ວັນອາທິດ ທີ 31 ພຶດສະພາ 2020

150 ກວ່າປະເທດ ສະໜັບສະໜູນຂໍ້ລິເລີ່ມໜຶ່ງແລວໜຶ່ງເສັ້ນທາງຢ່າງກວ້າງຂວາງ

150 ກວ່າປະເທດ ສະໜັບສະໜູນຂໍ້ລິເລີ່ມໜຶ່ງແລວໜຶ່ງເສັ້ນທາງຢ່າງກວ້າງຂວາງ

ບັນດາຄະນະຜູ້ແທນຈາກ 150 ກວ່າປະເທດທົ່ວໂລກໄດ້ເຫັນດີ ແລະ ສະໜັບສະໜູນຂໍ້ລິເລີ່ມໜຶ່ງແລວໜຶ່ງເສັ້ນທາງຢ່າງກວ້າງຂວາງ ພາຍຫລັງຈັດຕັ້ງປະຕິບັດມາໄດ້ 6 ປີ ພົບວ່າມີໝາກຜົນ ແລະ ເກີດເປັນຮູບປະທໍາຢ່າງຕັ້ງໜ້າ ເຊິ່ງສາມາດເຮັດໃຫ້ພື້ນຖານໂຄງລ່າງ, ການຄ້າ, ການລົງທຶນ, ການໄປມາຫາສູ່, ການທ່ອງທ່ຽວ ແລ ອື່ນໆ ແຕກດອກອອກຜົນ.

ກອງປະຊຸມໜຶ່ງແລວໜຶ່ງເສັ້ນທາງ ຄັ້ງທີ 2 ເພື່ອການຮ່ວມສາກົນໄດ້ໄຂຂຶ້ນຢ່າງເປັນທາງການໃນວັນທີ 26 ເມສາ 2019 ນີ້ທີ່ນະຄອນຫລວງປັກກິ່ງ ສປ ຈີນ ໂດຍເປັນປະທານຂອງ ທ່ານ ສີ ຈິ້ນ ຜີງ ປະທານປະເທດແຫ່ງ ສປ ຈີນ, ສະເພາະ ສປປ ລາວໂດຍ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ນໍາພາຄະນະຜູ້ແທນລາວເຂົ້າຮ່ວມກອງປະຊຸມດັ່ກ່າວ ນອກນັ້ນມີບັນດາປະມຸກລັດ, ຄະນະຜູ້ແທນຂັ້ນສູງ ແລະ ສື່ມວນລວມທັງໝົດ 5,000 ທ່ານຈາກ 150 ປະເທດທົ່ວໂລກເຂົ້າຮ່ວມກອງປະຊຸມຄັ້ງນີ້.

ກອງປະຊຸມຄັ້ງນີ້ຈະດໍາເນີນໄປເປັນເວລາ 3 ວັນ (25-27 ເມສາ 2019) ເຊິ່ງຄະນະຜູ້ແທນໄດ້ມີການປຶກສາຫາລື ແລະ ແລກຄວາມຄິດຄວາມເຫັນກ່ຽວກັບການຮ່ວມມືຫລາຍດ້ານຄື: ການພັດທະນາເສດຖະກິດ-ສັງຄົມ, ການຄ້າ, ການລົງທຶນ, ການຄົມມະນາຄົມ, ເຕັກໂນໂລຊີອັນໃໝ່, ນະວັດຕະກໍາທັນສະໄໝ, ການພັດທະນາສີຂຽວ 2030, ການພັດທະນາພື້ນຖານໂຄງລ່າງລະຫວ່າງກັນ ແລະ ກັນ, ການທ່ອງທ່ຽວ, ການໄປມາຫາສູ່ກັນ, ການແລກປ່ຽນວັດທະນະທໍາ ແລະ ອື່ນໆ.

ໃນໂອກາດດັ່ງກ່າວນີ້, ທ່ານ ສີ ຈິ້ນ ຜີງ ປະທານປະເທດແຫ່ງ ສປ ຈີນໄດ້ຂຶ້ນກ່າວໄຂກອງປະຊຸມໂດຍລະບຸວ່າ: ຈຸດປະສົງຂອງຂໍ້ລິເລີ່ມໜຶ່ງແລວໜຶ່ງເສັ້ນທາງເພື່ອມຸ່ງເນັ້ນໃສ່ການເຊື່ອມຈອດກັນດ້ານການຮ່ວມມືໃນທາງປະຕິບັດຢ່າງເລີກເຊິ່ງ, ຮ່ວມກັນແກ້ໄຂສິ່ງທ້າທາຍ ແລະ ຄວາມສ່ຽງຕ່າງໆທີ່ມະນຸດຜະເຊີນໜ້າຢູ່, ບັນລຸຜົນປະໂຫຍດເຊິ່ງກັນ ແລະ ກັນ, ການພັດທະນາຮ່ວມກັນ, ເປີດຊ່ອງຫວ່າງໃຫມ່ສໍາລັບການເຕີບໂຕເສດຖະກິດໂລກ, ສ້າງຕັ້ງຂຶ້ນເປັນເວທີໃຫມ່ສໍາລັບການຄ້າ ແລະ ການລົງທຶນລະຫວ່າງປະເທດ, ຮ່ວມກັນຄຸ້ມຄອງເສດຖະກິດທົ່ວໂລກ,
ການສຶກສາ, ສາທາລະນະສຸກ, ກະສິກໍາ, ວິທະຍາສາດ,ປະກອບສ່ວນ ແລະ ປັບປຸງຊີວິດການເປັນຢູ່ຂອງປະຊາຊົນໃນທຸກປະເທດ. ຂໍ້ລິເລີ່ມໜຶ່ງແລວໜຶ່ງເສັ້ນທາງບໍ່ພຽງແຕ່ສະຫນອງໂອກາດອັນໃຫມ່ສໍາລັບການພັດທະນາຂອງທຸກປະເທດໃນໂລກ, ແຕ່ກໍ່ເປີດກວ້າງຂອບເຂດໃຫມ່ສໍາລັບການເປີດກວ້າງແລະການພັດທະນາຂອງຈີນອີກດ້ວຍ.


ຜ່ານມາເຫັນວ່າ: ຂໍ້ລິເລີ່ມດັ່ງກ່າວໄດ້ສ້າງກາລະໂອກາດໃໝ່ສອດຄອງກັບປະຫວັດສາດ ແລະ ຕອບສະໜອງໃຫ້ແກ່ຄວາມຮຽກຮ້ອງຕ້ອງການ ແລະ ການຮ່ວມມື ເຊິ່ງນັ້ນໝາຍວ່າຕ້ອງອີງໃສ່ຫລັກການປຶກສາຫາລືຮ່ວມກັນ, ເປີດໂອກາດໃຫ້ແຕ່ລະຝ່າຍມີສ່ວນຮ່ວມ, ນໍາໃຊ້ທ່າແຮງບົ່ມຊ້ອນ, ພວກເຮົາຕ້ອງຮ່ວມກັນຕໍ່ຕ້ານການສໍ້ລາດບັງຫລວງ, ສົງເສີມການພັດທະນາແບບຍືນຍົງ, ການປະມູນ ແລະ ຈັດຊື້ຕ້ອງປະຕິບັດຕາມລະບຽບກົດໝາຍຂອງປະເທດນັ້ນໆ, ຮັບປະກັນຄວາມຍືນຍົງການຄ້າ ແລະ ການລົງທຶນ, ເພີ່ມທະວີການເຊື່ອມເຊື່ອດຈອດ, ເຊື່ອວ່າພວກເຮົາຈະເຮັດຈະວຽກຮ່ວມກັນຢ່າງໃກ້ຊິດ ແລະ ຕ້ອງມີຄຸນນະພາບສູງ, ເພື່ອເສີມເຄື່ອຂ່າຍການເຊື່ອມຈອດກັນເຊັ່ນ: ການສ້າງຂົວຢູຣາຊຽນ, ເສັ້ນທາງລົດໄຟຈີນ-ອາຊີ-ເອີລົບ-ອາຟຣິກາ ລວມກອງທຶນເສັ້ນທາງສາຍໄໝ, ກອງທຶນພິເສດທີ່ພວກເຮົາໄດ້ຊຸກໃຫ້ມີການຮ່ວມມືລວມທັງບັນດາອົງການກ່ຽວຂ້ອງຕ່າງໆ.

ນອກນີ້ຕ້ອງສົ່ງເສີມການຄ້າ ແລະ ການລົງທຶນໂດຍສະເພາະການຄ້າເສລີ, ເປີດກວ້າງການລົງທຶນ, ເຂົ້າຮ່ວມການເຈລະຈາກັບທຸກປະເທດ, ເລັ່ງລັດການຮ່ວມມືສາກົນ, ສ້າງລະບຽບການໃນການສະໜອງທຶນໃຫ້ແກ່ການພັດທະນາພາຍໃຕ້ການພັດທະນາແບບຍືນຍົງ, ການວາງສະແດງສິນຄ້າເອັກສະໂປຈະຈັດຂຶ້ນປີນີ້, ພວກເຮົາຈະໄດ້ນໍາໃຊ້ທ່າອ່ຽງໃໝ່ປະຕິບັດອຸດສາຫະກໍາຍຸກໂດຍສະເພາະ ນະວັດຕະກໍາໃໝ່, ເຕັກໂນໂລຊີ, ທຸລະກິດທີ່ເປັນຕົວແບບ, ສິ່ງຂັບເຄື່ອນການເຕີບໂຕແບບໃໝ່ ໃນນັ້ນແຜນຈັດຕັ້ງປະຕິບັດການຮ່ວມມືດ້ານນະວັດຕະກໍາ ແລະ ວິທະຍາສາດ, ຖ່າຍທອດເຕັກໂນໂລຊີ, ສ້າງໂຄງການແລກປ່ຽນພອນສະຫວັນໃນການຝຶກອົບຮົມໃຫ້ແກ່ພະນັກງານ ແລະ ນັກສຶກສາຈໍານວນ 5,000 ຄົນໃນອະນາຄົດ, ຈະເຊື້ອເຊີນພະນັກສັງກັດລັດ ແລະ ບໍ່ສັງກັດລັດຈໍານວນ 10,000 ຄົນເຂົ້າຮ່ວມແລກປ່ຽນຢ້ຽມຢາມ ຫລື ທັດສະນະສຶກຢູ່ ສປ ຈີນ ແລະ ອື່ນໆ.

ໃນມື້ນີ້ດຽວກັນ, ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວໄດ້ຖືໂອກາດນີ້ປະກອບຄໍາເຫັນວ່າ: ນັບ​ຕັ້ງ​ແຕ່ ​ປະ​ທານ ສີ ຈິ້ນ​ຜີງ ​ໄດ້​ປະ​ກາດຂໍ້​ລິ​ເລີ່ມ​ ຫນຶ່ງ​ແລວ ຫນຶ່ງ​ເສັ້ນ​ທາງ ໃນ​ປີ 2013 ເປັນ​ຕົ້ນ​ມາ, ​ຂໍ້​ລິ​ເລີ່ມ​ ຫນຶ່ງ​ແລວ ຫນຶ່ງ​ເສັ້ນ​ທາງ ​ໄດ້​ສ້າງ​ຄວາມ​ສົນ​ໃຈຢ່າງ​ກ​ວ້າງ​ຂວາງ​ຢູ່​ໃນ​ເວ​ທີ​ສາ​ກົນ. ກອງ​ປະ​ຊຸມ ຫນຶ່ງ​ແລວ ຫນຶ່ງ​ເສັ້ນ​ທາງ ເພື່ອ​ການ​ຮ່ວມ​ມື​ສາ​ກົນ ​ຄັ້ງ​ທີ 1 ແລະ ກອງ​ປະ​ຊຸມ​ປິ່ນ​ອ້ອມ ​ສຳ​ຄັນ​ຂອງ​ຂະ​ແຫນງ​ການ​ກ່ຽວ​ຂ້ອງຕ່າງໆ ໃນ​ປີ 2017 ​ໄດ້​ສະ​ແດງ​ໃຫ້​ເຫັນ​ຜົນສຳ​ເລັດ​ທີ່​ເປັນ​ຮູບ​ ປະ​ທຳ​ຕົວ​ຈິງ​ ​ໃນ​ເບື້ອງຕົ້ນ ​ແລະ ​ໄດ້ເປີດ​ສັງ​ກາດ​ໃຫມ່​ໃຫ້​ແກ່​ການ​ເປີດກ້​ວາງ ແລະ ເພີ່ມ​ທະ​ວີ​ການ​ຮ່ວມ​ມື​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ, ການກໍ່​ສ້າງ​ແລວ​ເສດ​ຖະ​ກິດ ແລະ ພື້ນ​ຖານ​ໂຄງ​​ລ່າງ​ຕາມ​ທ່າ​ແຮງ ແລະ ຈຸດ​ພິ​ເສດ​ ຂອງ​ບັນ​ດາ​ປະ​ເທດ​ລຽບ​ຕາມຫນຶ່ງ​ແລວຫນຶ່ງ​ເສັ້ນ​ທາງ ​ບົນ​ພື້ນ​ຖານ​ຕ່າງ​ຝ່າຍ​ຕ່າງ​ມີ​ຜົນ ​ປະ​ໂຫຍດ ແລະ ເຄົາ​ລົບ​ຊຶ່ງ​ກັນ ​ແລະ ​ກັນ. ສປປ ລາວ ຕີ​ລາ​ຄາ​ສູງໝາກຜົນຂອງ​ການ​ຮ່ວມ​ມື​ພາຍໃຕ້ກອບ ແລະໄດ້​ປະ​ກອບ​ສ່ວນ​ຢ່າງ​ຕັ້ງ​ຫນ້າ​ຕາມ​ພາ​ລະ​ບົດ​ບາດ ແລະ ຄວາມ​ສາ​ມາດ​ຂອງ​ຕົນ​ເຂົ້າ​ໃນ​ການ ຈັດຕັ້ງປະຕິບັດ​ຂໍ້​ລິ​ເລີ່​ມດັ່ງກ່າວ.

ໝາກຜົນຕົວຈິງທີ່ ສປປ ລາວ ໄດ້ຮັບກໍ່ແມ່ນການພັດທະນາພື້ນຖານໂຄງລ່າງ ເຮັດໃຫ້ ສປປ ລາວ ສາມາດເຊື່ອມຈອດເຂົ້າກັບປະເທດໃນອານຸພາກພື້ນ ແລະ ສາກົນ, ເຊິ່ງໃນນີ້ອັນທີ່ພົ້ນເດັ່ນກໍ່ແມ່ນໂຄງ​ການ​ລົດ​ໄຟຄວາມໄວສູງ ລາວ-ຈີນ ​ທີ່ເປັນໜຶ່ງໃນໂຄງ​ການ​ຮ່ວມ​ມື​ທີ່​ໃຫຍ່​ທີ່​ສຸດ​ສຳ​ລັບ ສ​ປ​ປ ລາວ ​ພາຍ​ໃຕ້​ຂໍ້​ລິ​ເລີ່ມ ຫນຶ່ງ​ແລວ ຫນຶ່ງ​ເສັ້ນ​ທາງ. ພ້ອມ​ດຽວ​ກັນ​ນັ້ນ, ສ​ປ​ປ ລາວ ແລະ ສ​ປ ຈີນ ຍັງ​ໄດ້​ຮ່ວມກັນ​ສ້າງແລວ​ທາງ​ເສດ​ຖະ​ກິດ ລາວ-ຈີນ ເຊິ່ງ​ເປັນ​ແລວ​ທາງ​ເສດ​ຖະ​ກິດ​ໃຫມ່​ ເພື່ອ​ເພີ່ມ​ທະ​ວີ​ການ​ເຊື່ອມ​ຈອດ​ດ້ານ​ການ​ຄ້າ-ການ ​ລົງ​ທຶນ.

ນອກ​ຈາກນີ້, ຂະ​ແຫນງ​ການ​ກ່ຽວ​ຂ້ອງ​ຂອງ ສ​ປ​ປ ລາວ ຍັງ​ໄດ້​ເຂົ້າ​ຮ່ວມ​ໃນ 8 ກົ​ນ​ໄກ​ຮ່ວມ​ມື​ລະ​ຫວ່າງ​ຂະ​ແຫນງ​ການ​ຈາກ​ທັງ​ຫມົດ 11 ກົນ​ໄກ​ຮ່ວມ​ມື​ຂອງ​ຂໍ້​ລິ​ເລີ່ມ ຫນຶ່ງແລວ ຫນຶ່ງ​ເສັ້ນ​ທາງນີ້. ແນວໃດກໍດີ ເຖິງແມ່ນຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ ຫາກໍ່ໄດ້ຮັບການຈັດຕັ້ງປະຕິບັດບໍ່ພໍເທົ່າໃດປີ, ແຕ່ກໍ່ສາມາດພິສູດໃຫ້ເຫັນເຖິງຜົນສຳເລັດໃນເບື້ອງຕົ້ນ ພ້ອມນີ້ເພື່ອຮັບປະກັນໝາກຜົນສູງສຸດ ຂອງການຮ່ວມມືໃນຂອບດັ່ງກ່າວນີ້, ສປປ. ລາວເຫັນວ່າ ມັນຍັງມີຄວາມຈຳເປັນຕ້ອງເພີ່ມທະວິໃນການປັບປຸງກົນໄກຈັດຕັ້ງປະຕິບັດ ໃຫ້ມີ ປະສິດທິຜົນຫລາຍກວ່າເກົ່າ, ແນໃສ່ຮັບປະກັນໃນການນຳໃຊ້ແຫລ່ງທຶນທີ່ມີ ໃຫ້ເກີດຜົນສູງສຸດ, ປັບປຸງກົນໄກການປະສານງານເພື່ອໃຫ້ມີຄວາມວ່ອງໄວ ແລະ ສອດຄ່ອງກັບສະພາບຕົວຈິງ ຂອງແຕ່ລະໄລຍະ ແລະ ຫວັງວ່າຂໍ້​ລິ​ເລີ່ມຫນຶ່ງ​ແລວຫນຶ່ງ​ເສັ້ນ​ທາງ​ ຈະ​ສືບ​ຕໍ່​ນຳ​ຜົນ​ປະ​ໂຫຍດ​ມາສູ່​ ປະ​ເທດ​ຂອງ​ພວກ​ເຮົາ ໂດຍ​ສະ​ເພາະ​ປະ​ເທດ​ດ້ອຍພັດທະນາ ແລະ ກຳ​ລັງ​ພັດ​ທະ​ນາ ກໍຄື​ພາກ​ພື້ນ ແລະ ສາ​ກົນ. ​​ສປປ ລາວຢືນ​ຢັນ ຈະ​ສືບ​ຕໍ່​ຮ່ວມ​ມື ແລະ ສະ​ໜັບ​ສະ​ໜູນ​ ຂໍ້​ລິ​ເລີ່ມ​ ຫນຶ່ງ​ແລວ ຫນຶ່ງ​ເສັ້ນ​ທາງ ​ແລະ ການ​ຈັດ​ຕັ້ງ​ປະ​ຕິ​ບັດ​ບັນ​ດາ​ໂຄງ​ການ ຂອງ​ ຂໍ້​ລິ​ເລີ່​ມດັ່ງກ່າວ ເພື່ອຮ່ວມ​ກັນ​ສ້າງ​ສັນ​ຕິ​ພາບ​ ​ນຳ​​ເອົາຄວາມ​ຈະ​ເລີນສີ​ວິ​ໄລ ແລະ ການ​ພັດທະນາ​ແບບຍືນ​ຍົງມາສູ່​ທຸກ​ປະ​ເທດ​ລຽບຕາມ ໜຶ່ງ​ແລວ ໜຶ່ງ​ເສັ້ນທາງ ຄື​ດັ່ງ​ຈິດ​ໃຈ​ຂອງ​ຫົວ​ຂໍ້​ກອງ​ປະ​ຊຸມມື້ນີ້ “ການ​ຮ່ວມ​ມືຫນຶ່ງ​ແລວຫນຶ່ງ​ເສັ້ນ​ທາງ: ສ້າງ​ອະນາ​ຄົດ​ທີ່​ສົດ​ໃສ​ຮ່ວມ​ກັນ”.

ທ່ານ ວາຣາດີເມຍ ປູຕິນ ປະທານາທິບໍດີແຫ່ງຣັດເຊຍກ່າວວ່າ: ຣັດເຊຍຍາມໃດກໍສະໜັບສະໜູນຂໍ້ລິເລີ່ມໜຶ່ງແລວໜຶ່ງເສັ້ນທາງ ໃນສະພາບແວດລ້ອມທີ່ມີຄວາມໂປ່ງໃສ່ ແລະ ການຮ່ວມມືພາຍໃຕ້ຜົນປະໂຫຍດຮ່ວມກັນ ແນວໃດກໍດີ ສະພາບການເມືອງຂອງໂລກມີການປ່ຽນແປງຢ່າງວ່ອງໄວ, ບາງປະເທດກໍໃຊ້ແຕ່ມາດຕະການຝ່າຍດຽວ ໃນການຮ່ວມມືເທົ່ານັ້ນ, ການປະເຊີນໜ້າກໍ່ການຮ້າຍ, ການເຄືອນຍ້າຍຄົນ ຫລື ອົບພະຍົບ ແລະ ອື່ນໆໄດ້ກາຍເປັນສິ່ງທ້າທາຍ, ພວກເຮົາມີວັດທະນະທໍາແຕກຕ່າງກັນ ແຕ່ພວກເຮົາມີເປົ້າໝາຍອັນດຽວກັນໃນການສ້າງສັນຕິພາບ ແລະ ເຄົາລົບອະທິປະໄຕເຊິ່ງກັນ.

ຈີນເປັນປະເທດທີ່ມີອຸດົມການຄ້າຍຄືກັບຣັດເຊຍ ແລະ ບັນດາຂົງເຂດຢູ່ອາຊຽນຈະໄດ້ຮັບການຮ່ວມມືກັບ ສປ ຈີນ ປັດຈຸບັນ ຣັດເຊຍຈະຮ່ວມມືການຄ້າເສລີກັບຫວຽດນາມ, ອີຣານ ແລະ ພວມເຈລະຈາກັບສິງກະໂປ, ນອກນັ້ນຍັງໄດ້ຮ່ວມມືກັບເອີຣົບ.

ທ່ານ ມະຫາເທ ນາຍົກລັດຖະມົນຕີມາເລເຊຍກໍໃຫ້ຄໍາເຫັນບາງຕອນວ່າ:, ຂໍ້ລິ່ເລີມໜຶ່ງແລວໜຶ່ງເສັ້ນທາງເປັນສິ່ງທີ່ດີໂດຍສະເພາະປະເທດທີ່ບໍ່ມີທາງອອກສູ່ທະເລ ແລະ ບັນດາປະເທດກ່ຽວຂ້ອງ ແຕ່ສະພາບປັດຈຸບັນຕ້ອງຮັບມືກັບສະພາບໃໝ່ເຊັ່ນ: ເຕັກໂນໂລຊີ ແລະ ປັນຍາປະດິດ, ການກໍ່ການຮ້າຍ, ອາສະຍາກໍາ ແລະ ອື່ນໆ.​

(ເກີດຂວັນໃຈ ມາລີຈັນສີ)

Advertisement Replay Ad
ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ເກີດເຫດ! ລີງອິນເດຍລັກຕົວຢ່າງເລືອດຂອງຜູ້ຕິດເຊື້ອໂຄວິດ-19 ພ້ອມທຳຮ້າຍເຈົ້າໜ້າທີ່

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ນີ້ແມ່ນ 4 ກິດຈະກຳທີ່ສາມາດກັບມາເຄື່ອນໄຫວໄດ້ຄືນ ຫຼັງຈາກທີ່ລັດຜ່ອນຜັນບາງມາດຕະການເພີ່ມ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສະຫະລັດກຽມຖອດຖອນສະຖານະພິເສດຂອງຮົງກົງ ຊີ້ບໍ່ເປັນອິດສະຫຼະຈາກຈີນອີກຕໍ່ໄປ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ສໍາເລັດແລ້ວ! ຫໍພຣະເມນ ອົງພຣະຍອດແກ້ວມະຫາສັງຄະສຸທັມມາທິບໍດີ ມະຫາງອນ ດຳຣົງບຸນ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ທົ່ວປະເທດມີແຜນປູກຕົ້ນໄມ້ 5 ແສນກວ່າເບ້ຍ ໃນວັນປູກຕົ້ນໄມ້ແຫ່ງຊາດ

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກວດເບິ່ງເລີຍ ຜົນຫວຍວັນທີ 28 ພຶດສະພາ 2020 ເລກ 1 2 3 4 5 ໂຕ ແລະ ຫວຍຕຳລາຝັນ 3/40

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ກະຊວງປ້ອງກັນປະເທດ ປະກາດເລື່ອນຊັ້ນໃຫ້ນາຍທະຫານຊັ້ນພັນຕີຂຶ້ນພັນໂທ 323 ສະຫາຍ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສູບຢາແບບໃດໃຫ້ດີຕໍ່ສຸຂະພາບ? ເມື່ອນະວັດຕະກຳການສູບຢາແບບໃໝ່ ອາດບໍ່ໄດ້ປອດໄພຄືກັບທີ່ຄິດ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ສວນສະໜຸກອາດບໍ່ສະໜຸກຄືຊື່ ເມື່ອຍີ່ປຸ່ນກຽມໃຫ້ເປີດອີກຄັ້ງ ແຕ່ຫ້າມ "ຮ້ອງ" ຂະນະຫຼິ້ນເຄື່ອງຫຼິ້ນ

ປໍ້ານໍ້າມັນປິດໄວ ຍ້ອນນໍ້າມັນໝົດແທ້ ຫຼື ເປັນ "ການກັກຕຸນສິນຄ້າ"?

ປໍ້ານໍ້າມັນປິດໄວ ຍ້ອນນໍ້າມັນໝົດແທ້ ຫຼື ເປັນ "ການກັກຕຸນສິນຄ້າ"?

ຫຼື ນີ້ຄືຄວາມຫວັງຂອງມວນມະນຸດ? ເປີດລາຍຊື່ຢາທີ່ເຊື່ອວ່າມີສັກກະຍະພາບໃນການປິ່ນປົວ COVID-19 ໄດ້

ຫຼື ນີ້ຄືຄວາມຫວັງຂອງມວນມະນຸດ? ເປີດລາຍຊື່ຢາທີ່ເຊື່ອວ່າມີສັກກະຍະພາບໃນການປິ່ນປົວ COVID-19 ໄດ້

ແຈ້ງປັບຂຶ້ນລາຄານໍ້າມັນໃນທົ່ວປະເທດ ມີຜົນ 28 ພຶດສະພາ 2020 ເປັນຕົ້ນໄປ

ແຈ້ງປັບຂຶ້ນລາຄານໍ້າມັນໃນທົ່ວປະເທດ ມີຜົນ 28 ພຶດສະພາ 2020 ເປັນຕົ້ນໄປ

ຢາ "ໄຮດຣອກຊີຄລໍໂຣຄວິນ" ທີ່ໃຊ້ທົດລອງປິ່ນປົວຄົນເຈັບໂຄວິດ-19 ຖືກສັ່ງໂຈະນຳໃຊ້ໂດຍ WHO

ຢາ "ໄຮດຣອກຊີຄລໍໂຣຄວິນ" ທີ່ໃຊ້ທົດລອງປິ່ນປົວຄົນເຈັບໂຄວິດ-19 ຖືກສັ່ງໂຈະນຳໃຊ້ໂດຍ WHO

ປະຊາຊົນ​ຈຳນວນໜຶ່ງ​ບໍ່​ຍອມຮັບ​ຄ່າ​ຊົດ​ເຊີຍຈາກໂຄງການ​ກໍ່ສ້າງ​ທາງ​ດ່ວນ ໝາຍ​ເລກ 1

ປະຊາຊົນ​ຈຳນວນໜຶ່ງ​ບໍ່​ຍອມຮັບ​ຄ່າ​ຊົດ​ເຊີຍຈາກໂຄງການ​ກໍ່ສ້າງ​ທາງ​ດ່ວນ ໝາຍ​ເລກ 1

ແຮງງານໃນລະບົບປະກັນສັງຄົມເຮ! ລັດເຫັນດີໃຫ້ປະຕິບັດນະໂຍບາຍເງິນອຸດໜູນວ່າງງານແລ້ວ

ແຮງງານໃນລະບົບປະກັນສັງຄົມເຮ! ລັດເຫັນດີໃຫ້ປະຕິບັດນະໂຍບາຍເງິນອຸດໜູນວ່າງງານແລ້ວ

ໂຄວິດ-19: ໂລກຍັງຢູ່ໃນໄລຍະ "ກາງ" ຂອງການລະບາດຮອບທຳອິດ, ອົງການອະນາໄມໂລກກ່າວ

ໂຄວິດ-19: ໂລກຍັງຢູ່ໃນໄລຍະ "ກາງ" ຂອງການລະບາດຮອບທຳອິດ, ອົງການອະນາໄມໂລກກ່າວ

ລາງລົດໄຟລາວ-ຈີນປູລາງຜ່ານອຸມົງທຳອິດ ມຸ່ງໜ້າສູ່ເຂດພາກເໜືອ ກຽມພ້ອມເປີດໃຊ້ທ້າຍປີ 2021

ລາງລົດໄຟລາວ-ຈີນປູລາງຜ່ານອຸມົງທຳອິດ ມຸ່ງໜ້າສູ່ເຂດພາກເໜືອ ກຽມພ້ອມເປີດໃຊ້ທ້າຍປີ 2021

2 ສາເຫດຫຼັກ ທີ່ສົ່ງຜົນໃຫ້ການເກັບລາຍຮັບສ່ວຍສາອາກອນບໍ່ໄປຕາມແຜນການ

2 ສາເຫດຫຼັກ ທີ່ສົ່ງຜົນໃຫ້ການເກັບລາຍຮັບສ່ວຍສາອາກອນບໍ່ໄປຕາມແຜນການ

ກວດກາພາສີສາລະວັນ ຕ້ານການລັກລອບໜີພາສີທຸກຮູບແບບ ປີນີ້ວາງເປົ້າເກັບລາຍຮັບ 67 ຕື້ກວ່າກີບ

ກວດກາພາສີສາລະວັນ ຕ້ານການລັກລອບໜີພາສີທຸກຮູບແບບ ປີນີ້ວາງເປົ້າເກັບລາຍຮັບ 67 ຕື້ກວ່າກີບ

ກຽມໂຕໃຫ້ພ້ອມ ມະຫາວິທະຍາໄລແຫ່ງຊາດ ພ້ອມເປີດການຮຽນການສອນສໍາລັບນັກສຶກສາປີສຸດທ້າຍ 2 ມິຖຸນານີ້

ກຽມໂຕໃຫ້ພ້ອມ ມະຫາວິທະຍາໄລແຫ່ງຊາດ ພ້ອມເປີດການຮຽນການສອນສໍາລັບນັກສຶກສາປີສຸດທ້າຍ 2 ມິຖຸນານີ້

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ