້​ເປັນ​ປ່າ​ສຳລັບ​ການ​ທົດ​ລອງ ​ແລະ ​ເປັນ​ຕົວ​ແບບຝຶກ​ຫັດ​ພາກ​ສະໜາມ​ຂອງ​ນັກ​ສຶກສາ, ​ເປັນ​ບ່ອນ​ຄົ້ນຄວ້າ​ຂອງ​ນັກ​ສຶກສາ, ຄູ​ອາຈານ ​ແລະ ນັກ​ຄົ້ນຄວ້າ​ດ້ານ​ວິທະຍາສາດ​ປ່າ​ໄມ້ ​ແລະ ສິ່ງ​ແວດ​ລ້ອມ. ນອກຈາກ​ນັ້ນ, ​ຍັງ​ສ້າງ​ເປັນ​ບ່ອນ​ສາທິດ​ການຈັດ​ສັນ​ປ່າ​​ໄມ້​ແບບ​ຍືນ​ຍົງ​ ເຊັ່ນ: ການ​ຟື້ນ​ຟູ​ປ່າ, ການ​ອະນຸລັກ​ປ່າ​ໄມ້ ​ແລະ ​ປ່າ​ໄມ້​ກະ​ເສດ, ປູກ​ຈິດ​ສຳນຶກ​ກ່ຽວ​ກັບ​ການ​ຮັກສາ​ປ່າ​ໄມ້, ຮູບ​ແບບ​ຂອງ​ການ​ພັດທະນາ​ດ້ານ​ໂຄງ​ລ່າງພື້ນຖານ​ໃນ​ເຂດທີ່​ດິນ​ປ່າ​ໄມ້.

ທ່ານ ນາງ ຮສ.ປອ ລັດສະໝີ ບຸບຜາ ກ່າວ​ຕື່ມ​ອີກ​ວ່າ: ​ໃນ​ຕະຫຼອດ​ໄລຍະ​ຜ່ານ​ມາ ​ໄດ້ຈັດ​ຕັ້ງ​ປະຕິບັດ​​ເຖິງ 7 ກິດຈະກຳ​ຫຼັກ ປະກອບ​ມີ ວຽກ​ງານ​ການ​ຟື້ນ​ຟູ​ປ່າ​ໄມ້ ​ເລີ່​ມ​ແຕ່​ປີ 1998 ລວມມີ​ການ​ປູກ​ປ່າ, ປູກ​ເສີມ​ກ້ອງ​ປ່າ ​ແລະ ການ​ສື​ບພັນ​ທຳ​ມະ​ຊາດ ສຳ​ເລັດການ​ຟື້ນ​ຟູ​ປ່າ​ໄມ້​ໄດ້​ທັງ​ໝົດ 166 ​ເຮັກຕາ ນໍາ​ໃຊ້​ພັນ​ໄມ້​ພື້ນ​ເມືອງ​ ​ແລະ ​ໄມ້​ຕ່າງ​ຖິ່ນ ທີ່​ມີ​ຄຸນຄ່າ​ທາງ​ດ້ານ​​ເສດຖະກິດ 24 ຊະນິດ ​ເຊັ່ນ: ​​ໄມ້ດູ່, ​ໄມ້​ແຕ້​ຂ່າ, ​ໄມ້​ສະ​ໂກ, ​ໄມ້​ຍົມ​ຫອມ ​ແລະ ຊະນິດ​ພັນ​ໄມ້​ອື່ນໆ ປູກ​ເສີມ​ກ້ອງ​ປ່າ​ໄມ້​ໄດ້ 60 ​ເຮັກຕາ ລວມມີ 14 ຊະນິດ​ໄມ້ ​ແລະ ຟື້ນ​ຟູ​ທຳ​ມະ​ຊາດ ​ໄດ້ 2 ​ເຮັກຕາ ​ໄດ້​ນຳ​ໃຊ້​ຫຼັກການ​ວະນະ​ວັດເຂົ້າ​ໃນ​ການຈັດ​ສັນ​ປ່າ​ປູກ, ປ່າ​ປູກ​ເສີມ ​ແລະ ປ່າ​ສືບ​ພັນ​ທຳ​ມະ​ຊາດ ປະກອບ​ມີ ການ​ປູກ, ການ​ກຳ​ຈັດ​ວັດ​ສະ​ພືດ, ການ​ໃສ່​ຝຸ່ນ, ການ​ລິ​ກິ່ງ​ງ່າ ​ເພື່ອ​ໃຫ້​ຕົ້ນ​ໄດ້​ຂະຫຍາຍຕົວ​ໄວ ​​ແລະ ​ໄດ້​ເນື້ອ​ໄມ້​ທີ່​ມີ​ຄຸນນະພາບ​ດີ ​ແລະ ການ​ຕັດ​ສາງ​ຂະຫຍາຍ​ໄລຍະ. ນ​ອກຈາກ​ນັ້ນ, ຍັງ​​ໄດ້​ສຳ​ເລັດການຈັດ​ຕັ້ງ​ປະຕິບັດ​ວຽກ​ງານ​ການ​ສ້າງ​ເຄື່ອຂ່າຍຕົ້ນ​ແມ່​ພັນ, ວຽກ​ງານ​ປ້ອງ​ກັນ​ປ່າ, ວຽກ​ງານ​ໝາຍ​ຂອບ​ເຂດ​ຊາຍ​ແດນ ​ແລະ ກວດກາ​ລາດຕະ​ເວນ, ວຽກ​ງານ​ຄຸ້ມຄອງອານຸລັກ​ປ່າ ​ເຂດ​ພູຜາ​ເດືອນ, ວຽກ​ງານສ້າງ​ທາງ, ບົວລະບັດ​ຮັກສາ​ເສັ້ນທາງ ​ແລະ ວຽກງານ​ສົ່ງ​ເສີມ​ກະສິກຳ​ປ່າ​ໄມ້ ​ແລະ ປູກ​ໄມ້​ຄອບຄົວອີກ​ດ້ວຍ.

ຂະນະດຽວກັນ, ນາງ ​ແສງ​ເດືອນ ຫຼ້າ​ຈັນທະ​ບູນ ກ່າວ​ວ່າ: ການ​ປູກ​ຕົ້ນ​ໄມ້​ໃນ​ມື້​ນີ້ ມີ​ຄວາມ​ສຳຄັນ​ຫຼາຍ ​ໃນການ​ຟື້ນ​ຟູ​ປ່າ​ໄມ້​ຄືນ​ຄວາມ​ຂຽວ​ສົດ​ງົດ​ງາມຄືນ​ສູ່​ທຳ​ມະ​ຊາດ​​ ເຮັດ​ໃຫ້​​ປະ​ເທດ​ຊາດ ​ເວົ້າ​ລວມ, ​ເວົ້າ​ສະ​ເພາະ​​ໃຫ້​ເຂດ​ເມືອງ​ສັງ​ທອງ ມີ​ຄວາມ​ອຸດົມສົມບູນ​ທາງ​ດ້ານ​ທຳ​ມະ​ຊາດ​ທີ່​ສວຍ​ງາມ ສະ​ນັ້ນ ​ເພື່ອ​ເຮັດ​ໃຫ້​ຕົ້ນ​ໄມ້​ເຫຼົ່າ​ນີ້ ລອດ​ຕາຍ ​ແລະ ຈະ​ເລີນ​ເຕີບ​ໃຫຍ່ກາຍ​ເປັນ​ປ່າ​ໄມ້​ທີ່​ອຸດົມສົມບູນ ສະ​ເໜີ​ບັນດາ​ຄູ​ອາຈານ ມຊ ​ໂດຍ​ສະ​ເພາະ​ແມ່ນ​ຄະນະ​ວິທະຍາສາດ​ປ່າ​ໄມ້ ຈົ່ງ​ເອົາ​ໃສ່​ໃຈ​ໃນ​ການ​ບົວລະບັດ ປົກ​ປັກ​ຮັກສາ ​ແລະ ຄຸ້ມ​ຄອງ​ປ່າ​ປູກ ​ແລະ ປ່າ​ທຳ​ມະ​ຊາດ​ໃນ​ພື້ນ​ທີ່​ປ່າ​ຝຶກ​ຫັດ ​ແລະ ຕົວ​ແບບ​ແຫ່ງ​ນີ້ ຕາມ​ຫຼັກ​ວິຊາ​ການ​ປ່າໄມ້​ໃຫ້​ປະສົບ​ຜົນສຳ​ເລັດຢ່າງ​ສົມບູນ ຮຽກຮ້ອງ​ໃຫ້​ອຳນາດ​ການ​ປົກຄອງ​​ເມືອງ, ທຸກ​ພາກສ່ວນ ​ແລະ ພໍ່​ແມ່​ປະຊາຊົນ 7 ບ້ານ ທີ່ຢູ່​ອ້ອມ​ຂ້າງ ​ແລະ ​ໃນ​ເຂດພື້ນ​ທີ່​ປ່າ​ຝຶກ​ຫັດ ​ແລະ ຕົວ​​ແບບ​ນີ້ ຈົ່ງ​ໃຫ້​ຄວາມ​ຮ່ວມ​ມື ​ແລະ ສະໜັບສະໜູນຊ່ວຍ​ເຫຼືອ​ຄູ​ອາຈານ​ໃຫ້ການ​ຄຸ້ມ​ຄອງ, ການ​ປົກ​ປັກ​ຮັກສາ ​ແລະ ພັດທະນາ​ປ່າ​ໄມ້​ເຂດ​ພື້ນທີ່​ນີ້​ດ້ວຍ ​ເພື່ອ​ເຮັດ​ໃຫ້​ປ່າ​ໄມ້ມີຄວາມອຸດົມສົມບູນ​ຂຶ້ນ​ເລື້ອຍໆ ​ເພື່ອ​ໃຫ້​ແທດ​ເໝາະ​ກັບ​ແນວທາງ​ນະ​ໂຍບາຍ​ຂອງ​ລັດຖະບານ​ທີ່​ໄດ້​ກຳນົດ​ຄາດ​ໝາຍ​ໃນ​ປີ 2020 ​ໃຫ້​ມີ​ເນື້ອ​ທີ່​ການ​ປົກ​ຄຸມ​ປ່າ​ໄມ້​ໃນ​ທົ່ວ​ປະ​ເທດ 70% ​ ປາກົດ​ຜົນ​ເປັນ​ຈິງ.

(ສົງການ)

Advertisement Replay Ad
ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ນະຄອນຫຼວງວຽງຈັນພົບຜູ້ຕິດເຊື້ອໂຄວິດ-19 ໃນຊຸມຊົນໃໝ່ 264 ຄົນ

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 16 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອອກແລ້ວເດີ້! ຜົນຫວຍລາວງວດວັນທີ 13 ກັນຍາ 2021

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພຸດ ທີ 8 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນພະຫັດ ທີ 2 ກັນຍາ 2021 ຕາມແຕ່ລະວັນເກີດ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ບົດສຳພາດພິເສດ: ພອນສະຫວັນ ຊ່າງຖ່າຍພາບຈາກລາວທີ່ພາຜົນງານ Street Photography ສູ່ສາຍຕາຊາວໂລກ

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 30 ສິງຫາ 2021

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອ່ານດວງລາຍວັນປະຈໍາວັນຈັນ ທີ 30 ສິງຫາ 2021 ຕາມແຕ່ລະວັນເກີດ

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 26 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 19 ສິງຫາ 2021

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ເປີດໃຫ້ບໍລິການຢ່າງເປັນທາງການແລ້ວ ໂຮງໝໍມາດຕະຖານລະດັບສາກົນ "ກະເສມຣາດ ອິນເຕີຣ໌ເນຊັ່ນແນລ ວຽງຈັນ"

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ຄູ່ຮັກທີ່ຢູ່ນຳກັນ ຊ່ວຍກັນຫຼຸດຄວາມສ່ຽງພະຍາດຫົວໃຈໄດ້ຫຼາຍກວ່າຜູ້ທີ່ຢູ່ຄົນດຽວ

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 16 ສິງຫາ 2021

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ໂລກ້າ ບໍລິສັດສະຕາດອັບທຳອິດຈາກລາວ ມີຊື່ໃນ "100 ບໍລິສັດທີ່ໜ້າຈັບຕາ ຂອງ Forbes Asia"

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ເຜີຍໂສມໜ້າ ຕົວຈິງຂອງ POPCAT ນ້ອງໜ້າຕາເປັນແບບນີ້ເອງ

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 12 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 5 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 2 ສິງຫາ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 29 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ອອກແລ້ວເດີ້! ຜົນຫວຍລາວງວດວັນທີ 26 ກໍລະກົດ 2021

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ