ວັນສຸກ ທີ 6 ທັນວາ 2019

ເສື່ອມເສຍກ້ອງໂລກ! ສະຫຼຸບ 23 ຂໍ້ ເຫດການເຄປັອບເຮັດຜິດກົດໝາຍ ທີ່ກ່ຽວຂ້ອງກັບ "ຊຶງຣີ ວົງບິກແບງ"

ເສື່ອມເສຍກ້ອງໂລກ! ສະຫຼຸບ 23 ຂໍ້ ເຫດການເຄປັອບເຮັດຜິດກົດໝາຍ ທີ່ກ່ຽວຂ້ອງກັບ "ຊຶງຣີ ວົງບິກແບງ"
S! Muan

ສະໜັບສະໜູນເນື້ອຫາ

ເຫດການ​ເຄ​ປັອບເສື່ອມເສຍສະໜັ່ນ​ໂລກ​ ທຳຮ້າຍ​ຄົນ​ບໍລິສຸດ​, ຄ້າ​ຢາ,​ ແຊັດ​ລັບ, ຄລິບ​ເພດສຳພັນ ລວມທັງສາລະພັດ​ເລື່ອງ​ຜິດ​ກົດໝາຍ​ ລວມ​ຢູ່ໃນ​ເຫດການ​ດຽວ​.

ຈາກ​ໄອດໍ້ຄົນ​ດັງ​ ກາຍ​ເປັນ​ຜູ້​ຮ້າຍ​ຂອງ​ສັງຄົມ​ ມັນ​ກາຍ​ເປັນ​ເລື່ອງ​ສະ​ເທືອນ​ໂລກ​ຂະໜາດ​ນີ້​ໄດ້​ແນວໃດ​ WorkPoint News​ ໄດ້​ສະຫຼຸບ​ທຸກ​ຢ່າງ​ຕັ້ງ​ແຕ່​ຕົ້ນ​ຈົນ​ຈົບ​ໃນ​ 23 ຂໍ້​.

1) ໄລຍະ​ຕົ້ນ​ເດືອນ​ພະຈິກ​ 2018 ຊາຍ​ຄົນ​ໜຶ່ງ​ ຊື່​ ຄິມ​ ຊັງ​-ຄຽວ​ ໄປ​ທ່ຽວ​ກາງ​ຄືນ​ທີ່ຮ້ານບັນເທີງໃນ​ເຂດ​ກັງ​ນຳ​ ຊື່​ "ເບີນນິງ​ຊັນ​" ປາກົດ​ວ່າ​ ລາວໄປ​ພົບ​ກັບ​ເຫດການ​ທີ່​ຜູ້ຍິງລາຍ​ໜຶ່ງ​ ຖືກ​ແຂກ​ຜູ້​ຊາຍ​ທີ່​ເບິ່ງ​ຄືກັບ​ເປັນ​ ແຂກ​ລະ​ດັບ​ວີ​ໄອ​ພີ​ຂອງຮ້ານ​ ເຂົ້າ​ເຖິງເນື້ອເຖິງໂຕໂດຍ​ຝ່າຍຍິງ​ບໍ່​ເຕັມ​ໃຈ​ ຜູ້ກ່ຽວ​ຈຶ່ງ​ພະຍາຍາມ​ເຂົ້າໄປ​ຫ້າມ​.​

2) ຢ່າງໃດ​ກໍ​ຕາມ​ ຄິມ​ ຊໍ້າພັດ​ຖືກ​ພະນັກງານ​ຂອງ​ເບີນນິງ​ຊັນ​ຮ່ວມກັນທຳຮ້າຍຮ່າງກາຍ​ ຈົນກະດູກຂ້າງແຕກ​. ພໍ​ຕຳຫຼວດ​ເຂົ້າ​ມາ​ຄວບຄຸມ​ເຫດການ​ ສຸດ​ທ້າຍ​ຈັບ​ກຸມ​ຄິມ​ອີກ​ ໂດຍ​ສະຖານະການປີ້ນ​ ເພາະ​ພະນັກງານ​ອ້າງ​ວ່າ​ ທ້າວ ​ຄິມ​ນັ້ນ​ແຫຼະ​ ເປັນ​ຄົນ​ລວນ​ລາມ​ຜູ້ຍິງ​ເອງ​.

3) ທ້າວ ​ຄິມ​ ເສຍ​ຊື່​ສຽງ​ຢ່າງ​ຮຸນແຮງ​ ທັງ​ເຈັບ​ຕົວ​ ແທນ​ທີ່​ເຮັດ​ດີ​ ຈະ​ມີຄົ​ນຊົມເຊີຍ​ ແຕ່ຊໍ້າພັດ​ຖືກ​ກ່າວ​ຫາ​ແທນ​ ເຊິ່ງເບິ່ງ​ຄືວ່າຕຳຫຼວດ​ ກໍ​ຈະ​ເຊື່ອ​ຝັ່ງ​ເບີນນິງ​ຊັນ​ນຳ.​ ດັ່ງ​ນັ້ນ​ ວັນທີ​ 28 ມັງກອນ​ ລາວ​ຈຶ່ງ​ອັດ​ຄລິບ​ລົງ​ໃນ​ອິນ​ສ​ະຕາ​ແກຣມ​ຂອງ​ຕົວ​ເອງ​ ລະບາຍ​ຄວາມ​ໃນ​ໃຈ​ ວ່າ​ລາວ​ຖືກ​ຫຍັງ​ມາແດ່​ ແລະ​ຮຽກ​ຮ້ອງ​ໃຫ້​ລັດຖະບານ​ລົງ​ມາ​ສືບ​ສວນ​ໃນ​ເລື່ອງ​ນີ້​. ລາວ​ອ້າງ​ວ່າ​ ​ຕຳຫຼວດ​ອາດ​ຈົງ​ໃຈ​ປົກ​ປ້ອງ​ ຮ້ານບັນເທີງ​ເບີນນິງ​ຊັນ ​ນຳ​ກໍ​ໄດ້​.

4) ຄລິບ​ຂອງ​ທ້າວ​ຄິມ​ ກາຍ​ເປັນ​ກະແສ​ໃນ​ເກົາ​ຫຼີ​ ທຸກ​ຄົນ​ຢາກ​ຮູ້​ວ່າ​ ລາວ​ເຮັດ​ຜິດແທ້​ ຫຼື​ ຖືກ​ໃສ່​ຄວາມ​ກັນ​ແທ້.​ ນັ້ນ​ເຮັດໃຫ້​ຕຳຫຼວດ​ຈຳ​ເປັນ​ຕ້ອງ​ລົງ​ມາສ​ອບ​ສວນ​ໃນ​ເລື່ອງ​ນີ້​ ແລະ​ໄປ​ໄລ່​ເບິ່ງ​ພາບ​ຈາກ​ກ້ອງ​ວົງ​ຈົນ​ປິດ​ໃນ​ຮ້ານ​ ເຊິ່ງປາກົດ​ວ່າ​ ໃນ​ຄລິບ​ເຫັນ​ຊັດເຈນ​ວ່າ​ ທ້າວ ​ຄິມ​ ເວົ້າ​ຈິງ​ທຸກ​ປະ​ການ​ ບໍ່​ມີ​ຫຼັກ​ຖານ​ຫຍັງ​ເລີຍ​ວ່າ​ລາວ​ໄປລ​ວນ​ລາມ​ຜູ້ຍິງ​ຄົນ​ໃດ​.

5) ແຂ​ກວີ​ໄອ​ພີ​ ຄົນທີ່​ທ້າວ​ຄິມ​ຊີ້​ວ່າ ລ​ວນ​ລາມ​ຜູ້ຍິງ​ ລອດ​ຕົວ​ຈາກ​ເຫດການ​ ແລະ​ບໍ່​ມີ​ການ​ນຳ​ມາສອບ​ສວນ​ຫຍັງ​ ມີລາຍ​ງານ​ວ່າ​ແຂ​ກວີ​ໄອ​ພີຄົ​ນ​ນີ້​ ເວລາ​ມາ​ທ່ຽວ​ 1 ຄັ້ງ​ ໃຊ້​ເງິນ​ໄປ​ເຖິງ​ 9 ພັນ​ໂດລາ​ (ປະມານ 77.2 ລ້ານກີບ​) ນັ້ນ​ເຮັດໃຫ້​ອາດ​ເປັນ​ສາ​ເຫດ​ທີ່​ທາງ​ພະນັກງານ​ຂອງ​ເບີນນິງ​ຊັນ​ຕ້ອງ​ການ​ຈະ​ປົກ​ປ້ອງ​.

6) ຫຼັງ​ຈາກ​ເຫັນ​ວ່າພະນັກງານຂອງ​ເບີນນິງ​ຊັນ​ຕົວະ​ ຕຳຫຼວດ​ຈຶ່ງ​ສອບ​ສວນ​ກິດຈະກຳ​ອື່ນ​ໆ​ຂອງ​ຮ້ານນຳ​ ແລະ​ຄົ້ນ​ພົບ​ວ່າ​ ມີ​ເສັ້ນ​ທາງ​ການ​ຄ້າ​ຢາ​ເສບ​ຕິດ​ ແລະ​ອາດ​ມີ​ຜູ້ຍິງ​ຫຼາຍລາຍ​ທີ່​ຖືກ​ຂົ່ມ​ຂືນ​ໃນ​ຮ້ານ​ບັນເທີງແຫ່ງ​ນີ້.​

7) ວັນທີ​ 2 ກຸມພາ​ 2019 ຊຶງ​ຣີ​ ສິລະປິນ​ວົງ​ບິກ​ແບງ​ ທີ່​ເປັນ​ຮຸ້ນ​ສ່ວນ​ຄົນ​ສຳຄັນ​ຂອງ​ຮ້ານ​ ໂພສ​ໃນ​ອິນ​ສ​ະຕາ​ແກຣມ​ວ່າ​  ຕົນເອງ​ເປັນຮຸ້ນ​ສ່ວນ​ແທ້​ ແຕ່​​ມີ​ໜ້າທີ່​ຫຼັກ​ໆ​ຄື​ໂຄສະນາຮ້ານ​ ບໍ່​ໄດ້​ເຮັດ​ໜ້າທີ່​ບໍລິຫານ​ງານ​ໂດຍ​ກົງ​ ເຊິ່ງທັນ​ທີ​ທີ່​ຊຶງ​ຣີ​ ໂພສ​ແບບ​ນີ້​ໄປ​ໃນ​ໄອ​ຈີ​ ກໍ​ຖືກ​ວິ​ຈານ​​ທັນ​ທີ​ ວ່າ​ຜູ້ກ່ຽວ​ພະຍາຍາມ​ຈະ​ໜີ​ບັນຫາ.​

8 ) ວັນທີ​ 16 ກຸມພາ​ 2019 ຊຶງ​ຣີ​ຂຶ້ນ​ຄອນ​ເ​ສີດ​ທີ່ນະຄອນຫຼວງ​ໂຊລ​ ພ້ອມ​ປະ​ກາດ​ຜ່ານ​ກາງ​ຄອນ​ເ​ສີດ​ວ່າ​ "ຂ້ອຍ​ຂໍ​ໂທດ​ທີ່​ເຮັດໃຫ້​ທຸກ​ຄົນ​ຜິດ​ຫວັງ​ ທີ່​ເບິ່ງ​ຄື​ບໍ່​ໃສ່​ໃຈ​ກັບ​ເລື່ອງ​ທີ່ເກີດຂຶ້ນ​ ແຕ່​ຈາກ​ນີ້​ໄປ​ທຸກ​ການ​ກະທຳ​ຂອງ​ຂ້ອຍ​ ຈະລະ​ມັດລະ​ວັງໃຫ້ຫຼາຍ​ຂຶ້ນ​".

9) ວັນທີ​ 17 ກຸມພາ​ 2019 ນ້າບັຍເທີງເບີນນິງ​ຊັນ​ ປະ​ກາດ​ປິດ​ຕົວ​ ແລະ​ເຈົ້າ​ໜ້າທີ່​ຮຽກ​ຮຸ້ນສ່ວນ​ຂອງ​ຮ້ານ​ທຸກ​ຄົນ​ມາສອບ​ສວນ​ຢ່າງ​ຈິງ​ຈັງ​.

10) ວັນທີ​ 26 ກຸມພາ​ 2019 ປະ​ເດັນ​ເລື່ອງ​ການ​ກະທຳ​ຜິດ​ກົດໝາຍ​ຂອງ​ເບີນນິງ​ຊັນ​ ກໍ​ຢູ່ໃນ​ລະຫວ່າງ​ການ​ສືບ​ສວນ​ກັນ​ໄປ​ ແຕ່​ສຳລັບ​ຊຶງ​ຣີ​ ຜູ້ກ່ຽວ​ມີ​ເລື່ອງ​ໃຫ້​ເຄັ່ງຕຶງ​ເພີ່ມ​ຂຶ້ນ​ອີກ​ຢ່າງ​ ເມື່ອ​ ສຳ​ນັກ​ຂ່າວ​ຊ່ອງ​ SBS funE ໄດ້​ປ່ອຍ​ "ແຊັດ​ລັບ​" ຂອງ​ຜູ້ກ່ຽວ​ອອກ​ມາ.​

11) ແຊັດ​ລັບ​ນີ້​ເກີດ​ຂຶ້ນ​ໃນ​ປີ​ 2015 ໃນ​ແຊັດ​ມີບ​ົດ​ສົນທະນາ​ຂອງ​ຊຶງຣີ​ ກັບ​ ມິສ​ເຕີ​ຢູ​ ເຈົ້າ​ຂອງ​ບໍລິສັດ​ຢູ​ຣິ​ ໂຮນ​ດິ້ງ​ ແລະ​ ພະ​ນັກ​ງານ​ຄົນ​ສະໜິດ​ ໂດຍ​ເນື້ອໃນການສົນທະນາ ລະ​ບຸ​ວ່າ​ ຊຶງ​ຣີ​ ໄດ້​ເຮັດ​ໜ້າທີ່​ຈັດ​ຫາ​ "ຜູ້ຍິງ​" ມາໃຫ້ບໍລິການນັກ​ທຸລະກິດ​ຊາວ​ໄຕ້​ຫວັນ.​ ໃນ​ແຊັດ​ຊີ້​ວ່າ​ຊຶງ​ຣີ​ເປັນ​ຕົວ​ກາງ​ ເຮັດ​ໜ້າທີ່​ເປັນ​ພໍ່​ເລົ້າ​ນັ້ນ​ເອງ​.

12) YG ເອັນ​ເຕີ​ເທນ​ເມັ້ນ​ ຕົ້ນ​ສັງ​ກັດ​ຂອງ​ບິກ​ແບງ​ ອອກ​ມາ​ຕອບ​ໂຕ້​ທັນ​ທີ​ ໂດຍ​ຊີ້​ວ່າ​ ແຊັດ​ລັບ​ນັ້ນ​ເປັນ​ຂອງ​ປອມ​ ແລະ​ ກຽມຈັດການ​ SBS funE ຂໍ້​ຫາ​ສ້າງ​ແຊັດ​ຂຶ້ນ​ເອງ.​

13) ວັນທີ​ 27 ກຸມພາ​ 2019 ສຳ​ນັກ​ຂ່າວ​ Dispatch ໄດ້​ປ່ອຍ​ຂໍ້​ມູນ​ວ່າ​ ງານ​ລ້ຽງ​ວັນ​ເກີດ​ຂອງ​ຊຶງ​ຣີ​ເມື່ອ​ 2 ປີ​ກ່ອນ​ ໄປ​ຈັດ​ງານ​ທີ່​ຣີສອດ​ ໃນ​ເມືອງ​ອະ​ມັນ​ປູ​ໂລ່​ ປະເທດ​ຟິ​ລິບ​ປິນ​ ເຊິ່ງ ຊຶງ​ຣີ​ ໄດ້​ຈັດ​ຫາ​ຜູ້ຍິງ​ ເພື່ອ​ນຳ​ມາບໍລິການແຂ​ກະວີ​ໄອ​ພີ​ ແລະ​ ກຸ່ມ​ຜູ້ລົ​ງ​ທຶນ​ຕ່າງ​ຊາດ.​

14) ຖ້າ​ເບິ່ງ​ລຳ​ດັບ​ເຫດການ​ຈາກ​ 2 ສຳ​ນັກ​ຂ່າວ​ ຈະ​ເຫັນ​ວ່າ​ ຊຶງ​ຣີ​ ເຮັດ​ໜ້າທີ່​ພໍ່​ເລົ້າ​ມາຕະຫຼອດ​ ຢ່າງ​ໜ້ອຍ​​ກໍ​ 2 ປີ​ຕິດ​ຕໍ່​ກັນ​.

ຕົວ​ຢ່າງ​ບົດ​ສົນທະນາ​ໜຶ່ງ​ທີ່​ຫຼຸດ​ອອກ​ມາ​

ຊຶງ​ຣີ​ - ທ່ານ​ຊີ​ອີ​ໂອ​ ເຈົ້າ​ຕ້ອງ​ການ​ຜູ້ຍິງ​ແນວ​ໃດ​ດີ​?
ຊີ​ອີ​ໂອ​ - ໃສ​ເບິ່ງ​ດຸ​. ຊ້ອຍເປັນ​ຄົນ​ເອ​ເຊຍ​ກໍ​ມັກ​ຜູ້ຍິງ​ຂາວ​ໆ​ໃດ. ແຕ່​ບໍ່​ເອົາ​ພວກ​ໃສ​ຊື່​ເດີ. ​ຂໍ​ເຊັກ​ຊີແດ່.
ຊຶງ​ຣີ​ - ທ່ານ​ຈະ​ເອົາຈັກ​ຄົນ​ດີ​? ຈະ​ເຊັກ​ຂອງ​ກ່ອນ​ບໍ​?
ຊີ​ອີ​ໂອ​ - ສອງ​ຄົນ​ກໍ​ພໍ​ແລ້ວ​ ເອົາ​ຄົນທີ່​ລາ​ຄາ​ຕ່ຳ​ກວ່າ​ 10 ລ້ານ​ວອນ​ສາ​ (ປະມານ 75.6 ລ້ານກີບ​). 
ຊຶງ​ຣີ​ - ໂອ​ເຄ​ໄດ້​ເລີຍ​ ຕໍ່​ຫົວ​ ຄົນ​ລະ​ 10 ລ້ານ​ວອນ​ເດີ້.

15) ວັນທີ​ 28 ກຸມພາ​ 2019 ຊຶງ​ຣີ​ເຂົ້າ​ຮັບ​ການ​ກວດ​ສານ​ເສບ​ຕິດ​. ຜົນອອກ​ມາ​ເປັນລົບ.​ ຜູ້ກ່ຽວ​ບໍ່​ໄດ້​ເສບ​ຢາ​ ໂດຍ​ຕອນ​ນີ້​ ຜູ້ກ່ຽວ​ປະ​ກາດ​ຍົກເລີກ​ຄອນ​ເ​ສີດ​ 2 ງານ​ໃຫຍ່​ ທີ່​ໃນ​ອິນ​ໂດ​ເນ​ເຊຍ​ ແລະ​ຍີ່​ປຸ່ນ​.

16) ວັນທີ​ 1 ມີ​ນາ​ 2019 ຕຳຫຼວດ​ໄດ້​ຂໍ​ຫຼັກ​ຖານ​ເລື່ອງ​ແຊັດ​ລັບ​ຈາກ​ສຳ​ນັກ​ຂ່າວ​ SBS funE ວ່າ​ໄປ​ຫາ​ມາ​ໄດ້​ຈາກ​ໃສ​ ແລະ​ເປັນ​ຂອງ​ແທ້ ​ຫຼື​ ບໍ່​. ປາກົດ​ວ່າ​ສຳ​ນັກ​ຂ່າວ​ລະ​ບຸ​ວ່າ​ ໄດ້​ສົ່ງ​ໄປ​ໃຫ້​ ອົງ​ການ​ກວດ​ສອບການສໍ້ລາດບັງຫຼວງ​ແຫ່ງ​ເກົາ​ຫຼີ​ໃຕ້​ແລ້ວ​ ເນື່ອງ​ຈາກ​ບໍ່​ໄວ້​ໃຈ​ຕຳຫຼວດ​ ເພາະ​ເຫັນ​ຕຳຫຼວດ​ມີ​ຄວາມ​ກ່ຽວ​ພັນ​ຢ່າງ​ຍິ່ງ​ກັບ​ຮ້ານບັນເທີງ​ເບີນນິງ​ຊັນ.​

17) ວັນທີ​ 9 ມີ​ນາ​ 2019 ແຟນ​ບິກ​ແບງ​ທີ່​ເກົາ​ຫຼີ​ໃຕ້​ ອອກ​ມາ​ຮຽກ​ຮ້ອງ​ໃຫ້​ຊຶງ​ຣີ​ ລາ​ອອກຈາກ​ວົງ​ ເພື່ອ​ບໍ່​ໃຫ້​ວົງ​ເສື່ອມ​ເສຍ​ໄປຫຼາຍກວ່າ​ນີ້​. ອີກ​ 2 ມື້​ຕໍ່​ມາ​ ຊຶງ​ຣີ​ ປະ​ກາດ​ລາ​ອອກຈາກ​ວົງ​ການ​ບັນ​ເທີງ​ຜ່ານ​ທາງ​ອິນ​ສ​ະຕາ​ແກຣມ​ ໂດຍ​ລະ​ບຸ​ວ່າພ້ອມ​ໃຫ້​ຄວາມ​ຮ່ວມ​ມື​ກັບ​ເຈົ້າ​ໜ້າທີ່​ຕຳຫຼວດ​ເຕັມ​ທີ່​.

18) ວັນທີ​ 12 ມີ​ນາ​ 2019 ຕຳຫຼວດ​ຢືນຢັນ​ວ່າ​ແຊັດ​ຂອງ​ SBS funE ບໍ່​ແມ່ນ​ຂອງ​ເຮັດ​ຂຶ້ນ​ມາ​ ແຕ່​ເປັນ​ແຊັດ​ທີ່​ມີ​ຢູ່​ແທ້.​ ບໍ່​ພຽງ​ເທົ່ານັ້ນ​ ຕຳຫຼວດ​ຍັງ​ປ່ອຍ​ ພາບ​ການ​ແຊັດ​ໃນ​ກຸ່ມ​ Kakao Talk ອອກ​ມາ​ອີກ​ຊຸດ​ ເປັນ​ບົດ​ສົນທະນາ​ຂອງ​ກຸ່ມ​ຊາຍ​ 8 ຄົນ​ ໂດຍ​ໃນ​ການ​ສົນທະນາ​ ເຕັມ​ໄປ​ດ້ວຍ​ການ​ລົມ​ເລື່ອງ​ເພດສຳພັນ​ ເຊັ່ນ​ການ​ລັກ​ຖ່າຍ​ຄລິບ​ຂອງ​ຜູ້ຍິງ​ທີ່​ມີ​ເພດສຳພັນນຳ ໂດຍ​ທີ່​ແຕ່​ລະ​ຄົນ​ບໍ່​ຮູ້​ ເອົາ​ມາ​ສົ່ງ​ຕໍ່​ກັນ​ຢ່າງ​ມ່ວນຊື່ນ.

19) ມີ​ການ​ລະ​ບຸ​ຕົວ​ຕົນ​ວ່າ​ ໃນ​ກຸ່ມ​ 8 ຄົນ​ນັ້ນ​ ປະກອບ​ດ້ວຍ​:

- ຊຶງ​ຣີ​ (ບິກ​ແບງ​)
- ຈອງ​ ຈຸນ​-ຢອງ​ (ພິທີ​ກອນ​ໄວ​ 30 ປີ​)
- ຊ​ະເວ​ ຈົງ​-ຮຸນ​ (F.T. Island)
- ຢູ​ ອິນ​-ຊຸກ​ (ຊີ​ອີ​ໂອ​ ຢູ​ຣິ​ ໂຮນ​​ດິ້ງ​)
- ມິສເຕີ K ອະ​ດີດ​ຜູ້​ບໍລິຫານ​ຮ້ານບັນເທີງ​ເບີນນິງ​ຊັນ​
- ພ​ະນັກ​ງານ​ຄ້າຍ​ YG ບໍ່​ລະ​ບຸ​ຊື່​
- ມິສເຕີ .​A ຍັງ​ບໍ່​ລະ​ບຸ​ຕົວ​ຕົນ​
- ມິສເຕີ ​B ຍັງ​ບໍ່​ລະ​ບຸ​ຕົວ​ຕົນ​

20) ໃນ​ແຊັດ​ ມີ​ການ​ສົນທະນາ​ລົມ​ກັນ​ຢ່າງມ່ວນຊື່ນ​ ມີ​ຜູ້ຍິງ​ທີ່ຕົກ​ເປັນ​ເຫຢື່ອ​ຖືກ​ຖ່າຍ​ຄລິບ​ ລະຫວ່າງ​ມີ​ເພດສຳພັນ​ ຫຼື​ ຫຼັງ​ມີ​ເພດສຳພັນ​ ເອົາ​ເຜີຍແຜ່​ ຢ່າງໜ້ອຍ​ 10 ຄົນ.​

ໂດຍ​ໃນ​ແຊັດ​ສ່ວນ​ຕົວ​ຂອງ​ ຈອງ​ ຈຸນ​-ຢອງ​ ຍັງມີ​ການ​ລົມ​ກັບ​ ອີ​ ຈົງ​-ຮອນ​ ແຫ່ງ​ວົງ​ CN BLUE ນຳ​ ເຊິ່ງກໍ​ຢູ່ໃນ​ລະຫວ່າງ​ການ​ສືບ​ສວນ​ວ່າ​ ກ່ຽວ​ຂ້ອງ​ກັບ​ເລື່ອງ​ນີ້ຫຼາຍ​ໜ້ອຍ​ສໍ່​າໃດ.​

21) ຊະ​ເວ​ ຈົ່ງ​-ຮຸນ​ ຖືກ​ພັກວຽກຈາກ​ວົງ​ F.T. Island ສ່ວນ​ ຈອງ​ ຈຸນ​-ຢອງ​ ຖືກ​ປົດ​ຈາກລາຍ​ການ​ໂທລະພາບ​ທັງ​ໝົດ​. ບໍ່​ພຽງ​ເທົ່າ​ນັ້ນ​ທັງ​ 8 ຄົນ​ ໃນ​ຫ້ອງ​ແຊັດ​ຈຳ​ເປັນ​ຕ້ອງ​ເຂົ້າໄປ​ໃຫ້​ປາກຄຳ​ກັບ​ເຈົ້າ​ໜ້າທີ່​ຕຳຫຼວດ​ ເພາະ​ການ​ລັກ​ຖ່າຍ​ຄລິບ​ແລ້ວ​ນຳ​ມາ​ເຜີຍແຜ່​ ເປັນ​ສິ່ງທີ່ຜິດ​ກົດໝາຍ​ທີ່​ເກົາ​ຫຼີ​ໃຕ້. ຂະນະ​ທີ່​ໃນ​ກໍລະນີ​ຂອງ​ຊຶງ​ຣີ​ຍັງມີ​ປະ​ເດັນ​ເບີນນິງ​ຊັນ​ ແລະ​ ການ​ເປັນ​ພໍ່​ເລົ້າ​ອີກ​ດ້ວຍ​.

22) ເລື່ອງ​ການ​ລັກຖ່າຍ​ ຖື​ເປັນ​ປະ​ເດັນ​ໃຫຍ່ຫຼາຍ​. ໃນ​ປີ​ກ່ອນ​ ມີກຸ່ມ​ສະຕີຫຼາຍກວ່າ​ 10 ພັນຄົນ​ຍ່າງ​ປະ​ທ້ວງ​ໃຈ​ກາງນະຄອນຫຼວງ​ໂຊລ​ ພາຍໃຕ້​ແຄມ​ເປນ "My life is not your porn" ຫຼື ​ຊີວິດ​ຂອງ​ຂ້ອຍ​ບໍ່​ແມ່ນ​ໜັງ​ໂປ້​ຂອງ​ພວກເຈົ້າ.​ ນັ້ນ​ເພາະ​ກ່ອນ​ໜ້າ​ນີ້​ ທີ່​ເກົາ​ຫຼີ​ໃຕ້​ມີ​ຜູ້​ຊາຍ​ລັກ​ຖ່າຍ​ຄລິບ​ຢ່າງ​ແຜ່​ຫຼາຍ​ ແລະ​ມີບ​ົດລົງ​ໂທດ​ທາງ​ກົດໝາຍ​ທີ່ເບົາຫຼາຍ.​

ດັ່ງ​ນັ້ນ​ ກຸ່ມ​ຜູ້​ຊາຍ​ທັງ​ 8 ຄົນ​ໃນ​ຫ້ອງ​ແຊັດ​ດັ່ງ​ກ່າວ​ ຈຶ່ງ​ຖືກ​ປະ​ນາມ​ທາງ​ສັງຄົມ​ຢ່າງ​ຮຸນແຮງຫຼາຍ​ໃນ​ຂະນະ​ນີ້​.

23) ສະຫຼຸບ​ຄື​ ເຫດການ​ທັງ​ໝົດ​ຮ້ອຍ​ຮຽງ​ໂດຍ​ມີ​ ຊຶງ​ຣີ​ ເປັນ​ຫຼັກ​ ຈຸດ​ເລີ່ມ​ຕົ້ນ​ຄື​ຮ້ານບັນເທີງ​ເບີນນິງ​ຊັນ​ ທີ່​ທຳຮ້າຍ​ຄົນ​ບໍລິສຸດ​ ຈາກ​ນັ້ນ​ເມື່ອ​ມີ​ການ​ສືບ​ຄົ້ນ​ໄປ​ເລື້ອຍ​ໆ​ ແຊັດ​ຂອງ​ຊຶງ​ຣີ​ຈຶ່ງ​ຫຼຸດ​ອອກ​ມາ​ ຕາມ​ດ້ວຍ​ແຊັດ​ລັບ​ຂອງ​ກຸ່ມ.

ດັ່ງ​ນັ້ນ​ຂ່າວ​ເສື່ອມເສຍເທື່ອ​ນີ້​ ຈຶ່ງ​ເປັນ​ປະ​ເດັນ​ໃຫຍ່ຫຼາຍ​ ເພາະ​ມັນ​ເປັນ​ການ​ລວມເລື່ອງ​ຊົ່ວຮ້າຍ​ຕ່າງ​ໆ​ແບບ​ຄົບ​ວົງ​ຈອນ.

- ຮ້ານບັຍເທີງ​ຄ້າ​ຢາ​ ແລະ ​ລໍ້ລວງ​ຜູ້ຍິງ​
- ໃສ່​ຄວາມ​ຄົນ​ບໍລິສຸດ​
- ຕິດ​ສິນ​ບົນຕຳຫຼວດ​
- ຈັດ​ຫາ​ຜູ້ຍິງ​ໃຫ້​ນັກ​ທຸລະກິດ​ ເຂົ້າ​ຂ່າຍ​ຄ້າມະ​ນຸດ​
- ຖ່າຍ​ຄລິບ​ເພດສຳພັນກັບຄົ​ນ​ອື່ນ​ມາ​ເຜີຍແຜ່​

ແລະ​ທີ່​ສຳຄັນ​ທັງ​ໝົດ​ເກີດ​ຂຶ້ນ​ ຈາກ​ກຸ່ມ​ເຄ​-ປັອບ​ ເຊິ່ງຄວນ​ຈະ​ເປັນ​ໄອດໍ້ຂອງ​ໄວໜຸ່ມ​ ແຕ່​ໄປ​ໆ​ມາ​ໆ​ ຊໍ້າພັດກາຍ​ເປັນ​ຄົນ​ໃຊ້​ປະໂຫຍດ​ຈາກ​ຊື່​ສຽງ​ຂອງ​ຕົວ​ເອງ​ ເຮັດ​ເລື່ອງ​ຊົ່ວຮ້າຍ​ເອງ​.

Advertisement Replay Ad

ຂໍຂອບໃຈ

ຂໍ້ມູນ : Workpoint News

ພາບ : AFP

ພົບກັບຮອບຕັດສິນ "ນາງສາວລາວ 2019" ແຟນນາງງາມສາມາດເຂົ້າຮ່ວມເຊຍຕິດຂອບເວທີໄດ້ 7 ທັນວານີ້

ພົບກັບຮອບຕັດສິນ "ນາງສາວລາວ 2019" ແຟນນາງງາມສາມາດເຂົ້າຮ່ວມເຊຍຕິດຂອບເວທີໄດ້ 7 ທັນວານີ້

ເມ ແລະ ສາວໆ Miss Universe 2019 ຮ່ວມປຸກລະດົມສ້າງຮອຍຍິ້ມໃຫ້ເດັກທີ່ເປັນປາກແຫວ່ງເພດານໂຫວ່

ເມ ແລະ ສາວໆ Miss Universe 2019 ຮ່ວມປຸກລະດົມສ້າງຮອຍຍິ້ມໃຫ້ເດັກທີ່ເປັນປາກແຫວ່ງເພດານໂຫວ່

ພາບໜ້າຮັກໆຂອງ "ນ້ອງຈູນີ່" ລູກສາວແມ່ແອັບເປິ້ນ-ພໍ່ຟຸກ ບອກເລີຍເຫີ່ໜັກຫຼາຍ

ພາບໜ້າຮັກໆຂອງ "ນ້ອງຈູນີ່" ລູກສາວແມ່ແອັບເປິ້ນ-ພໍ່ຟຸກ ບອກເລີຍເຫີ່ໜັກຫຼາຍ

"ຄຣິສຕິນາ-ວິນລີ້" ຄວ້າລາງວັນທີ່ສຸດແຫ່ງການພັດທະນາແບບຍືນຍົງສາກົນ ຢູ່ໄທ

"ຄຣິສຕິນາ-ວິນລີ້" ຄວ້າລາງວັນທີ່ສຸດແຫ່ງການພັດທະນາແບບຍືນຍົງສາກົນ ຢູ່ໄທ

ຮູ້ຈັກ “ຖິງຖິງ” ສາວນັກຮຽນນອກຕົວແທນຈາກອັດຕະປື ໃນເວທີປະກວດນາງສາວລາວ 2019

ຮູ້ຈັກ “ຖິງຖິງ” ສາວນັກຮຽນນອກຕົວແທນຈາກອັດຕະປື ໃນເວທີປະກວດນາງສາວລາວ 2019

'ນຸ້ຍ ສຸພາພອນ' ເປີດເຜີຍ ຄິດວ່າ 3 ຄົນນີ້ ຈະໄດ້ເປັນ Top 3 ໃນ Miss Universe 2019

'ນຸ້ຍ ສຸພາພອນ' ເປີດເຜີຍ ຄິດວ່າ 3 ຄົນນີ້ ຈະໄດ້ເປັນ Top 3 ໃນ Miss Universe 2019

ເຜີຍຊຸດປະຈຳຊາດລາວ ປະສົມປະສານ ຊ້າງ ແລະ ລວດລາຍຂອງຕິບເຂົ້າ ຫວັງຄວ້າລາງວັນເປັນປີທີ 2

ເຜີຍຊຸດປະຈຳຊາດລາວ ປະສົມປະສານ ຊ້າງ ແລະ ລວດລາຍຂອງຕິບເຂົ້າ ຫວັງຄວ້າລາງວັນເປັນປີທີ 2

ຮ່ວມໂຫວດ "ເມ ວິຈິດຕາ" ຜ່ານເຂົ້າຮອບ 20 ຄົນສຸດທ້າຍໃນ Miss Universe 2019

ຮ່ວມໂຫວດ "ເມ ວິຈິດຕາ" ຜ່ານເຂົ້າຮອບ 20 ຄົນສຸດທ້າຍໃນ Miss Universe 2019

ກັບມາລາວອີກຄັ້ງ ໃນຮອບ 10 ປີ ກັບ "Clash" ວົງຣັອກລະດັບຕຳນານຈາກປະເທດໄທ

ກັບມາລາວອີກຄັ້ງ ໃນຮອບ 10 ປີ ກັບ "Clash" ວົງຣັອກລະດັບຕຳນານຈາກປະເທດໄທ

"ລູກນໍ້າ" ໃຈບຸນ ເປັນສື່ກາງຊ່ວຍເຫຼືອ ສ້ອມແປງຫ້ອງຮຽນໃຫ້ນ້ອງນັກຮຽນຢູ່ເມືອງປາກງື່ມ

"ລູກນໍ້າ" ໃຈບຸນ ເປັນສື່ກາງຊ່ວຍເຫຼືອ ສ້ອມແປງຫ້ອງຮຽນໃຫ້ນ້ອງນັກຮຽນຢູ່ເມືອງປາກງື່ມ

ເພື່ອນຮ່ວມຫ້ອງ "ເມ ວິຈິດຕາ" ໃນລະຫວ່າງປະກວດ Miss Universe ແມ່ນ "ຟ້າໃສ ປະວີນສຸດາ" ນາງງາມໄທ

ເພື່ອນຮ່ວມຫ້ອງ "ເມ ວິຈິດຕາ" ໃນລະຫວ່າງປະກວດ Miss Universe ແມ່ນ "ຟ້າໃສ ປະວີນສຸດາ" ນາງງາມໄທ

ກຳລັງໃຈມາເຕັມ! ຊາວລາວຢູ່ສະຫະລັດຕ້ອນຮັບ "ເມ ວິຈິດຕາ" ຢ່າງຟົດຟື້ນ ແລະ ອົບອຸ່ນ

ກຳລັງໃຈມາເຕັມ! ຊາວລາວຢູ່ສະຫະລັດຕ້ອນຮັບ "ເມ ວິຈິດຕາ" ຢ່າງຟົດຟື້ນ ແລະ ອົບອຸ່ນ

ທັນວານີ້ເຊຍໃຜແດ່? ເປີດກຳນົດເວລາການປະກວດນາງງາມ-ຊາຍງາມ ທີ່ມີຕົວແທນຈາກລາວຮ່ວມປະກວດ

ທັນວານີ້ເຊຍໃຜແດ່? ເປີດກຳນົດເວລາການປະກວດນາງງາມ-ຊາຍງາມ ທີ່ມີຕົວແທນຈາກລາວຮ່ວມປະກວດ

"ແອນ ທອງປະສົມ" ດາລາຊື່ດັງຂອງໄທ ເດີນທາງທ່ຽວຫຼວງພະບາງ ສຳຜັດບັນຍາກາດດີໆທີ່ເມືອງມໍລະດົກໂລກ

"ແອນ ທອງປະສົມ" ດາລາຊື່ດັງຂອງໄທ ເດີນທາງທ່ຽວຫຼວງພະບາງ ສຳຜັດບັນຍາກາດດີໆທີ່ເມືອງມໍລະດົກໂລກ

"ຊ້າງ" ສັດປະຈຳຊາດລາວ ກາຍມາເປັນ ຊຸດປະຈຳຊາດທີ່ Miss Universe Laos ຈະນຳໄປສະເໜີໃນເວທີໂລກ

"ຊ້າງ" ສັດປະຈຳຊາດລາວ ກາຍມາເປັນ ຊຸດປະຈຳຊາດທີ່ Miss Universe Laos ຈະນຳໄປສະເໜີໃນເວທີໂລກ

"ເມ ວິຈິດຕາ" ອອກເດີນທາງສູ່ສະຫະລັດ ເພື່ອຊີງມຸງກຸດ Miss Universe 2019 ແຟນນາງງາມຮ່ວມສົ່ງຢ່າງອົບອຸ່ນ

"ເມ ວິຈິດຕາ" ອອກເດີນທາງສູ່ສະຫະລັດ ເພື່ອຊີງມຸງກຸດ Miss Universe 2019 ແຟນນາງງາມຮ່ວມສົ່ງຢ່າງອົບອຸ່ນ

"ເມ ວິຈິດຕາ" ສະແດງຄວາມໝັ້ນໃຈ ກັບ look ຫຼ້າສຸດໃນຊຸດລອຍນໍ້າສຸດເຊັກຊີ ກ່ອນບິນຊີງມຸງກຸດ

"ເມ ວິຈິດຕາ" ສະແດງຄວາມໝັ້ນໃຈ ກັບ look ຫຼ້າສຸດໃນຊຸດລອຍນໍ້າສຸດເຊັກຊີ ກ່ອນບິນຊີງມຸງກຸດ

ຜູ້ເຂົ້າປະກວດນາງສາວລາວ 2019 ເຮັດກິດຈະກຳໄລຍະເກັບໂຕ ທີ່ ດອນຊາວ ແຂວງບໍ່ແກ້ວ

ຜູ້ເຂົ້າປະກວດນາງສາວລາວ 2019 ເຮັດກິດຈະກຳໄລຍະເກັບໂຕ ທີ່ ດອນຊາວ ແຂວງບໍ່ແກ້ວ

ເປີດໃຈທຸກປະເດັນກັບ "ເມ ວິຈິດຕາ" ກ່ອນຂຶ້ນເວທີ Miss Universe 2019 ທີ່ສະຫະລັດອາເມລິກາ

ເປີດໃຈທຸກປະເດັນກັບ "ເມ ວິຈິດຕາ" ກ່ອນຂຶ້ນເວທີ Miss Universe 2019 ທີ່ສະຫະລັດອາເມລິກາ

ມາແຮງແຊງໂຄ້ງ! "ເມ ວິຈິດຕາ" ໄດ້ຮັບແຮງເຊຍຈາກທັງພາຍໃນ ແລະ ຕ່າງປະເທດ ໃຜກໍຍ້ອງວ່າເລີດຫຼາຍ

ມາແຮງແຊງໂຄ້ງ! "ເມ ວິຈິດຕາ" ໄດ້ຮັບແຮງເຊຍຈາກທັງພາຍໃນ ແລະ ຕ່າງປະເທດ ໃຜກໍຍ້ອງວ່າເລີດຫຼາຍ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ