ວັນຈັນ ທີ 18 ພະຈິກ 2019

ຢູໂດລາວ ກຽມພ້ອມຈັດນັກກີລາຊຸດໃຫຍ່ ທວງແຊ້ມຫຼຽນຄຳ ມະຫະກຳກີລາຊີເກມ 2019

ຢູໂດລາວ ກຽມພ້ອມຈັດນັກກີລາຊຸດໃຫຍ່ ທວງແຊ້ມຫຼຽນຄຳ ມະຫະກຳກີລາຊີເກມ 2019

ສະຫະພັນແຫ່ງຊາດລາວ ຕັ້ງເປົ້າຈະສູ້ຊົນຟື້ນຟູຊື່ສຽງໃຫ້ກັບຄືນມາໃໝ່ ຫຼັງຈາກຜິດຫວັງງານມະຫາກຳກີລາ ຊີເກມ ຄັ້ງທີ 29 ທີ່ປະເທດມາເລເຊຍ ເມື່ອປີ 2017 ສ້າງຜົນງານບໍ່ໄດ້ຕາມເປົ້າໝາຍ ຍາດໄດ້ພຽງ 1 ຫຼຽນທອງ ເນື່ອງຈາກເຈົ້າພາບບັນຈຸລາຍການແຂ່ງຂັນໜ້ອຍທີ່ສຸດໃນປະຫວັດສາດ, ແຕ່ໃນຊີເກມ ຄັ້ງທີ 30 ທ້າຍປີ 2019 ທີ່ປະເທດຟິລິບປິ່ນ ໃນທ້າຍປີນີ້ ຈະຈັດເຕັມບັນຈຸນັກກີລາຊຸດໃຫຍ່ ສົ່ງເຂົ້າແຂ່ງຂັນທຸກລາຍການ ຫວັງພາທັບນັກກີລາຢູໂດລາວ ທວງຕຳແໜ່ງແຊ້ມຫຼຽນຄຳໃຫ້ຫຼາຍຂຶ້ນກວ່າເກົ່າ.

ທ່ານ ເຂັມຊາດ ພິລາພັນເດຊ ປະທານສະຫະພັນຢູໂດແຫ່ງຊາດລາວ ໃຫ້ສໍາພາດກັບທີມງານສື່ມວນຊົນລາວ ເມື່ອບໍ່ດົນມານີ້ ວ່າ: ວົງການກີລາຢູໂດລາວ ເຄີຍສ້າງຜົນງານໂດດເດັ່ນມາສູ່ ສປປ ລາວ ຢ່າງຕໍ່ເນື່ອງນັບຕັ້ງແຕ່ຊີເກມ 2007 ທີ່ປະເທດໄທ ເປັນຕົ້ນມາ, ແຕ່ຄັ້ງຫຼ້າສຸດໃນຊີເກມ 2017 ທີ່ມາເລເຊຍ ສາມາດຍາດໄດ້ພຽງ 1 ຫຼຽນທອງ ຈາກທ້າວ ຈິດຕະກອນ ໄຊຍະສານ ປະເພດຕໍ່ສູ້ ຮຸ່ນນໍ້າໜັກ 81 ກິໂລກຣາມ ເນື່ອງຈາກເຈົ້າພາບຕັດລາຍການທີ່ຢູໂດລາວມີຄວາມຫວັງຫຼຽນອອກເກືອບໝົດ ແລະ ມີລາຍການໜ້ອຍທີ່ສຸດໃນປະຫວັດສາດ ເຮັດໃຫ້ຢູໂດລາວບໍ່ບັນລຸເປົ້າໝາຍ. ຢ່າງໃດກໍຕາມ, ວົງການຢູໂດລາວ ກໍນໍາເອົາປະສົບການດັ່ງກ່າວມາແກ້ໄຂ ແລະ ພັດທະນາຕໍ່ໄປຈົນໃນທີ່ສຸດໃນປີ 2018 ສາມາດຍາດໄດ້ 1 ຫຼຽນເງິນ ຈາກນາງ ມາຍຸລີ ພານຸວົງ ແລະ ນາງ ພອນວັນ ສີອໍາພອນ ປະເພດຟ້ອນຄູ່ຍິງ (ກາຕະ) ໃນລາຍການຊີງແຊ້ມອາຊີ. ນອກຈາກນັ້ນ, ໃນປີ 2018 ຍັງສືບຕໍ່ສົ່ງທ້າວ ສຸກພະໄຊ ສິດທິສານ ນັກກີລາຄວາມຫວັງສູງໄປຝຶກຊ້ອມ ແລະ ສຶກສາທີ່ປະເທດຍີ່ປຸ່ນ ຊຶ່ງປີນີ້ເປັນປີທີ 4 ເພື່ອເຂົ້າແຂ່ງຂັນຕາມປະເທດຕ່າງໆ ແລະ ເກັບຄະແນນສະສົມໃຫ້ໄດ້ສິດເຂົ້າຮ່ວມແຂ່ງຂັນໃນງານກີລາໂອແລມປິກສາກົນໃນປີ 2020 ທີ່ປະເທດຍີ່ປຸ່ນ ເປັນເຈົ້າພາບ. ປັດຈຸບັນທ້າວ ສຸກພະໄຊ ສິດທິສານ ໄດ້ຫາຍຈາກອາການບາດເຈັບທີ່ເຖິງຂັ້ນຜ່າຕັດຫົວເຂົ່າກັບມາເປັນປົກກະຕິແລ້ວ ແລະ ຝຶກຊ້ອມຢ່າງຕໍ່ເນື່ອງກັບຄູຝຶກລາວ ທີ່ໄປປະຈໍາຢູ່ທີ່ນັ້ນ ແລະ ໃນປີ 2019 ຈະໄປເກັບຄະແນນໃນເອີຣົບ ທີ່ປະເທດໂປໂລຍ, ອິຕາລີ ແລະ ເຢຍລະມັນ.

ທ່ານປະທານສະຫະພັນຢູໂດແຫ່ງຊາດລາວ ກ່າວອີກວ່າ: ແນ່ນອນໃນປີ 2019 ເປັນທີ່ຮູ້ແນ່ນອນແລ້ວວ່າຈະມີງານກີລາຊີເກມ 2019 ທີ່ປະເທດຟິລິບປິ່ນ ແລະ ຢູໂດລາວ ຕັ້ງຄວາມຫວັງຈະຟື້ນຟູຊື່ສຽງຄືນໃໝ່ໃຫ້ໄດ້, ຊຶ່ງຊີເກມຄັ້ງນີ້ ເຈົ້າພາບ ໄດ້ເປີດກວ້າງທຸກລາຍການ ໂດຍຈະມີການແຂ່ງຂັນປະເພດຕໍ່ສູ້ ແລະ ຟ້ອນ ຄົບທຸກລາຍການ ເຮັດໃຫ້ຄວາມຫວັງໃນການໄດ້ຫຼຽນຕ່າງໆສູງຂຶ້ນ ໂດຍສະເພາະ ທ້າວ ສຸກພະໄຊ ປັດຈຸບັນມີຄວາມພ້ອມ ແລະ ປະສົບການສູງ ລວມເຖິງຮຸ່ນອື່ນໆທີ່ເປັນນັກກີລາສືບທອດທີ່ຫາແຕ່ຂຶ້ນມາໃໝ່ ເຂົາເຈົ້າທຸກຄົນມີຄວາມແຂງແກ່ນຂຶ້ນຫຼາຍ ພິເສດແມ່ນການຟ້ອນກາຕະ ທີ່ນັກກີລາລາວ ເຄີຍເປັນຜູ້ທໍາອິດທີ່ຍາດເອົາຫຼຽນຄໍາມາຄອງໃນຊີເກມທີ່ປະເທດໄທ ຜົນງານຄັ້ງນີ້ ພວກເຮົາຈະຕ້ອງຍາດເອົາຄືນມາໃຫ້ໄດ້.

ນອກຈາກນີ້, ທ່ານປະທານສະຫະພັນຢູໂດແຫ່ງຊາດລາວ ຢໍ້າຕື່ມອີກວ່າ: ເນື່ອງຈາກປະສົບການທີ່ຜ່ານມາ ລວມເຖິງການປະເມີນຄູ່ແຂ່ງ ກໍຄືສະຫະພັນຢູໂດຂອງປະເທດອື່ນໆ ໃນລະດັບຊີເກມແລ້ວ ແມ່ນມີຄວາມເຂັ້ມແຂງຂຶ້ນ ໂດຍສະເພາະບາງປະເທດໄດ້ນໍາເອົານັກກີລາຕ່າງປະເທດທີ່ມີເຊື້ອສາຍປະເທດນັ້ນໆມາຫຼິ້ນໃຫ້ກັບທີມຊາດ ເພາະສະນັ້ນ ພວກເຮົາຈະປະໝາດເລື່ອງນີ້ບໍ່ໄດ້. ດັ່ງນັ້ນ, ຕ້ອງເຮັດໃຫ້ເຕັມທີ່ ແລະ ຈະເລີ່ມເກັບຕົວຝຶກຊ້ອມໃຫ້ໄວທີ່ສຸດ ຫຼັງຈາກທີ່ຄູຝຶກ ແລະ ນັກກີລາທີ່ກັບມາຈາກເອີຣົບ ອາດຈະເລີ່ມກ່ອນ ຫຼື ຫຼັງປີໃໝ່ລາວ ລວມເຖິງນໍາເອົາຄູຝຶກຊຽວຊານຈາກຍີ່ປຸ່ນທີ່ເປັນຕົ້ນກໍາເນີດກີລາມາສອນທັກສະເລື່ອງເອົາຊະນະ ເວົ້າງ່າຍໆກໍຄືການເຂົ້າສູ່ລະບົບການແຂ່ງຂັນຕົວຈິງ.

ສໍາລັບຢູໂດລາວແຈ້ງເກີດໃນຊີເກມໂດດເດັ່ນທີ່ສຸດ ແມ່ນໃນຊີເກມ 2007 ທີ່ນະຄອນຣາຊະສີມາ ປະເທດໄທ ສາມາດຍາດໄດ້ 2 ຫຼຽນຄໍາ ຈາກປະເພດຟ້ອນກາຕະ, 1 ຫຼຽນເງິນ ຈາກປະເພດຕໍ່ສູ້ ແລະ 3 ຫຼຽນທອງ ຈາກປະເທດຕໍ່ສູ້; ຊີເກມ 2009 ທີ່ ສປປ ລາວ ແມ່ນຍາດໄດ້ 2 ຫຼຽນຄໍາ, 5 ຫຼຽນເງິນ ແລະ 4 ຫຼຽນທອງ; ຊີເກມ 2011 ທີ່ອິນໂດເນເຊຍ ຍາດໄດ້ 1 ຫຼຽນຄໍາ, 2 ຫຼຽນເງິນ ແລະ 1 ຫຼຽນທອງ; ຊີເກມ 2013 ທີ່ມຽນມາ ຍາດໄດ້ 1 ຫຼຽນຄໍາ ແລະ 3 ຫຼຽນເງິນ; ຊີເກມ 2015 ທີ່ສິງກະໂປ ຍາດໄດ້ 1 ຫຼຽນເງິນ ແລະ 2 ຫຼຽນທອງ; ຊີເກມ 2017 ທີ່ມາເລເຊຍ ແມ່ນຜົນງານຕົກຕໍ່າທີ່ສຸດ ຊຶ່ງຍາດໄດ້ພຽງ 1 ຫຼຽນທອງ.

(ຄຳສອນ)

Advertisement Replay Ad
ແບ່ງສາຍແລ້ວ ບານສົ່ງຫາດຊາຍ ທົ່ວປະເທດ ຊີງຂັນປະທານສະຫະພັນບານສົ່ງແຫ່ງຊາດລາວ 2019

ແບ່ງສາຍແລ້ວ ບານສົ່ງຫາດຊາຍ ທົ່ວປະເທດ ຊີງຂັນປະທານສະຫະພັນບານສົ່ງແຫ່ງຊາດລາວ 2019

“ອານຸລຸດ ຂຸນປັນຍາ” ນັກກີລາສະນຸກເກີນ້ອງໃໝ່ ຫວັງສ້າງຜົນງານດີ ໃນຊີເກມ ທີ່ຟິລິບປິນ

“ອານຸລຸດ ຂຸນປັນຍາ” ນັກກີລາສະນຸກເກີນ້ອງໃໝ່ ຫວັງສ້າງຜົນງານດີ ໃນຊີເກມ ທີ່ຟິລິບປິນ

ສະຫະພັນບານເຕະແຫ່ງຊາດ ອັດສີດ 100 ລ້ານກີບ ຄະນະຄູເຝິກ-ນັກກີລາ ຢູ-19 ເພື່ອເປັນຂວັນກຳລັງໃຈ

ສະຫະພັນບານເຕະແຫ່ງຊາດ ອັດສີດ 100 ລ້ານກີບ ຄະນະຄູເຝິກ-ນັກກີລາ ຢູ-19 ເພື່ອເປັນຂວັນກຳລັງໃຈ

ຢູ-19 ລາວ ຖືກຕ້ອນຮັບຢ່າງອົບອຸ່ນ ຫຼັງສ້າງຜົນງານຜ່ານເຂົ້າຮອບສຸດທ້າຍ ບານເຕະຊາຍຊີງແຊ້ມອາຊີ

ຢູ-19 ລາວ ຖືກຕ້ອນຮັບຢ່າງອົບອຸ່ນ ຫຼັງສ້າງຜົນງານຜ່ານເຂົ້າຮອບສຸດທ້າຍ ບານເຕະຊາຍຊີງແຊ້ມອາຊີ

ຍິງທະນູລາວ ກຽມສົ່ງ 12 ນັກກີລາ ຮ່ວມລ່າຫຼຽນ ຊີເກມ ທີ່ຟິລິບປິນ

ຍິງທະນູລາວ ກຽມສົ່ງ 12 ນັກກີລາ ຮ່ວມລ່າຫຼຽນ ຊີເກມ ທີ່ຟິລິບປິນ

U-19 ທີມຊາດລາວ ເອົາຊະນະ ມາເກົ້າ ຜ່ານເຂົ້າສູ່ຮອບສຸດທ້າຍ ບານເຕະຊາຍຊີງແຊ້ມອາຊີ

U-19 ທີມຊາດລາວ ເອົາຊະນະ ມາເກົ້າ ຜ່ານເຂົ້າສູ່ຮອບສຸດທ້າຍ ບານເຕະຊາຍຊີງແຊ້ມອາຊີ

4 ນັກເປຕັງສາວ ທີມຊາດລາວ ພ້ອມທີ່ຈະປ້ອງກັນແຊ້ມຫຼຽນຄຳຊີເກມ ທີ່ຟິລິບປິນ

4 ນັກເປຕັງສາວ ທີມຊາດລາວ ພ້ອມທີ່ຈະປ້ອງກັນແຊ້ມຫຼຽນຄຳຊີເກມ ທີ່ຟິລິບປິນ

U-19 ທີມຊາດລາວ ສະເໝີ ອອສເຕຣເລຍ 2-2 ເກັບທີມລະຄະແນນ ໃນຮອບຄັດເລືອກຊີງແຊ້ມອາຊີ

U-19 ທີມຊາດລາວ ສະເໝີ ອອສເຕຣເລຍ 2-2 ເກັບທີມລະຄະແນນ ໃນຮອບຄັດເລືອກຊີງແຊ້ມອາຊີ

ໄດມ້ອນ ບຸນທະລາ ຮຸ່ນອາຍຸບໍ່ເກີນ 10 ປີ ຈາກລາວ ຄວ້າແຊ້ມເທັນນິສ ທີ່ປະເທດໄທ

ໄດມ້ອນ ບຸນທະລາ ຮຸ່ນອາຍຸບໍ່ເກີນ 10 ປີ ຈາກລາວ ຄວ້າແຊ້ມເທັນນິສ ທີ່ປະເທດໄທ

ແລ່ນ-ລານຄົນພິການລາວ ລຸຍແຂ່ງຂັນຊີງແຊ້ມໂລກ ທີ່ນະຄອນດູໄບ ຫວັງເກັບຄະແນນໄປໂອລິມປິກ

ແລ່ນ-ລານຄົນພິການລາວ ລຸຍແຂ່ງຂັນຊີງແຊ້ມໂລກ ທີ່ນະຄອນດູໄບ ຫວັງເກັບຄະແນນໄປໂອລິມປິກ

ຊຽງຂວາງ ຫາລືຄວາມຄືບໜ້າ ຄວາມພ້ອມຈັດງານມະຫະກຳກີລາແຫ່ງຊາດ ຄັ້ງທີ 11

ຊຽງຂວາງ ຫາລືຄວາມຄືບໜ້າ ຄວາມພ້ອມຈັດງານມະຫະກຳກີລາແຫ່ງຊາດ ຄັ້ງທີ 11

ເທຄວັນໂດ ຊີງຂັນທູດ ສ.ເກົາຫຼີ - ເລືອກເຟັ້ນນັກກີລາທີມຊາດ ຮ່ວມຊີເກມ ພ້ອມເປີດສາກເສົານີ້

ເທຄວັນໂດ ຊີງຂັນທູດ ສ.ເກົາຫຼີ - ເລືອກເຟັ້ນນັກກີລາທີມຊາດ ຮ່ວມຊີເກມ ພ້ອມເປີດສາກເສົານີ້

ເປີດພາບປັດຈຸບັນ “ເອເທນ ເກມ” ສະໜາມກີລາໂອລິມປິກທີ່ປະເທດກຣີຊ ຫຼັງຜ່ານມາ 15 ປີ

ເປີດພາບປັດຈຸບັນ “ເອເທນ ເກມ” ສະໜາມກີລາໂອລິມປິກທີ່ປະເທດກຣີຊ ຫຼັງຜ່ານມາ 15 ປີ

“ໜຶ່ງເມືອງລາວ” ເລັ່ງເຝິກຊ້ອມໜັກມື້ລະ 6 ຊົ່ວໂມງ ຫວັງປ້ອງກັນແຊ້ມຫຼຽນຄຳຊີເກມ

“ໜຶ່ງເມືອງລາວ” ເລັ່ງເຝິກຊ້ອມໜັກມື້ລະ 6 ຊົ່ວໂມງ ຫວັງປ້ອງກັນແຊ້ມຫຼຽນຄຳຊີເກມ

ສະຫະພັນບານເຕະແຫ່ງຊາດລາວ ປະກາດລາຍຊື່ 23 ນັກເຕະ U-19 ຊີງແຊ້ມອາຊີ ຮອບຄັດເລືອກ ທີ່ໄຕ້ຫວັນ

ສະຫະພັນບານເຕະແຫ່ງຊາດລາວ ປະກາດລາຍຊື່ 23 ນັກເຕະ U-19 ຊີງແຊ້ມອາຊີ ຮອບຄັດເລືອກ ທີ່ໄຕ້ຫວັນ

ຄຳພູວັນ ພາດແຊ້ມແບບຄ້ານສາຍຕາຜູ້ຊົມ ຄວ້າພຽງຫຼຽນເງິນກັບບ້ານ ໃນມວຍສາກົນຊີງແຊ້ມນານາຊາດ ທີ່ຈີນ

ຄຳພູວັນ ພາດແຊ້ມແບບຄ້ານສາຍຕາຜູ້ຊົມ ຄວ້າພຽງຫຼຽນເງິນກັບບ້ານ ໃນມວຍສາກົນຊີງແຊ້ມນານາຊາດ ທີ່ຈີນ

“ເພັງ ລາດວົງ” ຄວ້າແຊ້ມເພາະກາຍຊາຍ ຮຸ່ນນໍ້າໜັກ 65 ກິໂລກຼາມ ຊີງແຊ້ມປະເທດລາວ 2019

“ເພັງ ລາດວົງ” ຄວ້າແຊ້ມເພາະກາຍຊາຍ ຮຸ່ນນໍ້າໜັກ 65 ກິໂລກຼາມ ຊີງແຊ້ມປະເທດລາວ 2019

“ເຈເດັ້ນ” ຄວ້າແຊ້ມລົດຈັກທາງລຽບ 2019 ສະໜາມທີ 3 ພ້ອມໄດ້ສິດໄປທົດສອບຄວາມສາມາດ ທີ່ມາເລເຊຍ

“ເຈເດັ້ນ” ຄວ້າແຊ້ມລົດຈັກທາງລຽບ 2019 ສະໜາມທີ 3 ພ້ອມໄດ້ສິດໄປທົດສອບຄວາມສາມາດ ທີ່ມາເລເຊຍ

ເອົາແລ້ວ! “ແຈັກ ໝ່າ” ທ້າທາຍ “ຟລອຍ” ຂຶ້ນສັງວຽນສະແດງຊົກນັດພິເສດ

ເອົາແລ້ວ! “ແຈັກ ໝ່າ” ທ້າທາຍ “ຟລອຍ” ຂຶ້ນສັງວຽນສະແດງຊົກນັດພິເສດ

ນາວາສັກສິດ ຄອງແຊ້ມຮຸ່ນ 55 ສີພາຍ ໃນການຊ່ວງເຮືອ ຊີງຂັນເຈົ້າແຂວງວຽງຈັນ

ນາວາສັກສິດ ຄອງແຊ້ມຮຸ່ນ 55 ສີພາຍ ໃນການຊ່ວງເຮືອ ຊີງຂັນເຈົ້າແຂວງວຽງຈັນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ