ວັນຈັນ ທີ 6 ກໍລະກົດ 2020

ເຜີຍທັດສະນະ "ໂພແກ້ວ ພິລາພັນເດຊ" ຜູ້ຈັດການທີມ ສະໂມສອນ ລາວໂຕໂຢຕ້າ ເອຟຊີ ຫຼັງ FIFA Day ທີ່ຜ່ານມາ

ເຜີຍທັດສະນະ "ໂພແກ້ວ ພິລາພັນເດຊ" ຜູ້ຈັດການທີມ ສະໂມສອນ ລາວໂຕໂຢຕ້າ ເອຟຊີ ຫຼັງ FIFA Day ທີ່ຜ່ານມາ
S! Muan

ສະໜັບສະໜູນເນື້ອຫາ

ຫຼັງຈາກຈົບ FIFA Day ທີ່ຜ່ານມາ ທາງດ້ານ "ໂພແກ້ວ ພິລາພັນເດຊ" ຜູ້ຈັດການທີມ ສະໂມສອນ ລາວໂຕໂຢຕ້າ ເອຟຊີ ກໍໄດ້ອອກມາໂພສຜ່ານເຟສບຸກສ່ວນຕົວຂອງຕົນເອງ Phokeo Philaphandeth ກ່ຽວກັບເລື່ອງດັ່ງກ່າວ ເມື່ອວັນທີ 28 ມີນາ 2019 ທີ່ຜ່ານມາ ເຊິ່ງໂພສດັ່ງກ່າວໄດ້ກ່າວເຖິງຫຼາຍຫົວຂໍ້ ພ້ອມທັງຕັ້ງຄຳຖາມ ທີມຊາດຄວນໃຫ້ນັກເຕະຈາກຫຼາຍໆສະໂມສອນໄດ້ເຂົ້າຮ່ວມດີກວ່າບໍ່? ເຊິ່ງເນື້ອໃນທັງໝົດຂອງໂພສດັ່ງກ່າວມີດັ່ງຕໍ່ໄປນີ້:

ທັດສະນະ ຜູ້ຈັດການທີມ #1 ຫຼັງຈາກ FIFA DAY ທີ່ຜ່ານມາ

FIFA DAY ແມ່ນປະຕິທິນທີ່ທາງ FIFA ກຳນົດໃຫ້ລີກຕ່າງໆປ່ອຍນັກເຕະເພື່ອໄປແຂ່ງລາຍ ການທີມຊາດ ສ່ວນລີກຈະພັກ ຫຼື ບໍ່ນັ້ນຂຶ້ນກັບຄວາມສະດວກໃນການຈັດໂປຣແກຣມການແຂ່ງຂັນ
ເຊິ່ງທຸກປະເທດກໍ່ຈະໃຊ້ເວລາໄລຍະນີ້ໃນການແຂ່ງຂັນ ຫຼື ອຸ່ນເຄື່ອງໃນລະດັບ ທີມຊາດຊຸດໃຫຍ່ A, ຊຸດ U23, ຊຸດ U19 ເພື່ອກຽມທີມ ຫຼື ເປັນການທົດລອງທີມ ທົດລອງນັກເຕະ ແລະ ຄັດເລືອກເພື່ອໃຫ້ພ້ອມໃນການແຂ່ງລາຍການສຳຄັນທີ່ເປັນຄວາມຫວັງ.

ຈະເຫັນໄດ້ວ່າ ທີມຊາດຕ່າງໆໃນເຂດເອເຊຍຈະມີການແຂ່ງຂັນເກືອບທຸກປະເທດ ທຸກລະດັບ ໂດຍສະເພາະ ທີມຊາດຊຸດໃຫຍ່A ແຕ່ເປັນຫຍັງທີມຊາດຊຸດໃຫຍ່ບາງປະເທດ ບໍ່ມີການອຸ່ນເຄື່ອງ ສາເຫດທີ່ເປັນໄປໄດ້ຄື:

1.ນັກເຕະຊຸດໃຫຍ່ ກັບ ຊຸດ U23 ເປັນນັກເຕະຊຸດດຽວກັນ ກ່າວໄດ້ວ່າ ນັກເຕະບໍ່ພໍ.
2.ຜູ້ຝຶກສອນທີມຊາດຊຸດໃຫຍ່ ກັບ ຊຸດ U23 ເປັນຊຸດດຽວກັນ ກ່າວໄດ້ວ່າ ຜູ້ຝຶກສອນບໍ່ພໍ.
3.ຕ້ອງການທຸ່ມເທຄາດຫວັງກັບລາຍການໃດລາຍການໜຶ່ງ ຄືລາຍການ AFC U-23 Championship Qualifiers.

ເປັນເພາະສາເຫດໃດເບິ່ງຈາກລາຍຊື່ນັກເຕະ ແລະ ຜູ້ຝຶກສອນ ຫຼື ຄວາມຄາດຫວັງເຂົ້າຮອບລາຍການນີ້ບໍ່ນັ້ນເບິ່ງຈາກຄູ່ແຂ່ງ ໃນກຸ່ມກໍ່ຄົງຮູ້ກັນດີວ່າລຳບາກໃນສະພາບປັດຈຸບັນໃນເມື່ອສະພາບເປັນແບບນີ້ ເຮົາຄວນຈະຈັດທີມແບບໃດ ເລືອກນັກເຕະແບບໃດ ເພື່ອສ້າງທີມຊາດໃນສະຖານະການແບບນີ້.

ນັກເຕະທີມຊາດຄວນເປັນນັກເຕະທີ່ດີທີ່ສຸດທີ່ເຮົາມີຢູ່ເວລານັ້ນ ໃນໄລຍະທີ່ມີການແຂ່ງຂັນ ຄວນແມ່ນການເອົານັກເຕະທີ່ໄດ້ລົງຫຼິ້ນເປັນໂຕຈິງໃນລີກ ໄດ້ຫຼິ້ນໃນເກມແຂ່ງຂັນສຳຄັນໆຢ່າງ ສະໝ່ຳສະເໝີ ແລະມີໂອກາດສະແດງຄວາມສາມາດໃຫ້ຜູ້ຝຶກສອນທີມຊາດໄດ້ຄັດເລືອກຄວນ ໃຫ້ນັກເຕະເຫຼົ່ານັ້ນໄດ້ພັດທະນາເພື່ອຫາໂອກາດລົງທົດສອບໃນລະດັບນານາຊາດວ່າສາມາດຫຼິ້ນ ໄດ້ ຫຼື ບໍ່?

ທີມຜູ້ຝຶກສອນ ທີ່ຕັດສິນໃຈເລືອກ 23 ນັກເຕະ ແລະ ເລືອກ 20 ນັກເຕະຈາກສະໂມສອນດຽວນັ້ນ ຄົງຈະກ້າຫານຫຼາຍຈາກກະແສສັງຄົມ ແຕ່ໃນເມື່ອແນວທາງ ການເຮັດວຽກຄືທີມສະໂມສອນ ແລະ ທີມຊາດເປັນທີມງານດຽວກັນທັງນັກເຕະ ແລະ ຜູ້ຝຶກສອນລວມໄປເຖິງຫົວໜ້າຜູ້ຝຶກສອນ ກໍ່ຄົງຕ້ອງເອົານັກເຕະທີມໂຕເອງກ່ອນນັ້ນກໍ່ຖືເປັນເລື່ອງທຳມະດາ 
ທີມຊາດທີ່ມີນັກເຕະມາຈາກທີມດຽວເຖິງ 20 ຄົນ ຈາກນັກເຕະ 23 ຄົນໃນໂຄຕ້າທີມຊາດ ຜູ້ຝຶກຄັດເລືອກມາແນວໃດ?

ການແຂ່ງຂັນລີກທີມໆໜຶ່ງມີໂຕຈິງລົງສະໜາມໄດ້ 11 ຄົນແຕ່ລະທີມກໍ່ຕ້ອງເອົານັກເຕະທີ່ດີທີ່ສຸດມາລົງສະໜາມ ແລະຈາກການ ແຂ່ງຂັນໃນລີກ 2 ນັດທີ່ຜ່ານມາມີທີມໜຶ່ງທີ່ໃຊ້ນັກເຕະຊຸດດຽວກັນທັງໝົດມີປ່ຽນນັກເຕະພຽງຄົນດຽວໃນນັດທີ່ສອງໝາຍຄວາມວ່ານັກເຕະທີ່ດີທີ່ສຸດມາລົງຫຼິ້ນແລ້ວທັງ 12 ຄົນ ແຕ່ເປັນຫຍັງ ໂຕສຳຮອງອີກ 8 ຄົນຈຶ່ງຕິດທີມຊາດໄດ້ ທີ່ບໍ່ມີຜູ້ຫຼິ້ນຈາກສະໂມສອນອື່ນສາມາດສຽບແທນໄດ້ເລີຍ ຫຼື ເປັນໂຕສຳຮອງໄດ້ ໝາຍຄວາມວ່າ ທີມສະໂມສອນອື່ນໃນລີກຄົງຈະບໍ່ມີນັກເຕະທີ່ດີກວ່ານີ້ແລ້ວ ຂະໜາດໂຕສຳຮອງທີ່ບໍ່ເຄີຍສຳພັດເກມໃນລີກຂອງສະໂມສອນນີ້ຍັງສາມາດຕິດທີມຊາດ.

ອານາຄົດທີມຊາດກໍ່ຄົງຕ້ອງມາຈາກນັກເຕະຊຸດນີ້ ໝາຍເຖິງນັກເຕະທີມສະໂມສອນອື່ນໆ ຄົງບໍ່ມີໂອກາດໄດ້ສຳຜັດ ບໍ່ມີປະສົບການໃນເກມລະດັບນານາຊາດເລີຍ ຈະເອົາໄປເປັນທີມຊາດແລ້ວໄປແຂ່ງໄດ້ນັ້ນມັນບໍ່ງ່າຍເລີຍ.

ແລ້ວໂອກາດຂອງນັກເຕະສະໂມສອນອື່ນບໍ່ແມ່ນແຕ່ເລື່ອງການແຂ່ງຂັນລະດັບນານາຊາດ ແຕ່ການໄດ້ຊື່ວ່າຕິດທີມຊາດບໍ່ ວ່າຊຸດໃດ ມັນກໍ່ແມ່ນ ຄວາມພາກພູມໃຈ ກຽດປະຫວັດທີ່ໄດ້ຕິດທີມຊາດລວມ ເຖິງຍັງໄດ້ມີລາຍໄດ້ເສີມຈາກເບ້ຍລ້ຽງຕ່າງໆ, ເສື້ອຜ້າ, ເກີບ ແລະ ອື່ນໆ ແຕ່ວ່າຕອນນີ້ສິ່ງເຫຼົ່ານັ້ນກັບຕົກໄປຢູ່ທີ່ ນັກເຕະພຽງສະໂມສອນດຽວ…

ລວມເຖິງມັນຍັງເປັນການເອົາປຽບທີມສະໂມສອນອື່ນໃນລີກ ຫຼື ບໍ່? ການທີ່ນັກເຕະໄດ້ມີໂອກາດ ມີປະສົບການໃນລະດັບນານາຊາດຍົກທີມຝຶກຊ້ອມກັບໂຄດທີມຊາດລະດັບສາກົນ ແລ້ວເອົາທີມຊາດຍົກຊຸດມາແຂ່ງກັບທີມສະໂມສອນອື່ນໆໃນລີກດຽວກັນ ເວົ້າງ່າຍໆຄືລີກນີ້ໄດ້ເອົາທີມຊາດມາແຂ່ງ ກັບທີມສະໂມສອນໃນລີກ ແລະ ຍັງນັບອັນດັບເພື່ອຍາດຊິງເງິນລາງວັນ ອີກດ້ວຍ… ແລ້ວຈະມີໃຜຢາກຈະມາສ້າງທີມສະໂມສອນເພື່ອແຂ່ງໃນລີກອີກ???

ຜົນການແຂ່ງຂັນ ບໍ່ແມ່ນພຽງເລື່ອງຜົນແພ້ ຫຼື ຊະນະ ເພາະເວລານີ້ເຮົາຄົງບໍ່ແມ່ນທີມທີ່ຈະໄປສູ້ໄດ້ ແຕ່ເນື້ອຫາ, ຮູບແບບ, ວິທີການຫຼິ້ນ, ການພັດທະນາ, ການສ້າງນັກເຕະໃໝ່, ຫຼິ້ນໃຫ້ປະທັບໃຈ, ຫຼິ້ນເພື່ອສ້າງຄວາມສັດທາໃຫ້ແຟນບານ ມັນຕ້ອງປ່ຽນແນວຄິດການເຮັດວຽກທັງລະບົບ ຕັ້ງແຕ່ລະບົບການສ້າງນັກເຕະລະດັບເຍົາວະຊົນ ລະບົບການຄັດເລືອກນັກເຕະ ລະບົບການແຂ່ງຂັນໃນປະເທດ ແລະ ລວມໄປເຖິງລະບົບການສ້າງທີມສະໂມສອນ.

ຢືນຢັນວ່ານັກເຕະທີ່ຈະມາຕິດທີມຊາດ ຄວນເປັນນັກເຕະທີ່ດີທີ່ສຸດໃນ ເວລານີ້ບໍ່ວ່າຈະເປັນຮຸ່ນໃດກໍ່ຕາມຕ້ອງມາຈາກຜົນງານທີ່ໄດ້ລົງຫຼິ້ນໃນລະດັບຕ່າງໆເປັນນັກເຕະທີ່ມີປະສົບການລົງແຂ່ງຂັນ ມີໂອກາດໄດ້ສຳຜັດເກມເລື້ອຍໆ.

ໄລຍະ FIFA DAY ລາວລີກສາມາດແຂ່ງໄດ້ແຕ່ທາງລີກເລືອກທີ່ຈະຢຸດພັກການແຂ່ງຂັນທັງ ໝົດ ທັງທີ່ນັກເຕະທີມທີ່ຖືກເລືອກໄປຈາກທີມດຽວໃນລີກ.

ລາວໂຕໂຢຕ້າ ເອຟຊີ ມີນັດຕົກຄ້າງລາວລີກ ເນື່ອງຈາກທີ່ຕ້ອງໄປແຂ່ງຂັນລາຍກາຍ AFC CUP ຖ້າພວກເຮົາໄດ້ແຂ່ງຂັນໃນລາວລີກກ່ອນຈະເຮັດໃຫ້ຕາຕະລາງຜົນການແຂ່ງຂັນລີກ ແລະ ອັນດັບຂອງລີກຈະອັບເດດຫຼາຍຂຶ້ນ ແຕ່ເຖິງຢ່າງໃດກໍ່ຕາມໃນເດືອນພຶດສະພາ ເຮົາຈະຕ້ອງ ລົງຫຼິ້ນ 6 ນັດ ໃນໄລຍະ 16 ມື້ ເວົ້າງ່າຍໆຄືພວກເຮົາຕ້ອງລົງແຂ່ງຂັນ 3 ເກມຕໍ່ອາທິດເພື່ອໃຫ້ ແຂ່ງ ຂັນໃຫ້ແລ້ວພາຍໃນ 2 ອາທິດ ໜັກຍິ່ງກວ່າ Boxing Day ຂອງ ລີກອັງກິດອີກ...

ຝາກເຖິງແຟນບານ ລາວໂຕໂຢຕ້າ ເອຟຊີ ແລະ ແຟນບານທຸກໆ ທ່ານໃຫ້ກຳລັງໃຈແກ່ພວກເຮົາດ້ວຍ.

Advertisement Replay Ad

ຂໍຂອບໃຈ

ຂໍ້ມູນ : Phokeo Philaphandeth

ລໍຄອຍມາເຖິງ 30 ປີ ແລະ ໃນທີ່ສຸດ "LIVERPOOL" ກໍຄວ້າໄດ້ໄຊຊະນະທີ່ຍິ່ງໃຫຍ່!

ລໍຄອຍມາເຖິງ 30 ປີ ແລະ ໃນທີ່ສຸດ "LIVERPOOL" ກໍຄວ້າໄດ້ໄຊຊະນະທີ່ຍິ່ງໃຫຍ່!

ເສິກໃຫຍ່ໃນລາລີກາ: ບາເຊໂລນາ ກຽມພົບ ເຊບິຢາ ທ້າຍອາທິດນີ້

ເສິກໃຫຍ່ໃນລາລີກາ: ບາເຊໂລນາ ກຽມພົບ ເຊບິຢາ ທ້າຍອາທິດນີ້

ລວມ 10 ນັກເຕະທີ່ໄວທີ່ສຸດໃນ LaLiga ສະເປນ ໃນລະດູການ 2019/20

ລວມ 10 ນັກເຕະທີ່ໄວທີ່ສຸດໃນ LaLiga ສະເປນ ໃນລະດູການ 2019/20

ແຟນບານກຽມໂຕ ພຣີເມຍລີກ ກັບມາແຂ່ງຂັນອີກຄັ້ງ

ແຟນບານກຽມໂຕ ພຣີເມຍລີກ ກັບມາແຂ່ງຂັນອີກຄັ້ງ

ລາວອີ-ສະປອດ ເປີດຮັບສະໝັກບຸກຄະລາກອນ ກຽມສ້າງເປັນຄູຝຶກ ແລະ ກໍາມະການຕັດສິນອາຊີບ

ລາວອີ-ສະປອດ ເປີດຮັບສະໝັກບຸກຄະລາກອນ ກຽມສ້າງເປັນຄູຝຶກ ແລະ ກໍາມະການຕັດສິນອາຊີບ

"ຊຽງຂວາງ ເກມ" ຈະເກີດ ຫຼື ບໍ່? ຮູ້ຜົນທ້າຍເດືອນມິຖຸນານີ້

"ຊຽງຂວາງ ເກມ" ຈະເກີດ ຫຼື ບໍ່? ຮູ້ຜົນທ້າຍເດືອນມິຖຸນານີ້

ບໍ່ລອດ "ເອຟຊີ ໂຊລ" ຖືກໃໝ 730 ລ້ານກີບ ຍ້ອນໃຊ້ "ຕຸກກະຕາຢາງ" ແທນຜູ້ຊົມ ຊີ້ດູໝິ່ນກຽດແຟນບານເພດຍິງ

ບໍ່ລອດ "ເອຟຊີ ໂຊລ" ຖືກໃໝ 730 ລ້ານກີບ ຍ້ອນໃຊ້ "ຕຸກກະຕາຢາງ" ແທນຜູ້ຊົມ ຊີ້ດູໝິ່ນກຽດແຟນບານເພດຍິງ

ສຕລ ລົງມືກໍ່ສ້າງ ແລະ ສ້ອມແປງໂຄງລ່າງພື້ນຖານສະໜາມກີລາຈາກທຶນຊ່ວຍເຫຼືອຂອງ FIFA

ສຕລ ລົງມືກໍ່ສ້າງ ແລະ ສ້ອມແປງໂຄງລ່າງພື້ນຖານສະໜາມກີລາຈາກທຶນຊ່ວຍເຫຼືອຂອງ FIFA

ວົງການບານເຕະຮູ້ ຫຼື ຍັງ? ພຣີເມຍລີກແຈ້ງຜົນກວດ ຜູ້ຕິດເຊື້ອໂຄວິດ ມີ 6 ຄົນ ຈາກ 748 ຄົນ!

ວົງການບານເຕະຮູ້ ຫຼື ຍັງ? ພຣີເມຍລີກແຈ້ງຜົນກວດ ຜູ້ຕິດເຊື້ອໂຄວິດ ມີ 6 ຄົນ ຈາກ 748 ຄົນ!

“ດີ້ ສາວລາວ” ບໍ່ເຄີຍຢຸດຊ້ອມກີລາຕໍ່ສູ້ປ້ອງກັນຕົວ 5 ປະເພດ ຫວັງພິຊິດແຊ້ມສ້າງກຽດຊື່ສຽງໃຫ້ປະເທດ

“ດີ້ ສາວລາວ” ບໍ່ເຄີຍຢຸດຊ້ອມກີລາຕໍ່ສູ້ປ້ອງກັນຕົວ 5 ປະເພດ ຫວັງພິຊິດແຊ້ມສ້າງກຽດຊື່ສຽງໃຫ້ປະເທດ

ມາດຕະການສໍາລັບການເປີດສະຖານທີ່ອອກກໍາລັງກາຍ ກີລາກາງແຈ້ງ ແລະ ກີລາໃນຮົ່ມ

ມາດຕະການສໍາລັບການເປີດສະຖານທີ່ອອກກໍາລັງກາຍ ກີລາກາງແຈ້ງ ແລະ ກີລາໃນຮົ່ມ

ແຟນບານຮູ້ສຶກແນວໃດ? ຄວາມແຕກຕ່າງຂອງການແຂ່ງຂັນກີລາບານເຕະ ໃນໄລຍະໂຄວິດ-19

ແຟນບານຮູ້ສຶກແນວໃດ? ຄວາມແຕກຕ່າງຂອງການແຂ່ງຂັນກີລາບານເຕະ ໃນໄລຍະໂຄວິດ-19

ດຣາມາ! ເອຟຊີ ໂຊລ ສະໂມສອນບານເຕະໃນເກົາຫຼີໃຕ້ໃຊ້ "ຕຸກກະຕາຢາງ" ເປັນແຟນບານນັ່ງເຊຍສ້າງບັນຍາກາດ

ດຣາມາ! ເອຟຊີ ໂຊລ ສະໂມສອນບານເຕະໃນເກົາຫຼີໃຕ້ໃຊ້ "ຕຸກກະຕາຢາງ" ເປັນແຟນບານນັ່ງເຊຍສ້າງບັນຍາກາດ

ຟ້າຫຼັງຝົນງົດງາມສະເໝີ! ມື້ນີ້ຂອງ "ມາດາມໂບ" ສາວງາມຄົນເກັ່ງແຫ່ງວົງການບານເຕະລາວ

ຟ້າຫຼັງຝົນງົດງາມສະເໝີ! ມື້ນີ້ຂອງ "ມາດາມໂບ" ສາວງາມຄົນເກັ່ງແຫ່ງວົງການບານເຕະລາວ

ສ່ອງຄວາມລວຍ ແລະ ຊີວິດທີ່ເລີດຫຼູໃນເຮືອບິນລຳໃໝ່ ຂອງນັກເຕະລະດັບໂລກ "ໂຣ່ນັນໂດ້"

ສ່ອງຄວາມລວຍ ແລະ ຊີວິດທີ່ເລີດຫຼູໃນເຮືອບິນລຳໃໝ່ ຂອງນັກເຕະລະດັບໂລກ "ໂຣ່ນັນໂດ້"

ຄວາມຝັນສູງສຸດ ຂອງທີມແບກໂລງສົບຄື "ຢາກແບກໂລງສົບ ໂຣນັນດິນໂຢ້ ກັບບ້ານເກົ່າ"

ຄວາມຝັນສູງສຸດ ຂອງທີມແບກໂລງສົບຄື "ຢາກແບກໂລງສົບ ໂຣນັນດິນໂຢ້ ກັບບ້ານເກົ່າ"

ແຟນບານກຽມເຮ! ເມື່ອ "ບຸນເດສລີກາ" ກຽມກັບມາເຕະ 15 ພຶດສະພານີ້

ແຟນບານກຽມເຮ! ເມື່ອ "ບຸນເດສລີກາ" ກຽມກັບມາເຕະ 15 ພຶດສະພານີ້

ລູກກະຕັນຍູ! ໂຣນັນໂດ້ ດາວຍິງໂຕເກັ່ງຂອງ "ມ້າລາຍ" ມອບລົດສຸດຫຼູ ເປັນຂອງຂວັນສຸດພິເສດໃຫ້ແມ່

ລູກກະຕັນຍູ! ໂຣນັນໂດ້ ດາວຍິງໂຕເກັ່ງຂອງ "ມ້າລາຍ" ມອບລົດສຸດຫຼູ ເປັນຂອງຂວັນສຸດພິເສດໃຫ້ແມ່

ຮອງຮັບໄດ້ 1 ແສນບ່ອນນັ່ງ! ກວ່າງໂຈວ ເອເວີແກຣນ ສ້າງສະໜາມໃໝ່ ຂຶ້ນຕຳແໜ່ງສະໜາມໃຫຍ່ທີ່ສຸດໃນໂລກ

ຮອງຮັບໄດ້ 1 ແສນບ່ອນນັ່ງ! ກວ່າງໂຈວ ເອເວີແກຣນ ສ້າງສະໜາມໃໝ່ ຂຶ້ນຕຳແໜ່ງສະໜາມໃຫຍ່ທີ່ສຸດໃນໂລກ

ແພດແນະນໍາ ກີລາຕ້ອງຫ້າມໃນໄລຍະ "ໂຄວິດ-19" ແພ່ລະບາດ

ແພດແນະນໍາ ກີລາຕ້ອງຫ້າມໃນໄລຍະ "ໂຄວິດ-19" ແພ່ລະບາດ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ