ວັນພຸດ ທີ 23 ຕຸລາ 2019

10 ຄຳສອນກົງໆ ເຂົ້າໃຈໄດ້ງ່າຍ ຂອງ "ຫຼວງພໍ່ຄູນ" ທີ່ຈະຢູ່ໃນໃຈຕະຫຼອດໄປ

10 ຄຳສອນກົງໆ ເຂົ້າໃຈໄດ້ງ່າຍ ຂອງ "ຫຼວງພໍ່ຄູນ" ທີ່ຈະຢູ່ໃນໃຈຕະຫຼອດໄປ
S! Muan

ສະໜັບສະໜູນເນື້ອຫາ

ຮວມ​ 10 ໂອ​ວາດ​ທຳ​ ຫຼື ​ຄຳ​ສອນ​ຂອງ​ ພະ​ເທບ​ວິທະຍາ​ຄົມ​ (ຫຼວງ​ພໍ່​ຄູນ​ ປະຣິສຸດໂທ​) ພະ​ເກ​ຈິ​ອາຈານ​ຊື່​ດັງ​ແຫ່ງ​ວັດ​ບ້ານ​ໄຣ່​ ແຂວງນະຄອນ​ຣາດຊະ​ສີ​ມາ ປະເທດໄທ ເຊິ່ງລະສັງຂານໄປເມື່ອປີ 2015 ແລະ ຈະມີພິທີວາງເພີງສົບໃນມື້ນີ້ (29 ມັງກອນ 2019).​

ເນື້ອໃນຫາ​ບາງ​ສ່ວນ​ຈາກປຶ້ມ​ອາ​ຈາ​ນ​ຍານຸສອນ​ ພະ​ເທບ​ວິທະຍາ​ຄົມ​ (ຫຼວງ​ພໍ່​ຄູນ​ ປະຣິສຸດໂທ​) (ເຫຼັ້ມ​ໃຫຍ່​) ຈັດ​ພິມ​ໂດຍ​ມະຫາ​ວິທະຍາ​ໄລຂອນ​ແກ່ນ​ ໄດ້​ເຜີຍແຜ່​ໂອ​ວາດ​ທຳ​ຄຳ​ສອນ​ຂອງ​ຫຼວງ​ພໍ່​ຄູນ​ທີ່​ຈະ​ຄົງ​ຢູ່ໃນ​ໃຈ​ຕະຫຼອດ​ໄປ​ “ຫຼວງ​ພໍ່​ເທສະໜາ​ເປັນ​ຄຳ​ເວົ້າ​ກົງ​ໆ​ ສອດແຊກ​ທຳ​ງ່າຍໆ​ ທີ່​ປະຊາຊົນ​ທົ່ວ​ໄປ​ຟັງ​ແລ້ວ​ເຂົ້າໃຈ​ໄດ້​. ໃນ​ທີ່​ນີ້​ບໍ່​ສາມາດ​ເລົ່າ​ໄດ້​ໝົດ​ ຈຶ່ງ​ຂໍຍ​ົກ​ຕົວ​ຢ່າງ​ມາ​ພຽງ​ບາງ​ສ່ວນ​ເທົ່າ​ນັ້ນ​”.

ກ່ອນ​ສອນ​ຄົນ​ອື່ນ​ຕ້ອງ​ສອນ​ຕົວເອງ​ກ່ອນ​

“ມັນ​ຕ້ອງ​ສອນ​ຕົວເອງ​ກ່ອນ​ ຈະ​ແນະ​ນຳ​ຫຍັງ​ເຂົາ ຕົວເອງ​ເຮັດໃຫ້​ເຂົາເບິ່ງ​ເປັນຕົວຢ່າງ​ກ່ອນ​ ເຊັ່ນ:​ ສອນ​ໃຫ້ເຂົາ​ບໍລິຈາກ​ທານ​ ຕົວເອງ​ຕ້ອງ​ບໍລິຈາກ​ເສຍ​ກ່ອນ​​ຈຶ່ງ​ຈະ​ຖືກ.​ ໃຜ​ມັນ​ຈະ​ໄປ​ເຊື່ອ​ ເຊື່ອ​ບໍ່​ໄດ້​ ຕ້ອງ​ເຮັດໃຫ້​ເຂົາເບິ່ງ​ກ່ອນ​ ສອນ​ຕົວເອງ​ກ່ອນ​ ຈຶ່ງຄ່ອຍ​ໄປ​ສອນ​ຄົນ​ອື່ນ.​ ຈະ​ເຮັດ​ຫຍັງ​ທຸກ​ຢ່າງ​ມັນ​ຕ້ອງ​ເຮັດໃຫ້ເຂົາ​ເບິ່ງ​ກ່ອນ​ ເຂົາ​ຈຶ່ງ​ຈະ​ເຊື່ອ​… ຢ່າງ​ພະ​ສົງ​ ຢ່າ​ດີ​ແຕ່​ໄປ​ສອນ​ຄົນ​ອື່ນ​ ສອນ​ຕົວເອງ​ດ້ວຍ​ເທາະ​ໜາ​ ສອນ​ຄົນ​ອື່ນ​ຢ່າງ​ນ້ຳ​ໄຫຼ​ໄຟ​ດັບ​ ແຕ່​ຕົວເອງ​ບໍ່​ສອນ​ ບອກ​ໃຫ້​ເຂົາ​ບໍລິຈາກ​ເທົ່າ​ນັ້ນ​ເທົ່າ​ນີ້​ ແຕ່​ຕົວເອງ​ບໍ່​ເຮັດໃຫ້​ເຂົາເບິ່ງ​ກ່ອນ​ ຫຼື​ ຈະ​ເ​ປັ​ນຄູ​ຫຍັງ​ກໍ​ຕາມ​.​.ເ​ປັ​ນຄູສອນຟ້ອນ​ກໍ​ຕ້ອງ​ຟ້ອນເປັນ​ ຫຼື ​ເ​ປັ​ນຄູ​ຫຍັງ​​ກໍ​ຕ້ອງ​ເຮັດ​ເປັນ​ກ່ອນ​ທັງ​ນັ້ນ.​ ພະ​ພຸດ​ທະອົງ​​ກໍ​ຄືກັນ​ ສອນ​ຕົວເອງ​ໄດ້​ແລ້ວ​ທ່ານ​ເອົາ​ຊະນະ​ຕົວເອງ​ໄດ້​ແລ້ວ​ ຈຶ່ງ​ໄດ້​ສະເດັດ​ອອກ​ໄປ​ເທສະໜາ​ໂຜດ​ປັນຈະ​ວັກ​ຄີ ​ແລະ ​ເວ​ໄນ​ຍະ​ສັດ​”.

ຄວາມປະໝາດ​ເປັນ​ບໍ່ເກີດ​ແຫ່ງ​ຄວາມ​ຕາຍ​

ຫຼວງ​ພໍ່​ມັກ​ຈະໃຫ້​ຂໍ້​ຄິດ​ກັບຄົນທີ່​ເອົາລົດ​ມາ​ໃຫ້​ທ່ານ​ເຈີມ​ວ່າ​ “ການ​ຂັບລົດ​ຢ່າງ​ລະ​ມັດ​ລະ​ວັງ​ບໍ່ປະໝາດ​ ສຳຄັນ​ກວ່າ​ການ​ເຈີມ.​ ເຊັ່ນ​ບູຮານ​ທ່ານ​ວ່າ​ ແລ່ນ​ບໍ່​ເບິ່ງ​ໜ້າເບິ່ງຫຼັງກໍ​ຕຳກັນ​ຕາຍ​ ການ​ຂັບລົດ​ຈະ​ຕ້ອງ​ເບິ່ງ​ທາງ​ ຖ້າ​ມັນ​ຄົດ​ໂຄ້ງ​ຈະ​ຕ້ອງ​ລະ​ມັດ​ລະ​ວັງ​”. “ຖ້າປະໝາດ​ເມື່ອ​ໃດ​ກໍ​ຕາຍ​ເມື່ອ​ນັ້ນ​ ເພາະ​ສະ​ນັ້ນ​ເຮັດ​ຫຍັງ​ທຸກ​ຢ່າງ​ ເຮັດໃຫ້​ດີ​ ຢ່າ​ໄດ້ປະໝາດ​ ຢ່າ​ຜັດ​ຜ່ອນ​ ຖ້າປະ​ໝາດ​ແລ້ວຄິດ​ໄດ້​ພາຍຫຼັງ​ຈະ​ເສຍ​ໃຈ​”.

ລະ​ເວັ້ນເຮັດ​ຊົ່ວ​, ເຮັດ​ຄວາມດີ​ ມີ​ສິນທຳ​ປະຈຳ​ໃຈ​

ລະ​ເວັ້ນເຮັດ​ຊົ່ວ​ ເຮັດ​ດີ​ ມີ​ສິນທຳ​ປະຈຳ​ໃຈ​ ຖື​ເປັນ​ຫົວ​ໃຈ​ຂອງ​ພະ​ພຸດ​ທ​ະສາສະໜາ​. ທ່ານ​ມັກ​ກ່າວ​ຢູ່​ສະເໝີ​ວ່າ​ “ຢາກ​ໃຫ້​ບ້ານ​ເຮົາ​ຈະເລີນ​ນະ​ ບໍ່​ຍາກດອກ.​ ຕັ້ງ​ຢູ່ໃນ​ອົງ​ປັນ​ຈະ​ທັງ​ 5 ຄື​: ຮັກສາ​ສິນ​ 5 ໃຫ້​ບໍລິສຸດ​ ບໍ່​ໃຫ້​ຂາດ​ ຢ່າ​ໃຫ້​ດ່າງ​ພ້ອຍ,​ ເປັນ​ມະນຸດ​ສຸດ​ປະ​ເສີດ​ ຫຼື​ ໃຜ​ກໍ​ຕາມ​ ແມ່ນແຕ່​ພະສົງ​ ເຮົາ​ກໍ​ຕ້ອງ​ຮັກສາ​ສິນ​ 5 ຖ້າ​ບໍ່​ມີ​ສິນ​ 5 ປະຈຳ​ໃຈ​ ບໍ່​ວ່າ​ພະ​ສົງຮູບ​ໃດ​ຮູບ​ໜຶ່ງ​ກໍ​ເປັນ​ພະສົງ​ບໍ່​ໄດ້​ຄືກັນ​”.

“ກູ​ໃຫ້​ມຶງ​ຮູ້​ຈັກ​ພໍ​”

ໃນ​ວັດ​ປະຕິບັດ​ຂອງ​ຫຼວງ​ພໍ່​ຄູນ​ຫຼາຍ​ປະ​ການ​ທີ່​ເປັນ​ການ​ສອນ​ທຳ​ໂດຍທາງ​ອ້ອມ​ ເຊັ່ນ:​ ການ​ຮັບເງິນ​ຈາກ​ຍາດ​ໂຍມ​ທີ່​ມາ​ບໍລິຈາກ​ໃຫ້​ທ່ານ​ນຳ​ໄປ​ສ້າງ​ສາທາລະນະ​ກຸສົນ​ ທ່ານ​ຈະ​ຈັບ​ພຽງ​ໃບ​ດຽວ ​ແລະ​ ເປັນ​ໃບ​ທີ່​ມີ​ຄ່າ​ໜ້ອຍ​ທີ່ສຸດ​ ຫຼວງ​ພໍ່​ບອກ​ວ່າ​ທີ່​ເຮັດ​ເຊັ່ນ​ນີ້​ເພາະ​…

“ກູ​ໃຫ້​ມຶງຮູ້ຈັກ​ພໍ​ເພາະ​ຜູ້ຄົ​ນ​ຫາເງິນ​ມາ​ດ້ວຍ​ຄວາມ​ຍາກ​ລຳ​ບາກ​ ຈັບທັງ​ໝົດ​ຈະ​ເປັນ​ການ​ເອົາ​ປຽບ​ຢາດ​ເຫື່ອ​ແຮງ​ງານ​ຂອງ​ຍາດ​ໂຍມ​ ເຮົາ​ຕ້ອງ​ມີ​ເມດຕາ​ແກ່​ເພື່ອນ​ມະນຸດ​ ເກີດ​ ແກ່​ ເຈັບ​ ຕາຍ​, ເຂົາ​ໃຫ້​ເທົ່າ​ໃດ​ກໍ​ເອົາ​ເທົ່າ​ນັ້ນ​ ມັນ​ເປັນ​ໄປ​ບໍ່​ໄດ້.​ ຢ່າ​ເອົາ​ຫຼາຍໆຫຼານ​ເອີຍ​ ໂລບ​ຂອງ​ຄົນ​ເຮົາ​ ຮ້ອຍ​ລ້ານ​ ພັນ​ລ້ານ​ ກໍ​ບໍ່​ພໍ​ ໃຫ້​ຮູ້​ຈັ​ກວ່າພໍ​ກັນ​ຈັກເທື່ອ​ ເວົ້າ​ວ່າ​ “ພໍ​” ກັນ​ຈັກ​ທີ.​ ການ​ຮັບ​ບໍລິຈາກ​ພຽງ​ສ່ວນໜຶ່ງ​ຂອງ​ກູ​ນີ້​ ເປັນ​ການ​ເຕືອນ​ສະຕິ ​ແລະ​ ສອນ​ພຸດ​ທ​ະສາສະນິກະຊົນ​ທັງ​ຫຼາຍ​ວ່າ​ໃຫ້​ຮູ້​ຈັກ​ພໍ.​ ຢ່າ​ໂລບ​ຫຼາຍ ​ຫຼື​ ໃຫ້ຫຼຸດ​ຄວາມ​ໂລບ​ ຄວາມ​ຢາກ​ໄດ້​ຂອງ​ຄົນ​ອື່ນ​ ຢ່າ​ບຽດ​ບຽນ​ເອົາ​​ປຽບ​ເຊິ່ງ​ກັນ​ ແລະ​ ກັນ​”.

“ເຮົາ​ຕ້ອງ​ໃຫ້ເຂົາ​ກ່ອນ​ ແລ້ວ​ເຂົາ​ກໍ​ຈະ​ໃຫ້​ເຮົາ​ພາຍ​ຫຼັງ​”

ດ້ວຍ​ບາລະມີ​ຂອງ​ຫຼວງ​ພໍ່​ຄູນ​ ເມື່ອ​ຕັ້ງ​ໃຈ​ຈະ​ສ້າງ​ຫຍັງ​ ສິ່ງ​ນັ້ນ​ຄວນ​ສຳ​ເລັດ​ ຄື​ ຈະ​ມີ​ຜູ້​ບໍລິຈາກ​ສົມ​ທົບ​ຢ່າງ​ຫຼວງ​ຫຼາຍ​. ເຄີຍ​ມີ​ຜູ້ສອບ​ຖາມ​ເລື່ອງ​ນີ້​ ຫຼວງ​ພໍ່​ຫົວຂຶ້ນ​ພ້ອມ​ບອກ​ວ່າ​ … “ເຮົາ​ຕ້ອງ​ໃຫ້ເຂົາ​ກ່ອນ​ ແລ້ວ​ເຂົາ​ກໍ​ຈະ​ໃຫ້​ເຮົາ​ພາຍ​ຫຼັງ​ ແລະ ​ເມື່ອ​ເຮົາ​ໄດ້ຮັບ​ການ​ບໍລິຈາກ​ມາ​ແລ້ວ​ ເຮົາ​ຄວນ​ທີ່​ຈະ​ເຮັດ​ຕົວໃຫ້​ເປັນ​ປະໂຫຍດ​ຕໍ່​ສັງຄົມ​ ບໍ່​ແມ່ນ​ຫວັງ​ເກັບ​ຫວັງ​ລວຍ​ແຕ່​ຢ່າງ​ດຽວ.​ ມັນ​ບໍ່​ແມ່ນ​ວິ​ໄສ​ຂອງ​ເພດ​ສະມະ​ນະ​ ເມື່ອເຂົາ​ເຫັນ​ເຮົາ​ນຳ​ໄປ​ເຮັດ​ປະໂຫຍດ​ ເຂົາ​ກໍ​ຍິ່ງ​ແຕ່​ຈະ​ມາ​ຊ່ວຍ​ເຮົາ​ ຖ້າ​ເຮົາ​ບໍ່​ນຳ​ໄປ​ເຮັດ​ບຸນ​ໃຫ້​ເຂົາ​ຕໍ່​ ເຂົາ​ຈະ​ໄດ້​ບຸນ​ຫຍັງ​”.

ການ​ດ່າ​ລູກ​ເປັນ​ອັບ​ປະມຸງ​ຄຸນ​ ເວົ້າ​ກັບ​ລູກ​ໆ​ແຕ່​ສິ່ງທີ່​ດີ​ໆ​ ມັນ​ຈະ​ໄດ້​ເປັນ​ມຸງ​ຄຸນ​

ຫຼວງ​ພໍ່​ຄູນ​ໃຫ້​ພອນ​ເນື່ອງ​ໃນ​ໂອ​ກາດວັນ​ເດັກ​ແຫ່ງ​ຊາດ​ຂອງໄທ ເມື່ອ ພ​.​ສ​.​ 2540 (ຄ.ສ. 1997)

“ກູ​ເອງ​ກໍ​ຂໍ​ໃຫ້​ເດັກ​ໄທ​ທຸກ​ຄົນ​ຈົ່ງ​ປະພຶດ​ຕົວໃຫ້​ເໝາະ​ສົມ​ກັບ​ທີ່​ເຮົາ​ເປັນ​ຊາດ​ໄທ​ ພວກ​ລູກ​ໆ​ ຫຼານ​ໆ​ ກໍ​ຂໍ​ໃຫ້​ຕັ້ງ​ໃຈ​ຮໍ່າຮຽນ​ສຶກ​ສາ​ຫາ​ຄວາມ​ຮູ້​ໃສ່ຕົວເອງ​ເອົາ​ໄວ້​ ເມື່ອ​ເຕີບໂຕ​ຂຶ້ນ​ເປັນ​ຜູ້ໃຫຍ່​ກໍ​ຈະ​ມີ​ວິ​ຊາ​ຫາ​ກິນ​ກັບເຂົາ​ ຢ່າ​ໄດ້​ເປັນ​ເດັກ​ເສເພ​ ໃຫ້​ຮູ້​ຈັກ​ຮັກ​ພໍ່​ແມ່​ ທ່ານ​ສັ່ງ​ສອນ​ບອກ​ຫຍັງ​ກໍ​ໃຫ້​ເຊື່ອ​ຟັງ​…”.

“ທາງ​ພວກ​ພໍ່​ແມ່​ກໍ​ສັ່ງ​ສອນ​ໃຫ້​ລູກ​ໆ​ ຖ້າ​ຈະ​ເອີ່ຍ​ຄຳ​ສອນ​ໃດ​ ກໍ​ຢ່າ​ໄປ​ເວົ້າ​ວ່າ​ ລູກ​ຄົນ​ນີ້​ດື້​ ລູກ​ຄົນ​ນີ້​ມຶນ​ ລູກ​ຄົນ​ນີ້​ເສເພ​ ລູກ​ຄົນ​ນີ້​ບອກ​ຍາກ​ສອນ​ຍາກ​ ເພາະ​ມຶງ​ໄປ​ວ່າ​ມັນ​ມາ​ແຕ່​ນ້ອຍ​ໆ​ ມັນ​ເປັນ​ອັບ​ປະມຸງ​ຄຸນ​ ແລະ ​ຈະ​ສົ່ງ​ເສີມ​ໃຫ້​ລູກ​ຂອງ​ມຶງ​ດື້​ແທ້ໆ.​ ພວກ​ມຶງ​ຕ້ອງ​ເວົ້າ​ຄຳ​ວ່າ​ ເປັນ​ຄົນ​ດີ,​ ບອກ​ງ່າຍ,​ ສອນ​ງ່າຍ,​ ບໍ່​ເຄີຍ​ເສເພ,​ ໃຫ້​ເວົ້າ​ກັບ​ລູກ​ໆ​ ແຕ່​ສິ່ງ​ດີ​ໆ​ ມັນ​ຈະ​ໄດ້​ເປັນ​ມຸງ​ຄຸນ ​ແລະ ​ມັນ​ກໍ​ຈະ​ໄດ້​ຈື່​ຈຳ​ເອົາ​ໄວ້​ ມຶງ​ເຮັດ​ຕາມ​ກູ​ບອກ​ເດີ້​ລູກ​ຫຼາຍ​ເອີຍ​”.

ຢ່າ​ໄປງົມງວາຍ​ເອົາເງິນ​ໄປ​ຊື້​ເລກ​ຫວຍ​

“ພວກ​ມຶງ​ມາຂໍໂຊກ​ພອນ​ ກູ​ກໍ​ໃຫ້​ພອນ ​ແລະ​ເຄາະ​ຫົວ​ ແຕ່​ເລື່ອງ​ເລກ​ເດັດ​ບໍ່​ມີ​ໃຫ້​ໃຜ​ດອກ​ ຢ່າ​ໄປງົມງວາຍ​ເອົາເງິນ​ໄປ​ຊື້​ເລກ​ຫວຍ​ກັນ​ເລີຍ​ ເກັບເງິນ​ໄວ້​ຊື້​ຂອງກິນດີກວ່າ​”,  (ເດ​ລິ​ນິວ​​ 25 ກັນຍາ​ 1998). ກໍລະນີ​ຂ່າວ​ເລກ​ເດັດ​ອາ​ຍຸຂອງ​ຫຼວງ​ພໍ່​ຄູນ​ທີ່​ສ້າງ​ຄວາມ​ສົນ​ໃຈ​ໃຫ້​ກັບ​ນັກ​ສ່ຽງ​ໂຊກ​ທົ່ວ​ປະເທດ​ ເຮັດໃຫ້​ຜູ້​ສື່​ຂ່າວ​ພະຍາຍາມ​ຕິດ​ຕໍ່ຂໍ​ສຳພາດ​ຫຼວງ​ພໍ່​ໝົດມື້​ ແຕ່​ຫຼວງ​ພໍ່​ບໍ່​ວ່າງ​ ເພາະ​ຮັບ​ແຂກ​ບໍ່​ຂາດ​ສາຍ​ຈົນ​ບໍ່​ໄດ້​ພັກ​ຜ່ອນ.​ ຫຼວງ​ພໍ່​ຄູນ​ໄດ້​ເວົ້າ​ເຕືອນ​ສະຕິ​ໄປ​ເຖິງ​ນັກ​ສ່ຽງ​ໂຊກ​ສັ້ນ​ໆ​ ວ່າ​ “ກູ​ບໍ່​ຢາກ​ເວົ້າ​ຫຍັງ​ທັງ​ນັ້ນ​ ບໍ່​ຢາກ​ໃຫ້​ລູກ​ຫຼານ​ມັນງົມງວາຍ​ເກີນ​ເຫດ​ ໃຜ​ຈະ​ໂຊ​ກດີ​ແລ້ວ​ແຕ່​ໂຊກ​ວາດສະໜາ​”  (ເດ​ລິ​ນິວ​ 31 ສິງ​ຫາ​ 1999).

ພໍ່​ແມ່​ທີ່​ຢູ່​ເທິງ​ເຮືອນ​ຕ້ອງ​ເຮັດ​ບຸນ​ທຸກ​ມື້​ ຄື​ຕ້ອງ​ຮູ້​ຈັກ​ຕອບ​ແທນ​ບຸນຄຸນ​ ຢ່າ​ມົວ​ແຕ່ລໍໄປ​ເຮັດ​ບຸນ​ 100 ມື້​ ເຊິ່ງ​ຈະ​ໄດ້​ບຸນ​ໜ້ອຍ​ກວ່າ​

ຫຼວງ​ພໍ່​ຄູນ​ແນະ​ນຳ​ສັ່ງ​ສອນ​ໃຫ້​ຮູ້​ຈັກ​ບຸນຄຸນ​ ແລະ​ ຕອບ​ແທນ​ບຸນຄຸນ​ຕໍ່​ຜູ້​ມີ​ພະຄຸນ,​ ພໍ່​ແມ່,​ ຄູ​ອາຈານ,​ ແຜ່ນດິນ​ ຫຼື​ ປະເທດ​ຊາດ​ອັນ​ເປັນ​ທີ່​ກຳ​ເນີດ,​ ເປັນ​ທີ່​ຢູ່​ອາໄສ​ ແລະ​ພະ​ເຈົ້າ​ແຜ່ນດິນ​ທີ່​ເປັນ​ສູນລວມ​ຈິດ​ໃຈ​ຂອງ​ຄົນ​ທັງ​ຊາດ (ໄທ). ຫຼວງ​ພໍ່​ບອກ​ວ່າ​ ຜູ້​ເປັນ​ລູກ​ຕ້ອງ​ຮູ້​ຈັກ​ຕອບ​ແທນ​ບຸນຄຸນ​ພໍ່​ແມ່​.

ຍິ່ງ​ເອົາ​ມັນຍິ່ງ​ອົດ​ ຍິ່ງສະຫຼະ​ໃຫ້​ໝົດ​ ມັນ​ຍິ່ງ​ໄດ້​

ຫຼວງ​ພໍ່​ຄູນ​ ເປັນ​ຕົວຢ່າງ​ທີ່​ດີ​ໃນ​ເລື່ອງ​ຂອງ​ການ​ບໍລິຈາກ​ທານ​ ຫຼື​ ການ​ເສຍສະຫຼະ​ເພື່ອ​ໃຫ້​ພຸດ​ທ​ະສາສະ​ນິກ​ະຊົນ​ປະຕິບັດ​ຕາມ​ ທ່ານ​ໄດ້​ດຳ​ເນີນ​ຊີວິດ​ບຳ​ເພັນ​ທານ​ບາລະ​ມີ​ຢ່າງ​ຈິງ​ຈັງ​ມາ​ໂດຍ​ຕະຫຼອດ​ຕາມ​ແນວ​ຂອງ​ພະ​ມະຫາ​ເວດ​ສັນ​ດອນ​.

ຢ່າ​ລອດ​ຄັນ​ນາ​ກໍ​ແລ້ວ​ກັນ​

ຍາດ​ໂຍມ​ຖາມ​ຫຼວງ​ພໍ່​ຄູນ​ວ່າ​ ເມື່ອ​ໃຫ້​ວັດ​ຖຸມ​ຸງຄຸນ ​ຫຼື​ ຝັງ​ຄາຖາຜູ້​ໃດ​ແລ້ວ​ ຫຼວງ​ພໍ່​ໄດ້​ຕັ້ງ​ກົດ​ເກນ​ໃນ​ການ​ປະຕິບັດ​ ຫຼື​ ຕ້ອງ​ “ຄະລຳ” ຂອງແນວໃດ​ ເຊິ່ງ​ກໍ​ໝາຍ​ເຖິງ​ຂໍ້​ຫ້າມ​ທີ່​ຈະ​ເຮັດ​ບໍ່ໄດ້​ ໃນ​ຂະນະ​ທີ່​ມີ​ວັດ​ຖຸມຸງຄຸນຢູ່​ໃ​ນຄອບ​ຄອງ​ ເພາະ​ເຊື່ອ​ວ່າ​ ຂອງ​ຂັງ​ເຫຼົ່າ​ນັ້ນ​ຈະ​ເສື່ອມ​ ແລະ ​ບໍ່​ມີ​ຄວາມ​ສັກສິດ​ອີກ​ຕໍ່ໄປ​ ທ່ານ​ຕອບ​ແບບ​ຕິດ​ຕະຫຼົກວ່າ​ “ກູ​ບໍ່​ໄດ້​ຕັ້ງ​ກົດ​ຫຍັງ​ດອກ​ ລອດ​ຫຍັງ​ກໍ​ໄດ້​ ແຕ່​ຢ່າ​ລອດ​ຫົວ​ຄັນ​ນາ​ກໍ​ແລ້ວ​ກັນ​”.

ທີ່​ຫຼວງ​ພໍ່​ເວົ້າ​ເຊັ່ນ​ນີ້​ ມີ​ຄວາມໝາຍ​ວ່າ​ ຜູ້​ທີ່​ມີ​ວັດ​ຖຸມຸງຄຸນນັ້ນ​ຈະ​ລອດ​ຫຍັງ​ກໍ​ໄດ້​ ວັດ​ຖຸມຸງຄຸນ​ນັ້ນ​ບໍ່​ເສື່ອມ​ ຍັງ​ຊົງ​ພຸດ​ທາ​ນຸ​ພາບ​ ແລະ​ ເປັນ​ສິ​ລິມ​ຸງຄຸນ​ສະເໝີ​ຕ​າບ​ເທົ່າ​ທີ່​ຜູ້​ນັ້ນ​ປະພຶດ​ຕົນ​ເປັນ​ຄົນ​ດີ​, ມີ​ສິນທຳ​, ບໍ່​ປະພຶດ​ຊົ່ວ​ ຄືກັບ​ການ​ລອດ​ຄັນ​ນາ​ທີ່​ບໍ່​ມີ​ຜູ້​ໃດ​ກະທຳ​ ເພາະ​ຄັນ​ນາ​ມີ​ໄວ້​ສຳລັບ​ຍ່າງ​ ບໍ່​ແມ່ນ​ລອດ​ ຜູ້​ທີ່​ມີ​ວັດ​ຖຸມຸງຄຸນ ​ແລະ ​ປະຕິບັດ​ຕາມ​ຈຶ່ງ​ເກີດ​ສິລິມຸງຄຸນກັບ​ຊີວິດ​ຕະຫຼອດ​ໄປ​.

Advertisement Replay Ad

ຂໍຂອບໃຈ

ຂໍ້ມູນ : Workpoint News

ການນຳລາວ ເຂົ້າຮ່ວມພິທີເປີດງານແຂ່ງຂັນ ກີລາການທະຫານໂລກ ຄັ້ງທີ 7 ທີ່ ສປ ຈີນ

ການນຳລາວ ເຂົ້າຮ່ວມພິທີເປີດງານແຂ່ງຂັນ ກີລາການທະຫານໂລກ ຄັ້ງທີ 7 ທີ່ ສປ ຈີນ

ໜຸ່ມອັງກິດ ຈົບຊີວິດຕົນເອງ ເພາະທໍລະມານຈາກການເຈັບແຂ້ວຊາວມາເປັນເດືອນ

ໜຸ່ມອັງກິດ ຈົບຊີວິດຕົນເອງ ເພາະທໍລະມານຈາກການເຈັບແຂ້ວຊາວມາເປັນເດືອນ

ປກສ ຈຳປາສັກ ຈັບກຸ່ມຄ້າຂາຍຢາບ້າ ພ້ອມຂອງກາງ 28,000 ເມັດ - ໝາກແຕກ 2 ໜ່ວຍ

ປກສ ຈຳປາສັກ ຈັບກຸ່ມຄ້າຂາຍຢາບ້າ ພ້ອມຂອງກາງ 28,000 ເມັດ - ໝາກແຕກ 2 ໜ່ວຍ

9 ເດືອນຜ່ານມາ ນັກທ່ອງທ່ຽວເຂົ້າມາລາວ ເພີ່ມຂຶ້ນ 11% ແຕ່ຍັງມີອີກຫຼາຍດ້ານຕ້ອງປັບປຸງ

9 ເດືອນຜ່ານມາ ນັກທ່ອງທ່ຽວເຂົ້າມາລາວ ເພີ່ມຂຶ້ນ 11% ແຕ່ຍັງມີອີກຫຼາຍດ້ານຕ້ອງປັບປຸງ

ລາວ-ຣັດເຊຍ ວາງແຜນກຽມເກັບກູ້ລະເບີດບໍ່ທັນແຕກ ທີ່ຍັງຕົກຄ້າງຢູ່ສະໜາມບິນທົ່ງໄຫຫິນ

ລາວ-ຣັດເຊຍ ວາງແຜນກຽມເກັບກູ້ລະເບີດບໍ່ທັນແຕກ ທີ່ຍັງຕົກຄ້າງຢູ່ສະໜາມບິນທົ່ງໄຫຫິນ

ກຽມສ້າງສວນສາທິດ ການຄົ້ນຄວ້າ ແລະ ພັດທະນາຢາພື້ນເມືອງລາວ

ກຽມສ້າງສວນສາທິດ ການຄົ້ນຄວ້າ ແລະ ພັດທະນາຢາພື້ນເມືອງລາວ

ເສັ້ນທາງລຽບແຄມຂອງຕອນເໜືອ ແຂວງບໍ່ແກ້ວ ກໍ່ສ້າງສຳເລັດແລ້ວ 70%

ເສັ້ນທາງລຽບແຄມຂອງຕອນເໜືອ ແຂວງບໍ່ແກ້ວ ກໍ່ສ້າງສຳເລັດແລ້ວ 70%

ນະຄອນຫຼວງວຽງຈັນ ປະເຊີນວິກິດນໍ້າປະປາບໍ່ມາໃນຫຼາຍເຂດ ສາເຫດຍ້ອນນໍ້າງື່ມບົກແຫ້ງຜິດປົກກະຕິ

ນະຄອນຫຼວງວຽງຈັນ ປະເຊີນວິກິດນໍ້າປະປາບໍ່ມາໃນຫຼາຍເຂດ ສາເຫດຍ້ອນນໍ້າງື່ມບົກແຫ້ງຜິດປົກກະຕິ

ເຊເວັນ-ອິເລເວັນ ຍີ່ປຸ່ນ ປະກາດຍົກເລີກການເປີດໃຫ້ບໍລິການ 24 ຊົ່ວໂມງ ໃນບາງສາຂາ

ເຊເວັນ-ອິເລເວັນ ຍີ່ປຸ່ນ ປະກາດຍົກເລີກການເປີດໃຫ້ບໍລິການ 24 ຊົ່ວໂມງ ໃນບາງສາຂາ

ສານປະຊາຊົນພາກກາງຈະສຸມໃສ່ພິຈາລະນາຄະດີໃຫ້ວ່ອງໄວ ເພື່ອຫຼຸດຫາງສຽງໂຈມຕີຈາກຄູ່ຄວາມ

ສານປະຊາຊົນພາກກາງຈະສຸມໃສ່ພິຈາລະນາຄະດີໃຫ້ວ່ອງໄວ ເພື່ອຫຼຸດຫາງສຽງໂຈມຕີຈາກຄູ່ຄວາມ

ລາວຍັງບໍ່ສາມາດດຶງດູດການລົງທຶນຂະໜາດໃຫຍ່ໄດ້ເທົ່າທີ່ຄວນ - 80% ເປັນໂຮງງານນ້ອຍ-ແບບຄອບຄົວ

ລາວຍັງບໍ່ສາມາດດຶງດູດການລົງທຶນຂະໜາດໃຫຍ່ໄດ້ເທົ່າທີ່ຄວນ - 80% ເປັນໂຮງງານນ້ອຍ-ແບບຄອບຄົວ

ພະຍາກອນອາກາດ: ຈະມີໝອກບາງປົກຫຸ້ມຢູ່ທົ່ວໄປ 21 - 27 ຕຸລານີ້

ພະຍາກອນອາກາດ: ຈະມີໝອກບາງປົກຫຸ້ມຢູ່ທົ່ວໄປ 21 - 27 ຕຸລານີ້

ກັບມາຢ່າງຍິ່ງໃຫຍ່ "STYLE Bangkok" ງານວາງສະແດງສິນຄ້າ Lifestyle ທີ່ໃຫຍ່ທີ່ສຸດໃນພາກພື້ນ

ກັບມາຢ່າງຍິ່ງໃຫຍ່ "STYLE Bangkok" ງານວາງສະແດງສິນຄ້າ Lifestyle ທີ່ໃຫຍ່ທີ່ສຸດໃນພາກພື້ນ

'ຈັສຕິນ ທຣູໂດ' ຊະນະການເລືອກຕັ້ງ ໄດ້ເປັນນາຍົກແຄນາດາອີກສະໄໝ ແຕ່ບໍ່ສາມາດຄອງສຽງຂ້າງຫຼາຍໄດ້

'ຈັສຕິນ ທຣູໂດ' ຊະນະການເລືອກຕັ້ງ ໄດ້ເປັນນາຍົກແຄນາດາອີກສະໄໝ ແຕ່ບໍ່ສາມາດຄອງສຽງຂ້າງຫຼາຍໄດ້

ຊົມຄວາມໜ້າອັດສະຈັນ ຂອງຖະໜົນອັນຄົດລ້ຽວ ແຫ່ງພູພຽງປາມີ ເທິງດິນແດນຈີນ

ຊົມຄວາມໜ້າອັດສະຈັນ ຂອງຖະໜົນອັນຄົດລ້ຽວ ແຫ່ງພູພຽງປາມີ ເທິງດິນແດນຈີນ

ຊຽງຂວາງ-ຫວຽດນາມ ຈະຈັດພິທີໄວ້ອາໄລ ດວງວິນຍານນັກຮົບເກົ່າ ຢ່າງຍິ່ງໃຫຍ່

ຊຽງຂວາງ-ຫວຽດນາມ ຈະຈັດພິທີໄວ້ອາໄລ ດວງວິນຍານນັກຮົບເກົ່າ ຢ່າງຍິ່ງໃຫຍ່

ເສັ້ນທາງ 13 ເໜືອ ແຕ່ສີເກີດຫາໂພນໂຮງ ຈະໄດ້ຮັບການຂະຫຍາຍ ແລະ ບູລະນະ

ເສັ້ນທາງ 13 ເໜືອ ແຕ່ສີເກີດຫາໂພນໂຮງ ຈະໄດ້ຮັບການຂະຫຍາຍ ແລະ ບູລະນະ

ການກໍ່ສ້າງເຂື່ອນນ້ຳງື່ມ 3 ຄືບໜ້າກວ່າ 72% ແລ້ວ

ການກໍ່ສ້າງເຂື່ອນນ້ຳງື່ມ 3 ຄືບໜ້າກວ່າ 72% ແລ້ວ

ຕຳຫຼວດກັກຕົວໄວໜຸ່ມ 1 ໃນ 2​0 ຄົນ ທີ່ລຸມຕີຄົນດຽວຈົນໝົດສະຕິ

ຕຳຫຼວດກັກຕົວໄວໜຸ່ມ 1 ໃນ 2​0 ຄົນ ທີ່ລຸມຕີຄົນດຽວຈົນໝົດສະຕິ

ກອງຮ້ອຍທະຫານຊາຍແດນ ແຂວງຫົວພັນ ໄດ້ຮັບລົດ UAZ ຈຳນວນ 7 ຄັນ

ກອງຮ້ອຍທະຫານຊາຍແດນ ແຂວງຫົວພັນ ໄດ້ຮັບລົດ UAZ ຈຳນວນ 7 ຄັນ

ສົ່ງອີເມວຫາໝູ່

ສົ່ງໃຫ້ໝູ່ຫຼາຍຄົນ “,” (ສົ່ງພ້ອມກັນຫຼາຍສຸດ 50 ອີເມວ)

ສົ່ງອີເມວ