ທິມ ຄຸກ CEO ຂອງ ແອັບເປິ້ນ ຍອມຮັບ ໄອໂຟນຍອດຂາຍຕົກ ຍ້ອນລາຄາແພງ

ຍອດຂາຍ​ iPhone ເບິ່ງ​ຈະ​ເປັນ​ເລື່ອງ​ທີ່​ໜ້າ​ໜັກ​ໃຈ​ຂອງ​ Apple ເພາະ​ເມື່ອ​ວັນ​ອັງ​ຄານ​ທີ່​ຜ່ານມາ​ທາງ​ບໍລິສັດ​ໄດ້​ກໍ່ການ​ປະ​ກາດ​ເຖິງ​ຜົນ​ປະກອບ​ການ​ຂອງ​ປີ​ 2019 ທີ່​ປິດ​ລົງ​ເມື່ອ​ວັນທີ​ 29 ທັນວາ​ທີ່​ຜ່ານມາ​ວ່າ​ບໍ່​ເປັນ​ທີ່​ໜ້າພໍ​ໃຈ​ເທົ່າ​ໃດ.​

ຈາກ​ການ​ຄາດ​ຄະເນຂອງ​ Strategy Analytics Apple ໜ້າ​ຈະ​ມີ​ການ​ຂາຍ​ iPhone ຢູ່​ທີ່​ 65.9 ລ້ານ​ເຄື່ອງ​ ໃນໄຕ​ມາດທຳອິດ​ຂອງ​ປີ​ 2019 ເຊິ່ງ​ຕົວ​ເລກ​ດັ່ງ​ກ່າວ​ນັ້ນ​ຫຼຸດລົງ​ເຖິງ​ 15% ເມື່ອ​ທຽບ​ກັບ​ໄຕມາດ​ທຳອິດ​ໃນ​ປີ​ 2018 ເຊິ່ງ​ສາ​ເຫດ​ຂອງ​ຍອດຂາຍ​ທີ່​ຫຼຸດລົງ​ກໍ​ຄາດ​ວ່າ​ໜ້າ​ຈະ​ເປັນ​ເພາະ​ຄວາມ​ຕ້ອງ​ການ​ໃນ​ຕະຫຼາດຫຼຸດລົງ.​

ສ່ວນ​ທາງ​ Apple ເອງ​ກໍ​ຍອມ​ຮັບ​ວ່າຍ​ອດ​ຂາຍ​ iPhone ໃນ​ໄລຍະໄຕ​ມາດ​ດັ່ງ​ກ່າວຫຼຸດລົງ​ແທ້​ເມື່ອ​ທຽບ​ເປັນ​ລາຍ​ປີ.​ ການ​ຈັດ​ສົ່ງ​ iPhone ທົ່ວ​ໂລກຫຼຸດລົງ​ຢ່າງ​ວ່ອງໄວ​ເນື່ອງ​ຈາກລາ​ຄາ​ຂາຍ​ທີ່​ສູງ​ຂຶ້ນ​ ພ່ວງ​ດ້ວຍ​ບວກກັບ​ໄຈ​ທາງ​ດ້ານ​ເສດຖະກິດ​ຂອງ​ແຕ່​ລະ​ປະເທດ,​ ຄ່າ​ເງິນ​, ສົງຄາມ​ການ​ເມືອງ​, ຄູ່​ແຂ່ງ​ຢ່າງ​ Huawei ແລະ​ນະໂຍບາຍ​ປ່ຽນ​ແບັດ​ເຕີ​ຣີ​ທີ່​ເຮັດໃຫ້​ອາ​ຍຸ​ການ​ໃຊ້​ງານ​ iPhone ດົນ​ຂຶ້ນ​ ຈຶ່ງ​ສົ່ງ​ຜົນ​ໃຫ້​ຄວາມ​ຕ້ອງ​ການ​ສິນ​ຄ້າ​ໃນ​ຕະຫຼາດຫຼຸດລົງ​.

ໃນ​ຂະນະ​ທີ່​ Apple ບໍ່​ໄດ້ລາຍ​ງານ​ຍອດຂາຍ​ iPhone ຕໍ່​ໜ່ວຍ​ທີ່​ຊັດເຈນ​ໃນ​ໄຕ​ມາດ​ທຳອິດ​ຂອງ​ປີ​ນີ້​ ແຕ່​ທາງ​ບໍລິສັດ​ກໍ​ໄດ້​ເປີດ​ເຜີຍ​ຕົວ​ເລກ​ອື່ນ​ໆ​ ເຖິງ​ການ​ຊື້​ iPhone ທີ່​ມີຍ​ອດ​ສູງ​ເຖິງ​ 900 ລ້ານ​ໜ່ວຍ​ ລວມທັງ​ iPad ແລະ​ Mac ທີ່​ປັດຈຸບັນ​ນີ້​ມີຍ​ອດ​ຂາຍ​ 1.4 ພັນ​ລ້ານໜ່ວຍ.​

ດ້ານ​ ທິມ ຄຸກ (Tim Cook) CEO ຂອງ​ Apple ເຊື່ອ​ວ່າ​ ລາ​ຄາ​ເປັນ​ປັດ​ໄຈ​ສຳຄັນ​ທີ່​ສົ່ງ​ຜົນ​ຕໍ່​ການ​ຊື້​ iPhone ເຮັດໃຫ້​ຍອດຂາຍ​ຕ່ຳ​ກວ່າ​ທີ່​ຄາດ​ຄະເນໄວ້​. ນອກ​ຈາກ​ນີ້​ Apple ຍັງ​ປະ​ກາດ​ໃນ​ມື້​ດຽວ​ກັນ​ວ່າ​ ອາດຈະ​ມີ​ການ​ປັບຫຼຸດ​ລາ​ຄາ​ iPhone ລົງ​ເພື່ອ​ຮັບ​ມື​ກັບ​ຄວາມ​ຜັນ​ຜວນ​ຂອງ​ຄ່າ​ເງິນ​ໃນ​ບາງ​ປະເທດ​ອີກ​ດ້ວຍ.