ວັນອັງຄານ ທີ 31 ມີນາ 2020

ສານຝັນພໍ່ໃຫ້ເປັນທຸລະກິດ ຮູ້ຈັກ 2 ສາວນັກທຸລະກິດໜຸ່ມນ້ອຍເຈົ້າຂອງຮ້ານຊື່ດັງຈາກປາກເຊ

ສານຝັນພໍ່ໃຫ້ເປັນທຸລະກິດ ຮູ້ຈັກ 2 ສາວນັກທຸລະກິດໜຸ່ມນ້ອຍເຈົ້າຂອງຮ້ານຊື່ດັງຈາກປາກເຊ
S! Muan

ສະໜັບສະໜູນເນື້ອຫາ

ໃນໂອກາດທີ່ໄດ້ເດີນທາງໄປທີ່ນະຄອນປາກເຊ ເມືອງເອກຂອງແຂວງຈຳປາສັກເມື່ອບໍ່ດົນມານີ້ ທີມງານ Muan ໄດ້ພົບກັບສອງເອື້ອຍນ້ອງເຈົ້າຂອງກິດຈະການຄອບຄົວ ບຣິກເຮົ້າສ໌ (Brick House) ເຊິ່ງເປັນທັງຮ້ານອາຫານ ແລະ ເດີ່ນເຕະບານຂະໜາດໃຫຍ່ໃນເມືອງດັ່ງກ່າວ ແລະ ທັງສອງຄົນນີ້ກໍມີແງ່ມຸມຕ່າງໆຂອງຊີວິດທີ່ໜ້າສົນໃຈເຮົາເລີຍນຳເອົາມາຝາກໃຫ້ທຸກຄົນໄດ້ຮູ້ຈັກກັນ.

ທັງສອງທ່ານແມ່ນ ທ່ານນາງ ສຸກສຳລານ ສຸລິຍະຈັກ (ເປົ້າ) ແລະ ຈິນນະດາ ສຸລິຍະຈັກ (ເປິ້ນ) ເຊິ່ງເບິ່ງນາມສະກຸນແລ້ວຫຼາຍຄົນອາດຄິດຂຶ້ນມາວ່າ ຄືສີຄຸ້ນໆ ນັ້ນກໍເພາະວ່າທັງສອງຄົນນີ້ເປັນນ້ອງສາວຂອງ ທັນວາ ສຸລິຍະຈັກ ຜູ້ເຊິ່ງປັດຈຸບັນເປັນດາລາດັງຢູ່ທີ່ປະເທດໄທ.

ແນະນຳຕົວເອງແດ່

ເປົ້າ: ຂ້າພະເຈົ້າຊື່ ນາງ ສຸກສຳລານ ສຸລິຍະຈັກ ຫຼື ເປົ້າ ເປັນຜູ້ບໍລິຫານ Brick House ໃນປັດຈຸບັນ ຈົບການສຶກສາສາຂາສະຖາປັດຕະຍະກຳ ແລະ ຕອນນີ້ກໍຮັບອອກແບບຟຣີແລນ ແລະ ຊ່ວຍວຽກບໍລິສັດຂອງນ້າບ່າວ. ທີ່ເລືອກຮຽນສາຍສະຖາປັດ ຍ້ອນຕົນເອງມັກແຕ້ມ ແລະ ມັກໃນການອອກແບບ ມັກສ້າງສິ່ງໃໝ່ໆ. ໃນຮ້ານ Brick House ນີ້ ແມ່ນຮັບຜິດຊອບບໍລິຫານພາບລວມ.


ສຸກສຳລານ ສຸລິຍະຈັກ

ເປິ້ນ: ຂ້າພະເຈົ້າຊື່ວ່າ ນາງ ຈິນນະດາ ສຸລິຍະຈັກ ຫຼື ເປິ້ນ ອາຍຸ 21 ປີ ຈົບລະດັບມັດທະຍົມມາຈາກປະເທດເບວຢຽມ. ຕອນນີ້ກຳລັງສະໝັກຮຽນສາຂາການບໍລິຫານໂຮງແຮມ. ທີ່ເລືອກຮຽນສາຂານີ້ເພາະວ່າມັກພົບປະກັບບຸກຄົນໃໝ່ໆ ເຊິ່ງເປັນສິ່ງທີ່ທ້າທາຍດີຖ້າໃນອະນາຄົດມີທຸລະກິດໂຮງແຮມເປັນຂອງຕົນເອງ. ໃນຮ້ານ Brick House ແມ່ນຮັບຜິດຊອບບັນຊີ.


ຈິນນະດາ ສຸລິຍະຈັກ

ຊີວິດໃນໄວເດັກຂອງ ເປິ້ນ ເປັນແນວໃດ?

ເປິ້ນ: ຊີວິດໃນໄວເດັກຂອງເຮົາກໍທຳມະດາ ພໍ່ແມ່ຂອງເຮົາເປັນຄອບຄົວທຸລະກິດຄ້າຂາຍທີ່ມີຖານະປານກາງ. ອ້າຍເອື້ອຍນ້ອງຂອງເຮົາເຂົ້າໂຮງຮຽນລັດ. ຫຼັງຈາກທີ່ຮຽນຈົບມັດທະຍົມຕອນຕົ້ນ ຈຶ່ງໄດ້ໄປຮຽນຕໍ່ລະດັບມັດທະຍົມປາຍຢູ່ເບວຢຽມ ເນື່ອງຈາກຕົນເອງມີສຸຂະພາບບໍ່ແຂງແຮງຕັ້ງແຕ່ນ້ອຍຈົນໃຫຍ່ ເພາະເປັນພະຍາດຫົວໃຈຈົນໄດ້ຜ່າຕັດຕອນອາຍຸ 8 ເດືອນ ແລະ ຕ້ອງກິນຢາຮັກສາມາຕະຫຼອດ. ແຕ່ລະປີໃຊ້ເງິນມະຫາສານໃນການປິ່ນປົວ ບໍ່ຕໍ່າກວ່າ 250 ລ້ານກີບຕໍ່ປີ. ໃນປັດຈຸບັນແມ່ນເຊົາຂາດແລ້ວ.

ຕອນທີ່ສ້າງ Brick House ຂຶ້ນມາໃນປີ 2014 ກໍຢາກກັບມາເຮັດວຽກຊ່ວຍພໍ່ແມ່ ແລະ ຢາກມີປະສົບການເລື່ອງການເຮັດວຽກເລີຍກັບມາລາວ. ເຊິ່ງວຽກທຳອິດທີ່ມາເຮັດໃນຮ້ານກໍຄື ຮັບໜ້າທີ່ເບິ່ງແຍງເລື່ອງບັນຊີ ເພາະຕອນຢູ່ເບວຢຽມທາງໂຮງຮຽນໃຫ້ເລືອກຮຽນສິ່ງທີ່ສົນໃຈ ເລີຍເລືອກຮຽນກ່ຽວກັບເສດຖະສາດ.

ເປົ້າ: ເທົ່າທີ່ຈື່ຄວາມໄດ້ແມ່ນພໍ່ແມ່ເຮົາເຮັດທຸລະກິດຫຼາຍຢ່າງ ເຊິ່ງເປັນການເຮັດວຽກໜັກ ເລີ່ມຈາກເຊົ່າວິດີໂອ, ຂາຍຊີດີ, ຮ້ານຖ່າຍຮູບ ເປັນຕົ້ນ. ຕອນຍັງນ້ອຍຮຽນມັດທະຍົມຢູ່ປາກເຊ ຈົນຈົບແລ້ວຈຶ່ງໄປຮຽນຕໍ່ຢູ່ທີ່ນະຄອນຫຼວງວຽງຈັນ ເຊິ່ງກໍຄືສະຖາປັດຕະຍະກຳສາດ ຢູ່ມະຫາວິທະຍາໄລແຫ່ງຊາດ ແລະ ພາກຄໍ່າກໍຮຽນບໍລິຫານທຸລະກິດຢູ່ທີ່ RBAC.

ຈຸດເລີ່ມຕົ້ນຂອງຮ້ານ Brick House ແມ່ນເກີດຈາກຫຍັງ?

ເປົ້າ: ຮ້ານ Brick House ເກີດຈາກການທີ່ພໍ່ ແລະ ໝູ່ພໍ່ມັກລວມຕົວເຕະບານກັນ ແຕ່ບໍ່ມີສະຖານທີ່ເຕະເລີຍສ້າງເດີ່ນເຕະບານຂຶ້ນມາ ເຊິ່ງທຳອິດກໍບໍ່ໄດ້ເກັບເງິນຫຼາຍ ຄັ້ງລະແສນສອງແສນ ຫຼື ແລ້ວແຕ່ຈະໃຫ້ ເຊິ່ງພາຍຫຼັງກໍຢາກສ້າງລາຍຮັບເພີ່ມ ກໍເລີຍວາງແຜນລົງທຶນສ້າງຮ້ານອາຫານ.

ຄວາມຈິງແລ້ວຮ້ານນີ້ເກີດມາຈາກຄວາມຮັກໃນການເຕະບານ ໃນທຸກໆມື້ພໍ່ຈະມານັ່ງເລົ່າເລື່ອງເຕະບານເທິງໂຕະອາຫານ ວ່າມື້ນີ້ເກີດຫຍັງຂຶ້ນແດ່ໃນສະໜາມເຕະບານ. ພໍ່ເຮົາເຕະບານຕັ້ງແຕ່ອາຍຸ 12 ປີ.

ໄລຍະທຳອິດຜົນຕອບຮັບເປັນແນວໃດ?

ເປົ້າ: ໄລຍະທຳອິດຖືວ່າໄປໄດ້ດີ ເດີນຄາດໝາຍ.

ອະນາຄົດຂອງຮ້ານໃນອີກ 2 ປີຕໍ່ໜ້າ?

ເປົ້າ: ເຮົາຢາກເປັນພື້ນທີ່ໜຶ່ງທີ່ສ້າງຄ່ານິຍົມໃຫ້ຜູ້ຄົນມີທັດສະນະຄະຕິທີ່ດີຕໍ່ກີລາ, ມັກອອກກຳລັງກາຍ ໂດຍມີແຜນຈະສ້າງເດີ່ນເທັນນິດເພີ່ມອີກພາໃນປີໜ້າ.

ໃນສ່ວນຂອງຮ້ານ Brick House ເຮົາສ້າງມາເພື່ອສະໜັບສະໜຸນເດີ່ນເຕະບານໂດຍສະເພາະ ເຊິ່ງມີຜະລິດຈະພັນທີ່ບໍ່ຫຼາຍ ເພື່ອງ່າຍໃນການບໍລິຫານ ແລະ ຕອບໂຈດກຸ່ມລູກຄ້າຫຼັກ.

ເຄັດລັບໃນການບໍລິຫານທຸລະກິດໃຫ້ເຕີບໃຫຍ່?

ເປົ້າ: ເຮົາຕ້ອງມີເປົ້າໝາຍທີ່ຊັດເຈນ ວາງແຜນ ແລະ ມີພັນທະສັນຍາໃນການລົງມືເຮັດໃຫ້ສຳເລັດໃນແຕ່ລະໜ້າວຽກ ຄຽງຄູ່ໄປກັບການໃສ່ໃຈ ແລະ ໃຫ້ຄວາມສຳຄັນກັບລູກຄ້າ ແລະ ຜູ້ທີ່ສະໜັບສະໜຸນທຸລະກິດຂອງເຮົາ.

ເປິ້ນ: ການບໍລິຫານລູກຄ້າບໍ່ໃຫ້ໄປບ່ອນອື່ນ ໂດຍໃສ່ໃຈພວກເຂົາ ແລະ ການບໍລິການລູກຄ້າແມ່ນໃສ່ໃຈເລື່ອງຄຸນນະພາບຂອງອາຫານທີ່ໃຫ້ບໍລິການ ໂດຍມອບອາຫານທີ່ດີທີ່ສຸດໃຫ້ກັບລູກຄ້າ.

ສິ່ງທີ່ຄິດວ່າເປັນຄວາມຜິດພາດແລະ ເຮັດໃຫ້ທໍ້ທີ່ສຸດໃນຊີວິດ?

ເປົ້າ: ໃນສ່ວນຂອງທຸລະກິດ ສິ່ງທີ່ຄິດວ່າຜິດພາດ ແມ່ນຍ້ອນຄິດບໍ່ຖີ່ຖ້ວນ ໂດຍບໍ່ໄດ້ຄິດໄລ່ເຖິງຈຳນວນປະຊາກອນຂອງເມືອງປາກເຊ ເປີດມາ 4 ເດີ່ນ ເຊິ່ງແຕ່ລະອັນຕ້ອງໄດ້ໃຊ້ງົບ ແລະ ແຕ່ລະພາກສ່ວນຕ້ອງສ້າງລາຍໄດ້ ເຊິ່ງເປັນຈຸດທີ່ໃຫ້ເຮົາໄດ້ຮຽນຮູ້.

 

ຄິດວ່າສິ່ງໃດທີ່ເຮັດໃຫ້ຕົນເອງມາຢູ່ໃນປັດຈຸບັນນີ້ ລະຫວ່າງ ໂອກາດ, ໂຊກຊະຕາ ຫຼື ຄວາມພະຍາຍາມ?

ເປິ້ນ: ແມ່ນຍ້ອນພວກເຮົາແນມເຫັນໂອກາດທີ່ກຳລັງຈະເກີດຂຶ້ນ ບວກກັບຄວາມພະຍາຍາມຜ່ານຜ່າບັນຫາ ແລະ ອຸປະສັກຕ່າງໆຈົນມາຮອດປັດຈຸບັນ ແຕ່ພວກເຮົາບໍ່ຢຸດຢັ້ງທີ່ຈະພັດທະນາ.

ເປົ້າ: ເຮົາເຊື່ອໃນໂອກາດ. ຖ້າໂອກາດມາແລ້ວ ນຳມັນມາສ້າງໃຫ້ມັນເປັນໄປໄດ້ ຖ້າເຮົາມີເປົ້າໝາຍທີ່ຊັດເຈນ. ເພາະຖ້າມັນຊັດເຈນສິ່ງໃດມັນກໍເກີດຂຶ້ນໄດ້.

ຂໍ້ຄິດ ແລະ ເຄັດລັບໃຫ້ກັບຜູ້ທີ່ຢາກເລີ່ມເຮັດທຸລະກິດ ແລະ ປະສົບຄວາມສຳເລັດຄືກັບພວກທ່ານ?

ເປົ້າ: ຈາກປະສົບການຂອງເຮົາ ຢາກໃຫ້ທຸກຄົນມີຄວາມຝັນ ມີເປົ້າໝາຍ ມີພັນທະສັນຍາກັບມັນ. ເຮົາຝັນແບບໃດ ເຮົາກໍຕ້ອງລົງມືເຮັດເພື່ອໃຫ້ຄວາມຝັນນັ້ນເປັນຈິງໄດ້. ເພາະເຮົາຄິດແບບນີ້ເຮົາຈຶ່ງຢູ່ມາໄດ້ທຸກມື້ນີ້ ເພາະມັນເປັນແຮງຂັບເຄື່ອນຂອງເຮົາ.

ເປິ້ນ: ເຖິງວ່າເປິ້ນຈະອາຍຸຍັງນ້ອຍພຽງ 21 ປີ ແລະ ຍັງອ່ອນປະສົບການຫຼາຍ ແຕ່ສິ່ງດຽວທີ່ຢາກຝາກໃຫ້ທຸກຄົນທີ່ກຳລັງຈະເລີ່ມເຮັດທຸລະກິດ ຫຼື ເຮັດຫຍັງບາງຢ່າງ ແມ່ນ ຕ້ອງໝັ້ນໃຈວ່າເຮົາຮັກ ແລະ ຫຼົງໃຫຼໃນສິ່ງນັ້ນ ແລະ ເຮົາເຮັດທຸກຢ່າງດ້ວຍໃຈ. ເທົ່ານັ້ນມັນກໍຈະເຮັດໃຫ້ເຮົາສຳເລັດໄດ້ໃນທຸກໆຢ່າງ.

 

ທັງໝົດນັ້ນກໍຄືບົດສຳພາດສອງສາວນັກທຸລະກິດຈາກປາກເຊທັງ ເປົ້າ ແລະ ເປິ້ນ ເຊິ່ງເຮົາກໍຄາດຫວັງວ່າ ເລື່ອງລາວຂອງພວກເຂົາຈະສ້າງແຮງບັນດານໃຈໃຫ້ແກ່ຜູ້ອ່ານ Muan ທຸກຄົນ ເພື່ອນຳເອົາໄປປັບໃຊ້ກັບການດຳເນີນຊີວິດຂອງຕົນເອງ.

Advertisement Replay Ad
ເລກອອກຫຍັງ? ກວດເບິ່ງເລີຍ ຜົນຫວຍປະຈຳງວດວັນທີ 30 ມີນາ 2020

ເລກອອກຫຍັງ? ກວດເບິ່ງເລີຍ ຜົນຫວຍປະຈຳງວດວັນທີ 30 ມີນາ 2020

ພະນັກງານຂອງສາຍລົມເຢັນປອດເຊື້ອໂຄວິດ-19 ຫຼັງກັກໂຕ 14 ມື້ ເຫດມີນັກທ່ອງທ່ຽວຕິດເຊື້ອເຂົ້າພັກ

ພະນັກງານຂອງສາຍລົມເຢັນປອດເຊື້ອໂຄວິດ-19 ຫຼັງກັກໂຕ 14 ມື້ ເຫດມີນັກທ່ອງທ່ຽວຕິດເຊື້ອເຂົ້າພັກ

ໄທ ເລື່ອນອອກຫວຍງວດທີ 1 ເມສາ ໄປເປັນ 2 ພຶດສະພາ ພ້ອມໂຈະຂາຍງວດ 16 ເມສາ-2 ພຶດສະພາ 2020

ໄທ ເລື່ອນອອກຫວຍງວດທີ 1 ເມສາ ໄປເປັນ 2 ພຶດສະພາ ພ້ອມໂຈະຂາຍງວດ 16 ເມສາ-2 ພຶດສະພາ 2020

ຫ້ອງການອຸດສາຫະກຳ ແລະ ການຄ້າ ເມືອງໄຊ ຊີ້ ລາຄາສິນຄ້າ ຢູ່ຕະຫຼາດເມືອງໄຊ ແຂວງອຸດົມໄຊ ຍັງປົກກະຕິ

ຫ້ອງການອຸດສາຫະກຳ ແລະ ການຄ້າ ເມືອງໄຊ ຊີ້ ລາຄາສິນຄ້າ ຢູ່ຕະຫຼາດເມືອງໄຊ ແຂວງອຸດົມໄຊ ຍັງປົກກະຕິ

ຮູ້ຈັກ "ໂຄຣາຄະເທວີ" ນາງສັງຂານທີ່ບໍ່ໄດ້ປາກົດກາຍໃນປີໃໝ່ລາວນີ້ ເນື່ອງຈາກການລະບາດຂອງພະຍາດຮ້າຍ

ຮູ້ຈັກ "ໂຄຣາຄະເທວີ" ນາງສັງຂານທີ່ບໍ່ໄດ້ປາກົດກາຍໃນປີໃໝ່ລາວນີ້ ເນື່ອງຈາກການລະບາດຂອງພະຍາດຮ້າຍ

ອາການຂອງຄົນເຈັບໂຄວິດ-19 ຢູ່ລາວທັງ 9 ກໍລະນີແມ່ນຊົງຕົວ ຢູ່ໃນຂັ້ນເບົາບາງ

ອາການຂອງຄົນເຈັບໂຄວິດ-19 ຢູ່ລາວທັງ 9 ກໍລະນີແມ່ນຊົງຕົວ ຢູ່ໃນຂັ້ນເບົາບາງ

ພົບຜູ້ຕິດເຊື້ອໂຄວິດ-19 ເພີ່ມ 1 ກໍລະນີ ເປັນເພດຍິງ ຢູ່ນະຄອນຫຼວງວຽງຈັນ ມີປະຫວັດເດີນທາງມາຈາກໄທ

ພົບຜູ້ຕິດເຊື້ອໂຄວິດ-19 ເພີ່ມ 1 ກໍລະນີ ເປັນເພດຍິງ ຢູ່ນະຄອນຫຼວງວຽງຈັນ ມີປະຫວັດເດີນທາງມາຈາກໄທ

ມູນນິທິຮ່ວມໃຈພັດທະນາລາວ ມອບອຸປະກອນການແພດ ຕ້ານ COVID-19

ມູນນິທິຮ່ວມໃຈພັດທະນາລາວ ມອບອຸປະກອນການແພດ ຕ້ານ COVID-19

ແຮງງານລາວທີ່ເດີນທາງມາຈາກປະເທດກຸ່ມສ່ຽງ ແລະ ຖືກກັກໂຕ ໄດ້ຮັບການເບິ່ງແຍງເປັນຢ່າງດີ

ແຮງງານລາວທີ່ເດີນທາງມາຈາກປະເທດກຸ່ມສ່ຽງ ແລະ ຖືກກັກໂຕ ໄດ້ຮັບການເບິ່ງແຍງເປັນຢ່າງດີ

ທາງລົດໄຟລາວ-ຈີນ ເລີ່ມວາງລາງໄລຍະທຳອິດ ຄວາມຍາວ 500 ແມັດ

ທາງລົດໄຟລາວ-ຈີນ ເລີ່ມວາງລາງໄລຍະທຳອິດ ຄວາມຍາວ 500 ແມັດ

ນັກວິໄຈເຜີຍໄວຣັດໂຄວິດ-19 ມີຊີວິດຢູ່ເທິງພື້ນຜິວໄດ້ດົນ 17 ມື້

ນັກວິໄຈເຜີຍໄວຣັດໂຄວິດ-19 ມີຊີວິດຢູ່ເທິງພື້ນຜິວໄດ້ດົນ 17 ມື້

ຜົນຂອງກອງປະຊຸມຂອງກະຊວງ ຮສສ ກ່ຽວກັບຜົນກະທົບຕໍ່ຜູ້ໃຊ້ແຮງງານ-ຜູ້ອອກແຮງງານ ໄລຍະໂຄວິດ-19 ລະບາດ

ຜົນຂອງກອງປະຊຸມຂອງກະຊວງ ຮສສ ກ່ຽວກັບຜົນກະທົບຕໍ່ຜູ້ໃຊ້ແຮງງານ-ຜູ້ອອກແຮງງານ ໄລຍະໂຄວິດ-19 ລະບາດ

ຜູ້ຊ່ຽວຊານຄາດ ໂຄວິດ-19 ໃນອິຕາລີໃກ້ "ຈຸດສູງສຸດ" ໃນໄວໆນີ້

ຜູ້ຊ່ຽວຊານຄາດ ໂຄວິດ-19 ໃນອິຕາລີໃກ້ "ຈຸດສູງສຸດ" ໃນໄວໆນີ້

ຍັງພົບເຫັນ ຮ້ານນວດ-ຮ້ານກິນ-ດື່ມຂອງຄົນຕ່າງປະເທດ ບໍ່ໃຫ້ການຮ່ວມມືຕໍ່ມາດຕະການຕ້ານ COVID-19

ຍັງພົບເຫັນ ຮ້ານນວດ-ຮ້ານກິນ-ດື່ມຂອງຄົນຕ່າງປະເທດ ບໍ່ໃຫ້ການຮ່ວມມືຕໍ່ມາດຕະການຕ້ານ COVID-19

ພາບຫາເບິ່ງຍາກ! ເມື່ອໂຄວິດ-19 ເຮັດໃຫ້ສະຖານທີ່ທ່ອງທ່ຽວຊື່ດັງ ກາຍເປັນສະຖານທີ່ຮ້າງ

ພາບຫາເບິ່ງຍາກ! ເມື່ອໂຄວິດ-19 ເຮັດໃຫ້ສະຖານທີ່ທ່ອງທ່ຽວຊື່ດັງ ກາຍເປັນສະຖານທີ່ຮ້າງ

ເຂົ້າໃຈໃໝ່! ພິທີທີ່ຫຼວງພະບາງ ແມ່ນຄອບເທວະດາຫຼວງ ປູ່ເຍີ-ຍ່າເຍີ ບໍ່ແມ່ນປ່ອຍຜີຟ້າມາກິນຄົນ

ເຂົ້າໃຈໃໝ່! ພິທີທີ່ຫຼວງພະບາງ ແມ່ນຄອບເທວະດາຫຼວງ ປູ່ເຍີ-ຍ່າເຍີ ບໍ່ແມ່ນປ່ອຍຜີຟ້າມາກິນຄົນ

ນີ້ແມ່ນຄຳສັ່ງລະອຽດຂອງນາຍົກ ເພື່ອເພີ່ມທະວີການສະກັດກັ້ນ ແລະ ກຽມພ້ອມຮັບມືຮອບດ້ານ ຕ້ານໂຄວິດ-19

ນີ້ແມ່ນຄຳສັ່ງລະອຽດຂອງນາຍົກ ເພື່ອເພີ່ມທະວີການສະກັດກັ້ນ ແລະ ກຽມພ້ອມຮັບມືຮອບດ້ານ ຕ້ານໂຄວິດ-19

ດ່ວນ! ນາຍົກອອກຄຳສັ່ງເພີ່ມທະວີມາດຕະການສະກັດໂຄວິດ-19 ຫ້າມອອກເຮືອນ ເດີນທາງໄປທ້ອງຖິ່ນອື່ນ ຯລຯ

ດ່ວນ! ນາຍົກອອກຄຳສັ່ງເພີ່ມທະວີມາດຕະການສະກັດໂຄວິດ-19 ຫ້າມອອກເຮືອນ ເດີນທາງໄປທ້ອງຖິ່ນອື່ນ ຯລຯ

ມາຮອດແລ້ວ! ຄະນະແພດ-ຊ່ຽວຊານຈີນ ມາຊ່ວຍຕໍ່ສູ້ຕ້ານໂຄວິດ-19 ຢູ່ລາວ ໄດ້ຮັບການຕ້ອນຮັບຢ່າງສົມກຽດ

ມາຮອດແລ້ວ! ຄະນະແພດ-ຊ່ຽວຊານຈີນ ມາຊ່ວຍຕໍ່ສູ້ຕ້ານໂຄວິດ-19 ຢູ່ລາວ ໄດ້ຮັບການຕ້ອນຮັບຢ່າງສົມກຽດ

ລັດຖະມົນຕີກະຊວງ ປກສ ສັ່ງເພີ່ມທະວີເຝົ້າລະວັງໂຄວິດ-19 ປ້ອງກັນການແພ່ລະບາດໃນກຳລັງ ປກສ

ລັດຖະມົນຕີກະຊວງ ປກສ ສັ່ງເພີ່ມທະວີເຝົ້າລະວັງໂຄວິດ-19 ປ້ອງກັນການແພ່ລະບາດໃນກຳລັງ ປກສ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ