ວັນພະຫັດ ທີ 22 ຕຸລາ 2020

ຄູຝຶກລະດັບ A ລາຍເຊັນ ວິເຄາະສາເຫດ “ເປັນຫຍັງ ເປບຊີ ລາວພຣີເມຍລີກ ຈຶ່ງມີພຽງ 6 ທີມ”

ຄູຝຶກລະດັບ A ລາຍເຊັນ ວິເຄາະສາເຫດ “ເປັນຫຍັງ ເປບຊີ ລາວພຣີເມຍລີກ ຈຶ່ງມີພຽງ 6 ທີມ”

ໃນຕອນເຊົ້າຂອງວັນທີ 5 ກຸມພາ 2019 ທີ່ຜ່ານມາ ທ່ານ ປອ ເວີນສະຫວັນ ສີວິໄຊ ຄູຝຶກບານເຕະ ລະດັບ A ລາຍເຊັນ ໄດ້ອອກມາເວົ້າເຖິງປະຫວັດຄວາມເປັນມາຂອງການເເຂ່ງຂັນກີລາບານເຕະໃນປະເທດລາວ ພ້ອມໃຫ້ຂໍສັງເກດ ເເລະ ການພັດທະນາຂອງວົງການບານເຕະໃນບານເຮົາ ໂດຍຜ່ານເຟສບຸກສ່ວນຕົວ ເຊິ່ງບົດຄວາມມີເນື່ອງຫາທີ່ໜ້າສົນໃຈຫຼາຍ ເນື້ອໃນຂອງການວິເຄາະມີດັ່ງນີ້:

ເຖິງບັນດາແຟນບານເຕະລາວ, ມື້ນີ້ ພວກເຮົາມາຮູ້ຈັກປະຫວັດ ແລະ ຄວາມເປັນມາຂອງການແຂ່ງຂັນບານເຕະ ຢູ່ ສປປລາວ ແລະ ລາວພຣີເມຍລີກ ຊຶ່ງ ເອີ້ນກັນໃນປັດຈຸບັນວ່າ ເປບຊີ ລາວ ພຣີເມຍລີກ. ບັນດາທ່ານທີ່ເປັນແຟນກີລາບານເຕະ ທັງຮຸ່ນເກົ່າ ແລະ ຮຸ່ນປັດຈຸບັນ ອາດຈະຄຸ້ນເຄີຍ ກັບຄຳວ່າ ລາວ ພຣີເມຍລີກ ຫຼື ເປບຊີ ລາວ ພຣີເມຍລີກ ທີ່ເອີ້ນກັນມາ ໄດ້ປະມານ 3-4 ປີຜ່ານມາ, ຖ້າເຮົາມາເບິ່ງຍ້ອນຫຼັງ ແຕ່ ປີ 1975 ຮອດປີ 2003 ຜ່ານມາກີລາບານເຕະ ແມ່ນການແຂ່ງຂັນແບບແບ່ງເປັນສາຍ ຄື ສາຍ ກ, ສາຍ ຂ ແລະ ສາຍ ຄ, ຊຶ່ງການແຂ່ງຂັນ ແມ່ນຈະແຂ່ງຂັນ ແຕ່ຢູ່ນະຄອນຫຼວງວຽງຈັນ. 

ການແຂ່ງຂັນ ລະດັບ ສາຍ ກ ແລະ ສາຍ ຂ ແມ່ນ ສະຫະພັນບາານເຕະແຫ່ງຊາດລາວ ເປັນຜູ້ຮັບຜິດຊອບຈັດການແຂ່ງຂັນ, ແລະ ບາງປີ ລະດັບສາຍ ຂ ແມ່ນນະຄອນຫຼວງເປັນຜູ້ຈັດການແຂ່ງຂັນ, ສ່ວນລະດັບ ຄ ແມ່ນ ນະຄອນຫຼວງ ຈັດການແຂ່ງຂັນ ໂດຍເອົາບັນດາທີມຕົວແທນຂອງແຕ່ລະເມືອງມາແຂ່ງຂັນ. ສະໜາມກີລາທີ່ໃຊ້ເຂົ້າໃນການແຂ່ງຂັນ ກໍ່ແມ່ນ ສະໜາມກີລາແຫ່ງຊາດ (ສະໜາມກີລາເຈົ້າອານຸວົງ ປັດຈຸບັນ). ລັກສະນະຂອງການແຂ່ງຂັນແມ່ນ ແຂ່ງຂັນແບບພົບກັນໝົດ ແຕ່ ແຂ່ງແຕ່ຂາໄປ ບໍ່ມີຂາກັບ. ນອກຈາກນີ້, ຍັງມີການແຂ່ງຂັນຊີງຂັນວັນສໍາຄັນຂອງຕ່າງໆຂອງຊາດເຊັ່ນ: ຊີງຂັນວັນຊາດທີ 2 ທັນວາ, ຊີງຂັນວັນສ້າງຕັ້ງພັກປະຊາຊົນປະຕິວັດລາວ, ຊີງຂັນວັນສ້າງຕັ້ງກອງທັບ, ຊີງຂັນຕ້ອນຮັບປີທ່ອງທ່ຽວລາວ, ຊີງຂັນ ມາກໂບໂລ ແລະຊີງຂັນ ພະນະທ່ານ ນາຍົກລັດຖະມົນຕີ ເປັນຕົ້ນ. 

ບັນດາທີມເຕະບານ ໃນໄລຍະຜ່ານມາ ສ່ວນໃຫຍ່ແມ່ນ ທີມຈາກກະຊວງຕ່າງໆ ເຊັ່ນ: ໃນຊຸມປີ 1975-1987 ປະກອບມີທີມ ກອງທັບ, ກະຊວງພາຍໃນ, ກະຊວງກະສິກຳ, ກະຊວງຕ່າງປະເທດ, ກະຊວງວັດທະນາທຳ, ກະຊວງ ໂຍທາທິການ, ກະຊວງສາທາ, ກະຊວງສຶກສາ, ນະຄອນຫຼວງວຽງຈັນ ເປັນຕົ້ນ. 

ຊຸມປີ 1988-2002: ເລີ່ມມີໜ້ອຍທີມຈາກບັນດາກະຊວງໜ້ອຍລົງ, ທີມທີ່ຍັງສືບຕໍ່ແຂ່ງຂັນ ສາຍ ກ ປະກອບມີ ທີມ ກອງທັບ, ກະຊວງປກສ, ການເງິນກໍາແພງ, ທະນາຄານ, ວິທະຍຸ, ນະຄອນຫຼວງ, ສັບພະວິຊາ (ມະຫາວິທະຍາໄລແຫ່ງຊາດ), ຄົມມະນາຄົມຂົນສົ່ງ ໄປສະນີ ແລະກໍ່ສ້າງ, ດາລາລັດ, ໄຟຟ້າລາວ, ກັນລະຍາ, ບ້ານທົ່ງຂັນຄຳ ເປັນຕົ້ນ. 

ສຳລັບຜູ້ຊົມ ເຫັນວ່າ ມີຜູ້ຊົມໄປຊົມເຊຍຂ້ອນຂ້າງຫຼາຍ ທັງລະດັບ ສາຍ ກ ແລະສາຍ ຂ (ມີທັງລຸງແດງ ຕໍ່ມາມີ ຕູ້ບຸນຕາ, ທ່ານ ຄຳກ້ອນ, ທ່ານ ເຕົ່າ) ທີ່ເປັນຜູ້ຮ້າຍ-ວິຈານ-ກະຕຸ້ນໃຫ້ ນັກກີລາ ມີຄວາມຫ້າວຫັນ.

ຕົກມາຊຸມປີ 2003 ເປັນຕົ້ນມາ ສະຫະພັນບານເຕະນາໆຊາດ (FIFA) ໄດ້ໃຫ້ການຊ່ວຍເຫຼືອບັນດາສະສະຫະພັນບານແຫ່ງຊາດ ຂອງປະເທດສະມາຊິກ ເພື່ອພັດທະນາວົງການບານເຕະພາຍໃນປະເທດ, ຈຶ່ງໄດ້ອອກກົດລະບຽບ ໃຫ້ທຸກສະຫະພັນລິເລີ່ມໃນການໃຫ້ມີການແຂ່ງຂັນລະດັບລີກສູງສຸດ ໂດຍການແຂ່ງຂັນ ແບບມີຂາໄປ-ຂາກັບ ກຳນົດເປັນການລົງທະບຽນຂອງສະໂມສອນ (Club Licensing) ຊຶ່ງແນ່ນອນແມ່ນຂຶ້ນກັບເງື່ອນໄຂຂອງແຕ່ລະປະເທດ. 
ສຳລັບ ສປປ ລາວ ເຮົາ ໃນປີ 2005 ສະຫະພັນບານເຕະແຫ່ງຊາດລາວ ໄດ້ປ່ຽນຊື່ການແຂ່ງຂັນເຕະບານ ສາຍ ກ ມາເປັນ “ພຣີເມຍລີກ”. ມາຮອດ 2013 ປ່ຽນຊື່ເປັນ “ລາວ ພຣີເມຍລີກ” ແລະ ປີ 2016 ປ່ຽນຊື່ມາເປັນ “ເປບຊີ ລາວ ພຣີເມຍລີກ”. ແນ່ນອນ ເມື່ອປ່ຽນລີກສູງສຸດ ແຕ່ລະສະໂມສອນ ກໍ່ຕ້ອງໄດ້ປັບຕົວເຂົ້າສູ່ລະບຽບຂອງ ສະຫະພັນບານເຕະນາໆວາງອອກຄື Club Licensing, ຊຶ່ງແນ່ນອນ ໃນລະບຽບຂອງການລົງທະບຽນຂອງສະໂມສອນ ມີເງື່ອນໄຂຫຼາຍດ້ານທີ່ບັນດາສະໂມສອນບໍ່ສາມາດບັນລຸໄດ້ເທື່ອຄື:
1. ຕ້ອງມີສະໂມສອນ ເປັນຮູບປະທຳ (ມີປະທານ, ຄະນະປະທານ, ເລຂາທິການສະໂມສອນ, ການເງິນສະໂມສອນ, ການຕະຫຼາດ, .... ). 
2. ມີສະໜາມເປັນຂອງຕົນເອງ (ສະໜາມຝຶກແອບ, ສະໜາມແຂ່ງຂັນ)
3. ມີທີມເຍົາວະຊົນ ສືບທອດ. 
4. ມີຄູຝຶກ ລະດັບ A LICENCE BY AFC.
5. ຕ້ອງມີຖານະການເງິນ ທີ່ດີ ແລະ ສາມາດເປີດເຜີຍຕໍ່ສາທະລະນະໄດ້.
6. ຕ້ອງມີກອງເຊຍທີ່ລົງທະບຽນເປັນສະມາຊິກຂອງສະໂມສອນ ຢ່າງໜ້ອຍ 500 ຄົນ.
7. ແລະ ຍັງມີອີກຫຼາຍເງື່ອນໄຂ ທີ່ສະໂມສອນຕ້ອງປະຕິບັດ.

ຊຶ່ງແນ່ນອນ ໃນໄລຍະຜ່ານມາ ບັນດາສະໂມສອນ ກໍບໍ່ສາມາດເຮັດໄດ້, ແຕ່ສະຫະພັນບານເຕະແຫ່ງຊາດ ກໍອະນຸໂລມໃຫ້ເຂົ້າຮ່ວມການແຂ່ງຂັນໄດ້. 
ເຮົາຈະເຫັນໄດ້ ໃນປີ 2015-2016 ມີ ສະໂມສອນ ເຂົ້າຮ່ວມ ລາວ ພຣີເມຍລີກ ຫຼາຍກວ່າ 10 ທີມ ແລະ ເລີ່ມຫຼຸດໜ້ອຍຖອຍລົງ ແລະ ມາຮອດປັດຈຸບັນ ມີພຽງແຕ່ 6 ທີມ. 
ພວກເຮົາມາວິເຄາະເບິ່ງວ່າເປັນຫຍັງ ບັນດາສະໂມສອນໃນລາວພຣີເມຍລີກ ຈຶ່ງຫຼຸດໜ້ອຍຖອຍລົງ, ແຕ່ກົງກັບຂ້າມໃນລະດັບ ດີວີຊັນ 1 ແມ່ນ ມີຫຼາຍ ກວ່າ 20 ທີມ ຈົນສະຫະພັນບານເຕະແຫ່ງຊາດຕ້ອງໄດ້ຄັດຈ້ອນເອົາແຕ່ 16 ທີມ. ພວກເຮົາມາເບິ່ງຄື: 

1. ເບື້ອງສະຫະພັນບານເຕະແຫ່ງຊາດ:
ການຈັດການແຂ່ງຂັນ ແມ່ນເນັ້ນໃສ່ລະບຽບຂອງສາກົນເກີນໄປເຊັ່ນ: 
• ສະໂມສອນໃດ ທີ່ບໍ່ມີເດີ່ນແຂ່ງຂັນເປັນຂອງຕົນເອງ ແມ່ນສາມາດນຳໃຊ້ສະໜາມກາງ ແຕ່ທຸກໆຄ່າໃຊ້ຈ່າຍທີ່ເກີດຂຶ້ນໃນການແຂ່ງຂັນ (ຄ່າແພດປະຈຳສະໜາມ, ຄ່າໂຄສົກ, ເດັກນ້ອຍເກັບບານ, ອານະໄມ, ປ້ອງກັນ ແລະອື່ນໆ ) ສະໂມສອນ ທີ່ເປັນເຈົ້າບ້ານຕ້ອງຮັບຜິດຊອບ. 
• ສະໜາມການແຂ່ງຂັນ ແມ່ນໄກ ຄືສະໜາມກີລາແຫ່ງຊາດຫຼັກ 16. 
• ລາງວັນໃນການເຂົ້າຮ່ວມການແຂ່ງຂັນ ບໍ່ສູງ ບໍ່ຄຸ້ມຄ່າກັບການລົງທຶນຂອງສະໂມສອນ.

2. ເບື້ອງ ສະໂມສອນ: 
• ບໍ່ມີ ຄູຝຶກ ລະດັບ A LICENCE, ຖ້າຈ້າງຕ່າງປະເທດມາ ກໍ່ຕ້ອງມີຄ່າໃຊ້ຈ່າຍສູງ. 
• ງົບປະມານ ບໍ່ພຽງພໍໃນການເຄື່ອນໄຫວ ໃນແຕ່ລະລະດູການ. 
• ບໍ່ມີລາຍຮັບອື່ນໆ (ບໍ່ມີຜູ້ສະໜັບສະໜູນຮ່ວມ)
• ບໍ່ສາມາດສ້າງນັກເຕະໃຫ້ເກັ່ງໄດ້.
• ບໍ່ມີກອງເຊຍປະຈຳທີມຮອດ 300 ຄົນ.

3. ເບື້ອງກອງເຊຍ-ຜູ້ຊົມ: 
• ກອງເຊຍໄປຊົມການແຂ່ງຂັນໜ້ອຍທີ່ສຸດ (ມີແຕ່ຖ້າວິຈານ ຢູ່ໃນເຟສບຸກ), ຍ້ອນສະໜາມແຂ່ງຂັນ ຢູ່ສະໜາມກີລາແຫ່ງຊາດ ຫຼັກ 16 ເພິ່ນວ່າໄກ. 
• ກອງເຊຍບໍ່ມີສ່ວນຮ່ວມໃຫ້ສະໂມສອນແບບຍືນຍົງໄດ້ເຊັ່ນ: ການຊື້ເສື້ອສະໂມສອນ, ເຄື່ອງທີ່ລະນຶກຂອງ ສະໂມສອນ. 

ອີກບັນຫາໜຶ່ງທີ່ເຮັດໃຫ້ ສະໂມສອນຕ່າງແຂວງ ຖອນໂຕຈາກການແຂ່ງຂັນ ເປບຊີ ລາວ ພຣີເມຍລີກ ຍ້ອນການກະກຽມເຂົ້າຮວ່ມງານມະຫາກຳກີລາແຫ່ງຊາດ, ເພາະໃນລະບຽບຂອງການແຂ່ງຂັນ ອະນຸຍາດໃຫ້ນັກກີລາ ເປບຊີ ລາວ ພຣີເມຍລີກ ລົງແຂ່ງຂັນໄດ້ແຕ່ 03 ຄົນເທົ່ານັ້ນ. ສະນັ້ນ, ບັນດາແຂວງ ກໍ່ເຫັນຄວາມສຳຄັນຂອງກີລາແຫ່ງຊາດຫຼາຍກວ່າ ອີກຢ່າງໜື່ງແມ່ນບໍ່ມີງົບປະມານພຽງພໍທີ່ຈະສ້າງທີມເຕະບານ 02 ທີມ ໃນເວລາດຽວກັນໄດ້ (ທີມສຳລັບກີລາແຫ່ງຊາດ ແລະ ທີມສຳລັບ ເປບຊີ ລາວ ພຣີເມຍລີກ).

ປອ. ເວີນສະຫວັນ ຍັງກ່າວປິດທ້າຍອີກວ່າ: ຈາກປັດໄຈ ແລະ ບັນຫາຂ້າງເທິງ (ຫຼືອາດຈະມີບັນຫາອື່ນ) ເປັນອຸປະສັກ ໃນການພັດທະນາວົງການເຕະບານລາວ ກໍ່ຄື ເປບຊີ ລາວ ພຣີເມຍລີກ. ແລ້ວພວກທ່ານຄິດວ່າ ຈະສາມາດແກ້ໄຂໄດ້ແນວໃດ, ຖ້າບໍ່ມີສະໂມສອນ ເຂົ້າແຂ່ງຂັນ ກະຊິໄປໂທດໃຫ້ ຜູ້ໃດອີກ.

 

 

Advertisement Replay Ad

ຂໍຂອບໃຈ

ຂໍ້ມູນ : Lao Sport News , Veunsavanh Sivisay

ຕິດເຊື້ອແບບບໍ່ມີອາການ! ດາວເຕະມ້າລາຍ "ໂຣນັນໂດ້" ຕິດໂຄວິດ-19

ຕິດເຊື້ອແບບບໍ່ມີອາການ! ດາວເຕະມ້າລາຍ "ໂຣນັນໂດ້" ຕິດໂຄວິດ-19

ນີ້ແມ່ນເຫດຜົນທີ່ເຮົາຄວນມາ #ແລ່ນເພື່ອນ້ອງ2020 ຫຼາຍກວ່າໄປແລ່ນຕາມຄົນທີ່ເຂົາບໍ່ມີໃຈໃຫ້ເຮົາ

ນີ້ແມ່ນເຫດຜົນທີ່ເຮົາຄວນມາ #ແລ່ນເພື່ອນ້ອງ2020 ຫຼາຍກວ່າໄປແລ່ນຕາມຄົນທີ່ເຂົາບໍ່ມີໃຈໃຫ້ເຮົາ

ແນວຄົນມັນຮັກ! ໂຣນັນໂດ້ ສາຍເປຊື້ແຫວນເພັດໃຫ້ແຟນສາວ ຂໍບອກລາຄາແພງສຸດໃນໝູ່ນັກເຕະ

ແນວຄົນມັນຮັກ! ໂຣນັນໂດ້ ສາຍເປຊື້ແຫວນເພັດໃຫ້ແຟນສາວ ຂໍບອກລາຄາແພງສຸດໃນໝູ່ນັກເຕະ

ສິ່ງທີ່ຄວນຮູ້ ເມື່ອ "ລີໂອເນລ ເມດຊີ" ແຈ້ງບາຊາຂໍຍ້າຍທີມ ຊັອກແຟນບານທົ່ວໂລກ

ສິ່ງທີ່ຄວນຮູ້ ເມື່ອ "ລີໂອເນລ ເມດຊີ" ແຈ້ງບາຊາຂໍຍ້າຍທີມ ຊັອກແຟນບານທົ່ວໂລກ

ສ່ອງຄວາມລວຍອາພາດເມັນຫຼູໃນດູໄບຂອງ "ໂຣເຈີ ເຟເດິເຣີ" ນັກກີລາລວຍທີ່ສຸດໃນໂລກປີ 2020

ສ່ອງຄວາມລວຍອາພາດເມັນຫຼູໃນດູໄບຂອງ "ໂຣເຈີ ເຟເດິເຣີ" ນັກກີລາລວຍທີ່ສຸດໃນໂລກປີ 2020

ເປັນຫຍັງແຟນຄລັບຂອງ “ລິເວີພູ (Liverpool) ແລະ ແມນຢູ (Man U)” ຄືບໍ່ຖືກກັນ?

ເປັນຫຍັງແຟນຄລັບຂອງ “ລິເວີພູ (Liverpool) ແລະ ແມນຢູ (Man U)” ຄືບໍ່ຖືກກັນ?

ນັກໄຕຣກີລາສາວຖືກ 'ຂົ່ມເຫງ' ຈົນນຳໄປສູ່ການຈົບຊີວິດຂອງໂຕເອງ ສະເທືອນວົງການກີລາເກົາຫຼີໃຕ້

ນັກໄຕຣກີລາສາວຖືກ 'ຂົ່ມເຫງ' ຈົນນຳໄປສູ່ການຈົບຊີວິດຂອງໂຕເອງ ສະເທືອນວົງການກີລາເກົາຫຼີໃຕ້

ລໍຄອຍມາເຖິງ 30 ປີ ແລະ ໃນທີ່ສຸດ "LIVERPOOL" ກໍຄວ້າໄດ້ໄຊຊະນະທີ່ຍິ່ງໃຫຍ່!

ລໍຄອຍມາເຖິງ 30 ປີ ແລະ ໃນທີ່ສຸດ "LIVERPOOL" ກໍຄວ້າໄດ້ໄຊຊະນະທີ່ຍິ່ງໃຫຍ່!

ເສິກໃຫຍ່ໃນລາລີກາ: ບາເຊໂລນາ ກຽມພົບ ເຊບິຢາ ທ້າຍອາທິດນີ້

ເສິກໃຫຍ່ໃນລາລີກາ: ບາເຊໂລນາ ກຽມພົບ ເຊບິຢາ ທ້າຍອາທິດນີ້

ລວມ 10 ນັກເຕະທີ່ໄວທີ່ສຸດໃນ LaLiga ສະເປນ ໃນລະດູການ 2019/20

ລວມ 10 ນັກເຕະທີ່ໄວທີ່ສຸດໃນ LaLiga ສະເປນ ໃນລະດູການ 2019/20

ແຟນບານກຽມໂຕ ພຣີເມຍລີກ ກັບມາແຂ່ງຂັນອີກຄັ້ງ

ແຟນບານກຽມໂຕ ພຣີເມຍລີກ ກັບມາແຂ່ງຂັນອີກຄັ້ງ

ລາວອີ-ສະປອດ ເປີດຮັບສະໝັກບຸກຄະລາກອນ ກຽມສ້າງເປັນຄູຝຶກ ແລະ ກໍາມະການຕັດສິນອາຊີບ

ລາວອີ-ສະປອດ ເປີດຮັບສະໝັກບຸກຄະລາກອນ ກຽມສ້າງເປັນຄູຝຶກ ແລະ ກໍາມະການຕັດສິນອາຊີບ

"ຊຽງຂວາງ ເກມ" ຈະເກີດ ຫຼື ບໍ່? ຮູ້ຜົນທ້າຍເດືອນມິຖຸນານີ້

"ຊຽງຂວາງ ເກມ" ຈະເກີດ ຫຼື ບໍ່? ຮູ້ຜົນທ້າຍເດືອນມິຖຸນານີ້

ບໍ່ລອດ "ເອຟຊີ ໂຊລ" ຖືກໃໝ 730 ລ້ານກີບ ຍ້ອນໃຊ້ "ຕຸກກະຕາຢາງ" ແທນຜູ້ຊົມ ຊີ້ດູໝິ່ນກຽດແຟນບານເພດຍິງ

ບໍ່ລອດ "ເອຟຊີ ໂຊລ" ຖືກໃໝ 730 ລ້ານກີບ ຍ້ອນໃຊ້ "ຕຸກກະຕາຢາງ" ແທນຜູ້ຊົມ ຊີ້ດູໝິ່ນກຽດແຟນບານເພດຍິງ

ສຕລ ລົງມືກໍ່ສ້າງ ແລະ ສ້ອມແປງໂຄງລ່າງພື້ນຖານສະໜາມກີລາຈາກທຶນຊ່ວຍເຫຼືອຂອງ FIFA

ສຕລ ລົງມືກໍ່ສ້າງ ແລະ ສ້ອມແປງໂຄງລ່າງພື້ນຖານສະໜາມກີລາຈາກທຶນຊ່ວຍເຫຼືອຂອງ FIFA

ວົງການບານເຕະຮູ້ ຫຼື ຍັງ? ພຣີເມຍລີກແຈ້ງຜົນກວດ ຜູ້ຕິດເຊື້ອໂຄວິດ ມີ 6 ຄົນ ຈາກ 748 ຄົນ!

ວົງການບານເຕະຮູ້ ຫຼື ຍັງ? ພຣີເມຍລີກແຈ້ງຜົນກວດ ຜູ້ຕິດເຊື້ອໂຄວິດ ມີ 6 ຄົນ ຈາກ 748 ຄົນ!

“ດີ້ ສາວລາວ” ບໍ່ເຄີຍຢຸດຊ້ອມກີລາຕໍ່ສູ້ປ້ອງກັນຕົວ 5 ປະເພດ ຫວັງພິຊິດແຊ້ມສ້າງກຽດຊື່ສຽງໃຫ້ປະເທດ

“ດີ້ ສາວລາວ” ບໍ່ເຄີຍຢຸດຊ້ອມກີລາຕໍ່ສູ້ປ້ອງກັນຕົວ 5 ປະເພດ ຫວັງພິຊິດແຊ້ມສ້າງກຽດຊື່ສຽງໃຫ້ປະເທດ

ມາດຕະການສໍາລັບການເປີດສະຖານທີ່ອອກກໍາລັງກາຍ ກີລາກາງແຈ້ງ ແລະ ກີລາໃນຮົ່ມ

ມາດຕະການສໍາລັບການເປີດສະຖານທີ່ອອກກໍາລັງກາຍ ກີລາກາງແຈ້ງ ແລະ ກີລາໃນຮົ່ມ

ແຟນບານຮູ້ສຶກແນວໃດ? ຄວາມແຕກຕ່າງຂອງການແຂ່ງຂັນກີລາບານເຕະ ໃນໄລຍະໂຄວິດ-19

ແຟນບານຮູ້ສຶກແນວໃດ? ຄວາມແຕກຕ່າງຂອງການແຂ່ງຂັນກີລາບານເຕະ ໃນໄລຍະໂຄວິດ-19

ດຣາມາ! ເອຟຊີ ໂຊລ ສະໂມສອນບານເຕະໃນເກົາຫຼີໃຕ້ໃຊ້ "ຕຸກກະຕາຢາງ" ເປັນແຟນບານນັ່ງເຊຍສ້າງບັນຍາກາດ

ດຣາມາ! ເອຟຊີ ໂຊລ ສະໂມສອນບານເຕະໃນເກົາຫຼີໃຕ້ໃຊ້ "ຕຸກກະຕາຢາງ" ເປັນແຟນບານນັ່ງເຊຍສ້າງບັນຍາກາດ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ